ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ ସଦସ୍ୟ ୟଶପାଲ ଶର୍ମାଙ୍କ ପରଲୋକ । ୧୯୮୩ ବିଶ୍ୱକପ୍ ବିଜୟୀ ଦଳର ସଦସ୍ୟ ଥିଲେ ୟଶପାଲ । ମଙ୍ଗଳବାର ସକାଳେ ହୃଦଘାତରେ ତାଙ୍କର ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୬୬ ବର୍ଷ ବୟସ ହୋଇଥିଲା । ୟଶପାଲ ଶର୍ମା ଭାରତ ପାଇଁ ୩୭ଟି ଟେଷ୍ଟ ମ୍ୟାଚ୍ ଓ ୪୨ଟି ଏକଦିବସୀୟ ମ୍ୟାଚ୍ ଖେଳିଥିଲେ । ୧୯୮୩ରେ ଭାରତକୁ ବିଶ୍ୱକପ୍ ଜିତାଇବା ପାଇଁ ୟଶପାଲଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଥିଲା । ସେ ୧୧ ଅଗଷ୍ଟ ୧୯୫୪ ମସିହାରେ ଲୁଧିୟାନାରେ ଜନ୍ମଗ୍ରହଣ କରିଥିଲେ । ସେ ଜଣେ ଦକ୍ଷ ମିଡିଲ ଅର୍ଡର ବ୍ୟାଟ୍ସମ୍ୟାନ୍ ଥିଲେ । ସେ ୧୯୭୯ରେ ଇଂଲଣ୍ଡ ବିପକ୍ଷରେ ଡେବ୍ୟୁ କରିଥିବା ବେଳେ ୩୭ଟି ଟେଷ୍ଟରେ ୧୬୦୬ରନ୍ କରିଥିଲେ । ଯେଉଁଥିରେ ୨ଟି ଶତକ ଏବଂ ୯ଟି ଅର୍ଦ୍ଧ ଶତକ ରହିଛି । ସେ ୧୯୭୮ ମସିହାରେ ପାକିସ୍ତାନ ବିପକ୍ଷରେ ଡେବ୍ୟୁ କରିଥିଲେ ।
ଆମ୍ବୁଲାନ୍ସ ଡ୍ରାଇଭରଙ୍କୁ ସୁରକ୍ଷାକର୍ମୀ ଗୋଡ଼ାଇ ପିଟିବା ଘଟଣା, ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଡ୍ରାଇଭରଙ୍କ ଆନ୍ଦୋଳନ
ବୁର୍ଲା: କିଛିଦିନର ବ୍ୟବଧାନ ପରେ ପୁଣି ଚର୍ଚ୍ଚାରେ ବୁର୍ଲା ଭୀମସାର। ଆଜି ଭିମସାରରେ ନିୟୋଜିତ ବେସରକାରୀ ସୁରକ୍ଷାକର୍ମୀ ଓ ଭୀମସାର ନିକଟରେ ଥିବା ମା ତାରିଣୀ ବେସରକାରୀ ଆମ୍ବୁଲାନ୍ସ ଚାଳକ ସଂଘ ମୁହାଁମୁହିଁ ହୋଇଥିଲେ। ସୁରକ୍ଷାକର୍ମୀ ମାନେ ବେସରକାରୀ ଆମ୍ବୁଲାନ୍ସ ଡ୍ରାଇଭର ମାନଙ୍କୁ ଦୌଡାଇ ଦୌଡାଇ ମାଡ଼ ମାରିଥିବା ଭଳି ଗୁରୁତର ଅଭିଯୋଗ ହୋଇଛି। ଭିମସାରରେ ଦୀର୍ଘ ବର୍ଷ ହେଲା ଏହି ଆମ୍ବୁଲାନ୍ସ ସଂଘ ଭିମସାରରେ ରୋଗୀଙ୍କୁ ଆମ୍ବୁଲାନ୍ସ ସେବା ଯୋଗାଇ ଆସୁଛନ୍ତି। ହେଲେ ଭିମସାରରେ ନିୟୋଜିତ ସୁରକ୍ଷାକର୍ମୀ ଓ ସୁପରଭାଇଜର ମାନେ ଏହି ଡ୍ରାଇଭର ମାନଙ୍କୁ ଗାଡି ଚଳାଇବା ନିମନ୍ତେ ବଟି ଦାବି କରିଥାନ୍ତି।
ନଚେତ ଭିମସାରରେ ଗାଡି ଚଳାଇ ପାରିବେ ନାହିଁ ବୋଲି ସଂଘ ପକ୍ଷରୁ ଅଭିଯୋଗ ହୋଇଛି। ଆଜି ଏନେଇ ଉଭୟ ମୁହାଁମୁହିଁ ହୋଇଥିଲେ। ଫଳରେ ଦୀର୍ଘ ସମୟ ପର୍ଯ୍ୟନ୍ତ ଉତ୍ତେଜନା ପ୍ରକାଶ ପାଇଥିଲା। ପରେ ଡ୍ରାଇଭର ମାନଙ୍କୁ ଦୌଡାଇ ଦୌଡାଇ ପିଟିବା ପ୍ରତିବାଦରେ ଆମ୍ବୁଲାନ୍ସ ଚାଳକ ସଂଘ ପକ୍ଷରୁ ଏକ ଶୋଭାଯାତ୍ରା ବାହାର କରିବା ସହିତ ବୁର୍ଲା ଥାନା ଘେରାଉ କରିଥିଲେ। ଦୋଷୀ ସୁରକ୍ଷାକର୍ମୀ ଓ ସୁପରଭାଇଜର ଉପରେ କାର୍ଯ୍ୟାନୁଷ୍ଠାନ ନ ହେବା ପର୍ଯ୍ୟନ୍ତ ଡ୍ରାଇଭର ସଂଘ ପକ୍ଷରୁ ଭିମସାରରେ ରୋଗୀଙ୍କୁ ଆମ୍ବୁଲାନ୍ସ ସେବା ବନ୍ଦ ରଖିବ ବୋଲି ସଂଘ ସଭାପତି ସୂଚନା ଦେଇଛନ୍ତି।
କମୁଛି ଆକ୍ରାନ୍ତଙ୍କ ସଂଖ୍ୟା: ବଢ଼ୁଛି ମୃତକଙ୍କ ସଂଖ୍ୟା
ନୂଆଦିଲ୍ଲୀ: ଦେଶରେ କମୁଛି କରୋନା ସଂକ୍ରମଣ । ହେଲେ ବଢିଛି କରୋନା ମୃତ୍ୟୁସଂଖ୍ୟା । ଦିନକରେ ୨୦୨୦ ଆକ୍ରାନ୍ତଙ୍କ ଜୀବନ ନେଇଛି କିଲର ଭାଇରସ୍ । ଦେଶରେ ମୋଟ୍ କରୋନା ମୃତ୍ୟୁସଂଖ୍ୟା ୪ଲକ୍ଷ ୧୦ହଜାର ୭୮୪ ରହିଛି । ସେପଟେ ୧୧୮ଦିନରେ ସବୁଠୁ କମ୍ ପଜିଟିଭ ୩୧ହଜାର ୪୪୩ ଚିହ୍ନଟ ହୋଇଛନ୍ତି । ସୁସ୍ଥତା ହାର ୯୭.୨୮ ପ୍ରତିଶତକୁ ବଢିଥିବା ବେଳେ ଆକ୍ଟିଭ କେସ୍ ୧୦୯ ଦିନରେ ସବୁ କମ୍ ୪ଲକ୍ଷ ୩୧ହଜାର ୩୧୫ ରହିଛି ।
ଅପରପକ୍ଷରେ ରାଜ୍ୟରେ ଲଗାତାର ଖସୁଛି କରୋନା ସଂକ୍ରମଣ। ଗତ ୨୪ ଘଣ୍ଟାରେ ଚିହ୍ନଟ ହେଲେ ୧୯୩୦ କରୋନା ପଜିଟିଭ। କ୍ୱାରେଣ୍ଟାଇନରୁ ୧୧ ଶହ ୧୭ ଜଣ ଥିବା ବେଳେ ଲୋକାଲ କଣ୍ଟାକ୍ଟ ରହିଛି ୮୧୩ । ତେବେ ସଂକ୍ରମଣ ନିୟନ୍ତ୍ରଣ ଆସୁଥିଲେ ବି ମୃତ୍ୟୁ ସଂଖ୍ୟାରେ ଲାଗୁନି ବ୍ରେକ୍। ରାଜ୍ୟରେ ଆଉ ୬୮ ଜଣଙ୍କର ଜୀବନ ନେଲା ମହାମାରୀ। ଖୋର୍ଦ୍ଧାରୁ ସର୍ବାଧିକ ୪୩୧ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୨୨୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ସେହିପରି ଅନୁଗୁଳରୁ ୫୦, ବାଲେଶ୍ୱରରୁ ୧୩୪, ବରଗଡ଼ରୁ ୧୨, ଭଦ୍ରକରୁ ୯୮, ବଲାଙ୍ଗୀରୁ ୧, ବୌଦ୍ଧରୁ ୩, ଦେବଗଡ଼ରୁ ୮, ଢ଼େଙ୍କାନାଳରୁ ୬୨, ଗଜପତିରୁ ୪, ଗଞ୍ଜାମରୁ ୧୭, ଜଗତସିଂହପୁରରୁ ୭୫, ଯାଜପୁରରୁ ୧୨୫, ଝାରସୁଗୁଡ଼ାରୁ ୧୬, ଗଳାହାଣ୍ଡିରୁ ୭, କନ୍ଧମାଳରୁ ୨୭, କେନ୍ଦ୍ରାପପଡ଼ାରୁ ୧୨୩, କେନ୍ଦୁଝରରୁ ୪୮, କୋରାପୁଟ ରୁ ୧୪, ମାଲଗାନାଗିରିରୁ ୨୮, ମୟୂରଭଞ୍ଜରୁ ୯୮, ନବରଙ୍ଗପୁରରୁ ୫, ନୟାଗଡ଼ରୁ ୫୮, ନୂଆପଡ଼ାରୁ ୨, ପୁରୀରୁ ୨୭, ରାୟଗଡ଼ାରୁ ୩୮, ସମ୍ବଲପୁରରୁ ୨୫, ସୋନପୁରରୁ ୫, ସୁନ୍ଦରଗଡ଼ରୁ ୯୪, ଷ୍ଟଟପୁଲରୁ ୭୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।
ଏଥିସହିତ ପଢ଼ନ୍ତୁ: ପୁଅ କାହିଁକି ଭୋଗିବ ପିତାର ସଜ୍ଜା; ଆତଙ୍କବାଦୀ ସଲାହୁଦ୍ଦିନଙ୍କ ପୁଅର ସମର୍ଥନରେ ବାହାରିଲେ ମହବୁବା
କରୋନା ସଂଖ୍ୟା କମୁନଥିବାରୁ କଟକ ଓ ଖୋର୍ଦ୍ଧା ଜିଲ୍ଲାକୁ ସ୍ୱତନ୍ତ୍ର ଫୋକସ
ଭୁବନେଶ୍ୱର: ରାଜ୍ୟରେ ସଂକ୍ରମଣ କମୁଛି। ଗତ କିଛି ଦିନର ସଂକ୍ରମଣ ସଂଖ୍ୟାକୁ ତୁଳନା କଲେ ବର୍ତ୍ତମାନର ସଂଖ୍ୟା କମି କମି ଆସୁଛି। କଟକ ଓ ଖୋର୍ଦ୍ଧା ସମେତ କିଛି ଜିଲ୍ଲାକୁ ସେଥିପାଇଁ ସ୍ୱତନ୍ତ୍ର ଫୋକସ ଦିଆଯାଉଛି ବୋଲି ଡିଏମ୍ଇଟି ସିବିକେ ମହାନ୍ତି କହିଛନ୍ତି। ପ୍ରତ୍ୟେକ ଦିନର ସଂକ୍ରମଣ ହାର ଅନ୍ୟାନ୍ୟ ତଥ୍ୟକୁ ସମୀକ୍ଷା କରାଯାଉଛି ଓ ସେହି ଅନୁସାରେ ଅନଲକ ନେଇ ସରକାର ନିଷ୍ପତି ବେବେ। ସଂକ୍ରମଣ କମୁଥିବାରୁ ଲୋକ ଢିଲା ପଣ ହେବା ଅନୁଚିତ। କାରଣ ଢ଼ିଲାପଣ ହେଲେ ସ୍ଥିତି ଆଗକୁ ଆହୁରି ଗମ୍ଭିର ହୋଇପାରେ। କିନ୍ତୁ ସଂକ୍ରମଣ ବଢୁଥିବା ରାଜ୍ୟରୁ ଆସୁଥିବା ଲୋକମାନଙ୍କ ଉପରେ କଟକଣା ରହିବା ଦରକାର। କେନ୍ଦ୍ର ସରକାର ଏହା ଉପରେ ଆବଶ୍ୟକ ପଦକ୍ଷେପ ନେବା ଦରକାର। ଯେଉଁ ମାନେ ଆସୁଛନ୍ତି ତାଙ୍କ କ୍ୱାରେଣ୍ଟାଇନ କରିବା ସହ ତାଙ୍କ ଉପରେ ନଜର ରହିବ। ଯେଉଁମାନେ ସଂକ୍ରମଣ ବଢୁଥିବା ରାଜ୍ୟରୁ ଫେରୁଥିବା ଲୋକମାନେ ପୁଣି ଥରେ ବିପଦ ସୃଷ୍ଟି କରିବାର ଯଥେଷ୍ଟ ସମ୍ଭାବନା ରହିଛି। ପୂର୍ବରୁ ବଡ଼ରିଂ ଜିଲ୍ଲା ଓ ବିଶେଷ ପ୍ରଭାବିତ ରାଜ୍ୟରୁ ଫେରିଥିବା ଲୋକମାନେ ସଂକ୍ରମଣ ବଢାଇଥିଲେ। ତେଣୁ ଆମକୁ ସଚେତନ ରହିବା ଦରକାର ନ ହେଲେ ବିପଦ ପୁଣି ବଢ଼ିବ।
୨୦୩୦ରେ ଚନ୍ଦ୍ରରେ ହେବ ହଲଚଲ, ଏହି କାରଣରୁ ଦେଶରେ ଆସିବ ବିନାଶକାରି ବଡ଼ ବନ୍ୟା
ନୂଆଦିଲ୍ଲୀ: ଜଳବାୟୁ ପରିବର୍ତ୍ତନ କାରଣରୁ ପୃଥିବୀର ଅନେକ ସ୍ଥାନରେ ହଠାତ୍ ପାଣିପାଗରେ ପରିବର୍ତ୍ତନ ଆସିଥାଏ। ଯେଉଁ କାରଣରୁ ଅନେକ ଦେଶରେ ବିଶେଷ ବନ୍ୟା ବତ୍ୟା ଭୂକମ୍ପ ପରି ପରିସ୍ଥିତିର ସାମ୍ନା ହୁଅନ୍ତି। ଯଦି ଦେଖିବା ଆମେରିକାରେ ଏଭଳି ପରିସ୍ଥିତି ଅନେକ ବାର ଦେଖାଯାଇଥାଏ। ବର୍ତ୍ତମାନ ଏକ ଅଧ୍ୟୟନରୁ ଜଣାପଡିଛି ଯେ ଜଳବାୟୁ ପରିବର୍ତ୍ତନର ଏକ କାରଣ ପୃଥିବୀର ଉପଗ୍ରହ ଚନ୍ଦ୍ର ମଧ୍ୟ ହୋଇପାରେ। ଚନ୍ଦ୍ର କାରଣରୁ ଆଗକୁ ଆହୁରି ବଡ଼ ବନ୍ୟା ଆସିପାରେ। ଏଭଳି ଅଧ୍ୟନ କରିଛି ଆମେରିକାର ସ୍ପେସ୍ ଏଜେନ୍ସି ନ୍ୟାସନାଲ ଏରୋନେଟିକ୍ସ ଆଣ୍ଡ ସ୍ପେସ୍ ଆଡମିନିଷ୍ଟ୍ରେସନ୍ ବା ନାସା । ଏହି ଅଧ୍ୟୟନରେ କୁହାଯାଇଛି ଯେ ଜଳବାୟୁ ପରିବର୍ତ୍ତନ ହେତୁ ସମୁଦ୍ର ପତ୍ତନ ବୃଦ୍ଧି ସହିତ ଚନ୍ଦ୍ରର କକ୍ଷରେ ହଲଚଲ ହେବାଦ୍ୱାରା ପୃଥିବୀରେ ଭୟଙ୍କର ବନ୍ୟା ପରିସ୍ଥିତି ସୃଷ୍ଟି କରିବ। ଏହି ଅଧ୍ୟୟନ ଜୁନ୍ ୨୧ ରେ ପ୍ରକୃତି ଉପରେ ଜଳବାୟୁ ପରିବର୍ତ୍ତନ ପତ୍ରିକାରେ ପ୍ରକାଶିତ ହୋଇଛି।
ଅଧ୍ୟୟନରେ ଚନ୍ଦ୍ର ପାଇଁ ସୃଷ୍ଟି ହେବାକୁ ଥିବା ବନ୍ୟାକୁ ‘ଉପଦ୍ରବି ବନ୍ୟା’ ବୋଲି କୁହାଯାଇଛି। ଏହି ପ୍ରକାର ବନ୍ୟା ଉପକୂଳବର୍ତ୍ତୀ ଅଞ୍ଚଳରେ ଘଟିଥାଏ, ଯେତେବେଳେ ସମୁଦ୍ରର ତରଙ୍ଗ ହାରାହାରି ଦୈନିକ ଉଚ୍ଚତାଠାରୁ ୨ ଫୁଟରୁ ଅଧିକ ବଢ଼େ। ଏପରି ପରିସ୍ଥିତି ବ୍ୟବସାୟ ପାଇଁ ସମସ୍ୟା ସୃଷ୍ଟି କରିଥାଏ, ଯେତେବେଳେ ଘର ଏବଂ ରାସ୍ତା ପାଣିରେ ବୁଡିଯାଏ ଏବଂ ଦୈନିକ କାର୍ଯ୍ୟ ପ୍ରଭାବିତ ହୋଇଥାଏ ।
ନାସା ଅଧ୍ୟୟନ ଅନୁଯାୟୀ ୨୦୩୦ର ମଧ୍ୟଭାଗରେ ଏହି ବନ୍ୟା ପରିସ୍ଥିତି ବାରମ୍ବାର ହେବ ଏବଂ ଏହା ମଧ୍ୟରେ ଅନିୟମିତତା ମଧ୍ୟ ଦେଖାଦେବ। ଅଧ୍ୟୟନରେ କୁହାଯାଇଛି ଯେ ଆମେରିକାର ଉପକୂଳରେ ସମୁଦ୍ର ତରଙ୍ଗ ସେମାନଙ୍କ ସାଧାରଣ ଉଚ୍ଚତାଠାରୁ ତିନିରୁ ଚାରି ଫୁଟ ଉଚ୍ଚକୁ ବୃଦ୍ଧି ପାଇବ ଏବଂ ଏହି ଧାରା ଏକ ଦଶନ୍ଧି ପର୍ଯ୍ୟନ୍ତ ଜାରି ରହିବ। ଆହୁରି ମଧ୍ୟ କୁହାଯାଇଛି ଯେ ବର୍ଷସାରା ଏହି ବନ୍ୟା ପରିସ୍ଥିତି ନିୟମିତ ରହିବ ନାହିଁ।
ନାସାର ପ୍ରଶାସକ ବିଲ୍ ନେଲସନ କହିଛନ୍ତି ଯେ ସମୁଦ୍ର ଜଳ ପତ୍ତନ ବୃଦ୍ଧି ହେତୁ ସମୁଦ୍ର ପତନଠାରୁ ତଳେ ଥିବା ଅଂଚଳରେ ବିପଦ କ୍ରମାଗତ ଭାବେ ବଢ଼ୁଛି ଏବଂ ବାରମ୍ବାର ବନ୍ୟା ହେତୁ ଲୋକମାନେ ମଧ୍ୟ ଅସୁବିଧାର ସମ୍ମୁଖୀନ ହେଉଛନ୍ତି। ଆଗାମୀ ଦିନରେ ଏହା ବୃଦ୍ଧି ପାଇବ। ସେ କହିଛନ୍ତି, “ଚନ୍ଦ୍ରର କକ୍ଷପଥରେ ପରିବର୍ତ୍ତନ ହେତୁ ମାଧ୍ୟାକର୍ଷଣ , ସମୁଦ୍ର ପତ୍ତନ ବୃଦ୍ଧି ଏବଂ ଜଳବାୟୁ ପରିବର୍ତ୍ତନ ମିଳିତ ଭାବରେ ଉପକୂଳବର୍ତ୍ତୀ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି କରିବ।”
ପୃଥିବୀରେ ହେଉଥିବା ବନ୍ୟାରେ ଚନ୍ଦ୍ରର ପ୍ରଭାବ ବିଷୟରେ ବର୍ଣ୍ଣନା କରି ହାୱାଇ ବିଶ୍ୱବିଦ୍ୟାଳୟର ସହକାରୀ ପ୍ରଫେସର ତଥା ଅଧ୍ୟୟନର ମୁଖ୍ୟ ଲେଖକ ଫିଲ୍ ଥମ୍ପସନ୍ କହିଛନ୍ତି ଯେ ଯେତେବେଳେ ଚନ୍ଦ୍ରର କକ୍ଷପଥରେ ‘ହଲଚଲ’ ହୁଏ ସେତେବେଳେ ଏହା ସ୍ଥିର ହେବାକୁ ୧୮.୬ ବର୍ଷ ଲାଗେ। କିନ୍ତୁ, ପୃଥିବୀରେ ବଢ଼ୁଥିବା ଉତ୍ତାପ ହେତୁ ସମୁଦ୍ର ପତ୍ତନ ବୃଦ୍ଧି ସହିତ ଏହା ବିପଜ୍ଜନକ ହୋଇଯାଏ।
ଥମ୍ପସନ୍ କହିଛନ୍ତି, “୧୮.୬ ବର୍ଷରେ, ପ୍ରାୟ ଅଧା ସମୟ, ଅର୍ଥାତ୍ ପୃଥିବୀରେ ପ୍ରାୟ ୯ ବର୍ଷ, ସମୁଦ୍ରରେ ସାଧାରଣ ଜୁଆର ଉଚ୍ଚତା ବୃଦ୍ଧି କମିଯାଏ। ଏବଂ ନିମ୍ନ ଜୁଆର ସାଧାରଣତ ଅଧିକ ଉଚ୍ଚା ହୋଇଥାଏ। ପରବର୍ତ୍ତୀ ୯ ବର୍ଷ ପର୍ଯ୍ୟନ୍ତ ଏହାର ଓଲଟା ହୋଇଥାଏ। ଏହିଭଳି ପରିସ୍ଥିତି ପୁଣି ୨୦୩୦ରେ ପରିଲକ୍ଷିତ ହେବ, ଯାହା ସାଧାରଣ ଜୀବନ ଉପରେ ବିଶେଷ ପ୍ରଭାବ ପକାଇବ, ବିଶେଷ କରି ଉପକୂଳବର୍ତ୍ତୀ ଅଞ୍ଚଳରେ।
ପିତଳ ବାସନ ସଫା କରିବାକୁ ଆସିଥିଲେ, ଲୁଣ୍ଡି ବୁଲେଇଲେ ୨ ଲକ୍ଷ ଟଙ୍କାର ଅଳଙ୍କାର
ଯାଜପୁର: ଗହଣା ସଫେଇ କରିବା ଆଳରେ ଲୁଟିନେଲେ ସୁନା ଅଳଙ୍କାର। ଆଖି ମିଟିକାରେ ଚାଲିଗଲା ଦୁଇ ଲକ୍ଷ୍ୟ ଟଙ୍କାର ସୁନା। ଏଭଳି ସାଙ୍ଘାତିକ ଲୁଟର ଅଭିଯୋଗ ହୋଇଛି ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ଅଧୀନ ଗୋପାଳପୁର ପଂଚାୟତ ଗଜେନ୍ଦ୍ରପୁର ଗାଁରେ। ଉକ୍ତ ଗାଁ ରବୀନ୍ଦ୍ର ଶାନ୍ତିଙ୍କ ଘରୁ ସୁନା ଅଳଙ୍କାର ଲୁଟ ହୋଇଛି। ଖବର ମୁତାବକ ଦୁଇ ଜଣ ଦୁର୍ବୁତ୍ତ ରବୀନ୍ଦ୍ରଙ୍କ ଘରେ ପହଞ୍ଚି ପିତଳ ବାସନ ସଫା କରିଦେବୁ କହିଥିଲେ। ରବୀନ୍ଦ୍ରଙ୍କ ପତ୍ନୀ ଉର୍ମିଳା ଶାନ୍ତି ତାଙ୍କୁ ପିତଳ ବାସନ ଦେଇଥିଲେ। ପରେ ରୁପା ଅଳଙ୍କାର ସଫା କରିଥିଲେ।
ସୁନା ଅଳଙ୍କାର ସଫା କରିବା ପାଇଁ ମାଗିଥିଲେ ଦୁର୍ବୃତ୍ତ। ମହିଳା ଜଣକ ସୁନା ଅଳଙ୍କାର ଦେଇଥିଲେ। ଦୁର୍ବୃତ୍ତ ମାନେ ଏକ ବାଲଟି ରେ ସୁନା ଅଳଙ୍କାର ସହ ପାଉଡର ମିଶାଇ ରଖିଥିଲେ। ଅଧଘଣ୍ଟା ପରେ ବାଲ୍ଟି ରୁ ସୁନା ଅଳଙ୍କାର ବାହାର କରିବାକୁ କହି ସେଠାରୁ ଚାଲି ଯାଇଥିଲେ। ଅଧ ଘଣ୍ଟା ପରେ ଉର୍ମିଳା ଦେଖନ୍ତି ତ ବାଲ୍ଟି ରେ ସୁନା ନାହିଁ ତିନୋଟି ଗୋଡି ପୁଡିଆ ପଡିଛି। ଏ ନେଇ ରବୀନ୍ଦ୍ରଙ୍କ ପରିବାର ପକ୍ଷରୁ ବାଲିଚନ୍ଦ୍ରପୁର ଥାନାରେ ଲିଖିତ ଅଭିଯୋଗ କରାଯଇଛି। ବାଲିଚନ୍ଦ୍ରପୁର ପୋଲିସ ଘଟଣାର ଅଧିକ ତଦନ୍ତ ଚଳାଇଛି ।
ତେଲ ଦର ଦୃଦ୍ଧି ନେଇ ରାଜ୍ୟର ସମସ୍ତ ପେଟ୍ରୋଲ ପମ୍ପ ସାମ୍ନାରେ ପ୍ରତିବାଦ କରିବ ନବ ନିର୍ମାଣ ଯୁବ ଛାତ୍ର ସଂଗଠନ
ଭୁବନେଶ୍ୱର: ଦେଶରେ ବାରମ୍ବାର ବଢ଼ି ଚାଲିଛି ତେଲ ଦର। ଦେଶରେ ୧୦୦ ପାର ହୋଇଛି ତୈଳ ଦର। ରାଜ୍ୟରେ ମଧ୍ୟ ତେଲ ଦର ୧୦୦ ପାର ହୋଇଛି। କେତେକ ସ୍ଥାନରେ ୧୦୪ ତ କେଉଁଠି ୧୦୩ ରହିଛି ତେଲ ଦର। ତୈଳ ଦର ବୃଦ୍ଧି ପ୍ରତିବାଦରେ ନବ ନିର୍ମାଣ ଯୁବ ଛାତ୍ର ସଂଗଠନ ପକ୍ଷରୁ ଆଜି ରାଜ୍ୟବ୍ୟାପୀ ୧୨ଘଣ୍ଟିଆ ପେଟ୍ରୋଲ ପମ୍ପ ବନ୍ଦ ଡାକରା ଦିଆଯାଇଛି। ଏନେଇ ସୂଚନା ଦେଇଛନ୍ତି ସଂଗଠନର ରାଜ୍ୟ ସଂଯୋଜକ ମନ୍ୱର ଅଲ୍ଲୀ। ସକାଳ ୬ଟା ଠାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ସମସ୍ତ ପେଟ୍ରୋଲ ପମ୍ପ ବନ୍ଦ ରଖିବାକୁ ସଂଗଠନ ପକ୍ଷରୁ ଆହ୍ୱାନ ଦିଆଯାଇଛି। ଭୁବନେଶ୍ୱରରେ ୯ଟା ଠାରୁ ସଂଗଠନର ସଦସ୍ୟମାନେ ମୋଟର ସାଇକେଲ ଶୋଭାଯାତ୍ରାରେ ବାହାରି ବିଭିନ୍ନ ପେଟ୍ରୋଲ ପମ୍ପ ସମ୍ମୁଖରେ ପିକେଟିଂ କରିବାର କାର୍ଯ୍ୟକ୍ରମ ରହିଛି। ସେପଟେ ସଂଗଠନର ରାଜ୍ୟ ସଂଯୋଜକ ମନ୍ୱର ଅଲ୍ଲୀ ରାମ ମନ୍ଦିର ଛକ ନିକଟରେ ଅନଶନରେ ବସିବାର କାର୍ଯ୍ୟକ୍ରମ ରହିଛି।
ରାଜ୍ୟରେ ସୁଧୁରୁଛି କରୋନା ସଂକ୍ରମଣ, ଚିହ୍ନଟ ହେଲେ ୧୯୩୦ ଜଣ କରୋନା ସଂକ୍ରମିତ
ଭୁବନେଶ୍ୱର: ରାଜ୍ୟରେ ଲଗାତାର ଖସୁଛି କରୋନା ସଂକ୍ରମଣ। ଗତ ୨୪ ଘଣ୍ଟାରେ ଚିହ୍ନଟ ହେଲେ ୧୯୩୦ କରୋନା ପଜିଟିଭ। କ୍ୱାରେଣ୍ଟାଇନରୁ ୧୧ ଶହ ୧୭ ଜଣ ଥିବା ବେଳେ ଲୋକାଲ କଣ୍ଟାକ୍ଟ ରହିଛି ୮୧୩ । ତେବେ ସଂକ୍ରମଣ ନିୟନ୍ତ୍ରଣ ଆସୁଥିଲେ ବି ମୃତ୍ୟୁ ସଂଖ୍ୟାରେ ଲାଗୁନି ବ୍ରେକ୍। ରାଜ୍ୟରେ ଆଉ ୬୮ ଜଣଙ୍କର ଜୀବନ ନେଲା ମହାମାରୀ। ଖୋର୍ଦ୍ଧାରୁ ସର୍ବାଧିକ ୪୩୧ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୨୨୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ସେହିପରି ଅନୁଗୁଳରୁ ୫୦, ବାଲେଶ୍ୱରରୁ ୧୩୪, ବରଗଡ଼ରୁ ୧୨, ଭଦ୍ରକରୁ ୯୮, ବଲାଙ୍ଗୀରୁ ୧, ବୌଦ୍ଧରୁ ୩, ଦେବଗଡ଼ରୁ ୮, ଢ଼େଙ୍କାନାଳରୁ ୬୨, ଗଜପତିରୁ ୪, ଗଞ୍ଜାମରୁ ୧୭, ଜଗତସିଂହପୁରରୁ ୭୫, ଯାଜପୁରରୁ ୧୨୫, ଝାରସୁଗୁଡ଼ାରୁ ୧୬, ଗଳାହାଣ୍ଡିରୁ ୭, କନ୍ଧମାଳରୁ ୨୭, କେନ୍ଦ୍ରାପପଡ଼ାରୁ ୧୨୩, କେନ୍ଦୁଝରରୁ ୪୮, କୋରାପୁଟ ରୁ ୧୪, ମାଲଗାନାଗିରିରୁ ୨୮, ମୟୂରଭଞ୍ଜରୁ ୯୮, ନବରଙ୍ଗପୁରରୁ ୫, ନୟାଗଡ଼ରୁ ୫୮, ନୂଆପଡ଼ାରୁ ୨, ପୁରୀରୁ ୨୭, ରାୟଗଡ଼ାରୁ ୩୮, ସମ୍ବଲପୁରରୁ ୨୫, ସୋନପୁରରୁ ୫, ସୁନ୍ଦରଗଡ଼ରୁ ୯୪, ଷ୍ଟଟପୁଲରୁ ୭୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।
ଦେଶରେ ସକ୍ରିୟ ହୋଇଛି ମୌସୁମୀ, ପ୍ରବଳ ବର୍ଷା କାରଣରୁ ବିଗୁଡ଼ୁଛି ସ୍ଥିତି
ନୂଆଦିଲ୍ଲୀ: ଦିଲ୍ଲୀ-ଏନସିଆରରେ ପହଞ୍ଚିଛି ମୌସୁମୀ। ପାଣିପାଗ ବିଭାଗ ଅନୁଯାୟୀ ହରିୟାଣାର ଦିଲ୍ଲୀ ଏବଂ ଗୁରୁଗ୍ରାମରେ ମୌସୁମୀ ପ୍ରବେଶ କରିଛି। ମଙ୍ଗଳବାର ସକାଳେ ଦିଲ୍ଲୀ-ଏନସିଆରରେ ବର୍ଷା ହୋଇଥିଲା ଯେଉଁଥିପାଇଁ ତାପମାତ୍ରାରେ ହ୍ରାସ ହୋଇଥିବା ରେକର୍ଡ କରାଯାଇଛି। ଦିଲ୍ଲୀରେ ବର୍ଷା ଏବଂ ଥଣ୍ଡା ପବନ ଯୋଗୁଁ ଲୋକମାନେ ପ୍ରବଳ ଗରମରୁ ଆରାମ ପାଇଛନ୍ତି।
ସେପଟେ ଦେଶର କେତେକ ସ୍ଥାନରେ ସକ୍ରିୟ ହୋଇଛି ମୌସୁମୀ। ଉତ୍ତର ଭାରତରେ ମୌସୁମୀ ଭୟଙ୍କର ରୂପ ଧାରଣ କରିଛି। ହିମାଚଳ ପ୍ରଦେଶରେ ବାଦଲଫଟା ବର୍ଷା, ଉତ୍ତରାଖଣ୍ଡରେ ଧସିଲା ମାଟି। ଭୀଷଣ ବନ୍ୟାର ରୂପ ନେଇଛି ମୌସୁମୀ ବର୍ଷା। ବହୁ ଅଞ୍ଚଳ ପାଣି ଘେରରେ ଥିବା ବେଳେ ଲୋକଙ୍କୁ ବିପଦପୂର୍ଣ୍ଣ ଭାବେ ଉଦ୍ଧାର କରାଯାଉଥିବା ଦୃଶ୍ୟ ସାମ୍ନାକୁ ଆସୁଛି। ଉତ୍ତରାଖଣ୍ଡର ଡେରାଡୁନର ଦୃଶ୍ୟ ଦେଖନ୍ତୁ। କିପରି ପାଣି ସୁଅକୁ କାଟି କିଛି ମହିଳା ଓ ପୁରୁଷଙ୍କୁ ବଞ୍ଚାଯାଉଛି। ବର୍ଷା ଓ ପାଣି ଲହରୀ ଯୋଗୁଁ କାର୍ ଗୁଡିକ ଖେଳଣା ପରି ଭାସିବାକୁ ଲାଗିଥିଲେ। ହଠାତ୍ ବାଦଲଫଟା ବର୍ଷା ଯୋଗୁ ନଦୀରେ ପାଣି ଭର୍ତ୍ତି ହୋଇଯାଇଛି।
ଏମିତିକି ନଦୀ କୂଳିଆ ଅଞ୍ଚଳକୁ ଆର୍ଲଟ କରାଯାଇଛି। ଭୀଷଣ ବର୍ଷା ଯୋଗୁଁ କିଛି କିଛି ସ୍ଥାନରେ ମାଟି ଧସି ଯାଇଛି। କିଛି ରାସ୍ତା କଟି ଯାଇଥିବା ବେଳେ ଯାତାୟାତ ବାଧାପ୍ରାପ୍ତ ହୋଇଛି। ମଣ୍ଡି ଜିଲ୍ଲାର ଏନଏଚ ୩ ବନ୍ଦ କରିଦିଆଯାଇଛି। ଉଦ୍ଧାର ପାଇଁ ଏନଡିଆରଏଫ୍ ଟିମ୍ ନିୟୋଜିତ ହୋଇଛନ୍ତି। ପାଣିପାଗ ବିଭାଗର ପୂର୍ବାନୁମାନ ଆହୁରି ୪୮ ଘଣ୍ଟା ହିମାଞ୍ଚଲରେ ବର୍ଷା ହେବ। ଜମ୍ମୁ କାଶ୍ମୀରରେ ମଧ୍ୟ ଭୀଷଣ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଛି।
ରାଜ୍ୟରେ ଖସୁଛି କରୋନା ସଂକ୍ରମଣ, ହେଲେ ଚିନ୍ତା ବଢ଼ାଇଲାଣି ଲାମ୍ବଡ଼ା ଭ୍ୟାରିଆଣ୍ଟ
ନୂଆଦିଲ୍ଲୀ: ରାଜ୍ୟରେ ଖସୁଛି କରୋନା ଗ୍ରାଫ୍। ୨ ହଜାର ତଳକୁ ଖସିଲା ଦୈନିକ ସଂକ୍ରମଣ। ଶହେ ତଳେ ରହିଛି ୨୫ଜିଲ୍ଲା। ଲକଡାଉନ୍ ଓ ସଟଡାଉନ୍ ଫଳରେ ଦୈନିକ ସଂକ୍ରମଣ କମିବାରେ ଲାଗିଛି। ହେଲେ ଚିନ୍ତା ବଢାଇଲାଣି ଲାମ୍ବଡା ଭ୍ୟାରିଆଣ୍ଟ। ଦକ୍ଷିଣ ଆମେରିକାର ଚିଲି ଓ ପେରୁରୁ ୨୭ଟି ଦେଶକୁ ବ୍ୟାପିଲାଣି ଲାମ୍ବଡା। ବ୍ରିଟେନ, ବ୍ରାଜିଲ ଓ ଦକ୍ଷିଣ ଆଫ୍ରିକା ଷ୍ଟ୍ରେନର ଭୟାବହତା ଏବେଠାରୁ ଚିନ୍ତା ବଢାଇଲାଣି। ଭୂତାଣୁର ମ୍ୟୁଟେସନ ସହ ନୂତନ ଶକ୍ତିଶାଳୀ ଭ୍ୟାରିଆଣ୍ଟ ଜନ୍ମ ନେଉଛି। ଲାମ୍ବଡା ଏମାନଙ୍କଠାରୁ ଅଧିକ ଭୟାନକ ଅଟେ। କାରଣ ଚିଲି ଓ ପେରୁରେ ଏହା ଅନେକ ଜୀବନ ନେଲାଣି। ଲାମ୍ବଡା ବିରୋଧରେ କୋଭାକ୍ସିନ ଓ କୋଭିସିଲଡ୍ ପ୍ରଭାବଶାଳୀ ହେଉନଥିବା ନେଇ ଆଶଙ୍କା କରୁଛନ୍ତି ବିଶେଷଜ୍ଞ। ଅନ୍ୟ ଭୂତାଣୁ ଅପେକ୍ଷା ଏହା ଦୁଇଗୁଣା ଅଧିକ ସଂକ୍ରାମକ ବୋଲି ଜଣାପଡିଛି। ତେବେ ଏଯାଏ ଭାରତରେ ଲାମ୍ବଡା ଭୟ ଆସିନି।