spot_img
Home Blog Page 5408

ଭକ୍ତି ବେଦାନ୍ତ ସ୍ୱାମୀ ପ୍ରଭୁପାଦଜୀ ମଧ୍ୟ ଥିଲେ ଭାରତର ମହାନ୍ ଭକ୍ତ: ପ୍ରଧାନମନ୍ତ୍ରୀ

0

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶ୍ରୀଲ ଭକ୍ତି ବେଦାନ୍ତ ସ୍ୱାମୀ ପ୍ରଭୁପାଦଜୀଙ୍କ ୧୨୫ତମ ଜନ୍ମବାର୍ଷିକୀ ଅବସରରେ ଆଜି ଏକ ସ୍ମାରକୀ ମୁଦ୍ରା ଉନ୍ମୋଚନ କରିଛନ୍ତି ।

ଏହି ଅବସରରେ ଉଦ୍‌ବୋଧନ ଦେଇ ପ୍ରଧାନମନ୍ତ୍ରୀ କହିଛନ୍ତି, ପବିତ୍ର ଜନ୍ମାଷ୍ଟମୀ ସାଙ୍ଗକୁ ଶ୍ରୀଲ ପ୍ରଭୁପାଦଜୀଙ୍କ ୧୨୫ତମ ଜନ୍ମବାର୍ଷିକୀ ଏକ ଅପୂର୍ବ ସଂଯୋଗ । ଆଜାଦୀ କା ଅମୃତ ମହୋତ୍ସବ କାଳରେ ହିଁ ଏହା ହେଉଛି ବୋଲି ସେ କହିଥିଲେ । ସେଥିପାଇଁ ଆଜି ଶ୍ରୀଲ ପ୍ରଭୁପାଦ ସ୍ୱାମୀଙ୍କ ଲକ୍ଷ ଲକ୍ଷ ଅନୁଗାମୀ ଓ କୋଟି କୋଟି କୃଷ୍ଣ ପ୍ରେମୀ ବିଶ୍ୱବାସୀ ଏହି ଅଭିଜ୍ଞତା ସାଉଁଟୁଛନ୍ତି।

ପ୍ରଭୁପାଦ ସ୍ୱାମୀ ଅସହଯୋଗ ଆନ୍ଦୋଳନକୁ ସମର୍ଥନ ଜଣାଇ ସେ ସ୍କଟିଶ କଲେଜରୁ ଡିପ୍ଲୋମା ଗ୍ରହଣ କରିବାକୁ ମନା କରିଦେଇଥିଲେ ବୋଲି ପ୍ରଧାନମନ୍ତ୍ରୀ କହିଥିଲେ। ଆମେ ଯେତେବେଳେ ଅନ୍ୟ ଦେଶକୁ ଯାଇଥାଏଁ ଓ ସେଠାକାର କେହି ସାକ୍ଷାତ କାଳରେ ହରେ କୃଷ୍ଣ ବୋଲି ଉଚ୍ଚାରଣ କରେ ଆମକୁ ଗର୍ବିତ ଓ ଆପଣାର ଭଳି ଲାଗେ । ଯେତେବେଳେ ମେକ ଇନ୍ ଇଣ୍ଡିଆ ସାମଗ୍ରୀ ପାଇଁ  ସେହିଭଳି ସନ୍ତୋଷ ମିଳିବ ଓ ଆମେ ଇସ୍କନଠାରୁ ଅନେକ ଶିଖି ପାରିବା।

ପ୍ରଧାନମନ୍ତ୍ରୀ କହିଥିଲେ ଯେ ସ୍ୱାମୀ ବିବେକାନନ୍ଦ ଯେତେବେଳେ ବେଦାନ୍ତକୁ ପାଶ୍ଚାତ୍ୟକୁ ନେଇଯାଇଥିଲେ, ସେତେବେଳେ ଶ୍ରୀଲ ପ୍ରଭୁପାଦ ଏବଂ ଇସ୍କନ ଭକ୍ତିଯୋଗକୁ ବିଶ୍ୱାଭିମୁଖୀ କରାଇପାରିଥିଲେ । ସେ ଭକ୍ତି ବେଦାନ୍ତକୁ ବିଶ୍ୱ ଚେତନା ସହ ଯୋଡିଥିଲେ ।

ତେବେଏଥିରେ ଅନ୍ୟମାନଙ୍କ ମଧ୍ୟରେ ସଂସ୍କୃତି, ପର୍ଯ୍ୟଟନ ଏବଂ ଉତ୍ତର ପୂର୍ବାଞ୍ଚଳ ଉନ୍ନୟନ ମନ୍ତ୍ରୀ ଶ୍ରୀ ଜି. କିଶନ ରେଡ୍ଡୀ ମଧ୍ୟ ଉପସ୍ଥିତ ଥିଲେ ।

 

ଟ୍ରେନ ଦୁର୍ଘଟଣାରେ ଚାଲିଗଲା ୪ ଜୀବନ

ଚକ୍ରଧରପୁର: କାଳ ସାଜିଲା ଲୌହଦାନବ । ଟ୍ରେନ ଦୁର୍ଘଟଣାରେ ଚାଲିଗଲା ୪ ଜଣଙ୍କ ଜୀବନ। ଦିନ ୩ଟା ୩୦ରେ ଝାଡ଼ଖଣ୍ଡ ଚକ୍ରଧରପୁର ନିକଟସ୍ଥ ଵିଞ୍ଜାଇ ବ୍ରିଜ ନିକଟରେ ଘଟିଛି ଦୁର୍ଘଟଣା ।

ସୂଚନା ଅନୁଯାୟୀ, ଦୁରନ୍ତ ଏକ୍ସପ୍ରେସ ଧକ୍କାରେ ୪ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ତିନି ଜଣ ମହିଳା ଓ ଜଣେ ପୁରୁଷ ରହିଥିବା ବେଳେ ସମସ୍ତେ ଗୋଟିଏ ପରିବାରର ବୋଲି ଜଣାପଡିଛି। ମୃତକଙ୍କ ନା ଓ ଘର ଠିକଣା ପ୍ରକାଶ କରିଛି ରେଳ ବିଭାଗ । ସମସ୍ତ ମୃତକ ହେଲେ ସରେଇକଳା ଖରସୁଆଁ ଜିଲ୍ଲା ଅନ୍ତର୍ଗତ ତିଲଙ୍ଗଜୋରୀ ଗାଁର । ମୃତକ ହେଲେ ସୁମି ପୁର୍ତ୍ତି, ଜେମା ପୁର୍ତ୍ତି, ଵନେରଶ ପୁର୍ତ୍ତି ଓ ଅମର ସିଂହ ପୁର୍ତ୍ତି ।

ତେବେ ସେମାନେ ଟ୍ରେନ୍ ଟ୍ରାକ ପାର କରି ଜଣେ ସମ୍ପର୍କୀୟଙ୍କ ଘରକୁ ଯାଉଥିବା ବେଳେ ଘଟିଛି ଏହି ଦୁର୍ଘଟଣା। ଜଣେ ଅନ୍ୟ ଜଣକୁ ବଞ୍ଚାଇବା ପାଇଁ ଯାଇ ମୃତ୍ୟୁ ମୁଖରେ ପଡିଥିବା ନେଇ ସୁତ୍ରରୁ ପ୍ରକାଶ। ସମସ୍ତ ମୃତ ଦେହକୁ ଉଦ୍ଧାର କରି ତଦନ୍ତ ଚଳାଇଛି ରେଲୱେର ବିଭାଗୀୟ ଅଧିକାରୀ ଓ ରେଲୱେ ପୋଲିସ।

ଆମେରିକାକୁ ଟାର୍ଗେଟ୍ କଲେ ରୁଷ ରାଷ୍ଟ୍ରପତି; ୨୦ ବର୍ଷରେ କ’ଣ ହାସିଲ କରିଛି?

କାବୁଲ: ଆଫଗାନିସ୍ତାନ ପ୍ରସଙ୍ଗରେ ରୁଷର ରାଷ୍ଟ୍ରପତି ଭ୍ଲାଦିମାର ପୁଟିନ ଆମେରିକା ଉପରେ ବର୍ଷିଛନ୍ତି । ସେ କହିଛନ୍ତି ଯେ ଆଫଗାନିସ୍ତାନରେ ଆମେରିକାର ସୈନ୍ୟ ହସ୍ତକ୍ଷେପ ସବୁ ପକ୍ଷକୁ କ୍ଷତି ପହଞ୍ଚାଇଛି । ଆଉ ଆମେରିକା କ୍ଷତି ବ୍ୟତୀତ ଆଉ କିଛି ଲାଭ କରିପାରିନାହିଁ। ଯଦି କେହି କାହା ପାଇଁ କିଛି କରିବାକୁ ଯାଉଛନ୍ତି, ତେବେ ସେମାନେ ସେହି ଲୋକଙ୍କର ଇତିହାସ, ସଂସ୍କୃତି, ଜୀବନ ଦର୍ଶନ ଉପରେ ବିଷୟରେ ଜାଣିବାକୁ ଚାହୁଁଛନ୍ତି। ଆଉ ଏହାବ୍ୟତୀତ ସେମାନଙ୍କର ପରମ୍ପରାକୁ ସମ୍ମାନ ଦେବା ଉଚିତ୍ ।

ପୁଟିନ ଆହୁରି କହିଛନ୍ତି ଯେ ଆମେରିକାର ସୖେନ୍ୟବାହିନୀ ୨୦ ବର୍ଷ ଧରି ଆଫଗାନିସ୍ତାନରେ ରହିଥିଲେ । ସେହି ୨୦ ବର୍ଷ ମଧ୍ୟରେ ଆଫଗାନିସ୍ତାନର ଲୋକଙ୍କୁ ଆମେରିକୀୟ ସଭ୍ୟତା ଶିକ୍ଷା ଦେବାରେ ବହୁ ଚେଷ୍ଟା କରି ବିଫଳ ହୋଇଥିଲେ।

ଅଗଷ୍ଟ ୩୧ ତାରିଖରେ ଆମେରିକା ସେନା ଆଫଗାନିସ୍ତାନରୁ ସମ୍ପୂର୍ଣ୍ଣ ପ୍ରତ୍ୟାବର୍ତ୍ତନ କରିଛି । ଆଉ ଆମେରିକାର ରାଷ୍ଟ୍ରପତି ଜୋ ବିଡେନ ଏହାକୁ ସୈନ୍ୟ ଅଭିଯାନର ଏକ ଯୁଗର ପରିସମାପ୍ତି ବୋଲି କହିଛନ୍ତି।

Critic Claimed Russian President Valdimir Putin Suffering From Cancer

 

ରୁଷର ଚିନ୍ତା ବଢିଛି-
ଆଫଗାନିସ୍ତାନରୁ ଆମେରିକା ବାହାରିବା ପରେ ଋଷର ଚିନ୍ତା ବଢିଛି। ମଧ୍ୟ ଏସିଆରେ କଠୋରପନ୍ଥୀ ଇସଲାମର ବିସ୍ତାର ହେଉ ବୋଲି ରୁଷ ଚାହୁଁ ନାହିଁ । ଖାସ୍ ଏହିଭଳି କାରଣ ଲାଗି ତାଜିକିସ୍ତାନ ଭଳି ଦେଶକୁ ତାଲିବାନରୁ ସୁରକ୍ଷା ଦେବା ପାଇଁ ଋଷ ପ୍ରତିଶ୍ରୁତି ଦେଇଛି । ଯେଉଁଥିପାଇଁ ଋଷ ତାଜିକିସ୍ତାନରେ ନିଜର ସାମରିକ ବେସକୁ ମଜବୁତ କରିବାରେ ଲାଗିପଡିଛି  ।

ଋଷର ସୁରକ୍ଷା ଏବଂ ଗୁପ୍ତଚର ଏଜେନ୍ସିମାନେ ସୁରକ୍ଷା ମୁଖ୍ୟମାନଙ୍କୁ ମଧ୍ୟ ଏସିଆର ଅସ୍ଥିରତା, ତାଲିବାନର ବିସ୍ତାର, ଉଗ୍ରବାଦୀଙ୍କ ଅନୁପ୍ରବେଶ ଏବଂ ଆଫଗାନିସ୍ତାନରେ ଅଫିମ୍ ଉତ୍ପାଦନ ସମ୍ପର୍କରେ ସତର୍କ କରାଇଛନ୍ତି।

ଗାଈକୁ ଜାତୀୟ ପଶୁ ଘୋଷଣା କରାଯାଉ: ହାଇକୋର୍ଟ

ଆହ୍ଲାବାଦ: ବୖେଦିକ, ପୗେରାଣିକ, ସାଂସ୍କୃତିକ ମହତ୍ୱ ଏବଂ ସାମାଜିକ ଉପଯୋଗିତାକୁ ଦୃଷ୍ଟିରେ ରଖି ଗାଈକୁ ଜାତୀୟ ପଶୁ ଭାବେ ଘୋଷଣା କରିବାକୁ ଆହ୍ଲାବାଦ ହାଇକୋର୍ଟ ପରାମର୍ଶ ଦେଇଛନ୍ତି। ଭାରତରେ ଗାେମାତାକୁ ମା ବୋଲି ବିବେଚନା କରାଯାଏ ବୋଲି କୋର୍ଟ କହିଛନ୍ତି। ଏହା ହିନ୍ଦୁମାନଙ୍କର ଆସ୍ଥାର ବିଷୟ ।

ଗୋମାଂସ ଖାଇବା କାହାର ମୗେଳିକ ଅଧିକାର ନୁହେଁ ବୋଲି କୋର୍ଟ କହିଛନ୍ତି। ପୁରୁଣା ଅସୁସ୍ଥ ଗାଈ ମଧ୍ୟ କୃଷି ପାଇଁ ଉପଯୋଗୀ| ଏହାର ହତ୍ୟାକୁ ଅନୁମତି ଦେବା ଠିକ୍ ନୁହେଁ। ଏହା ଭାରତୀୟ କୃଷିର ମେରୁଦଣ୍ଡ ।

ସମଗ୍ର ବିଶ୍ୱରେ ଭାରତ ହେଉଛି ଏକମାତ୍ର ଦେଶ ଯେଉଁଠି ସବୁ ବର୍ଗର ଲୋକ ବାସ କରନ୍ତି। ପୂଜାପାର୍ବଣ ଭିନ୍ନ ହୋଇଥିଲେ ମଧ୍ୟ ସମସ୍ତଙ୍କ ଚିନ୍ତାଧାରା ସମାନ । ଏଠି ସମସ୍ତେ ପରସ୍ପରର ଧର୍ମକୁ ସମ୍ମାନ ଦିଅନ୍ତି । କୋର୍ଟ କହିଛନ୍ତି ଯେ ଯଦି ଗାଈକୁ ହତ୍ୟା କରୁଥିବା ବ୍ୟକ୍ତିକୁ ଛଡାଯାଏ, ତେବେ ପୁଣି ଅପରାଧ କରିବ। ସମ୍ୱଲର ଜାଭେଦଙ୍କ ଜାମିନ ଆବେଦନକୁ କୋର୍ଟ ଖାରଜ କରିଦେଇଛନ୍ତି। ଏହି ରାୟ ଦେଇଛନ୍ତି ଜଷ୍ଟିସ ଶେଖର କୁମାର ଯାଦବ।

ଜାମିନ ଆବେଦନ ଉପରେ ସରକାରୀ ଓକିଲ ଏସ.କେ ପାଲ ଏବଂ ଏଜିଏ ମିଥୀଲେଶ କୁମାର ବିରୋଧ କରିଥିଲେ। ଆବେଦନକାରୀ ଖିଲେନ୍ଦ୍ର ସିଂ ଗାଈକୁ ଚୋରି କରିବା ସହ ଜଙ୍ଗଲରେ ଅନ୍ୟ ଗାଈ ମାନଙ୍କୁ ହତ୍ୟା କରିବା ସଙ୍ଗେସଙ୍ଗେ ମାଂସ ଏକଜୁଟ୍ କରୁଥିଲା । ଏହି ଘଟଣା ପଦାକୁ ଆସିବା ପରେ ସେ ମାର୍ଚ୍ଚ ୨୧ ତାରିଖରୁ ଜେଲରେ ଅଛି ।

କୋର୍ଟ ଆହୁରି ମଧ୍ୟ କହିଛନ୍ତି ଯେ ୨୯ଟି ରାଜ୍ୟ ମଧ୍ୟରୁ ୨୪ଟିରେ ଗୋମାତା ବଧ କରିବା ନିଷେଧ । ଗୋଟିଏ ଗାଈ ନିଜ ଜୀବନରେ ୪୧୦ରୁ ୪୪୦ ଲୋକଙ୍କୁ ଖାଦ୍ୟ ଯୋଗାଇଥାଏ । କିନ୍ତୁ ଗୋମାଂସ କେବଳ ୮୦ ଲୋକଙ୍କ ପେଟ ଭରିଥାଏ ।ମହାରାଜା ରଣଜିତ ସିଂ ଗାେ ହତ୍ୟା ଉପରେ ମୃତ୍ୟୁଦଣ୍ଡ ନିର୍ଦ୍ଦେଶ ଦେଇଥିଲେ। ଅନେକ ମୁସଲିମ୍ ଏବଂ ହିନ୍ଦୁ ରାଜା ଗାେ ହତ୍ୟାକୁ ବାରଣ କରିଥିଲେ।

ଅପରପକ୍ଷେ ବେଦ ତଥା ପୁରାଣରେ ଗାେମାତାଙ୍କ ମହିମା ବର୍ଣ୍ଣିତ ହୋଇଛି । ସମ୍ବିଧାନରେ ମଧ୍ୟ ଗାେ ସଂରକ୍ଷଣ ଉପରେ ମଧ୍ୟ ଗୁରୁତ୍ୱ ଦିଆଯାଇଛି।

ଗନ୍ଧମାର୍ଦ୍ଦନ ପର୍ବତ ଅଞ୍ଚଳ ହେବ ସୌନ୍ଦର୍ଯ୍ୟକରଣ, ୨୦୨୨ ସୁଦ୍ଧା ସରିବ ସମସ୍ତ କାର୍ଯ୍ୟ

ଭୁବନେଶ୍ୱର: ଗନ୍ଧମାର୍ଦ୍ଦନ ପର୍ବତ ଅଞ୍ଚଳରେ ହରିଶଙ୍କର, ନୃସିଂହ ନାଥ ବିକାଶ ପ୍ଲାନ୍‌ର ତୃତୀୟ ବୈଠକ । ୨୦୨୨ ସୁଦ୍ଧା ସମସ୍ତ କାର୍ଯ୍ୟ ସାରିବାକୁ ଲକ୍ଷ୍ୟ ରଖାଯାଇଛି। ଏନେଇ ମୁଖ୍ୟମନ୍ତ୍ରୀଙ୍କ ଆଗରେ ସବିଶେଷ ପ୍ଲାନ୍‌ ଉପସ୍ଥାପନ କରାଯାଇଛି । ଏହି ଦୁଇ ମନ୍ଦିର ବିକାଶ ବେଳେ ସାଂସ୍କୃତିକ, ଧାର୍ମିକ, ପାରିବେଶିକ ଓ ଦୁଃସାହସିକ ପର୍ଯ୍ୟଟନକୁ ଗୁରୁତ୍ବ ଦିଆଯିବ । ପର୍ଯ୍ୟଟକଙ୍କ ପାଇଁ ରାସ୍ତାର ସୌନ୍ଦର୍ଯ୍ୟକରଣ, ପାର୍କିଂ, ଭେଣ୍ଡିଂ ଜୋନ୍‌, ରିଲିଜିୟସ୍‌ ଷ୍ଟ୍ରିଟ୍‌, କଲଚରାଲ୍‌ ପ୍ଲାଜା ସହ ସମସ୍ତ ସୁବିଧା କରାଯିବ ।

ଏହାସହ ପାରମ୍ପରିକ ହର୍ବାଲ ସେଣ୍ଚର ମଧ୍ୟ କରାଯିବ । ଉଦ୍ୟାନ, ପିକନିକ୍‌ ଜୋନ୍‌, କିଡ୍‌ସ ଜୋନ୍‌, ଆମ୍ପିଥିଏଟର ପ୍ରଭୃତି କରିବା ପାଇଁ ବ୍ଲୁପ୍ରିଣ୍ଟ ପ୍ରସ୍ତୁତ ହୋଇଛି । ମନ୍ଦିରର ଆଲୋକୀକରଣ, ଧର୍ମଶାଳା, ଭୋଗ ମଣ୍ଡପ ଓ ରୋଶଶାଳାର ପୁନରୁଦ୍ଧାର କରାଯିବ । ୧୮କିଲୋମିଟର ଟ୍ରେକିଂ ଟ୍ରାକ୍‌, କାଫେ, ଓ୍ବାଚ ଟାଓ୍ବାର ନିର୍ମାଣ କରାଯିବ । ଏହି ସମସ୍ତ ଅଞ୍ଚଳରେ ରାଜ୍ୟ ସରକାରଙ୍କ ବିକାଶର ଧାରା ପ୍ରବାହିତ କରିବା ପାଇଁ ପ୍ରସ୍ତୁତ ସ୍ଥାନୀୟ ପ୍ରଶାସନ  ।

ମାଛ ବଦଳାଇ ଦେଲା ଧୀବରଙ୍କ ଭାଗ୍ୟ, ବନିଲେ କୋଟିପତି

ରୋଜଗାର ଆଶାରେ ମତ୍ସ୍ୟଜୀବୀ ମାନେ ମାଛ ଧରୁଥିବା ବେଳେ ସୌଭାଗ୍ୟବଶତଃ ବେଳେବେଳେ ସେମାନଙ୍କର ଭାଗ୍ୟ ମଧ୍ୟ ବଦଳିଯାଇଥାଏ । ମହାରାଷ୍ଟ୍ରର ପାଲଘରର ଜଣେ ମତ୍ସ୍ୟଜୀବୀଙ୍କ ସହ ଏଭଳି ଘଟଣା ଘଟିଛି। ପାଲଘରର ଜଣେ ମତ୍ସ୍ୟଜୀବୀ ରାତାରାତି କୋଟିପତି ହୋଇପଡିଛନ୍ତି। ଚନ୍ଦ୍ରକାନ୍ତଙ୍କ ହାତରେ ପଡିଛି ‘ସୁନାର ହୃଦୟ’ ବିଶିଷ୍ଟ ଘାେଲ ମାଛ । ଏହି ଘୋଲ ମାଛ ହେଉଛି ଏକ ପ୍ରକାରର ବ୍ଲାକ୍ ସ୍ପଟେଡ୍ କ୍ରୋକର ମାଛ । ଯାହାର ଚାହିଦା ବିଦେଶରେ ବହୁତ ରହିଛି।

ହଜାରେ ନୁହେଁ କି ଲକ୍ଷେ ନୁହଁ । ଗୋଟିଏ ଥରରେ ଲାଭ ହେଲା ୧ କୋଟି ୩୩ ଲକ୍ଷ ଟଙ୍କା ।  ମୌସୁମୀ ଋତୁ ଯୋଗୁ ରାଜ୍ୟର ବିଭିନ୍ନ ନଦୀରେ ମାଛ ଧରା ବନ୍ଦ ରହିଥିଲା । ତେବେ ପାଲଘାଟର ଚନ୍ଦ୍ରକାନ୍ତ  ନାମକ ଜଣେ ଧୀବର ଓ ତାର ସହଯୋଗୀ ଓ୍ବାଧଓ୍ବାନକୁ ମାଛ ଧରିବା ଲାଗି ଯାଇଥିଲେ । ଅନ୍ୟ ଦିନ ପରି ସେମାନଙ୍କ ଜାଲରେ କିଛି ମାଛ ପଡିଥିଲେ । ହେଲେ ଜଣାପ଼ଡିଥିଲା ଯେ ସେହି ମାଛଗୁଡିକ ଅତି ବିରଳ ଓ ଦାମୀ ।

ଚନ୍ଦ୍ରକାନ୍ତଙ୍କ ପୁଅ ସୋମନାଥ କହିଛନ୍ତି ଯେ, ଘୋଳ ମାଛର ପେଟରେ ଗୋଟିଏ ଥଳି ରହିଥାଏ । ଯାହାର ଚାହିଦା ଖୁବ୍ ଅଧିକ । ଏନେଇ ସେ ପ୍ରଥମେ ଗଣମାଧ୍ୟମକୁ ସୂଚନା ଦେଇଥିଲେ । ଆହୁରି ମଧ୍ୟ ଘୋଳ ମାଛର ଉପକାରିତା ସମ୍ପର୍କରେ ସେ ବଖାଣିଥିଲେ।

ତେବେ ଏହିଭଳି ଘଟଣା କିଛି ନୂଆ ନୁହେଁ । ଏହା ପୂର୍ବରୁ ସାରା ଦୁନିଆରେ ଅନେକ ଦୁର୍ଲଭ ମାଛ ଧରି ବହୁ ମତ୍ସଜୀବୀ ମଧ୍ୟ କୋଟି କୋଟି ଟଙ୍କାର ଅଧିକାରୀ ହୋଇପାରିଥିଲେ ।

କୁଦୁଳା ଗଣଦୁଷ୍କର୍ମ ଘଟଣା: ପୀଡିତାଙ୍କୁ ନ୍ୟାୟ ଦାବିରେ ଭୀମ ଆର୍ମୀର ବିକ୍ଷୋଭ,

ବରଗଡ: କୁଦୁଳା ଗଣଦୁଷ୍କର୍ମ ଘଟଣାରେ ଜୋର ଧରିଲାଣି ପ୍ରତିବାଦ । ପୀଡିତାଙ୍କୁ ନ୍ୟାୟ ଦାବିରେ ଭୀମ ଆର୍ମୀର ବିକ୍ଷୋଭ । ବରଗଡ ଏସପି ଅଫିସ ସମ୍ମୁଖରେ ଭୀମ ଆର୍ମୀର ଶତାଧିକ କର୍ମୀ ବିକ୍ଷୋଭ ପ୍ରଦର୍ଶନ କରିଛନ୍ତି । ସୂଚନା ମୁତାବକ ଗତ ୧୧ ତାରିଖରେ ବରଗଡ ଜିଲ୍ଲା ଗଇସିଲଟ ବ୍ଲକ ଅନ୍ତର୍ଗତ କୁଦୁଳା ଗ୍ରାମର ଜଣେ ମହିଳାଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଥିଲା । କିନ୍ତୁ ପୋଲିସ ବର୍ତ୍ତମାନ ସୁଦ୍ଧା ଅଭିଯୁକ୍ତକୁ ଗିରଫ କରିନଥିବା ଅଭିଯୋଗ କରିଛି ଭୀମ ଆର୍ମୀ ।

ଫଳରେ ଭୀମ ଆର୍ମୀର ଶତାଧିକ ସଦସ୍ୟ ବିକ୍ଷୋଭ ପ୍ରଦର୍ଶନ କରିଥିବା ବେଳେ, କୁଦୁଳା ପୀଡିତଙ୍କୁ ଯଦି ନ୍ୟାୟ ନମିଳେ ତେବେ ଆଗାମୀ ଦିନରେ ସାରା ଓଡିଶା ବନ୍ଦ ଡାକରା ଦିଆଯିବ ବୋଲି ଚେତାବନୀ ଦେଇଛନ୍ତି ଭୀମ ଆର୍ମୀର ରାଜ୍ୟ ସଭାପତି ଲଙ୍କେଶ ରାବଣ । ପୀଡ଼ିତାକୁ ଯଥାଶୀଘ୍ର ନ୍ୟାୟ ଦେବା ପାଇଁ ଦାବି କରିଛନ୍ତି ଭୀମ ଆର୍ମି  ।

ବନ୍ଦ ହେଲା ବିମାନ ବନ୍ଦର: ପଡ଼ୋଶୀ ଦେଶର ସୀମାରେ ରୁଣ୍ଢ ହେଲେ ଆଫଗାନ ନାଗରିକ

କାବୁଲ: ଆଫଗାନିସ୍ତାନକୁ ଅଲବିଦା କହିଛି ଆମେରିକା । ଏହା ପରେ ଅନିଶ୍ଚିତତା ମଧ୍ୟରେ ଆଫଗାନୀ । ପ୍ରାଣପ୍ରଣେ ଦେଶ ଛାଡ଼ିବାକୁ ଉଦ୍ୟମ ଚଳାଇଛନ୍ତି ଦେଶବାସୀ ।  ଲୋକମାନେ ଦେଶ ଛାଡି ବାହାରକୁ ଆସିବାକୁ ଚେଷ୍ଟା କରୁଥିଲେ ମଧ୍ୟ ତାହା କଷ୍ଟକର ହୋଇପଡିଛି। କାବୁଲ ବିମାନବନ୍ଦର ତାଲିବାନର କବଜାରେ ରହିଛି। ଅନ୍ତର୍ଜାତୀୟ ବିମାନ ଚଳାଚଳ ବନ୍ଦ ରହିଛି । ଏଭଳି ପରିସ୍ଥିତିରେ ହଜାର ହଜାର ସଂଖ୍ୟାରେ ଆଫଗାନିସ୍ତାନ ନାଗରିକ ଇରାନର ସୀମା ଆଡକୁ ଯିବା ଆରମ୍ଭ କରିଦେଇଛନ୍ତି ।

ଆଫଗାନିସ୍ତାନ-ଇରାନ୍ ସୀମାରେ ଇସ୍ଲାମ କାଲା ବର୍ଡର ପୋଷ୍ଟରେ ରହିଛି । କିଛି ଲୋକଙ୍କ କହିବା ଅନୁସାରେ, ଇରାନର ସୁରକ୍ଷା ଏଜେନ୍ସି କିଛି ଦୂର ପର୍ଯ୍ୟନ୍ତ ନିୟମକୁ କୋହଳ କରିଛି ଓ ଲୋକଙ୍କୁ ଯିବାକୁ ଦେଉଛି । ପୂର୍ବରୁ କାବୁଲ ଏୟାରପୋର୍ଟ  ଆମେରିକାର ନିୟନ୍ତ୍ରଣରେ ଥିଲା, ସେ ପର୍ଯ୍ୟନ୍ତ ବହୁ ଦେଶ ନିଜର ନାଗରିକଙ୍କ ସହିତ ହଜାର ହଜାର ଆଫଗାନିସ୍ତାନୀ ନାଗରିକଙ୍କୁ ସେଠାରୁ ଉଦ୍ଧାର କରିଥିଲେ। ପ୍ରାୟ ଅଢେଇ ଲକ୍ଷରୁ ଅଧିକ ଲେକ ଗତ ୧୫ ଦିନରେ ଆଫଗାନିସ୍ତାନ ଛାଡ଼ି ସାରିଛନ୍ତି। ଜାତିସଂଘର ଏକ ରିପୋର୍ଟ ଅନୁସାରେ, ଚଳିତ ବର୍ଷ ଶେଷ ପର୍ଯ୍ୟନ୍ତ ୫ ଲକ୍ଷରୁ ଅଧିକ ଲୋକ ଆଫଗାନିସ୍ତାନ ଛାଡ଼ିପାରନ୍ତି ।

ତାଲିବାନ ସରକାର ଗଠନ କରିବାର ପ୍ରସ୍ତୁତି କରୁଥିବା ବେଳେ ବହୁ ଦେଶର ତାଙ୍କ ସହିତ ଯୋଗାଯୋଗ କରିବା ଆରମ୍ଭ କରିଦେଇଛନ୍ତି। ବ୍ରିଟେନ ସରକାର ବର୍ତ୍ତମାନ ତାଲିବାନ ସହିତ ଆଲୋଚନା କରୁଛନ୍ତି, ଯାହାଫଳରେ ଆଫଗାନିସ୍ତାନରେ ରହି ଯାଇଥିବା ବ୍ରିଟିସ୍ ନାଗରିକଙ୍କୁ ନିରାପଦରେ ଆଣିହେବ। ଅପରପକ୍ଷରେ ଜର୍ମାନ ଏବଂ ତୁର୍କୀ ସହ ମଧ୍ୟ ବିମାନବନ୍ଦର ଚଳାଚଳ ନେଇ ତାଲିବାନର ଆଲୋଚନା ଜାରି ରଖିଛି । ଏଥିସହିତ ଆମେରିକୀୟ ନିରାପତ୍ତା କାଉନସିଲରେ ଏକ ସଂକଳ୍ପ ପାରିତ ହୋଇଛି । ଯେଉଁଥିରେ ଦେଶ ବାହାରକୁ ଯିବାକୁ ଚାହୁଁଥିବା ଲୋକଙ୍କୁ ସୁରକ୍ଷିତ ଯିବାକୁ ଅନୁମତି ଦେବାକୁ ଦାବି କରିଛି ।

ଆଶା ସଞ୍ଚାର କରୁଛି ସାମ୍ଭାବ୍ୟ ଲଘୁଚାପ, ବଢିପାରେ ବର୍ଷାର ପରିଣାମ

ଭୁବନେଶ୍ୱର: ତିନିମାସର ଲୁଚକାଳି ଖେଳ ପରେ ଆଶା ସଞ୍ଚାର କରୁଛି ସାମ୍ଭାବ୍ୟ ଲଘୁଚାପ । ସେପ୍ଟେମ୍ବର ୫ ତାରିଖରେ ସୃଷ୍ଟି ହେବାକୁ ଥିବା ଲଘୁଚାପ ପ୍ରଭାବରେ ରାଜ୍ୟରେ ବର୍ଷାର ପରିମାଣ ବୃଦ୍ଧି ପାଇବ । ମୌସୁମୀ ଟ୍ରପଲାଇନ୍ ପ୍ରଭାବରେ ଆସନ୍ତା ଦୁଇ ଦିନ ପର୍ଯ୍ୟନ୍ତ ରାଜ୍ୟର କିଛି ସ୍ଥାନରେ ଘଡଘଡି ବିଜୁଳି ସହ ବର୍ଷା ହେବାର ସମ୍ଭାବନା ରହିଛି । ୪ ତାରିଖ ବେଳକୁ ରାଜ୍ୟରେ ବର୍ଷାର ପରିମାଣ ବଢିବ । ବିଶେଷ କରି ଦକ୍ଷିଣ ଓଡ଼ିଶାରେ ବର୍ଷାର ପରିମାଣ ବଢିବ ।

ମାଲକାନଗିରି, କୋରାପୁଟ, ନବରଙ୍ଗପୁର, ନୂଆପଡା, କଳାହାଣ୍ଡି, କନ୍ଧମାଳ, ବୌଦ୍ଧ, ଅନୁଗୁଳ, କେନ୍ଦୁଝର, ମୟୁରଭଞ୍ଜ ଏବଂ ବଲାଙ୍ଗିରରେ ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ସେପଟେ ଚଳିତ ମୌସୁମୀ ସିଜିନ୍ ଅନୁସାରେ ଜୁନ୍ ୧ ତାରିଖରୁ ସେପ୍ଟେମ୍ବର ୧ ତାରିଖ ପର୍ଯ୍ୟନ୍ତ ରାଜ୍ୟରେ ୯୩୫.୮ ମିଲିମିଟର ବର୍ଷା ହେବାକଥା । କିନ୍ତୁ ଏହି ସମୟ ମଧ୍ୟରେ ୬୬୬.୧ ମିଲିମିଟର ବର୍ଷା ରେକର୍ଡ କରାଯାଇଛି । ଯାହା ସ୍ବାଭାବିକ ବର୍ଷାଠାରୁ ୨୯ ପ୍ରତିଶତ କମ୍ ।

୭ଟି ଜିଲ୍ଲାରେ ସ୍ୱାଭାବିକ ବର୍ଷା ହୋଇଥିବା ବେଳେ ୨୩ ଜିଲ୍ଲାରେ ନିଅଣ୍ଟିଆ ବର୍ଷା ରେକର୍ଡ କରାଯାଇଛି । ମାଲକାନଗିରି, ଖୋର୍ଦ୍ଧା, କୋରାପୁଟ, କଟକ,ପୁରୀ, କେନ୍ଦ୍ରାପଡା, ଏବଂ ଜଗତସିଂହପୁରରେ ସ୍ବାଭାବିକ ବର୍ଷା ହୋଇଥିବା ବେଳେ ବାକି ସବୁ ଜିଲ୍ଲାରେ ନିଅଣ୍ଟିଆ ବର୍ଷା ରେକର୍ଡ ହୋଇଛି । ୪୦ କିମ୍ବା ତାଠାରୁ ଅଧିକ ନିଅଣ୍ଟିଆ ବର୍ଷା ପାଇଁ ୩ ଟି ଜିଳ୍ଲା ଭଦ୍ରକ, ବଲାଙ୍ଗିର ଏବଂ ଯାଜପୁର ସର୍ବାଧିକ ପ୍ରଭାବିତ ହୋଇଛି । ବାକି ୨୦ ଜିଲ୍ଲାରେ ୨୦ରୁ ୩୯ ପ୍ରତିଶତ ନିଅଣ୍ଟିଆ ରହିଛି । କେବଳ ଅଗଷ୍ଟ ମାସରେ ୪୪ ପ୍ରତିଶତ ନିଅଣ୍ଟିଆ ବର୍ଷା ହୋଇଥିବା ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି ।

୨୬ ବର୍ଷରେ ପାଇଲେ ବାପାର ପରିଚୟ; ଇନଷ୍ଟାଗ୍ରାମରେ ହେଲା ଭେଟ

ଆମେରିକାର ଜଣେ ୨୬ ବର୍ଷୀୟ ଯୁବକ ପ୍ରଥମ ଥର ପାଇଁ ନିଜ ବାଏଲୋଜିକାଲ୍ ବାପାଙ୍କୁ ସୋସିଆଲ୍ ମିଡିଆରେ ସାକ୍ଷାତ କରିଛନ୍ତି । ସମ୍ପୃକ୍ତ ବ୍ୟକ୍ତି ଜଣକ ଏହି କଥାବାର୍ତ୍ତାର ଚାର୍ଟକୁ ମଧ୍ୟ ସୋସିଆଲ୍ ମିଡିଆରେ ଶେୟାର କରିଛନ୍ତି । ଆଉ ଏହି ଚାର୍ଟ ଦେଖୁଦେଖୁ ଖୁବ୍ ଭାଇରାଲ୍ ହେବାରେ ଲାଗିଛି ।

ଡେଲି ମେଲର ଏକ ରିପୋର୍ଟ ଅନୁଯାୟୀ, କେମରୁନ୍ ନାମକ ଜଣେ ଯୁବକ ୧୮ ବର୍ଷ ବୟସରେ ଜାଣିବାକୁ ପାଇଥିଲେ ଯେ, ସେ ଯାହାକୁ ବାପା ବୋଲି ଡାକୁଛନ୍ତି ସେ ତାଙ୍କର ପ୍ରକୃତ ବାପା ନୁହଁନ୍ତି । କିନ୍ତୁ ଡିଏନଏ ପରୀକ୍ଷା କରିବା ଲାଗି ସେ ପାଖାପାଖି ୨୬ ବର୍ଷ ଯାଏଁ ଅପେକ୍ଷା କରିଥିଲେ ।

ଏହି ସମୟ ଭିତରେ ୨୦୨୦ ମସିହା ଜୁନ୍ ରେ କେମରୁନ୍ ସୋସିଆଲ୍ ମିଡିଆରେ ଜଣେ ବ୍ୟକ୍ତିଙ୍କୁ ଭେଟିଥିଲେ, ଆଉ ତାଙ୍କୁ ନିଜର ବାଏଲୋଜିକାଲ୍ ବାପା ବୋଲି ସନ୍ଦେହ କରିଥିଲେ । ଧିରେଧିରେ ତାଙ୍କ ସହ ଚାର୍ଟିଂ ଆରମ୍ଭ କରିଥିଲେ ଆଉ ଦୁହେଁ ପରସ୍ପର ସହ ଫୁଟେଜ ଶେୟାର କରିଥିଲେ । ପରେ ସେମାନେ ପରସ୍ପରକୁ ଦେଖା ମଧ୍ୟ କରିଥିଲେ ।

କେମରୁନ୍ ନିକଟରେ ଟ୍ୱିଟର୍ ରେ ନିଜର ଏହି କାହାଣୀ ଶେୟାର କରିଥିଲେ । ଯେଉଁଥିରେ ବାଏଲୋଜିକାଲ୍ ପିତାଙ୍କ ସହ ସ୍କ୍ରିନସଟ୍ ଥିଲା ।