ଟ୍ରେନ ଦୁର୍ଘଟଣାରେ ଚାଲିଗଲା ୪ ଜୀବନ

1 min read

ଚକ୍ରଧରପୁର: କାଳ ସାଜିଲା ଲୌହଦାନବ । ଟ୍ରେନ ଦୁର୍ଘଟଣାରେ ଚାଲିଗଲା ୪ ଜଣଙ୍କ ଜୀବନ। ଦିନ ୩ଟା ୩୦ରେ ଝାଡ଼ଖଣ୍ଡ ଚକ୍ରଧରପୁର ନିକଟସ୍ଥ ଵିଞ୍ଜାଇ ବ୍ରିଜ ନିକଟରେ ଘଟିଛି ଦୁର୍ଘଟଣା ।

ସୂଚନା ଅନୁଯାୟୀ, ଦୁରନ୍ତ ଏକ୍ସପ୍ରେସ ଧକ୍କାରେ ୪ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ତିନି ଜଣ ମହିଳା ଓ ଜଣେ ପୁରୁଷ ରହିଥିବା ବେଳେ ସମସ୍ତେ ଗୋଟିଏ ପରିବାରର ବୋଲି ଜଣାପଡିଛି। ମୃତକଙ୍କ ନା ଓ ଘର ଠିକଣା ପ୍ରକାଶ କରିଛି ରେଳ ବିଭାଗ । ସମସ୍ତ ମୃତକ ହେଲେ ସରେଇକଳା ଖରସୁଆଁ ଜିଲ୍ଲା ଅନ୍ତର୍ଗତ ତିଲଙ୍ଗଜୋରୀ ଗାଁର । ମୃତକ ହେଲେ ସୁମି ପୁର୍ତ୍ତି, ଜେମା ପୁର୍ତ୍ତି, ଵନେରଶ ପୁର୍ତ୍ତି ଓ ଅମର ସିଂହ ପୁର୍ତ୍ତି ।

ତେବେ ସେମାନେ ଟ୍ରେନ୍ ଟ୍ରାକ ପାର କରି ଜଣେ ସମ୍ପର୍କୀୟଙ୍କ ଘରକୁ ଯାଉଥିବା ବେଳେ ଘଟିଛି ଏହି ଦୁର୍ଘଟଣା। ଜଣେ ଅନ୍ୟ ଜଣକୁ ବଞ୍ଚାଇବା ପାଇଁ ଯାଇ ମୃତ୍ୟୁ ମୁଖରେ ପଡିଥିବା ନେଇ ସୁତ୍ରରୁ ପ୍ରକାଶ। ସମସ୍ତ ମୃତ ଦେହକୁ ଉଦ୍ଧାର କରି ତଦନ୍ତ ଚଳାଇଛି ରେଲୱେର ବିଭାଗୀୟ ଅଧିକାରୀ ଓ ରେଲୱେ ପୋଲିସ।

Opn Commnet Area

Leave a Reply

Your email address will not be published. Required fields are marked *

Close Bitnami banner