spot_img
Home Blog Page 5327

ପଞ୍ଜାବ କିଙ୍ଗ୍ସ ଆଗରେ ୧୮୬ ରନର ଟାର୍ଗେଟ୍ ରଖିଲା ରାଜସ୍ଥାନ ରୟାଲ୍ସ

0

ଦୁବାଇ: ଆଇପିଏଲ୍-୨୦୨୧ର ୩୨ତମ ମୁକାବିଲାରେ ମୁହାଁମୁହିଁ ହୋଇଛନ୍ତି ପଞ୍ଜାବ କିଙ୍ଗ୍ସ ଓ ରାଜସ୍ଥାନ ରୟାଲ୍ସ । ପ୍ରଥମେ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲା ପଞ୍ଜାବ କିଙ୍ଗ୍ସ । ପ୍ରାରମ୍ଭରୁ ବ୍ୟାଟିଂ ବିପର୍ଯ୍ୟୟର ସମ୍ମୁଖିନ ହୋଇଥିଲା ରାଜସ୍ଥାନ ରୟାଲ୍ସ । ୫.୩ ଓଭରରେ ୫୪ ରନ୍ ହୋଇଥିବା ବେଳେ ପ୍ୟାଭିଲିୟନ୍ ଫେରିଥିଲେ ଇଭିନ ଲୁୱିସ । ତାପରେ ୭.୧ ଓଭରରେ ସଞ୍ଜୁ ସାମସନ ଆଉଟ୍ ହୋଇଥିଲେ । ଏମିତି ଗୋଟିଏ ପରେ ଗୋଟିଏ ୱିକେଟ୍ ଖସିଥିଲା ।

IPL 2021 Punjab Kings Vs Rajsthan Royals

ନିର୍ଦ୍ଧାରିତ ୨୦ ଓଭରରେ ରାଜସ୍ଥାନ ରୟାଲ୍ସ ସମସ୍ତ ୱିକେଟ୍ ହରାଇ ୧୮୫ ରନ୍ କରିବାରେ ସକ୍ଷମ ହୋଇଛି । ଦଳ ପକ୍ଷରୁ ୟଶ୍ୱସୀ ଜୈଶୱାଲ ସର୍ବାଧିକ ୪୯ ରନ୍ କରିଥିବା ବେଳେ ଇଭିନ ଲୁୱିସ ୩୬, ମହିପାଲ ଲୋମରର ୪୩, ଲିଆମ ଲିଭିଙ୍ଗଷ୍ଟୋନ ୨୫ ରନ୍ କରିଛନ୍ତି ।

ସେହିଭଳି ପଞ୍ଜାବ କିଙ୍ଗ୍ସ ପକ୍ଷରୁ ଅର୍ଶଦୀପ ସିଂହ ସର୍ବାଧିକ ୫ଟି ୱିକେଟ୍ ନେଇ ୩୨ ରନ୍ ଦେଇଛନ୍ତି । ମହମ୍ମଦ ସାମି ୩ଟି ୱିକେଟ୍ ନେଇଥିବା ବେଳେ ଇଶାନ ପରେଲ ଓ ହରପ୍ରୀତ ବ୍ରାର ଗୋଟିଏ ଲେଖାଏଁ ୱିକେଟ୍ ନେଇଥିଲେ । ୧୮୬ ରନର ପିଛା କରି ବ୍ୟାଟିଂ ଆରମ୍ଭ କରିଛି ପଞ୍ଜାବ କିଙ୍ଗ୍ସ ।

ସଂସଦର ୪ ଦିନିଆ ଅଧିବେଶନ ଡାକନ୍ତୁ ମୋଦି, ଏମିତି କାହିଁକି କହିଲେ ଉଦ୍ଧବ ଠାକରେ…

ମୁମ୍ବାଇ: ମହାରାଷ୍ଟ୍ର ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ମଧ୍ୟରେ ପୁଣି ଆଉ ଏକ ବିବାଦ ମୁଣ୍ଡ ଟେକିଛି । ମୁମ୍ବାଇର ସାକିନାକା ଅଞ୍ଚଳରେ ମହିଳାଙ୍କ ସହ ହୋଇଥିବା ଦୁଷ୍କର୍ମ ଓ ବର୍ବରୋଚିତ କାଣ୍ଡ ପରେ ରାଜ୍ୟରେ ମହିଳା ସୁରକ୍ଷା ନେଇ ଚିନ୍ତାବ୍ୟକ୍ତ କରିବା ସହ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ ରାଜ୍ୟପାଳ । ଏହି ପ୍ରସଙ୍ଗରେ ଆଲୋଚନା ପାଇଁ ବିଧାନସଭାରେ ଦୁଇ ଦିନିଆ ବିଶେଷ ଅଧିବେଶନ ଡାକିବା ଲାଗି ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଦାବି କରିଥିଲେ ।

Uddhav Thackeray Vs Bhagat Singh Koshyari In Maharashtra On Women Safety Issue

ରାଜ୍ୟପାଳଙ୍କ ଏହି ପତ୍ରର ଉତ୍ତର ଦେବାରେ କୁଣ୍ଠାବୋଧ କରିନଥିଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଠାକରେ । ସଙ୍ଗେ ସଙ୍ଗେ ଉଦ୍ଧବ ଠାକରେ ତିନିପୃଷ୍ଠାର ପତ୍ର ଲେଖିଥିଲେ । କହିଥିଲେ ସାକିନାକା ଘଟଣାକୁ ନେଇ ରାଜ୍ୟପାଳଙ୍କ ଭଳି ସରକାର ମଧ୍ୟ ଚିନ୍ତିତ ।

ଉଦ୍ଧବ କହିଥିଲେ- ଦିଲ୍ଲୀ, ଗୁଜରାଟ, କାଶ୍ମୀର, ଉତ୍ତରପ୍ରଦେଶ ଭଳି ରାଜ୍ୟରେ ମହିଳାଙ୍କ ସହ ଅତ୍ୟାଚାର ହେଉଛି । ଏମିତିରେ ପୀଡ଼ିତ ମହିଳା ଆପଣଙ୍କୁ ଅପେକ୍ଷା କରିଛନ୍ତି, ଆପଣ ପ୍ରଧାନମନ୍ତ୍ରୀଙ୍କୁ ଅନୁରୋଧ କରନ୍ତୁ ମୋଦି ୪ ଦିନିଆ ସଂସଦ ଅଧିବେଶନ ଡାକିବେ । ଦେଶବ୍ୟାପୀ ମହିଳାଙ୍କ ଉପରେ ହେଉଥିବା ଅତ୍ୟାଚାର ନେଇ ଆଲୋଚନା କରିବେ ।

ଭାରତୀୟ ବାୟୁସେନାର କମାଣ ସମ୍ଭାଳିବେ ଭିଆର୍ ଚୌଧୁରୀ

ନୂଆଦିଲ୍ଲୀ: ଭାରତୀୟ ବାୟୁସେନାର ପରବର୍ତ୍ତୀ ମୁଖ୍ୟ ହେବେ ଭିଆର୍ ଚୌଧୁରୀ । ଏବେ ସେ ବାୟୁସେନାର ଉପମୁଖ୍ୟ ଅଛନ୍ତି । ବାୟୁସେନା ମୁଖ୍ୟ ଥିବା ଏୟାର ଚିଫ୍ ମାର୍ଶଲ ଆରକେଏସ୍ ଭଦୁରିଆ ଆସନ୍ତା ସେପ୍ଟେମ୍ବର ୩୦ ତାରିଖରେ ଅବସର ନେବେ । ୨୦୧୯ ସେପ୍ଟେମ୍ବର ୩୦ରେ ଆରକେଏସ୍ ଭଦୁରିଆ ବାୟୁସେନା ମୁଖ୍ୟ ଭାବେ ଦାୟିତ୍ୱ ଗ୍ରହଣ କରିଥିଲେ ।

ଏୟାର ମାର୍ଶଲ ଭିବେକ ରାମ ଚୌଧୁରୀ ଚଳିତ ଜୁଲାଇରେ ବାୟୁସେନାର ଉପମୁଖ୍ୟ ଭାବେ ନିଯୁକ୍ତ ହୋଇଥିଲେ । ଏହା ପୂର୍ବରୁ ସେ ୱେଷ୍ଟର୍ଣ୍ଣ ଏୟାର କମାଣ୍ଡରେ ଏୟାର ଅଫିସର କମାଣ୍ଡିଂ ଇନ୍ ଚିଫ୍ ଥିଲେ । ଲଦାଖ ସହ ଉତ୍ତର ଭାରତରେ ଦେଶର ବାୟୁସୀମାରେ ସୁରକ୍ଷା ବ୍ୟବସ୍ଥାର ତଦାରଖ କରୁଥିଲେ । ୧୯୮୨ ଡିସେମ୍ବର ୨୯ରେ ବାୟୁସେନାରେ ଯୋଗ ଦେଇଥିଲେ ଭିଆର୍ ଚୌଧୁରୀ ।

Image

ବାୟୁସେନାରେ ୩୮ ବର୍ଷର ସେବା କାଳରେ ସେ ବହୁ ଯୁଦ୍ଧ ଓ ପ୍ରଶିକ୍ଷମ ବିମାନ ଉଡ଼ାଇଛନ୍ତି । ପ୍ରାୟ ୩୮୦୦ ଘଣ୍ଟା ଆକାଶରେ ଉଡ଼ିଛନ୍ତି । ଏମଆଇଜି-୨୧, ଏମଆଇଜି-୨୩ ଏମଏଫ ଓ ସୁଖୋଇ-୩୦ ଭଳି ଯୁଦ୍ଧ ବିମାନ ଉଡ଼ାଇଛନ୍ତି ଭିଆର୍ ଚୌଧୁରୀ । ପୂର୍ବରୁ ସେ ବାୟୁସେନାର ବିଭିନ୍ନ ପଦ ପଦବୀରେ ସଫଳତାର ସହ କାର୍ଯ୍ୟ କରି ପାରଦର୍ଶିତା ଦେଖାଇଛନ୍ତି ।

ଭିନ୍ନକ୍ଷମଙ୍କ ହୋଇପାରୁନି ଆଧାର କାର୍ଡ: ରାସନ ସାମଗ୍ରୀ ବନ୍ଦ କରାଯାଇଥିବା ଅଭିଯୋଗ

0

ଭୁବନ: ଭିନ୍ନକ୍ଷମଙ୍କ ଉପରେ ନିର୍ଦ୍ଦୟ ହେଲା ଏନଏସି ପ୍ରଶାସନ । ଆଠମାସ ହେଲା ଭିନ୍ନକ୍ଷମଙ୍କ ରାସନ ସାମଗ୍ରୀ ବନ୍ଦ । ଏଭଳି ଅଭିଯୋଗ ଆସିଛି ଢେଙ୍କାନାଳ ଜିଲ୍ଲା ଭୁବନ ବିଜ୍ଞାପିତ ଅଞ୍ଚଳରୁ । ନୂଆଭୁବନ ଓ୍ୱାର୍ଡ ନମ୍ବର-୩ର ଗଦାଧର ସାହୁଙ୍କ ଦିବ୍ୟାଙ୍ଗ ପୁଅ ପିଣ୍ଟୁଙ୍କ ଆଧାରକାର୍ଡ ନଥିବାରୁ ଖାଦ୍ୟ ସୁରକ୍ଷା ଯୋଜନାରୁ ତାଙ୍କୁ ବାଦ ଦିଆଯାଇଛି । ଫଳରେ ଆଠମାସ ହେଲା ଚାଉଳ ପାଉନଥିବା ପିଣ୍ଟୁଙ୍କ ବାପା କହିଛନ୍ତି ।

ଭିନ୍ନକ୍ଷମ ପ୍ରମାଣପତ୍ର ଥାଇ ମଧ୍ୟ ରାସନ ସାମଗ୍ରୀରୁ ବଞ୍ଚିତ ହୋଇଛନ୍ତି ପିଣ୍ଟୁ । ହାତ ଆଙ୍ଗୁଳି ଓ ଆଖି ସ୍କାନିଂ ହେଇପାରୁନଥିବାରୁ ଆଧାର କାର୍ଡ ତିଆରି ହେଉନାହିଁ । ଫଳରେ ସରକାରୀ ସୁବିଧରୁ ବଞ୍ଚିତ ହୋଇଛନ୍ତି ଭିନ୍ନକ୍ଷମ । ଅନ୍ୟପଟେ ଏଭଳି କିଛି ଅଭିଯୋଗ ଆସିନାହିଁ, ଅଭିଯୋଗ ଆସିଲେ ତୁରନ୍ତ ତଦନ୍ତ କରି ରାସନ ସାମଗ୍ରୀ ଯୋଗାଇ ଦିଆଯିବ ବୋଲି କହିଛନ୍ତି ଏନଏସି କାର୍ଯ୍ୟନିର୍ବାହୀ ଅଧିକାରୀ । ପରିଣତ ବୟସରେ ଭିନ୍ନକ୍ଷମ ପୁଅକୁ ନେଇ ଚିନ୍ତାରେ ରହିଛନ୍ତି ଗଦାଧରଙ୍କ ପରିବାର । ତେବେ ଏଭଳି ସ୍ଥିତିରେ ଭିନ୍ନକ୍ଷମ ପିଣ୍ଟୁଙ୍କୁ ସରକାରୀ ସୁବିଧା ଯୋଗାଇ ଦେବାକୁ ସାଧାରଣରେ ଦାବି ହୋଇଛି ।

ଏଥିସହିତ ପଢ଼ନ୍ତୁ: ଶୌଚ ହେବାକୁ ଯାଇଥିବା ବେଳେ ଭାସିଗଲେ ବୃଦ୍ଧ, ୨୪ ଘଣ୍ଟା ପରେ ବି ମିଳୁନି ପତ୍ତା

ମହିଳାଙ୍କ ଦକ୍ଷତା ବିକାଶ ଓ ସଶକ୍ତିକରଣ ଦିଗରେ ରାଜ୍ୟ ସରକାରଙ୍କ ପଦକ୍ଷେପକୁ ଜାତିସଂଘ ପ୍ରତିନିଧିଙ୍କ ପ୍ରଶଂସା

ଭୁବନେଶ୍ୱର: ରାଜ୍ୟର ମହିଳା ଶସକ୍ତିକରଣ ଏବଂ ବିଭିନ୍ନ କ୍ଷେତ୍ରରେ ପ୍ରଶିକ୍ଷଣ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜାତିସଂଘର ମହିଳା ପ୍ରତିନିଧି ସୁଶାନ ଜେନ ଫରଗୁସନ୍‌ଙ୍କ ସହ ଆଲୋଚନା କରିଛନ୍ତି । ରାଜ୍ୟରେ ବୈଷୟିକ ଶିକ୍ଷାରେ ସ୍ନାତକ ହାସଲ କରୁଥିବା ପ୍ରତି ୩ ଜଣଙ୍କ ମଧ୍ୟରେ ଯେଭଳି ଜଣେ ମହିଳା ରହିବେ ଏ ନେଇ ରାଜ୍ୟ ସରକାରଙ୍କ ପକ୍ଷରୁ ବ୍ୟବସ୍ଥା କରାଯାଇଥିବା କହିଛନ୍ତି ମୁଖ୍ୟମନ୍ତ୍ରୀ । ବୈଷୟିକ ଶିକ୍ଷା ଏବଂ ଶିଳ୍ପ କ୍ଷେତ୍ରରେ ମହିଳାଙ୍କ ନିଯୁକ୍ତି ଗୁରୁତ୍ୱ ଦିଆଯାଉଥିବା କହିଛନ୍ତି ମୁଖ୍ୟମନ୍ତ୍ରୀ । ‘ସୁଦକ୍ଷା’ ଭଳି ଯୋଜନାରେ ମହିଳା ମାନେ ରାଜ୍ୟରେ ଆଇଟିଆଇ ଅଧ୍ୟୟନ କରୁଛନ୍ତି । ଏହି ଯୋଜନାରେ ଫଳରେ ମହିଳାଙ୍କ ଆଇଟିଆଇ ପାଠ୍ୟକ୍ରମରେ ନାମଲେଖା ୬ ପ୍ରତିଶତରୁ ୧୮ ପ୍ରତିଶତକୁ ବୃଦ୍ଧି ଘଟିିଛି । ମ୍ୟାନୁଫ୍ୟାକ୍ଟରିଂ ଇଣ୍ଡଷ୍ଟ୍ରିରେ ବର୍ତ୍ତମାନ ମହିଳାଙ୍କର ଭୂମିକା ଅତି ଉଚ୍ଚକୋଟିର ରହିଛି । ସେମାନଙ୍କୁ ମଧ୍ୟ ଆଗକୁ ରାଜ୍ୟ ସରକାର ସମସ୍ତ ସହାୟତା କରିବେ ବୋଲି ଆଲୋଚନା ବେଳେ କହିଛନ୍ତି ମୁଖ୍ୟମନ୍ତ୍ରୀ ।

ଏଥିସହ ଆଗକୁ ମହିଳାଙ୍କ ଶିକ୍ଷା କ୍ଷେତ୍ରରେ ବ୍ୟାପକ ପଦକ୍ଷେପ ନିଆଯିବ । ଯେଉଁ ମହିଳା ମାନେ ଅଧାରୁ ପାଠପଢା ବନ୍ଦ କରିଛନ୍ତି ସେମାନଙ୍କୁ ଆଉଥରେ ସୁଯୋଗ ଦିଆଯିବ । ଅନ୍ୟାନ୍ୟ କ୍ଷେତ୍ରରେ ମଧ୍ୟ ପ୍ରଶିକ୍ଷଣ ଦିଆଯିବ । ଏହି ଅବସରରେ ଜାତିସଂଘର ମହିଳା ପ୍ରତିନିଧି ଫରଗୁସନ୍ ରାଜ୍ୟ ସରକାରଙ୍କ ମହିଳା ଶସକ୍ତିକରଣ ପ୍ରଚେଷ୍ଟାକୁ ପ୍ରଶଂସା କରିଥିଲେ । ମିଶନ ଶକ୍ତି ଯୋଜନାକୁ ମଧ୍ୟ ସେ ପ୍ରଶଂସା କରିଛନ୍ତି । ରାଜ୍ୟରେ ଗରିବ ହ୍ରାସ ପାଇଁ ସରକାର କରୁଥିବା ଯୋଜନାକୁ ମଧ୍ୟ ଫରଗୁସନ୍ ପ୍ରଶଂସା କରିଛନ୍ତି । ଆଜିର ଆଲୋଚନାରେ ମୁଖ୍ୟମନ୍ତ୍ରୀଙ୍କ ସହ ୫-ଟି ସଚିବ ଭି.କେ ପାଣ୍ଡିଆନ୍ ମଧ୍ୟ ଉପସ୍ଥିତ ଥିଲେ ।

 

ଘରେ ବୋର୍ ହେଲେଣି ଲୋକେ, ଏବେ ଅଫିସ୍ ଫେରିବାକୁ ଚାହୁଁଛନ୍ତି

ନୂଆଦିଲ୍ଲୀ: ମହାମାରୀ କରୋନା ପାଇଁ କାର୍ଯ୍ୟଶୈଳୀ ବଦଳି ଯାଇଛି । ଅଫିସରେ ବସି ହେଉଥିବା କାମ ଡ୍ରଇଂ ରୁମରୁ ହେଉଛି । ଘରୁ ଅଫିସ୍ କାମ କରୁଥିବା ଲୋକ ଏବେ ବୋର୍ ହେଲେଣି । ଡେଲୋଇଟି ସର୍ଭେ ମୁତାବକ, ଅଧିକାଂଶ ଲୋକ ଅଫିସକୁ ଫେରିଯିବାକୁ ଚାହୁଁଛନ୍ତି ।

ସର୍ଭେ ଅନୁସାରେ, ୮୪ ପ୍ରତିଶତ ଲୋକ ବର୍ତ୍ତମାନ ସ୍ଥିତିରେ ଅଫିସ୍ ଫେରିବାକୁ ଇଛୁକ । ଏବେର ସ୍ଥିତିକୁ ସେମାନେ ସୁରକ୍ଷିତ ଭାବୁଛନ୍ତି ଏବଂ ଅଫିସ୍ ଫେରିବାକୁ ଇଚ୍ଛା ପ୍ରକାଶ କରିଛନ୍ତି । ସର୍ଭେରୁ ଜଣାପଡ଼ିଛି ୬୦ ପ୍ରତିଶତ ଲୋକ ସାମ୍ନାସାମ୍ନି ବସି ବୈଠକ, ଆଲୋଚନା ଓ ଅନ୍ୟ ଇଭେଣ୍ଟ ପାଇଁ ଆଗ୍ରହୀ । ଅର୍ଥାତ୍ ଭିଡିଓ କଲରେ ମିଟିଂ ଆଟେଣ୍ଡ କରିବାକୁ ମଜା ଲାଗୁ ନାହିଁ ।

ଦ୍ରୁତଗତିରେ ଟିକାକରଣ ଯୋଗୁଁ ଅଫିସ୍ ଯିବା ପାଇଁ ଲୋକ ମନ ବଳାଉଥିବା ସର୍ଭେରେ କୁହାଯାଇଛି । ଡେଲୋଇଟି ଅଗଷ୍ଟ ମାସରେ ୧୦୦୦ ଲୋକଙ୍କୁ ନେଇ ଏହି ସର୍ଭେ କରିଥିଲା । ଏହି ରିପୋର୍ଟର ଶୀଷର୍କ ଗ୍ଲୋବାଲ ଷ୍ଟେଟ ଅଫ୍ କଞ୍ଜୁମର ଟ୍ରାକର ରଖାଯାଇଛି । ଲୋକ ଅଫିସ୍ ଫେରିବାକୁ ଚାହୁଁଥିବା ବେଳେ ସାଧାରଣ ପରିବହନ ବ୍ୟବସ୍ଥା କମ୍ ବ୍ୟବହାର ପାଇଁ ଇଚ୍ଛା ପ୍ରକାଶ କରିଛନ୍ତି ।

Narendra Giri Maharaj Death: ନରେନ୍ଦ୍ର ଗିରିଙ୍କ ମୃତ୍ୟୁ ମାମଲାରେ SIT ଗଠନ କଲେ ଯୋଗୀ ସରକାର

0

ପ୍ରୟାଗରାଜ: ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁ ଖବରକୁ ନେଇ ଦେଶ ଚକିତ ହୋଇଯାଇଛି। ମୃତ୍ୟୁ ରହସ୍ୟକୁ ନେଇ ନାନା ମତ ପ୍ରକାଶ ପାଇଛି। ପୋଲିସ ଏହି ଘଟଣାର ତଦନ୍ତ କରୁଛି। ମହନ୍ତ ନରେନ୍ଦ୍ର ଗିରିଙ୍କ ମୃତଦେହ ପ୍ରୟାଗରାଜର ବାଘମ୍ବରୀ ମଠରେ ଅନ୍ତିମ ଦର୍ଶନ ପାଇଁ ରଖାଯାଇଛି। ବର୍ତ୍ତମାନ ସାଧାରଣ ଲୋକେ ମଧ୍ୟ ମହନ୍ତଙ୍କ ଦର୍ଶନ କରୁଛନ୍ତି ।

ଇତି ମଧ୍ୟରେ ଏକ ବଡ଼ ଖବର ଆସିଛି ଯେ ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁ ମାମଲାରେ ଉତର ପ୍ରଦେଶ ଯୋଗୀ ସରକାରଙ୍କ ଦ୍ୱାରା ଏସଆଇଟି ଗଠନ କରାଯାଇଛି। ମହନ୍ତ ନରେନ୍ଦ୍ର ଗିରି ମାମଲାର ତଦନ୍ତ ପାଇଁ ପ୍ରୟାଗରାଜ ଡିଜି SIT ଗଠନ କରିଛନ୍ତି। ଡେପୁଟି ଏସପିଙ୍କ ନେତୃତ୍ୱରେ ଏହି ଏସଆଇଟି ଗଠନ କରାଯାଇଛି। ନରେନ୍ଦ୍ର ଗିରିଙ୍କ ସମାଧି ସଂସ୍କାର ଗୁରୁବାର ଦିନ ଅନୁଷ୍ଠିତ ହେବ। ଆସନ୍ତାକାଲି ସନ୍ଥ ସମାଜ ଏବଂ ଆଖଡ଼ା ପରିଷଦର ବୈଠକ ହେବ। ଆସନ୍ତାକାଲି ସକାଳ ୧୦ ଟାରେ ଏହି ବୈଠକ ବସିବ ।

ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସ୍ପଷ୍ଟ କରିଛନ୍ତି ଯେ ଘଟଣାର ପର୍ଦାଫାଶ କରାଯିବ। ସେ କହିଛନ୍ତି ଯେ ପୋଲିସ ଅନେକ ପ୍ରମାଣ ସଂଗ୍ରହ କରିଛି। ପୋଲିସର ଏକ ଟିମ୍, ଏଡିଜି ଜୋନ୍, ଆଇଜି ରେଞ୍ଜ ଏବଂ ପ୍ରୟାଗରାଜ ଡିଆଇଜି, ପ୍ରୟାଗରାଜ ବିଭାଗୀୟ କମିଶନର ମିଳିତ ଭାବେ ଘଟଣାର ତଦନ୍ତ କରୁଛନ୍ତି। ଗୋଟି ଗୋଟି କରି ଘଟଣାର ପର୍ଦାଫାଶ ହେବ। ଦୋଷୀ ନିଶ୍ଚୟ ଦଣ୍ଡ ପାଇବ। ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ଘଟଣାରେ ଅନାବଶ୍ୟକ ବୟାନବାଜିରୁ ଦୂରେଇ ରୁହନ୍ତୁ। ତଦନ୍ତକାରୀ ସଂସ୍ଥାକୁ ଉଚିତ ତଦନ୍ତ କରିବାକୁ ଦିଅନ୍ତୁ। ଯିଏ ଦୋଷୀ ତାକୁ କଠୋର ଦଣ୍ଡ ଦିଆଯିବ ।

ନିଜ ପ୍ଲାଟଫର୍ମରୁ ୬୦୦ ଚାଇନିଜ ପ୍ରଡକ୍ଟକୁ ବ୍ୟାନ୍ କଲା ଆମାଜନ

0

ନୂଆଦିଲ୍ଲୀ: ଚୀନ୍ ସାମଗ୍ରୀ ବିରୋଧରେ ଆମାଜନର କାର୍ଯ୍ୟାନୁଷ୍ଠାନ । କମ୍ପାନୀର ନିୟମାବଳୀ ପାଳନ କରିବାରେ ଫେଲ୍‌ ହେବାରୁ ଏହି ପ୍ରଡକ୍ଟଗୁଡ଼ିକୁ ଆମାଜୋନ୍ ବ୍ୟାନ୍ କରିଛି । ଆମେରିକୀୟ ଇ-କମର୍ସ କମ୍ପାନୀ ଆମାଜନ ନିଜ ପ୍ଲାଟଫର୍ମରୁ ୬୦୦ ଚାଇନିଜ ପ୍ରଡକ୍ଟ ବ୍ୟାନ୍ କରିଛି । ରିଭ୍ୟୁ ପଲିସି ଉଲ୍ଲଂଘନ କରିଥିବା ଏହି ପ୍ରଡକ୍ଟଗୁଡ଼ିକୁ ନିଜ ପ୍ଲାଟଫର୍ମରୁ ହଟାଇ ଦେଇଛି ଏହି ଇ-କମର୍ସ ସାଇଟ୍ ।

ଗ୍ରାହକଙ୍କଠାରୁ ପଜିଟିଭ୍ ରିଭ୍ୟୁ ପାଇବା ପାଇଁ ଗିଫ୍ଟ କାର୍ଡ ଅଫର କରୁଥିଲେ ଚାଇନିଜ କମ୍ପାନୀ । ଅନ୍ୟ କେତେକ ପ୍ରଡକ୍ଟ ପାଇଁ କମ୍ପାନୀ VIP ଟେଷ୍ଟିଂ ଅଫର କରଥିବା ବେଳେ ଆଉ କେତେକ ପ୍ରଡକ୍ଟର ଓ୍ବାରେଣ୍ଟି ପିରିୟଡ ବଢ଼ାଇବାକୁ ମଧ୍ୟ ଅଫର ଦେଉଥିଲେ । ଓ୍ବାଲ ଷ୍ଟ୍ରିଟ୍ ଜରନାଲରେ ପ୍ରକାଶିତ ଏକ ତଥ୍ୟ ଆଧାରରେ ଆମାଜନ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।…

ଲଦାଖ ନିକଟରେ ଅସ୍ତ୍ରଶସ୍ତ୍ର ଠୁଳ କରୁଛି ଚୀନ, ରାତିରେ କରୁଛି ଯୁଦ୍ଧାଭ୍ୟାସ

ନୂଆଦିଲ୍ଲୀ: ପୁଣି ଦୁଃସାହସ ଦେଖାଉଛି ଚୀନ । ବାସ୍ତବିକ ନିୟନ୍ତ୍ରଣ ରେଖା (LAC) ଓ ଲଦାଖ ନିକଟ ଶିନଜିୟାଙ୍ଗ ମିଲିଟ୍ରି ଡିଷ୍ଟ୍ରିକ୍ଟର ଉଚ୍ଚ ସ୍ଥାନରେ ଚୀନର ପିପୁଲ୍ସ ଲିବରେସନ ଆର୍ମିର ଯବାନ ଅଭ୍ୟାସ କରୁଥିବା ଜଣାପଡ଼ିଛି । ଏକ ରିପୋର୍ଟ ଅନୁସାରେ ପିଏଲଏ ଯବାନମାନେ ରାତିରେ ମଧ୍ୟ ଯୁଦ୍ଧାଭ୍ୟାସ କରୁଛନ୍ତି ।

ଖବର ଅନୁସାରେ, ହିମାଳୟ ସୀମା ନିକଟରେ ପିଏଲଏର ୱେଷ୍ଟର୍ଣ୍ଣ ଥିଏଟର କମାଣ୍ଡ ସୈନ୍ୟ ମୁତୟନ କରିଛି । ଏଥିସହ ରାତ୍ରୀକାଳିନ ଯୁଦ୍ଧାଭ୍ୟାସ ଚାଲିଛି । ପିଏଲ୍ଏ ତାର ସୈନିକଙ୍କୁ ନୂଆ ଆଧୁନିକ ଅସ୍ତ୍ରଶସ୍ତ୍ର ଟ୍ରେନିଂ ଦେବା ହେଉଛି ଏହାର ଉଦ୍ଦେଶ୍ୟ । ଭାରତର ସୀମାକୁ ଲାଗି ରହିଛି ଏହି ୱେଷ୍ଟର୍ଣ୍ଣ ଥିଏଟର କମାଣ୍ଡ । ପ୍ରାୟ ୫ ହଜାର ମିଟର ବା ୧୬ ହଜାର ୪୦୦ ଫୁଟ୍ ଉପରେ ରାତିରେ ଯୁଦ୍ଧାଭ୍ୟାସ କରୁଥିବା କୁହାଯାଉଛି ।

ରିପୋର୍ଟରେ କମାଣ୍ଡର ୟାଙ୍ଗ ୟାଙ୍ଗଙ୍କ ସୂତ୍ରରୁ କୁହାଯାଉଛି- ବଦଳୁଥିବା ପରିସ୍ଥିତିକୁ ନେଇ ନୀତିରେ ସଂଶୋଧନ ଅଣାଯାଇଛି । କଠୋର ଯୁଦ୍ଧ ସ୍ଥିତିର ସାମ୍ନା ପାଇଁ ଉଚ୍ଚସ୍ଥାନରେ ଅଭ୍ୟାସ କରୁଛୁ । ରାତିରେ ଯବାନ ବିନା ଆଲୋକରେ ଯୁଦ୍ଧାସ୍ତ୍ର ଧରି ବରଫ ପାହାଡ଼ ଚଢ଼ୁଛନ୍ତି, ଗୁଳିଗୋଳାର ଅଭ୍ୟାସ କରୁଛନ୍ତି । ଅଭ୍ୟାସ ସ୍ଥଳରେ ପିଏଚଏଲ୍-୧୧ ଟ୍ରକ୍ ମାଉଣ୍ଟେଡ୍ ସେଲ୍ଫ ପ୍ରୋପେଲ୍ଡ ୧୨୨ ଏମଏମ୍ ମଲ୍ଟିପଲ୍ ସିଷ୍ଟମ ରକେଟ ଲଞ୍ଚର ମୁତୟନ କରିବା ସହ ଅଭ୍ୟାସରେ ବ୍ୟବହାର କରାଯାଉଛି ।

ଦୀର୍ଘ ୬୪ଦିନ ପରେ ଜେଲରୁ ମୁକୁଳିଲେ ଶିଳ୍ପା ସେଟ୍ଟୀଙ୍କ ସ୍ୱାମୀ ରାଜ କୁନ୍ଦ୍ରା

ନୂଆଦିଲ୍ଲୀ: ଦୀର୍ଘ ୬୪ଦିନ ପରେ ଜେଲରୁ ମୁକୁଳିଲେ ଶିଳ୍ପା ସେଟ୍ଟୀଙ୍କ ସ୍ବାମୀ ବା ଶିଳ୍ପପତି ରାଜ କୁନ୍ଦ୍ରା। ମୁମ୍ବାଇ କ୍ରାଇମବ୍ରାଞ୍ଚ ଗତ ୧୯ଜୁଲାଇରେ କୁନ୍ଦ୍ରାଙ୍କୁ ପର୍ଣ୍ଣୋଗ୍ରାଫି ମାମଲାରେ ଗିରଫ କରିଥିଲା। ଜେଲରୁ ବାହାରି ରାଜ ମିଡିଆକୁ କୌଣସି ପ୍ରତିକ୍ରିୟା ନ ଦେଇ ସିଧା ଗାଡ଼ିରେ ବସି ଯାଇଥିଲେ। ଜାମିନରେ ବାହାରକୁ ଆସିଥିବା ରାଜଙ୍କର ପ୍ରଥମ ଫଟୋ ଏବେ ସାମ୍ନାକୁ ଆସିଛି। ଏଥିରେ ସେ ମାସ୍କ ପିନ୍ଧିବା ସହ ମଥାରେ ଏକ ବଡ଼ ନାଲି ରଙ୍ଗର ତିଳକ ଲଗାଇଥିବା ନଜର ଆସିଛନ୍ତି। ବାହାରେ ଗଣମାଧ୍ୟମର ଭିଡ଼ ଦେଖି ରାଜ ଟିକେ ବ୍ୟସ୍ତ ହୋଇଯାଇଥିବା ଦେଖାଯାଇଥିଲା। ପରେ ଗାଡ଼ିରେ ବସି କାହା ସହ କଥା ହୋଇ ବାହାରକୁ କିଛି ଇସାରା କରୁଥିବା ନଜର ଆସିଥିଲେ।

ସ୍ଵାମୀଙ୍କ ଲାଗି ଶିଳ୍ପା ବୈଷ୍ଣୋ ଦେବୀଙ୍କ ମନ୍ଦିର ଯାଇଥିଲେ। ଜାମିନ ମିଳିବା ପରେ ସୋମବାର ଶିଳ୍ପା ନିଜର ଇନଷ୍ଟାଗ୍ରାମ ପୋଷ୍ଟରେ ଏକ ପଜିଟିଭ ନୋଟ ଲେଖି ସେୟାର କରିଥିଲେ। ଏହାସହ ତାଙ୍କ ପୁଅ ମଧ୍ୟ ଏକ ପୋଷ୍ଟ ସେୟାର କରିଥିଲେ। ରାଜ ଗିରଫ ହେବା ପରେ ଦୁଇ ଦମ୍ପତ୍ତିଙ୍କୁ ସୋସିଆଲ ମିଡିଆରେ ବହୁ ଟ୍ରୋଲର ଶିକାର ହେବାକୁ ପଡ଼ିଥିଲା। ରାଜଙ୍କ ଉପରେ ଅଶ୍ଳୀଳ ଫିଲ୍ମ ନିର୍ମାଣ କରିବା ଅଭିଯୋଗ ଲାଗିବା ପରେ ଶିଳ୍ପାଙ୍କ ଉପରେ ମଧ୍ୟ ବହୁ ଅଙ୍ଗୁଳି ଉଠିଥିଲା। ଶିଳ୍ପା ଡ୍ୟାନ୍ସ ସୋ ସୁପର ଡ୍ୟାନ୍ସରୁ ବ୍ରେକ ନେଇ ଯାଇଥିଲେ। ଶିଳ୍ପାଙ୍କୁ ମଧ୍ୟ ଏହି ଘଟଣାରେ ପୋଲିସ ପଚରାଉଚରା କରିଥିଲା। ସେ ତାଙ୍କର ବୟାନରେ ରାଜ ଓ ତାଙ୍କର କମ୍ପାନୀ ବିଷୟରେ କିଛି ଜାଣି ନଥିବା କହିଥିଲେ। ମୁଁ ନିଜ କାମରେ ବ୍ୟସ୍ତ ଥିଲି ଏବଂ ମୋ ସ୍ବାମୀଙ୍କୁ ମୁଁ କେବେ ପଚାରିନଥିଲି ସେ କ’ଣ କରୁଥିଲେ। ସେ ମଧ୍ୟ ତାଙ୍କର କାମ ବିଷୟରେ ମୋତେ କିଛି କହିନଥିଲେ। ମୋତେ ସେ ବିଷୟରେ କିଛି ଜଣା ନାହିଁ।