spot_img
Home Blog Page 5326

IPL 2021: ରାଜସ୍ଥାନକୁ ମ୍ୟାଚ୍ ଜିତାଇଲେ ତ୍ୟାଗୀ: ଆଜି ଦିଲ୍ଲୀ ହାଇଦ୍ରାବାଦ ହେବେ ମୁହାଁମୁହିଁ

ଦୁବାଇ: ମଙ୍ଗଳବାର କିଙ୍ଗସ୍ ଇଲେଭେନ୍ ପଞ୍ଜାବ ବିପକ୍ଷ ମ୍ୟାଚ୍‌ରେ ରାଜସ୍ଥାନ ରୟାଲ୍ସ ଚମତ୍କାର ବିଜୟ ହାସଲ କରିଛି । ରୋମାଞ୍ଚରେ ଭରପୂର ଏହି ମ୍ୟାଚକୁ ଶେଷ ଓଭରରେ ୨ ରନ୍‌ରେ ଜିତିନେଇଛି  ରାଜସ୍ଥାନ । ମ୍ୟାଚ୍‌ର ଅନ୍ତିମ ଓଭରରେ ପଞ୍ଚାବକୁ ବିଜୟ ପାଇଁ ୪ରନ ଆବଶ୍ୟକ ପଡ଼ୁଥିବା ସ୍ପିନର କାର୍ତ୍ତିକ ତ୍ୟାଗୀ ମାତ୍ର ୧ ରନ୍ ଦେଇ ୨ ଓ୍ୱିକେଟ ନେବାରେ ସଫଳ ହୋଇଥିଲେ । ଏଥିସହିିିତ ରାଜସ୍ଥାନ ରୟାଲ୍ସକୁ ବିଜୟ ଭେଟିଦେଇଥିଲେ ।

ଦ୍ୱିତୀୟ ଇନିଂସ ଆରମ୍ଭରୁ ବଡ଼ ସ୍କୋର ଚେଜ୍ କରିବାକୁ ଆସିଥିବା ପଞ୍ଜାବ ଟିମ୍‌ର ଦବଦବା ଦେଖିବାକୁ ମିଳିଥିଲା । ପଞ୍ଜାବ ପାଇଁ ପ୍ରାରମ୍ଭିକ ବ୍ୟାଟ୍ସମ୍ୟାନ୍‌ ତଥା ଅଧିନାୟକ କେଏଲ୍‌ ରାହୁଲ ଏବଂ ମୟଙ୍କ ଅଗ୍ରୱାଲ ଭାଗିଦାରୀ ବଦଳରେ ଦଳ ୧୧.୫ ଓଭରରେ ୧୨୦/୧ ହାସଲ କରିଥିବା ବେଳେ ରାହୁଲ ୪୯ ରନ୍‌ରେ ଆଉଟ୍‌ ହୋଇ ଅର୍ଦ୍ଧଶତକରୁ ବଞ୍ଚିତ ହୋଇଥିଲେ । ଆଇପିଏଲ୍‌ରେ ସେ ମଧ୍ୟ ୩,୦୦୦ ରନ୍ ପୂରଣ କରିଥିଲେ। ସେହିଭଳି ମୟଙ୍କ ୬୭ ରନ୍‌, ନିକୋଲାସ ପୁରାନ୍ ୩୨ ରନ୍‌ ଏବଂ ଏଦେନ ମାର୍କରାମ ୨୬* ରନ୍‌ କରିଥିଲେ ମଧ୍ୟ ଦଳକୁ ବିଜୟ ଦେବାରେ ବିଫଳ ହୋଇଥିଲେ। ୫ ୱିକେଟ୍‌ ସଫଳତା ପାଇଥିବା ଅର୍ଶଦୀପ ସିଂହଙ୍କ ଆଇପିଏଲ୍‌ରେ ବ୍ୟକ୍ତିଗତ ଶ୍ରେଷ୍ଠ ବୋଲିଂ ଚିତ୍ର ବି ଫିକା ପଡ଼ିଯାଇଥିଲା।

ଏକଦା ମ୍ୟାଚ୍‌ରେ ରାଜସ୍ଥାନ ରୟାଲ୍ସ ୨ଶହ ଉପରେ ସ୍କୋର କଲା ଭଳି ମନେ ହେଉଥିବା ବେଳେ ଅର୍ଶଦପୀ ସିଂହ ଓ ମହମ୍ମଦ ସାମିଙ୍କ ନିୟନ୍ତ୍ରିତ ବୋଲିଂ ଫଳରେ ଦଳ ଏତ ବଡ଼ ସ୍କୋର କରିପାରିନଥିଲା । ପ୍ରଥମ ୱିକେଟ୍‌ରେ ଏଭିନ ଲୁଇସ ଏବଂ ଯଶସ୍ତ୍ରୀ ଜୟସ୍ଟାଲ ୫.୩ ଓଭରରେ ୫୪ ରନ୍‌ ଯୋଡ଼ିଥିଲେ। ଲୁଇସ୍‌ ୩୬ ରନ୍‌ରେ ଆଉଟ୍‌ ହେବା ପରେ କ୍ରିଜ୍‌କୁ ଆସିଥିବା ଅଧିନାୟକ ସଂଜୁ ସାମସନ (୪ ରନ୍‌) ସଅଳ ଆଉଟ୍‌ ହୋଇ ପ୍ୟାଭିଲିୟନ ଫେରିଥିଲେ। ହେଲେ ଜୟସ୍ଟାଲ ଏବଂ ଲିୟାମ ଲିଭିଂଷ୍ଟୋନ ୧୧ତମ ଓଭରରେ ଦଳୀୟ ସ୍କୋର୍‌ ୧୦୦ ରନ୍‌ ପାର କରାଇ ଦେଇଥିଲେ। ଲିଭିଂଷ୍ଟୋନ୍‌ଙ୍କୁ ୨୫ ରନ୍‌ରେ ଆଉଟ୍‌ କରି ଅର୍ଶଦୀପ ଦ୍ୱିତୀୟ ସଫଳତା ପାଇଥିଲେ। ଅନ୍ୟପଟେ ଜୟସ୍ଟାଲଙ୍କୁ ଯୋଗ ଦେଇଥିବା ମହିପାଳ ଲୋମରର୍‌ କ୍ରିଜ୍‌କୁ ଆସି ଧୁଆଁଧାର ବ୍ୟାଟିଂ କରିଥିଲେ। ଦଳୀୟ ସ୍କୋର୍‌ ୧୩୬ ଥିଲା ବେଳେ ଜୟସ୍ଟାଲ (୪୯ ରନ୍‌) ୧ ରନ୍‌ ପାଇଁ ଅର୍ଦ୍ଧଶତକରୁ ବଞ୍ଚିତ ହୋଇ ପ୍ୟାଭିଲିୟନ ଫେରିଥିଲେ। ଲୋମରର୍‌ (୪୩ ରନ୍‌, ୧୭ ବଲ୍‌, ୨ ଚୌକା, ୪ ଛକା) ୧୬ତମ ଓଭରରେ ୨୪ (୬, ୬, ୪, ୨, ୨, ୪) ରନ୍‌ ସଂଗ୍ରହ କରି ଦଳୀୟ ସ୍କୋର୍‌ ୧୬୪/୪ରେ ପହଞ୍ଚାଇଥିଲେ। ହେଲେ ଶେଷ ୪ ଓଭରରେ ସାମି ଓ ଅର୍ଶଦୀପ ଶାଣିତ ବୋଲିଂ କରି ମାତ୍ର ୧୩ ରନ୍‌ରେ ୬ ୱିକେଟ୍‌ ହାସଲ କରି  ରାଜସ୍ଥାନକୁ ବଡ଼ ସ୍କୋର୍‌ କରିବାକୁ ଦେଇ ନଥିଲେ।  ଅପରପକ୍ଷରେ ଆଜିର ମ୍ୟାଚ୍‌ରେ ଦିଲ୍ଲୀ କ୍ୟାପିଟାଲ୍ସକୁ ଭେଟିବ ସନରାଇର୍ଜସ ହାଇଦ୍ରାବାଦ ।

ଏଥିସହିତ ପଢ଼ନ୍ତୁ: ପଞ୍ଜାବ କିଙ୍ଗ୍ସ ଆଗରେ ୧୮୬ ରନର ଟାର୍ଗେଟ୍ ରଖିଲା ରାଜସ୍ଥାନ ରୟାଲ୍ସ

ଦେଶ ଦେଖିବ ପାଇକଙ୍କ ବୀରତ୍ୱ: ଜାତୀୟ ଚ୍ୟାନେଲରେ ପ୍ରସାରିତ ହେବ ‘ପାଇକ ବିଦ୍ରୋହ’ ନେଇ ଧାରାବାହିକ

ମୁମ୍ବାଇ: ‘କଥା’ ପ୍ରଡକ୍ସନ ଦ୍ୱାରା ନିର୍ମିତ ନୂଆ ଧାରାବାହିତ ବକ୍ସି ଜଗବନ୍ଧୁ ଷ୍ଟାର ପ୍ଲାସରେ ଖୁବଶୀଘ୍ର ପ୍ରସାରଣ ହେବାକୁ ଯାଉଛି । ଆସାଧାରଣ ବିରତ୍ୱ ଏବଂ ଐତିହାସିକ କଥାକୁ ନେଇ ନିର୍ମିତ ଏହି ଧାରାବାହିକ ‘ବିଦ୍ରୋହୀ’ ଦର୍ଶକଙ୍କୁ ଖୁବ ପସନ୍ଦ ଆସିବ ବୋଲି ଆଶା କରାଯାଉଛି । ୧୮୧୭ ମସିହାରେ ଓଡିଶାରେ ବ୍ରିଟିଶ ଇଷ୍ଟ ଇଣ୍ଡିଆ କମ୍ପାନୀ ବିରୁଦ୍ଧରେ ହୋଇଥିବା ବିଦ୍ରୋହର କାହାଣୀ ଏହି ଧାରାବାହିକରେ ଉଲ୍ଲେଖ କରାଯାଇଛି ।

ଏହି ଧାରାବାହିକର କାହାଣୀ ଦୁଇ ରାଜକୁମାରୀ ଏବଂ ଜଣେ ବିଦ୍ରୋହୀ ଯୋଦ୍ଧା କିପରି ଏକାଠି ହୋଇ ବ୍ରିଟିଶ ସରକାର ବିରୋଧରେ ଲଢ଼େଇ କରୁଛନ୍ତି ତାହା ଦର୍ଶାଯାଇଛି । ନିକଟରେ ରିଲିଜ ହୋଇଥିବା ପ୍ରୋମୋରେ ଶରଦ ମଲହୋତ୍ରାଙ୍କୁ ଖୋର୍ଦ୍ଧା ୧୮୪୭ର ଐତିହାସିକ ପାଇକା ବିଦ୍ରୋହର ନେତା ବାକ୍ସୀ ଜଗବନ୍ଧୁ ଭାବରେ ପରିଚିତ କରାଯାଇଛି । ସେ ରୋଡଙ୍ଗାଙ୍କର ଜମିଦାର ଥିଲେ ଏବଂ ଖୋର୍ଦ୍ଧା ରାଜା ତାଙ୍କୁ ସେନାପତି ଭାବରେ ମନୋନୀତ କରିଥିଲେ । ବାସ୍ତବରେ, ବକ୍ସିଙ୍କ ନେତୃତ୍ୱରେ ପ୍ରଚୁର ଟିକସ ଏବଂ ଟିକସମୁକ୍ତ ଜମିକୁ ବେଆଇନ ଭାବେ ଆକ୍ରମଣ ଏବଂ ବ୍ରିଟିଶ ନିୟମ ଦ୍ୱାରା ଲୁଣ ଉପରେ ପ୍ରତିବନ୍ଧକ ବିରୁଦ୍ଧରେ ସ୍ୱର ଉତ୍ତୋଳନ କରିଥିଲେ ।

ଏହି ପ୍ରୋମୋରେ ବାକ୍ସୀ ଜଗବନ୍ଧୁ ଅର୍ଥାତ ଶରଦ ମଲହୋତ୍ରାଙ୍କ ଚମତ୍କାର ଲୁକ୍ ଦେଖିବାକୁ ମିଳିଛି । ଲୁକ୍ସ ବିଷୟରେ କହିବାକୁ ଗଲେ ଶରଦ  ଲମ୍ବା କେଶର ଚେହେରା ଏବଂ ବିସ୍ମୟକର ବ୍ୟକ୍ତିତ୍ୱ ସହିତ ନଜର ଆସିଛନ୍ତି । ମଥାରେ ଏକ ବଡ ନାଲି ଟିକା ପିନ୍ଧିଥିବାର ଏବଂ ଯୋଦ୍ଧାଙ୍କର ଗର୍ବ ପିନ୍ଧିଥିବାର ନଜର ଆସିଛନ୍ତି ।

ବଲାଙ୍ଗୀର ଗସ୍ତରେ ଯିବେ ମୁଖ୍ୟମନ୍ତ୍ରୀ: ସ୍ମାର୍ଟ କାର୍ଡ ବଣ୍ଟନ ସହ ବିଭିନ୍ନ ପ୍ରକଳ୍ପର ଲୋକାର୍ପଣ ଓ ଶିଳାନ୍ୟାସ କରିବେ

ଭୁବନେଶ୍ୱର/ବଲାଙ୍ଗୀର: ଆଉ କିଛି ଘଣ୍ଟାର ଅପେକ୍ଷା । ବଲାଙ୍ଗୀରରେ ପହଞ୍ଚିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିକାଶ ନକ୍ସାରେ ଯୋଡ଼ି ହେବ ବଲାଙ୍ଗୀର ଜିଲ୍ଲା । ଜିଲ୍ଲାର ୪ଲକ୍ଷ,୫୨ହଜାର ପରିବାର ଲୋକେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସାମିଲ ହେବେ । ସକାଳ ୧୦ଟା ୧୫ମିନିଟ ସମୟରେ ତୁଷୁରା ଏୟାରଷ୍ଟ୍ରୀପରେ ଏକ ସ୍ୱତନ୍ତ୍ର ବିମାନରେ ପହଞ୍ଚିବା ପରେ ସେଠାରୁ ହେଲିକପ୍ଟର ଯୋଗେ ୧୦ଟା ୩୫ମିନିଟ ସମୟରେ ଟିଟିଲାଗଡ଼ ସଭାସ୍ଥଳରେ ଯୋଗ ଦେବେ । ଟିଟିଲାଗଡ଼ ଠାରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟ କାର୍ଡ ବଣ୍ଟନ କରିବା ପରେ ଜନସାଧାରଣଙ୍କୁ ସମ୍ବୋଧନ କରିବା ପରେ ସେଠାରୁ ପାଟଣାଗଡ଼ ଓ ବଲାଙ୍ଗୀର ସଭାରେ ଯୋଗ ଦେବେ । ନବୀନଙ୍କ ଏହି ଐତିହାସିକ ଯୋଜନା ତୃଣମୂଳସ୍ତରରେ ପହଞ୍ଚିବା ପାଇଁ ଜିଲ୍ଲାରେ ୧୧ଜଣ ମନ୍ତ୍ରୀ ଓ ୧୬ଜଣ ପର୍ଯ୍ୟବେକ୍ଷକଙ୍କୁ ଦାୟିତ୍ୱ ଦେଇଛନ୍ତି ନବୀନ ।

ଜିଲ୍ଲାରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ କାର୍ଡ ବଣ୍ଟନ କରିବା ସହ ୧୧କୋଟି ଟଙ୍କାରେ ନିର୍ମିତ ଅତ୍ୟାଧୁନିକ ବସ ଟର୍ମିନାଲର ଲୋକାର୍ପଣ କରିବେ । ସେହିପରି ଜିଲ୍ଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ହରିଶଙ୍କର-ନୃସିଂହନାଥ ଗନ୍ଧମାର୍ଦ୍ଦନ ପର୍ବତର ଉନ୍ନତିକରଣ ଓ ସୌଦାର୍ଯ୍ୟକରଣ ପାଇଁ ପ୍ୟାକେଜ ଘୋଷଣା ସହ ଶିଳାନ୍ୟାସ କରିବେ । ସେହିପରି ବଲାଙ୍ଗୀର ପୋୖରାଞ୍ଚଳରେ ହେବାକୁ ଥିବା ସ୍ମାର୍ଟ ପାର୍କ, ରାଜେନ୍ଦ୍ର ବିଶ୍ୱବିଦ୍ୟାଳୟର ଏକାଡେମୀଙ୍କ କୋଠା, ଟିଟିଲାଗଡ଼ ଓ ତୁଷୁରା ଠାରେ ସ୍ମାର୍ଟ ପାର୍କ, ବଲାଙ୍ଗୀର ଠାରେ ଆବର୍ଜନା ପରିଚାଳନା ପାଇଁ ଏସଇଟିସି, ଇଡ଼କୋ ଅଂଚଳରେ ହେବାକୁ ଥିବା ବହୁମୁଖୀ ପାର୍କ, ପ୍ଲାନେଟୋରିୟମ, ଜିଲ୍ଲାର ଅନେକ ଗୁଡ଼ାଏ ଜଳାଶୟର ଉନ୍ନତିକରଣ ପ୍ରକଳ୍ପର ଶିଳାନ୍ୟାସ କରିବେ ।

ବଲାଙ୍ଗୀର, ଟିଟିଲାଗଡ଼ ଓ ପାଟଣାଗଡ଼ ଠାରେ ବିଶୁଦ୍ଧ ପାନୀୟ ଜଳ ପ୍ରକଳ୍ପର ମଧ୍ୟ ଶିଳାନ୍ୟାସ କରିବେ । ଜିଲ୍ଲାର ଜଳସେଚନ ପ୍ରକଳ୍ପ, କୃଷି ଓ କୃଷକ ମାନଙ୍କ ବିକାଶକୁ ନେଇ ଅନେକ ପ୍ରକଳ୍ପର ଲୋକାର୍ପିତ ଓ ଶିଳାନ୍ୟାସ କରିବେ । ଜିଲାର ବିକାଶ ପାଇଁ ପାଖାପାଖି ୫ଶହରୁ ୬ଶହ କୋଟି ଟଙ୍କାର ବିକାଶମୂଳକ ପ୍ରକଳ୍ପ ବଲାଙ୍ଗୀର ବାସୀଙ୍କୁ ଭେଟି ଦେବେ ନବୀନ । ଟିଟିଲାଗଡ଼ ଓ ପାଟଣାଗଡ଼ କାର୍ଯ୍ୟକ୍ରମ ପରେ ବଲାଙ୍ଗୀର ଗାନ୍ଧୀ ଷ୍ଟାଡିୟମ ଠାରେ ୧୨ଟା ୫ମିନିଟ ସମୟରେ ପହଞ୍ଚିବେ ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କ ସହ କାର୍ଯ୍ୟକ୍ରମରେ ଶ୍ରମମନ୍ତ୍ରୀ ସୁଶାନ୍ତ ସିଂ, ଅର୍ଥମନ୍ତ୍ରୀ ନିରଞ୍ଜନ ପୂଜାରୀ, ପରିବହନ ମନ୍ତ୍ରୀ ପଦ୍ମନାଭ ବେହେରା, ବଲାଙ୍ଗୀର ବିଧାୟକ ନରସିଂହ ମିଶ୍ର, କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ଓ ଲୋଇଁସିଂହା ବିଧାୟକ ମୁକେଶ ମହଲିଙ୍ଗ ଉପସ୍ଥିତ ରହିବାର କାର୍ଯ୍ୟକ୍ରମ ରହିଛି । ସୁରକ୍ଷା ଦୃଷ୍ଟିରୁ ତିନୋଟି ସ୍ଥାନରେ ଉତ୍ତରାଂଚଳ ଡିଆଇଜି, ଏସପିଙ୍କ ସମେତ ବରିଷ୍ଠ ପୋଲିସ ଅଧିକାରୀ ଓ ୨୦ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି ।

ଏଥିସହିତ ପଢ଼ନ୍ତୁ: ସ୍ୱରାଷ୍ଟ୍ର ମନ୍ତ୍ରାଳୟ ସହ ହେବ ରାଜ୍ୟର ଗୁରୁତ୍ୱପୂର୍ଣ୍ଣ ବୈଠକ: ବକେୟା ଅର୍ଥ ପ୍ରଦାନ ନେଇ ଦାବି କରିବେ ମୁଖ୍ୟମନ୍ତ୍ରୀ

 

ଅଜଣା ରୋଗରେ ଚାଲିଗଲା ଗୋଟିଏ ପରିବାରର ୨ ଜୀବନ: ସାନ ପୁଅ ସହ ମେଡିକାଲରେ ଚିକିତ୍ସିତ ହେଉଛି ମାଆ

ବଣାଈ: ସୁନ୍ଦରଗଡ଼ ଜିଲା ବଣାଇରୁ ଆସିଛି ଏକ ଦୁଃଖଦ ଖବର । ଲହୁଣିପଡ଼ା ଥାନା ନିକଟ ଦମାଳୁ ଗାଁରେ ମାତ୍ର କିଛି ଘଣ୍ଟା ବ୍ୟବଧାନରେ ଗୋଟିଏ ପରିବାରର ୨ ପ୍ରାଣ ହରାଇଛନ୍ତି । ଗତ କିଛିଦିନ ହେବ ସ୍ୱର୍ଗତ ଅଶୋକ ତୁରୀଙ୍କ ସ୍ତ୍ରୀ ଓ ୩ ପିଲା ଅଜଣା ଜ୍ଜରରେ ଆକ୍ରାନ୍ତ ହୋଇଥିଲେ । ଗତକାଲି ପୁଅ ଅଜୟର ମୃତ୍ୟୁ ହେବା ପରେ ଗ୍ରାମବାସୀ ତାଙ୍କୁ ପୋତି ଦେଇଥିଲେ । ଆଜି ସକାଳୁ ଝିଅ ଆଶ୍ରିତାର ମୃତ୍ୟୁ ହୋଇଛି । ମାଆ ଇନ୍ଦୁ ଓ ସାନପୁଅକୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ସ୍ଥାନୀୟ ବାସିନ୍ଦା ଓ ସମ୍ପର୍କୀୟଙ୍କ ସୂଚନା ମୁତାବକ ସେମାନେ ଅସୁସ୍ଥ ହୋଇ ପଡିବା ପରେ ଜଣେ କ୍ୱାକ୍‌ଙ୍କ ପରାମର୍ଶରେ ଔଷଧ ଖାଇଥିଲେ ।

ଏପରିକି ଚିକିତ୍ସା ପାଇଁ ହସ୍ପିଟାଲକୁ ଯିବା ପରିବର୍ତ୍ତେ ଗୁଣିଗାରେଡ଼ି ସନ୍ଦେହରେ ଝାଡଫୁଙ୍କ ବି କରାଇଥିଲେ । ହେଲେ ଜଣଙ୍କ ପରେ ଜଣେ ମୃତ୍ୟୁ ଖବର ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସେପଟେ ଏ ଖବର ପାଇବା ପରେ ସ୍ୱାସ୍ଥ୍ୟକର୍ମୀ ଆସି ତାଙ୍କୁ ନିକଟସ୍ଥ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି । ଏବେ ଉଭୟ ମାଆ ଓ ଦ୍ୱିତୀୟ ପୁଅ ମେଡିକାଲରେ ସୁସ୍ଥ ଅଛନ୍ତି ।

ଏଥିସହିତ ପଢ଼ନ୍ତୁ: ଆଭ୍ୟନ୍ତରୀଣ ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା: ୨୪ ଯାଏଁ ଲାଗି ରହିବ

ପିପିଲିରେ ରାଜେନୖତିକ ହିଂସା; ବିଜେଡି ମହିଳା କର୍ମୀଙ୍କ ହାତ ଭାଙ୍ଗିଲା

ପିପିଲି: ପିପିଲିରେ ରାଜନୈତିକ ହିଂସା ଅଭିଯୋଗ । ଏଥିରେ ଜଣେ ମହିଳା ବିଜେଡି କର୍ମୀ ଆହତ ହୋଇଛନ୍ତି । ତାଙ୍କର ହାତ ଭାଙ୍ଗିଥିବାରୁ ଥାନାରେ ରୁଜୁ ହୋଇଛି ମାମଲା । ଅଭିଯୋଗକାରିଣୀଙ୍କ ସ୍ୱାମୀଙ୍କୁ ବିଜେପି ରାଲି ସମୟରେ ଗୋଡ଼ାଇ ଗୋଡ଼ାଇ ପିଟୁଥିବାର ଭିଡିଓ ଭାଇରାଲ ହୋଇଛି । ପୁରୀ ଏସପିଙ୍କ ତତ୍ତ୍ୱାବଧାନରେ ଘଟଣା ଉପରେ ନଜର ରଖାଯାଇଛି । ଆଜି ସକାଳେ ମଧ୍ୟ ରାଜନୈତିକ ବିବାଦ ଦେଖିବାକୁ ମିଳିଥିଲା । କିଛି କର୍ମି ପିପିଲି ଜଟଣୀ ମୁଖ୍ୟ ରାସ୍ତାକୁ ଅବରୋଧ କରିଥିଲେ । ପିପିଲି ଥାନା IIC ଘଟଣା ସ୍ଥଳରେ ପହଞ୍ଚି ବୁଝାସୁଝା କରିବା ପରେ ହଟିଥିଲା ରାସ୍ତା ରୋକ ।

ଏଥିସହିତ ପଢ଼ନ୍ତୁ: ଜୋର ଧରିଲାଣି ପିପିଲି ପ୍ରଚାର: ଭର୍ଚୁଆଲରେ ପ୍ରଚାର କରିପାରନ୍ତି ନବୀନ

 

ଆଭ୍ୟନ୍ତରୀଣ ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା: ୨୪ ଯାଏଁ ଲାଗି ରହିବ

ଭୁବନେଶ୍ୱର: ପୁଣି ଓଡ଼ିଶାରେ ଛେଚିବ ବର୍ଷା । ଲଘୁଚାପର ରୂପ ନେଲା ଗାଙ୍ଗେୟ ଉପତ୍ୟକାରେ ସୃଷ୍ଟ ଘୂର୍ଣ୍ଣିବଳୟ । ଏହା ଏବେ ଦକ୍ଷିଣ ଗାଙ୍ଗେୟ ଉପତ୍ୟକାର ଆଖପାଖରେ ସକ୍ରିୟ ରହିଛି । ଏହାର ପ୍ରଭାବରେ ଆସନ୍ତା ୨୪ ଘଣ୍ଟା ମଧ୍ୟରେ ଉତ୍ତର ଓଡ଼ିଶା ସମେତ ଆଭ୍ୟନ୍ତରୀଣ ଓଡ଼ିଶାର ଅଧିକାଂଶ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି । ବିଶେଷ କରି ବାଲେଶ୍ୱର, ମୟୁରଭଞ୍ଜ, କେନ୍ଦୁଝର ଏବଂ ଢେଙ୍କାନାଳ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ଏହାସହ ଭଦ୍ରକ, ଯାଜପୁର, କଟକ, ଜଗତସିଂହପୁର, କେନ୍ଦ୍ରାପଡା, ସୁନ୍ଦରଗଡ, ସମ୍ବଲପୁର, ଦେବଗଡ, ଅନୁଗୁଳ ଏବଂ ଝାରସୁଗୁଡାରେ ପ୍ରବଳ ବର୍ଷା ପାଇଁ ମଧ୍ୟ ୟେଲୋ ଆଲର୍ଟ ଜାରି କରାଯାଇଛି ।

ଏହି ବର୍ଷା ଆସନ୍ତା ୨୪ ତାରିଖ ପର୍ଯ୍ୟନ୍ତ ଲାଗି ରହିବ । ସେହିପରି ୨୫ ତାରିଖରେ ପୂର୍ବ କେନ୍ଦ୍ରୀୟ ସହ ଉତ୍ତର ପୂର୍ବ ବଙ୍ଗୋପସାଗରରେ ଆଉ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି । ଏହାର ପ୍ରଭାବରେ ୨୬ରୁ ରାଜ୍ୟରେ ପୁଣି ବର୍ଷା ଆରମ୍ଭ ହେବ । ବିଶେଷ କରି ଉତ୍ତର ଓଡ଼ିଶା ଏବଂ ଉପକୂଳବର୍ତ୍ତୀ ଓଡ଼ିଶାର ଜିଲ୍ଲାମାନଙ୍କରେ ଏହାର ପ୍ରଭାବ ଅଧିକ ପଡିବ ବୋଲି ଆକଳନ କରିଛନ୍ତି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର । ଯଦି ୨୫ ତାରିଖ ଲଘୁଚାପ ଘନୀଭୁତ ହୁଏ ତେବେ କିଛି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା ରହିଛି । ଏତେ ପରିମାଣର ବର୍ଷା ପରେ ବି ରାଜ୍ୟରେ ଚଳିତ ସିଜିନ୍‌ରେ ୧୧ ପ୍ରତିଶତ ନିଅଣ୍ଟିଆ ବର୍ଷା ରେକର୍ଡ ହୋଇଛି ।

ସୁଇସାଇଡ ନୋଟ୍‌ରେ ୩ଜଣଙ୍କୁ ଦାୟୀ କରିଛନ୍ତି ମହନ୍ତ ନରେନ୍ଦ୍ର ଗିରି,ଏହି କାରଣରୁ କରିଛନ୍ତି ଆତ୍ମହତ୍ୟା

ଅଖିଳ ଭାରତୀୟ ଆଖାଡ଼ା ପରିଷଦର ଅଧ୍ୟକ୍ଷ ଏବଂ ନିରଞ୍ଜନୀ ଆଖାଡ଼ାର ସଚିବ ମହନ୍ତ ମହେନ୍ଦ୍ର ନରେନ୍ଦ୍ର ଗିରିଙ୍କ ମୃତ୍ୟୁ ନେଇ ସସ୍‌ପେନ୍ସ ଜାରି ରହିଛି । ଏହାରି ମଧ୍ୟରେ ତାଙ୍କ ଶିଷ୍ୟ ଆନନ୍ଦ ଗିରିଙ୍କୁ ୟୁପି ପୋଲିସ ହରିଦ୍ୱାର ଠାରୁ ପ୍ରୟାଗରାଜ ନେଇଆସିଛି । ଏବଂ ତାଙ୍କୁ ପଚରାଉଚରା ଜାରି ରଖିଛି ।

ସୂଚନା ଯୋଗ୍ୟ ଯେ, ସୋମବାର ପ୍ରୟାଗରାଜର ବାନ୍ଧଘରି ମଠରେ ନରେନ୍ଦ୍ର ଗିରିଙ୍କ ମୃତଦେହ ସନ୍ଦେହଜନକ ଅବସ୍ଥାରେ ମିଳିଥିଲା । ତାଙ୍କ ସୁଇସାଇଡ ନୋଟରେ ଆନନ୍ଦ ଗିରିଙ୍କ ବିଷୟରେ ଉଲ୍ଲେଖ ରହିଛି । ଏଣୁ ଉତ୍ତରାଖଣ୍ଡ ପୋଲିସ ଆନନ୍ଦ ଗିରିଙ୍କୁ ହରିଦ୍ୱାରରେ ଗିରଫ କରିଛି ।

भास्कर को कथित सुसाइड नोट मिला है, ये पहली बार सामने आया है, लेकिन पुलिस ने इसकी पुष्टि अभी नहीं की है।

ଜାତୀୟ ଗଣମାଧ୍ୟମରେ ପ୍ରଦର୍ଶିତ ସୁଇସାଇଡ ନୋଟ୍ ଅନୁଯାୟୀ, ଜନୈକ ମହିଳାଙ୍କ ସହ ଯୋଡ଼ି ନରେନ୍ଦ୍ର ଗିରିଙ୍କ ଏକ ଭିଡିଓ ଭାଇରାଲ କରାଯିବା ନେଇ ଧମକ ଦିଆଯାଇଥିଲା । ଏଣୁ ସେ ଏଭଳି ଚରମ ନିଷ୍ପତ୍ତି ନେଇଥିବା ଲେଖିଛନ୍ତି । ଚିଠିରେ ଆନନ୍ଦ ଗିରି ଏବଂ ଆଦିତ୍ୟ ତିଓ୍ୱାରୀ ଏବଂ ସନ୍ଦୀପ ତିଓ୍ୱାରୀଙ୍କ ସମ୍ପର୍କରେ ଉଲ୍ଲେଖ ରହିଛି । ଏବଂ ଏହି ୩ଜଣଙ୍କ ଲାଗି ନରେନ୍ଦ୍ର ଗିରି ଆତ୍ମହତ୍ୟା ପାଇଁ ଦାୟୀ କରିଛନ୍ତି । ପୋଲିସ ସମସ୍ତଙ୍କୁ ନିଜ ହେପାଜତକୁ ନେଇ ପଚରାଉଚରା କରୁଛି । ୧୩ ପୃଷ୍ଠା ସୁଇସାଇଡ ନୋଟରେ ୩ ଥର ଏମାନଙ୍କୁ ନରେନ୍ଦ୍ର ଗିରି ଦାୟୀ କରିଛନ୍ତି ।

ଏଥିସହିତ ପଢ଼ନ୍ତୁ: Narendra Giri Maharaj Death: ନରେନ୍ଦ୍ର ଗିରିଙ୍କ ମୃତ୍ୟୁ ମାମଲାରେ SIT ଗଠନ କଲେ ଯୋଗୀ ସରକାର

ଓମ୍ବାଡସି ପାଣ୍ଠିରେ ୬୪୦.୫୫କୋଟିର ପ୍ରକଳ୍ପକୁ ମଞ୍ଜୁରୀ: ୧୧ଟି ସହରାଞ୍ଚଳ ବିକାଶ କାର୍ଯ୍ୟରେ ଖର୍ଚ୍ଚ ହେବ

0

ଭୁବନେଶ୍ୱର: ଖଣିଜ ଉତ୍ତୋଳନ ଯୋଗୁଁ ପ୍ରଭାବିତ ଜିଲ୍ଲାର ସହରାଞ୍ଚଳର ହେବ ବିକାଶ । ଏଥିପାଇଁ ଓମ୍ବାଡସି ପାଣ୍ଠିରେ ୬୪୦.୫୫କୋଟିର ପ୍ରକଳ୍ପକୁ ମଞ୍ଜୁରୀ ମିଳିଛି । ଏଥିରେ ସ୍କୁଲ, ପରିବେଶ ନିରୀକ୍ଷଣ ଓ କ୍ରୀଡ଼ାକ୍ଷେତ୍ରରେ ବିକାଶ କରାଯିବ । ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ନିଷ୍ପତ୍ତି ନିଆଯାଇଛି । ଅନୁଗୁଳ, ଢେଙ୍କାନାଳ, ଦେବଗଡ଼, ଯାଜପୁର, ଝାରସୁଗୁଡ଼ା, ମୟୂରଭଞ୍ଜ ଓ ସୁନ୍ଦରଗଡ଼ ଜିଲ୍ଲାର ୧୧ଟି ସହରାଞ୍ଚଳରେ ବିକାଶ କାମରେ ଖର୍ଚ୍ଚ ହେବ ଟଙ୍କା । ୭ ଜିଲ୍ଲାର ୮୮୯ ହାଇସ୍କୁଲ ପାଇଁ ଖର୍ଚ୍ଚ ହେବ ୫୩୩.୪୦କୋଟି । ୧୦୪.୧୫କୋଟିରେ ସ୍କୁଲଗୁଡ଼ିକରେ ହେବ ବହୁମୁଖୀ ଇନଡୋର ଷ୍ଟାଡିୟମ । ୭ ଜିଲ୍ଲାର ୯ ମ୍ୟୁନିସିପାଲିଟି ଓ ୨ଟି ଏନଏସିରେ ହେବ ଇନଡୋର ଷ୍ଟାଡିୟମ ବୋଲି ନିଷ୍ପତ୍ତି ନିଆଯାଇଛି ।

ଏଥିସହିତ ପଢ଼ନ୍ତୁ: ସ୍ୱରାଷ୍ଟ୍ର ମନ୍ତ୍ରାଳୟ ସହ ହେବ ରାଜ୍ୟର ଗୁରୁତ୍ୱପୂର୍ଣ୍ଣ ବୈଠକ: ବକେୟା ଅର୍ଥ ପ୍ରଦାନ ନେଇ ଦାବି କରିବେ ମୁଖ୍ୟମନ୍ତ୍ରୀ

ସ୍ୱରାଷ୍ଟ୍ର ମନ୍ତ୍ରାଳୟ ସହ ହେବ ରାଜ୍ୟର ଗୁରୁତ୍ୱପୂର୍ଣ୍ଣ ବୈଠକ: ବକେୟା ଅର୍ଥ ପ୍ରଦାନ ନେଇ ଦାବି କରିବେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଟଙ୍କା ଦେଉନି କେନ୍ଦ୍ର । କେନ୍ଦ୍ରୀୟ ଅଂଶଧନ ବାବଦକୁ ବକେୟା ଟଙ୍କା କେନ୍ଦ୍ର ଉପରେ ବଢିବଢି ଚାଲିଛି । ବିପର୍ଯ୍ୟୟ ସହାୟତା ଠାରୁ ଆରମ୍ଭ କରି କୋଇଲା ରୟାଲିଟି , ଜିଏସଟି ବାବଦକୁ ରାଜ୍ୟକୁ ବକେୟା ପ୍ରାପ୍ୟ ବି ଦେଉନାହିଁ କେନ୍ଦ୍ର । ଫୋକସ ରାଜ୍ୟ ଘୋଷଣା ତ ଦୂରର କଥା ଓଡିଶାକୁ ହକ୍ ଦେବାକୁ କରିଚାଲିଛି ଚରମ ଅବହେଳା । ରାଜ୍ୟ ପ୍ରତି କେନ୍ଦ୍ରର ଏପରି ବୈମାତୃକ ମନୋଭାବ ବିରୋଧରେ ଉଠିଛି ପ୍ରତିବାଦର ସ୍ୱର । ଯାହାକୁ ନେଇ ତେଜିଛି ରାଜନୀତି ।

ସବୁବର୍ଷ ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହେଉଛି ଓଡିଶା । ୨୦୦୦ରୁ ୨୦୨୧ ମସିହା ଭିତରେ ୭ ଟି ବାତ୍ୟା , ୬ଟି ମରୁଡି , ୧୫ ଟି ଭୟାନକ ବନ୍ୟାକୁ ସାମନା କରିସାରିଲାଣି ରାଜ୍ୟ । ଏକାକୀ ସଫଳତାର ସହ ମୁକାବିଲା କରିଥିଲେ ମଧ୍ୟ ଦୋହଲି ଯାଉଛି ରାଜ୍ୟର ଆର୍ଥିକ ବ୍ୟବସ୍ଥା । ବିକାଶରେ ଲାଗୁଛି ବ୍ରେକ୍ । କ୍ଷତିପୂରଣ ବାବଦକୁ କେନ୍ଦ୍ର ପାଖରେ ରାଜ୍ୟ ଅର୍ଥ ଦାବି କରୁଥିବା ବେଳେ ସମୁଦ୍ରକୁ ଶଙ୍ଖେ ଦେବା ନ୍ୟାୟରେ ରାଜ୍ୟକୁ ସହଯୋଗ କରୁଛି କେନ୍ଦ୍ର । ଏଯାଏଁ ୭୧ ହଜାର କୋଟି ଟଙ୍କା କ୍ଷତିପୂରଣ ବାବଦକୁ ରାଜ୍ୟ ଦାବି କରିଥିବା ବେଳେ ମିଳିଛି ମାତ୍ର ୭ ହଜାର କୋଟି । ସେହିପରି ଅନେକ କେନ୍ଦ୍ରୀୟ ପ୍ରବର୍ତ୍ତିତ ଯୋଜନାରେ ରାଜ୍ୟର ଅଂଶଧନ ମିଳୁନଥିବା ବେଳେ ଜିଏସଟି , କୋଇଲା ରୟାଲିଟି , ଧାନକିଣା ସବସିଡି ବାବଦକୁ କୋଟି କୋଟି ଟଙ୍କା କେନ୍ଦ୍ର ଖାତାରେ ବକେୟା ପଡୁଛି । ଯାହାକୁ ନେଇ ସଂସଦରେ ବିଜେଡି ବାରମ୍ବାର ସ୍ୱର ଉତ୍ତୋଳନ କରୁଛି । ରାଜ୍ୟ ଦାବି କରିଥିଲେ ମଧ୍ୟ କେନ୍ଦ୍ର କିନ୍ତୁ ଅଣଦେଖା କରିଚାଲିଛି ।

ଅନ୍ୟପକ୍ଷରେ ୭ ବର୍ଷ ଭିତରେ ୩୩ଟି କେନ୍ଦ୍ରୀୟ ପ୍ରବର୍ତ୍ତିତ ଯୋଜନାର ଅର୍ଥକାଟ ହେବା ସହ ୮ଟି ଯୋଜନାକୁ ସମ୍ପୁର୍ଣ୍ଣ ବନ୍ଦ କରିଛନ୍ତି କେନ୍ଦ୍ରସରକାର । ୯୦- ୧୦ ଅନୁପାତର ଅଂଶଧନ ଏବେ ୫୦ -୫୦ପ୍ରତିଶତରେ ପହଞ୍ଚିଲାଣି । ଆସନ୍ତା ୨୬ ତାରିଖରେ ସ୍ୱରାଷ୍ଟ୍ର ମନ୍ତ୍ରାଳୟ ମାଓ ଦମନ ଉପରେ କେନ୍ଦ୍ର ରାଜ୍ୟ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ବୈଠକ ବସିବାକୁ ଯାଉଛି । ଏଥିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗଦେଇ ରାଜ୍ୟର ବକେୟା ଅର୍ଥ ପ୍ରସଙ୍ଗ ଉଠାଇବେ । କେନ୍ଦ୍ରୀୟ ଅଂଶଧନ ଓ ବକେୟା ଅର୍ଥ ଦେବା ପାଇଁ ଦାବି କରିବେ । ଲଗାତାର ଭାବେ କେନ୍ଦ୍ରର ରାଜ୍ୟ ପ୍ରତି ଏଭଳି ଅଣଦେଖା ନେଇ କେନ୍ଦ୍ର ଉପରେ ବର୍ଷିଛି କଂଗ୍ରେସ ଓ ବିଜେଡି । ସେପଟେ ରାଜ୍ୟ ସ୍ୱାର୍ଥ ଭୁଲି ଏହି ପ୍ରସଙ୍ଗରେ କେନ୍ଦ୍ର ପାଇଁ ଓକିଲାତି କରିଛି ବିଜେପି । କୋଇଲା ସେସ୍ ବାବଦକୁ କେନ୍ଦ୍ର ପ୍ରତିବର୍ଷ ୧୨ ହଜାରରୁ ୧୪ ହଜାର କୋଟି ଟଙ୍କା ରାଜସ୍ୱ ନେଉଛି । ହେଲେ ୭ ବର୍ଷ ଧରି ଟଙ୍କାଟିଏ ବି ଦେଇନାହିଁ ରାଜ୍ୟକୁ । ଜିଏସଟି ବାବଦକୁ ୩ ହଜାର କୋଟି ଟଙ୍କା ବକେୟା ପଡ଼ିରହିଛି ।

ଜୋର ଧରିଲାଣି ପିପିଲି ପ୍ରଚାର: ଭର୍ଚୁଆଲରେ ପ୍ରଚାର କରିପାରନ୍ତି ନବୀନ

ଭୁବନେଶ୍ୱର/ପିିପିଲି/ଡେଲାଙ୍ଗ: ପିପିଲିରେ ଜମିଲାଣି ପ୍ରଚାର । ସବୁ ଦଳର ହେବିଓ୍ୱେଟ ନେତା ମଇଦାନକୁ ଓହ୍ଲାଇଲେଣି । ଉପନିର୍ବାଚନ ପାଇଁ ବିଜେଡି ପ୍ରଚାରକୁ ଜୋରଦାର କରିଛି । ଆବଶ୍ୟକ ପଡ଼ିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲରେ ପ୍ରଚାର କରିବେ । ସେପଟେ ଆଜି ପିପିଲିରେ ସବୁ ଦଳର ହେଓ୍ୱିବେଟ୍ ନେତାମାନେ ନିଜ ନିଜ ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିଛନ୍ତି । ଏଥିପାଇଁ ପିପିଲି ପରିବେଶ ସରଗରମ ହୋଇଛି ।

ପିପିଲିରେ ପ୍ରଚାର କରିବେ ହେବିଓ୍ୱେଟ୍ । ପ୍ରାର୍ଥୀଙ୍କ ପାଇଁ ମାଗିବେ ଭୋଟ୍ । ୨୫ରୁ କେନ୍ଦ୍ରୀୟ ନେତା ଓହ୍ଲାଇେବ ମଇଦାନକୁ । ନବୀନ କରିପାରନ୍ତି ଭର୍ଚୁଆଲରେ ପ୍ରଚାର । ପିପିଲି ଉପନିର୍ବାଚନ ପାଇଁ ୨୦ରୁ ବିଧିବଦ୍ଧ ଭାବେ ପ୍ରଚାର ଆରମ୍ଭ ହୋଇଥିବା ବେଳେ ଷ୍ଟାର କ୍ୟାମ୍ପେନର ପିପିଲିମୁହାଁ ହେଲେଣି । ଆରମ୍ଭରୁ ଛୋଟ ଛୋଟ ଟିମ କରି ବିଜେଡି ଜୋରଦାର ପ୍ରଚାର କରିଛି । ଦଳର ପ୍ରାର୍ଥୀ ରୁଦ୍ରପ୍ରତାପ ମହାରଥୀ ସମର୍ଥକଙ୍କ ସହ ଘରଘର ବୁଲି ଭୋଟରଙ୍କୁ ଭେଟୁଛନ୍ତି । ପିପିଲିବାସୀଙ୍କ ମୁଡ୍ ଦେଖି ବହୁ ବ୍ୟବଧାନରେ ବିଜେଡି ଜିତିବ ବୋଲି ଦମ୍ଭୋକ୍ତି କରିଛି । ଦରକାର ହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲରେ ପ୍ରଚାର କରିବେ ।

ଅନ୍ୟପଟେ ବିଜେଡ଼ି-ବିଜେପି ଓ କଂଗ୍ରେସ ପ୍ରାର୍ଥୀଙ୍କ ସପକ୍ଷରେ ୩ ଦଳର ହେବିଓ୍ୱେଟ ନେତାମାନେ ଭୋଟଭିକ୍ଷା କରିଛନ୍ତି । ବିଜେଡ଼ି ସାଂସଦ ପିନାକୀ ମିଶ୍ର,ବିଧାୟକ ଦେବୀ ମିଶ୍ର, ପ୍ରଚାର କରିଥୀବା ବେଳେ ବିଜେପି ପକ୍ଷରୁ ସମ୍ବିତ ପାତ୍ର, ପିସିସି ସଭାପତି ନିରଞ୍ଜନ ପଟ୍ଟନାୟକ ପ୍ରମୁଖ ପ୍ରଚାରର ମଙ୍ଗ ଧରିଥୀଲେ । ଆସନ୍ତା ୩୦ ତାରିଖରେ ପିପିଲି ଉପନିର୍ବାଚନ । ଭୋଟଗ୍ରହଣ ତାରିଖ ଯେତେ ପାଖେଇ ଆସୁଛି, ପ୍ରଚାର ସେତିକି ଜମୁଛି ।

ଏଥିସହିତ ପଢ଼ନ୍ତୁ: ମହିଳାଙ୍କ ଦକ୍ଷତା ବିକାଶ ଓ ସଶକ୍ତିକରଣ ଦିଗରେ ରାଜ୍ୟ ସରକାରଙ୍କ ପଦକ୍ଷେପକୁ ଜାତିସଂଘ ପ୍ରତିନିଧିଙ୍କ ପ୍ରଶଂସା