spot_img

Latest Posts

ପ୍ରହସନ ପାଲଟିଛି ଆମ କଳାକାର ଯୋଜନା !

ନନ୍ଦିଘୋଷ ବ୍ୟୁରୋ: ପ୍ରହସନ ପାଲଟିଛି ‘ଆମ କଳାକାର’ ଯୋଜନା ! ସୂଚନା ଅଭାବରୁ ବଣମଲ୍ଲୀ ଭଳି ମଉଳି ଯାଉଛନ୍ତି ଅନେକ ଆଦିବାସୀ କଳାକାର । କଳାକାର ଚୟନ ପ୍ରକ୍ରିୟାରେ ହୋଇପାରୁ ନାହାନ୍ତି ସାମିଲ । ଗଜପତି ଜିଲ୍ଲା ସଂସ୍କୃତି ବିଭାଗ ପକ୍ଷରୁ ପାରଳାଖେମୁଣ୍ଡି ଟାଉନହଲ ଠାରେ ୯ ତାରିଖରୁ ଆରମ୍ଭ ହୋଇଥିଲା କଳାକାର ଚୟନ ପ୍ରକିୟା । ଜିଲ୍ଲାର ବିଭିନ୍ନ ସ୍ଥାନରୁ ମାତ୍ର ୨୬୩ଟି କଳାକାର ଦଳ ଭାଗ ନେଇଥିଲେ । ପ୍ରଚାର ପ୍ରସାର ଅଭାବରୁ ଅନେକ ଯୋଗ୍ୟ କଳାକାର ଚୟନ ପ୍ରକ୍ରିୟାରେ ଅଂଶଗ୍ରହଣ କରିପାରିନଥିବା ଅଭିଯୋଗ ହୋଇଛି ।

ଆଦିବାସୀ ପାରମ୍ପରିକ କଳାର ମୂଲ୍ୟାୟନରେ ଅଭିଜ୍ଞ କଳାକାର ସାମିଲ ହୋଇପାରିଲେ ନାହିଁ । ୧୪୪୯ଟି ଗାଁରୁ ମାତ୍ର ୨୬୩ଟି କଳାକାର ଦଳ ସାମିଲ ହେଲେ । ଏପରିକି ଚୟନ ପ୍ରକ୍ରିୟାରେ ଜିଲ୍ଲାର ସଂଖ୍ୟା ଗରିଷ୍ଠ ଆଦିବାସୀ କଳାକାରଙ୍କୁ ସାମିଲ କରାଗଲା ନାହିଁ । ଯାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଆଦିବାସୀ ନେତା । ଅନ୍ୟପଟେ ସମସ୍ତ କାର୍ଯ୍ୟ ସରକାରୀ ନିୟମ ଓ ମାର୍ଗଦର୍ଶିକା ଅନୁସାରେ ହୋଇଛି ବୋଲି କହିଛନ୍ତି ଅଧିକାରୀ।
ଗଜପତିର ସମୃଦ୍ଧ ଆଦିବାସୀ କଳା ଓ ସଂସ୍କୃତିକୁ କେବେ ମିଳିବ ଉଚିତ ନ୍ୟାୟ ? ତାକୁ ନେଇ ଉଠିଛି ବଡ଼ ପ୍ରଶ୍ନ । ଗଜପତିରୁ ସରୋଜ ବିରାଙ୍କ ରିପୋର୍ଟ ନନ୍ଦିଘୋଷ ଟିଭି।…

Latest Posts

Don't Miss