spot_img
Home Blog Page 5323

ଦେଶରେ ରହିଛି କେତୋଟି ‘ଆଖଡ଼ା’, କାହିଁକି ସନ୍ଥ ଚଳାଇଥିଲେ ଆଖଡ଼ାଶାଳ ?

ନନ୍ଦିଘୋଷ ବ୍ୟୁରୋ: ଆପଣ ‘ଆଖଡ଼ା’ ଶବ୍ଦ ଶୁଣିଥିବେ  । ଗାଁ ମାନଙ୍କରେ ସେବେ ଆଖଡ଼ା ଶାଳ ଦେଖିଥିବେ ।  ଏହି ଶବ୍ଦ ଶୁଣିବା ମାତ୍ରେ ମଲ୍ଲ ଯୋଦ୍ଧା, କୁସ୍ତି ଯୋଦ୍ଧା ଅର୍ଥାତ ପେହଲବାନ କଥା ମନକୁ ଆପେ ଚାଲିଆସେ  । କିନ୍ତୁ କେବେ ବାବା ମାନଙ୍କର ଆଖଡ଼ା ଥିବା କଥା ଶୁଣିଛନ୍ତି କି ? ହଁ ସାଧି ସନ୍ଥଙ୍କର ମଧ୍ୟ ଆଖଡ଼ା ରହିଛି  । କାରଣ କୁମ୍ଭରେ ସର୍ବୋଚ୍ଚତା ପାଇଁ ଲାଗି ରହେ କଳହ, ଶୀର୍ଷ ହେବା ପାଇଁ ବିବାଦ ବି ସଂଘର୍ଷର ରୂପ ଧାରଣ କରେ  । ଆଉ ଏଇଥି ପାଇଁ ହିଁ ଏମାନେ ପ୍ରସ୍ତୁତ ହୋଇଥାନ୍ତି  ।

ହାତୀ-ହତିଆର, ଘଣ୍ଟ-ଘଣ୍ଟା, ସାଜ-ସଜ୍ଜା, ନାଗା-ଆଖଡ଼ାର ପ୍ରଦର୍ଶନ  । ଏମିତିକି ହାତରେ ମାରଣାସ୍ତ୍ର ଏବଂ ବନ୍ଧୁକ ଧରି ପ୍ରଦର୍ଶନ ହୋଇଥାଏ  । ଏକପ୍ରକାର ବାବା ମାନଙ୍କର ଏହି ଆଖଡ଼ାକୁ ହିନ୍ଦୁ ଧର୍ମର ମଠ କୁହାଯାଇଥାଏ  । ଆରମ୍ଭରୁ କେବଳ ଭାରତରେ ୪ଟି ଆଖଡା ଥିବା ଉଲ୍ଲେଖ ରହିଛି  । କିନ୍ତୁ ବୈଚାରିକ ମତଭେଦ ଯୋଗୁଁ ଏହି ଆଖଡ଼ା ପରବର୍ତ୍ତୀ ସମୟରେ ଭାଗ ଭାଗ ହେବାକୁ ଲାଗିଲା  । ୪ରୁ ୧୩ରେ ପହଁଚିଲା । ଅର୍ଥାତ ଏବେ ଭାରତରେ ରହିଛି ୧୩ଟି ପ୍ରମୁଖ ଆଖଡ଼ା  ।  ଏବଂ ଏହି ଆଖଡ଼ା ମାନ ନିଜ ନିଜର ପରମ୍ପରା ଅନୁଯାୟୀ ଶିଷ୍ୟ ଆପଣାଇବା ସହ ଉତ୍ପାଧି ବାଣ୍ଟି ଚାଲିଲେ  । ଆଉ ଏଇଠୁ ହିଁ ଆରମ୍ଭ ହେଲା ବାବାଙ୍କ ବରାବର ରାଜନୀତି   ।

ତେବେ ଯଦି ଇତିହାସ ପୂଷ୍ଠାକୁ ଓଲଟାଇବେ, ଏକଥା ମଧ୍ୟ କୁହାଯାଏ ଯେ ଶତାଦ୍ଦୀ ଶତାଦ୍ଦୀ ପୂର୍ବରୁ ଆଦି ଶଙ୍କରାଚାର୍ଯ୍ୟ ହିନ୍ଦୁ ଧର୍ମର ରକ୍ଷା ପାଇଁ ଆଖଡ଼ାର ଉତ୍ଥାପନ କରିଥିଲେ  । ସେହି ସମୟରେ ବୌଦ୍ଧ ଧର୍ମର ବ୍ୟାପକ ପ୍ରଚାର ପ୍ରସାର କରାଯାଉଥିଲା  । ହିନ୍ଦୁ ଧର୍ମ ପରିତ୍ୟାଗ କରି ଅଧିକାଂଶ ଲୋକେ ବୌଦ୍ଧ ଧର୍ମ ଗ୍ରହଣ କରୁଥିଲେ  । ଏବଂ ହିନ୍ଦୁ ଧର୍ମକୁ ରୋକିବା ପାଇଁ ଆଦି ଶଙ୍କରାଚାର୍ଯ୍ୟ ଆଖଡାରେ ଶିଶ୍ୟ ମାନଙ୍କୁ ଶାସ୍ତ୍ର ସହ ଶତ୍ସ ଶିକ୍ଷା ମଧ୍ୟ ପ୍ରଦାନ କରୁଥିଲେ  । କିନ୍ତୁ ଆଦି ଶଙ୍କରାଚାର୍ଯ୍ୟ ଯେ ଆଖଡ଼ାର ଆରମ୍ଭ କରିଥିଲେ ଏନେଇ କୌଣସି ସ୍ପଷ୍ଟ ଇତିହାସ ଉଲ୍ଲେଖ ନାହିଁ  । କାରଣ ଶଙ୍କରାଚାର୍ଯ୍ୟଙ୍କ ଆବିର୍ଭାବ ଅଷ୍ଟମ କିମ୍ବା ନବମ ଶତାଦ୍ଦୀରୁ  । ତେଣୁ ଏହା ପୂର୍ବରୁ ଯେ ଆଖ଼ଡା ଶାଳ ମାନ ନଥିବ ଏନେଇ ବିଶେଷ ତଥ୍ୟ କୌଣସି ସ୍ଥାନରେ ପ୍ରଦତ୍ତ ନାହିଁ  ।

ସେପଟେ ୧୩ଟି ପ୍ରମୁଖ ଆଖଡ଼ା ଯଥାକ୍ରମେ ଆବାହନ ଆଖଡ଼ା, ଅଟଳ ଆଖଡ଼ା, ମହାନିର୍ମାଣୀ ଆଖଡ଼ା. ଆନନ୍ଦ ଆଖଡ଼ା, ନିର୍ମାହି ଆଖଡ଼ା, ଦଶନାମୀ ଆଖଡ଼ା, ନିରଞ୍ଜରୀ ଏବଂ ଜୁନା ଆଖଡ଼ାର ମଧ୍ୟ ଅନେକ ଇତିହାସ ରହିଛି  । ଭିନ୍ନ ଭିନ୍ନ ପରମ୍ପରା ଏବଂ ନିଜସ୍ୱ ନିତୀ, ନିୟମ, ବିଧି – ବିଧାନ ରହିଛି  । କିନ୍ତୁ ସମସ୍ତ ଆଖଡ଼ାକୁ ନେଇ ତିନୋଟି ଭାଗରେ ବିଭକ୍ତ କରାଯାଇଛି  । ପ୍ରଥମରେ ରହିଛି ଶୈବ ଆଖଡ଼ା- ଅର୍ଥାତ ଯେଉଁମାନେ ମହାଦେବ ଶିବଙ୍କ ପ୍ରତି ସମର୍ପିତ  । ଦ୍ୱିତୀୟରେ ରହିଛି- ବୌଷ୍ଣବ ଆଖଡ଼ା,  ଭଗବାନ ବିଷ୍ଣୁଙ୍କୁ ପୂଜା ଅର୍ଚ୍ଚନା କରୁଥିବା ସାଧି ସନ୍ଥ ଗଣ ଏହି ଆଖଡ଼ାରେ ସାମିଲ ହୋଇଥାନ୍ତି  । ସେହିପରି ତୃତୀୟରେ ଅର୍ଥାତ ଅନ୍ତିମ ଆଖଡ଼ାକୁ କୁହାଯାଏ ସଂପ୍ରଦାୟ ଉଦାସୀନ ପନ୍ଥ  । ଉଦାସୀନ ପନ୍ଥକୁ ଅନୁସରଣ କରୁଥିବା ସାଧୁ ମାନେ ଗୁରୁ ନାନକଙ୍କ ବାଣୀରେ ପ୍ରେରିତ ହୋଇଥାନ୍ତି  । ପଞ୍ଚତତ୍ୱ ଯଥା ଅଗ୍ନି, ବାୟୁ, ଆକାଶ, ଧରିତ୍ରୀ ଏବଂ ଆକାଶକୁ ଉପାସନା କରିଥାନ୍ତି  ।

ପ୍ରେରଣା ଦେଉଛି ‘ପ୍ରେରଣା ସମ୍ମାନ’, ୭୩୩ ଦିବ୍ୟାଙ୍ଗ ଛାତ୍ରଛାତ୍ରୀ ସମ୍ମାନିତ

0

ଭୁବନେଶ୍ୱର: ମାଟ୍ରିକ୍ ପରୀକ୍ଷାରେ ଭିନ୍ନକ୍ଷମ ପିଲାମାନଙ୍କର ସଫଳତାକୁ ପାଳନ କରିବା ଉଦ୍ଦେଶ୍ୟରେ ବୁଧବାର ଅପରାହ୍ଣରେ ସପ୍ତମ ପ୍ରେରଣା ସମ୍ମାନ ଭର୍ଚୁଆଲ୍ ମୋଡରେ ଅନୁଷ୍ଠିତ ହୋଇଯାଇଛି । ୨୦୧୫ ମସିହାରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ ରାଜ୍ୟର ୧୦ମ ପରୀକ୍ଷାରେ ଦିବ୍ୟାଙ୍ଗ ଛାତ୍ରଛାତ୍ରୀଙ୍କୁ ଉତ୍ସାହିତ କରିବା ଉଦେଶ୍ୟରେ ଡକ୍ଟର ଶ୍ରୁତି ମହାପାତ୍ରଙ୍କ ଦ୍ୱାରା ସଂକଳ୍ପିତ ହୋଇଥିଲା । ଓଡିଶାରେ ଭିନ୍ନକ୍ଷମ ଛାତ୍ରମାନଙ୍କ ଭବିଷ୍ୟତ ବିଷୟରେ ସଚେତନତା ସୃଷ୍ଟି କରିବା ଏବଂ ଏକକାଳୀନ ଛାତ୍ରମାନଙ୍କୁ ସେମାନଙ୍କର କାର୍ଯ୍ୟ ଦକ୍ଷତାକୁ ଉନ୍ନତ କରିବା ପାଇଁ ଏହା ଏକ ପ୍ରୟାସ ।

୧୦ମ ଶ୍ରେଣୀରେ ଭଲ ମାର୍କ ରଖି ଆଜି ସେମାନେ ହଜାର ହଜାର ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ପାଇଁ ଆଶା ଏବଂ ପ୍ରେରଣା ପାଲଟିଛନ୍ତି । ଏହି କାର୍ଯ୍ୟକ୍ରମ ଆରମ୍ଭ ହେବା ପରଠାରୁ ବର୍ତ୍ତମାନ ସୁଦ୍ଧା ୧ହଜାର ୬୭ଜଣ ଭିନ୍ନକ୍ଷମ ଛାତ୍ରଙ୍କୁ ପ୍ରେରଣା ସମ୍ମାନ ଏବଂ ୫୨୬ଜଣ ଜଣଙ୍କୁ ଛାତ୍ରବୃତ୍ତି ଏବଂ ସାଧାରଣ ସଚେତନତା ଶ୍ରେଣୀରେ ସମ୍ମାନିତ କରାଯାଇଛି।
ମୋ ସ୍କୁଲ୍ ଅଭିଯାନ ଅଧ୍ୟକ୍ଷା  ସୁସ୍ମିତା ବାଗଚି,  ଅନୁପମ ସାହା( ଆଇଏଏସ୍), ପଦ୍ମ ମହାନ୍ତି (ଆଇଏଫଏସ୍) ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ । ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତିଙ୍କ ମଧ୍ୟରେ ଅଭିନେତ୍ରୀ ଅର୍ଚ୍ଚିତା ସାହୁ ଏବଂ ସ୍ୱାଭିମାନର ସିଇଓ ଡକ୍ଟର ଶ୍ରୁତି ମହାପାତ୍ର ଉପସ୍ଥିତ ରହି ମେଧାବୀ ଦିବ୍ୟାଙ୍ଗ ଛାତ୍ରଛାତ୍ରୀଙ୍କୁ ସମ୍ମାନିତ କରିଥିଲେ ।
ଏହି ଅବସରରେ ପାରା ଅଲିମ୍ପିଆନଙ୍କ ପ୍ରଦର୍ଶନକୁ ସୁସ୍ମିତା ବାଗଚି ଏହି ଉଚ୍ଚପ୍ରଶଂସା କରିଥିଲେ।ସେ ସଦ୍ୟସମାପ୍ତ ପାରା ଅଲମ୍ପିକ୍ର ସ୍ୱର୍ଣ୍ଣପଦକ ବିଜେତା ପ୍ରମୋଦ ଭାଗବତଙ୍କ କାହାଣୀ ବର୍ଣ୍ଣନା କରିଥିଲେ ।

ଉତ୍ସବରେ ୩୦ଟି ଜିଲ୍ଲାର ୭୩୩ ଜଣ ଛାତ୍ରଛାତ୍ରୀଙ୍କୁ ସମ୍ମାନିତ କରାଯାଇଛି । ଯେଉଁମାନେ ୫୫ପ୍ରତିଶତ ରୁଅଧିକ ସ୍କୋର କରିଛନ୍ତି ସେମାନଙ୍କୁ ପ୍ରେରଣା ସମ୍ମାନ, ଯେଉଁ ଛାତ୍ରମାନେ ୬୫ପ୍ରତିଶତ ମାର୍କରୁ ଅଧିକ ସ୍କୋର କରିଛନ୍ତି ସେମାନଙ୍କୁ ମାସିକ ୧ହଜାର ଟଙ୍କା ବୃତ୍ତି ପାଇବେ। ଏହା ବ୍ୟତୀତ ଯେଉଁମାନେ ୯୦ପ୍ରତିଶତରୁ ଅଧିକ ନମ୍ବର ରଖିଛନ୍ତି ସେମାନଙ୍କୁ ସ୍ୱର୍ଣ୍ଣପଦକ ଏବଂ ୩୦୦୦ଟଙ୍କାର ପୁସ୍ତକ, ଯେଉଁମାନେ ୮୦-୮୯ପ୍ରତିଶତ ନମ୍ବର ରଖିଛନ୍ତି ସେମାନଙ୍କୁ ରୌପ୍ୟପଦକ ଏବଂ ୫୦୦ ଟଙ୍କା ମୂଲ୍ୟର ପୁସ୍ତକ ଏବଂ ୭୫-୭୯ପ୍ରତିଶତ ନମ୍ବର ରଖିଥିବା ଛାତ୍ରଛାତ୍ରୀଙ୍କୁ ବ୍ରୋଞ୍ଜପଦକ ସହ ୫ଶହ ଟଙ୍କା ମୂଲ୍ୟର ପୁସ୍ତକ ପ୍ରଦାନ କରାଯିବ ।

ଅଣ୍ଡର-୧୮ ଭାରତୀୟ ମହିଳା ରଗବୀ ଖେଳାଳିଙ୍କୁ ରାଜ୍ୟ ସରକାରଙ୍କ ପକ୍ଷରୁ ସମ୍ବର୍ଦ୍ଧନା

ଭୁବନେଶ୍ୱର: ୧୮ ବର୍ଷରୁ କମ୍ ଭାରତୀୟ ମହିଳା ରଗବୀ ଖେଳାଳିଙ୍କୁ ରାଜ୍ୟ ସରକାରଙ୍କ ପକ୍ଷରୁ ସମ୍ବର୍ଦ୍ଧନା ପ୍ରଦାନ କରାଯାଇଛି । ଲୋକସେବା ଭବନଠାରେ ଅନୁଷ୍ଠିତ ସମ୍ବର୍ଦ୍ଧନା ଉତ୍ସବରେ ଖେଳାଳିଙ୍କୁ ସମ୍ବର୍ଦ୍ଧିତ କରାଯିବା ସହ ପୁରସ୍କାର ପ୍ରଦାନ କରାଯାଇଛି । ରାଜ୍ୟ ସରକାରଙ୍କ ପକ୍ଷରୁ ୧୪ ଜଣିଆ ରାଗବୀ ଟିମକୁ ୫ ଲକ୍ଷ ଟଙ୍କା ପୁରସ୍କାର ରାଶି ପ୍ରଦାନ କରଯାଇଛି । ଏହାସହ ପ୍ରତ୍ୟେକ ଖେଳାଳିଙ୍କୁ ୨୫ ହଜାର ଟଙ୍କା ଲେଖାଏଁ ରଗବୀ ଇଣ୍ଡିଆ ପକ୍ଷରୁ ମଧ୍ୟ ପ୍ରଦାନ କରାଯାଇଛି ।

U-18 Indian Women's Rugby Team Felicitated By Govt. Of Odisha

କେବଳ ଏତିକି ନୁହେଁ ବ୍ଲେଡ଼ ଅର୍ବାନ ଏୟାର ମୋବିଲିଟି ପକ୍ଷରୁ ମଧ୍ୟ ପ୍ରତ୍ୟେକ ଖେଳାଳିଙ୍କୁ ୨୫ ହଜାର ଟଙ୍କା ଲେଖାଏଁ  ପୁରସ୍କାର ରାଶି ପ୍ରଦାନ କରାଯାଇଛି । ତାସକେଣ୍ଟରେ ଖେଳାଯାଇଥିବା ଏସିଆ ରଗବୀ ଅଣ୍ଡର-୧୮ ସେଭେନ୍ସ ଚାମ୍ପିଅନସିପରେ ରୌପ୍ୟ ପଦକ ପାଇ ଓଡ଼ିଶା ଫେରିଲା ପରେ ମହିଳା ରଗବୀ ଖେଳାଳିଙ୍କୁ ରାଜ୍ୟ ସରକାରଙ୍କ ପକ୍ଷରୁ ସମ୍ବର୍ଦ୍ଧନା ସହ ପୁରସ୍କାର ପ୍ରଦାନ କରାଯାଇଛି ।

U-18 Indian Women's Rugby Team Felicitated By Govt. Of Odisha

ଅଣ୍ଡର-୧୮ ଭାରତୀୟ ମହିଳା ରଗବୀ ଦଳରେ ୩ ଓଡ଼ିଆ ତରୁଲତା ନାୟକ, ମାମା ନାୟକ ଓ ନିର୍ମାଲ୍ୟ ରାଉତ ସାମିଲ ଅଛନ୍ତି । ହକି ପରେ ରଗବୀର ପ୍ରାୟୋଜକ ଦାୟିତ୍ୱ ନେଇଛି ଓଡ଼ିଶା । ଆଗକୁ ମଧ୍ୟ ପ୍ରୋତ୍ସାହନ ଜାରି ରହିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଏଥିସହ ଖେଳାଳି ମାନେ ଯୁବପିଢିଙ୍କ ପାଇଁ ଉଦାହରଣ ପାଲଟିଛନ୍ତି ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଆକାଶରେ ନୁହେଁ, ଗଭୀର ସମୁଦ୍ରରେ ଏଲିୟନ୍…

ନନ୍ଦିଘୋଷ ବ୍ୟୁରୋ: ମହାକାଶ ନୁହେଁ, ମହି ତଳେ ଏଲିୟନ  । ଆକାଶରେ ନୁହେଁ, ଗଭୀର ସମୁଦ୍ରରେ ଦେଖିବାକୁ ମିଳିଛି ଏଲିଅନ୍  । ପୃଥିବୀ ପୃଷ୍ଠକୁ ବିଭିନ୍ନ ସମୟରେ ଏଲିୟନ ପ୍ରବେଶ କରୁଥିବା ଖବର ଆମେ ଶୁଣିବାକୁ ପାଇଛେ  । ମଣିଷ ଭଳି ଦେଖାଯାଉଥିବା ଆଉ ଏକ ଜୀବ ପୃଥିବୀ ବାହାରେ ବଞ୍ଚିଥିବା ଖବର ବିଭିନ୍ନ ସମୟରେ ପ୍ରକାଶ ପାଇଥାଏ  । ଉଡ଼ନ୍ତା ଥାଳିଆ ଅର୍ଥାତ UFO ସାହାର୍ଯ୍ୟରେ ଏମାନେ ମାହାକାଶରେ ବିଚରଣ କରିଥାନ୍ତି  । କିନ୍ତୁ ଆଜି ଆପଣ ଦେଖିବାକୁ ଯାଉଥିବା ଏଲିୟନ ମହାକାଶରେ ନୁହେଁ ବଂର ଗଭୀର ସମୁଦ୍ରରେ ରହିଛି….

ଆଜିବି ଅନେକ ବୃହତକାୟ ଏବଂ ସନ୍ଦିଗ୍ଧ ଜୀବ ଗଭୀର ସମୁଦ୍ରର  ଭିତରେ ରହୁଛନ୍ତି । ଯାହା ସହ ମଣିଷ ସମାଜ ଅପରିଚିତ  ।  ନା କେବେ ଏହି ଜୀବମାନଙ୍କ ସମ୍ବନ୍ଧରେ ମଣିଷ ଶୁଣିଛି, ନା ଏମାନଙ୍କୁ ଦେଖିଛି । ଆଉ ଯଦି କେବେ ଏପରି ଜୀବ ଉପକୂଳକୁ ଚାଲି ଆସନ୍ତି, ତେବେ ଆଶ୍ଚର୍ଯ୍ୟ ହେବା ଅବଶ୍ୟମ୍ଭାବୀ   । ଏପରି ଏକ ଅଦ୍ଭୁତ ଜୀବର ସନ୍ଧାନ ଏବେ କାର୍ଲିଫନିଆରେ ଦେଖିବାକୁ ମିଳିଛି  । ଜଣେ ମତ୍ସ୍ୟଜୀବୀ ପ୍ରତିଦିନ ଭଳି ମାଛ ଧରିବାକୁ ସମୁଦ୍ରକୁ ଯାଇଥିଲେ  । କିନ୍ତୁ ସେ ଫେରିବା ବେଳେ ଯାହା ଦେଖିଥିଲେ, ତାହା କହିବା ତାଙ୍କ ପକ୍ଷେ ମୁସ୍କିଲ ଥିଲା  । ଅର୍ଥାତ ଏମିତି କିଛି ଅଦ୍ଭୁତ ସାମୁଦ୍ରିକ ଜୀବ ଦେଖିଥିଲେ ସେହି ମତ୍ସ୍ୟଜୀବୀ ଜଣଙ୍କ, ଯାହା ତାଙ୍କୁ ଆଶ୍ଚର୍ଯ୍ୟ କରିଥିଲା  ।

କାର୍ଲିଫର୍ଣ୍ଣିଆ କ୍ରିଷ୍ଟାଲ୍ କୋଭ୍ ଷ୍ଟେଟ୍ ପାର୍କରେ ଏକ ବିଶାଳକାୟ ଜୀବକୁ ଦେଖିବାକୁ ପାଇଥିଲେ । ଲୋକେ ଏଲିଅନ ବୋଲି କହିବାକୁ ଲାଗିଥିଲେ  । ଏହି ଜୀବ ଜୀବିତ କିମ୍ବା ମୃତ ତାହା ମଧ୍ୟ ଅଞ୍ଚଳବାସୀଙ୍କୁ ଜଣା ନଥିଲା  । କିନ୍ତୁ ସଭିଙ୍କ ମଧ୍ୟରେ ଭୟ ସଞ୍ଚାର ହୋଇଥିଲା  । ଏଲିଅନ ଆକାଶରେ ନୁହେଁ ସମୁଦ୍ରରେ ରହୁଥିବା ମଧ୍ୟ ସ୍ଥାନୀୟ ଅଞ୍ଚଳରେ ଗୁଜବ ଖେଳି ଯାଇଥିଲା  । କିନ୍ତୁ ପରବର୍ତ୍ତୀ ସମୟରେ ଜଣା ପଡିଥିଲା ଯେ ଏହି, ବିଶାଳକାୟ ଜୀବର  ନାମ ହେଉଛି  ଆଙ୍ଗଲରଫିସ  । ଏହା ପାଖାପାଖି ୩୦୦୦ ଫୁଟ ଗଭୀର ସମୁଦ୍ରରେ ବିଚରଣ କରୁଥିବା ଜଣାପଡିଛି  । ଆଙ୍ଗଲରଫିସ ଦେଖିବାକୁ ଖୁବ୍ ଭୟାନକ ହୋଇଥିବା ବେଳେ କଠିନରୁ କଠିନ ପରିସ୍ଥିତିରେ ମଧ୍ୟ ଜୀବିତ ରହିପାରେ । କେବଳ ଗଭୀର ପାଣିରେ  ନୁହେଁ ବରଂ ବରଫ ଭଳି ମାଇନସ ତାପମାତ୍ରାରେ ମଧ୍ୟ ଏହି ଅଦ୍ଭୁତ ଜୀବ ବଞ୍ଚିପାରେ  ।

ସେହିପରି, ୨୦୧୩ ମସିହା ଅକ୍ଟୋବର ମାସରେ ସ୍ପେନର ସମୁଦ୍ର ତଟରେ ଦେଖିବାକୁ ମିଳିଥିଲା ଏହିଭଳି କିଛି ଅଜବ ସାମୁଦ୍ରିକ ଜୀବ  । ଏହା ଦଶନ୍ଧୀ ଦଶନ୍ଧୀ ଧରି ଜଳରେ ଭାସୁଥିବା କୁହାଯାଇଛି  । ସେପଟେ ବହୁ ଶତାବ୍ଦୀ ଧରି ବିଶାଳ ସ୍କ୍ୱିଡ୍ ବିଷୟରେ ବିଭିନ୍ନ କାଳ୍ପନିକ କଥା ଦାବି କରାଯାଉଛି । ପ୍ରାଣୀ ଜଗତରେ ସବୁଠାରୁ ବଡ଼ ଆଖି ହେଉଛି ସ୍କ୍ୱିଡର । ସେମାନେ ଗଭୀର ପାଣିରେ ରହୁଥିବା ବେଳେ ଖୁବ୍ କମ୍ ସମୟରେ ବାହାରକୁ ଚାଲି ଆସନ୍ତି । ଲାଇଭ ସାଇନ୍ସର ରିପୋର୍ଟ ଅନୁଯାୟୀ ଅକ୍ଟୋବର ୨୦୧୩ରେ ଦେଖାଯାଇଥିବା ଏହି ସ୍କ୍ୱିଡର ଲମ୍ବ ୧୩ ଫୁଟରୁ ଅଧିକ ଏବଂ ଓଜନ ୬୬୦ ପାଉଣ୍ଡ ଅର୍ଥାତ୍ ୩୩୦ କିଲୋଗ୍ରାମରୁ ଅଧିକ ରହିଥିଲା ।

https://www.facebook.com/NandighoshaTV/videos/516744423015797

ସେହିଭଳି ଆଉ ଏକ ଘଟଣା ଘଟିଥିଲା ଫିଲିପାଇନ୍ସର ଓରିଏଣ୍ଟାଲ ମିଣ୍ଡୋରୋ ପ୍ରଦେଶରେ। ୨୦୧୮ ମସିହା ମେ ମାସରେ ସ୍ଥାନୀୟ ବାସିନ୍ଦା ଦେଖିଥିଲେ କିଛି ଏଭଳି ଦୃଶ୍ୟ, ଯାହାକୁ ଦେଖି ସମସ୍ତେ ଚକିତ ହୋଇପଡିଥିଲେ।  ବିଶେଷଜ୍ଞ ମାନେ ଏହି ଜୀବକୁ ନେଇ ତଦନ୍ତ କରିଥିଲେ  । ଏବଂ ୨୦ ଫୁଟ ଲମ୍ଭର ଏହି ବିଶାଳକାୟ ଜୀବର ନାମ ‘The Globster’   ରଖାଯାଇଥିଲା  । ଯେତେବେଳେ ଏହି ଜୀବକୁ ମାଟିରେ ପୋତା ଯାଇଥିଲା, ସେତେବେଳେ ସ୍ଥାନୀୟ ଅଞ୍ଚଳରେ ବସ ବାସ କରୁଥିବା ଲୋକେ ଅସ୍ତବ୍ୟସ୍ତ ହୋଇପଡିଥିଲେ  । ଅର୍ଥାତ ଏହି ବିଶାଳକାୟ ଜୀବ ଖୁବ ଦୁର୍ଗନ୍ଧ ହୋଇଥିଲା  । ଏବଂ ‘The Globster’ର ଉପର ଅଂଶ ଏକ ଜାଲ ଭଳି ରହିଥିଲା  ।

କିନ୍ତୁ ୨୦୧୭ ମସିହାରେ ମଧ୍ୟ ଦକ୍ଷିଣ ଆଫ୍ରିକା ଉପକୂଳରେ  ଦେଖିବାକୁ ମିଳିଥିଲା କିଛି ଅଜବ ଘଟଣା  । ଅର୍ଥାତ ତିନୋଟି ବିଶାଳକାୟ ଧଳା ସାର୍କ ସମୁଦ୍ର କୂଳରେ ଭାସୁଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଆଶ୍ଚର୍ଯ୍ୟକର କଥା ହେଉଛି ଏହି ତିନୋଟି ସାର୍କଙ୍କର ଲିଭର ଓ ଗୋଟିଏ ହାର୍ଟ ନଥିଲା । ମୃତ୍ୟୁର କାରଣ ଜାଣିବା ପାଇଁ ଜୀବ ବିଜ୍ଞାନୀମାନେ ଯାଞ୍ଚ ଚଳାଇଥିଲେ  । ସମୁଦ୍ରର ସବୁଠୁ ବିଶାଳ ଜୀବ କହୁଯାଉଥିବା ତିମିଙ୍କୁ ପୁଣି କିଏ ଶିକାର କରିଛି ? ତିମିଙ୍କ ମୃତ୍ୟୁର କାରଣ ଖୋଜୁଥିବା ଟିମ ବି ହତବାକ ହୋଇଯାଇଥିଲେ  । ଅର୍ଥାତ ଏହି ହ୍ୱାଇଟ ସାର୍କକୁ ଓରକାସ ବା କିଲର ହ୍ୱିଲ ନାମଙ୍କ ଆଉ ଏକ ସାମୁଦ୍ରିକ ଜୀବ ଶିକାର କରିଛି  । ବୃହତକାୟ କିଲର ହ୍ୱିଲ  ସାର୍କ କିମ୍ବା ସାର୍କ ଭଳି ଅନ୍ୟ ପ୍ରଜାତି ଉପରେ ଆକ୍ରମଣ କରିଥାନ୍ତି  । ଏହି କିଲର ହ୍ୱିଲ, ହ୍ୱାଇଟ ସାର୍କର ଲିଭରକୁ ଖାଇବାକୁ ବେଶ ପସନ୍ଦ କରିଥାନ୍ତି  ।

କଳିଙ୍ଗ ଷ୍ଟାଡିୟମରେ ଖୋଲିବ ଖୋଖୋ ଏକାଡେମୀ

ଭୁବନେଶ୍ୱର: କବାଡି ପରି ଗାଁ ଗାଁରେ ପହଞ୍ଚିବ ଖୋ ଖୋ । ଏନେଇ ଉଦ୍ୟମ ଆରମ୍ଭ କରିଛନ୍ତି ରାଜ୍ୟ ସରକାର । କଳିଙ୍ଗ ଷ୍ଟାଡିୟମରେ ଖୋଲିବ ଖୋଖୋ ଏକାଡେମୀ । ଏଥିସହ ବହୁମୁଖି ଇନଡୋର ଷ୍ଟାଡିୟମର ନିର୍ମାଣ କରାଯିବ । ଇନଡୋର ଷ୍ଟାଡିୟମରେ ସିନ୍ଥେଟିକ ମ୍ୟାଟର ବ୍ୟବସ୍ଥା ରହିବ । ଖୋ ଖୋ ଅଲମ୍ପିକ ଗେମ୍ ହୋଇ ନଥିଲେ ମଧ୍ୟ ରାଜ୍ୟ ସରକାର ଗୁରୁତ୍ୱ ଦେଇଛନ୍ତି । କେବଳ ଅନ୍ତର୍ଜାତୀୟ ବା ବଡ଼ ବଡ଼ ଖେଳ ନୁହେଁ, ବରଂ ଦେଶର ନିଜସ୍ୱ ଖେଳକୁ ଗାଁ ଗାଁ ପହଞ୍ଚାଇବାକୁ ରାଜ୍ୟ ସରକାରଙ୍କ ଲକ୍ଷ୍ୟ ଥିବା କହିଛନ୍ତି କ୍ରୀଡ଼ା ସଚିବ ।

Kho Kho Academy To Be Establish In Kalinga Stadium

ସେପଟେ ଭୁବନେଶ୍ୱରରେ ଆରମ୍ଭ ହୋଇଛି ଜୁନିୟର ନ୍ୟାସନାଲ ଖୋଖୋ ଚାମ୍ପିଅନସିପ୍ । ଆଜି ଠାରୁ ଆରମ୍ଭ ହୋଇଥିବା ପ୍ରତିଯୋଗିତା ଆସନ୍ତା ୨୬ ତାରିଖ ଯାଏଁ ଚାଲିବ । ୫ ଦିନ ଧରି ଚାଲିବାକୁ ଥିବା ଏହି ପ୍ରତିଯୋଗିତାରେ ବିଭିନ୍ନ ରାଜ୍ୟରୁ ମୋଟ ୫୩ଟି ଟିମ୍ ଆସିଥିବା ବେଳେ ୬୩୬ ଜଣ ଖେଳାଳି ଅଂଶଗ୍ରହଣ କରିଛନ୍ତି । ଯେଉଁଥିରେ ୨୮ଟି ବାଳକ ଓ ୨୫ ଟି ବାଳିକା ଟିମ୍ ସାମିଲ୍ ଅଛନ୍ତି । ରାଜ୍ୟସରକାରଙ୍କ ଦ୍ୱାରା ଆୟୋଜିତ ଏହି ପ୍ରତିଯୋଗିତା କିଟ୍‌ ଇନଡୋର ଷ୍ଟାଡିୟମରେ ଖେଳାଯାଉଛି ।

ଥାନା ଅଧିକାରୀଙ୍କ କାରରୁ ୨.୮ ଲକ୍ଷ ଟଙ୍କା ଜବତ

ଭୁବନେଶ୍ୱର: ଭିଜିଲାନ୍ସ ଜାଲରେ ପୋଲିସ ବାବୁ । ମାଲକାନଗିରି ଜିଲ୍ଲା ମୋଟୁ ଥାନା ଅଧିକାରୀ ସୁଶାନ୍ତ ସାହୁ ଭିଜିଲାନ୍ସ ହାତରେ ଧରା ପଡ଼ିଛନ୍ତି । ମୋଟରୁ ନିଜ ଘର କଟକ ଫୁଲନଖରା ଫେରୁଥିବା ବେଳେ ଖୋର୍ଦ୍ଧା ନିକଟରେ ଭିଜିଲାନ୍ସ ସୁଶାନ୍ତଙ୍କୁ ଧରିଛି । ତାଙ୍କ କାରରୁ ନଗଦ ୨.୮ ଲକ୍ଷ ଟଙ୍କା ଜବତ କରିଛି ଭିଜିଲାନ୍ସ ।

Motu IIC Sushant Sahu In Vigilance Net 2.8 Lakh Cash Seized

ଆଇଆଇସିଙ୍କ କାରରୁ ବିପୁଳ ପରିମାଣର ଟଙ୍କା ମିଳିଥିବା ବେଳେ ଏତେ ଟଙ୍କା କେଉଁଆଡ଼ୁ ଆସିଲା ସେନେଇ ସେ ସନ୍ତୋଷଜନକ ଉତ୍ତର ଦେଇ ପାରି ନାହାଁନ୍ତି । ସୁଶାନ୍ତଙ୍କୁ ଅଟକ ରଖି ପଚରାଉଚରା କରୁଛି ଭିଜିଲାନ୍ସ । ମୋଟୁ ସ୍ଥିତ ସରକାରୀ ବାସଭବନ ସହ କଟକର ୨ଟି ସ୍ଥାନରେ ଭିଜିଲାନ୍ସ ପକ୍ଷରୁ ଏକକାଳୀନ ଚଢ଼ାଉ କରାଯାଇଛି ।

ଅଫିସ୍ କାମ ଛାଡ଼ି ମଦ ଭୋଜିରେ ମାତିଛନ୍ତି ଅଫିସର, ଭିଡିଓ ଭାଇରାଲ୍

ବ୍ରହ୍ମପୁର: ଅଫିସ୍ ଖୋଲା, ଚେୟାର ଟେବୁଲ୍ ଖାଲି । ଜଳୁଛି ଲାଇଟ୍, ବୁଲୁଛି ଫ୍ୟାନ୍ । ହେଲେ ଅଫିସରେ ନାହାଁନ୍ତି କେହି କର୍ମଚାରୀ । ଡ୍ୟୁଟି ସମୟରେ ଅଫିସ୍ ଗାଡ଼ି ଧରି ଭୋଜି କରୁଛନ୍ତି ବାବୁ । ଭୋଜି ସହ ଚାଲିଛି ମଦ ଆସର । ହାତରେ ମଦ ଗ୍ଲାସ ଧରି ଡ୍ୟୁଟି ବେଳେ ପାର୍ଟି କରୁଛନ୍ତି ସରକାରୀ ବାବୁ । ଅଫିସ ସମୟରେ ସୁନାପୁର ବେଳାଭୂମିରେ ମଦ ଭୋଜିର ଆୟୋଜନ କରିଛନ୍ତି ବ୍ରହ୍ମପୁରର ଜଳ ନିକାଶ ସବଡିଭିଜନ ସହକାରୀ ନିର୍ବାହୀ ଯନ୍ତ୍ରୀଙ୍କ କାର୍ଯ୍ୟାଳୟର କିଛି ବାବୁ ମାନେ ।

ସୋସିଆଲ ମିଡିଆରେ ଏହି ଭିଡିଓ ଭାଇରାଲ୍ ହେବାରେ ଲାଗିଛି । ଏମାନେ ମଦ ଭୋଜିର ଆୟୋଜନ ବେଳେ ସରକାରୀ ଗାଡ଼ିକୁ ବି ବ୍ୟବହାର କରିଛନ୍ତି । ଠିକାଦାରଙ୍କ ଉପସ୍ଥିତିରେ ମଦର ଆସର ଜମିଥିବା ଚର୍ଚ୍ଚା ହେଉଛି । ଅନ୍ୟ ପଟେ ଅଫିସରେ କେହି ନଥିବା ଯୋଗୁ ଲୋକେ ନିରାଶ ହୋଇ ଫେରୁଛନ୍ତି । ଭିଡିଓ ସୁଟିଂ ବେଳେ ବାବୁ ମାନେ ନିଜକୁ ପିଅନ ବୋଲି ପରିଚୟ ଦେଇଛନ୍ତି ।

ଭିଡ଼ ପାଇଁ ବିଷ, ୧୨ କୁକୁରଙ୍କୁ ମାରିଦେଲା ଜଳଖିଆ ଦୋକାନୀ !

ଚୌଦ୍ୱାର: ଜଳଖିଆରେ ବିଷ ଦେଇ କୁକୁରଙ୍କୁ ହତ୍ୟା । ଗୋଟିଏ କି ଦୁଇଟି ନୁହେଁ ଏମିତି ୧୨ କୁକୁରଙ୍କୁ ଜଳଖିଆରେ ବିଷ ଦେଇ ମାରି ଦିଆଯାଇଥିବା ଅଭିଯୋଗ ହୋଇଛି । ଆଜି ଗୋଟିଏ ଦିନରେ ୪ଟି କୁକୁରଙ୍କ ମୃତଦେହ ମିଳିଛି । ଏଭଳି ଅମାନବୀୟ ଘଟଣା ଘଟିଛି କଟକ ଜିଲ୍ଲା ଟାଙ୍ଗି ଚୌଦ୍ୱାର ବ୍ଲକ ଶଙ୍କରପୁର ପଞ୍ଚାୟତରେ ।

Tiffin Seller Killed 12 Dog By Giving Poison In Gulugula

୩ ଦିନ ମଧ୍ୟରେ ଅଞ୍ଚଳରେ ଏକାଧିକ କୁକୁର ମରି ପଡ଼ିଥିଲେ । ପ୍ରତିଦିନ ୩ରୁ ୪ଟି କୁକୁର ମରୁଥିବା ବେଳେ, ଲୋକ କାରଣ ଖୋଜୁଥିଲେ । ଜଳଖିଆ ଦୋକାନ ଆଗରେ କୁକୁରମାନେ ବାରମ୍ବାର ପରିତ୍ସା ଓ ବିଷ୍ଟା ଛାଡ଼ୁଥିବାରୁ ଏଥିରେ ଅତିଷ୍ଠ ହୋଇ ଗୁଲୁଗୁଲାରେ ବିଷ ଦେଇଥିବା କହିଛନ୍ତି ଦୋକାନୀ । ସେ ଆଜି ୪ଟି କୁକୁରଙ୍କୁ ଗୁଲୁଗୁଲାରେ ବିଷ ଦେଇଥିବା ମାନିଛନ୍ତି । ତେବେ ଅଞ୍ଚଳରେ ଗତ ୩ ଦିନ ଧରି ୧୨ରୁ ଅଧିକ କୁକୁରଙ୍କ ଏଭଳି ମୃତ୍ୟୁ ହୋଇଥିବା ବେଳେ ତାଙ୍କର ସମ୍ପୃକ୍ତ ନଥିବା କହିଛନ୍ତି ଦୋକାନୀ ।

Tiffin Seller Killed 12 Dog By Giving Poison In Gulugula

କୁକୁର ମୃତ୍ୟୁ ସମ୍ପର୍କରେ ଚୌଦ୍ଵାର ଥାନାରେ ସ୍ଥାନୀୟ ଲୋକ ଅଭିଯୋଗ କରିବା ସହ ତଦନ୍ତ କରି କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି । ପିପୁଲ ଫର୍ ଆନିମଲ ପକ୍ଷରୁ ମୃତ କୁକୁରଙ୍କ ଶବ ବ୍ୟବଚ୍ଛେଦ ପାଇଁ ସହିଦ ନଗର ସ୍ଥିତ ପ୍ରାଣୀ ଚିକିତ୍ସା କେନ୍ଦ୍ରକୁ ପଠା ଯାଇଥିବା ଜଣାପଡ଼ିଛି । କୁହାଯାଏ ମଣିଷର ସବୁଠୁ ବିଶ୍ୱସ୍ତ ପଶୁ ହେଉଛି କୁକୁର । ଆଉ ସେଇ ବିଶ୍ୱାସରେ ଆଜି ମଣିଷ ବିଷ ଦେଇ ୧୨ କୁକୁରଙ୍କୁ ମାରି ଦେଇଛି ।

NDMA ଜାରି କଲା ଗାଇଡଲାଇନ୍, କୋଭିଡ୍ ମୃତକଙ୍କ ପରିବାରକୁ ମିଳିବ କ୍ଷତିପୂରଣ

ନୂଆଦିଲ୍ଲୀ: କରୋନାରେ ମୃତ୍ୟୁବରଣ କରିଥିବା ପରିବାର ବର୍ଗଙ୍କୁ ମିଳିବ କ୍ଷତିପୂରଣ ରାଶି । ସୁପ୍ରିମକୋର୍ଟଙ୍କ ନିର୍ଦ୍ଦେଶନାମା ପରେ ଏନେଇ ଗାଇଡଲାଇନ୍ ଜାରି କରିଛନ୍ତି ଜାତୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ (NDMA) । କୋଭିଡରେ ମୃତ୍ୟୁବରଣ କରିଥିବା ପରିବାରର ସଦସ୍ୟଙ୍କୁ ୫୦ ହଜାର ଟଙ୍କା ଲେଖାଏଁ ଅନୁକମ୍ପାମୂଳକ ସହାୟତା ଦିଆଯିବ । ଏହି ସହାୟତା ରାଜ୍ୟ ବିପର୍ଯ୍ୟୟ ପାଣ୍ଠିରୁ ପ୍ରଦାନ କରାଯିବ ।

ଏନେଇ କେନ୍ଦ୍ର ସରକାର ସୁପ୍ରିମକୋର୍ଟରେ ତଥ୍ୟ ଦେଇଛନ୍ତି । ପୂର୍ବରୁ କୋଭିଡ୍ ମୃତକଙ୍କ ପରିବାର ସଦ୍ୟସଙ୍କୁ ବିହାର ସରକାର ୪ ଲକ୍ଷ ଟଙ୍କା, ମଧ୍ୟପ୍ରଦେଶ ସରକାର ୧ ଲକ୍ଷ ଟଙ୍କା ଓ ଦିଲ୍ଲୀ ସରକାର ୫୦ ହଜାର ଟଙ୍କା ଦେବା ନେଇ ଘୋଷଣା କରିଛନ୍ତି ।

ଓମାନରୁ ଓଡ଼ିଆ ଶ୍ରମିକଙ୍କ ମରଶରୀର ଆଣିଲା ଓଡ଼ିଶା-ମୋ ପରିବାର

ଭୁବନେଶ୍ୱର: ଓଡ଼ିଶା ମୋ-ପରିବାର ସହାୟତାରେ ଓମାନରୁ ଓଡ଼ିଶା ଅଣାଗଲା ଓଡ଼ିଆ ଶ୍ରମିକଙ୍କ ପାର୍ଥିବ ଶରୀର । ୩୧ ବର୍ଷିଅ ପ୍ରଦୀପ ବାହନଙ୍କ ପାର୍ଥିବ ଶରୀର ଭୁବନେଶ୍ୱରରେ ପହଞ୍ଚିବା ପରେ ପୈତୃକ ଗ୍ରାମକୁ ପଠାଯାଇଛି । ଗଞ୍ଜାମ ଖଲ୍ଲିକୋଟ ଅଞ୍ଚଳରେ ପ୍ରଦୀପ ବାହନ କିଛି ମାସ ହେବ କାମ ପାଇଁ ଓମାନର ରାଜଧାନି ମସ୍କଟ ଯାଇଥିଲେ ।

Odisha-Mo Parivar Brought Dead Body Of Odia Youth From Oman

ସେଠାରେ ଏକ କମ୍ପାନିରେ କାମ କରୁଥିଲେ ପ୍ରଦୀପ । ଗତ ୧୬ ତାରିଖରେ ସେଠାରେ ଏକ ସଡ଼କ ଦୁର୍ଘଟଣାରେ ପ୍ରଦୀପଙ୍କ ମୃତୁ ଘଟିଥି । ଶବ ବ୍ୟବଚ୍ଛେଦ ପରେ ବାରାରିନ୍ ଓଡ଼ିଶା ମୋ-ପରିବାରର ଡାକ୍ତର ଅରୁଣ ପ୍ରହରାଜଙ୍କ ନେତୃତ୍ୱରେ ମୃତଦେହ ଓଡ଼ିଶା ଅଣା ଯାଇଛି ।

ଭୁବନେଶ୍ୱର ବିମାନବନ୍ଦରରେ ସ୍ୱର୍ଗତ ପ୍ରଦୀପଙ୍କ ମର ଶରୀର ପହଞ୍ଚି ଥିଲା । ବିମାନବନ୍ଦରରେ ଓଡ଼ିଶା ମୋ-ପରିବାର ଆବାହକ ଅରୂପ ପଟ୍ଟନାୟକ, ଯୁଗ୍ମ ସମ୍ପାଦକ ରୁଦ୍ର ନାରାୟଣ ସାମନ୍ତ ରାୟ ,ସମୀର ପ୍ରଧାନ, ବିଜେଡି ନେତା ଭରଦ୍ୱାଜ ମିଶ୍ର, ସ୍ୱାସ୍ଥ୍ୟ ଉପଦେଷ୍ଟା ସତ୍ୟଜିତ୍ ଦାଶ ମର ଶରୀରକୁ ପରିବାର ଲୋକଙ୍କୁ ହସ୍ତାନ୍ତର କରିଛନ୍ତି ।