spot_img
Home Blog Page 5322

ଆଜି ଆମେରିକାର ଉପରାଷ୍ଟ୍ରପତିଙ୍କୁ ଭେଟିବେ ପିଏମ୍ ମୋଦି

ୱାଶିଂଟନ୍: ତିନିଦିନିଆ ଆମେରିକା ଗସ୍ତରେ ଯାଇ ୱାଶିଂଟନରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ଭାରତୀୟ ସମୟ ସନ୍ଧ୍ୟା ୭ଟା ୧୫ରେ ମୋଟି ଅଲଗା ଅଲଗା କମ୍ପାନୀର ସିଇଓଙ୍କ ସହ ଆଲୋଚନା କରିବେ । ଆମେରିକାର ଉପରାଷ୍ଟ୍ରପତି କମଳା ହ୍ୟାରିସଙ୍କୁ ମଧ୍ୟ ଭେଟିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

PM Modi to meet Australian PM, Kamala Harris, global CEOs on first day of US visit

ଆମେରିକା ଯାତ୍ରା ଆରମ୍ଭ ପୂର୍ବରୁ ମୋଦି ନିଜ ଯାତ୍ରା ନେଇ ସମ୍ପୂର୍ଣ୍ଣ ସୂଚନା ଦେଇଥିଲେ । କହିଥିଲେ, ମୁଁ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ସହ ପରସ୍ପରର ହିତ ପାଇଁ ବୈଶ୍ୱିକ ପ୍ରସଙ୍ଗ ଉପରେ ଆଲୋଚନା କରିବି । ବିଶେଷ ଭାବେ ଆମେରିକା ଓ ଭାରତ ମଧ୍ୟରେ ବିଜ୍ଞାନ ଓ କୌଶଳ କ୍ଷେତ୍ରରେ ସହଯୋଗ ପାଇଁ କମଳା ହ୍ୟାରିସଙ୍କ ସହ ଚର୍ଚ୍ଚା କରିବେ ।

PM Modi to meet Australian PM, Kamala Harris, global CEOs on first day of US visit

ଜାତିସଂଘର ମହାସଭାକୁ ସମ୍ବୋଧନ ସହ ସରିବ ମୋଦିଙ୍କ ଆମେରିକା ଗସ୍ତ । ଯେଉଠାରେ କରୋନା, ଆତଙ୍କବାଦରୁ ମୁକ୍ତି ଏବଂ ଜଳବାୟୁ ପରିବର୍ତ୍ତନ ଓ ଅନ୍ୟ ମହତ୍ତ୍ୱପୂର୍ଣ୍ଣ ପ୍ରସଙ୍ଗ ସହ ଦୁନିଆ ପାଇଁ ଚ୍ୟାଲେଞ୍ଜ ଥିବା ମୁଦ୍ଦା ଉଠାଇବେ । ଆଜି ପ୍ରଧାନମନ୍ତ୍ରୀ କ୍ୱାଲକମ୍, ଆଡୋବ, ବ୍ଲାକଷ୍ଟୋନ, ଜେନେରାଲ ଆଟୋମିକ୍ସ ଓ ଫାର୍ଷ୍ଟ ସୋଲାର କମ୍ପାନୀ ମୁଖ୍ୟଙ୍କୁ ଭେଟିବେ । ଅପରାହ୍ଣରେ ମୋଦି ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମରିସନଙ୍କୁ ଭେଟିବାର କାର୍ଯ୍ୟକ୍ରମ ରହିଛି ।

ଫାଇଜରର ବୁଷ୍ଟର ଡୋଜକୁ ଅନୁମତି ଦେଲା ଆମେରିକା FDA

ୱାଶିଂଟନ୍: ବିଶ୍ୱବ୍ୟାପୀ କରୋନା ବଢ଼ୁଥିବା ବିପଦକୁ ଦେଖି ଆମେରିକା ଫାଇଜର କୋଭିଡ୍ ବୁଷ୍ଟର ଡୋଜକୁ ଅନୁମତି ଦେଇଛି । ଆମେରିକାର ଏଫଡିଏ ଏହି ଅନୁମତି ପ୍ରଦାନ କରିଛି । ତେବେ ଏହି ବୁଷ୍ଟର ଡୋଜ୍ ବୟସ୍କ ଏବଂ ଗମ୍ଭୀର ରୋଗରେ ପୀଡ଼ିତ ଥିବା ବ୍ୟକ୍ତିଙ୍କୁ ଦିଆଯିବ ।

US FDA authorizes Pfizer's Covid booster shots for elderly, high-risk Americans

ସୂଚନାଯୋଗ୍ୟ, ୧୬ ବର୍ଷ ବୟସରୁ ଅଧିକ ବୟସ୍କଙ୍କୁ ବୁଷ୍ଟର ଡୋଜ୍ ଦେବାକୁ ଫାଇଜର ଅନୁମତି ମାଗିଥିଲା । ତେବେ ବିଶେଷଜ୍ଞ ପରାମର୍ଶଦାତା ଏହି ଆବେଦନକୁ ଖାରଜ କରି ଦେଇଛନ୍ତି । ବୁଷ୍ଟର ଡୋଜ୍ କେବଳ ୬୫ ବର୍ଷରୁ ଅଧିକ ବୟସ୍କ ଓ ଗମ୍ଭୀର ରୋଗରେ ପୀଡ଼ିତ ଲୋକଙ୍କୁ ଦେବାକୁ ଅନୁମତି ଦିଆଯାଇଛି । ଯୁବବର୍ଗ ପାଇଁ ବୁଷ୍ଟର ଡୋଜ୍ ବିପଦ ହୋଇପାରେ ବୋଲି କହିଛି ବିଶେଷଜ୍ଞ କମିଟି ।

ଦ୍ୱିତୀୟ ଟିକା ନେବାର ୬ ମାସ ପରେ ଏହି ବୁଷ୍ଟର ଡୋଜ୍ ଦିଆଯିବ । ତେବେ ଆମେରିକାରେ ମଡର୍ଣ୍ଣା ଓ ଜନସନ ଆଣ୍ଡ ଜନସନ ଟିକା ନେଇଥିବା ବ୍ୟକ୍ତିଙ୍କୁ ବୁଷ୍ଟର ଡୋଜ୍ ଦିଆଯିବା ନେଇ କୌଣସି ନିଷ୍ପତ୍ତି ନିଆଯାଇ ନାହିଁ ।

ଗ୍ଲୋବାଲ କୋଭିଡ ସମିଟ୍‌ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଭିଭାଷଣ, ବିଶ୍ୱ ନେତାଙ୍କୁ ଦେଲେ ଧନ୍ୟବାଦ

ୱାସିଂଟନ୍: ଆମେରିକାରେ ଗ୍ଲୋବାଲ କୋଭିଡ ସମିଟ୍‌ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଭିଭାଷଣ ଦେଇଛନ୍ତି । ଦ୍ବିତୀୟ ଲହର ସମୟରେ ସାରା ବିଶ୍ବ ଏକ ପରିବାର ଭଳି ଭାରତ ସହ ଛିଡା ହୋଇଥିଲା ବୋଲି ମୋଦି କହିଛନ୍ତି । ଏଥିପାଇଁ ରାଷ୍ଟ୍ରମୁଖ୍ୟ ମାନଙ୍କୁ ଧନ୍ୟବାଦ ଜଣାଇଥିଲେ ପ୍ରଧାନମନ୍ତ୍ରୀ । ଏଥିସହ ଭାରତ ୧୫୦ରୁ ଅଧିକ ଦେଶକୁ କରୋନା ସମୟରେ ଔଷଧ ଏବଂ ଅନ୍ୟାନ୍ୟ ସହାୟତା ଯୋଗାଇଛି । ବିଶ୍ବରେ କରୋନା ସଂକ୍ରମଣ କମିନଥିବା ବେଳେ ଅନେକ ଦେଶ ଟିକାକରଣରେ ବହୁତ ପଛରେ ରହିଛନ୍ତି । ଭାରତରେ ଟିକା ପ୍ରସ୍ତୁତ କରିବାର କ୍ଷମତା ମଧ୍ୟ ବଢିଛି ।

ଯାହାର ଫାଇଦା ମଧ୍ୟ ନେଇଛି ବିଶ୍ବ । ଭାରତରେ ଟିକାକରଣ ଜୋରଦାର ଚାଲିଥିବା ବେଳେ ଏବେ ଗୋଟିଏ ଦିନରେ ଅଢେଇ କୋଟି ଟିକା ନେଇଥିଲେ ଲୋକେ । ଏବେ ସୁଦ୍ଧା ୧୦୦ କୋଟି ଲୋକ ଟିକା ନେଇଥିବା ବେଳେ ୨୦ କୋଟି ଲୋକ ସମ୍ପୂର୍ଣ୍ଣ ଭାବେ ଟିକା ନେଇ ସାରିଛନ୍ତି । ମୋଦି ଆସନ୍ତାକାଲି ଆମେରିକା ଉପରାଷ୍ଟ୍ରପତି କମଳା ହାରିସ, ଜାପାନ ପ୍ରଧାନମନ୍ତ୍ରୀ ୟୋସିହିଦ ସୁଗା ଓ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମୋରିସନଙ୍କୁ ଭେଟିବେ ।

24 ତାରିଖରେ ମୋଦି ଓ ବିଡେନଙ୍କ ମଧ୍ୟରେ ବାଣିଜ୍ୟ, ନିବେଶ, ପ୍ରତିରକ୍ଷା, ନିରାପତ୍ତା ପ୍ରସଙ୍ଗରେ ଆଲୋଚନା ହେବ । କମଳା ଓ ମୋଦିଙ୍କ ମଧ୍ୟରେ ହେବାକୁ ଥିବା ବୈଠକରେ ବିଶ୍ବ ସ୍ବାସ୍ଥ୍ୟ ସମସ୍ୟା, ଗଣତନ୍ତ୍ର, ମାନବାଧିକାର, ଜଳବାୟୁ ଆଦି ପ୍ରସଙ୍ଗରେ ଆଲୋଚନା ହେବ । ବିଡେନ ବହୁରାଷ୍ଟ୍ରୀୟ ସମ୍ମିଳନୀର ଏକ ଅଧିବେଶନର ନେତୃତ୍ବ କମଳା ହାରିଶ ନେବେ । 25 ତାରିଖରେ ଜାତିସଂଘ ସାଧାରଣ ଆସେମ୍ବ୍ଲି ବୈଠକରେ ମୋଦି ଯୋଗଦେବେ । ସେଠାରେ ସେ ଆତଙ୍କବାଦ, କୋଭିଡ, ନିରାପତ୍ତା ଆଦି ପ୍ରସଙ୍ଗରେ ବିବୃତି ଦେବାର କାର୍ଯ୍ୟକ୍ରମ ରହିଛି ।

ମହନ୍ତ ନରେନ୍ଦ୍ର ଗିରି ମୃତ୍ୟୁ ଘଟଣା: CBI ତଦନ୍ତ ସୁପାରିସ କଲେ ଯୋଗୀ ଆଦିତ୍ୟନାଥ

ଲକ୍ଷ୍ନୌ: ମହନ୍ତ ନରେନ୍ଦ୍ର ଗିରି ମୃତ୍ୟୁ ଘଟଣାର ଯୋଗି ସରକାରଙ୍କ କଠୋର ଆଭିମୁଖ୍ୟ  । ଆଖଡା ପରିଷଦ ମହନ୍ତ ନରେନ୍ଦ୍ର ଗିରି ମୃତ୍ୟୁ ଘଟଣାର ତଦନ୍ତ କରିବା ସିବିଆଇ  । ଉତ୍ତରପ୍ରଦେଶ ସରକାର ଜାତୀୟ ଅନୁସନ୍ଧାନ କାରୀ ସଂସ୍ଥା ସିବିଆଇକୁ କେସ ହସ୍ତାନ୍ତର କରିବା ଲାଗି ନିର୍ଦେଶ ଦେଇଛନ୍ତି  । ଯେଉଁଥିପାଇଁ ଉତ୍ତରପ୍ରଦେଶ ଗୃହ ବିଭାଗ କେନ୍ଦ୍ର ସରକାରଙ୍କୁ ଅନୁମତି ମାଗିଛନ୍ତି  ।

ଅଖିଳ ଭାରତୀୟ ଆଖଡ଼ା ପରିଷଦର ଅଧ୍ୟକ୍ଷ ଏବଂ ନିରଞ୍ଜନୀ ଆଖାଡ଼ାର ସଚିବ ମହନ୍ତ ମହେନ୍ଦ୍ର ନରେନ୍ଦ୍ର ଗିରିଙ୍କ ମୃତ୍ୟୁ ସମଗ୍ର ଦେଶରେ ଚର୍ଚ୍ଚାର ବିଷ ପାଲଟିଛି  । ସାଧୁ ସମାଜ ଏବଂ ମଠ ମନ୍ଦିରରେ ଏନେଇ ଜୋର ଆଲୋଚନା  । ଯୋଗୀଙ୍କ ରାଜ୍ୟରେ ଜଣେ ସାଧୁ ଏବଂ ମଠର ମହନ୍ତଙ୍କ ଆତ୍ମହତ୍ୟା ସନ୍ଦେହ ଘେରରେ ରହିଛି  । ସେପଟେ ଦୋଷୀଙ୍କ ବିରୋଧରେ ସଠିକ ଦଣ୍ଡ ବିଧାନ ନେଇ ପ୍ରଥମରୁ ଘୋଷମା କରିଥିଲେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ  ।

ଏହାରି ମଧ୍ୟରେ  ମହେନ୍ଦ୍ର ନରେନ୍ଦ୍ର ଗିରିଙ୍କ ଶିଷ୍ୟ ଆନନ୍ଦ ଗିରିଙ୍କୁ ଗିରଫ କରିବା ପରେ ୟୁପି ପୋଲିସ ହରିଦ୍ୱାର ଠାରୁ ପ୍ରୟାଗରାଜ ନେଇଆସିଛି । ଏବଂ ତାଙ୍କୁ ପଚରାଉଚରା ଜାରି ରଖିଛି । ସୂଚନା ଯୋଗ୍ୟ ଯେ, ସୋମବାର ପ୍ରୟାଗରାଜର ବାନ୍ଧଘରି ମଠରେ ନରେନ୍ଦ୍ର ଗିରିଙ୍କ ମୃତଦେହ ସନ୍ଦେହଜନକ ଅବସ୍ଥାରେ ମିଳିଥିଲା । ତାଙ୍କ ସୁଇସାଇଡ ନୋଟରେ ଆନନ୍ଦ ଗିରିଙ୍କ ବିଷୟରେ ଉଲ୍ଲେଖ ରହିଛି । ଏଣୁ ଉତ୍ତରାଖଣ୍ଡ ପୋଲିସ ଆନନ୍ଦ ଗିରିଙ୍କୁ ହରିଦ୍ୱାରରେ ଗିରଫ କରିଛି ।

ରୁଷରେ ବିମାନ ନିଖୋଜ, ୬ ଯାତ୍ରୀଙ୍କ ମିଳୁନି ସନ୍ଧାନ

ମସ୍କୋ: ରୁଷର ଖାବରୋଭସ୍କରେ ବିମାନ ନିଖୋଜ । ୬ ଜଣ ଯାତ୍ରୀ ଥିବା ଏହି ବିମାନ ରାଡାର ପରଦାରୁ ଉଭେଇ ଯାଇଛି । ୬ଜଣ ଯାତ୍ରୀଙ୍କୁ ନେଇ ଆଣ୍ଟୋନୋଭ-୨୬ ନାମକ ଏହି ବିମାନ ଉଡାଣ ଆରମ୍ଭ କରିବାର କିଛି ସମୟ ପରେ ହଠାତ୍ ରାଡାର ପରଦାରୁ ଉଭେଇ ଯାଇଥିଲା । ବିମାନର ସନ୍ଧାନ ଲାଗି ଏକ ଏମଆଇ- ୮ ହେଲିକପ୍ଟର ମୁତୟନ କରାଯାଇଛି ।

ମିଳିଥିବା ସୂଚନା ମୁତାବକ ଖାବରୋଭସ୍କର ଦକ୍ଷିଣ ପଶ୍ଚିମରେ ଏହି ବିମାନ ନିଖୋଜ ହୋଇଯାଥିଲା । ରୁଷର ଫେଡରାଲ ଏୟାର ଟ୍ରାନ୍ସପୋର୍ଟ ଏଜେନ୍ସିର ଏହି ବିମାନ ଦୁର୍ଘଟଣାଗ୍ରସ୍ତ ହୋଇଛି କି ନାହିଁ ତାହାର କୌଣସି ରିପୋର୍ଟ ପ୍ରକାଶ ପାଇନାହିଁ ।

IPL 2021: ହାଇଦ୍ରାବାଦକୁ ହରାଇ ପଏଣ୍ଟ ଟେବୁଲର ଶୀର୍ଷରେ ଦିଲ୍ଲୀ କ୍ୟାପିଟାଲ୍ସ

ଦୁବାଇ: ଆଇପିଏଲର ୩୩ତମ ମୁକାବିଲାରେ ସନରାଇଜର୍ସ ହାଇଦ୍ରାବାଦକୁ ଦିଲ୍ଲୀ କ୍ୟାପିଟାଲ୍ସ ୮ ୱିକେଟରେ ହରାଇଛି । ପ୍ରଥମେ ବ୍ୟାଟିଂ କରିଥିବା ସନରାଇଜର୍ସ ହାଇଦ୍ରାବାଦ ନିର୍ଦ୍ଧାରିତ ୨୦ ଓଭରରେ ୯ ୱିକେଟ୍ ହରାଇ ୧୩୪ ରନ୍ କରିଥିଲା । ଜବାବରେ ଦିଲ୍ଲୀ ୧୧ ବଲ୍ ବାକି ଥାଇ ୨ ୱିକେଟ୍ ବିନିମୟରେ ମ୍ୟାଚକୁ ଜିତି ନେଇଛି । ଚଳିତ ସିଜିନରେ ଏହା ଦିଲ୍ଲୀ କ୍ୟାପିଟାଲ୍ସର ସପ୍ତମ ବିଜୟ । ଏଥିସହ ଦିଲ୍ଲୀ ପଏଣ୍ଟ ଟେବୁଲର ପ୍ରଥମ ସ୍ଥାନକୁ ଉଠିଛି ।

IPL 2021 Delhi Capitals won by 8 wickets Sunrisers Hyderabad

୧୩୫ ରନର ପିଛା କରି ବ୍ୟାଟିଂ କରୁଥିବା ଦିଲ୍ଲୀ ତୃତୀୟ ଓଭରରେ ୨୦ ରନ୍ କରିଥିବା ବେଳେ ପ୍ରଥମ ୱିକେଟ୍ ଖସିଥିଲା । ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଶିଖର ଧୱନ ୪୨ ରନ୍ କରିଥିବା ବେଳେ ଶ୍ରେୟସ ଆୟର ଅପରାଜିତ ୪୭ ରନ୍ ଓ ଋଷଭ ପନ୍ତ ଅପରାଜିତ ୩୫ ରନ୍ କରିଥିଲେ । ଦଳ ପକ୍ଷରୁ କାଗିସୋ ରାବାଡା ୩ଟି ୱିକେଟ୍ ନେଇଥିବା ବେଳେ ଅନରିଚ ଓ ଅକ୍ସର ୨ଟି ଲେଖାଏଁ ୱିକେଟ୍ ନେଇଥିଲେ ।

ରାଜକୁନ୍ଦ୍ରା ପର୍ଣ୍ଣ ଫିଲ୍ମ ମାମଲା: ଭିନେତ୍ରୀ ଗେହନା ବଶିଷ୍ଠଙ୍କୁ ଆଗୁଆ ଜାମିନ

ନୂଆଦିଲ୍ଲୀ: ବହୁଚର୍ଚ୍ଚିତ ପର୍ଣ୍ଣ ଫିଲ୍ମ ମାମଲାରେ ଅଭିନେତ୍ରୀ ଗେହନା ବଶିଷ୍ଠଙ୍କୁ ଆଗୁଆ ଜାମିନ ମଞ୍ଜୁର କରିଛନ୍ତି ସୁପ୍ରିମକୋର୍ଟ । ପର୍ଣ୍ଣ ଫିଲ୍ନ ରାକେଟରେ ତାଙ୍କ ନାଁ ଥିବାରୁ ତାଙ୍କୁ ଗିରଫ କରାଯିବାର ଆଶଙ୍କା ଥିଲା । ତାଙ୍କର ଆଗୁଆ ଜାମିନ ଆବେଦନକୁ ଜଷ୍ଟିସ ସଞ୍ଜୟ କିଶାନ କୌଲଙ୍କୁ ନେଇ ଗଠିତ ବମ୍ବେ ହାଇକୋର୍ଟ ଖଣ୍ଡପୀଠ ଅଗ୍ରାହ୍ୟ କରିବା ପରେ ଗେହନା ସୁପ୍ରିମକୋର୍ଟର ଦ୍ବାରସ୍ଥ ହୋଇଥିଲେ ।

ଏଫଆଇଆରରେ ତାଙ୍କ ନାମ ଥିବା ସତ୍ତ୍ବେ ଗେହନାଙ୍କୁ ଗିରଫ କରାଯାଇପାରିବ ନାହିଁ ବୋଲି ସୁପ୍ରିମକୋର୍ଟ କହିଛନ୍ତି । ତେବେ ତଦନ୍ତ ପ୍ରକ୍ରିୟାର ସହଯୋଗ କରିବା ଲାଗି ଗେହନାଙ୍କୁ ନିର୍ଦ୍ଦେଶ ଦିଆଯାଇଛି । ଏସଂକ୍ରାନ୍ତ ଏଫଆଇଆର ଅନୁସାରେ ରାଜ କୁନ୍ଦ୍ରା ଗିରଫ ହୋଇଥିଲେ । ପର୍ଣ୍ଣୋଗ୍ରାଫିକ ଭିଡିଓରେ ସାମିଲ ହେବା ଲାଗି ଗେହନା ପ୍ରୋତ୍ସାହନ ଦେଇଥିଲେ ବୋଲି ଅଭିଯୋଗ ହୋଇଥିଲା ।

ବଶିଷ୍ଠଙ୍କ ଫିଲ୍ମରେ ଉକ୍ତ ଅଭିଯୋଗକାରୀ ଅଙ୍ଗପ୍ରଦର୍ଶନ କରିଥିଲେ ଯାହାକୁ କୁନ୍ଦ୍ରାଙ୍କ ମାଲିକାନରେ ଥିବା ଆପରେ ଅପଲୋଡ ହୋଇଥିଲା । କୁନ୍ଦ୍ରାଙ୍କୁ ଗତ ସୋମବାର ମୁମ୍ବାଇ ମେଟ୍ରୋପଲିଟାନ ମାଜିଷ୍ଟ୍ରେଟ ଜାମିନ ପ୍ରଦାନ କରିଥିଲେ । ବଶିଷ୍ଠଙ୍କ ବିରୋଧରେ ଆଇପିସିର ଧାରା ୨୯୨, ୨୯୩, ଆଇଟି ଆକ୍ଟର ଧାର ୬୬-ଇ, ୬୭ ଓ ୬୭-କ ଧାରା ଅନୁସାରେ ମାମଲା ରୁଜୁ ହୋଇଛି ।

ଆଖି ପିଛୁଳାକେ ଲୁଟି ନେଲେ ସାଢ଼େ ୩ ଲକ୍ଷ

ଉଦଳା: ସ୍ପଷ୍ଟ ଦିବା ଲୋକରେ ଲୁଟ୍ । ସାଢ଼େ ୩ ଲକ୍ଷ ଟଙ୍କା ଲୁଟିନେଲେ ଲୁଟେରା । ଉଦଳା ଷ୍ଟେଟ ବ୍ୟାଙ୍କରୁ ସକାଳ ପ୍ରାୟ ୧୧ଟା ୪୦ରେ ଧାନଘେରା ଗାଁର ରତିକାନ୍ତ ବେହେରା ୩ ଲକ୍ଷ ୫୦ ହଜାର ଟଙ୍କା ଉଠାଇଥିଲେ । ଦିନ ୧୨ଟା ୧୫ରେ ବ୍ୟାଙ୍କରୁ ଘର ଅଭିମୁଖେ ବାହାରି ଥିଲେ । ଆଉ ପଛେ ପଛେ ପିଛା କରିଥିଲେ ଲୁଟେରା ।

ବିସିପୁର ଛକ ନିକଟରେ ଲୁଟେରା ରତିକାନ୍ତ ଆଗରେ ଗାଡ଼ି ଅଟକାଇ ଟଙ୍କା ଭର୍ତ୍ତି ବ୍ୟାଗକୁ ଝାମ୍ପି ନେଇ ପଳାଇଥିଲେ । ଅଭିଯୋଗ ପରେ ପୋଲିସ ଉଦଳା ଷ୍ଟେଟ ବ୍ୟାଙ୍କରେ ଲାଗିଥିବା ସିସିଟିଭି ଆଧାରରେ ଯାଞ୍ଚ ଆରମ୍ଭ କରିଛି । ଉଦଳା ଥାନାରେ ଏକ ମାମଲା ରୁଜୁ ହୋଇଛି ।

ଭାରତର ଆଭିମୁଖ୍ୟ ପରେ ନରମିଲା ବ୍ରିଟେନ୍, କୋହଳ କଲା ଟ୍ରାଭେଲ ଗାଇଡଲାଇନ

ନୂଆଦିଲ୍ଲୀ: ଭାରତ ସରକାର କଡ଼ା ଆଭିମୁଖ୍ୟ ପରେ ମୁଣ୍ଡ ନୁଆଇଲା ବ୍ରିଟେନ । ଟ୍ରାଭେଲ ଗାଇଡଲାଇନରେ ସାମାନ୍ୟ କିଛି ପରିବର୍ତ୍ତନ ଆଣିଛନ୍ତି ବ୍ରିଟେନ ସରକାର । ନୂଆ ନୀତିରେ କୋଭିସିଲ୍‌ଡକୁ ମାନ୍ୟତା ଦେଇଛି ବ୍ରିଟେନ । କୋଭିସିଲଡର ଦୁଇଟି ଡୋଜ୍ ନେଇସାରିଥିବା ଯାତ୍ରୀଙ୍କୁ ବ୍ରିଟେନ ଯାତ୍ରା ପାଇଁ ଅନୁମତି ଦେଇଛି । ହେଲେ ଏବେ ବି ୟୁକେ ଯାଉଥିବା ଭାରତୀୟ ଯାତ୍ରୀଙ୍କୁ କ୍ବାରେଣ୍ଟାଇନରେ ରହିବାକୁ ପଡ଼ିବ ବୋଲି ବ୍ରିଟେନ ସରକାର ଗାଇଡଲାଇନରେ ଉଲ୍ଲେଖ କରିଛନ୍ତି ।

ଏବେ ଭାରତ ସରକାର ଦେଉଥିବା ଟିକାକରଣ ପ୍ରମାଣପତ୍ରକୁ ନେଇ କିଛି ସମସ୍ୟା ରହିଛି ବୋଲି ବ୍ରିଟେନ ସରକାର କହିଛନ୍ତି । ପୂର୍ବରୁ ୟୁକେ ଟ୍ରାଭେଲ ଆଡଭାଇଜରୀ ଜାରି କରାଯାଇଥିଲା । ଯାହା ୪ ଅକ୍ଟୋବରରୁ ଲାଗୁ ହେବ । ମାତ୍ର ଏଥିରେ ଭାରତୀୟ ଭ୍ୟାକସିନକୁ ଅନୂମତି ଦିଆଯାଇଥିବାରୁ ଭାରତ ଆସୁଥିବା ବ୍ରିଟେନ ଯାତ୍ରୀଙ୍କ ପାଇଁ ସମାନ କଟକଣା ଲାଗୁ କରାଯିବ ବୋଲି ଚେତାବନୀ ଦେଇଥିଲେ ଭାରତ ସରକାର । ଯାହାପରେ ୟୁକେ ଟ୍ରାଭେଲ ଗାଇଡଲାଇନରେ ସାମାନ୍ୟ କିଛି ପରିବର୍ତ୍ତନ ଆଣିଛନ୍ତି ।

ସବୁଠାରୁ ଆଶ୍ଚର୍ଯ୍ୟକର କଥା ହେଉଛି, ଯେଉଁ ୟୁକେ କମ୍ପାନୀ ଭାରତରେ କୋଭିଡ ଟିକା କୋଭିସିଲ୍ଡ ନିର୍ମାଣ କରୁଛି, ସେହି ଦେଶ କୋଭିସିଲ୍ଡ ନେଇଥିବା ବ୍ୟକ୍ତିଙ୍କୁ ମଧ୍ୟ ପ୍ରବେଶ ଅନୁମତି ଦେଇନଥିଲା  । ବର୍ତ୍ତମାନ ଭାରତର ଆଭିମୁଖ୍ୟ ପରେ ନରମିଛି ବ୍ରିଟେନ  । ଏବେ ଆଉ ଭ୍ୟାକ୍ସିନ ସହ ବ୍ରିଟେନର ସମସ୍ୟା ନାହିଁ  । ବଂର ଯେଉଁ ଭାରତୀୟ ବ୍ରିଟେନ ଗସ୍ତ କରିବେ ସେମାନେ ୧୪ ଦିନିଆ କ୍ୱାରେଣ୍ଟାଇନରେ ରହିବେ ବୋଲି କହିଛନ୍ତି ବ୍ରିଟେନ ସରକାର  ।

ଭୋଜିକୁ ନ ଡାକିବାକୁ ନେଇ ସଂଘର୍ଷ, ୨ ଆହତ

ନୀଳଗିରି: ଭୋଜିଭାତ ବେଳେ ଗୋଷ୍ଠୀ ସଂଘର୍ଷ । ବିଶ୍ୱକର୍ମା ପୂଜା ଉପଲକ୍ଷେ ନୀଳଗିରି ଟ୍ରକ୍ ମାଲିକ ସଂଘ ପକ୍ଷରୁ ଏକ ହୋଟେଲରେ ଭୋଜିଭାତର ଆୟୋଜନ କରାଯାଇଥିଲେ । ଭୋଜିଭାତ ବେଳେ ଗୋଷ୍ଠୀ ସଂଘର୍ଷ ଘଟିଛି । ଏଥିରେ ୨ ଜଣ ଗୁରୁତର ଆହତ ହୋଇଥିବା ବେଳେ ମେଡିକାଲରେ ଭର୍ତ୍ତି କରାଯାଇଛି ।

ଟ୍ରକ୍ ମାଲିକ ସଂଘର ପୂର୍ବତନ ସଭାପତିଙ୍କୁ ଭୋଜିକୁ ଡକା ଯାଇ ନଥିଲା । ଏହାକୁ କେନ୍ଦ୍ର କରି ଟ୍ରକ୍ ମାଲିକ ସଂଘର ସମ୍ପାଦକ ସାନ୍ତୁନୁ ବିଶ୍ଵାଳ ଏବଂ ଜଗବନ୍ଧୁ ବେହେରା ହାତାହାତି ହୋଇଥିଲେ । ଖବର ପାଇ ନୀଳଗିରି ପୋଲିସ ଘଟଣାସ୍ଥଳରୁ ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ମେଡିକାଲରେ ଭର୍ତ୍ତି କରି ତଦନ୍ତ ଚଳାଇଛି ।