spot_img
Home Blog Page 5230

ଭୋପାଳରେ ଲୋକଙ୍କୁ ଦଳିଲା କାର୍, ୩ ଗୁରୁତର

ଭୋପାଲ: ପୁଣି ହିଟ୍ ଆଣ୍ଡ ରନ୍ ଘଟଣା । ଦୁଗାର୍ ମେଢ଼ ଭସାଣ ବେଳେ ଲୋକଙ୍କ ଉପରେ ଚଢ଼ିଗଲା କାର । ୩ ଗୁରୁତର, ମେଡିକାଲରେ ଭର୍ତ୍ତି। ଏମିତି ଘଟଣା ଘଟିଛି ମଧ୍ୟପ୍ରଦେଶର ଭୋପାଲରେ । ସୋସିଆଲ ମିଡିଆରେ ଭାଇରାଲ ହେଉଛି ଦୁର୍ଘଟଣା ବେଳର ଦୃଶ୍ୟ ।

ଭୋପାଳର ବଜରିୟା ଥାନା ଅଞ୍ଚଳରେ ଘଟିଛି ଏହି ଘଟଣା ।  ପ୍ରାୟ ରାତି ୧୧ଟା ସମୟରେ ଭସାଣ ଶୋଭାଯାତ୍ରାରେ ଲୋକେ ନାଚି ନାଚି ଯାଉଛ ଥିବା ବେଳେ ଏକ କାର୍ ଦ୍ରୁତ ଗତିରେ ଆସି ଧକ୍କା ଦେଇଥିଲା। ହଠାତ୍ କାରଟି ଧକ୍କା ଦେବା ପରେ ଲୋଙ୍କ ମଧ୍ୟରେ ଧାଁଦୌଡ ଆରମ୍ଭ ହୋଇଯାଇଥିଲା । ପରେ ପୋଲିସ ଡ୍ରାଇଭରକୁ ଅଟକ ରଖି ଘଟଣାର ତଦନ୍ତ ଚଳାଇଛି ।

ସୂଚନାଯୋଗ୍ୟ, ପ୍ରଥମେ ଲଖିମପୁର, ପରେ ଛତିଶଗଡ଼ ଓ ଏବେ ଭୋପାଲ । ତିନୋଟି ସ୍ଥାନରେ ଲୋକଙ୍କ ଉପରେ ଦ୍ରୁତଗତିରେ ମାଡ଼ିଗଲା କାର୍ । ବାରମ୍ବାର ସମାନ ଢଙ୍ଗରେ ଦୁର୍ଘଟଣା ଘଟିବା ଚିନ୍ତା ବଢ଼ାଇବା ସହ ପ୍ରଶ୍ନ ମଧ୍ୟ ଛିଡ଼ା କରିଛି । ୩ଟି ଦୁର୍ଘଟଣା ଭିତରେ କିଛି ଲିଙ୍କ ଅଛି କି ? ନା ଏହା କେବଳ ଏକ ସଂଯୋଗ ତାହାର ତଦନ୍ତ ହେବା ଆବଶ୍ୟକ ବୋଲି ମତ ପ୍ରକାଶ ପାଇବାରେ ଲାଗିଛି ।

ଲଦାଖରେ ଏୟାର ଚିଫ୍ ମାର୍ଶଲ ଭିଆର ଚୌଧୁରୀ

ସୀମାରେ ଆଲର୍ଟ । ଭାରତୀୟ ସେନାର ବରିଷ୍ଠ ଅଧିକାରୀଙ୍କ ଲଦାଖ ଅଞ୍ଚଳକୁ ଘନ ଘନ ଗସ୍ତ । ଚୀନର ମେରୁଦଣ୍ଡ ଭାଙ୍ଗିବାକୁ ପୂରା ପ୍ରସ୍ତୁତି । ଗୋଟିଏ ଭୁଲକୁ ଅପେକ୍ଷା । ଛାରଖାର କରିବାକୁ ଭାରତୀୟ ସେନା ପ୍ରସ୍ତୁତ । ଗତ ଦୁଇ ସପ୍ତାହ ପୂର୍ବରୁ ଆର୍ମୀ ଚିଫ୍ ଜେନେରାଲ ଏମଏମ ନରଓ୍ବାଣେ ଦଲାଖ ଗସ୍ତ କରିଥିବା ବେଳେ ଆଜି ପୂର୍ବ ଲଦାଖରେ ପହଞ୍ଚିଛନ୍ତି ବାୟୁସେନା ପ୍ରମୁଖ ଭିଆର ଚୌଧୁରୀ ।

ଲଦାଖରେ ପହଞ୍ଚିବା ପରେ ବାୟୁସେନା ପ୍ରସ୍ତୁତିର ସମୀକ୍ଷା କରିଥିଲେ ଚୌଧୁରୀ। ଏହାସହ ଏୟାରବେଶ କର୍ମଚାରୀ ଓ ବାୟୁବୀରଙ୍କ ସହ କଥା ହୋଇ ସେମାନଙ୍କ ମନୋବଳ ବଢ଼ାଇଥିଲେ ।

ସୂଚନାଯୋଗ୍ୟ, ଗତ ୮ ତାରିଖରେ ୮୯ତମ ବାୟୁସେନା ଦିବସରେ ପୂର୍ବ ଲଦାଖରେ ଚୀନ ସେନାର ଗତିବିଧି ବଢ଼ିଥିବା କହିଥିଲେ ଏୟାର ଚିଫ୍ ମାର୍ଶଲ ଚୌଧୁରୀ । ଏହାସହ ସେ ଆହୁରି କହିଥିଲେ ଯେ, ଚୀନ୍ ବାୟୁସେନା ଏଲଏସି ଆରପଟେ ୩ଟି ଏୟାର ଫିଲ୍ଡରେ ଉପସ୍ଥିତି ବଢ଼ାଇଛି । ହେଲେ ଏହା ଆମ ପ୍ରସ୍ତୁତି ଉପରେ କୌଣସି ପ୍ରଭାବ ପକାଇବନି ।

ବାୟୁସେନା ପ୍ରମୁଖ ପଦ ସମ୍ଭାଳିବା ପରେ ଏୟାର ଚିଫ୍ ମାର୍ଶଲଙ୍କ ଏହା ପ୍ରଥମ ଲଦାଖ ଗସ୍ତ । ଶନିବାର ସେ ଲେହରେ ଏୟାରଫୋର୍ସ ଷ୍ଟେସନ ଓ ଉତ୍ତରୀ ସେକ୍ଟରରେ ଭାରତୀୟ ବାୟୁସେନାର ପ୍ରସ୍ତୁତି ସମୀକ୍ଷା କରିଥିଲେ ।

ଗୋଟିଏ ପଟେ ଚୀନ ସୀମାରେ ଅନୁପ୍ରବେଶ କରୁଥିବା ବେଳେ ଆରପଟେ କମାଣ୍ଡର ସ୍ତରୀୟ ବୈଠକକୁ ଆସି ଶାନ୍ତିବାର୍ତ୍ତାର କଥା କହୁଛି । ଗତ ୧୦ ତାରିଖରେ ହୋଇଥିବା ୧୩ତମ କମାଣ୍ଡର ସ୍ତରୀୟ କଥାବାର୍ତ୍ତାରୁ କୌଣସି ନିଷ୍ପତ୍ତି ବାହାରି ପାରିନଥିଲା ।

ବାଇକ୍ ଆରୋହୀଙ୍କୁ ବଞ୍ଚାଇବାକୁ ଯାଇ ମନ୍ତ୍ରୀଙ୍କ ପାଇଲଟିଂ ଗାଡ଼ି ଦୁର୍ଘଟଣାଗ୍ରସ୍ତ, ୫ ଆହାତ

ମୋହନା: ଆଦିବାସୀ ଉନ୍ନୟନ ମନ୍ତ୍ରୀ ଜଗନ୍ନାଥ ସାରକାଙ୍କୁ ନେଇ ଯାଉଥିବା ପାଇଲଟିଂ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି । ଗଜପତି ଜିଲ୍ଲା ଅଡ଼ବା ଥାନା ବିରିକୋଟ ନିକଟ ହୁଲିଆପଦା ନିକଟରେ ଘଟିଛି ଦୁର୍ଘଟଣା । ଗାଡ଼ିର ଡ୍ରାଇଭର ପି.ଏସ. ରାଓଙ୍କ ସମେତ ଏସ୍ଆଇ ଏଲ.ବିଶ୍ୱନାଥ, କନେଷ୍ଟବଳ ଜିତୁ ପଟ୍ଟନାୟକ, କମଳା ଦେବୀ ଏବଂ ମଞ୍ଜୁଳା ଭୂୟାଁ ଗୁରୁତର ଆହାତ ହୋଇଛନ୍ତି । ଖବର ପାଇ ଅଡ଼ବା ଥାନା ପୋଲିସ ଘଟଣା ସ୍ଥଳରେ ପହଞ୍ଚି ସେମାନଙ୍କୁ ବିରିକୋଟ ପ୍ରାଥମିକ ଚିକିତ୍ସାଳୟରେ ଭର୍ତ୍ତି କରିଛି ।

Minister's Piloting Car Overturns Near Adaba, 5 Injured

ଆଦିବାସୀ ଉନ୍ନୟନ ମନ୍ତ୍ରୀ ଜଗନ୍ନାଥ ସାରକା ଭୁବନେଶ୍ୱରରୁ ରାୟଗଡ଼ା ଅଭିମୁଖେ ଯାଉଥିଲେ । ତପ୍ତପାଣି ଠାରୁ ଗଜପତି ପୋଲିସ୍ ନେଇ ରାୟଗଡ଼ା ଜିଲ୍ଲା ସୀମା ଯାଏଁ ଛାଡ଼ିବାକୁ ଯାଉଥିଲା । ହୁଲିଆପଦା ନିକଟରେ ଜଣେ ବାଇକ୍ ଆରୋହୀ ଫୋନରେ କଥା‌ ହୋଇ ପାଇଲଟିଂ ଗାଡ଼ି ସମ୍ମୁଖକୁ ଚାଲି ଆସିଥିଲେ । ବାଇକ୍ ଆରୋହୀଙ୍କୁ ବଞ୍ଚାଇବାକୁ ଯାଇ ପାଇଲଟିଂ ଗାଡ଼ିଟି ଓଲଟି ପଡ଼ିଛି ।

ଓଡ଼ିଶା ସିନିଅର ଓ ଜୁନିଅର ମହିଳା ହକି ଦଳ ଘୋଷଣା

ଭୁବନେଶ୍ୱର: ଓଡ଼ିଶା ସିନିଅର ଓ ଜୁନିଅର ମହିଳା ହକି ଦଳ ଘୋଷଣା ହୋଇଛି । ସିନିଅର ନ୍ୟାସନାଲ ଓ ଜୁନିଅର ନ୍ୟାସନାଲ୍ ଟୁର୍ଣ୍ଣାମେଣ୍ଟ ପାଇଁ ୧୮ ଜଣିଆ ଲେଖାଏଁ ମହିଳା ଟିମ୍‌ ଘୋଷଣା କରାଯାଇଛି । ଓଡ଼ିଶା ସିନିଅର ନ୍ୟାସନାଲ ଟିମର ନେତୃତ୍ବ ଅସ୍ମିତା ବାର୍ଲା ନେଉଥିବା ବେଳେ ଜୁନିଅର ଟିମର ନେତୃତ୍ୱ ନେବେ ଜ୍ୟୋତି ଛେତ୍ରୀ ।

Odisha Senior And Junior Women’s Hockey Team Announced

ଝାନ୍ସିରେ ଆସନ୍ତା ୨୧ରୁ ୩୧ ତାରିଖ ପର୍ଯ୍ୟନ୍ତ ହେବାକୁ ଯାଉଛି ଟୁର୍ଣ୍ଣାମେଣ୍ଟ । ଏଥିପାଇଁ ଓଡ଼ିଶା ସିନିଅର ମହିଳା ଦଳ ଆଜି ରାତିରେ ସେଠାକୁ ଯାତ୍ରା କରିବ । ସେପଟେ ଝାଡ଼ଖଣ୍ଡରେ ୨୦ରୁ ୨୯ ତାରିଖ ପର୍ଯ୍ୟନ୍ତ ହେବାକୁ ଥିବା ଜୁନିଅର ନ୍ୟାସନାଲ ପାଇଁ ଆସନ୍ତାକାଲି ଓଡ଼ିଶା ମହିଳା ଟିମ୍‌ ବାହାରିବ ।

କୋଇଡ଼ାରେ ହାତୀ ଉପଦ୍ରବ, ଭାଙ୍ଗିଦେଲେ ତିନୋଟି ଘର

ବଣାଇ: ବଣାଇ ବନାଞ୍ଚଳରେ ଥମୁନି ହାତୀ ଉପଦ୍ରବ । ବଣାଇ ବନାଞ୍ଚଳର ତାମଡ଼ା ବନଖଣ୍ଡ, ଜରଡ଼ା ବନଖଣ୍ଡ ସମେତ କୋଇଡ଼ା ବନଖଣ୍ଡରେ ହାତୀ ମାତିଛନ୍ତି । ବନ ବିଭାଗ ପକ୍ଷରୁ ହାତୀଙ୍କୁ ଘଉଡ଼ାଇବା ପାଇଁ ବ୍ୟବସ୍ଥା କରାଯାଉଥିଲେ ମଧ୍ୟ ପ୍ରୟାସ ଅସଫଳ ହେଉଛି । ଫଳରେ ପ୍ରତିଦିନ କ୍ଷୟକ୍ଷତି ଘଟାଉଛନ୍ତି ହାତୀ ।

ଏଥିସହ ପଢ଼ନ୍ତୁ: ମନୀଷ ମୃତ୍ୟୁ ମାମଲାରେ ୩ ଅଭିଯୁକ୍ତଙ୍କୁ ୪ ଦିନିଆ ରିମାଣ୍ଡରେ ନେବ ପୋଲିସ

ଗତ ରାତିରେ ପୁଣି ଥରେ ହାତୀ କୋଇଡ଼ା ବନଖଣ୍ଡର କନ୍ତର କୋଇଡ଼ାରେ ଆତଙ୍କ ଖେଳାଇଛନ୍ତି । ହାତୀପଲ ତିନୋଟି ଘର ଭାଙ୍ଗିବା ସହ ଗଚ୍ଛିତ ଧାନ ଚାଉଳ ଖାଇ ଦେଇଛନ୍ତି । ବେଶ୍ କିଛିଦିନ ହେବ ହାତୀପଲ ଗାଁ ମୁହାଁ ହେଉଥିବାରୁ ଜଙ୍ଗଲ ନିକଟରେ ବସବାସ କରୁଥିବା ଗ୍ରାମବାସୀ ଭୟଭୀତ ଅବସ୍ଥାରେ ଅଛନ୍ତି ।

ମନୀଷ ମୃତ୍ୟୁ ମାମଲାରେ ୩ ଅଭିଯୁକ୍ତଙ୍କୁ ୪ ଦିନିଆ ରିମାଣ୍ଡରେ ନେବ ପୋଲିସ

ଭୁବନେଶ୍ୱର: ବହୁଚର୍ଚ୍ଚିତ ଭୁବନେଶ୍ୱର ମନୀଷ ଅନୁରାଗ ମୃତ୍ୟୁ ମାମଲା । ୩ ଅଭିଯୁକ୍ତଙ୍କୁ ୪ ଦିନିଆ ରିମାଣ୍ଡରେ ନେଇ ପଚରାଉଚରା କରିବ ପୋଲିସ । କମିଶନରେଟ୍ ପୋଲିସ ପକ୍ଷରୁ ୫ ଦିନ ଲାଗି ରିମାଣ୍ଡ ଆବେଦନ କରାଯାଇଥିଲା । ଜେଏମଏଫସି କୋର୍ଟ ୪ ଦିନ ଲାଗି ରିମାଣ୍ଡ ଅନୁମତି ପ୍ରଦାନ କରିଛନ୍ତି ।

ଗତକାଲି ପୋଲିସ ମନୀଷ ମୃତ୍ୟୁର ଖୁଲାସା କରିବା ପରେ ଅଭିଯୁକ୍ତଙ୍କୁ ୫ ଦିନିଆ ରିମାଣ୍ଡରେ ନେବାକୁ ଆବେଦନ କରିଥିଲା । ମନୀଷ ମୃତ୍ୟୁ ମାମଲାରେ ୩ ସାଙ୍ଗ ଦିନେଶ, ମୃତ୍ୟୁଞ୍ଜୟ ଓ ଅମ୍ରିତ ଗିରଫ ହୋଇଛନ୍ତି । ମନୀଷ ମୃତ୍ୟୁ ଘଟଣା ଉପରୁ ଗତକାଲି କମିଶନରେଟ୍ ପୋଲିସ ରହସ୍ୟ ହଟାଇଥିଲା ।

Manish Anurag Death Case, Court Give 4 Day Remand  Permission To Police

ବାରରେ ବିଲ ପେମେଣ୍ଟକୁ ନେଇ ସାଙ୍ଗମାନଙ୍କ ମଧ୍ୟରେ ହୋଇଥିଲା ବିବାଦ । ପରେ ଠେଲା ପେଲା ଓ ଆକ୍ରମଣ ଯୋଗୁ ଯାଇଥିଲା ମନୀଷଙ୍କ ଜୀବନ । ପରେ ପ୍ରମାଣ ନଷ୍ଟ କରିବାକୁ ସାଙ୍ଗ ରଚିଥିଲେ ଷଡ଼ଯନ୍ତ୍ର । ଅକ୍ଟୋବର ୯ ତାରିଖରେ ବାହାଘର ବ୍ୟାଚଲର ପାର୍ଟି ଦେଉଥିଲେ ମନୀଷ । ବାର୍ ମଧ୍ୟରେ ବିଲ ବାବଦକୁ ୮ରୁ ୧୦ ହଜାର ଟଙ୍କା  ହେବା ପରେ ପେମେଣ୍ଟକୁ ନେଇ ବିବାଦ ଓ ଝଗଡ଼ା ହୋଇଥିଲା । ବାରରୁ ବାହାରିବା ପରେ ୪ ଜଣଙ୍କ ଭିତରେ ମାରପିଟ ହୋଇଥିଲା ।

ସାଙ୍ଗମାନଙ୍କ ଆକ୍ରମଣରେ ମନୀଷଙ୍କର ମୃତ୍ୟୁ ହୋଇଥିଲା । ଶେଷରେ ପ୍ରମାଣ ନଷ୍ଟ କରିବାକୁ ପୋଖରିରେ ମୃତଦେହ ଫିଙ୍ଗି ଦେଇ ହୋଟେଲ ସ୍ୱାଗତ ପ୍ୟାଲେସରେ ୧୨ ଘଣ୍ଟା କାଟିଥିଲେ ସଇତାନ୍ ସାଙ୍ଗ । ଅଭିଯୁକ୍ତଙ୍କ ବିରୋଧରେ ୩୬୪ (କ) ଅପହରଣ କରି ଟଙ୍କା ମାଗିବା, ୩୦୨ ହତ୍ୟା ଓ ୨୦୧ ପ୍ରମାଣ ନଷ୍ଟ କରିବା ଧାରା ଲାଗିଛି ।

ନେପାଳକୁ ହରାଇ ୮ମ ସାଫ୍ ଚାମ୍ପିଅନସିପ୍ ମୁକୁଟ ପିନ୍ଧିଲା ଭାରତ

ନୂଆଦିଲ୍ଲୀ: ନେପାଳକୁ ୩-୦ ଗୋଲରେ ହରାଇ ୮ମ ଥର ପାଇଁ ସାଫ୍ ଚାମ୍ପିଅନସିପ୍ ମୁକୁଟ ପିନ୍ଧିଛି ଭାରତ । ଅଧିନାୟକ ସୁନୀଲ ଛେତ୍ରୀ ଧମାକାଦାର ପ୍ରର୍ଦଶନ ସହ ୮୦ତମ ଆନ୍ତର୍ଜାତୀୟ ଗୋଲ୍ ଦେଇ ଲିୟୋନେଲ ମେସିଙ୍କ ସମକକ୍ଷ ହୋଇଛନ୍ତି ।

ଏହି ହାଇ ପ୍ରୋଫାଲଇ ଫାଇନାଲର ଆରମ୍ଭରୁ ଭାରତୀୟ ଫୁଟବଲ୍ ଟିମର ଦବଦବା ଦେଖିବାକୁ ମିଳିଥିଲା । ପ୍ରଥମାର୍ଦ୍ଧରେ ଭାରତୀୟ ଦଳ ମ୍ୟାଚକୁ ନିୟନ୍ତ୍ରଣରେ ରଖିଥିଲେ ବି ଗୋଲ୍ ଦେବାକୁ ସକ୍ଷମ ହୋଇନଥିଲା ।

ଦ୍ବିତୀୟାର୍ଦ୍ଧର ୪୯ତମ ମିନିଟରେ ସୁନୀଲ ପ୍ରଥମ ଗୋଲ୍ ଦେଇ ଭାରତକୁ ଆଗୁଆ କରିଥିଲେ । ଏହାର ମାତ୍ର ୧ ମିନିଟ ପରେ ସୁରେଶ ସିଂହ ଦ୍ବିତୀୟ ଗୋଲ୍ ସ୍କୋର୍ କରିଥିଲେ । ମ୍ୟାଚର ୯୦ ମିନିଟରେ ସହଲ୍ ଅବଦୁଲ୍ ସମାଦ ବିଜୟ ସୂଚକ ତୃତୀୟ ଗୋଲ୍ ଦେଇଥିଲେ ।

ଏହି ବିଜୟ ସହ ଭାରତ ୮ମ ଥର ସାଫ୍ ଚାମ୍ପିଅନସିପ୍ ଜିତିଛି । ମୁଖ୍ୟ କୋଚ୍ ଇଗରୋ ଷ୍ଟିମାକଙ୍କ ତତ୍ବାବଧାନରେ ଭାରତ ଏହି ମ୍ୟାଚ୍ ଜିତିବାକୁ ସକ୍ଷମ ହୋଇଛି । କୌଣସି ବିଦେଶୀ କୋଚଙ୍କ ତତ୍ବାବଧାନରେ ଏହା ଭାରତର ତୃତୀୟ ସାଫ୍ ଚାମ୍ପିଅନସିପ୍  ବିଜୟ ।

ମଦ ନିଶା ହେଲା କାଳ, ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ୱାମୀ

ବଲାଙ୍ଗିର: ସ୍ୱାମୀ-ସ୍ତ୍ରୀ କଳହର କରୁଣ ପରିଣତି । ମଦ୍ୟପ ସ୍ୱାମୀର ଟାଙ୍ଗିଆ ଚୋଟରେ ଗଲା ସ୍ତ୍ରୀର ଜୀବନ । ବଲାଙ୍ଗିର ପଟଣାଗଡ଼ ବ୍ଲକ ଭରତବାହାଳରେ ହତ୍ୟାକାଣ୍ଡ ଘଟିଛି । ପୋଷା ଠେକୁଆକୁ ଖାଇବାକୁ ଦେବାକୁ କେନ୍ଦ୍ରକରି ଗତ ରାତିରେ ଦମ୍ପତିଙ୍କ ମଧ୍ୟରେ କଳହ ଲାଗିଥିଲା । ମଦ୍ୟପ ସ୍ୱାମୀ ବାରମ୍ବାର ଟାଙ୍ଗିଆରେ ଆକ୍ରମଣ କରିବାରୁ ଘଟଣାସ୍ଥଳରେ ହିଁ ସ୍ତ୍ରୀର ମୃତ୍ୟୁ ହୋଇଛି । ମୃତକ ହେଲେ ଗାଁର ପଞ୍ଚୁ ନାଏକଙ୍କ ପତ୍ନୀ ଅମ୍ବିକା ।

ଏଥିସହ ପଢ଼ନ୍ତୁ: ଟାଟାରେ ଚାକିରି ନାଁରେ ଠକେଇ ମାମଲା, ପ୍ରଦୀପ ପାଣିଗ୍ରାହୀ ଓ ତାଙ୍କ ସହଯୋଗୀଙ୍କ ଘରେ ଭିଜିଲାନ୍ସ ରେଡ୍

ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି । ରାତି ପ୍ରାୟ ୮ଟା ସମୟରେ ସ୍ୱାମୀ-ସ୍ତ୍ରୀଙ୍କ ମଧ୍ଯରେ କୌଣସି ବିଷୟକୁ ନେଇ ଝଗଡ଼ା ହୋଇଥିଲା । ଏହାପରେ ସ୍ତ୍ରୀକୁ ଟାଙ୍ଗିଆରେ ଆକ୍ରମଣ କରିଥିଲା ସ୍ୱାମୀ । ସ୍ଥାନୀୟ ଲୋକେ ଦେଖିବା ବେଳକୁ ରକ୍ତ ଜୁଡୁବୁଡୁ ଅବସ୍ଥାରେ ଘର କବାଟ ପାଖରେ ଅମ୍ବିକା ପଡ଼ି ରହିଥିଲେ । ଅଭିଯୁକ୍ତ ସ୍ୱାମୀ ପଞ୍ଚୁ ଫେରାର ହୋଇଯାଇଛି ।

ଅଶାନ୍ତ କାଶ୍ମୀର: ଯବାନଙ୍କ ସହ ଲୁଚକାଳି ଖେଳୁଛନ୍ତି ଆତଙ୍କବାଦୀ

ଶ୍ରୀନଗର: ଦିନକୁ ଦିନ ବିଗୁଡ଼ୁଛି ଜମ୍ମୁ ଓ କାଶ୍ମୀରର ସ୍ଥିତି । ସାଧାରଣ ଜନତା ହୁଅନ୍ତୁ ଅବା ସୁରକ୍ଷା କର୍ମୀ, ହେବାରେ ଲାଗିଛି ଗୋଟିଏ ପରେ ଗୋଟିଏ ଆତଙ୍କୀ ଆକ୍ରମଣ । ଏପଟେ ଘାଟିରୁ ଆତଙ୍କୀ ନିପାତ ପାଇଁ ଭାରତୀୟ ସେନା ‘ଅପରେସନ ଅଲ୍ ଆଉଟ୍’କୁ ଜୋରଦାର କରିଛି । ହେଲେ ସ୍ଥିତି ଏମିତି, ଏକାଧିକ ସ୍ଥାନରେ ଯବାନ ଘେରାବନ୍ଦୀ କରିଥିଲେ ବି ଆତଙ୍କୀଙ୍କ ଟେର୍ ପାଉନାହାନ୍ତି ।

ମେନ୍ଧାର, ଥାନାମଣ୍ଡି ଅଞ୍ଚଳକୁ ସମ୍ପୂର୍ଣ୍ଣ କର୍ଡନ ମଧ୍ୟରେ ରଖାଯାଇଥିବା ବେଳେ ପୁଞ୍ଚ ଓ ରାଜୌରି ଜିଲ୍ଲାର ସୀମାନ୍ତ ଅଞ୍ଚଳରେ ବ୍ୟାପକ ସର୍ଚ୍ଚ ଅପରେସନ ଜାରି ରହିଛି । ଏବେ ବି ଅନେକ ସ୍ଥାନରେ ଆତଙ୍କବାଦୀ ଲୁଚି ରହିଛନ୍ତି । ଏସବୁ ସ୍ଥାନରେ ତଲାସି ଜାରି ରହିଛି । ମେନ୍ଧାରର ଘଞ୍ଚ ଜଙ୍ଗଲରୁ ରହି ରହି ଆତଙ୍କୀ ଗୁଳିମାଡ଼ କରୁଥିବାରୁ ସେମାନଙ୍କୁ ଠାବ କରିବା କଷ୍ଟକର ହେଉଛି ।

ଏହାବାଦ ଯବାନଙ୍କୁ ଚକମା ଦେବାକୁ ଆତଙ୍କବାଦୀମାନେ ନୂଆ ଉପାୟ ଅବଲମ୍ବନ କରୁଛନ୍ତି । କୌଣସି ସ୍ଥାନରେ ବେଶି ସମୟ ନରହି ବାରମ୍ବାର ସ୍ଥାନ ପରିବର୍ତ୍ତନ କରୁଛନ୍ତି । ଯାହା ସର୍ଚ୍ଚ ଅପରେସନ୍ ପାଇଁ ବଡ଼ ସମସ୍ୟା ସୃଷ୍ଟି କରୁଛି ।

ନାର୍ ଖାସ୍ ଜଙ୍ଗଲରେ ଆତଙ୍କବାଦୀଙ୍କ ଗୁଳିରେ ସହିଦ ରାଇଫଲମ୍ୟାନ୍ ବିକ୍ରମ ସିଂ ନେଗି ଓ ଯବାନ ଯୋଗାମ୍ବର ସିଂଙ୍କ ମୃତଦେହ ଠାବ କରାଯାଇ ଉତ୍ତରାଖଣ୍ଡ ଡେରାଡୁନକୁ ଅଣାଯାଇଛି ।

ପୂର୍ବରୁ ପୁଞ୍ଚର ସୁରଣକୋଟ ଜଙ୍ଗଲରେ ଜଣେ ଜେସିଓ ଓ ୫ ଯବାନ ସହିଦ ହୋଇଥିଲେ । ସେପଟେ ଶ୍ରୀନଗର ଓ ପୁଲଓ୍ବାମାରେ ଆତଙ୍କବାଦୀ ପୁଣି କରିଛନ୍ତି ରକ୍ତପାତ । ଜଣେ ଉଠା ଦୋକାନୀ ଓ ଜଣେ ମିସ୍ତ୍ରୀଙ୍କୁ ଗୁଳି କରି ହତ୍ୟା କରିଛନ୍ତି । ବିଶେଷ କରି ବାହାର ରାଜ୍ୟର ଶ୍ରମିକ ଓ ସେଠାରେ ରହି ବ୍ୟବସାୟ କରୁଥିବା ଲୋକଙ୍କୁ ଟାର୍ଗେଟ କରୁଛନ୍ତି ଆତଙ୍କୀ ।

ଆୟ ବହିର୍ଭୂତ ସମ୍ପତ୍ତି ମାମଲା, ପ୍ରଦୀପ ପାଣିଗ୍ରାହୀ ଓ ତାଙ୍କ ସହଯୋଗୀଙ୍କ ଘରେ ଭିଜିଲାନ୍ସ ରେଡ୍

ବ୍ରହ୍ମପୁର: ଟାଟାରେ ଚାକିରି ଦେବା ନାଁରେ ଭାବୀ ଜ୍ୱାଇଁଙ୍କ ସହ ମିଶି ଠକେଇ ମାମଲାରେ ଚଢ଼ାଉ । ଗୋପାଳପୁର ବିଧାୟକ ପ୍ରଦୀପ ପାଣଗ୍ରାହୀଙ୍କ ଘରେ ରେଡ୍ କରିଛି ଭିଜିଲାନ୍ସ । ପ୍ରଦୀପଙ୍କ ସହ ତାଙ୍କ ମୁଖ୍ୟ ସହଯୋଗୀ ସର୍ବେଶ୍ୱର ରାଓ, କମ୍ବୁ ପାଣିଗ୍ରାହୀ ଏବଂ ପ୍ରଦୀପଙ୍କ ଡ୍ରାଇଭର ଘରେ ଭିଜିଲାନ୍ସ ଚଢ଼ାଉ ଜାରି ରଖିଛି । ଏକକାଳୀନ ୧୫ଟି ସ୍ଥାନରେ ଚଢ଼ାଉ କରିଛି ଭିଜିଲାନ୍ସ ।

Vigilance Raid In Gopalpur MLA Pradeep Panigrahi Residence 

ଭାବୀ ଜ୍ୱାଇଁ ଆକାଶ ପାଠକଙ୍କ ସହ ମିଶି ଟାଟାରେ ଚାକିରି ଦେବା ନାଁରେ ଠକେଇ ହୋଇଥିଲା । ଲକ୍ଷ ଲକ୍ଷ ଟଙ୍କା ଠକି ନେଇଥିଲେ ପ୍ରଦୀପ ଓ ଆକାଶ । ପୂର୍ବରୁ ଏହି ମାମଲାରେ ପ୍ରଦୀପଙ୍କୁ ଗିରଫ କରିଥିଲା ଭିଜିଲାନ୍ସ । ଆଜି ସକାଳୁ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି । ରେଡ୍ ବେଳେ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରିଛି ଭିଜିଲାନ୍ସ । ଏବେ ବି ଚଢ଼ାଉ ଜାରି ରହିଛି ।

ଏଥିସହ ପଢ଼ନ୍ତୁ: ରାଜଧାନୀରେ ମାତିଛନ୍ତି ଚୋର, ରାତିରେ ଘରେ ବୁଲାଉଛନ୍ତି କଳାକନା

ପ୍ରଦୀପଙ୍କ ବିରୋଧରେ ଥିବା ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ ମାମଲାର ତଦନ୍ତ ଦାୟିତ୍ୱ ଭିଜିଲାନ୍ସକୁ ଦେଇଥିଲେ ଲୋକାୟୁକ୍ତ । ତଦନ୍ତ ବେଳେ ଜଣାପଡ଼ିଥିଲା ୨୪ ମେ ୨୦୦୯ରୁ ୩୦ ନଭେମ୍ବର ୨୦୨୦ ମଧ୍ୟରେ ପ୍ରଦୀପ ୫ କୋଟି ୫ ଲକ୍ଷ ୪ ହଜାର ୬୫୬ ଟଙ୍କାର ଆୟ ବହିର୍ଭୂତ ସମ୍ପତ୍ତି ରହିଛି । ଏବେ ଏସପିଙ୍କ ନେତୃତ୍ୱରେ ୨ ଜଣ ଅତିରିକ୍ତ ଏସଏସପି, ୧୭ ଜଣ ଡିଏସପିଙ୍କ ନେଇ ପ୍ରଦୀପ ଓ ତାଙ୍କ ସମ୍ପର୍କୀୟଙ୍କ ୧୫ଟି ସ୍ଥାନରେ ରେଡ୍ ଚାଲିଛି ।