spot_img
Home Blog Page 5176

ନବାବଙ୍କ ଅଭିଯୋଗ ପରେ ମୁହଁ ଖୋଲିଲେ କାସିଫ, ‘ସେକ୍ସ କି ଡ୍ରଗ୍ସ ରାକେଟ୍ ସହ ନାହିଁ ସମ୍ପର୍କ’

ମୁମ୍ବାଇ: ମଝି ସମୁଦ୍ରରେ କ୍ରୁଜରେ ଡ୍ରଗ୍ସ ମାମଲା ନୂଆ ମୋଡ଼ ନେଉଛି । ଅଭିଯୋଗର ଫର୍ଦ୍ଦ ଲମ୍ବି ଲମ୍ବି ଚାଲୁଥିବା ବେଳେ ଏନସିବିର ତଦନ୍ତ ଉପରେ ପ୍ରଶ୍ନ ବଢ଼ୁଛି । ମହାରାଷ୍ଟ୍ର ମନ୍ତ୍ରୀ ନବାବ ମଲିକ ଫ୍ୟାସନ ଟିଭିର ଭାରତ ମୁଖ୍ୟ କାସିଫ୍ ଖାନଙ୍କୁ କାଠଗଡ଼ାକୁ ଟାଣିଛନ୍ତି । ଆସିଫ୍ ସେକ୍ସ ଓ ଡ୍ରଗ୍ସ ରାକେଟ ଚଳାଉଥିବା ନବାବ ମଲିକ ଅଭିଯୋଗ କରିବା ପରେ କାସିଫ୍ ସମସ୍ତ ଅଭିଯୋଗକୁ ମିଛ ବୋଲି କହିଛନ୍ତି ।

କାସିଫ୍ ଖାନ କହିଛନ୍ତି, କ୍ରୁଜରେ ଆୟୋଜିତ ଉକ୍ତ ଇଭେଣ୍ଟର ଏକ ପ୍ରାୟୋଜକ ଭାବେ ଫ୍ୟାସନ ଟିଭି ଇଣ୍ଡିଆ ସାମିଲ୍ ହୋଇଥିଲା । ସେ ନିଜେ ଟିକେଟ୍ ନେଇ କ୍ରୁଜକୁ ଯାଇଥିଲେ । କ୍ରେଡିଟ୍ କାର୍ଡ ଯୋଗେ ରୁମ୍ ଓ ଖାଇବା ପିଇବା ଟଙ୍କା ଜମା କରିଥିବା କହିଛନ୍ତି କାସିଫ୍ । ଏସବୁର ପ୍ରମାଣ ତାଙ୍କ ପାଖରେ ଥିବା କାସିଫ୍ କହିଛନ୍ତି ।

ଏଥିସହ ପଢ଼ନ୍ତୁ: ନବାବ ମଲିକଙ୍କ ଅଭିଯୋଗ, ‘ସେକ୍ସ ରାକେଟ ଚଳାଉଛନ୍ତି ଫ୍ୟାସନ ଟିଭିର ମୁଖ୍ୟ’

ନବାବ ମଲିକଙ୍କ ଅଭିଯୋଗ ଶୁଣି ସେ ସ୍ତବ୍ଧ ହୋଇ ଯାଇଥିବା କହିଛନ୍ତି କାସିଫ୍ । ସେ ମନ୍ତ୍ରୀ, ସେ ଜଣେ ଶକ୍ତିଶାଳୀ ବ୍ୟକ୍ତି । ମୁଁ ତାଙ୍କୁ ସମ୍ମାନ ଦିଏ । ନବାବ କରିଥିବା ଅଭିଯୋଗକୁ ନେଇ କାସିଫ୍ ଆଶ୍ଚର୍ଯ୍ୟ ପ୍ରକଟ କରିଛନ୍ତି । ସମସ୍ତ ତଥ୍ୟ ଯାଞ୍ଚ କରିବା ପରେ ମନ୍ତ୍ରୀ କୁହନ୍ତୁ ବୋଲି କହିଛନ୍ତି କାସିଫ୍ । ଆର୍ୟନଙ୍କୁ ନେଇ ପଚରା ଯାଇଥିବା ପ୍ରଶ୍ନର ଉତ୍ତରରେ କହିଛନ୍ତି, ସେ କ୍ରୁଜରେ ଆର୍ୟନଙ୍କୁ ଦେଖିନାହାଁନ୍ତି ।

ସେହିଭଳି ସମୀର ୱାଙ୍ଖଡେଙ୍କ ସହ କାସିଫ୍ କେବେ ମିଶି ନଥିବା କହିଛନ୍ତି । ଏପରିକି ୱାଙ୍ଖଡେଙ୍କ ସହ କେବେ କଥା ହୋଇନଥିବା କହିଛନ୍ତି । ସେ କୌଣସି ପ୍ରକାର ତଦନ୍ତର ସମ୍ମୁଖିନ ହେବାକୁ ପ୍ରସ୍ତୁତ ବୋଲି କହିଛନ୍ତି । ତେବେ ଡ୍ରଗ୍ସ ପାର୍ଟି ନେଇ ସେ କିଛି ଜାଣିନଥିବା କହିଛନ୍ତି କାସିଫ୍ ।

ଭାରତକୁ ଫେରିଲା ୨୪୮ଟି ପ୍ରାଚୀନ କୀର୍ତ୍ତି

ନୂଆଦିଲ୍ଲୀ: ଭାରତକୁ ଫେରିଛି ୨୪୮ଟି ପ୍ରାଚୀନ କୀର୍ତ୍ତି। ପ୍ରାୟ ୧୫ ନିୟୁତ ଡଲାରର ଦୁର୍ମୂଲ୍ୟ ପ୍ରାଚୀନ କୀର୍ତ୍ତିକୁ ଫେରସ୍ତ କରିଛି ଆମେରିକା । ଏହି କୀର୍ତ୍ତି ମଧ୍ୟରେ ରହିଛି ଦ୍ବାଦଶ ଶତାବ୍ଦୀର ଏକ ବ୍ରୋଞ୍ଜନିର୍ମିତ ଶିବ ନଟରାଜଙ୍କ ମୂର୍ତ୍ତି । ଗତ ଦଶନ୍ଧି ଧରି ଆମେରିକାରେ ବଡ ଧରଣର ସର୍ଚ୍ଚ ଅପରେସନ, ଯ଼ାଞ୍ଚ, ଚଢାଉ କରି ଏହି ମୂର୍ତ୍ତି ଓ କୀର୍ତ୍ତିଗୁଡିକୁ ଠାବ କରାଯାଇଥିଲା ।

ଏଥିଲାଗି ଆୟୋଜିତ ଏକ ଉତ୍ସବରେ ଭାରତର କନସଲ ଜେନରାଲ ରଣଧୀର ଜୈସଓ୍ବାଲଙ୍କୁ ଏହି ସବୁ କୀର୍ତ୍ତି ହସ୍ତାନ୍ତର କରାଯାଇଥିଲା । ଆମେରିକାର ହୋମଲ୍ୟାଣ୍ଡ ସିକ୍ୟୁରିଟି ଇନଭେଷ୍ଟିଗେସନ୍ସ ଉପମୁଖ୍ୟ ଏରିକ ରୋସେନବ୍ଲାଟି ଏହି ସାମଗ୍ରୀ ହସ୍ତାନ୍ତର କରିଥିଲେ । ଏହି ଫେରସ୍ତ ପ୍ରକ୍ରିୟା ଦୁଇ ଦେଶ ମଧ୍ୟରେ ସାଂସ୍କୃତିକ ସମ୍ପର୍କକୁ ମଜଭୁତ କରିବ ବୋଲି କହିଛନ୍ତି ଜୈସଓ୍ବାଲ ।

ଜେଲରେ ଥିବା ଆର୍ଟ ଡିଲର ସୁଭାଷ କପୁରକୁ ଜେରା କରିବା ସହ ଅନ୍ୟ କେତେକ ସ୍ଥାନରେ ରେଡ ପରେ ଏହି ସବୁ ସାମଗ୍ରୀ ବିଭିନ୍ନ ସମୟରେ ଜବତ ହୋଇଥିଲା । ଆମେରିକାରେ ଏକ ବଡ ରାକେଟ ଭାରତ, ଆଫଗାନିସ୍ତାନ, ମ୍ୟାନମାର, ନେପାଳ, ପାକିସ୍ତାନ, ଶ୍ରୀ ଲଙ୍କା, ଥାଇଲାଣ୍ଡ, କାମ୍ବୋଡିଆ, ଇଣ୍ଡୋନେସିଆ ଆଦି ରାଷ୍ଟ୍ରରୁ ଦୁର୍ମୂଲ୍ୟ ସାମଗ୍ରୀ ଲୁଟ୍ ବା ଚୋରି କରି ବିକ୍ରି କରୁଥିଲେ । ସୁଭାଷ ର ନେଟଓ୍ବର୍କରେ ପ୍ରାୟ ୨୫୦୦ କୀର୍ତ୍ତିରାଜିର ଚୋରାଚାଲାଣ ହୋଇଥିଲା । ଜବତ ସମସ୍ତ ସାମଗ୍ରୀର ମୂଲ୍ୟ ୧୪୩ ନିୟୁତ ଡଲାର ହେବ।

ଚୀନର ହାଇପର ସୋନିକ୍ ମିଶାଇଲ ବନାମ ଭାରତର ଅଗ୍ନି, କିଏ ଅଧିକ ଶକ୍ତିଶାଳୀ

ନୂଆଦିଲ୍ଲୀ: ଶତ୍ରୁ ଦେଶଙ୍କୁ ମାତ ଦେବା ପାଇଁ ଶକ୍ତିଶାଳୀ ହେବାରେ ଲାଗିଛି ଭାରତ । ଗୋଟିଏ ପରେ ଗୋଟିଏ ଅତ୍ୟାଧୁନିକ ଯୁଦ୍ଧାସ୍ତ୍ର ପରୀକ୍ଷଣ କରି ନିଜର ଶକ୍ତି ବଢ଼ାଇବାରେ ଲାଗିଛି ଭାରତ । ବର୍ତ୍ତମାନ ଭାରତୀୟ ସେନାର ଶକ୍ତି ଆହୁରି ବଢ଼ିବାକୁ ଯାଉଛି । ସୀମା ସୁରକ୍ଷା ଓ କ୍ଷେପଣାସ୍ତ୍ର ପ୍ରଯୁକ୍ତିବିଦ୍ୟା କ୍ଷେତ୍ରରେ ଭାରତକୁ ମିଳିଛି ଆଉ ଏକ ବଡ଼ ସଫଳତା । ବୁଧବାର ଓଡ଼ିଶାର ଅବଦୁଲ କଲାମ ଦ୍ବୀପରୁ ଅଗ୍ନି-୫ କ୍ଷେପଣାସ୍ତ୍ର ସଫଳତାର ସହ ପରୀକ୍ଷଣ କରାଯାଇଥିଲା । ବଡ଼ କଥା ହେଉଛି ଏହି କ୍ଷେପଣାସ୍ତ୍ର ୫ ହଜାର କିଲୋମିଟର ପର୍ଯ୍ୟନ୍ତ ଲକ୍ଷ୍ୟଭେଦ କରିବାର କ୍ଷମତା ରହିଛି । ଏହି କାରଣରୁ ଏହାକୁ ନେଇ ଅନେକ ଆଲୋଚନା ହେଉଛି । ତେବେ ଭାରତର ଏହି କ୍ଷେପଣାସ୍ତ୍ରକୁ ଚୀନର କ୍ଷେପଣାସ୍ତ୍ର ସହ ତୁଳନା କରାଯାଉଛି । ଏଭଳି ପରିସ୍ଥିତିରେ ଭାରତର କ୍ଷେପଣାସ୍ତ୍ର ଶକ୍ତିଶାଳୀ ନା ଚୀନର କ୍ଷେପଣାସ୍ତ୍ର ଶକ୍ତିଶାଳୀ ଆସନ୍ତୁ ଜାଣିବା ।

ପ୍ରଥମେ ଯଦି ଆମେ ଅଗ୍ନି-୫ର କଥା କହିବା ତାହାଲେ  । ଏହାର ଲକ୍ଷ୍ୟଭେଦ କ୍ଷମତା ୫ ହଜାର କିଲୋମିଟର । ଏହି ଅଗ୍ନି -୫ କ୍ଷେପଣାସ୍ତ୍ରର ଶକ୍ତି ମଧ୍ୟ ଅଧିକ । କାହିଁକି ନା ଏହାର ଇଞ୍ଜିନରେ ଅନେକ କାମ କରାଯାଇଛି । ଏହାର ଇଞ୍ଜିନ ତିନି ପର୍ଯ୍ୟାୟ କଠିନ ଇନ୍ଧନରୁ ନିର୍ମିତ । ଏପରି ସ୍ଥିତିରେ ଏହାର କ୍ଷମତା ଓ ସଠିକତା  ଅନ୍ୟ କ୍ଷେପଣାସ୍ତ୍ର ଅପେକ୍ଷା ବେଶ୍ ଅଧିକ । ତେବେ ଅଗ୍ନି-୫ର ବିଶେଷ କଥା ହେଉଛି ଏହା ଭାରତର ପ୍ରଥମ ଓ ଏକମାତ୍ର ଇଣ୍ଟର କଣ୍ଟିନେଣ୍ଟାଲ ବାଲାଷ୍ଟିକ କ୍ଷେପଣାସ୍ତ୍ର ।  ଯାହା DRDO ଦ୍ବାରା ପ୍ରସ୍ତୁତ କରାଯାଇଛି । ଦୀର୍ଘ ଦୂରଗାମୀ କ୍ଷେପଣାସ୍ତ୍ରରେ ଏହା ଭାରତକୁ ବିଶେଷ ଭାବରେ ସାହାର୍ଯ୍ୟ କରିବ । ଅଗ୍ନି-୫ ବାଲାଷ୍ଟିକ୍ କ୍ଷେପଣାସ୍ତ୍ର ଏକାଥରକେ ଏକାଧିକ ଅସ୍ତ୍ରଶସ୍ତ୍ର ବହନ କରିବାକୁ ସକ୍ଷମ । ଯେଉଁଥି ପାଇଁ ଭାରତୀୟ ସେନା ଏହାକୁ ବିଶେଷ ଭାବରେ ସାହାର୍ଯ୍ୟ କରିବ । ଏହି କ୍ଷେପଣାସ୍ତ୍ର ଦେଢ଼ ଟନ ପରମାଣୁ  ଅସ୍ତ୍ରଶସ୍ତ୍ରକୁ ବହନ କରି ପାରିବ । ଯଦି ଏହାର ଗତି ଦେଖିବା ତାହାଲେ ଏହାର ଗତି ହେଉଛି ମାଚ ୨୪ ଅର୍ଥାତ ଶବ୍ଦର ଗତିଠାରୁ ୨୪ ଗୁଣ ଅଧିକ ।

ଯଦି ଆମେ ଚୀନର କ୍ଷେପଣାସ୍ତ୍ର ବିଷୟରେ କହିବା ତାହାଲେ । ତେବେ ଏହା ହେଉଛି ଏକ ହାଇପରସୋନିକ୍ କ୍ଷେପଣାସ୍ତ୍ର । ଏହି କ୍ଷେପଣାସ୍ତ୍ର ପରମାଣୁ ବମ୍ ପକାଇବାରେ ସକ୍ଷମ ଏବଂ ପୃଥିବୀରେ ଥିବା ଏୟାର ସିଷ୍ଟମକୁ ଏଡାଇବାରେ ମଧ୍ୟ ସଫଳ ଏହି ହାଇପର ସୋନିକ କ୍ଷେପଣାସ୍ତ୍ର । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ଏହି କ୍ଷେପଣାସ୍ତ୍ରକୁ ଅଟକାଇବା ବହୁତ କଷ୍ଟସାଧ୍ୟ । ରିପୋର୍ଟ ଅନୁସାରେ ଆମେରିକା ପାଖରେ ମଧ୍ୟ ଏହାକୁ ଅଟକାଇବାର ଶକ୍ତି ନାହିଁ । ଏହି କ୍ଷେପଣାସ୍ତ୍ର ରାଡାରରେ ମଧ୍ୟ ଆସିବ ନାହିଁ । ଯେଉଁଥି ପାଇଁ ଏହି କ୍ଷେପଣାସ୍ତ୍ର ଅତ୍ୟନ୍ତ ବିପଦଜ୍ଜନକ । ତେବେ ଫାଇନାନ୍ସିଆଲ ଟାଇମ୍ସର ଏକ ରିପୋର୍ଟ ଅନୁଯାୟୀ ପ୍ରଥମ ଥର ଏହି କ୍ଷେପଣାସ୍ତ୍ର ନିଜ ଲକ୍ଷ୍ୟଠାରୁ ୪୦ କିଲୋମିଟର ଦୂରରେ ହିଟ୍ କରିଥିଲା । କିନ୍ତୁ ଚୀନ ଏପରି ଅନେକ ରିପୋର୍ଟକୁ ପ୍ରତ୍ୟାଖାନ କରିଛି ।

ଏହି ଦୁଇ କ୍ଷେପଣାସ୍ତ୍ର ମଧ୍ୟରେ ପାର୍ଥକ୍ୟ ଯଦି ଦେଖିବା ତାହାଲେ ଏହି ଦୁଇ କ୍ଷେପଣାସ୍ତ୍ର ଭିନ୍ନ ଭିନ୍ନ ପ୍ରକାରର । ଯେଉଁଠି ଭାରତର ଅଗ୍ନି-୫ କ୍ଷେପଣାସ୍ତ୍ର ଏକ ଇଣ୍ଟର କଣ୍ଟିନେଣ୍ଟାଲ ବାଲାଷ୍ଟିକ କ୍ଷେପଣାସ୍ତ୍ର ହୋଇଥିବା ବେଳେ ଚୀନର କ୍ଷେପଣାସ୍ତ୍ର ଏକ ହାଇପର ସୋନିକ କ୍ଷେପଣାସ୍ତ୍ର । ଆଇସିବିଏମ୍ ହେଉଛି ଏକ ଦୂରଗାମୀ କ୍ଷେପଣାସ୍ତ୍ର ଯାହା ପୃଥିବୀର ବାୟୁମଣ୍ଡଳ ଛାଡି ତା’ପରେ ଫେରି ଆସି ଏକ ପାରାବୋଲା ପରି  ଲକ୍ଷ୍ୟକୁ ଟାର୍ଗେଟ କରିଥାଏ । ଅନ୍ୟପଟେ ଏକ ହାଇପର ସୋନିକ କ୍ଷେପଣାସ୍ତ୍ର ଏକ ରକେଟ ଦ୍ବାରା ଉତକ୍ଷେପଣ କରାଯାଇଥାଏ ।  ଯାହା ପୃଥିବୀର ନିମ୍ନ କକ୍ଷ ପଥରେ ଶବ୍ଦର ବେଗରୁ ପାଞ୍ଚ ଗୁଣରୁ ୨୫ ଗୁଣ ପର୍ଯ୍ୟନ୍ତ ଗତି କରିଥାଏ ।

ମମିତା ମୃତ୍ୟୁ ମାମଲାକୁ ନେଇ ସାଂଘାତିକ ଖୁଲାସା କଲେ ପୂର୍ବତନ ମନ୍ତ୍ରୀ ଦାମୋଦର ରାଉତ

ଭୁବନେଶ୍ୱର: ମହାଲିଙ୍ଗ ମମିତା ହତ୍ୟା ଘଟଣାକୁ ନିନ୍ଦା କରିଛନ୍ତି ବରିଷ୍ଠ ନେତା ଦାମୋଦର ରାଉତ । ଏହି ଘଟଣାକୁ ନେଇ କୌଣସି ବ୍ୟକ୍ତି କିମ୍ବା ଦଳ ନୁହଁନ୍ତି ସମସ୍ତ ରାଜ୍ୟବାସୀ ଲଜ୍ଜିତ ବୋଲି କହିଛନ୍ତି ଦାମ । ପୋଲିସ ତଦନ୍ତ ପରେ ଘଟଣାରେ ସଂଶ୍ଲିଷ୍ଟ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ । ବିରୋଧୀ ବିଶେଷ କରି ବିଜେପି ଏହାକୁ ରାଜନୈତିକ ଅସ୍ତ୍ର ଭାବେ ବ୍ୟବହାର କରୁଛି, କିଛି ଆନ୍ତରିକତା ନାହିଁ ।

ଆଇନ୍ ଶୃଙ୍ଖଳା ରାଜ୍ୟର ବିଷୟ । ଏଥିପାଇଁ ରାଜ୍ୟରେ ପୋଲିସ ରହିଛି । ସିବିଆଇ କେନ୍ଦ୍ରୀୟ ସଂସ୍ଥା । ବିଜେପି ନେତା କହୁଛନ୍ତି ସିବିଆଇ ତଦନ୍ତ ହେଉ । ଯଦି ରାଜ୍ୟ ପୋଲିସ ଉପରେ ବିଜେପିର ବିଶ୍ୱାସ ନାହିଁ, ତାହେଲେ ସିବିଆଇ ଆସିଲେ ବିଜେପି ଦ୍ୱାରା ପ୍ରଭାବିତ ହୋଇ ରାଜ୍ୟ ସରକାରଙ୍କୁ ବଦନାମ କରିବା ପାଇଁ କିଛି କରିପାରନ୍ତି । ମୁଖ୍ୟମନ୍ତ୍ରୀ ସବୁକିଛି ଉପରେ ନଜର ରଖିଛନ୍ତି । ତଦନ୍ତ ସରିଲେ ନବୀନ କାର୍ଯ୍ୟାନୁଷ୍ଠାନ ନେବେ ବୋଲି କହିଛନ୍ତି ଦାମ ।

Senior Leader Damodar Rout Slams BJP Over Mamita Meher Case

ବିଜେପି ଓ କଂଗ୍ରେସ ମମିତା ମେହେରଙ୍କୁ ନ୍ୟାୟ ଦେବା ପାଇଁ କିଛି କରୁନାହାଁନ୍ତି, ଯାହା କରୁଛନ୍ତି ରାଜନୀତି ପାଇଁ । ମମିତାଙ୍କୁ ହତ୍ୟା କରି ଗୋବିନ୍ଦ ଓ ଅନ୍ୟାମାନେ ପୋତିଛନ୍ତି । ମନ୍ତ୍ରୀଙ୍କର ସମ୍ପୃକ୍ତି ନେଇ କୌଣସି ପ୍ରମାଣ ନାହିଁ । ବିରୋଧୀ ଖାଲି ତୁଚ୍ଛାରେ ଡେଉଁଛନ୍ତି । ତଥ୍ୟ ଓ ସାକ୍ଷ୍ୟ ପ୍ରମାଣ ଥିଲେ ଦେବାକୁ କହିଛନ୍ତି ଦାମୋଦର ରାଉତ । କେବଳ ରାଜନୈତିକ ଫାଇଦା ପାଇଁ ବିରୋଧୀ କଂଗ୍ରେସ ଓ ବିଜେପି ଏଭଳି କରୁଥିବା ଦାମ କହିଛନ୍ତି ।

ମମିତାଙ୍କୁ ନ୍ୟାୟ ଦେବାକୁ ବିରୋଧୀଙ୍କ ଆନ୍ତରିକତା ନାହିଁ । ବିଜେପିର ଆଭିମୁଖ୍ୟ ହେଉଛି, ଏହି ଘଟଣାକୁ ଆଳ କରି ରାଜନୈତିକ ଫାଇଦା ଉଠାଇବା । ବିଜେପି ଅଧ୍ୟକ୍ଷ ଯଦି ଏଠାକୁ କମିଟି ପଠାଉଛନ୍ତି, ୟୁପି ଲକ୍ଷ୍ମୀପୁର ଖେରିକୁ କାହିଁକି ନୁହେଁ ବୋଲି ପ୍ରଶ୍ନ କରିଛନ୍ତି ଦାମ । ବାରମ୍ବାର ମମିତାଙ୍କ ଘରକୁ ଯାଇ ବିଜେପି ଡ୍ରାମ କରୁଥିବା ବେଳେ ପରିବାର ଲୋକ କଷ୍ଟ ପାଉଛନ୍ତି । ଏସବୁକୁ ନାପସନ୍ଦ କରିଛନ୍ତି ବରିଷ୍ଠ ନେତା ଦାମୋଦର ରାଉତ ।

ପରଲୋକରେ କନ୍ନଡ ଅଭିନେତା ପୁନୀତ ରାଜକୁମାର

ବେଙ୍ଗାଲୁରୁ: ପରଲୋକରେ ଲୋକପ୍ରିୟ କନ୍ନଡ ଅଭିନେତା ପୁନୀତ ରାଜକୁମାର । ମୃତ୍ୟୁବେଳକୁ ତାଙ୍କୁ  ୪୬ ବର୍ଷ ବୟସ ହୋଇଥିଲା । ତାଙ୍କୁ ବେଙ୍ଗାଲୁରୁର ବିକ୍ରମ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହୃଦଘାତରେ ପୀଡିତ ହେବା ପରେ ପୁନୀତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।  ଖବର ଅନୁଯାୟୀ ସେ ଅସୁସ୍ଥ ହେବା ପରେ ତାଙ୍କ ICUରେ ଭର୍ତ୍ତି କରାଯାଇଥିଲା । ପୁନୀତ ରାଜକୁମାର ଶିଶୁ କଳାକାର ଭାବରେ ନିଜର କ୍ୟାରିୟର ଆରମ୍ଭ କରିଥିଲେ ଏବଂ ୧୯୮୫ରେ ବେଟାଡେ ହୋଭୋରେ ଅଭିନୟ ପାଇଁ ଶ୍ରେଷ୍ଠ ଶିଶୁ କଳାକାର ଭାବରେ ଜାତୀୟ ଚଳଚ୍ଚିତ୍ର ପୁରସ୍କାର ମଧ୍ୟ ପାଇଥିଲେ । ପୁନୀତ ପ୍ରାୟ ୨୯ରୁ ଅଧିକ କନ୍ନଡ ଚଳଚ୍ଚିତ୍ରରେ ଅଭିନୟ କରିଥିଲେ । ପୁନୀତଙ୍କୁ ତାଙ୍କ ପ୍ରଶଂସକମାନେ ଆପୁ ବୋଲି ଡାକୁଥିଲେ ।

ତେବେ ପୁନୀତଙ୍କ ମୃତ୍ୟୁରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି । ବହୁ ଜଣାଶୁଣା ବ୍ୟକ୍ତିବିଶେଷ ଶୋକବ୍ୟକ୍ତ କରିଛନ୍ତି ।

 

ଫେସବୁକ୍ କେମିତି କରୁଛି ଶହ ଶହ କୋଟି ରୋଜଗାର ? ଜାଣିଲେ ଆଶ୍ଚର୍ଯ୍ୟ ହେବେ..

ବର୍ତ୍ତମାନ ସୋସିଆଲ ମିଡିଆରେ ମୋଷ୍ଟ ପପୁଲାର ଆପ୍ ହେଉଛି ଫେସବୁକ୍ । ଯାହାକୁ ବିଶ୍ୱରେ ୨୯୧ କୋଟି ଲୋକ ବ୍ୟବହାର କରୁଛନ୍ତି । ଯେଉଁମାନଙ୍କର ଫେସବୁକ୍ ଆକାଉଣ୍ଟ ରହିଛି ସେମାନେ ନିଜର ଅଧିକାଂଶ ସମୟ ଫେସବୁକରେ ହିଁ କାଟୁଛନ୍ତି । କିନ୍ତୁ ଆପଣ ଜାଣନ୍ତି କି ଫେସବୁକରେ ଆପଣ ଫଟୋ ଏବଂ ଭିଡିଓ ଦେଖି ଯେତେ ଅଧିକ ସମୟ କାଟିବେ ଫେସବୁକ ସେତେ ଅଧିକା ଲାଭବାନ ହୋଇଥାଏ । ଯେଉଁଥିରୁ ସେ କୋଟି କୋଟି ଟଙ୍କା କମାଏ ।


ଗତ ଜାନୁଆରୀ ଏବଂ ମାର୍ଚ୍ଚ ମାସ ରିପୋର୍ଟ ଅନୁଯାୟୀ ବିଶ୍ୱରେ ୨୮୫ କୋଟି ଫେସବୁକ ୟୁଜର୍ସ ଥିଲେ । ଏପ୍ରିଲ ଓ ଜୁନ୍ ମାସରେ ୨୯୦ କୋଟି ଫେସବୁକ ୟୁଜର୍ସ ଥିବାବେଳେ ଏହା ଜୁଲାଇ ଓ ସେପ୍ଟେମ୍ବର ସୁଦ୍ଧା ୨୯୧ କୋଟିରେ ପହଁଚିଛି । ଆମେରିକାରେ ୨୦ କୋଟି, ମେକ୍ସିକୋରେ ୯.୮ କୋଟି, ବ୍ରାଜିଲରେ ୧୩ କୋଟି ଓ ଇଣ୍ଡୋନେସିଆରେ ୧୪ କୋଟି ଇଉଜର୍ସ ଥିବାବେଳେ ବିଶ୍ୱରେ ସବୁଠୁ ଅଧିକ ଫେସବୁକ ବ୍ୟବହାର କରୁଥିବା ଦେଶ ହେଉଛି ଭାରତ । ଯେଉଁଠାରେ ୩୪ କୋଟି ଇଉଜର୍ସ ଅଛନ୍ତି ।

ଜୁଲାଇ ଏବଂ ସେପ୍ଟେମ୍ବର ମାସ ଭିତରେ ଫେସବୁକକୁ ୨.୧ ଲକ୍ଷ କୋଟି ଟଙ୍କା ରେଭିନ୍ୟୁ ମିଳିଥିବାବେଳେ ଏଥିରେ ୯୮ ପ୍ରତିଶତ ଲାଭ ବିଜ୍ଞାପନରୁ ହିଁ ମିଳିଥାଏ । ରିପୋର୍ଟ ଅନୁଯାୟୀ ଜଣେ ଲୋକ ନିଜର ୩୩ ମିନିଟ୍ ଫେସବୁକରେ କାଟିଥାଏ । ଏମାନଙ୍କ ମଧ୍ୟରୁ ୪୩.୬ ପ୍ରତିଶତ ମହିଳା ଥିବାବେଳେ ୫୬.୪ ପ୍ରତିଶତ ପୁରୁଷ ଅଛନ୍ତି ।

 

ତେଣୁ ଆପଣ ଯେତିକି ଅଧିକ ସମୟରେ ଫେସବୁକରେ ଭିଡିଓ ଓ ଫଟୋ ଦେଖିବେ ଜୁକରବର୍ଗଙ୍କ ଆୟ ସେତିକି ଅଧିକ ବଢିବ ।

ଋଷରେ ବଢ଼ିଲା କରୋନା ; ୧୧ ଦିନ ପାଇଁ ଲକଡାଉନ

ମସ୍କୋ: ଋଷରେ ବେଲଗାମ୍ କରୋନା ଭାଇରସ । ଯାହାଫଳରେ ଋଷର ରାଜଧାନୀ ମସ୍କୋରେ ୧୧ ଦିନ ପାଇଁ ଲକଡାଉନ ଘୋଷଣା କରାଯାଇଛି । ଦେଶର ଅଧିକାଂଶ ସହରରେ ସଂକ୍ରମିତଙ୍କ ସଂଖ୍ୟା ବଢିବାରୁ ଜାରି ହୋଇଛି ଲକଡାଉନ । ସମସ୍ତ ଦୋକାନବଜାର, ରେଷ୍ଟୁରାଣ୍ଟ ଓ ସ୍କୁଲକୁ ବନ୍ଦ ଘୋଷଣା କରାଯାଇଛି । କେବଳ କିଛି ସୁପରମାର୍କେଟ ଓ ଫାର୍ମାସୀକୁ ବାଦ୍ ଦେଲେ ଅନ୍ୟ ସମସ୍ତ ଦୋକାନ ବଜାର ପ୍ରତିଷ୍ଠାନ ବନ୍ଦ ରହିଛି । ଫୁଡ ଆଉଟଲେଟକୁ କଟକଣା ଭିତ୍ତିରେ ଖୋଲାଯାଇଛି । ଗତ ୨୪ ଘଣ୍ଟାରେ ମୃତ୍ୟୁ ସଂଖ୍ୟା ୧୧୫୯ ହେବା ପରେ ଏହି କଟକଣା ଲାଗୁ ହୋଇଛି । ଋଷରେ ୪୦ ହଜାରରୁ ଅଧିକ ସଂକ୍ରମିତ ଠାବ ହେବାରୁ କଟକଣାକୁ ଜୋରଦାର କରାଯାଇଛି । ଦେଶରେ ମୋଟ ମୃତ୍ୟୁ ସଂଖ୍ୟା ୨ ଲକ୍ଷ ୩୦ ହଜାର ପାର୍ ହୋଇଥିବାରୁ ଆତଙ୍କ ପ୍ରକାଶ ପାଇଛି । ତେବେ ଏହି ମୃତ୍ୟୁ ସଂଖ୍ୟା ବାସ୍ତବରେ ୪ ଲକ୍ଷରୁ ଅଧିକ ହେବ ବୋଲି ବେସରକାରୀ ଭାବେ କୁହାଯାଇଛି ।

ଗୁରୁବାର ସୁଦ୍ଧା ଋଷର ଜନସଂଖ୍ୟାର ମାତ୍ର ୩୨ ପ୍ରତିଶତ ଲୋକଙ୍କୁ ସମ୍ପୂର୍ଣ୍ଣ ଟିକାକରଣ କରାଯାଇଛି ବୋଲି ଗୋଗୋଭ ଓ୍ବେବସାଇଟରେ ପ୍ରକାଶ ପାଇଛି । ତେବେ ଲଗାତର ଭାବରେ ବୃଦ୍ଧି ପାଉଥିବା ସଂକ୍ରମଣକୁ ରୋକିବା ପାଇଁ ଋଷ ରାଷ୍ଟ୍ରପତି ବ୍ଲାଡମିର ପୁଟିନ୍ ଗତ ସପ୍ତାହରେ ଅକ୍ଟୋବର ୩୦ରୁ ନଭେମ୍ବର ୭ ପର୍ଯ୍ୟନ୍ତ ଦେଶବ୍ୟାପୀ ଛୁଟି କରିବାକୁ ନିର୍ଦ୍ଦେଶ ଦେଇଥିଲେ ଏବଂ ମସ୍କୋ କର୍ତ୍ତୁପକ୍ଷ ଗୁରୁବାରଠାରୁ ରାଜଧାନୀରେ ଅତ୍ୟାବଶକ ସେବା ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ ।

ଅଲିଭ ରିଡଲେଙ୍କ ସୁରକ୍ଷା ପାଇଁ ଆସିଲା ମୋବାଇଲ ଆପ୍

ଭୁବନେଶ୍ୱର: ଅଲିଭ ରିଡଲେ କଇଁଛଙ୍କ ସୁରକ୍ଷା ପାଇଁ ଆସିଲା ମୋବାଇଲ ଆପ୍। ଏମ. ଏସ ସ୍ଵାମୀନାଥନ ରିସର୍ଚ୍ଚ ଫାଉଣ୍ଡେସନ ସହଯୋଗରେ ଓଡ଼ିଶା ସରକାର ଏହି ଆପ୍‌ ବିକଶିତ କରିଛନ୍ତି। ମୋବାଇଲ ଆପ୍ଲିକେସନ ଫିସର ଫ୍ରେଣ୍ଡ ମୋବାଇଲ ଆପ୍ଲିକେସନ- ଫିସର ଫ୍ରେଣ୍ଡ୍ ମୋବାଇଲ୍ ଆପ୍ଲିକେସନ୍ (FFMA) ରଖାଯାଇଛି।

ଏହା ମାଛଧରା ନିଷିଦ୍ଧାଞ୍ଚଳ ନେଇ ସତର୍କ ସୂଚନା ମଧ୍ୟ ପ୍ରଦାନ କରିବ। ଓଡ଼ିଶା ଉପକୂଳରେ ବିରଳ ସାମୁଦ୍ରିକ କଇଁଛ ଅଲିଭ ରିଡଲେଙ୍କ ମିଳନ ଓ ଅଣ୍ଡାଦାନ ପ୍ରକ୍ରିୟାକୁ ସୁରକ୍ଷିତ କରିବାକୁ ଏହି ଆପ୍ ବ୍ୟବହାର ହେବ। ଏହି ଅଫଲାଇନ ମୋବାଇଲ ଆପ୍ଲିକେସନକୁ ମତ୍ସ୍ୟଜୀବୀ ବିନାମୂଲ୍ୟରେ ଡାଉନଲୋଡ କରି ମାଛଧରା ନିଷିଦ୍ଧାଞ୍ଚଳର ପରିସୀମା ସଂପର୍କରେ ଜାଣିପାରିବେ। ବିଶେଷ କରି ଏହି ମୋବାଇଲ ଆପ୍ଲିକେସନ ନିମନ୍ତେ ଇଣ୍ଟରନେଟର ଆବଶ୍ୟକତା ପଡିବନାହିଁ ବୋଲି ଜଣାପଡିଛି।

 

ତେବେ ସମୁଦ୍ର ମଧ୍ୟରେ ଅଫଲାଇନରେ ଏହା କାମ କରିବ ବୋଲି ଜଣାପଡିଛି। ଏହାଦ୍ଵାରା କଇଁଛଙ୍କ ମିଳନ ଓ ଅଣ୍ଡାଦାନ ପ୍ରକ୍ରିୟା ନିମନ୍ତେ ଉଦ୍ଦିଷ୍ଟ ମାଛଧରା ନିଷିଦ୍ଧାଞ୍ଚଳ ସମ୍ପର୍କରେ ମତ୍ସ୍ୟଜୀବୀଙ୍କୁ ସୂଚନା ମିଳିପାରିବ। ଏହା ବ୍ୟତୀତ ଏହି ମୋବାଇଲ ଆପ୍ଲିକେସନ ଦ୍ବାରା ପାଣିପାଗ ସମ୍ପର୍କିତ ଆଗୁଆ ସୂଚନା, ମାଛଧରା ସ୍ଥଳ ନିରୂପଣ, ସାମୁଦ୍ରିକ ଅବସ୍ଥିତି, ଆନ୍ତର୍ଜାତୀୟ ସାମୁଦ୍ରିକ ସୀମାରେଖା ସତର୍କତା ଏବଂ ଜାତୀୟ ସାମୁଦ୍ରିକ ସୂଚନା କେନ୍ଦ୍ର-INCOIS ଦ୍ବାରା ପ୍ରସାରିତ ଅନ୍ୟ ବିପର୍ଯ୍ୟୟ ସୂଚନା ମଧ୍ୟ ଉପଲବ୍ଧ ହେବ।

ବିଶେଷକରି ଏହି ଆପ୍‌ ଦ୍ବାରା ସମୁଦ୍ର ମଧ୍ୟରେ ମତ୍ସ୍ୟଜୀବୀମାନଙ୍କ ନିରାପତ୍ତା ଓ ସୁରକ୍ଷା ବ୍ୟବସ୍ଥାକୁ ସୁଦୃଢ କରାଯାଇପାରିବ।

୧୧ ମାସ ପରେ ଖୋଲୁଛି ଗାଜିପୁର, ଟିକରି ସୀମା

ନୂଆଦିଲ୍ଲୀ: ଖୁବଶୀଘ୍ର ଖୋଲିବ ଗାଜିପୁର ଓ ଟିକରି ବର୍ଡର ରାସ୍ତା । ପୋଲିସ ଦୁଇଟି ଯାକ ସ୍ଥାନରେ ବ୍ୟାରେକଡ୍ ହଟାଇବା ଆରମ୍ଭ କରିଛି । ସେକ୍ଟର ୨, ୩ ଓ ଏନ୍ଏଚ୍ ୯ ରାସ୍ତା ଖୋଲୁଥିବା ଡିସିପି ପ୍ରିୟଙ୍କା କଶ୍ୟପ ସୂଚନା ଦେଇଛନ୍ତି । ଖୁବଶୀଘ୍ର ଏନ୍ଏଚ୍-୨୪ ମଧ୍ୟ ଖୋଲି ଦିଆଯିବ । ଦିଲ୍ଲୀ ପୋଲିସ ଅନୁସାରେ, ଆନ୍ଦୋଳନରତ କୃଷକଙ୍କ ସହ ସହମତି ପରେ ଦୁଇ ସୀମାରେ ଜରୁରୀକାଳୀନ ରାସ୍ତା ଖୋଲାଯିବ । ଶୁକ୍ରବାର ସକାଳୁ ପୋଲିସ ବ୍ୟାରିକେଡ୍ ହଟାଉଥିବା ଦେଖିବାକୁ ମିଳିଛି । ରାସ୍ତା ଖୋଲିବା ଦ୍ୱାରା ୧୧ ମାସ ଧରି କୃଷକ ଆନ୍ଦୋଳନ ଦ୍ୱାରା ଅସୁବିଧାର ସମ୍ମୁଖୀନ ହେଉଥିବା ଲୋକ ଆଶ୍ୱସ୍ତି ପାଇବେ ।

Removal of Police barricading at Tikri border underway

ଦିଲ୍ଲୀ ପୋଲିସ ଟିକରି ବର୍ଡରରେ ଲାଗିଥିବା ବ୍ୟାରିକେଡ୍ ହଟାଇ ନେଇଛି । ଏଥିସହ ଜେସିବି ସହାୟତାରେ ରାସ୍ତା ମଧ୍ୟ ସଫା କରାଯାଉଛି । ଦୁଇ ଦିନ ପୂର୍ବରୁ ହରିୟାଣା ସରକାରଙ୍କ ଉଚ୍ଚସ୍ତରୀୟ କମିଟି ବାହାଦୂରଗଡ଼ରେ ହୋଇଥିବା କୃଷକ ବୈଠକରେ ବନ୍ଦ ସଡ଼କ ସ୍ଥିତି ପରଖିଥିଲେ । ପୂର୍ବରୁ ସୀମାରେ କୃଷକ ଆନ୍ଦୋଳନ ମଞ୍ଚ ଯାଏଁ ରାସ୍ତାକୁ ଖୋଲି ଦିଆ ଯାଇଥିଲା ।

Removal of Police barricading at Tikri border underway

ଅକ୍ଟୋବର ୨୧ରେ ସୁପ୍ରିମକୋର୍ଟ କହିଥିଲେ, କୃଷକଙ୍କୁ ଆନ୍ଦୋଳନର ଅଧିକାର ରହିଛି । ତା ମାନେ ନୁହେଁ ଅନିର୍ଦ୍ଦିଷ୍ଟ କାଳ ପାଇଁ ରାସ୍ତାକୁ ବନ୍ଦ କରି ଦିଆଯିବ । ଏହାପରେ ବ୍ୟାରିକେଡ୍ ହଟା ଯାଉଛି । ଦିଲ୍ଲୀ ପୋଲିସ ସହ ହରିୟାଣା ପୋଲିସ ସମ୍ପର୍କରେ ରହିଛି । କୃଷକ ନେତା ରାଜି ହେଲେ ଆଜି ସନ୍ଧ୍ୟା ସୁଦ୍ଧା ସୀମାରେ ରାସ୍ତାକୁ ଖୋଲି ଦିଆଯିବ ।