spot_img

Latest Posts

ପ୍ରତିଶୃତି ପାଲଟିଲା ପ୍ରତାରଣା

ନନ୍ଦିଘୋଷ ବ୍ୟୁରୋ: ସ୍ଥାପନ ବେଳେ ଦେଇଥିଲେ ବଡ଼ ବଡ଼ ପ୍ରତିଶୃତି । ଅଥଚ ଘର ଖଣ୍ଡେ ଦେଲେନି ସରକାର । ଜରିପାଲ ତଳେ ବିତୁଛି ଜୀବନ । ବିକାଶମୂଳକ କାର୍ଯ୍ୟ ପାଇଁ ଖୋର୍ଦ୍ଧା ଜିଲ୍ଲା ଜଟଣୀ ଜାଆଁଳା ପଞ୍ଚାୟତ ୧୬ ନମ୍ବର ଜାତୀୟ ରାଜପଥ ନିକଟରୁ ୨ଶହ ପରିବାରକୁ ବିସ୍ଥାପିତ କରିଥିଲେ ରାଜ୍ୟ ସରକାର । ଘର ଯୋଗାଇ ଦେବାକୁ ପ୍ରତିଶୃତି ଦେଇଥିଲେ । ହେଲେ ଘର ଭାଙ୍ଗିବା ପରେ ସରକାରଙ୍କ ପ୍ରତିଶୃତି ପ୍ରତାରଣାରେ ପରିଣତ ହୋଇଛି । ବର୍ଷେ ହେବ କିଏ ରୋଡ ପାର୍ଶ୍ୱରେ ଜରିପାଲ ତଳେ ତ ଆଉ କିଏ ଗଛ ମୂଳେ ଭଙ୍ଗା କୁଡ଼ିଆ ତଳେ କାଳ କାଟୁଛନ୍ତି । ଝଡ଼ ତୋଫାନ ଆସିଲେ ଅନ୍ୟ ଘରେ ଆଶ୍ରୟ ନେଉଛନ୍ତି ।

ପୂର୍ବ ସରକାର ଭୂମିହୀନ ମାନଙ୍କୁ ଜାଗା ମିଶନ ଜରିଆରେ ଥଇଥାନ କରୁଥିଲେ । ହେଲେ ବିଜେପି ସରକାର ପ୍ରତିଶୃତି ଦେଇ ଭୁଲି ଯାଇଥିବା ଅଭିଯୋଗ ହୋଇଛି । ବାରମ୍ବାର ଗୁହାରି କଲେ ସୁଦ୍ଧା ଘର ଖଣ୍ଡେ ଦେଉନାହାନ୍ତି । ସମସ୍ୟା ସଂପର୍କରେ ସରକାରଙ୍କୁ ଅବଗତ କରାଯାଇଛି । ଖୁବଶୀଘ୍ର ସେମାନଙ୍କୁ ଘର ଯୋଗାଇ ଦେବାକୁ ଚେଷ୍ଟା କରିବୁ ବୋଲି କହିଛନ୍ତି ସରପଞ୍ଚ  ।

Latest Posts

Don't Miss