spot_img
Home Blog Page 5129

ବିଜେଡି ପ୍ରତି ବଢୁଛି ବିରୋଧିଙ୍କ ପ୍ରୀତି, ଗଞ୍ଜାମରେ ଶଙ୍ଖ ଗର୍ଜନ

ଗଞ୍ଜାମ: ବିଜେଡି ପ୍ରତି ବଢୁଛି ବିରୋଧୀଙ୍କ ଆସ୍ଥା । ବିରୋଧୀ ଶିବିର ଛାଡି ବିଜୁ ଜନତା ଦଳରେ ସାମିଲ ହେଉଛନ୍ତି ନେତା ଓ କର୍ମୀ । ଗଂଜାମ ଜିଲ୍ଲା କବିସୂର୍ଯ୍ୟନଗର ନିର୍ବାଚନମଣ୍ଡଳୀ ଅନ୍ତର୍ଗତ ଶିକୁଳା ପଂଚାୟତରେ ବିଜେଡିର ମିଶ୍ରଣପର୍ବ ଅନୁଷ୍ଠିତ ହୋଇଛି । ବିଧାୟିକା ଲତିକା ପ୍ରଧାନଙ୍କ ନେତୃତ୍ବରେ ଆୟୋଜିତ ମିଶ୍ରଣ ପର୍ବରେ ସମସ୍ତଙ୍କୁ ଦଳକୁ ସ୍ବାଗତ କରାଯାଇଛି ।

ବରିଷ୍ଠ ବିଜେପି ନେତା ତ୍ରିନାଥ ବେହେରାଙ୍କ ସହିତ ଶତାଧିକ କର୍ମୀ ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀଙ୍କ ସ୍ବଚ୍ଛ ଶାସନ ଓ ଲୋକାଭୀମୁଖି ଯୋଜନାରେ ପ୍ରଭାବିତ ହୋଇ ବିଜେଡିରେ ସାମିଲ ହୋଇଛନ୍ତି ବିଜେପି କର୍ମୀ । ଆଗାମୀ ଦିନରେ ପଂଚାୟତ ଓ ପୌର ନିର୍ବାଚନ ଥିବାବେଳେ ଏହା ପୂର୍ବରୁ ତୃଣମୂଳସ୍ତରରେ ବିଜେଡି ଆହୁରି ସଶକ୍ତ ହେବାରେ ଲାଗିଛି ।

ପଞ୍ଜାବରେ ୧୧୭ ଆସନରେ ନିର୍ବାଚନ ଲଢ଼ିବ ବିଜେପି

ଚଣ୍ଡିଗଡ଼: ଆସନ୍ତା ବର୍ଷ ହେବାକୁ ଥିବା ପଞ୍ଜାବ ନିର୍ବାଚନରେ ଏକାକୀ ଲଢ଼ିବ ବିଜେପି । ପଞ୍ଜାବର ସମସ୍ତ ୧୧୭ଟି ଆସନରେ ପ୍ରାର୍ଥୀ ଦେବ ଭାରତୀୟ ଜନତା ପାର୍ଟି । ଏନେଇ ପଞ୍ଜାବ ବିଜେପି ସଭାପତି ଅଶ୍ବିନୀ ଶର୍ମା କହିଛନ୍ତି । ଦିଲ୍ଲୀରେ ଆୟୋଜିତ ଜାତୀୟ କାର୍ଯ୍ୟକାରିଣୀ ବୈଠକରେ ଭର୍ଚୁଆଲ ମୋଡରେ ଯୋଗ ଦେଇ ଏହା କହିଛନ୍ତି ଅଶ୍ବିନୀ ଶର୍ମା । ତେବେ ୨୦୧୭ରେ ହୋଇଥିବା ପଞ୍ଜାବ ନିର୍ବାଚନରେ କଂଗ୍ରେସ ୭୭ଟି ସିଟ୍ ଜିତି ସରକାର କରିଥିଲା । ଏହା ପୂର୍ବରୁ ପଞ୍ଜାବରେ ୧୦ ବର୍ଷ ଧରି ବିଜେପି ଓ ଅକାଳୀ ଦଳର ସରକାର ଥିଲା ।

ତେବେ ୨୦୧୭ ମସିହାରେ ପଞ୍ଜାବରେ ହୋଇଥିବା ବିଧାନସଭା ନିର୍ବାଚନରେ କଂଗ୍ରେସ ପରେ ଦ୍ବିତୀୟ ସ୍ଥାନରେ ଥିଲା ଆମ୍ ଆଦମୀ ପାର୍ଟି । ୧୧୭ ସଦସ୍ୟ ବିଶିଷ୍ଟ ପଞ୍ଜାବ ବିଧାନସଭାରେ ୨୦ଟି ସିଟ୍ ଜିତିଥିଲା ଆମ୍ ଆଦମୀ ପାର୍ଟି । ଆମ୍ ଆଦମୀ ପାର୍ଟି ପରେ ୧୫ଟି ସିଟ୍ ଜିତି ତୃତୀୟ ସ୍ଥାନରେ ଥିଲା ଶିରୋମଣୀ ଅକାଳୀ ଦଳ । ୨୦୧୭ରେ ବିଜେପି ଶୋଚନୀୟ ପରାଜୟ ବରଣ କରିଥିଲା । ବିଜେପି ପଞ୍ଜାବରେ ମାତ୍ର ୩ଟି ଆସନ ଜିତିଥିଲା ।

ତେବେ ରବିବାର ଦଳର ଜାତୀୟ କାର୍ଯ୍ୟନିର୍ବାହୀ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ ଏବଂ ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ଯୋଗ ଦେଇଥିଲେ । ଆସନ୍ତା ବର୍ଷ ୭ଟି ରାଜ୍ୟରେ ବିଧାନ ସଭା ନିର୍ବାଚନ ରଣନୀତି ନେଇ ବୈଠକରେ ଆଲୋଚନା ହୋଇପାରେ।

ବାହାଘର ସ୍ମୃତିକୁ ଫ୍ରେମରେ ସାଉଁଟିଲେ ପ୍ରିୟଙ୍କା ନିକ୍

ବାହାଘର ହିନ୍ଦୁ ଧର୍ମର ଏକ ସ୍ୱତନ୍ତ୍ର ପରମ୍ପରା  । ବାହାଘର ସ୍ମୃତିକୁ ସମସ୍ତେ ନିଜ ଘରେ ସାଉଁଟି ରଖଥାନ୍ତି  । ସେ ସ୍ୱାମୀ-ସ୍ତ୍ରୀଙ୍କ ବାହାଘର ଫଟୋ ହେଉ ଅବା ଦୁହିଁଙ୍କ ଭଲପାଇବା  । ଫିଲ୍ମ ତାରକା ସମସ୍ତଙ୍କଠୁ ଭିନ୍ନ ଉପାୟ ଚିନ୍ତା କରି ସବୁବେଳେ ଚର୍ଚ୍ଚାରେ ଥାନ୍ତି  । ସୁନ୍ଦରୀ ପ୍ରିୟଙ୍କା ଓ ତାଙ୍କ ସ୍ୱାମୀ ନିକ୍ ଠିକ୍ ଏହିଭଳି ଏକ ଭିନ୍ନ ସ୍ମୃତି ତିଆରି କରି ଚର୍ଚ୍ଚାକୁ ଆସିଛନ୍ତି  ।

ପ୍ରିୟଙ୍କା ଚୋପ୍ରା ନିଜ ଦେଶୀ ଅନ୍ଦାଜ ପାଇଁ ସବୁବେଳେ ଚର୍ଚ୍ଚାରେ ଥାନ୍ତି  । ବିଦେଶରେ ଥାଇ ମଧ୍ୟ ଭାରତୀୟ ପର୍ବକୁ ପାଳନ କରିବାକୁ ଭୁଲନ୍ତି ନାହିଁ  । ଉଭୟେ ବାହାଘରର ଏକ ସ୍ମୃତିକୁ ସାଉଁଟି ରଖିବାକୁ ନିଷ୍ପତ୍ତି ନେଇଥିଲେ  । ପ୍ରିୟଙ୍କା ଏବଂ ନିକ୍ ଦିପାବଳୀରେ ଦୁହିଁଙ୍କ ଫଟୋ ସେୟାର କରିବା ସହ ସମସ୍ତ ଭାରତବାସୀଙ୍କୁ ଦୀପାବଳିର ଶୁଭେଚ୍ଛା ଜଣାଇଛନ୍ତି  । ଏହି ଫଟୋରେ ପ୍ରିୟଙ୍କା ସୁନ୍ଦର କାରିଗରୀର ଲେହେଙ୍ଗା ପିନ୍ଧିଥିବା ବେଳେ ନିକ୍ ଲାଲ ରଙ୍ଗର କୁର୍ତ୍ତା ପିନ୍ଧିବାର ଦେଖାଯାଇଥିଲା  ।

ଗତ ଦୁଇ ବର୍ଷ ତଳେ ୨୦୧୮ ଡିସେମ୍ବର ୧ରେ ପ୍ରିୟଙ୍କା, ନିକ୍ ପରସ୍ପର ବିବାହ ବନ୍ଧନରେ ବାନ୍ଧି ହୋଇଥିଲେ  । ବାହାଘରରେ ଉଭୟଙ୍କ ମଧ୍ୟରେ ବିବାହ ଗଣ୍ଠି ପଡ଼ିଥିଲା ଓ ଏହି ବିବାହ ଗଣ୍ଠିକୁ ଉଭୟେ ଏକ ଫ୍ରେମ ମାଧ୍ୟମରେ ସନ୍ତକ ଭାବେ ନିଜ ଘରେ ରଖିଛନ୍ତି। ଯାହାର ଫଟୋ ମଧ୍ୟ ସୋସିଆଲ ମିଡିଆରେ ସେୟାର କରିଛନ୍ତି  । ଏଭଳି ଫ୍ରେମକୁ ସମସ୍ତ ଫ୍ୟାନ୍ସ ଖୁବ୍ ପସନ୍ଦ କରିଛନ୍ତି  ଏଥିସହ ଫଟୋରେ କମେଣ୍ଟ ମଧ୍ୟ ଦେଇଛନ୍ତି  ।

 

 

ଭାରତୀୟ ଡଙ୍ଗାକୁ ଗୁଳି ମାରିଲା ପାକିସ୍ତାନ ନୌସେନା; ଜଣେ ଭାରତୀୟ ମୃତ

ଅହମ୍ମଦାବାଦ: ପୁଣି ନିଜର ସୈତାନୀ ରୂପ ଦେଖାଇଛି ପାକିସ୍ତାନ । ଭାରତୀୟ ସୀମାରେ ଲଗାତର ଭାବରେ ପାକିସ୍ତାନ ତା’ର ସୈତାନୀ ରୂପ ଦେଖାଉଥିଲା । କିନ୍ତୁ ଏବେ ଜଳପଥରେ ପାକିସ୍ତାନ ତା’ର ପ୍ରକୃତ ରୂପ ଦେଖାଇଛି । ଆଜି ପାକିସ୍ତାନୀ ନୌସେନା ଗୁଜୁରାଟ ଦ୍ବାରିକା ଉପକୂଳରେ ଗୁଳିକାଣ୍ଡ କରିଛି । ଯାହା ଫଳରେ ଜଣେ ଭାରତୀୟ ମତ୍ସଜୀବୀଙ୍କ ମୃତ୍ୟୁ ହୋଇଛି । ପାକିସ୍ତାନ ନୌସେନା ଯେଉଁ ଭାରତୀୟ ବୋଟ ଉପରେ  ଫାଇରିଂ କରିଛି ସେହି ବୋଟର ନାମ ହେଉଛି ଜଲପରୀ । ପାକିସ୍ତାନୀଙ୍କ ଗୁଳିକାଣ୍ଡରେ ଜଣେ ଭାରତୀୟଙ୍କ ମୃତ୍ୟୁ ହୋଇଛି । ତେବେ ଏହା ପରେ ପୋଲିସ ଏହି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲେ ଏବଂ ଆହାତ ହୋଇଥିବା ମତ୍ସଜୀବୀଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ ପୋଲିସ ।

ଆରବ ସାଗରରେ ଭାରତ ଓ ପାକିସ୍ତାନ ମଧ୍ୟରେ ଜଳସୀମା ସ୍ପଷ୍ଟ ନୁହେଁ। ଏଣୁ ପାକିସ୍ତାନ ନୌସେନା ଅନେକ ସମୟରେ ଦାଦାଗିରି ଦେଖାଇ ଆସୁଥିଲେ ହିଁ ଭାରତୀୟ ନୌସେନା ଓ ତଟରକ୍ଷୀ ପ୍ରସଙ୍ଗରେ ନିରବ ରହୁଛନ୍ତି । ଗତବର୍ଷ ମାର୍ଚ୍ଚ ମାସରେ କୋଷ୍ଟଗାର୍ଡ ଓ ନୌସେନାର ଅନୁପସ୍ଥିତିରେ ପାକିସ୍ତାନ ନୌସେନା ୨ଟି ଭାରତୀୟ ମାଛଧରା ଡଙ୍ଗା ଜବତ କରିବା ସହ ୯ ଜଣ ଧିବରଙ୍କୁ ଗିରଫ କରିନେଇଥିଲା। ଏହା ପୂର୍ବରୁ ଫେବୃଆରୀ ମାସରେ ୧୭ ମତ୍ସ୍ୟଜୀବିଙ୍କୁ ଜଳସୀମାରେ ପ୍ରବେଶ ଲାଗି ଗିରଫ କରିଥିବା ବେଳେ ୩ଟି ନୌକା ମଧ୍ୟ ଜବତ କରିଥିଲା। ପାକିସ୍ତାନ ସୀମାରେ ଏପରି କାଣ୍ଡ କରିବା ସହ ଏବେ ସମୁଦ୍ର ସୀମାରେ ମଧ୍ୟ ଏଭଳି ସୈତାନି କରିବା ଆରମ୍ଭ କରିଛି । ତେବେ ଏହି ପ୍ରଥମ ଘଟଣା ନୁହେଁ ଗତ ବର୍ଷ ଏପ୍ରିଲରେ ଗୁଜୁରାଟ ସମୁଦ୍ର ସୀମାରେ ପାକିସ୍ତାନ ନୌସେନା ଦୁଇଟି ବୋଟ ଉପରେ ଗୁଳିକାଣ୍ଡ କରିଥିଲା । ତେବେ ଆଜି ଗୁଳିକାଣ୍ଡ ସମୟରେ ଏହି ବୋଟରେ ୮ ଜଣ ଲୋକ ଥିଲେ । ଏହି ଫାୟାରିଂରେ ଉତ୍ତରପ୍ରଦେଶର ଜଣେ ବ୍ୟକ୍ତି ଆହାତ ହୋଇଥିଲେ । ଏହି ଦୁଇଟି ଡଙ୍ଗା ଦ୍ବାରିକାର ସମୁଦ୍ର ତଟ ଅଞ୍ଚଳରେ ରହିଥିଲା । ତେବେ ଏହି ଘଟଣାରେ ଦ୍ବାରିକାର ଏସପି କହିଛନ୍ତି କି ଏହି ଦୁଇଟି ଡଙ୍ଗା ହୁଏତ  ସମୁଦ୍ର ସୀମା ଅତିକ୍ରମ କରିଥାଇ ପାରନ୍ତି । ତେଣୁ ପାକିସ୍ତାନ ନୌସେନା ସେମାନଙ୍କ ଉପରକୁ ଗୁଳି ଚଳାଇଥିଲେ । ଏହାପରେ ମତ୍ସଜୀବୀମାନେ ସେମାନଙ୍କ ରେଡିଓ ସେଟରୁ ଭାରତୀୟ ତଟରକ୍ଷୀ ବାହିନୀକୁ ଜଣାଇଥିଲେ ।

ଜଳୁଛି ସାତପଡ଼ା, ଜମି ଜବରଦଖଲକୁ ନେଇ ତୁମୁଳକାଣ୍ଡ

ବ୍ରହ୍ମଗିରି: ପୁରୀ ସାତପଡ଼ା ଅଞ୍ଚଳରେ ବୋମାମାଡ଼  । ବହୁଦିନର ବ୍ୟବଧାନରେ ବ୍ରହ୍ମଗିରି ଅଞ୍ଚଳରେ ହୋଇଛି ବୋମା ମାଡ଼ । ନାଥପୁରର ଦଳିତ ବସ୍ତିର ଲୋକେ ବୋମା ମାଡ଼ କରିଥିବା ସୂଚନା । ମିଳିଥିବା ସୂଚନା ମୁତାବକ ୩୫ ମୌଜାର ଜମିକୁ ଜବରଦଖଲ କରିଛନ୍ତି ଲୋକେ । ୩୫ ମୌଜାର ଲୋକେ ଦଳିତ ଲୋକଙ୍କୁ ବୈଠକକୁ ଡ଼ାକିବାରୁ ଉତେଜନା ହୋଇଥିଲା ।

ମିଳିଥିବା ସୂଚନା ମୁତବାକ ୩୫ ମୌଜା ବୈଠକକୁ ଦଳିତ ବସ୍ତିର ଲୋକ ଆସିବାରୁ ଆରମ୍ଭ ହୋଇଥିଲା ବିବାଦର ସୁତ୍ରପାତ  । କାହିଁକି ଦଳିତ ଲୋକ ବୈଠକରେ ଉପସ୍ଥିତ ରହିଲେ ସେନେଇ କିଛି ଲୋକ ପ୍ରଶ୍ନ ଉଠାଇଥିଲେ  । ସାଧାରଣ ବିବାଦରୁ ତୁମୁଳକାଣ୍ଡ ହୋଇଥିଲା  । ସେପଟେ ଭଉୟ ଗୋଷ୍ଠୀ ପାଖରେ ବୋମା, ବନ୍ଧୁକ ମହଜୁଦ ରଖିଥିଲେ ।

ଘଟମାସ୍ଥଳରେ ପରିସ୍ଥିତି ଉଦବେଗ ଜନକ ହୋଇଥିଲା  । ଏହାର ସୁଯୋଗ ନେଇ ସିରିଜ ବୋମା ମାଡ଼ ମଧ୍ୟ ହୋଇଥିଲା  । ସେପଟେ ଏହି ଘଟଣାରେ ଆହତର କୌଣସି ସୂଚନା ମିଳିପାରିନାହିଁ  । ଅନ୍ୟପଟେ  ପରିସ୍ଥିତିକୁ ନଜରରେ ରଖି ଘଟଣା ସ୍ଥଳରେ ୧୦୦ ରୁ ଉର୍ଦ୍ଧ ପୋଲିସ ମୁତୟନ ହୋଇଥିବାବେଳେ ପୁରୀ ଅତିରିକ୍ତ ଏସପି, ଏସଡିପିଓ ଓ ବ୍ରହ୍ମଗିରି ଆଇଆଇସି ଉପସ୍ଥିତ ଅଛନ୍ତି  ।

 

ନ୍ୟୁଜିଲାଣ୍ଡ ଆଗରେ ୧୨୫ ରନର ବିଜୟ ଲକ୍ଷ୍ୟ

ଦୁବାଇ: ଚଳିତ ଟି-୨୦ ବିଶ୍ବକପରେ ଆଜି ଭାରତ ପାଇଁ ବେଶ୍ ଗୁରୁତ୍ବପୂର୍ଣ୍ଣ । ଭାରତ ସେମିଫାଇନାଲକୁ ଯିବାକୁ ହେଲେ ଆଜିର ମ୍ୟାଚରେ ଆଫଗାନିସ୍ତାନକୁ ବିଜୟଲାଭ କରିରବାକୁ ହେବ । ଆଜି ନ୍ୟୁଜିଲାଣ୍ଡ-ଆଫଗାନିସ୍ତାନ ମଧ୍ୟରେ ଲଢ଼େଇ ଜାରି ରହିଛି । ଆଜିର ମ୍ୟାଚରେ ଟସ୍ ଜିତି ବ୍ୟାଟିଂର ନିଷ୍ପତି ନେଇଥିଲା ଆଫଗାନିସ୍ତାନ ।  ବ୍ୟାଟିଂ ଆରମ୍ଭରୁ ହିଁ ନିରାଶ କରିଥିଲା ଆଫଗାନିସ୍ତାନ । ଦୁଇ ଓପନର ଆଜି ପୁଣିଥରେ ନିରାଶ କରିଛନ୍ତି । ହାଜରାତୁଲ୍ଲା ଜାଜାଇ ଓ ମହମ୍ମଦ ସେହଜାଦ ଶୀଘ୍ର ଆଉଟ ହୋଇ ପ୍ୟାଭିଲିୟନ ଫେରିଥିଲେ । ଜାଜାଇ ୨ ରନ କରି ଆଉଟ ହୋଇଥିବା ବେଳେ ସେହଜାଦ ମାତ୍ର ୪ ରନ କରିପାରିଥିଲେ । ତେବେ ଆଫଗାନିସ୍ତାନ ପକ୍ଷରୁ ନଜିବୁଲ୍ଲା ଜାରଦାନ ବିସ୍ଫୋରକ ବ୍ୟାଟିଂ କରି ଆଫଗାନିସ୍ତାନର ସ୍କୋରକୁ ୧୨୪ ରନ ପର୍ଯ୍ୟନ୍ତ ନେଇଥିଲେ ।  ସେ ୪୮ ବଲରେ ୬ ଚୌକା ଓ ୩ ଛକା ସହାୟତାରେ ୭୩ ରନ କରିଥିଲେ ।  ତାଙ୍କ ବ୍ୟତୀତ ଆଫଗାନିସ୍ତାନ ଅଧିନାୟକ ମହମ୍ମଦ ନବୀ ୧୪ ରନ କରିଥିଲେ । ନ୍ୟୁଜିଲାଣ୍ଡ ପକ୍ଷରୁ ଟ୍ରେଣ୍ଟ ବୋଲ୍ଟ ୩ଟି ଓ୍ବିେକଟ ଅକ୍ତିଆର କରିଥିବାବେଳେ ଟିମ୍ ସାଉଦି ଦୁଇଟି ଓ୍ବିକେଟ ଅକ୍ତିଆର କରିଥିଲେ । ତେବେ ଆଫଗାନିସ୍ତାନକୁ ଏହି ମ୍ୟାଚକୁ ଜିତିବାକୁ ହେଲେ ଆଫଗାନି ବୋଲରଙ୍କୁ ଦମଦାର ବୋଲିଂ କରିବାକୁ ପଡ଼ିବ ।

 

୫ ଜଣ ଗ୍ରାମବାସୀଙ୍କୁ ଅପହରଣ କରିନେଲେ ମାଓବାଦୀ

ମାଲକାନଗିରି:  ଗ୍ରାମବାସୀଙ୍କୁ ଅପହରଣ କରିନେଲେ ମାଓବାଦୀ । ମାଓବାଦୀମାନେ ୫ ଜଣ ଗ୍ରାମବାସୀଙ୍କୁ ଅପହରଣ କରିନେଇଥିବା ଅଭିଯୋଗ ହୋଇଛି । ଗ୍ରାମବାସୀଙ୍କ ପକ୍ଷରୁ  ମାଓବାଦୀମାନେ ଅପହରଣ କରିନେଇଥିବା ଅଭିଯୋଗ ହୋଇଛି । ଓଡ଼ିଶା ସୀମାନ୍ତ ସୁକୁମା ଜିଲ୍ଲା କୋଣ୍ଟା ଥାନା ଅନ୍ତର୍ଗତ ବଟେର ଗାଁର ବାସିନ୍ଦାଙ୍କୁ ଅପହରଣ କରାଯାଇଥିବା ଅଭିଯୋଗ ହୋଇଛି ।

ମିଳିଥିବା ସୂଚନା ମୁତାବକ ଗତ ଶୁକ୍ରବାର ଦିନ ଜଣକୁ ଓ ଶନିବାରରେ ୪ ଜଣଙ୍କୁ ଅପହରଣ କରିଛନ୍ତି ମାଓବାଦୀ । ଏବେ ଯାଏଁ ଅପହୃତଙ୍କ କୌଣସି ସୂଚନା ମିଳିନାହିଁ । ଅପହୃତଙ୍କୁ ସୁରକ୍ଷିତ ଭାବେ ଛାଡି ଦେବାକୁ ନିବେଦନ କରିଛି ଆଦିବାସୀ ସମାଜ । ସେପଟେ କୋଉଁ କାରଣରୁ ମାଓବାଦୀମାନେ ଏହି ପାଞ୍ଚ ଜଣଙ୍କୁ ଅପହରଣ କରିଛନ୍ତି ତାହାର କୌଣସି ସୂଚନା ମିଳିପାରିନାହିଁ  ।

ବିଗତ ଦିନମାନଙ୍କରେ ସୁକମା ଜଙ୍ଗଲରେ ମାଓବାଦୀଙ୍କ ଉତ୍ପାତ ବଢିଛି  । କେତେବେଳେ ପୋଲିସ କର୍ମୀଙ୍କୁ ଅପହରଣ ତ, କେତେବେଳେ ସ୍ୱାସ୍ଥ୍ୟକର୍ମୀଙ୍କୁ ଅପହରଣ କରିଥିବା ଖବର ପ୍ରକାଶ ପାଇଥିଲା  । ସେପଟେ ମାଓ ଉତ୍ପାତକୁ ନେଇ ସେଠାରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯିବା ସହ ସେଠାରେ ଅଧିକ ସୁରକ୍ଷାକର୍ମୀଙ୍କୁ ନିୟୋଜିତ କରାଯାଇଛି  ।

ବର୍ଷାରେ ବେହାଲ ଚେନ୍ନାଇ; ବନ୍ୟା ସତର୍କତା ଜାରି

ଚେନ୍ନାଇ: ବର୍ଷାରେ ଉବୁଟୁବୁ ଚେନ୍ନାଇ । ମୂଷଳ ଧାରାରେ ବର୍ଷା ଯୋଗୁ ଜନ ଜୀବନ ଅସ୍ତବ୍ୟସ୍ତ ହୋଇପଡ଼ିଛି । ପ୍ରବଳ ବର୍ଷା ଯୋଗୁଁ ଚେନ୍ନାଇରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଲଗାତର ବର୍ଷା କାରଣରୁ ସହରର କେତକ ସ୍ଥାନ ଜଳମଗ୍ନ ହୋଇଛି । ପ୍ରବଳ ବର୍ଷା ପାଇଁ ଦୁଇ ଦୁଇ ଦିନ ପାଇଁ ସ୍କୁଲ ଓ କଲେଜକୁ ମଧ୍ୟ ଛୁଟି ଘୋଷଣା କରିଛି ତାମିଲନାଡୁ ସରକାର । ବଙ୍ଗୋପସାଗରରେ ସୃଷ୍ଟ ଲଘୁଚାପ ପ୍ରଭାବରେ ତାମିଲନାଡୁରେ ପ୍ରବଳ ବର୍ଷା ହୋଇଛି । ଅଧିକାଂଶ ରାଜପଥରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଥିବାବେଳେ ୫ଟି ଟ୍ରେନ ବାତିଲ ହୋଇଛି । ଗତକାଲି ରାତିରେ ଚେନ୍ନାଇରେ ପ୍ରବଳ ବର୍ଷା ଯୋଗୁଁ ବିଭିନ୍ନ ଅଞ୍ଚଳରେ ପାଣି ଜମାହୋଇ ରହିଛି  । ଏହି ବର୍ଷା ୨୦୧୫ ଠାରୁ ସର୍ବାଧିକ ହୋଇଥିବା କୁହାଯାଇଛି ।  ଏନେଇ ଟ୍ବିଟ୍ କରିଛି ପାଣିପାଗ ବିଭାଗ  ।

ବିଶେଷ କରି ଉତ୍ତର ଏବଂ କେନ୍ଦ୍ରୀୟ ଚେନ୍ନାଇରେ ପ୍ରବଳ ବର୍ଷା ହୋଇଥିବା ଦେଖିବାକୁ ମିଳିଛି  । କାର ଓ ବାଇକ୍ ପାଣିରେ ବୁଡ଼ି ରହିଥିବା ଭିଡ଼ିଓ ଲୋକମାନେ ଟ୍ବିଟରେ ପୋଷ୍ଟ କରୁଥିବା ଦେଖିବାକୁ ମିଳିଛି  । ସବୁଠାରୁ ବଡ଼ କଥା ହେଉଛି ଚେନ୍ନାଇ ପାଇଁ ପାନୀୟ ଜଳର ଗୁରୁତ୍ବପୂର୍ଣ୍ଣ ଉତ୍ସ ଭାବରେ କାର୍ଯ୍ୟ କରୁଥିବା ଚେମ୍ବରମ୍ବାକ୍କମ୍ ଏବଂ ପୁଜଲ୍ ଜଳଭଣ୍ଡାରଗୁଡ଼ିକ ଅତ୍ୟଧିକ ବର୍ଷାରେ ପ୍ରଭାବିତ ହୋଇଛି  । ପ୍ରବଳ ବର୍ଷା କାରଣରୁ ଜଳଭଣ୍ଡାର ଗୁଡ଼ିକୁ ବନ୍ଦ କରିଛି ପ୍ରଶାସନ  । ବର୍ଷା ଜଳ ଛାଡ଼ିବା ପରେ ପାନୀୟ ଜଳ ଖୋଲାଯିବ ବୋଲି ଅଧିକାରୀମାନେ କହିଛନ୍ତି ।  ସେପଟେ ପାଣି ଘେରରେ ରହିଥିବା ଲୋକଙ୍କୁ ଉଦ୍ଧାର କରିବାକୁ ନିର୍ଦ୍ଦେଶ ଦେଇଛି ଜଳ ସମ୍ପଦ ବିଭାଗ  । କାଞ୍ଚିପୁରମ୍ ଏବଂ ତିରୁଭାଲୁରର ଜିଲ୍ଲାରେ ପାଣି ଘେରରେ ରହୁଥିବା ଲୋକଙ୍କ ଉଦ୍ଧାର କରିବାକୁ ପ୍ରୟାସ କରାଯାଉଛି  । ବିଭିନ୍ନ ସ୍ଥାନରେ ଏନଡିଆରଏମର ୪ଟି ଟିମ ମୁତୟନ ହୋଇଛନ୍ତି  ।

ପାଣିପାଗ ବିଶେଷଜ୍ଞ ପ୍ରଦୀପ ଜନ୍ କହିଛନ୍ତି କି ମିଲାପୋରରେ ୨୨୬ ମିମି, ଅମ୍ବାଟୁରରରେ ୨୦୫ ମିମି ବର୍ଷା ରେକର୍ଡ କରାଯାଇଛି । ୨୦୧୫ ମସିହାଠାରୁ ସର୍ବାଧିକ ବର୍ଷା ହୋଇଛି । ଅନ୍ୟପକ୍ଷରେ ଭାରତୀୟ ପାଣିପାଗ ବିଭାଗ ସୂଚନା ଅନୁଯାୟୀ ଆଗାମୀ ନଭେମ୍ବର ୧୦ ଓ ୧୧ ମଧ୍ୟରେ ଉତ୍ତର ତଟୀୟ ତାମିଲନାଡୁର କିଛି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ଅଛି । ସେଥିପାଇଁ ଏହି ସମୟରେ ସମୁଦ୍ର ଭିତରକୁ ମତ୍ସଜୀବୀଙ୍କୁ ଯିବାକୁ ବାରଣ କରାଯାଇଛି ଏବଂ ଯେଉଁ ମତ୍ସଜୀବୀ ସମୁଦ୍ର ଭିତରେ ଅଛନ୍ତି ସେମାନେ ନଭେମ୍ବର ୯ ସୁଦ୍ଧା ସମୁଦ୍ର କୂଳକୁ ଆସିଯିବାକୁ କହିଛି ଭାରତୀୟ ପାଣିପାଗ ବିଭାଗ ।

 

 

ସଲମାନ ସାମ୍ନାରେ କଟ୍ରିନାଙ୍କୁ ପ୍ରପୋଜ କଲେ ଭିକି

ଆୱାର୍ଡ ଫଙ୍ଗସନରେ କଟ୍ରିନାଙ୍କୁ ପ୍ରପୋଜ କରିଥିଲେ ଭିକି କୈାଶଲ  । ୨୦୧୯ର ଏକ ଆୱାର୍ଡ ଫଙ୍ଗସନରେ ଭିକି ପ୍ରପୋଜ କରିଥିବା ଦେଖାଦେଇଥିଲା ଯେଉଁ ସୋରେ ସଲମନ ଖାନ ମଧ୍ୟ ଉପସ୍ଥିତ ଥିଲେ  । ପ୍ରପୋଜ କରିଥିବାର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି  । ଆଗକୁ ଦୁହିଁଙ୍କ ବାହାଘରକୁ ନେଇ ବଲିଉଡରେ ଜୋର ଚର୍ଚ୍ଚା ଧରିଛି  । ଫ୍ୟାନ୍ସମାନେ ଦୁହିଁଙ୍କ ବାହାଘରକୁ ନେଇ ଖୁବ୍ ଉତ୍ସାହ ଅଛନ୍ତି  ।

ଭାଇରାଲ ହେଉଛି ଭିଡିଓ :

ରିପୋର୍ଟ ଅନୁସାରେ କଟ୍ରିନା କେଫ୍ ଓ ଭିକି ଦୁହେଁ ୭ ରୁ୯ ଡିସେମ୍ବର ଭିତରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି  । ଅବଶ୍ୟ ବିବାହକୁ ନେଇ ଏଯାଏ କୈାଣସି ସଠିକ୍ ତଥ୍ୟ ଜଣାପଡ଼ିନାହିଁ  । ଦୁହିଁଙ୍କ ଫ୍ୟାନ୍ସମାନେ ନିଜ ଆକାଉଣ୍ଟରେ ଭିକି ଏବଂ କଟ୍ରିନା ଉଭୟଙ୍କ ପୁରୁଣା ଫଟୋ ଓ ଭିଡିଓ ପୋଷ୍ଟ କରୁଛନ୍ତି  । ଏହି ଭାଇରାଲ ହେଉଥିବା ଭିଡିଓରେ ଭିକି କଟ୍ରିନାଙ୍କୁ ପ୍ରପୋଜ କରୁଥିବା ଦେଖାଯାଉଛି  । ଯେଉଁଥିରେ ଭିକି କଟ୍ରିନାଙ୍କୁ କହୁଛନ୍ତି “ଆପଣ ଭିକି ଭଳି ଜଣେ ଭଲ ମଣିଷଙ୍କୁ ଖୋଜି ବାହା ହୋଇଯାଉନାହାନ୍ତି କାହିଁକି ? ବାହାଘର ସିଜିନ୍ ଚାଲୁଛି ମୁଁ ଭାବିଲି ଆପଣ ବାହା ହେବାକୁ ଚାହୁଁଛନ୍ତି  । ତେଣୁକରି ଆପଣଙ୍କୁ ଏଭଳି ପ୍ରଶ୍ନ ପରାଚିଲି  ।” ଏହି ମୁହୁର୍ତ୍ତରେ ସଲମାନ ଖାନଙ୍କ ଗୀତ ‘ମୁଝସେ ସାଦୀ କରୋଗି’ ବାଜିବାକୁ ଲାଗିଥିଲା  । ଏଥିସହ ଗୀତଟିକୁ ଭିକି ମଧ୍ୟ ଗାଇବାକୁ ଲାଗିଲେ  ।

ବଲିଉଡ ରିପୋର୍ଟ ଅନୁସାରେ କଟ୍ରିନା କେଫ୍ ବାହାଘର ପାଇଁ ରାଜସ୍ଥାନର ଲୋକେସନ ପସନ୍ଦ କରିଛନ୍ତି  । ରିପୋର୍ଟ ଅନୁସାରେ କଟ୍ରିନା ନିଶ୍ଚିତରୂପେ ମହାରାଣୀ ବେଶରେ ବିବାହ କରିବାକୁ ଚାହୁଁଛନ୍ତି  । ଏଥିସହ ଫାଇନେଷ୍ଟ ପାରମ୍ପରିକ ଅଳଙ୍କାର ପିନ୍ଧିବାକୁ ଇଚ୍ଛା ରଖିଛନ୍ତି  । ତାଙ୍କୁ ରାଜସ୍ଥାନର ସଂସ୍କୃତି ବେଶ୍ ପସନ୍ଦ  । ସେ ଏକ ରାଜସ୍ଥାନୀ ବାହାଘରକୁ ଅତିଥି ଭାବେ ଯାଇଥିବା ବେଳେ ତାଙ୍କୁ ରାଜସ୍ଥାନୀ ରୀତିନୀତି,ପରମ୍ପରାର ବାହାଘର ଅନେକ ପସନ୍ଦ ଆସିଥିଲା  । ତେଣୁ ରାଜସ୍ଥାନୀ ପରମ୍ପରାରେ ବାହାହେବାକୁ ସେ ଇଚ୍ଛା ରଖିଛନ୍ତି।

 

ପଞ୍ଜାବରେ କମିଲା ତୈଳ ଦର; ପେଟ୍ରୋଲରେ ୧୦ ଟଙ୍କା ଓ ଡିଜେଲରେ ୫ ଟଙ୍କା ହ୍ରାସ

ଚଣ୍ଡିଗଡ଼: ଦିନକୁ ଦିନ ଦେଶରେ ପେଟ୍ରୋଲ-ଡିଜେଲ ଦର ବୃଦ୍ଧି ପାଇବାରେ ଲାଗିଥିଲା । ତେବେ ଲଗାତର ଭାବରେ ତୈଳ ଦର ବୃଦ୍ଧିକୁ ଦେଖି  ଦୀପାବଳିରେ ସାଧାରଣ ଲୋକଙ୍କୁ ଭେଟି ଦେଇଥିଲେ କେନ୍ଦ୍ର ସରକାର । କେନ୍ଦ୍ର ସରକାର ପେଟ୍ରୋଲ ଉପରୁ ୫ ଟଙ୍କା ଓ ଡିଜେଲ ଉପରୁ ୧୦ ଟଙ୍କା ଏକ୍ସସାଇଜ ଡ୍ୟୁଟି କମ୍ କରିଥିଲେ । କେନ୍ଦ୍ର ସରକାର ଏକ୍ସସାଇଜ ଡ୍ୟୁଟି କମ୍ କରିଥିବା ବେଳେ ବିଜେପି ଶାସିତ ରାଜ୍ୟ ମଧ୍ୟ ତୈଳ ଦରରୁ ଭାଟ୍ କମ୍ କରିଥିଲେ । ବିଜେପି ଶାସିତ ରାଜ୍ୟ ପେଟ୍ରୋଲ-ଡିଜେଲ ଉପରୁ ଭାଟ୍ କମ୍ କରିବା ପରେ ଅନ୍ୟ ରାଜ୍ୟ ଉପରେ ତୈଳ ଦର କମ୍ ପାଇଁ ଚାପ ସୃଷ୍ଟି ହୋଇଥିଲା । ତେବେ ଆଜି ପଞ୍ଜାବ ସରକାର ପେଟ୍ରୋଲ ଓ ଡିଜେଲ ଉପରୁ ଭାଟ୍ ହ୍ରାସ କରିଛି । ପେଟ୍ରୋଲ ଉପରୁ ୧୦ ଟଙ୍କା ଓ ଡିଜେଲ ଉପରୁ ୫ ଟଙ୍କା ଭାଟ୍ ହ୍ରାସ କରିବା ପାଇଁ ଘୋଷଣା କରିଛନ୍ତି ପଞ୍ଜାବ ମୁଖ୍ୟମନ୍ତ୍ରୀ ଚରନଜିତ୍ ସିଂ ଚନ୍ନୀ । ପଞ୍ଜାବ ସରକାରଙ୍କ ସୂଚନା ଅନୁସାରେ ନୂଆ ତୈଳ ଦର ଆଜି ମଧ୍ୟରାତ୍ରିରୁ ଲାଗୁ ହେବ ।

ପଞ୍ଜାବ ମୁଖ୍ୟମନ୍ତ୍ରୀ ଚରନଜିତ୍ ସିଂ ଚନ୍ନୀ କହିଛନ୍ତି କି ୨୦ ବର୍ଷ ମଧ୍ୟରେ ପ୍ରଥମ ଥର ଐତିହାସିକ ଭାବରେ ପେଟ୍ରୋଲ-ଡିଜେଲ ଦର ହ୍ରାସ କରାଯାଇଛି । ପଞ୍ଜାବରେ ଆଜି ମଧ୍ୟରାତ୍ରିରୁ ପେଟ୍ରୋଲରେ ୧୦ ଟଙ୍କା ଓ ଡିଜେଲରେ ୫ ଟଙ୍କା ଶସ୍ତାରେ ପାଇବେ । ତୈଳ ଦର କମ୍ କରିବା ପାଇଁ ପଞ୍ଜାବ ସରକାର ଡିଜେଲରୁ ୯.୯୨ ପ୍ରତିଶତ ଭାଟ୍ କମ୍ କରିଥିବାବେଳେ ପେଟ୍ରୋଲରୁ ୧୩.୭୭ ପ୍ରତିଶତ ଭାଟ୍ କମ୍ କରିଛି । କେନ୍ଦ୍ର ସରକର ପେଟ୍ରୋଲ ଡିଜେଲ ଦରରୁ ଏକ୍ସସାଇଜ ଡ୍ୟୁଟି କମ୍ କରିଥିବାବେଳେ ପଞ୍ଜାବର ପଡୋଶୀ ରାଜ୍ୟ ହିମାଚଳ ପ୍ରଦେଶ ଓ ହରିଆଣାରେ ଭାଟ୍ କମ୍ କରିଥିଲା । ଯାହା ଫଳରେ ପେଟ୍ରୋଲ ଓ ଡିଜେଲ ଦରରେ ୧୨ରୁ ୧୭ ଟଙ୍କା ପର୍ଯ୍ୟନ୍ତ ହ୍ରାସ ହୋଇଥିଲା । ଆସନ୍ତା ବର୍ଷ ପଞ୍ଜାବରେ ନିର୍ବାଚନ ଥିବାରୁ ତୈଳ ଦର କମ୍ କରିବାକୁ ଚାପ ପଡ଼ିଥିଲା । ତେବେ କେନ୍ଦ୍ର ସରକାର ଏକ୍ସସାଇଜ ଡ୍ୟୁଟି କମ୍ କରିବା ପରେ ଓଡ଼ିଶା ପ୍ରଥମ ଅଣ ବିଜେପି ରାଜ୍ୟ ଭାବରେ ତୈଳ ଦରରୁ ଭାଟ୍ କମ୍ କରିଥିଲେ । ପେଟ୍ରୋଲ –ଡିଜେଲ ଉପରୁ ଓଡ଼ିଶା ସରକାର ୩ ଟଙ୍କା ଭାଟ୍ ହ୍ରାସ କରିଥିଲେ ।