spot_img
Home Blog Page 5099

ଇଞ୍ଜିନିୟର ସ୍ୱାମୀଙ୍କୁ ଅପହରଣ କରିନେଲେ ନକ୍ସଲ, ପିଲାଙ୍କୁ ଧରି ଖୋଜିବାକୁ ଜଙ୍ଗଲ ଆଡ଼େ ବାହାରିଲେ ପତ୍ନୀ

0

ବିଜାପୁର: କଳିଯୁଗର ସାବିତ୍ରୀ, ସ୍ୱାମୀଙ୍କୁ ମରଣ ମୁହଁରୁ ଛଡ଼ାଇବା ପାଇଁ ନିଜ ଜୀବନକୁ ଲଗାଇଲେ ବାଜି । ଛତିଶଗଡ଼ ବିଜାପୁରରେ ଜଣେ ଇଞ୍ଜିନିୟରଙ୍କୁ ନକ୍ସଲବାଦୀମାନେ ଅପହରଣ କରିନେଇଛନ୍ତି। ଆଉ ଏବେ ତାଙ୍କୁ ଖୋଜିବାକୁ ବାହାରିଛନ୍ତି ତାଙ୍କ ପତ୍ନୀ। ମହିଳା ଜଣଙ୍କ ନିଜ ସ୍ୱାମୀଙ୍କୁ ବଞ୍ଚାଇବା ପାଇଁ ନିଜ ପିଲାଙ୍କୁ ସାଙ୍ଗରେ ଧରି ଜଙ୍ଗଲ ଆଡ଼କୁ ବାହାରିଛନ୍ତି ।

ସବ୍ ଇଞ୍ଜିନିୟର ଅଜୟ ରୋଶନ ଲକଡ଼ା  ଗୁରୁବାର ଦ୍ୱିପ୍ରହର ୧ଟା ବେଳେ  ଚପରାସୀ ଲକ୍ଷ୍ମଣଙ୍କ ସହ ପରତାଗିରି ଗୋରନା ମନକେଲି କ୍ଷେତ୍ରରେ ଚାଲିଥିବା ରାସ୍ତାକାମର ନିରିକ୍ଷଣ କରିବାକୁ ଯାଇଥିଲେ। ହେଲେ ଅନେକ ସମୟ ପର୍ଯ୍ୟନ୍ତ ମୁଖ୍ୟାଳୟକୁ ଫେରିନଥିଲେ। ବିଭାଗର ଅଧିକାରୀ ଓ କର୍ମଚାରୀମାନେ ତାଙ୍କୁ ବହୁତ ଖୋଜିଥିଲେ ହେଲେ କିଛି ବି ସୁରାକ ମିଳିନଥିଲା। ଏହାପରେ ଗାଁ ଲୋକମାନେ ଖବର ଦେଇଥିଲେ ଯେ ସବ୍ ଇଞ୍ଜିନିୟର ଓ ଚପରାସୀଙ୍କୁ କିଛି ଲୋକ ଜଙ୍ଗଲ ଭିତରକୁ ନେିଯାଇଛନ୍ତି । ଏହାପରେ ଜଣାପଡ଼ିଥିଲା ଯେ ନକ୍ସଲମାନେ ଉଭୟଙ୍କୁ ଅପହରଣ କରିନେଇଛନ୍ତି ।  ଇଞ୍ଜିନିୟରଙ୍କ ପତ୍ନୀ ଅର୍ପିତା ଏ ସମ୍ପର୍କରେ ଜାଣିବା ପରେ ସେ ନକ୍ସଲମାନଙ୍କୁ ତାଙ୍କୁ ସ୍ୱାମୀଙ୍କୁ ସକୁଶଳ ଛାଡ଼ିବାକୁ ନିବଦନ କରିଛନ୍ତି।

ଅର୍ପିତା ନକ୍ସଲମାନଙ୍କୁ ନିବେଦନ କରି କହିଛନ୍ତି, ଜଣେ ପତ୍ନୀର ଗୁହାରି ଶୁଣ। ମାନବିକତାର ପରିଚୟ ଦିଅ । ମୋ ସ୍ୱାମୀ ଜଣେ ଭଲ ମଣିଷ। ମୋର ୩ ବର୍ଷର ପୁଅ ଅଛି, ସେ ମଧ୍ୟ ନିଜ ପିତାଙ୍କୁ ଖୋଜୁଛି। ମୋର ନିରୀହ ପୁଅର ମୁଣ୍ଡରେ ପିତାଙ୍କ ଛାୟା ସୁରକ୍ଷିତ ରହୁ, ଏହା ଏକ ମା ଏବଂ ପତ୍ନୀର ନିବେଦନ।’

ସୂଚନା ମୁତାବକ ଚପରାସୀ ଜଣଙ୍କ ନିଜ ଘରକୁ ଫେରିଆସିଛନ୍ତି । ହେଲେ ତାଙ୍କ କହିବା କଥା ଯେ ଉଭୟଙ୍କୁ ଅପହରଣ କରି ଅଲଗା ଅଲଗା ରଖାଯାଇଥିଲା। ଜଙ୍ଗଲ ଭିତରେ ଜନଅଦାଲତ ବସିଥିଲା ଯାହାପରେ ନକ୍ସଲମାନେ ତାଙ୍କୁ ଛାଡ଼ିଦେଇଥିଲେ। ହେଲେ ସବ ଇଞ୍ଜିନିୟରଙ୍କୁ ଏ ପର୍ଯ୍ୟନ୍ତ ଛଡ଼ାଯାଇନି। ପୋଲିସ କହିବା କଥା ଯେ ବର୍ତ୍ତମାନ ସର୍ଚ୍ଚ ଅପରେଶନ ଆରମ୍ଭ ହୋଇଛି, ସମ୍ଭବତଃ ନକ୍ସଲମାନେ ତାଙ୍କୁ ଦିନେ-ଦୁଇ ଦିନ ଭିତରେ ଛାଡ଼ିଦେଇପାରନ୍ତି। ଅନ୍ୟପଟେ ପତ୍ନୀ ଅର୍ପିତା ମଧ୍ୟ ନିଜ ପିଲାଙ୍କ ସହ ସ୍ୱାମୀଙ୍କୁ ଖୋଜିବାକୁ ଜଙ୍ଗଲ ଅଭିମୁଖେ ବାହାରିଛନ୍ତି।

ସୂଚନା ଅନୁଯାୟୀ, ଗୋରନା ମନକେଲି ନକ୍ସଲମାନଙ୍କ ଆଡାସ୍ଥଳୀ ଭାବରେ ଜଣାଶୁଣା । ଏବଂ ଏହି ଅଞ୍ଚଳରେ କୌଣସି ସରକାରୀ ନିର୍ମାଣକୁ ଜୋରଦାର ବିରୋଧ କରାଯାଉଛି ।  ଏସବୁ ସତ୍ୱେ ସଡ଼କ ନିର୍ମାଣ କାମ ଚାଲୁଥିବାରି ନକ୍ସଲମାନେ  ଉଭୟ କର୍ମଚାରୀଙ୍କୁ ଅପହରଣ କରିନେଇଥିବା ସନ୍ଦେହ କରାଯାଉଛି।

 

ମହାକାଶରେ ଜନ୍ମ ଗ୍ରହଣ କରିବେ ମଣିଷ; ଛୁଟି ମନାଇବାକୁ ଆସିବେ ପୃଥିବୀ: ଜେଫ୍ ବେଜୋସ୍

ଓ୍ୱାଶିଂଟନ: ମହାକାଶରେ ମାନବ ସମାଜ ବସବାସ କରିବାକୁ ନେଇ ଭବିଷ୍ୟବାଣୀ କରିଛନ୍ତି ବିଶ୍ୱର ଦ୍ବିତୀୟ ଧନୀ ବ୍ୟକ୍ତି ଜେଫ୍ ବେଜୋସ୍ । ସେ କହିଛନ୍ତି କି ଏମିତି ଏକ ଦିନ ଆସିବ ଯେଉଁ ଦିନ ମହାକାଶରେ ମଣିଷ ଜନ୍ମଗ୍ରହଣ କରିବ । ମହାକାଶରେ ଜନ୍ମ ଗ୍ରହଣ କରିଥିବା ବ୍ୟକ୍ତି ପୃଥିବୀକୁ ବୁଲିବାକୁ ଆସିବେ । ଯେମିତିକି ଆମେ ଛୁଟିରେ କିଛି ପାର୍କକୁ ବୁଲିବାକୁ ଯାଉଛୁ । ସ୍ପେସ କମ୍ପାନୀ ବ୍ଲୁ ଅରିଜିନର ମୁଖ୍ୟ ଜେଫ୍ ବେଜୋସ କହିଛନ୍ତି କି ଭବିଷ୍ୟତରେ ମହାକାଶରେ ସହର ସୃଷ୍ଟି ହେବ ଏବଂ ମଣିଷ ସେଠାରେ ଜନ୍ମ ଗ୍ରହଣ କରିବେ ।

ଓ୍ୱାଶିଂଟନରେ ବ୍ଲୁ ଅରିଜିନର ଭବିଷ୍ୟକୁ ନେଇ ହୋଇଥିବା ଆଲୋଚନାରେ ଜେଫ୍‌ ବେଜୋସ କମ୍ପାନୀର ଯୋଜନା, ମହାକାଶରେ ଅନୁସନ୍ଧାନ, ପୃଥିବୀକୁ ବଞ୍ଚାଇବା ଭଳି ପ୍ରସଙ୍ଗରେ ନିଜର ମତ ବ୍ୟକ୍ତ କରିଥିଲେ । ମହାକାଶରେ ବସତିକୁ ନେଇ ସେ କହିଥିଲେ କି ଏହି ସବୁ ଘର ଏକ ପ୍ରକାରର ଭାସମାନ ଘର ପରି ହେବ । ଯେଉଁଠାରେ ପୃଥିବୀର ପାଗ ଓ ମାଧ୍ୟାକର୍ଷଣକୁ ଅନୁସରଣ କରି ନିର୍ମାଣ କରାଯିବ । ଏହି ଭସାମାନ ଘର ମଧ୍ୟରେ ପ୍ରାୟ ୧୦ ଲକ୍ଷ ଲୋକ ରହିପାରିବେ ଏବଂ ସେଠାରେ ନଦୀ, ଜଙ୍ଗଲ ଏବଂ ବନ୍ୟଜନ୍ତୁ ମଧ୍ୟ ରହିବେ ।

ବେଜୋସ୍ କହିଛନ୍ତି କି ଶତାବ୍ଦୀ ଧରି ଲୋକମାନେ ମହାକାଶରେ ଜନ୍ମ ହେବେ ଏବଂ ଏହା ସେମାନଙ୍କର ପ୍ରଥମ ଘର ହେବ । ସେମାନ ମହାକାଶରେ ନିର୍ମାଣ ହୋଇଥିବା ବସତିରେ ଜନ୍ମ ଗ୍ରହଣ କରିବେ । ଏହା ପରେ ସେମାନେ ପୃଥିବୀକୁ ଛୁଟି ମନାଇବାକୁ ଆସିବେ । ଯେପରି ଆମେ ଛୁଟି ବନାଇବାକୁ ପାର୍କକୁ ଯାଉଛୁ । ସେ ଆହୁରି କହିଥିଲେ କି ଯେତେବେଳେ ସେ ପାଠ ପଢ଼ୁଥିଲେ ସେ ସମୟରେ ଏକ ଭାଷଣ ସମୟରେ ମହାକାଶରେ ଜନ ବସତି ସ୍ଥାପନ କରିବା ଉପରେ କହିଥିଲେ । ଅନ୍ୟ ଏକ ଗ୍ରହକୁ ଯାଇ ସେଠାରେ ଜନ ବସତି କରିବାଠାରୁ ଭଲ କି ମହାକାଶରେ ଜନ ବସତି ସ୍ଥାପନ କରିବା ।  ବେଜୋସ୍ କହିଛନ୍ତି କି ଯଦି ଆମେ ମଙ୍ଗଳ ଗ୍ରହକୁ ପରିବର୍ତ୍ତନ କରିବା କିମ୍ବା କିଛି ଏହିପରି କିଛି ନାଟକୀୟ କାର୍ଯ୍ୟ କରିବା ତାହା ଅତ୍ୟନ୍ତ ଚ୍ୟାଲେଜିଂ ଏବଂ ଆଉ ଏକ ନୂଆ ପୃଥିବୀ ସୃଷ୍ଟି କରିବା ପରି ହେବ । ତା’ପରେ ଏଠାରେ ୧୦ରୁ ୨୦ ବିଲିୟନ ଲୋକ ବସବାସ କରିପାରିବେ ।

ପୃଥିବୀ ବାହାରେ କିପରି ଜନବସତି ସୃଷ୍ଟି ହେବ ତାହାକୁ ନେଇ ଜେଫ୍ ବେଜୋସ୍ ଓ ତାଙ୍କ ପ୍ରତିଦ୍ବନ୍ଦୀ ତଥା ବିଶ୍ବର ସବୁଠାରୁ ଧନୀ ବ୍ୟକ୍ତି ଏଲନ ମସ୍କଙ୍କ ମଧ୍ୟରେ ଶବ୍ଦ ଯୁଦ୍ଧ ଚାଲିଛି । ଏଲନ ମସ୍କଙ୍କ ସ୍ପେସ କମ୍ପାନୀ ସ୍ପେସ୍ ଏକ୍ସର ମୁଖ୍ୟ ଲକ୍ଷ୍ୟ ହେଉଛି କି ମଙ୍ଗଳ ଗ୍ରହରେ କିପରି ଜନ ବସତି ସ୍ଥାପନା କରିବେ । ତେବେ ମସ୍କଙ୍କ ପରେ ଏବେ ବେଜୋସ୍ ମହାକାଶରେ ଜନ ବସତି ସ୍ଥାପନ କରିବାର ବାଜି ଖେଳି ଏଲନ ମସ୍କଙ୍କୁ ଟାର୍ଗେଟ କରିଛନ୍ତି ।

ରାଜଧାନୀରେ ୧ ଲକ୍ଷ ହିତାଧିକାରୀଙ୍କୁ ବଣ୍ଟାଯିବ BSKY କାର୍ଡ

ଭୁବନେଶ୍ୱର: ଚଳିତ ମାସ ୨୭ ତାରିଖରେ ରାଜଧାନୀ ଭୁବନେଶ୍ୱରରେ ବଣ୍ଟାଯିବ BSKY ସ୍ମାର୍ଟ କାର୍ଡ । ଭୁବନେଶ୍ୱରରେ ପ୍ରାୟ ୧ ଲକ୍ଷ ହିତାଧିକାରୀଙ୍କୁ ଚିହ୍ନଟ କରାଯାଇଛି । ଓକାକ୍‌ ସହଯୋଗରେ ୯୯ଟି ରିଟେଲର ସେଣ୍ଟର ଜରିଆରେ କାର୍ଯ୍ୟ ତ୍ୱରାନ୍ୱିତ କରାଯାଇଛି । ସବୁ ରାସନ କାର୍ଡଧାରୀ BSKY ସ୍ମାର୍ଟ କାର୍ଡ ପାଇବେ ।

 BSKY Health Cards To Distribute In Bhubaneswar On This Month

ଖୋର୍ଦ୍ଧା ଜିଲ୍ଲାର ୪୮ଟି ଘରୋଇ ହସ୍ପିଟାଲ ଏହି ଯୋଜନାରେ ସାମିଲ୍ ହେବେ । ବର୍ତ୍ତମାନ ସୁଦ୍ଧା ୩୬ଟି ଘରୋଇ ହସ୍ପିଟାଲ ସହ ଏମଓୟୁ ସ୍ଵାକ୍ଷର ହୋଇଛି । ଏହି ଯୋଜନାରେ ମହିଳାଙ୍କୁ ୧୦ ଲକ୍ଷ ଓ ପୁରୁଷଙ୍କୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ସ୍ୱାସ୍ଥ୍ୟସେବା ମିଳି ପାରିବ । ବିଏମସି ଅତିରିକ୍ତ କମିଶନର ଲକ୍ଷ୍ମୀକାନ୍ତ ସେଠୀ ସୂଚନା ଦେଇଛନ୍ତି ।

ସେପ୍ଟେମ୍ବର ପହିଲାରୁ ସ୍ମାର୍ଟ ସ୍ୱାସ୍ଥ୍ୟ କାର୍ଡ ସୁବିଧା ଲାଗୁ ହୋଇଛି । ରାଜ୍ୟର ୯୬ ଲକ୍ଷ ପରିବାରଙ୍କୁ ଦିଆଯିବ କାର୍ଡ । ସାରା ଦେଶରେ ଏପରି ସୁବିଧା ଦେବାରେ ଓଡ଼ିଶା ପ୍ରଥମ ରାଜ୍ୟ । ଦେଶର ସ୍ୱାସ୍ଥ୍ୟସେବା କ୍ଷେତ୍ରରେ ମାଇଲଷ୍ଟୋନ୍ । ରାଜ୍ୟ ତଥା ରାଜ୍ୟ ବାହାରର ସବୁ ଛୋଟ ବଡ଼ ହସ୍ପିଟାଲରେ ଏହି କାର୍ଡରୁ ସୁବିଧା ପାଇପାରିବେ ହିତାଧିକାରୀ ।

ବିଜେପୁରରେ ମୁଖ୍ୟମନ୍ତ୍ରୀ ବାଣ୍ଟିଲେ BSKY କାର୍ଡ, କ୍ୟାନସର ହସ୍ପିଟାଲ ପାଇଁ ହେଲା ଶିଳାନ୍ୟାସ

ବରଗଡ଼: ମିଶନ ସ୍ମାର୍ଟ ବରଗଡ଼ । ବିଜେପୁରରୁ ବରଗଡ଼ ପାଇଁ ଅଙ୍କା ହେଲା ବିକାଶର ବ୍ଲୁପ୍ରିଣ୍ଟ । ବିଜେପୁରରୁ ଶୁଭିଲା ବିକାଶର ଶଙ୍ଖନାଦ । ସ୍ୱାସ୍ଥ୍ୟସେବାର ମହାବିପ୍ଳବରେ ସାମିଲ ହେଲା ବରଗଡ଼ ଜିଲ୍ଲା । ବିଜେପୁର ଗଣ୍ଡପାଲି ମିନି ଷ୍ଟାଡିୟମରେ ଆୟୋଜିତ ସଭାରେ ଯୋଗ ଦେଇ ହିତାଧିକାରୀଙ୍କୁ ସ୍ମାର୍ଟ ହେଲଥ କାର୍ଡ ବାଣ୍ଟିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହାଦ୍ୱାରା ଜିଲ୍ଲାର ୩ ଲକ୍ଷ ୬୪ ହଜାର ହିତାଧିକାରୀ ସ୍ମାର୍ଟକାର୍ଡ ଦ୍ୱାରା ଉପକୃତ ହେବେ ।

ସ୍ମାର୍ଟକାର୍ଡ ବାଣ୍ଟିବା ସହିତ ବରଗଡ଼ ଜିଲ୍ଲା ପାଇଁ ୩୦୦ କୋଟି ଟଙ୍କାରେ ୧୫୦ରୁ ଅଧିକ ପ୍ରକଳ୍ପର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ । ବରଗଡ଼ରେ ୭୧ଟି ସ୍କୁଲର ରୂପାନ୍ତର ହୋଇଛି । ସ୍ମାର୍ଟ ସ୍କୁଲ ଉଦଘାଟନ ସହିତ କ୍ୟାନସର ହସ୍ପିଟାଲର ଶିଳାନ୍ୟାସ, ନୃସିଂହନାଥ ମନ୍ଦିରର ଉନ୍ନତିକରଣ କାର୍ଯ୍ୟର ନିଅଁ ପଡ଼ିଛି । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ବରଗଡ଼ ହେଉଛି ମାଆ ଲକ୍ଷ୍ମୀଙ୍କ ପବିତ୍ର ଭୂମି, ଓଡ଼ିଶାର ଭାତ ହାଣ୍ଡି ।

CM Naveen Patnaik Distributes BSKY Card In Bijepur Bargarh

ଚାଷୀଙ୍କ ଭଳି ବରଗଡ଼ର ବୁଣାକାର ମଧ୍ୟ ସାରା ବିଶ୍ୱକୁ ସମ୍ବଲପୁରୀ ଶାଢ଼ି ଉପହାର ଦେଇଛନ୍ତି । ବରଗଡ଼ର ଚାଷୀ ଓ ବୁଣାକାରଙ୍କ ଦକ୍ଷତାକୁ ସମ୍ମାନ ଜଣାଇଛନ୍ତି ମୁଖ୍ୟମନ୍ତ୍ରୀ । ସ୍ୱର୍ଣ୍ଣ ପଦକ ବିଜେତା ପ୍ରମୋଦ ଭଗତଙ୍କୁ ନେଇ ବରଗଡ଼ ଗର୍ବିତ । ମୁଖ୍ୟମନ୍ତ୍ରୀ ୩ ଶହ କୋଟି ଟଙ୍କାର ବିଭିନ୍ନ ପ୍ରକଳ୍ପର ଆରମ୍ଭ କରିଥିବା ବେଳେ ୨ ହଜାର ୫ ଶହ କୋଟିର ପ୍ରକଳ୍ପ କାର୍ଯ୍ୟ ଚାଲିଛି । ଗୁରୁତ୍ୱପୂର୍ଣ୍ଣ ଗଙ୍ଗାଧର ମେହେର ଉଠାଜଳସେଚନ କାର୍ଯ୍ୟ ୨ ହଜାର ୯୦ କୋଟି ଟଙ୍କାରେ ଚାଲିଛି । ୨୦୨୩ ସେପ୍ଟେମ୍ବର ସୁଦ୍ଧା ଏହି ପ୍ରକଳ୍ପରୁ ପାଣି ମିଳିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ।

ମୁଖ୍ୟମନ୍ତ୍ରୀ ବିଏସକେୱାଇ କାର୍ଡ ବାଣ୍ଟିବା ସହ କହିଛନ୍ତି, ସ୍ମାର୍ଟ ହେଲ୍‌ଥ କାର୍ଡ ଦ୍ୱାରା ରାଜ୍ୟର ୯୬ ଲକ୍ଷ ପରିବାରର ସାଢେ ତିନି କୋଟି ଲୋକ ଉପକୃତ ହେବେ ।  ଗରିବ ଲୋକମାନେ ସ୍ୱାସ୍ଥ୍ୟ ସେବା ପାଇଁ ଅନେକ ସମସ୍ୟାରୁ, ବିଶେଷକରି ଆର୍ଥିକ ସମସ୍ୟାରୁ ମୁକ୍ତ ହୋଇପାରିବେ । ଲୋକମାନେ ସ୍ୱାସ୍ଥ୍ୟ ସମସ୍ୟାରେ ପଡ଼ିଲେ ଚିକିତ୍ସା ପାଇଁ କିପରି ଜମିବାଡି ବିକିବାକୁ ବାଧ୍ୟ ହୁଅନ୍ତି, ପିଲାଙ୍କ ପାଠପଢା ବନ୍ଦ କରନ୍ତି । ସେ ସବୁ ସମସ୍ୟା ବିଷୟରେ ଆଲୋକପାତ କରି ମୁଖ୍ୟମନ୍ତ୍ରୀ କହିଛନ୍ତି, ଏହା ତାଙ୍କୁ ବହୁତ ଦୁଃଖ ଦେଇଥାଏ । ବର୍ତ୍ତମାନ ଲୋକମାନେ ବିନା କୌଣସି ଅସୁବିଧାରେ କାର୍ଡ ଖଣ୍ଡିଏ ଧରି ଦେଶର ୨୦୦ ବଡ ବଡ ହସ୍ପିଟାଲରେ ଭଲ ଚିକିତ୍ସା ପାଇପାରିବେ । ଏଥିପାଇଁ ଟଙ୍କାଟିଏ ବି ଖର୍ଚ୍ଚ କରିବାକୁ ପଡିବ ନାହିଁ ।

ମୁଖ୍ୟମନ୍ତ୍ରୀ କହିଛନ୍ତି, ତାଙ୍କ ପାଇଁ ପ୍ରତିଟି ଜୀବନ ମୂଲ୍ୟବାନ । ଚାଷୀ ହେଉ ବା ମୂଲିଆ ବା ରିକ୍ସା ବାଲା – ସମସ୍ତେ ସମ୍ମାନର ସହ ବଞ୍ଚନ୍ତୁ । ଏହା ତାଙ୍କର ବିଭିନ୍ନ କଲ୍ୟାଣ କାର୍ଯ୍ୟକ୍ରମର ଲକ୍ଷ୍ୟ । ଓଡ଼ିଶା ହେଉଛି ଏକମାତ୍ର ରାଜ୍ୟ ଯେଉଁଠାରେ କରୋନା ସମୟରେ ସବୁ ରୋଗୀଙ୍କ ପାଇଁ ଟେଷ୍ଟିଂ ଠାରୁ ଆରମ୍ଭ କରି ଟ୍ରିଟ୍‌ମେଣ୍ଟ ପର୍ଯ୍ୟନ୍ତ ସବୁ ଖର୍ଚ୍ଚ ରାଜ୍ୟ ସରକାର ବହନ କରୁଛନ୍ତି । ବିଜେପୁରରେ ଆୟୋଜିତ କାର୍ଯ୍ୟକ୍ରମରେ ସ୍ୱାସ୍ଥ୍ୟ ମନ୍ତ୍ରୀ ନବ ଦାସ, ସାଂସଦ ପ୍ରସନ୍ନ ଆଚାର୍ଯ୍ୟ, ବିଧାୟିକା ରୀତା ସାହୁ, ସ୍ନେହାଙ୍ଗୀନୀ ଛୁରିଆ ପ୍ରମୁଖ
ଉଦବୋଧନ ଦେଇ ବିଭିନ୍ନ କ୍ଷେତ୍ରରେ ବିଜେପୁରର ବିକାଶ ଉପରେ ଆଲୋକପାତ କରିଥିଲେ । ଯେଉଁଭଳି ଦୂରଦର୍ଶିତାର ପରିଚୟ ଦେଇ ମୁଖ୍ୟମନ୍ତ୍ରୀ ଓଡିଶାରେ ଏହି ସ୍ମାର୍ଟ କାର୍ଡ ବ୍ୟବସ୍ଥା ଆରମ୍ଭ କରିଛନ୍ତି, ସେଭଳି ବ୍ୟବସ୍ଥା ଭାରତବର୍ଷରେ ଆଉ କେଉଁ ଠାରେ ନାହିଁ ବୋଲି ସେମାନେ କହିଥିଲେ । ଏହି ଯୋଜନା ଗରିବ ଲୋକଙ୍କର, ବିଶେଷ କରି ମହିଳା ମାନଙ୍କର ଏକ ବଡ ଚିନ୍ତା ଦୂର କରିପାରିଛି ବୋଲି ସେମାନେ ମତବ୍ୟକ୍ତ କରିଥିଲେ । ମନ୍ତ୍ରୀ ସୁଶାନ୍ତ ସିଂହ ସ୍ୱାଗତ ଭାଷଣ ଦେଇଥିଲେ । ମନ୍ତ୍ରୀ ନିରଞନ ପୂଜାରୀ ଧନ୍ୟବାଦ ଅର୍ପଣ କରିଥିଲେ ।

ଦକ୍ଷିଣ ଆଣ୍ଡାମାନ ସାଗରରେ ଲଘୁଚାପ, ନେଇପାରେ ବାତ୍ୟାର ରୂପ

ଭୁବନେଶ୍ୱର: ବଡ଼ ଓଷାରେ ମାଡ଼ ହୋଇପାରେ ବାତ୍ୟା । ଦକ୍ଷିଣ ଆଣ୍ଡାମାନ ସାଗର ଓ ତତସଂଲଗ୍ନ ଥାଇଲାଣ୍ଡ ଉପକୂଳରେ ଏକ ଲଘୁଚାପ କ୍ଷେତ୍ର ସୃଷ୍ଟି ହୋଇଛି । ଏହା କ୍ରମଶଃ ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି କରି ୧୫ ତାରିଖ ସୁଦ୍ଧା ଉତ୍ତର ଆଣ୍ଡାମାନ ସାଗର ଏ ସଂଲଗ୍ନ ଦକ୍ଷିଣପୂର୍ବ ବଙ୍ଗୋପସାଗର ଆଡ଼କୁ ଗତି କରି ଅବପାତର ରୂପ ନେବ ।  ଏନେଇ ସୂଚନା ଦେଇଛି ଭାରତୀୟ ପାଣିପାଗ ବିଭାଗ ।

ପରବର୍ତ୍ତୀ ସମୟରେ ଅବପାତ ଆହୁରି ଘନୀଭୂତ ହୋଇ ବାତ୍ୟାର ରୂପ ନେଇପାରେ । ୧୮ ତାରିଖ ବେଳକୁ ଏହା ଆନ୍ଧ୍ରପ୍ରଦେଶ ଉପକୂଳ ଛୁଇଁବା ନେଇ ଭାରତୀୟ ପାଣିପାଗ ବିଭାଗ ଆକଳନ କରିଛି । ତେବେ, ଲଘୁଚାପଟି ବାତ୍ୟାରେ ପରିଣତ ହେବ କି ନାହିଁ ସେ ନେଇ କିଛି ସ୍ପଷ୍ଟ ସୂଚନା ଦିଆଯାଇ ନାହିଁ । ତେବେ, ପାଣିପାଗ ବିଭାଗର ପ୍ରାକ୍ ଆକଳ ଅନୁସାରେ ବାତ୍ୟା ହେଲେ ଆନ୍ଧ୍ର ଉପକୂଳରେ ମାଡ଼ ହେବାର ଆଶଙ୍କା ରହିଛି ।

ପ୍ରଭାବରେ ୧୭ ତାରିଖରେ ଆନ୍ଧ୍ର ଉପକୂଳ ଓ ଦକ୍ଷିଣ ଓଡ଼ିଶା ଉପକୂଳ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବ । ୧୭ ତାରିଖ ବେଳକୁ ପବନ ଘଣ୍ଟାପ୍ରତି ୪୫ରୁ ୫୫ କିଲୋମିଟର ବେଗରେ ବହିବ । ଝଟକା ପବନର ବେଗ ଘଣ୍ଟାପ୍ରତି ୬୫ କିଲୋମିଟର ରହିପାରେ । ୧୬ ତାରିଖରୁ ୧୮ ତାରିଖ ଯାଏଁ ପୂର୍ବ-କେନ୍ଦ୍ରୀୟ ବଙ୍ଗୋପସାଗର ଅଶାନ୍ତ ରହିବ । ସମୁଦ୍ର ଅଶାନ୍ତ ରହୁଥିବାରୁ ୧୩ରୁ ୧୫ ତାରିଖ ଯାଏଁ ଆଣ୍ଡାମାନ ସାଗର ଓ ଦକ୍ଷିଣପୂର୍ବ ବଙ୍ଗୋପସାଗରକୁ ମତ୍ସ୍ୟଜୀବୀଙ୍କୁ ବାରଣ କରାଯାଇଛି । ସେହିଭଳି ପଶ୍ଚିମ କେନ୍ଦ୍ରୀୟ ଓ ପୂର୍ବକେନ୍ଦ୍ରୀୟ ବଙ୍ଗୋପସାଗର ୧୬ରୁ ୧୮ ତାରିଖ ଯାଏଁ ଅଶାନ୍ତ ରହିବ । ଗଭୀର ସମୁଦ୍ର ମଧ୍ୟରୁ ମତ୍ସ୍ୟଜୀବୀମାନେ ୧୫ ତାରିଖ ସୁଦ୍ଧା ଫେରି ଆସିବାକୁ ପାଣିପାଗ ବିଭାଗ କହିଛି ।

ଏଥିସହ ପଢ଼ନ୍ତୁ: ଭିଜାଉଛି ଲଘୁଚାପ, ରାଜ୍ୟର ବିଭିନ୍ନ ସ୍ଥାନରେ ବର୍ଷା ଜାରି

ଏବେ ଲଘୁଚାପ ପ୍ରଭାବରେ ରାଜ୍ୟରେ ଲାଗି ରହିଛି ପ୍ରବଳ ବର୍ଷା । ପ୍ରବଳ ବର୍ଷା ନେଇ ୯ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଗଞ୍ଜାମ, ଗଜପତି, ରାୟଗଡ଼ା, କନ୍ଧମାଳ, ପୁରୀ, ଖୋର୍ଦ୍ଧା, ନୟାଗଡ଼, ଜଗତସିଂହପୁର ଏବଂ କେନ୍ଦ୍ରାପଡ଼ାରେ ପ୍ରବଳ ବର୍ଷା ନେଇ ସତର୍କ ସୂଚନା ଜାରି କରାଯାଇଛି । ଏହା ସହିତ କଳାହାଣ୍ଡି, ନବରଙ୍ଗପୁର, କୋରାପୁଟ, ବୌଦ୍ଧ, ନୂଆପଡ଼ା, ଢେଙ୍କାନାଳ, ମାଲକାନଗିରି, ଏବଂ ବଲାଙ୍ଗିର ଜିଲ୍ଲାରେ ମଧ୍ୟ ବିଜୁଳି ଘଡ଼ଘଡ଼ି ସହିତ ବର୍ଷା ହେବାର ସମ୍ଭାବନା ରହିଛି । ବର୍ଷା ପ୍ରଭାବରେ ଆସନ୍ତା ୪-୫ ଦିନ ପର୍ଯ୍ୟନ୍ତ ରାତିର ସର୍ବନିମ୍ନ ତାପମାତ୍ରା ୨-୩ ଡିଗ୍ରୀ ବଢିବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର ।

ପୋଲିସ ଚାକିରି ନାଁରେ ଦେଢ଼କୋଟି ଠକେଇ ମାମଲା, ଅଭିଯୁକ୍ତ ବୈକୁଣ୍ଠ ନାଥକୁ ରିମାଣ୍ଡରେ ନେବ ଇଓଡବ୍ଲୁ

ଭୁବନେଶ୍ୱର: ପୋଲିସ ଚାକିରି ଦେବା ନାଁରେ ଦେଢ଼ କୋଟି ଟଙ୍କା ଠକେଇ ମାମଲା । ଠକ ବୈକୁଣ୍ଠ ନାଥ ନାୟକକୁ ୨ ଦିନିଆ ରିମାଣ୍ଡରେ ନେବ କ୍ରାଇମବ୍ରାଞ୍ଚ ଇଓଡବ୍ଲୁ । ଖୋଜିବ ଠକେଇର ଚେର । ବୈକୁଣ୍ଠ ନାଥ ନାୟକ ଓ ଭୀମସେନ ମହାରଣା ୩୮ ଜଣଙ୍କୁ ଠକେଇ କରିଥିବା ଅଭିଯୋଗ ହୋଇଛି । ବୈକୁଣ୍ଠ ନାଥଙ୍କୁ ରିମାଣ୍ଡରେ ନେବାକୁ ଅନୁମତି ଦେଇଛନ୍ତି କୋର୍ଟ ।

Police Recruitment Fraud, Accuse Baikuntha On EOW Remand

ଜେରା ବେଳେ ୩୮ନା ଅଧିକ ଆଶାୟୀଙ୍କୁ ଠକିଛନ୍ତି ସେ ନେଇ ପଚରାଉଚରା କରିବ ଇଓଡବ୍ଲୁ । ଠକେଇ ରାକେଟରେ ଆଉ କେତେ ଜଣ ସମ୍ପୃକ୍ତ ? ନକଲି ଆଇଡି କାର୍ଡରେ କିଭଳି ମିଳୁଥିଲା ଅବାଧ ପ୍ରବେଶ ? ଏନେଇ ଇଓଡବ୍ଲୁ ଜେରା କରିବ । ଗତକାଲି ୨ ଜଣଙ୍କୁ ଗିରଫ କରାଯାଇଥିଲା ।

ମିଳିତ ପୋଲିସ ସେବା ବା ସିପିଏସିଇ ପରୀକ୍ଷାର୍ଥୀଙ୍କୁ ଚାକିରି କରାଇ ଦେବା ନାଁରେ ପକାଇଥିଲେ ଜାଲ । ଦୁଇ ଠକ ନିଜକୁ ଗୃହ ବିଭାଗର ସେକ୍ସନ ଅଫିସର କହି ୩୮ଜଣ ଚାକିରି ଆଶୟୀଙ୍କ ଠାରୁ ପାଖାପାଖି ଦେଢ଼ କୋଟି ଟଙ୍କା ଠକିଥିଲେ । ମାମଲାରେ ସମ୍ପୃକ୍ତ ଅନ୍ୟ ଦୁଇ ଅଭିଯୁକ୍ତ ଫେରାର୍ ହୋଇଯାଇଛନ୍ତି । ଗିରଫ ୨ଜଣଙ୍କ ନିକଟରୁ ୧୨ଟି ଏଟିଏମ କାର୍ଡ ଓ ଜାଲ ପରିଚୟପତ୍ର ଜବତ କରାଯାଇଥିଲା ।

ବାୟୁ ପ୍ରଦୂଷଣକୁ ନେଇ କେନ୍ଦ୍ର ଉପରେ ବର୍ଷିଲେ ସୁପ୍ରିମକୋର୍ଟ, ଆବଶ୍ୟକ ହେଲେ କର ଲକଡାଉନ୍

ନୂଆଦିଲ୍ଲୀ: ଦିଲ୍ଲୀରେ ନିଶ୍ୱାସରେ ବିଷ । ଅସହ୍ୟ ହୋଇ ପଡ଼ିଲାଣି ଜୀବନ । ଦୀପାବଳି ପରେ ଦିଲ୍ଲୀ-ଏନସିଆରରେ ବଢ଼ିଥିବା ପ୍ରଦୂଷଣକୁ ନେଇ ଚିନ୍ତାବ୍ୟକ୍ତ କରିଛନ୍ତି ସୁପ୍ରିମକୋର୍ଟ । ପ୍ରଦୂଷଣ ସମ୍ବନ୍ଧିତ ମାମଲାର ଶୁଣାଣି ବେଳେ ସର୍ବୋଚ୍ଚ ଅଦାଲତ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି । କହିଛନ୍ତି, ‘ଆପଣ କୃଷକଙ୍କୁ ଦାୟୀ କରୁଛନ୍ତି । ଏହା କେବଳ ୪୦ ପ୍ରତିଶତ । ଦିଲ୍ଲୀ ଲୋକଙ୍କ ଜୀବନ ସୁନିଶ୍ଚିତ କରିବା ପାଇଁ ଆପଣ କ’ଣ ପଦକ୍ଷେପ ନେଇଛ ବୋଲି ପ୍ରଶ୍ନ କରିଛନ୍ତି କୋର୍ଟ ।

 Supreme Court Asks Centre For Delhi Air Emergency Plan

ପ୍ରଧାନ ବିଚାରପତି ଏନ.ଭି. ରମଣାଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠରେ ଜଷ୍ଟିସ୍ ଡି. ୱାଇ ଚନ୍ଦ୍ରଚୂଡ଼ ଓ ଜଷ୍ଟିସ୍ ସୂର୍ଯ୍ୟକାନ୍ତ ଅଛନ୍ତି । ନଡ଼ା ନଷ୍ଟ କରିବା ପାଇଁ କୃଷକଙ୍କୁ କାହିଁକି ମାଗଣାରେ ମେସିନ୍ ଦିଆଯାଇ ନାହିଁ ବୋଲି ସରକାରଙ୍କୁ ପ୍ରଶ୍ନ କରିଛନ୍ତି ଖଣ୍ଡପୀଠ । କୋର୍ଟ କହିଛନ୍ତି, ସ୍ଥିତି ବହୁତ ଖରାପ । ଘରେ ମଧ୍ୟ ମାସ୍କ ଲଗାଇବାକୁ ପଡ଼ୁଛି । କୋର୍ଟ ଆହୁରି କହିଛନ୍ତି ନଡ଼ା ନିଆଁ କଥା କାହିଁକି କହୁଛ ?

ଆମକୁ କୁହ ଏକ୍ୟୁଆଇ କେମିତି ୫୦୦ରୁ ୨୦୦ ଅଙ୍କକୁ ଖସିବ । କିଛି ଜରୁରୀ ଉପାୟ ଅବଲମ୍ବନ କରନ୍ତୁ । ଆବଶ୍ୟକ ହେଲେ ଦିଲ୍ଲୀରେ ୨ ଦିନ ଲକଡାଉନ୍ କରନ୍ତୁ । ଭାବନ୍ତୁ ଲୋକେ କେମିତି ରହିବେ ? ତୁରନ୍ତ ଜରୁରୀ ବୈଠକ ଡାକି ନିଷ୍ପତ୍ତି ନିଅନ୍ତୁ । ଏହାକୁ ରାଜନୀତି ଓ ସରକାରୀ ସ୍ତରରେ ଊର୍ଦ୍ଧ୍ୱରେ ଦେଖିବାକୁ ସରକାରଙ୍କୁ କହିଛନ୍ତି କୋର୍ଟ । ୨-୩ ଦିନ ମଧ୍ୟରେ ଏମିତି କିଛି ନିଷ୍ପତ୍ତି ନିଅନ୍ତୁ ଯାହାଦ୍ୱାରା ସ୍ଥିତି ସୁଧୁରିଯିବ ।

ରାଜ୍ୟର ୨୦ ଜିଲ୍ଲାରୁ ଆଉ ୨୪୭ କୋଭିଡ୍ ପଜିଟିଭ୍

ଭୁବନେଶ୍ୱର: ରାଜ୍ୟରେ ଗତ ୨୪ ଘଣ୍ଟାରେ ଆଉ ୨୪୭ ଜଣ କୋଭିଡ୍ ସଂକ୍ରମିତ ଚିହ୍ନଟ ହୋଇଛନ୍ତି । ସଂକ୍ରମିତଙ୍କ ମଧ୍ୟରେ ଶୂନରୁ ୧୮ ବର୍ଷ ମଧ୍ୟରେ ୩୭ ଜଣ ଆକ୍ରାନ୍ତ ରହିଛନ୍ତି । କ୍ୱାରେଣ୍ଟାଇନରୁ ୧୪୪ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୧୦୩ ଜଣ ସ୍ଥାନୀୟ ସଂକ୍ରମଣ ମାମଲା ଆସିଛି । କେବଳ ଖୋର୍ଦ୍ଧା ଜିଲ୍ଲାରେ ଦୈନିକ ସଂକ୍ରମଣ ମାମଲା ୩ ଅଙ୍କ ରହିଥିବା ବେଳେ କଟକ, ମୟୂରଭଞ୍ଜ, ସମ୍ବଲପୁର ଓ ସୁନ୍ଦରଗଡ଼ ଜିଲ୍ଲାରେ ଦୈନିକ ସଂକ୍ରମଣ ୨ ଅଙ୍କ ରହିଛି ।

ବାଲେଶ୍ୱରରୁ ୨ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବରଗଡ଼ରୁ ଜଣେ, ଭଦ୍ରକରୁ ୨ ଜଣ, କଟକରୁ ୨୨, ଦେବଗଡ଼ରୁ ୭, ଢେଙ୍କାନାଳରୁ ୨, ଗଜପତିରୁ ୨, ଜଗତସିଂହପୁରରୁ ୯, ଯାଜପୁରରୁ ୮, ଝାରସୁଗୁଡ଼ାରୁ ୩, କଳାହାଣ୍ଡିରୁ ଜଣେ, କେନ୍ଦ୍ରାପଡ଼ାରୁ ୭, ଖୋର୍ଦ୍ଧାରୁ ୧୧୫, କୋରାପୁଟରୁ ୩, ମାଲକାନଗିରିରୁ ଜଣେ, ମୟୂରଭଞ୍ଜରୁ ୧୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି ପୁରୀରୁ ୨, ରାୟଗଡ଼ାରୁ ଜଣେ, ସମ୍ବଲପୁରରୁ ୧୩, ସୁନ୍ଦରଗଡ଼ରୁ ୮, ଷ୍ଟେଟପୁଲରୁ ୨୬ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟାରେ ୩୩୯ ଜଣ ସଂକ୍ରମିତ ସୁସ୍ଥ ହୋଇଥିବା ବେଳେ ମୋଟ ସୁସ୍ଥ ସଂଖ୍ୟା ୧୦ ଲକ୍ଷ ୩୩ ହଜାର ୯୯୧ ଜଣ ଆରୋଗ୍ୟ ହୋଇଛନ୍ତି । ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୧୦ ଲକ୍ଷ ୪୫ ହଜାର ୨୦୯କୁ ବୃଦ୍ଧି ପାଇଛି । ଏବେ ରାଜ୍ୟରେ ୨୭୯୦ଟି ସକ୍ରିୟ ସଂକ୍ରମଣ ମାମଲା ରହିଛି ।

୨ ଦିନିଆ ପୋଲିସ ରିମାଣ୍ଡରେ ଗଲେ କେବିଏନ୍ ଗ୍ରୁପର ୫ ଅଭିଯୁକ୍ତ

ଭୁବନେଶ୍ୱର: କେବିଏନ ଗ୍ରୁପର ଭିଡିଓ ଭାଇରାଲ ମାମଲା । ଗିରଫ ୫ଜଣ ଅଭିଯୁକ୍ତଙ୍କୁ ରିମାଣ୍ଡରେ ନେଲା ନୟପଲ୍ଲୀ ଥାନା ପୋଲିସ । ୫ ଅଭିଯୁକ୍ତ ହେଲେ ରାହୁଲ ଜେନା, ସୁମନ ପରିଡ଼ା, ରାଜେଶ ବେହେରା, ସନାତନ ବେହେରା ଓ ନରେନ୍ଦ୍ର ସାହୁ । ୨ ଦିନିଆ ରିମାଣ୍ଡରେ ସତ ଉଗାରିବ ପୋଲିସ । ୭ ଦିନିଆ ରିମାଣ୍ଡ ଆବେଦନ ହୋଇଥିବା ବେଳେ ୨ ଦିନ ରିମାଣ୍ଡ ଅନୁମତି ଦେଇଥିଲେ ଏସଡିଜିଏମ କୋର୍ଟ । ମାରାଥନ ଜେରାରେ ପଦାକୁ ଆସିବ ଭାଇରାଲ୍ ଭିଡିଓର ସତ ।

KBN Groups 5 Accuse In Two Day Police Remand

କେବେଠୁ ଗ୍ୟାଙ୍ଗ ତିଆରି ହୋଇଛି ? ଏହା ପଛର ଉଦ୍ଦେଶ୍ୟ କଣ ? କେଉଁ କେଉଁ ସ୍ଥାନରେ ଭିଡିଓ କରିଛନ୍ତି । ମୁଖ୍ୟ ଅଭିଯୁକ୍ତ ବୁବୁ ଜେନା ସହ ଅନ୍ୟମାନେ କେଉଁଠି ଅଛନ୍ତି । ଏମିତି ଅନେକ ପ୍ରଶ୍ନ କରି ଗ୍ୟାଙ୍ଗର ଗୁମର ଖୋଲିବ ପୋଲିସ । ମାରଣାସ୍ତ୍ର ଧରି ଭିଡିଓ କରିବା ଏବଂ ତାକୁ ଭାଇରାଲ କରି ଲୋକଙ୍କ ଭିତରେ ଭୟ ସୃଷ୍ଟି କରିବା ପରେ କମିଶନରେଟ ପୋଲିସ୍ କେବିଏନ୍ ଗ୍ୟାଙ୍ଗ ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରିଛି । କେବିଏନ୍ ଗ୍ୟାଙ୍ଗର ଭିଡିଓ ଭାଇରାଲ ହେବା ପରେ ମୋଟ ୨୯ ଜଣକ ନାଁରେ ମାମଲା ରୁଜୁ କରିଛି କମିଶନରେଟ ପୋଲିସ ।

ପ୍ରମୋଦ ଭଗତଙ୍କୁ ଆଜି ମିଳିବ ଖେଳରତ୍ନ, ଅମିତ ରୋହିଦାସ ଓ ବୀରେନ୍ଦ୍ର ଲାକ୍ରାଙ୍କୁ ଅର୍ଜୁନ ପୁରସ୍କାର

ଭୁବନେଶ୍ୱର: ପ୍ରଥମ ଓଡ଼ିଆ ଭାବେ ପାରା ଅଲମ୍ପିଆନ୍ ପ୍ରମୋଦ ଭଗତ ଆଜି ପାଇବେ ଖେଳରତ୍ନ ପୁରସ୍କାର । ଏଥିସହ ୨ ଓଡ଼ିଆ ହକି ଖେଳାଳି ଅମିତ ରୋହି ଦାସ ଓ ବୀରେନ୍ଦ୍ର ଲାକ୍ରାଙ୍କୁ ମିଳିବ ଅର୍ଜୁନ ପୁରସ୍କାର । ରାଷ୍ଟ୍ରପତି ରାମନାଥ କୋବିନ୍ଦ ଜାତୀୟ ଖେଳରତ୍ନ ପୁରସ୍କାର ପ୍ରଦାନ କରିବେ । ରାଷ୍ଟ୍ରପତି ଭବନରେ ଅପରାହ୍ଣ ୪ଟା ୩୦ ମିନିଟରେ ପୁରସ୍କାର ପ୍ରଦାନ କରାଯିବ ।

Paralympian Pramod Bhagat To Receive Khel Ratna Award

ଚଳିତ ବର୍ଷ ୧୨ ଜଣକୁ ମେଜର ଧ୍ୟାନଚାନ୍ଦ ଖେଳରତ୍ନ ପୁରସ୍କାର ଦିଆଯିବ । ୩୫ ଜଣଙ୍କୁ ଅର୍ଜୁନ ପୁରସ୍କାର ପ୍ରଦାନ କରାଯିବଷ । ୫ ଜଣକୁ ଜୀବନବ୍ୟାପୀ ସାଧନା ପାଇଁ ଦ୍ରୋଣାଚାର୍ଯ୍ୟ ଓ ଅନ୍ୟ ୫ ଜଣଙ୍କୁ ଦ୍ରୋଣାଚାର୍ଯ୍ୟ ପୁରସ୍କାରରେ ସମ୍ମାନୀତ କରାଯିବ । ୫ଜଣକୁ ଧ୍ୟାନଚାନ୍ଦ ପୁରସ୍କାରରେ ସମ୍ମାନୀତ କରାଯିବ ।