ଭୁବନେଶ୍ୱର: ରାଜ୍ୟରେ ଦୁର୍ବୃତ ମାନଙ୍କର ଆତଙ୍କ ବଢ଼ି ଚାଲିଥିବା ବେଳେ ଓଡ଼ିଶା ପୋଲିସ୍‌ ମଧ୍ୟ ସେମାନଙ୍କ ବିରୁଦ୍ଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ଦୁର୍ବୃତ୍ତ ମାନଙ୍କୁ ଗୋଡ଼ାଇ ଧରୁଛି ଓଡ଼ିଶା ପୋଲିସର ସ୍ପେଶାଲ ଡ୍ରାଇଭ୍। ୧୦ଦିନରେ ଗିରଫ ହେଲେଣି ୩ ହଜାର ୪୮୮ ୱାରେଣ୍ଟି। ଖାଲି ସେତିକି ନୁହେଁ ଫେରାର ୩ ହଜାର ୪୮୮ ଅଭିଯୁକ୍ତଙ୍କୁ ମଧ୍ୟ ଗିରଫ କରିଛି ଓଡ଼ିଶା ପୋଲିସ। ନଭେମ୍ବର ୫ରୁ ୧୪ ଯାଏ ଏହି ସ୍ପେଶାଲ ଡ୍ରାଇଭ ହୋଇଥିଲା। ଗିରଫଙ୍କ ମଧ୍ୟରେ ୨ ହଜାର ୩୯୨ଜଣଙ୍କ ନାଁରେ ୱାରେଣ୍ଟ ଜାରି ହୋଇଥିଲା। ତେବେ ୪୦୦ ଜଣଙ୍କ ବିରୋଧରେ ଚାଲିଥିଲା ଶୁଣାଣି। ଅନ୍ୟ ୬୯୬ ଜଣଙ୍କ ବିରୋଧରେ କୋର୍ଟରେ ମାମଲା ବିଚାରାଧୀନ ଥିଲା। ସେପଟେ ବାଲେଶ୍ୱର ଜିଲ୍ଲାରେ ସର୍ବାଧିକ ୫୯୨ଜଣ ଫେରାର ଅଭିଯୁକ୍ତଙ୍କୁ ଗିରଫ କରାଯାଇଛି ବୋଲି ଡିଜିପି ଅଭୟ କହିଛନ୍ତି। ସେହିପରି ଗଞ୍ଜାମରୁ ୫୫୧ ଓ ଖୋର୍ଦ୍ଧାରୁ ୫୧୬ ଜଣଙ୍କୁ ଗିରଫ କରାଯାଇଛି। ଏଥିପାଇଁ ସବୁ ଏସପିଙ୍କୁ ପୋଲିସ ଡିଜି ଅଭୟ ପ୍ରଶଂସା କରିଛନ୍ତି।

ଭୁବନେଶ୍ୱର: ଟ୍ରାଫିକ ଚେକିଂରୁ ବଞ୍ଚିବା ପାଇଁ ବାଇକ ନମ୍ବର ପ୍ଲେଟରେ ରଙ୍ଗ ବୋଳିଥିବା ଯୁବକଙ୍କୁ ଧରିଲା ଭରତପୁର ପୋଲିସ। ଅଟକ ଥିବା ଯୁବକ ଜଣକ ହେଲେ ଭରତପୁର ଅଞ୍ଚଳର ସୁକାନ୍ତ ପ୍ରଧାନ। ପୂର୍ବରୁ ସୁକାନ୍ତଙ୍କ ଗାଡ଼ି ନାଁରେ ୬ ହଜାର ଟଙ୍କା ଜରିମାନା ବକେୟା ଅଛି। ଗତ ବର୍ଷରୁ ପାଞ୍ଚ ଥର ତାଙ୍କ ନାଁରେ ଫାଇନ ପଡିଛି। ଯାହାକୁ ସେ ପଇଠ କରିନଥିଲେ। କାଳେ ସେ ଟ୍ରାଫିକ୍ ଚେକିଂରେ ଆଉଥରେ ଧରାପଡ଼ିଯିବେ ସେଥିପାଇଁ ଗାଡି ନମ୍ବର ପ୍ଲେଟରେ ରଙ୍ଗ ବୋଳି ଚକମା ଦେଉଥିଲେ। ଜାଡ଼ିର ନମ୍ବର OD33AB 8762 ଥିବେଳେ ସୁକାନ୍ତ ସେଥିରୁ ବିକୁ ରଙ୍ଗ ମାରି ଲିଭାଇ ଦେଇଥିଲେ।

ଏମିତି ବହୁଦିନରୁ କରିଆସୁଥିଲେ ସୁକାନ୍ତ। ଅନେକ ଥର ମଧ୍ୟ ଟ୍ରାଫିକକୁ ଚକମା ଦେଇଛନ୍ତି। ହେଲେ ଆଜି ଘାଟିକିଆ ଛକରେ ଟ୍ରାଫିକ ଚେକିଂ ବେଳେ ପୋଲିସ ହାବୁଡ଼ରେ ପଡିଥିଲେ ସୁକାନ୍ତ। ଖସିଯିବାକୁ ଚେଷ୍ଟା କରୁଥିବା ବେଳେ ମାଡ଼ିବସିଥିଲା ପୋଲିସ୍‌। ଗାଡ଼ିର ସବିଶେଷ ତଥ୍ୟ ପୋଲିସ ଆପରେ ଚେକିଂ ପରିବା ପରେ ସୁକାନ୍ତଙ୍କ ଗାଡ଼ି ନାଁରେ ଟ୍ରାଫିକ ନିୟମ ଉଲ୍ଲଂଘନ ଅଭିଯୋଗ ସାମ୍ନାକୁ ଆସିଥିଲା। ଏହାସହ ଗାଡି ନାଁରେ ୬ ହଜାର ଟଙ୍କା ଫାଇନ ଥିବା ଜାଣିବାକୁ ପାଇଥିଲା ପୋଲିସ।

ଜଗତସିଂହପୁର: କେନ୍ଦ୍ର ଜଳଶକ୍ତି ଏବଂ ଆଦିବାସୀ ବ୍ୟାପାର ରାଷ୍ଟ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ପାଇଁ ଅଡୁଆ ବଢିବାରେ ଲାଗିଛି। ଜଗତସିଂହପୁରରେ କେନ୍ଦ୍ରମନ୍ତ୍ରୀଙ୍କୁ ହୋଇଛି ଅଣ୍ଡାମାଡ଼। କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କୁ ଅଲଣାହାଟ ନିକଟରେ ଅଣ୍ଡାମାଡ଼ ସାଙ୍ଗକୁ କଳା ପତାକା ପ୍ରଦର୍ଶନ କରାଯାଇଛି। ନଉଗାଁ ଅଙ୍ଗେଶ୍ୱର ପଡ଼ା ସ୍କୁଲ କାର୍ଯ୍ୟକ୍ରମରେ ଯୋଗଦେବାକୁ ଯାଉଥିବା ବେଳେ ଏଭଳି ଅଣ୍ଡାମାଡ଼ ହୋଇଛି।

ବିଭିନ୍ନ ପ୍ରକାରର କାରଣକୁ ନେଇ ପ୍ରତିବାଦ କରିଥିଲା ଛାତ୍ର କଂଗ୍ରେସ। ଦେଶରେ ହୁହୁ ହୋଇ ବଢି ଚାଲିଥିବା ଦରଦାମ ବୃଦ୍ଧି, ଉତ୍ତର ପ୍ରଦେଶରେ କେନ୍ଦ୍ରମନ୍ତ୍ରୀଙ୍କ ପୁଅ କୃଷକଙ୍କୁ ଗାଡ଼ି ମଡ଼ାଇ ହତ୍ୟା କରିଥିବା ପ୍ରତିବାଦରେ ହୋଇଛି ଅଣ୍ଡାମଡ଼। ଖାଲି ସେତିକି ନୁହେଁ କଙ୍ଗନାଙ୍କ ବିବାଦିୟ ବୟାନକୁ ନେଇ କେନ୍ଦ୍ର ସରକାର ତାଙ୍କଠାରୁ ପଦ୍ମଶ୍ରୀ ପୁରଷ୍କାର ଫେରସ୍ତ ନେବା ଦାବିରେ ଅଣ୍ଡାମାଡ଼ କରିଛି ଛାତ୍ର କଂଗ୍ରେସ୍‌। ଗସ୍ତକୁ ବିରୋଧ କରି ଛାତ୍ରକଂଗ୍ରେସ ରାଜ୍ୟ ଉପସଭାପତି ସୁନିଲ କୁମାର ମାଟିଆଙ୍କ ନେତୃତ୍ୱରେ ଜିଲ୍ଲା ଛାତ୍ର କଂଗ୍ରେସ କଳାପତକା ସହିତ ଅଣ୍ଡାମାଡ ଓ ବିରୋଧ ପ୍ରଦର୍ଶନ କରିଥିଲା।

କଟକ: ଟ୍ୱିନ୍‌ ସିଟିରେ ମାତିଛନ୍ତି ଦୁର୍ବୃତ୍ତ। କେତେବେଳେ ବନ୍ଧୁକ ଦେଖାଇ ଲୁଟ କରୁଛନ୍ତି ତ ପୁଣି କେତେବେଳେ ଗାଡ଼ିରେ ଆସି ଚେନ୍‌ ସ୍ନାଚିଂ କରୁଛନ୍ତି ଦୁର୍ବୃତ୍ତ। ଦୁର୍ବୃତ୍ତ ମାନେ ପୋଲିସକୁ ବିଭିନ୍ନ ସମୟରେ ଚ୍ୟାଲେଞ୍ଜ ଦେଉଛନ୍ତି। ଏଭଳି ପରିସ୍ଥିତିରେ କଟକ କମିଶନରେଟ ପୋଲିସ୍‌ ତାର ତଦନ୍ତକୁ ଜୋରଦାର କରିଛି। ଗୋଡ଼ାଇ ଗୋଡ଼ାଇ ଆତଙ୍କ ସୃଷ୍ଟି କରୁଥିବା ଦୁର୍ବୃତ୍ତ ମାନଙ୍କୁ ଧରୁଛି ପୋଲିସ୍‌।

କିଛିଦିନ ପୂର୍ବରୁ କଟକ ଏବଂ ଭୁବନେଶ୍ୱରରୁ ବନ୍ଧୁକ ଖଣ୍ଡା ଜବତ ହୋଇଥିବା ବେଳେ ଆଜି କଟକରେ ପୁଣି ବନ୍ଧୁକ ଓ ଗୁଳି ଜବତ ହୋଇଛି। ଏହି ସବୁ ବନ୍ଧୁକ ଓ ଗୁଳିକୁ ଜବତ କରିଛି ଲାଲବାଗ ଥାନା ପୋଲିସ। ୫ଟି ବନ୍ଧୁକ ଜବତ ହୋଇଥିବା ବେଳେ ୩୦ରାଉଣ୍ଡ ଗୁଳି ଜବତ ହୋଇଛି। ଏହି ସବୁ ବନ୍ଧୁକ ମାଧ୍ୟମରେ ଆତଙ୍କ ପାଇଁ କରୁଥିଲେ ପ୍ଲାନ୍‌। ତେବେ ପ୍ଲାନ ସଫଳ ହେବା ପୂର୍ବରୁ ମାଡ଼ିବସିଥିଲା ପୋଲିସ୍‌। ବନ୍ଧୁକ ଜବତ ହେବା ସହ ୩ଜଣଙ୍କୁ ଗିରଫ କରିଛି ପୋଲିସ।

ଯଦି ଦେଖିବା ତେବେ କିଛି ଦିନ ହେବ ଦୁର୍ବୃତ୍ତ ମାନେ ଅଧିକରୁ ଅଧିକ ଆତଙ୍କ ଖେଳାଇବାକୁ ଲାଗିଛନ୍ତି। ବିଭିନ୍ନ ପ୍ରକାରର ଭିଡିଓ କରି ସୋସିଆଲ ମିଡିଆରେ ଲୋକଙ୍କ ମନରେ ଭୟ ସୃଷ୍ଟି କରୁଛନ୍ତି। କେତେବେଳେ ବନ୍ଧୁକ ଫୁଟାଇତ ପୁଣି କେତେବେଳେ ଖଣ୍ଡା ବୁଲାଇ କରୁଛନ୍ତି ଭିଡିଓ। ଭିଡିଓ ମାଧ୍ୟମରେ ମୁହଁରେ ମୁଖା ପିନ୍ଧି ପୋଲିସ୍‌ କୁ ମଧ୍ୟ ଚ୍ୟାଲେଞ୍ଚ ଦେଉଛନ୍ତି। ଯାହାକୁ ନେଇ ଏବେ ପୋଲିସ୍‌ ପ୍ରଶାସନ କଠୋର ହୋଇଛି। ଦୁର୍ବୃତ୍ତ ମାନଙ୍କୁ ଗୋଡ଼ାଇ ଗୋଡ଼ାଇ ଧରୁଛି।