ଭୁବନେଶ୍ୱର: ଅଶାନ୍ତ ହେଲାଣି ରାଜଧାନୀ । କଥା କଥାରେ ରକ୍ତ ରଞ୍ଜିତ ହେଉଛି ରାଜଧାନୀ ରାଜରାସ୍ତା । ପ୍ରେମ ସମ୍ପର୍କକୁ ନେଇ ବଢ଼ୁଛି ଆକ୍ରମଣ ପ୍ରତିଆକ୍ରମଣ । କଥା କଥାରେ ହେଉଛି ରକ୍ତପାତ । ଗତକାଲି ସନ୍ଧ୍ୟାରେ ପ୍ରେମ ସମ୍ପର୍କକୁ ନେଇ ପୁଣି ରକ୍ତରଞ୍ଜିତ ହୋଇଛି ରାଜଧାନୀ । ଶୈଳଶ୍ରୀବିହାର ଅଞ୍ଚଳରେ ତ୍ରିକୋଣୀୟ ପ୍ରେମକୁ ନେଇ ବହିଛି ରକ୍ତ । ଦୁଇ ପ୍ରେମିକଙ୍କ ମଧ୍ୟରେ ଆକ୍ରମଣରେ ଜଣେ ଗୁରୁତର ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ତ୍ରିକୋଣୀୟ ପ୍ରେମକୁ ନେଇ ଜଣଙ୍କୁ ଛୁରାମାଡ଼ କରିଥିଲେ ଆଉ ଜଣେ ପ୍ରେମିକ । ସୂଚନା ଅନୁସାରେ ଉଭୟ ପ୍ରେମିକ ପଟିଆ ଅଞ୍ଚଳର ଏକ ଘରୋଇ କଲେଜର ଛାତ୍ର । ଉଭୟ ଯୁବକ ଜଣେ ଯୁବତୀଙ୍କୁ ଭଲ ପାଉଥିଲେ । ଫଳରେ ଉଭୟଙ୍କ ମଧ୍ୟରେ ତିକ୍ତତା ଲାଗି ରହିଥିଲା । ମୋବାଇଲ ଓ ଟଙ୍କା ଫେରାଇବାକୁ ନେଇ ଉଭୟଙ୍କ ମଧ୍ୟରେ ଯୁକ୍ତିତର୍କ ପରେ ହୋଇଥିଲା । ଯୁକ୍ତିତର୍କ ପରେ ଛୁରାମାଡ଼ ହୋଇଥିଲା । ଏହି ଘଟଣାରେ ଉଭୟଙ୍କ ପକ୍ଷରୁ ଥାନାରେ କୌଣସି ଅଭିଯୋଗ ହୋଇନାହିଁ । ତେବେ ପ୍ରେମ ସମ୍ପର୍କକୁ ନେଇ ଛୁରାମାଡ଼ ଘଟଣା ନୂଆ ନୁହେଁ । ଚଳିତ ମାସରେ ମଧ୍ୟ ପ୍ରେମିକାକୁ କମେଣ୍ଟମରାରୁ ପ୍ରେସ ଛକରେ ଛୁରା ମାଡ଼ରେ ଜଣଙ୍କର ମୃତ୍ୟ ହୋଇଥିଲା ।
ଦେଶରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟାରେ ୨ ଲକ୍ଷ ୩୫ ହଜାର ୫୩୨ ଆକ୍ରାନ୍ତ ଚିହ୍ନଟ
ନୂଆଦିଲ୍ଲୀ: ଦେଶରେ ଖସୁଛି କରୋନା ଗ୍ରାଫ୍ । ଦେଶରେ ୨୪ ଘଣ୍ଟାରେ ଦେଶରେ ୨ ଲକ୍ଷ ୩୫ ହଜାର ୫୩୨ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ୨୪ ଘଣ୍ଟାରେ ଦେଶରେ ୮୭୧ ଜଣଙ୍କର କରୋନାରେ ମୃତ୍ୟୁ ହୋଇଛି । ଦେଶରେ ବର୍ତ୍ତମାନ ଦୈନିକ ପଜିଟିଭ ହାର ୧୩.୩୯ ପ୍ରତିଶତ ରହିଛି । ସେହିପରି ଭାବରେ ୨୪ ଘଣ୍ଟାରେ ଦେଶରେ ୩ ଲକ୍ଷ ୩୫ ହଜାର ୯୩୯ ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଛନ୍ତି ।
India reports 2,35,532 new #COVID19 cases, 871 deaths and 3,35,939 recoveries in the last 24 hours
Active case: 20,04,333 (4.91%)
Daily positivity rate: 13.39%Total Vaccination : 1,65,04,87,260 pic.twitter.com/6X0dxg3LjJ
— ANI (@ANI) January 29, 2022
ଦେଶରେ ଶୁକ୍ରବାର ୨ ଲକ୍ଷ ୫୧ ହଜାର ୨୦୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ । କିନ୍ତୁ ଆଜି ଏହି ସଂଖ୍ୟାରେ ହ୍ରାସ ପାଇଛି । ଆଜି ଦେଶରେ ୨ ଲକ୍ଷ ୩୫ ହଜାର ୫୩୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆକ୍ଟିଭ୍ କେସ୍ କଥା ଯଦି କହିବା ତାହାଲେ ବର୍ତ୍ତମାନ ଭାରତ ଆକ୍ଟିଭ୍ କେସ୍ ୨୦ ଲକ୍ଷ ୦୪ ହଜାର ୩୩୩ ରହିଛି ।
ରାଜ୍ୟରେ କମିଲା କରୋନା ସଂକ୍ରମଣ, ୨୪ ଘଣ୍ଟାରେ ୪ ହଜାର ୮୪୨ ଆକ୍ରାନ୍ତ ଚିହ୍ନଟ
ଭୁବନେଶ୍ୱର: ରାଜ୍ୟରେ ଖସୁଛି କରୋନା ସଂକ୍ରମଣ । ଲଗାତର ଭାବରେ ରାଜ୍ୟରେ ହ୍ରାସ ପାଉଛି କରୋନା ସଂକ୍ରମଣ । ଗତକାଲି ୫ ହଜାର ୦୫୭ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ଆଜି ରାଜ୍ୟରେ ୪ ହଜାର ୮୪୨ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ୨୪ ଘଣ୍ଟାରେ ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ କ୍ୱାରେଣ୍ଟାଇନରୁ ୨ ହଜାର ୮୦୯ ଜଣ ଚିହ୍ନଟ ହୋଇଥିବାବେଳେ ୨ ହଜାର ୦୩୩ ଜଣ ଲୋକାଲ କେସ୍ ଚିହ୍ନଟ ହୋଇଛନ୍ତି । ୦ରୁ ୧୮ ବର୍ଷ ମଧ୍ୟରେ ରାଜ୍ୟରେ ୬୭୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଭାବରେ ରାଜ୍ୟରେ ୨୪ ଘଣ୍ଟାରେ ୧୦ ହଜାର ୫୧୧ ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଛନ୍ତି ।
7. Cuttack: 443
8. Deogarh: 85
9. Dhenkanal: 84
10. Gajapati: 65
11. Ganjam: 58
12. Jagatsinghpur: 96
13. Jajpur: 134
14. Jharsuguda: 70
15. Kalahandi: 155
16. Kandhamal: 80
17. Kendrapada: 60
18. Keonjhar: 69
19. Khurda: 1253
20. Koraput: 81
21. Malkangiri: 43— I & PR Department, Odisha (@IPR_Odisha) January 29, 2022
୨୪ ଘଣ୍ଟାରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ୧ ହଜାର ୨୫୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଅନୁଗୁଳରୁ ୧୦୪, ବାଲେଶ୍ୱରରୁ ୧୬୯, ବରଗଡ଼ରୁ ୭୨, ଭଦ୍ରକରୁ ୧୦୬, ବଲାଙ୍ଗୀରରୁ ୧୪୦, ବୌଦ୍ଧରୁ ୨୮, କଟକରୁ ୪୪୩, ଦେଓଗଡ଼ରୁ ୮୫, ଢେଙ୍କାନାଳରୁ ୮୪, ଗଜପତିରୁ ୬୫, ଗଞ୍ଜାମରୁ ୫୮, ଜଗତସିଂହପୁରରୁ ୯୬, ଯାଜପୁରରୁ ୧୩୪, ଝାରସୁଗୁଡ଼ାରୁ ୭୦, କଳାହାଣ୍ଡିରୁ ୧୫୫, କନ୍ଧମାଳରୁ ୮୦, କେନ୍ଦ୍ରାପଡ଼ାରୁ ୬୦, କେନ୍ଦୁଝରରୁ ୬୯, କୋରାପୁଟରୁ ୮୧, ମାଲକାନଗିରିରୁ ୪୩, ମୟୁରଭଞ୍ଜରୁ ୧୭୯, ନବରଙ୍ଗପୁରରୁ ୧୨୪, ନୟାଗଡ଼ରୁ ୨୧୦, ନୂଆପଡ଼ାରୁ ୧୪୨, ପୁରୀରୁ ୭୬, ରାୟଗଡ଼ାରୁ ୧୦୧, ସମ୍ବଲପୁରରୁ ୧୪୯, ସୋନପୁରରୁ ୪୨, ସୁନ୍ଦରଗଡ଼ରୁ ୧୫୯ ଓ ଷ୍ଟେଟ ପୁଲରୁ ୨୬୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଅଣ୍ଡର-୧୯ ବିଶ୍ୱକପରେ ହେବ ନାହିଁ ଭାରତ-ପାକ୍ ମହାମୁକାବିଲା
ଆଣ୍ଟିଗୁଆ: ଚଳିତ ଅଣ୍ଡର-୧୯ ବିଶ୍ୱକପର ସେମିଫାଇନାଲରେ ଅଷ୍ଟ୍ରେଲିଆ ତା’ର ସ୍ଥାନ ପକ୍କା କରିଛି । ଶୁକ୍ରବାର ଖେଳାଯାଇଥିବା କ୍ୱାଟର ଫାଇନାଲରେ ଅଷ୍ଟ୍ରେଲିଆ ପାକିସ୍ତାନକୁ ୧୧୯ ରନରେ ପରାସ୍ତ କରିଛି । ଏହି ବିଜୟ ସହ ସେମିଫାଇନାଲରେ ନିଜ ସ୍ଥାନ ପକ୍କା କରିଛି ଅଷ୍ଟ୍ରେଲିଆ । ତେବେ ସେମିଫାଇନାଲରେ ଅଷ୍ଟ୍ରେଲିଆ ସହ ଆଜି ହେବାକୁ ଥିବା ଭାରତ- ବାଂଲାଦେଶ ମ୍ୟାଚର ବିଜେତା ଦଳ ସହ ହେବ । କ୍ୱାଟର ଫାଇନାଲରେ ପାକିସ୍ତାନ ପରାଜୟ ବରଣ କରିବା ଫଳରେ ଭାରତ ଓ ପାକିସ୍ତାନ କ୍ରିକେଟ ଫ୍ୟାନଙ୍କୁ ଏକ ଝଟକା ଲାଗିଛି । ଯଦି ପାକିସ୍ତାନ ଏହି କ୍ୱାଟର ଫାଇନାଲ ମ୍ୟାଚରେ ବିଜୟ ଲାଭ କରିଥାନ୍ତା ତେବେ ସେମିଫାଇନାଲରେ ଭାରତ-ପାକିସ୍ତାନ ମହାମୁକାବିଲା ହୋଇଥାନ୍ତା । ତେବେ ଚଳିତ ବିଶ୍ୱକପରେ ଆଜି କ୍ୱାଟର ଫାଇନାଲ ମୁକାବିଲାରେ ଭାରତ ବାଂଲାଦେଶକୁ ଭେଟିବ । ଏହି ମ୍ୟାଚରରେ ଯଦି ଭାରତ ବାଂଲାଦେଶକୁ ପରାସ୍ତ କରେ ତେବେ ସେମିଫାଇନାଲରେ ଭାରତ ଅଷ୍ଟ୍ରେଲିଆକୁ ଭେଟିବ ।
A comprehensive victory for Australia!
They are now into the semi-finals of the Super League stage with a 119-run win over Pakistan 🌟#PAKvAUS | #U19CWC pic.twitter.com/c5fnjVhoAZ
— ICC Cricket World Cup (@cricketworldcup) January 28, 2022
ଅଷ୍ଟ୍ରେଲିଆ-ପାକିସ୍ତାନ ମଧ୍ୟରେ ଖେଳାଯାଇଥିବା କ୍ୱାଟର ଫାଇନାଲ ମ୍ୟାଚରେ ଟସ୍ ହାରି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଅଷ୍ଟ୍ରେଲିଆ ନିର୍ଦ୍ଧାରିତ ଓଭରରେ ୭ ଓ୍ୱିକେଟ ବିନିମୟରେ ୨୭୬ ରନ କରିଥିଲା । ୨୭୭ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ପାକିସ୍ତାନ ମାତ୍ର ୧୫୭ ରନ କରିପାରିଥିଲା । ପାକିସ୍ତାନର ପୂରା ଟିମ୍ ୩୫ ଓଭର ସମସ୍ତ ଓ୍ୱିକେଟ ହରାଇ ମାତ୍ର ୧୫୭ ରନ କରିପାରିଥିଲା । ଯାହା ଫଳରେ ଅଷ୍ଟ୍ରେଲିଆ ଏହି ମ୍ୟାଚକୁ ୧୧୯ ରନରେ ବିଜୟ ଲାଭ କରିଥିଲା । ଏହି ବିଜୟ ସହ ଅଣ୍ଡର-୧୯ ବିଶ୍ୱକପ ସେମିଫାଇନାଲରେ ନିଜର ସ୍ଥାନ ପକ୍କା କରିଛି କଙ୍ଗାରୁ ଦଳ ।
୩ ମହାନଗର ନିଗମର ମେୟର ପଦ ସଂରକ୍ଷଣ ନେଇ ଆସିଲା ଚୂଡ଼ାନ୍ତ ତାଲିକା
ଭୁବନେଶ୍ୱର: ପଞ୍ଚାୟତ ଭୋଟ୍ ପରେ ପଡ଼ିପାରେ ପୌର୍ ଭୋଟ୍ । ଆଉ ପାଦେ ଆଗକୁ ଆଗେଇଲେ ରାଜ୍ୟ ସରକାର । ରାଜ୍ୟର ତିନି ମହାନଗର ନିଗମ ଭୁବନେଶ୍ୱର, ବ୍ରହ୍ମପୁର ଓ କଟକ ମହାନଗର ନିଗମ ମେୟର ପଦ ସଂରକ୍ଷଣ ନେଇ ପୂର୍ବରୁ ଡ୍ରାଫ୍ଟ ତାଲିକା ପ୍ରକାଶ ପାଇଥିଲା । ଏବେ ଗୃହ ଓ ନଗର ଉନ୍ନୟନ ବିଭାଗ ଚୂଡ଼ାନ୍ତ ସଂରକ୍ଷଣ ତାଲିକା ପ୍ରକାଶ କରିଛି ।
ଚୂଡ଼ାନ୍ତ ସଂରକ୍ଷଣ ତାଲିକା ଅନୁସାରେ, ଭୁବନେଶ୍ୱର ମହାନଗର ନିଗମ ମେୟର ପଦ ମହିଳାଙ୍କ ପାଇଁ ସଂରକ୍ଷଣ ଥିବାବେଳେ ବ୍ରହ୍ମପୁର ମହାନଗର ନିଗମ ମେୟର ପଦ ମହିଳାଙ୍କ ପାଇଁ ସଂରକ୍ଷିତ ରଖାଯାଇଛି । ସେହିଭଳି କଟକ ମହାନଗର ନିଗମ ମେୟର ପଦ ଅଣସଂରକ୍ଷିତ ରହିଛି ।
ମେୟର ପଦ ସଂରକ୍ଷଣ ସହ ୩ ମହାନଗର ନିଗମର ବିଭିନ୍ନ ୱାର୍ଡ ସୀମା ନିର୍ଦ୍ଧାରଣ କରାଯାଇଛି । ଏଥିସହ ୱାର୍ଡ ଅନୁସାରେ କର୍ପୋରେଟର ପଦ ସଂରକ୍ଷଣ ତାଲିକା ପ୍ରକାଶ ପାଇଛି । ଭୁବନେଶ୍ୱରର ୩୪, ୧୩ ଓ ୨ ନମ୍ବର ୱାର୍ଡ ଅନୁସୂଚିତ ଜାତି (ମହିଳା)ଙ୍କ ପାଇଁ ସଂରକ୍ଷିତ ରହିଛି । ୩୬, ୧୮ ଓ ୨୧ ନମ୍ବର ୱାର୍ଡ ଅନୁସୂଚିତ ଜାତି ପାଇଁ ସଂରକ୍ଷିତ ରଖାଯାଇଛି । ୨୨ ଓ ୨୬ ନମ୍ବର ୱାର୍ଡ ଅନୁସୂଚିତ ଜନଜାତି (ମହିଳା)ଙ୍କ ପାଇଁ ସଂରକ୍ଷିତ ଥିବାବେଳେ ୮ ନମ୍ବର ୱାର୍ଡ ଅନୁସୂଚିତ ଜନଜାତି ପାଇଁ ସଂରକ୍ଷିତ ରହିଛି । ଭୁବନେଶ୍ୱର ମହାନଗର ନିଗମର ୬୭ଟି ୱାର୍ଡ, କଟକର ୫୯ଟି ୱାର୍ଡ ଓ ବ୍ରହ୍ମପୁରର ୪୨ଟି ୱାର୍ଡରେ ନିର୍ବାଚନ ହେବ ।
ଆଉ ୨ ଦିନ ପ୍ରବଳ ଜାଡ଼, ରାତି ଓ ଭୋର୍ ସମୟରେ ଘରୁ ନବାହାରିବାକୁ ପରାମର୍ଶ
ଭୁବନେଶ୍ୱର: ରାଜ୍ୟରେ ଜାରି ରହିଛି ଶୀତ ଲହରୀ । ଓଡ଼ିଶାକୁ ଉତ୍ତରପଶ୍ଚିମ ତଥା ଉତ୍ତର ଦିଗରୁ ଥଣ୍ଡା ଓ ଶୁଷ୍କ ବାୟୁ ପ୍ରବେଶ କରୁଛି । ପ୍ରଭାବରେ ରାଜ୍ୟର ଆଭ୍ୟନ୍ତରୀଣ ଜିଲ୍ଲାରେ ଶୀତ ଲହରୀ ଅନୁଭୂତ ହେଉଛି । ଆଗାମୀ ୫ ଦିନ ଯାଏ ପାଗ ମୁଖ୍ୟତଃ ଶୁଖିଲା ରହିବାକୁ ଥିବାବେଳେ ୩୧ ତାରିଖ ପର୍ଯ୍ୟନ୍ତ ଜାରି ରହିବ ଶୀତ ଲହରୀ । ଏନେଇ ସୂଚନା ଦେଇଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ।
୨୯ ତାରିଖରୁ ୩୦ ତାରିଖ ସକାଳ ୮ଟା ୩୦ ଯାଏ ପ୍ରବଳ ଥଣ୍ଡା ନେଇ ସୁନ୍ଦରଗଡ଼, ଝାରସୁଗୁଡ଼ା, କେନ୍ଦୁଝର, ସମ୍ବଲପୁର, ଦେବଗଡ଼, ଅନୁଗୁଳ, ବରଗଡ଼, ବଲାଙ୍ଗିର, ନୂଆପଡ଼ା, ସୋନପୁର, ବୌଦ୍ଧ, କଳାହାଣ୍ଡି ଓ କନ୍ଧମାଳ ଜିଲ୍ଲାକୁ ଜାରି ହୋଇଛି ୟେଲୋ ୱାର୍ଣ୍ଣିଂ । ସେହିଭଳି ୩୦ ତାରିଖରୁ ୩୧ ତାରିଖ ସକାଳ ୮ଟା ୩୦ ଯାଏ ପ୍ରବଳ ଶୀତ ନେଇ ଝାରସୁଗୁଡ଼ା, ବଲାଙ୍ଗିର, ବରଗଡ଼, ସୋନପୁର ଓ କଳାହାଣ୍ଡି ଜିଲ୍ଲାକୁ ୟେଲୋ ୱାର୍ଣ୍ଣିଂ ଦିଆଯାଇଛି ।
ପ୍ରବଳ ଥଣ୍ଡା ପାଇଁ ରାତି ସମୟରେ ଆବଦ୍ଧ ଘରେ ରହିବା ସହ ଭୋର୍ ସମୟରେ ଘରୁ ନବାହାରିବା ଲାଗି ପରାମର୍ଶ ଦେଇଛି ପାଣିପାଗ ବିଭାଗ । ଆସନ୍ତା ୩ ଦିନ ଯାଏ ରାତି ତାପମାତ୍ରାରେ ବିଶେଷ ପରିବର୍ତ୍ତନ ହେବ ନାହିଁ । ପରବର୍ତ୍ତୀ ୨ ଦିନରେ ତାପମାତ୍ରା ଆସ୍ତେ ଆସ୍ତେ ୨ରୁ ୩ ଡିଗ୍ରୀ ବଢ଼ିବ । ରାଜ୍ୟର ଅଧିକାଂଶ ସ୍ଥାନରେ ଆସନ୍ତା ୩ ଦିନ ଯାଏ ପାରଦ ସ୍ୱଭାବିକ ତାପମାତ୍ରା ଠାରୁ ୩ରୁ ୫ ଡିଗ୍ରୀ ତଳେ ରହିବ ।
ବୋଲେରୋ-ବାଇକ୍ ମୁହାଁମୁହିଁ: ୨ବାଇକ ଚାଳକଙ୍କ ମୃତ୍ୟୁ
ବୌଦ୍ଧ: ମାନମୁଣ୍ଡା ଥାନା ଖଇରମାଳ ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ବୋଲେରୋ ବାଇକ ମୁହାଁମୁହିଁ ଧକ୍କା । ଘଟଣା ସ୍ଥଳରେ ଦୁଇ ବାଇକ ଆରୋହିଙ୍କ ମୃତ୍ୟୁ । ମୃତକ ହେଲେ ମନମୁଣ୍ଡା ଥାନା ଝଗଡୁଗାଡ଼ିଆ ଗାଁର ହିରୋ ବଗର୍ତ୍ତି ଓ କିଶୋର । ସନ୍ଧ୍ୟାରେ ସୋନୁପର ଆଡୁ ବୌଦ୍ଧ ପଟକୁ ଦ୍ରୁତ ଗତିରେ ଆସୁଥିବା ବୋଲେରୋ ସହ ବିପରୀତ ଦିଗରୁ ଆସୁଥିବା ଏକ ବାଇକ ମୁହାଁମୁହିଁ ଧକ୍କା ହୋଇଥିଲା । ଫଳରେ ଦୁଇ ବାଇକ ଆରୋହିଙ୍କ ଘଟଣା ସ୍ଥଳରେ ହିଁ ମୃତ୍ୟୁ ଘଟିଥିଲା । ଖବର ପାଇ ମାନମୁଣ୍ଡା ପୋଲିସ ଘଟଣା ସ୍ଥଳରେ ପହଞ୍ଚି ଉଭୟ ମୃତ ଦେହକୁ ଓ ଗାଡିକୁ ଜବତ କରି ତଦନ୍ତ ଆରମ୍ଭ କରିଛି ।
ଏଥିସହିତ ପଢ଼ନ୍ତୁ: ସାବଧାନ: ଆପଣଙ୍କ ବରଯାତ୍ରୀରେ ଥାଇପାରନ୍ତି ଲୁଟେରା, ଲୁଟୁଛନ୍ତି ସୁନା ଓ ଟଙ୍କା
ରାଜନୀତି ଯୋଡ଼ିଲା ସମ୍ପର୍କ: ସରପଞ୍ଚ ହେବାକୁ ବାହା ହେଲେ
ବ୍ରହ୍ମପୁର: ସଜା ହୋଇଛି ଗାଡ଼ି । କନ୍ୟା ପ୍ରସ୍ତୁତ, ବର ବି ରେଡ଼ି । ଘରେ ବିବାହ ପାଇଁ ଉତ୍ସବର ମାହୋଲ । ଏବେ ଆପଣ ଭାବୁଥିବେ ଜଣକର ବାହାଘର ଖବର କାହିଁକି ଆମେ ଜଣାଉଛୁ । କିନ୍ତୁ କଥାଟା କିଛି ଅଲଗା । ଯାହାର ବାହାଘର ହେଉଛି ସେ ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକ ଆଇତିପୁର ପଞ୍ଚାୟତର ସରପଞ୍ଚ ପ୍ରାର୍ଥୀନୀ । ଘର ଖଲ୍ଲିକୋଟ ବ୍ଲକ ଶ୍ରୀକୃଷ୍ଣସରଣପୁର ନୂତନ ଗୁରୁଣ୍ଠିରେ । ପୂର୍ବରୁ ଆଇତିପୁର ପଞ୍ଚାୟତ ଯୋଗେନ୍ଦ୍ର ପଲେଇଙ୍କୁ କୋର୍ଟ ମ୍ୟାରେଜ କରିଥିଲେ । ଯୋଗେନ୍ଦ୍ରଙ୍କ ବାପା ୨୦୦୨ରେ ସରପଞ୍ଚ ଥିଲେ । ତେଣୁ ବାପାଙ୍କ ପରେ ଉଚ୍ଚଶିକ୍ଷିତ ପୁଅ ଯୋଗେନ୍ଦ୍ର ସରପଞ୍ଚ ହେବାକୁ ମନ ବଳାଇଲେ । ହେଲେ ଚଳିତ ନିର୍ବାଚନରେ ଆଇତିପୁର ପଞ୍ଚାୟତ ମହିଳାଙ୍କ ପାଇଁ ସଂରକ୍ଷିତ ଥିବାରୁ ପତ୍ନୀ ପ୍ରଭାତୀଙ୍କୁ ପ୍ରାର୍ଥୀ କରିଛନ୍ତି । ନାମାଙ୍କନ ପ୍ରକ୍ରିୟା ସରିଥିବାବେଳେ ଏବେ ଦୁହେଁ ବୈଦିକ ରୀତିରେ ବିବାହ କରିବାକୁ ଯାଉଛନ୍ତି ।
୭ଟି ଗ୍ରାମକୁ ନେଇ ଗଠିତ ହୋଇଛି ଆଇତିପୁର ପଞ୍ଚାୟତ । ଏଠାରେ ଭୋଟର ସଂଖ୍ୟା ୪ ହଜାର ୩୪୦ । ଚଳିତ ପଞ୍ଚାୟତ ନିର୍ବାଚନରେ ଦୁଇ ଜଣ ପ୍ରାର୍ଥୀ ନାମାଙ୍କନ ଦାଖଲ କରିଥିବା ବେଳେ ପ୍ରଭାତୀଙ୍କୁ ମାଛ ଚିହ୍ନ ମିଳିଛି । ତେବେ ପ୍ରଭାତୀଙ୍କ ସହ ପ୍ରତିଦ୍ୱନ୍ଦୀ କରୁଥିବା ପ୍ରାର୍ଥୀ ଆଗରୁ ସେହି ଗାଁର ବୋହୂ ହୋଇଥିବା ବେଳେ ପ୍ରଭାତି ହାତରେ ମେହେନ୍ଦୀ ଓ ପାଦରେ ଅଳତା ଲଗାଇ ନୁଆଁ ବୋହୂ ଭାବେ ଭୋଟ ଭିକ୍ଷା କରିବାକୁ ମଇଦାନକୁ ଉହ୍ଲାଇବେ । ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ସାହ ଦେଖାଦେଇଛି । ଆଗକୁ ଗାଁର ଦୁଇ ବୋହୂଙ୍କ ମଧ୍ୟରେ ହେବ କଡା ଟକ୍କର । ତେବେ ଶ୍ୱଶୂର ପୂର୍ବରୁ ସରପଞ୍ଚ ଥିବାରୁ ପ୍ରଭାତିଙ୍କ ପଲ୍ଲା ଭାରି ଥିବା କହନ୍ତି ସ୍ଥାନୀୟ ବାସିନ୍ଦା ।
ଏଥିସହିତ ପଢ଼ନ୍ତୁ: ସାବଧାନ: ଆପଣଙ୍କ ବରଯାତ୍ରୀରେ ଥାଇପାରନ୍ତି ଲୁଟେରା, ଲୁଟୁଛନ୍ତି ସୁନା ଓ ଟଙ୍କା
ସାବଧାନ: ଆପଣଙ୍କ ବରଯାତ୍ରୀରେ ଥାଇପାରନ୍ତି ଲୁଟେରା, ଲୁଟୁଛନ୍ତି ସୁନା ଓ ଟଙ୍କା
ଭୁବନେଶ୍ୱର: ହୁସିଆର । ରାଜଧାନୀରେ ବରଯାତ୍ରୀ ବେଶରେ ବୁଛୁଛନ୍ତି ଲୁଟେରା । ହିରୋମାର୍କା ଷ୍ଟାଇଲରେ ଆସୁଛନ୍ତି ବିବାହ ମଣ୍ଡପ । ଆଉ ଟଙ୍କା, ସୁନା ଧରି ମାରୁଛନ୍ତି ଛୁ । ଭୁବନେଶ୍ୱର କେସୁରା ଛକ ପଲବୀ ମଣ୍ଡପରୁ ଆସିଛି ଏମିତି ଅଭିଯୋଗ । ବାହାଘର ଚାଲିଥିବାବେଳେ ୨ ଲକ୍ଷ ଟଙ୍କାର ସୁନା ଲୁଟି ନେଇଥିବା ଅଭିଯୋଗ ହୋଇଛି । ନାବାଳକକୁ ଢାଲ କରି ଲୁଟିଥିବା ଲୁଟେରାର ପୁରା ଭିଡିଓ ସିସିଟିଭିରେ କଏଦ ହୋଇଛି । ସହିଦନଗର ଥାନା ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ଲୁଟେରାଙ୍କ ଟାର୍ଗେଟରେ ବିବାହ ମଣ୍ଡପ । ବରଯାତ୍ରୀ ବେଶରେ ଆସୁଛନ୍ତି ବଡେ ମିଆଁ ଛୋଟେ ମିଆଁ । ମଉକା ଦେଖି ବୁଲାଉଛନ୍ତି କଳାକନା । ହିରୋ ମାର୍କା ଗେଟଅପରେ ବରଯାତ୍ରୀ ବେଶରେ ଆସୁଛନ୍ତି । ଭୋଜି ଖାଉଛନ୍ତି, ବର ସିହତ ସେଲଫି ନେଉଛନ୍ତି । ଭିଡ଼ର ମଉକା ନେଇ ଭ୍ୟାନିଟ ବ୍ୟାଗରେ ଥିବା ସୁନାକୁ ଧରି ଚମ୍ପଟ ମାରୁଛନ୍ତି । ଗତ ୨୩ ତାରିଖରେ କେଶୁରା ପଲ୍ଲବୀ ମଣ୍ଡପରେ ସତ୍ୟ ନାରାୟଣ ମହାରାଣଙ୍କ ଝିଅ ବାହାଘର ବେଳେ ଏମିତି ଢଙ୍ଗରେ ୨ ଲକ୍ଷରୁ ଅଧିକ ଟଙ୍କାର ସୁନା ଗହଣା ଲୁଟିଛନ୍ତି ଭଦ୍ର ଲୁଟେରା । ସତ୍ୟ ନରାୟାଣ ନିଜ ଝିଅକୁ ବେଦୀ ଝିଅ ଓ ଜ୍ବାଇଁ ସୁନା ହାର ଓ ମୁଦି ଦେବା ପାଇଁ ରଖିଥିଲେ ହେଲେ ଲୁଟେରା ଲୁଟି ନେଇଛନ୍ତି ।
ବିବାହ ମଣ୍ଡପ ଅଭିନବ ଢଙ୍ଗରେ ଲୁଟ ନେଇ ସହିଦନଦର ଥାନାରେ ଅଭିଯୋଗ ପରେ ପୋଲିସ ମାମଲା ରୁଜୁ କରି ସିସିଟିଭି ଫୁଟେଜ ଆଧାରରେ ତଦନ୍ତ ଆରମ୍ଭ କରିଛି । ଦୁଇ ଜଣ ଏକ କାରରେ ଆସି ସୁନା ଓ ମୁଦି ନେଇଥିବା ଜଣା ପଡିଛି । ଏଭଳି ଅନ୍ୟ କୌଣସି ଥାନା ଅଞ୍ଚଳରେ ଏଭଳି ଘଟିଛି ନା ନାହିଁ , ପୋଲିସ ତଦନ୍ତ କରୁଛି । ଅନ୍ୟ ପଟେ ବିବାହ ମଣ୍ଡପ ଓ ବାହଘର କରାଉଥିବା ଲୋକଙ୍କୁ ସତର୍କ ରହିବାକୁ ଡିସିପି କହିଛନ୍ତି ।
ଭୁବନେଶ୍ବରରେ ଗତ କିଛି ଦିନ ହେଲା ଅଥୟ କରୁଛନ୍ତି ଲୁଟେରା । ଛୁରୀକୁ ବନ୍ଧୁକ ନୁହେଁ ଅଭିନବ ଉପାୟରେ କରୁଛନ୍ତି ଲୁଟପାଟ । ଶିଖରଚଣ୍ଡୀ, ଶ୍ରୀବିହାର, ସତ୍ୟ ନଗର ଓ ଡେଲ୍ଟା ଛକ ସୁନା ଦୋକାନ ଲୁଟ ମାମଲାରେ ଅଭିଯୁକ୍ତ ମାନଙ୍କୁ ଧରି ପାରିନି ପୋଲିସ ।
ଗୟାରେ ଭାରତୀୟ ସେନା ହେଲିକପ୍ଟର ଦୁର୍ଘଟଣାଗ୍ରସ୍ତ, ପାଇଲଟ୍ ସୁରକ୍ଷିତ
ଗୟା: ବିହାର ଗୟାରେ ଖସିପଡ଼ିଲା ଭାରତୀୟ ସେନା ହେଲିକପ୍ଟର। ସୗେଭାଗ୍ୟବଶତଃ ଅଳ୍ପକେ ବର୍ତ୍ତିଯାଇଛନ୍ତି ଦୁଇ ପାଇଲଟ। ଆଜି ଅପରାହ୍ନରେ ଭାରତୀୟ ସେନା ଅଫିସରଙ୍କ ପ୍ରଶିକ୍ଷଣ ଏକାଡେମୀ ପକ୍ଷରୁ ହେଲିକପ୍ଟର ଉଡାଣ କରାଯାଉଥିଲା।
ତେବେ ଯାନ୍ତ୍ରିକ ତ୍ରୁଟି କାରଣରୁ ଏହି ହେଲିକପ୍ଟରଟି ଖସିପଡିଥିଲା । ଏହି ଘଟଣାରେ ସୌଭାଗ୍ୟବଶତଃ ସେଥିରେ ଥିବା ଦୁଇ ପାଇଲଟ ବର୍ତ୍ତିଯାଇଛନ୍ତି। ଏନେଇ ସୂଚନା ଦେଇଛନ୍ତି ଏକାଡେମୀର ନିର୍ଦ୍ଦେଶକ ବଙ୍ଗାଜିତ ଶାହା।
#WATCH | An aircraft of the Indian Army’s Officers’ Training Academy in Gaya, Bihar today crashed soon after taking off during training. Both the pilots in the aircraft are safe.
Video source: Local village population pic.twitter.com/gauLWCrfxN
— ANI (@ANI) January 28, 2022
ସୂଚନା ଅନୁଯାୟୀ, ବୋଧଗୟା ବ୍ଲକର ଏକ ଗ୍ରାମରେ ଏହା ଜରୁରୀ ଅବତରଣ କରୁଥିବାବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲା । ହେଲିକପ୍ଟରଟି ଖସିପଡ଼ିବା ପରେ ସ୍ଥାନୀୟ ଲୋକେ ପହଞ୍ଚି ଦୁଇ ପାଇଲଟଙ୍କୁ ଉଦ୍ଧାର କରିଥିଲେ।