ନୂଆଦିଲ୍ଲୀ: ଭାରତୀୟ କ୍ରିକେଟ ବୋର୍ଡର ଅଧ୍ୟକ୍ଷ ସୌରଭ ଗାଙ୍ଗୁଲି ସୁସ୍ଥ ହୋଇ ହସ୍ପିଟାଲରୁ ଘରକୁ ଫେରିଛନ୍ତି । ଗାଙ୍ଗୁଲିଙ୍କ କୋଭିଡ ରିପୋର୍ଟ ପଜିଟିଭ ଆସିବା ପରେ କୋଲକାତାର ବୁଡଲେଣ୍ଡ ହସ୍ପିଟାଲରେ ଚିକିତ୍ସିତ ହେଉଥିଲେ । ୩ ଜଣିଆ ଡାକ୍ତରୀ ଟିମ ତାଙ୍କ ଉପରେ ନଜର ରଖିଥିଲେ । ତାଙ୍କ ନମୁନା ଜିନୋମ ସିକ୍ୱେନ୍ସିଂ ପାଇଁ ପଠାଯାଇଥିଲା । ହେଲେ ଏଥିରେ ଓମିକ୍ରନ ନଥିବା ସ୍ପଷ୍ଟ ହୋଇଥିଲା । ବର୍ତ୍ତମାନ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ଡେଲଟା ପ୍ଲସ ଭ୍ୟାରିଆଣ୍ଟରେ ସଂକ୍ରମିତ ଥିବା ସୂଚନା ମିଳିଛି ।
ଗୃହବନ୍ଦୀ ଘଟଣା: ପ୍ରିୟଦର୍ଶିନୀ ମାର୍କେଟ ଅଞ୍ଚଳରେ ଲାଗିଲା ୧୪୪ ଧାରା
ଭୁବନେଶ୍ୱର: ଜମିବାଡ଼ି ବିବାଦକୁ ନେଇ ରାଜଧାନୀରେ ଜଣେ ପରିବାରକୁ ଗୃହବନ୍ଦୀ ଘଟଣା । ସିଆରପି ପ୍ରିୟଦର୍ଶିନୀ ମାର୍କେଟ ଅଞ୍ଚଳରେ ଲାଗିଲା ୧୪୪ ଧାରା । ଘଟଣା ସ୍ଥଳରେ ଏସିପି ପହଞ୍ଚି ଘଟଣାର ଅନୁଧ୍ୟାନ କରୁଛନ୍ତି । ଜମି ବାଡି ବିବାଦକୁ ନେଇ ନିଜ ଘରେ ବନ୍ଦୀ ହୋଇ ରହିଛନ୍ତି ମାଆପୁଅ । ୭ଦିନ ହେଲା ୭୬ବର୍ଷୀୟା ବୃଦ୍ଧା ଓ ତାଙ୍କ ପୁଅଙ୍କୁ ବନ୍ଦୀ କରିଛନ୍ତି ଦୁର୍ବୃତ୍ତ । ମାଆପୁଅଙ୍କୁ ବାହାରପଟୁ ତାଲା ପକାଇଦିଆଯାଇଛି । ବନ୍ଦୀ ବୃଦ୍ଧା ହେଲେ ୭୬ ବର୍ଷୀୟ ଅନସୂୟା ମହାନ୍ତି ।
ସେମାନେ ରହୁଥିବା ଏକ ୩ ମହଲା କୋଠାରେ ଜମିବାଡ଼ି ବିବାଦକୁ ନେଇ ଆଉ ଜଣେ ବ୍ୟକ୍ତି ଘରେ ତାଲା ପକାଇଦେଇଥିବା ଅଭିଯୋଗ ହୋଇଛି । ଘରର ପଟ୍ଟା ଅନସୂୟା ମହାନ୍ତି ଓ ତାଙ୍କ ସ୍ବାମୀଙ୍କ ନାଁରେ ଥିବା ବେଳେ ୪ଜଣ ବ୍ୟକ୍ତି ସମ୍ପତ୍ତି ହଡ଼ପ କରିବାକୁ ଯୋଜନା କରୁଥିବା ବୃଦ୍ଧାଙ୍କ ପୁଅ ଅଭିଯୋଗ କରିଛନ୍ତି । ଏନେଇ କୋର୍ଟରେ ମାମଲା ମଧ୍ୟ ଚାଲିଛି । କୋର୍ଟରେ ମାମଲା ବିଚାରାଧୀନ ଥିବାରୁ ପୋଲିସ ଘର ସମ୍ମୁଖରେ ନିୟୋଜିତ ହୋଇଛନ୍ତି ।
ହେଲେ ପୋଲିସକୁ ଖାତିର ନକରି କିଛି ଲୋକ ବନ୍ଦୀ କରି ରଖିଥିବା ଅଭିଯୋଗ ହୋଇଛି । ପୂର୍ବରୁ ପୋଲିସ ଆସି ତାଲା ଭାଙ୍ଗିଥିଲେ ମଧ୍ୟ ଆଉ ଥରେ ତାଲା ପକାଇଦିଆଯାଇଛି । ଫଳରେ ୭ଦିନ ହେଲା ବନ୍ଦ ଘରେ ରହିଆସୁଛନ୍ତି ମାଆ ପୁଅ । ଏଭଳି ପରିସ୍ଥିତିରେ ଉଦ୍ଧାର କରିବାକୁ ପୋଲିସକୁ ବୃଦ୍ଧା ମାଆ ଓ ତାଙ୍କ ପୁଅ ନିବେଦନ କରିଛନ୍ତି । ସେପଟେ ବ୍ୟାକଗ୍ରାଉଣ୍ଡରେ କେହି ବାବା ଥିବା ନେଇ ଚର୍ଚ୍ଚା ହେଉଛି ।
ଅରୁଣାଚଳ ପ୍ରଦେଶ ସୀମାରେ ଚୀନ ସେନାକୁ ଘଉଡ଼ାଇଲେ ଭାରତୀୟ ଯବାନ
ଇଟାନଗର: ସୀମାରେ ବଢ଼ୁଛି ଚୀନର ଗତିବିଧି । ଦାବି ଅନୁସାରେ, ନିକଟରେ ବୁମ ଲା (ଦର୍ରା)ରେ ଚୀନ ସେନା ସହ ଭାରତୀୟ ଯବାନ ମୁହାଁମୁହିଁ ହୋଇଛନ୍ତି । ଭାରତୀୟ ସେନାର କଡ଼ ଜବାବ ପରେ ଚୀନ ସେନା ପଛକୁ ହଟିଛି । ଏବେ ସେହି ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । ତେବେ, ଭାରତୀୟ ସେନା ପକ୍ଷରୁ ଏନେଇ ଅଧିକାରୀକ ଭାବେ କୌଣସି ସୂଚନା ଦିଆଯାଇ ନାହିଁ ।
ଦାବି ଅନୁସାରେ, ଏହି ଭିଡିଓଟି ଅରୁଣାଚଳ ପ୍ରଦେଶ ବୁମ୍ ଲା ନିକଟରେ ଉଠାଯାଇଛି । ୧୯୬୨ ଯୁଦ୍ଧ ସମୟରେ ଏହି ଅଞ୍ଚଳରେ ଭାରତୀୟ ଓ ଚୀନ ଯବାନଙ୍କ ମଧ୍ୟରେ ଭୀଷଣ ଯୁଦ୍ଧ ହୋଇଥିଲା । ଏବେ ଏହି ଅଞ୍ଚଳର ସୁରକ୍ଷା ପାଇଁ ୨୪ ଘଣ୍ଟା ଭାରତୀୟ ଯବାନ ଓ ଆଇଟିବିପି ଯବାନ ନିୟୋଜିତ ଅଛନ୍ତି । ଭିଡିଓରେ ଏକ ଛୋଟ ନଦୀର ଏପଟେ ଭାରତୀୟ ଯବାନ ଅନ୍ୟପଟେ ଚୀନ ସୈନିକ କଥା ହେଉଥିବା ଦେଖାଯାଉଛି ।
Interception Of Chinese PLAGF Troops By Indian Army Near Bum La, Arunchal Pradesh..🇮🇳⚡️🇨🇳 pic.twitter.com/tmeVftpKXQ
— 𝐊𝐔𝐍𝐀𝐋 𝐁𝐈𝐒𝐖𝐀𝐒 (@Kunal_Biswas707) December 31, 2021
ଭିଡିଓରେ ଭାରତୀୟ ସେନାର ଜଣେ ଯବାନ ଚୀନ ସେନାକୁ ଇଂରାଜୀରେ କହୁଛନ୍ତି, ‘ଆମେ ଯଥାସ୍ଥିତି ରଖିବାରେ ବିଶ୍ୱାସ କରୁ । ଆପଣ ମଧ୍ୟ ସେହିଭଳି କରନ୍ତୁ । ବୁଝନ୍ତୁ… ? ଚୀନ ଯବାନ କହୁଛନ୍ତି, ‘ହଁ… ହଁ… ମୁଁ ବୁଝୁଛି ।’
ତେବେ ଏହି ଭିଡିଓଟି କେବେର ଜଣାପଡ଼ିନାହିଁ । ତେବେ ଦାବି କରାଯାଉଛି, ଏହି ଭିଡିଓଟି ନିକଟରେ ଉତ୍ତୋଳନ କରାଯାଇଛି । କିଛିଦିନ ତଳେ ଚୀନ ଅରୁଣାଚଳ ପ୍ରଦେଶର ୧୫ଟି ସ୍ଥାନରେ ଚୀନ ଅକ୍ଷର, ତିବ୍ବତୀ ଓ ରୋମନ ବର୍ଣ୍ଣମାଳାରେ ନାଁକୁ ବଦଳାଇ ଦିଆଯାଇଛି । ଏହିସବୁ ନାମ ଚୀନ ଅଧିକାରୀ ନକ୍ସା ବା ମାନଚିତ୍ରରେ କରୁଛନ୍ତି ।
ଫେବ୍ରୁଆରୀ ୧ରୁ ନୂଆ ନିୟମ ! କୋଭିଡ୍ ଟିକା ନେଇ ନଥିଲେ ଘରୁ ବାହାରିବା ମନା
ଜୟପୁର: ଦେଶରେ ବଢ଼ୁଛି କୋଭିଡ୍ ସଂକ୍ରମଣ । ସଂକଟ କାଳରେ କବଚ ସାଜିଛି କରୋନା ଟିକା । ହେଲେ କିଛି ଲୋକ ଟିକା ନେବାକୁ ନାକ ଟେକୁଛନ୍ତି । ଯେଉଁଥିପାଇଁ ଅସୁବିଧାରେ ପଡ଼ୁଛନ୍ତି ସମସ୍ତେ । କରୋନାର ନୂଆ ଭାରିଆଣ୍ଟ ଓମିକ୍ରନ କାୟା ବିସ୍ତାର କରି ଚାଲିଥିବା ବେଳେ ତଥ୍ୟ କହୁଛି ଟିକା ନେଇଥିବା ଲୋକ ବେଶି ସୁରକ୍ଷିତ । ତଥାପି ଲୋକେ ଶୁଣୁ ନାହାନ୍ତି କି ଟିକା ନେଉ ନାହାନ୍ତି । କୋଭିଡ୍ ଟିକା ନେଉ ନଥିବା ଲୋକଙ୍କୁ ବାଟକୁ ଆଣିବା ଲାଗି ନୂଆ ନିୟମ ଆଣୁଛନ୍ତି ସରକାର । କୋଭିଡ୍ ମାମଲା ବଢ଼ୁଥିବା ବେଳେ ଟିକା ନେଇ ନଥିବା ଲୋକଙ୍କ ପାଇଁ ଲାଗୁ ହେବ କଡ଼ା ନିୟମ ।
ରାଜସ୍ଥାନରେ ବଢ଼ୁଥିବା କୋଭିଡ୍ ସଂକ୍ରମଣ ସ୍ଥିତିକୁ ଦେଖି ଅଧିକାରୀମାନଙ୍କୁ କଡ଼ା ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ଅଶୋକ ଗେହଲଟ । ରାଜସ୍ଥାନରେ ଚଳିତମାସ ଶେଷ ସୁଦ୍ଧା ସମ୍ପୂର୍ଣ୍ଣ ଜନସଂଖ୍ୟାକୁ ୨ ଡୋଜ୍ ଟିକା ଦେବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଆଉ ଯେଉଁମାନେ ଟିକା ନେବେନି ସେମାନେ ଘରେ ବନ୍ଦ ହୋଇ ରହିବେ । ଏନେଇ ସରକାର ପ୍ରସ୍ତୁତ କରୁଛନ୍ତି ନିୟମ । ମୁଖ୍ୟମନ୍ତ୍ରୀ କହିଛନ୍ତି, ଫେବ୍ରୁଆରୀ ୧ରୁ ଟିକା ନେଇ ନଥିବା ଲୋକ ଘରୁ ପଦାକୁ ବାହାରି ପାରିବେ ନାହିଁ ।
ନୂଆବର୍ଷ ପାଳନ ଉପରେ ରାଜସ୍ଥାନ ସରକାର କୌଣସି କଟକଣା ଲଗାଇ ନଥିଲେ । ଯେଉଁଥିପାଇଁ ରାଜ୍ୟସାରା ଲୋକେ ପାର୍ଟି ସହ ଭୋଜିଭାତରେ ଝୁମିଥିଲେ । କୋଭିଡ୍ କଟକଣାର ପୂରା ଧଜିଆ ଉଡ଼ିଥିଲା । ନୂଆବର୍ଷରେ କୋଭିଡ୍ କଟକଣାକୁ ବାଏଁ ବାଏଁ ଉଡ଼ାଇ ଦେଇଥିବା ରାଜସ୍ଥାନ ସଂକ୍ରମଣ ମାମଲା ବଢ଼ିବା ପରେ ପୁଣି ଆକ୍ସନକୁ ଆସିଛି । ଶନିବାର ଗୋଟିଏ ଦିନରେ ରାଜ୍ୟରେ ଡେଲ୍ଟା ଓ ଓମିକ୍ରନର ପ୍ରାୟ ୨୦୦ ମାମଲା ସାମ୍ନାକୁ ଆସିଛି ।
ରାଜସ୍ଥାନରେ ଶନିବାର ୫୨ ଜଣ ଓମିକ୍ରନ ସଂକ୍ରମିତ ଚିହ୍ନଟ ହୋଇଛନ୍ତି । ୫୨ ଜଣଙ୍କ ମଧ୍ୟରୁ ୯ ଜଣ ବିଦେଶ ଫେରନ୍ତା ଅଛନ୍ତି । ଏଥିସହ ରାଜ୍ୟରେ ମୋଟ ଓମିକ୍ରନ୍ ମାମଲା ୧୨୧କୁ ବୃଦ୍ଧି ପାଇଛି । ବଢ଼ୁଥିବା ସଂକ୍ରମଣକୁ ଦେଖି ସରକାର ସଜାଗ ହେବା ସହ ଉଲ୍ଲଂଘନକାରୀଙ୍କ ଉପରେ କାର୍ଯ୍ୟାନୁଷ୍ଠାନ ପାଇଁ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି ।
‘ସଭିଙ୍କ ସୁରକ୍ଷା ଆମର ପ୍ରତିବଦ୍ଧତା ଓ ପ୍ରତିଶ୍ରୁତି’
ଭୁବନେଶ୍ୱର: ନୂଆ ବର୍ଷରେ ନୂଆ ଡିଜିପିଙ୍କ ଅଭିନନ୍ଦନ । ରାଜ୍ୟବାସୀଙ୍କୁ ଅଭିନନ୍ଦନ ଜଣାଇଲେ ନୂଆ ପୋଲିସ ଡିଜି ସୁନୀଲ କୁମାର ବଂଶଲ । ଭିଡ଼ିଓ ବାର୍ତ୍ତା ମାଧ୍ୟମରେ ନବବର୍ଷର ଅଭିନନ୍ଦନ ଓ ପୋଲିସ ବିଭାଗର ଆଗାମୀ କାର୍ଯ୍ୟପନ୍ଥା ବିଷୟରପେ ଉଲ୍ଲେଖ କରିଛନ୍ତି ନବ ନିଯୁକ୍ତ ଡିଜିପି । ବିଗତ ଦିନରେ ପୋଲିସ ବିଭାଗ ନିସ୍ୱାର୍ଥପର ଭାବେ ରାଜ୍ୟବାସୀଙ୍କୁ ସେବା ଯୋଗାଇ ଆସିଛି । ଆଗାମୀ ଦିନରେ ମଧ୍ୟ ସେହିଭଳି ଭାବେ କାର୍ଯ୍ୟ ଆଗକୁ ନେବା ପାଇଁ ପୋଲିସ ପକ୍ଷରୁ ଉଦ୍ୟମ ଜାରି ରହିବ ।
ଡିଜିପି କହିଛନ୍ତି ନିଃସହାୟ ପାଇଁ ସବୁବେଳେ ସାହା ହେବ ପୋଲିସ । ସମସ୍ତଙ୍କ ସୁରକ୍ଷା ଆମର ପ୍ରତିବଦ୍ଧତା ଓ ପ୍ରତିଶ୍ରୁତି । ଜନତାଙ୍କ ନିକଟରେ ଆମେ ପୂରା ସମର୍ପିତ ହେବୁ । ଏହି ନୂଆ ବର୍ଷରେ ଅପରାଧ ଦୁନିଆ ପାଇଁ କଡା ଚେତାବନୀ ଦେଇଛନ୍ତି ଡିଜିପି । ଅପରାଧୀ ମାନଙ୍କୁ କୌଣସି ସମୟରେ କ୍ଷମା ଦିଆଯିବ ନାହିଁ, ଗିରଫ କରାଯିବ ବୋଲି କହିଛନ୍ତି ପୋଲିସ ଡିଜି ସୁନୀଲ ବଂଶଲ । କରୋନା ମହାମାରୀ ସମୟରେ ବି ସମସ୍ତଙ୍କୁ ସର୍ବଶ୍ରେଷ୍ଟ ସେବା ଯୋଗାଇବାକୁ ପ୍ରତିଶ୍ରୁତି ଦେଇଛନ୍ତି ସୁନିଲ ବଂଶଲ ।
ଜାନୁଆରୀରେ ସୂର୍ଯ୍ୟଙ୍କ ଭଳି ଚମକିବ ଏହି ରାଶିର ବ୍ୟକ୍ତିଙ୍କ ଭାଗ୍ୟ…
ଭୁବନେଶ୍ୱର: ପୁରୁଣା ବର୍ଷକୁ ବିଦାୟ ଦେଇ ଆରମ୍ଭ ହୋଇଛି ୨୦୨୨ର ନବବର୍ଷ। ଏହି ନୂଆବର୍ଷକୁ ଆନନ୍ଦ ଉଲ୍ଲାସର ସହ ସ୍ୱାଗତ କରିଛନ୍ତି ଜନ ସାଧାରଣ। ଏଥିସହ ନୂତନ ବର୍ଷ ଜୀବନରେ ଖୁସି ଓ ଉନ୍ନତି ଆଣିଦେବ ବୋଲି କାମନା କରିଛନ୍ତି ସଭିଁଏ । ତେବେ ସମସ୍ତଙ୍କ ଜୀବନରେ ଗ୍ରହ ନକ୍ଷତ୍ର ତଥା ଜ୍ୟୋତିଷ ଶାସ୍ତ୍ରର ଅନେକ ମହତ୍ୱ ରହିଛି। ତେବେ ଆସନ୍ତୁ ଜାଣିବା ଜାନୁଆରୀ ମାସର ପ୍ରଥମ ସପ୍ତାହ ଆପଣଙ୍କ ଜୀବନରେ କିଭଳି ପ୍ରଭାବ ପକାଇବ…
ବୃଷ ରାଶି-
ଏହି ରାଶିର ବ୍ୟକ୍ତିଙ୍କ ପାଇଁ ଜାନୁଆରୀର ପ୍ରଥମ ସପ୍ତାହ ବହୁତ ଶୁଭ ରହିବ । ଏମାନଙ୍କର କାର୍ଯ୍ୟ ପ୍ରତି ଉତ୍ସାହ ରହିବା ସଙ୍ଗେସଙ୍ଗେ ଧାର୍ମିକ କାର୍ଯ୍ୟ ପ୍ରତି ଆଗ୍ରହ ବଢିବ। ଜୀବନରେ ମା‘ଙ୍କ ସମର୍ଥନ ପାଇବେ| ଚାକିରିରେ ପରିବର୍ତ୍ତନ ହେବାର ସମ୍ଭାବନା ଅଛି |
କନ୍ୟା ରାଶି-
ବ୍ୟବସାୟ ବିସ୍ତାରର ଯୋଜନା କରିବେ। ପରିବାରରେ ମାଙ୍ଗଳିକ କାର୍ଯ୍ୟର ଯୋଗ ରହିଛି। ଚାକିରିର ପରିବର୍ତ୍ତନ ସହିତ ଅନ୍ୟ ସ୍ଥାନକୁ ଯିବାକୁ ପଡିପାରେ। ଯାନବାହାନ କିଣାକିଣି କରିପାରନ୍ତି ।
ତୁଳା ରାଶି-
ଏହି ରାଶିର ବ୍ୟକ୍ତିବିଶେଷ ଚଳିତ ବର୍ଷ ଆତ୍ମ ବିଶ୍ୱାସରେ ଭରପୂର ରହିବେ। କାର୍ଯ୍ୟ କ୍ଷେତ୍ରରେ ପରିବର୍ତ୍ତନର ସମ୍ଭାବନା ରହିଥିବା ବେଳେ ଜୀବନ ସାଥୀଙ୍କ ସହ ମନୋମାଳିନ୍ୟ ହୋଇପାରେ। ପରିଶ୍ରମ ଅନୁଯାୟୀ କର୍ମକ୍ଷେତ୍ରରେ ଫଳ ମିଳିବ ।
ମୀନ ରାଶି-
ଏହି ରାଶିର ବ୍ୟକ୍ତିଙ୍କ ଭାଗ୍ୟ ଉଜ୍ବଳ ରହିଛି । ଆୟ ବୃଦ୍ଧି ହେବାର ସମ୍ଭାବନା ରହିଛି। ପରିବାରର ଭରପୂର ସହଯୋଗ ମିଳିବ। କିନ୍ତୁ ବସ୍ତ୍ର କିଣାକିଣିରେ ଅଧିକ ଖର୍ଚ୍ଚ ହେବ। ଚାକିରି କ୍ଷେତ୍ରରେ ପରିବର୍ତ୍ତନର ସମ୍ଭାବନା ରହିଛି ।
୭ଦିନ ହେଲା ମାଆ-ପୁଅଙ୍କୁ ଗୃହବନ୍ଦୀ ରଖିଛନ୍ତି ଦୁର୍ବୃତ୍ତ
ଭୁବନେଶ୍ୱରେ: ଜମିବାଡ଼ି ବିବାଦକୁ ନେଇ ରାଜଧାନୀରେ ଅଭାବନୀୟ ଘଟଣା । ନିଜ ଘରେ ବନ୍ଦୀ ହୋଇରହିଛନ୍ତି ମାଆ ପୁଅ । ୭ଦିନ ହେଲା ୭୬ବର୍ଷୀୟା ବୃଦ୍ଧା ଓ ତାଙ୍କ ପୁଅଙ୍କୁ ବନ୍ଦୀ କରିଛନ୍ତି ଦୁର୍ବୃତ୍ତ । ଭୁବନେଶ୍ୱର ସିଆରପି ଛକ ସ୍ଥିତ ପ୍ରିୟଦର୍ଶିନୀ ମାର୍କେଟ ପଛପଟର ଏକ ଘରେ ମାଆ ପୁଅଙ୍କୁ ବାହାରପଟୁ ତାଲା ପକାଇଦିଆଯାଇଛି । ବନ୍ଦୀ ବୃଦ୍ଧା ହେଲେ ୭୬ବର୍ଷୀୟ ଅନୁସୂୟା ମହାନ୍ତି । ସେମାନେ ରହୁଥିବା ଏକ ୩ ମହଲା କୋଠାରେ ଜମିବାଡ଼ି ବିବାଦକୁ ନେଇ ଆଉ ଜଣେ ବ୍ୟକ୍ତି ଘର ଫାଟକରେ ତାଲା ପକାଇଦେଇଥିବା ଅଭିଯୋଗ ହୋଇଛି ।
ଘରର ପଟ୍ଟା ଅନୁସୂୟା ମହାନ୍ତି ଓ ତାଙ୍କ ସ୍ବାମୀଙ୍କ ନାଁରେ ଥିବା ବେଳେ ୪ଜଣ ବ୍ୟକ୍ତି ସମ୍ପତ୍ତି ହଡ଼ପ କରିବାକୁ ଯୋଜନା କରୁଥିବା ବୃଦ୍ଧାଙ୍କ ପୁଅ ଅଭିଯୋଗ କରିଛନ୍ତି । ଏନେଇ କୋର୍ଟ ମାମଲା ମଧ୍ୟ ଚାଲିଛି । କୋର୍ଟରେ ମାମଲା ବିଚାରାଧୀନ ଥିବାରୁ ପୋଲିସ ଘର ସମ୍ମୁଖରେ ନିୟୋଜିତ ହୋଇଛନ୍ତି । ହେଲେ ପୋଲିସକୁ ଖାତିର ନକରି କିଛି ଲୋକ ବନ୍ଦୀ କରି ରଖିଥିବା ଅଭିଯୋଗ ହୋଇଛି । ପୂର୍ବରୁ ପୋଲିସ ଆସି ତାଲା ଭାଙ୍ଗିଥିଲେ ମଧ୍ୟ ଆଉ ଥରେ ତାଲା ପକାଇଦିଆଯାଇଛି । ଫଳରେ ୭ଦିନ ହେଲା ବନ୍ଦ ଘରେ ରହିଆସୁଛନ୍ତି ମାଆ ପୁଅ । ଏଭଳି ପରିସ୍ଥିତିରେ ଉଦ୍ଧାର କରିବାକୁ ପୋଲିସକୁ ନିବେଦନ କରିଛନ୍ତି ବୃଦ୍ଧା ମାଆ ।
ଜାତୀୟ ପ୍ରତିଯୋଗିତାରେ ମହକିଲେ ମିଲନ କୁମାରୀ
ଭୁବନେଶ୍ୱର: ଜାତୀୟ ଇଭେଣ୍ଟରେ ପୁଣି ଚମକିଲେ ଓଡ଼ିଆ ଝିଅ । ମିସ୍ ଟିନ୍ ଡିଭା ପ୍ରତିଯୋଗିତାରେ ପ୍ରଥମ ରନର୍ସଅପ୍ ଟାଇଟଲ ହାସଲ କରିଛନ୍ତି ମିଲନ କୁମାରୀ ପଣ୍ଡା । ଡିସେମ୍ବର ୨୧ ତାରିଖରୁ ୨୯ ତାରିଖ ପର୍ଯ୍ୟନ୍ତ ଜୟପୁର ଏବଂ ଦିଲ୍ଲୀରେ ଏହି ପ୍ରତିଯୋଗିତା ଚାଲିଥିଲା। ଏହି ପ୍ରତିଯୋଗିତାରେ ଦେଶର ବିଭିନ୍ନ ରାଜ୍ୟରୁ ୩୬ ଜଣ ପ୍ରତିଯୋଗୀ ଭାଗନେଇଥିଲେ।
ପ୍ରତିଯୋଗିତାରେ ମୋଟ ୫ଟି କାଟାଗୋରୀରେ ପ୍ରତିଦ୍ୱନ୍ଦିତା ହୋଇଥିଲା। ମିସ ଟିନା ଡିଭାରେ ପ୍ରଥମ ରନର୍ସ ଅପ ହୋଇଛନ୍ତି ମିଲନ କୁମାରୀ ପଣ୍ଡା । ସେପଟେ ଜାତୀୟ ପ୍ରତିଯୋଗିତାରେ ସଫଳତା ପାଇବା ପରେ ନିଜ ପରିବାର ଲୋକଙ୍କୁ ଧନ୍ୟବାଦ ଦେବା ସହ ଇଭେଣ୍ଟର ଅଭିଜ୍ଞତା ବାଣ୍ଟିଛନ୍ତି ମିଲନ୍।
ସାରା ଅଲ୍ଲୀଙ୍କୁ ବାଇକରେ ବୁଲାଇ ଫସିଲେ ଭିକି କୌଶଲ
ଇନ୍ଦୋର: ବାଇକରେ ବୁଲାଇ ଫସିଲେ ଭିକି । ଅଭିନେତ୍ରୀ ସାରା ଅଲ୍ଲୀ ଖାନଙ୍କୁ ବାଇକରେ ବସାଇ ବୁଲାଇବା ଅଭିନେତା ଭିକି କୌଶଲଙ୍କୁ ମହଙ୍ଗା ପଡ଼ିଛି । ସାରା, ଭିକିଙ୍କୁ ଯେଉଁ ବାଇକରେ ବସି ବୁଲାଉଥିଲେ ତାର ନମ୍ବର ଏକ ଆକ୍ଟିଭାର ଥିଲା । ସୋସିଆଲ୍ ମିଡିଆରେ ସୁଟିଂର ଫଟୋ ଭାଇରାଲ୍ ପରେ ନମ୍ବରର ପ୍ରକୃତ ମାଲିକ ପୋଲିସର ଅଭିଯୋଗ କରିଛନ୍ତି ।
ଭିକି ଓ ସାରା ଇନ୍ଦୋରରେ ଲୁକାଛିପି-୨ ଫିଲ୍ମର ସୁଟିଂ କରୁଛନ୍ତି । ଏହି ସିନକୁ ଭିକି କୌଶଲ ଓ ଫିଲ୍ମ ନିର୍ଦ୍ଦେଶକଙ୍କ ସମସ୍ୟା ବଢ଼ିବାରେ ଲାଗିଛି । ଆକ୍ଟିଭାର ନମ୍ବର ବ୍ୟବହାର ନେଇ ଆରଟିଓରେ ମଧ୍ୟ ଅଭିଯୋଗ ହୋଇଛି । ଆରଟିଓ ମଧ୍ୟ ଏହାକୁ ବେଆଇନ୍ କହିଛି । ଯାଞ୍ଚ ପରେ ଆଗକୁ କାର୍ଯ୍ୟାନୁଷ୍ଠାନ ନିଆଯିବ ବୋଲି କୁହାଯାଇଛି ।
ସୋସିଆଲ୍ ମିଡିଆରେ ଫଟୋ ଭାଇରାଲ୍ ପରେ ନମ୍ବରର ପ୍ରକୃତ ମାଲିକ ଜୟ ସିଂହ ଯାଦବ ଚିନ୍ତିତ ହୋଇ ପଡ଼ିଛନ୍ତି । ତାଙ୍କ କହିବା ଅନୁସାରେ ସେ ନେଇ କିଛି ଜଣା ନାହିଁ । ମୋ ନମ୍ବର ଫିଲ୍ମ ସୁଟିଂ ଗାଡ଼ିରେ କେମିତି ଲାଗିଲା ବୋଲି ସେ ପ୍ରଶ୍ନ କରିଛନ୍ତି । ବାଇକରେ ନମ୍ବର ଲାଗିଥିବା ବେଳେ ଦୁର୍ଘଟଣା ହୋଇଥିଲେ କିଏ ଦାୟୀ ହୋଇଥାନ୍ତା ?
ଇନ୍ଦୋର ଆରଟିଓ ଜିତେନ୍ଦ୍ର ରଘୁବଂଶୀଙ୍କ ଅନୁସାରେ, ଏମିତି କରିବା ଭୁଲ୍ ଅଟେ । କୌଣସି ବି ଗାଡ଼ିର ନମ୍ବର ଅନ୍ୟ କେହି ଚାହିଁଲେ ବି ବ୍ୟବହାର କରିପାରିବ ନାହିଁ । ଗାଡ଼ିର ମାଲିକ ସହମତି ଦେଲେ ମଧ୍ୟ ବ୍ୟବହାର ହୋଇପାରିବ ନାହିଁ । ଏନେଇ ଅଭିଯୋଗ ହୋଇଥିବା ବେଳେ ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ।
ବ୍ରଜରାଜନଗର ଆସନ ଖାଲି, କିଶୋରଙ୍କୁ ମନେ ପକାଇଲେ ବାଚସ୍ପତି
ଭୁବନେଶ୍ୱର: ବ୍ରଜରାଜନଗର ବିଜେଡି ବିଧାୟକ ସ୍ୱର୍ଗତ କିଶୋର ମହାନ୍ତିଙ୍କ ପରଲୋକ ପରେ ଆସନ ଖାଲି ନେଇ ବିଧାନସଭା ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଏ ନେଇ ସୂଚନା ଦେଇ ବାଚସ୍ପତି ସୂର୍ଯ୍ୟନାରାୟଣ ପାତ୍ର କହିଛନ୍ତି ସ୍ୱର୍ଗତଃ ମହାନ୍ତି ଜଣେ ଜନପ୍ରତିନିଧି ଭାବେ ଅନେକ ସୁନାମ ଅର୍ଜନ କରିଥିଲେ । ସେ ବିଧାନସଭାର ବାଚସ୍ପତି ଭାବେ ଦାୟିତ୍ୱ ତୁଲାଇବା ସହ ରାଜ୍ୟସଭାର ସାଂସଦ ଥିଲେ ।
ଏଥି ସହ ବିଧାୟକ ଭାବେ ସେ ଅନେକ ସମୟରେ ଲୋକଙ୍କ କଥା ଗୃହରେ ଉପସ୍ଥାପନା କରୁଥିଲେ । ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ଦାୟିତ୍ୱ ତୁଲାଇଥିଲେ କିଶୋର । ହୀରାକୁଦ ବିସ୍ଥାପିତଙ୍କ ହକ୍ ପାଇଁ ସେ ଲଢ଼େଇ କରିଆସିଥିଲେ । ତାଙ୍କ ପରଲୋକରେ ବ୍ରଜରାଜନଗର ବିଧାନସଭା ନିର୍ବାଚନମଣ୍ଡଳୀ ଆସନଟି ଖାଲି ହେବା ନେଇ ଭାରତୀୟ ନିର୍ବାଚନ କମିସନ, ରାଜ୍ୟ ନିର୍ବାଚନ ଅଧିକାରୀ, ବିଧାନସଭାର ସମସ୍ତ ସଦସ୍ୟ ଓ ରାଜ୍ୟ ସରକାରଙ୍କୁ ଅବଗତ କରାଯାଇଛି ।