ନ୍ୟୁଜିଲାଣ୍ଡଠାରୁ ହାରିବା ସହ ଟିମ୍ ଇଣ୍ଡିଆର ୪ ଲଜ୍ଜାଜନକ ରେକର୍ଡ
ନନ୍ଦିଘୋଷ ବ୍ୟୁରୋ: ଚତୁର୍ଥ ଦିନିକିଆରେ ନ୍ୟୁଜିଲାଣ୍ଡଠାରୁ ଭାରତ ୨୪୪ ରନରେ ପରାସ୍ତ ହୋଇଛି । ଯାହା ଭାରତୀୟ କ୍ରିକେଟ ପ୍ରଂଶସକଙ୍କ ସମେତ ସାରା ବିଶ୍ବର କ୍ରିକେଟ ପ୍ରେମୀଙ୍କୁ କେବଳ ଝଟକା ଦେଇନାହିଁ, ବରଂ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ରୋହିତ ଶର୍ମା, ବିରାଟ କୋହଲି, ଋତୁରାଜ ଗାୟକଓ୍ବାଡ, ଇଶାନ କିଷନ, ଅଧିନାୟକ ଶ୍ରେୟସ ଆୟରଙ୍କ ପରି ଖେଳାଳି ରହିବି ଟିମ୍ ୧୦୦ ରନ୍ ବି କରିପାରିଲାନି । ଦଳ ମାତ୍ର ୮୯ ରନ୍ କରି ଅଲ୍ ଆଉଟ ହୋଇଗଲା । ଏହାସହ ଏହି ପରାଜୟ ପରେ ଟିମ୍ ଇଣ୍ଡିଆ ୪ଟି ଲଜ୍ଜାଜନକ ରେକର୍ଡ ବି ନିଜ ନାଁରେ କରିଛି ।
ରେକର୍ଡ ନମ୍ବର ୧
SENA (ଦକ୍ଷିଣ ଆଫ୍ରିକା, ଇଂଲଣ୍ଡ, ନ୍ୟୁଜିଲାଣ୍ଡ ଓ ଅଷ୍ଟ୍ରେଲିଆ) ଗସ୍ତରେ ଭାରତର ସବୁଠାରୁ ବଡ଼ ପରାଜୟ । ଏହା ପୂର୍ବରୁ ଭାରତ ୨୦୦୪ରେ ସିଡନୀରେ ୨୦୮ ରନରେ ପରାଜିତ ହୋଇଥିଲା ।
ରେକର୍ଡ ନମ୍ବର ୨
ଭାରତୀୟ ଟିମ୍ ପ୍ରଥମ ଥର ଗୋଟିଏ ବର୍ଷରେ ଦିନିକିଆ ଓ ଟି-୨୦ରେ ୧୦୦ରୁ କମ ରନରେ ଅଲଆଉଟ ହୋଇଛି । ଗୁରୁତ୍ବପୂର୍ଣ୍ଣ କଥା ହେଲା ଉଭୟ ଫର୍ମାଟରେ ଅଧିନାୟକ ଶ୍ରେୟସ ଆୟର ଥିଲେ ।
ରେକର୍ଡ ନମ୍ବର ୩
ନ୍ୟୁଜିଲାଣ୍ଡରେ ଭାରତର ଏହା ସବୁଠାରୁ କମ ସ୍କୋର । ପୂର୍ବରୁ ୨୦୧୦ରେ ଟିମ୍ ୮୮ ରନରେ ପରାସ୍ତା ହୋଇଥିଲା ।
ରେକର୍ଡ ନମ୍ବର ୪
ଶ୍ରେୟସ ଆୟର ଦିନିକିଆରେ ଅଧିନାୟକ ଭାବେ ଡେବ୍ୟୁ କରି ଶୂନ୍ୟରେ ଆଉଟ୍ ହେବାରେ ପ୍ରଥମ ଭାରତୀୟ ବନିଛନ୍ତି । ପୂର୍ବରୁ ବିରାଟ ଓ କୋହଲିଙ୍କ ନାଁରେ ଏହି ରେକର୍ଡ ଥିଲା । ଉଭୟ ନିଜ କପ୍ତାନୀ ଡେବ୍ୟୁ ମ୍ୟାଚରେ ୨ ରନ୍ ଲେଖାଏଁ କରି ଆଉଟ୍ ହୋଇଥିଲେ ।
