ଭୁବନେଶ୍ୱର: ତ୍ରିସ୍ତରୀୟ ପଞ୍ଚାୟତ ବ୍ୟବସ୍ଥାରେ ଆଜି ଜିଲ୍ଲା ପରିଷଦ ସଭାପତି ପଦ ପାଇଁ ନିର୍ବାଚନ ଅନୁଷ୍ଠିତ ହେବ । ଚଳିତ ପଞ୍ଚାୟତ ନିର୍ବାଚନରେ ୮୫୨ ଆସନରୁ ଶାସକ ବିଜେଡି ଏକାକି ୭୬୬ ଆସନ ନେଇଥିବା ବେଳେ, ବିଜେପି ୪୨ ଓ କଂଗ୍ରେସ ୩୭ ଆସନ ପାଇଛି । ସଂଖ୍ୟା ଦୃଷ୍ଠିରୁ ସବୁ ଜିଲ୍ଲାରେ ବିଜେଡି ଜିଲ୍ଲା ପରିଷଦ ସଭାପତି ଆସନ ହାତେଇବା ଜଣାପଡ଼ିଛି । ଚଳିତ ଥର ଜିଲ୍ଲା ପରିଷଦ ସଭାପତି ନିର୍ବାଚନରେ ଦଳ ବିରୋଧ ଆଇନ ଲାଗୁ ହେଉଥିବାରୁ ଦଳୀୟ ଚିହ୍ନରେ ଲଢି ନିର୍ବାଚିତ ହୋଇଥିବା ଜିଲ୍ଲା ପରିଷଦ ସଭ୍ୟମାନେ ଦଳୀୟ ପ୍ରାର୍ଥୀଙ୍କୁ ଭୋଟ୍ ନିଜ ଦଳର ପ୍ରତିନିଧିଙ୍କୁ ଦେଖାଇ ଦେବେ । ତେବେ ସଂଖ୍ୟା ଦୃଷ୍ଟିରୁ ସବୁ ଜିଲ୍ଲାରେ ବିଜେଡି ବହୁମତ ପାଇଥିବାରୁ ନିର୍ବାଚନ ହେବାର ଆଶା କମ୍ ରହିଛି । ୧୦ଟାରୁ ନିର୍ବାଚନ ପ୍ରକ୍ରିୟା ଆରମ୍ଭ ହେବା ଏବଂ ୧.୩୦ରୁ ୪ଟା ମଧ୍ୟରେ ନିର୍ବାଚନ ଅନୁଷ୍ଠିତ ହେବ ।
ପୁରୀ ଜିଲ୍ଲାରେ ବନୀକରଣ ପ୍ରକଳ୍ପର ସମୀକ୍ଷା କଲେ ମୁଖ୍ୟ ଶାସନ ସଚିବ
ପୁରୀ: ବାତ୍ୟା ନିରୋଧି ବନୀକରଣ ସଘନ କରିବାକୁ ମୁଖ୍ୟ ଶାସନ ସଚିବଙ୍କ ନିର୍ଦ୍ଦେଶ । ପୁରୀ ଜିଲ୍ଲା ଗସ୍ତ ଅବସରରେ ଆଜି ଜିଲ୍ଲାରେ ଚାଲିଥିବା ବନୀକରଣ ପ୍ରକଳ୍ପର ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର । ପୁରୀ ଏକ ଉପକୂଳବର୍ତ୍ତି ଜିଲ୍ଲା ହୋଇଥିବାରୁ ବାତ୍ୟା ନିରୋଧି ବନୀକରଣ ସଘନ କରିବାକୁ ବୃକ୍ଷରୋପଣ ନିମନ୍ତେ ପରାମର୍ଶ ଦେଇଛନ୍ତି । ଅସ୍ତରଙ୍ଗ ଓ କାକଟପୁର ସମେତ ଜିଲ୍ଲାର ସମସ୍ତ ସମୁଦ୍ର କୂଳିଆ ଅଞ୍ଚଳ, ବନଖଣ୍ତ, ଅଭୟାରଣ୍ୟ, ପୁରୀ- କୋଣାର୍କ ମେରାଇନ ଡ୍ରାଇଭ ରୋଡ, ନୂଆ ମୁହାଣ ଅଞ୍ଚଳ, ପୁରୀ-ସାତପଡା ଓ ଜାତୀୟ ରାଜପଥ ଏବଂ ଜିଲ୍ଲାର ଅନ୍ୟାନ୍ୟ ସହରାଞ୍ଚଳରେ ବୃକ୍ଷରୋପଣ ପ୍ରକଳ୍ପର ସମୀକ୍ଷା କରିଛନ୍ତି ।
ବର, ଅଶ୍ବସ୍ତ, ଆକାଶିଆ, କାଜୁ ଓ ଝାମୁ ଗଛ ଲଗାଇବା, ମୃତ୍ତିକା କ୍ଷୟ ରୋକିବା, ବାଲିବନ୍ଧ ସୁରକ୍ଷା ଏବଂ ଅସ୍ତରଙ୍ଗର ତଣ୍ତାଘର ଅଞ୍ଚଳକୁ ସମୁଦ୍ରପାଣି ପ୍ରବେଶ ରୋକିବା ନିମନ୍ତେ କିଆବାଡ ବ୍ୟବସ୍ଥା କରିବାକୁ ମୁଖ୍ୟ ଶାସନ ସଚିବ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଛନ୍ତି । ଗତବର୍ଷ ଜିଲ୍ଲାରେ ୧ ଲକ୍ଷ ୭୮ ହଜାର ୩୭୫ ଟି ଚାରାରୋପଣ ସହ ୧୪ ହଜାର ୬୦୦ ଚାରା ବଣ୍ଟନ କରାଯାଇଛି ।
ଆସନ୍ତା ଆର୍ଥିକ ବର୍ଷରେ ୭୭୧.୧ ହେକ୍ଟର ଅଞ୍ଚଳରେ ୬ ଲକ୍ଷ ୮୫ ହଜାର ୨୫୦ ଚାରା ରୋପଣ ନିମନ୍ତେ ଲକ୍ଷ୍ୟ ରଖାଯାଇଥିବା ଜିଲ୍ଲା ବନଖଣ୍ତ ଅଧିକାରୀ ସୂଚନା ଦେଇଛନ୍ତି । ବୈଠକରେ ଜିଲ୍ଲାପାଳ ସମର୍ଥ ବର୍ମା, ଡିଏଫ୍ଓ ପି. ରମସ୍ବାମୀ, ଅତିରିକ୍ତ ଜିଲ୍ଲାପାଳ ପ୍ରଦୀପ କୁମାର ସାହୁ, ଉପ ଜିଲ୍ଲାପାଳ ଭବତାରଣ ସାହୁ, ଜଳସେଚନ ଅଧିକ୍ଷଣ ଯନ୍ତ୍ରୀ ପ୍ରଶାନ୍ତ କୁମାର ଦାସ, ୱାଟକୋ ଜେନେରାଲ ମ୍ୟାନେଜର ଶରତ ମିଶ୍ର ପ୍ରମୁଖ ଉପସ୍ଥିତ ଥିଲେ ।
ପୌର ପାଇଁ ପୋଲିସ ତତ୍ପର, ବିଶୃଙ୍ଖଳାକାରୀଙ୍କ ବିରୋଧରେ ହେବ କାର୍ଯ୍ୟନୁଷ୍ଠାନ
ଭୁବନେଶ୍ୱର: ପୌର ନିର୍ବାଚନକୁ ଶାନ୍ତି ଶୃଙ୍ଖଳାର ସହ ସାରିବାକୁ ଅଣ୍ଟାଭିଡିଲା କମିଶନରେଟ୍ ପୋଲିସ୍ । ଆସନ୍ତା ୨୪ ରେ ପୌର ନିର୍ବାଚନ । ଏହାକୁ ଦୃଷ୍ଟିରେ ରଖି ପଦକ୍ଷେପ ନେଇଛି ପୋଲିସ୍ । ୩୩ ନମ୍ବର ଓ୍ବାର୍ଡ଼ରେ ଗତକାଲି ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଥିଲା । ଏଥିରେ ଉଭୟ ପକ୍ଷରୁ କିଛି ଲୋକ ଆହତ ହୋଇଛନ୍ତି ।
ନିଜେ ଭୁବନେଶ୍ୱର ଡିସିପି ଥାନାରେ ଉପସ୍ଥିତ ରହି ଘଟଣାର ପୁଙ୍ଖାନୁପୁଙ୍ଖ ଯାଞ୍ଚ କରିଛନ୍ତି । ଯେଉଁମାନେ ଏଥିରେ ସଂପୃକ୍ତ ତୁରନ୍ତ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ ସୂଚନା ଦେଇଛନ୍ତି । ନିଶା, ଗୁଣ୍ଡାଗର୍ଦ୍ଦି, ହିଂସାକୁ ପ୍ରତିହତ କରିବା ପାଇଁ ଆଜି ହଳଦି ପଡିଆ ବସ୍ତିରେ ପୋଲିସ ପକ୍ଷରୁ ଫ୍ଲାଗମାର୍ଚ୍ଚ ମଧ୍ୟ କରାଯାଇଛି ।
କଳିଙ୍ଗରେ ଭାରତ-ଜର୍ମାନୀ କଡ଼ା ଟକ୍କର, ସୁଟ ଆଉଟ 2-1ରେ ଜିତିଲା ଜର୍ମାନୀ
ଭୁବନେଶ୍ୱର: କଳିଙ୍ଗରେ କଡା ଟକ୍କର । ସୁଟ ଆଉଟରେ ଭାରତୀୟ ମହିଳା ହକି ଟିମ ପରାସ୍ତ । ସୁଟ ଆଉଟ 2-1 ରେ ଭାରତକୁ ପରାସ୍ତ କରିଛି ଜର୍ମାନୀ । ଭୁବନେଶ୍ବର କଳିଙ୍ଗ ଷ୍ଟାଡିୟମରେ ଖେଳାଯାଇଥିବା FIH ପ୍ରୋ ଲିଗର ଆଜିର ମ୍ୟାଚରେ ନିର୍ଦ୍ଧାରିତ ସମୟ ସୁଦ୍ଧା ମ୍ୟାଚ 1-1 ରେ ଡ୍ର ରହିଥିଲା । ତେଣୁ ମ୍ୟାଚ ସୁଟ ଆଉଟକୁ ଯାଇଥିଲା । ହେଲେ ସୁଟଆଉଟରେ ଭାରତୀୟ ମହିଳା ଖେଳାଳି ନିରାଶ କରିଥିଲେ । ଉଭୟ ଟିମକୁ 5 ଟି ଲେଖାଏଁ ସୁଯୋଗ ମିଳିଥିବା ବେଳେ ଜର୍ମାନୀ 2 ଟି ଗୋଲ କରି ବାଜି ଜିତିନେଇଛି ।
ସୁଟଆଉଟରେ କେବଳ ଗୋଟିଏ ଗୋଲ ଦେଇପାରିଛି ଭାରତୀୟ ଟିମ୍ । ପ୍ରଥମେ ସୁଟଆଉଟରେ ଭାରତ ପକ୍ଷରୁ ନଭନୀତ କୌର ଗୋଟିଏ ଗୋଲ ଦେଇଥିଲେ । ତେବେ ପରବର୍ତ୍ତୀ ସମୟରେ ଆଉ କେହି ଗୋଲ ଦେବାରେ ସକ୍ଷମ ହୋଇପାରି ନାହାନ୍ତି । ସେପଟେ ଜର୍ମାନୀ ପ୍ରଥମ ଗୋଲ ମିସ୍ କରିବା ପରେ ଦ୍ବିତୀୟରେ ପାଓଲିନ୍ ଗୋଟିଏ ଗୋଲ ଦେଇଥିଲେ । ତେବେ ଏହାପରେ ଦୁଇଟି ଗୋଲ ଭାରତ ଅଟକାଇବାରେ ସକ୍ଷମ ହୋଇଥିଲା । କିନ୍ତୁ ଶେଷରେ ଶାରା ଗୋଟିଏ ଗୋଲ ଦେବା ଫଳରେ 2-1 ଗୋଲରେ ମ୍ୟାଚ ହାତେଇ ନେଇଛି ଜର୍ମାନୀ
ବୁଥରେ EVM ଅଦଳବଦଳ ନେଇ ଅଡିଓ ଭାଇରାଲ୍, ସୁପ୍ରିମକୋର୍ଟଙ୍କ ହସ୍ତକ୍ଷେପ ଲୋଡ଼ିଲେ ଅଖିଳେଶ
ଲକ୍ଷ୍ନୌ: ୫ ରାଜ୍ୟରେ ହୋଇଥିବା ନିର୍ବାଚନ ଫଳାଫଳ ପରେ ଇଭିଏମ୍ ଉପରେ ପୁଣି ପ୍ରଶ୍ନ ଉଠିଛି । ପୂର୍ବତନ ୟୁପି ମୁଖ୍ୟମନ୍ତ୍ରୀ ଏକ ଭାଇରାଲ୍ ଅଡିଓକୁ ନେଇ ପ୍ରଶ୍ନ ଉଠାଇଛନ୍ତି । ଅଖିଳେଶ ସୋସିଆଲ୍ ମିଡିଆରେ ଲେଖିଛନ୍ତି, ଇଭିଏମ୍ ବଦଳା ଯାଇଥିବା ନେଇ ଜଣେ ନିର୍ବାଚନ ଅଧିକାରୀ କାହା ସହ କଥାହେଲେ, ଯାହାର ଅଡିଓ ରେକର୍ଡିଂ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି ।
ଯାହକୁ ନେଇ ସୁପ୍ରିମକୋର୍ଟ ଓ ରାଷ୍ଟ୍ରପତିଙ୍କ ହସ୍ତକ୍ଷେପ ଲୋଡ଼ିଛନ୍ତି ଅଖିଳେଶ ଯାଦବ । ସେ କହିଛନ୍ତି, କୌଣସି ବ୍ୟକ୍ତିର ଜୀବନ ଆମ ସରକାର ପାଇଁ ଅଧିକ ମୂଲ୍ୟବାନ । ଏମିତିରେ ସରକାରଙ୍କ ଠାରୁ ଆଶା ସମ୍ପୃକ୍ତ ବ୍ୟକ୍ତିଙ୍କୁ ସୁରକ୍ଷା ଦେବେ ଏବଂ ମାମଲାର ନିରପେକ୍ଷ ଯାଞ୍ଚ କରିବେ ।
ପଞ୍ଜାବ ସହ ୫ ରାଜ୍ୟରେ ପରାଜୟ ପରେ ଚିନ୍ତାରେ ସୋନିଆ, ସିଡବ୍ଲୁସିରେ ଦେଇପାରନ୍ତି ପଦରୁ ଇସ୍ତଫା
ନୂଆଦିଲ୍ଲୀ: ୫ ରାଜ୍ୟରେ ନିର୍ବାଚନ ହାରିଲେ, ଏବେ ସମୀକ୍ଷା କରିବେ । ୟୁପି, ପଞ୍ଜାବ ସହ ୫ ରାଜ୍ୟରେ କାହିଁକି ହାରିଲା କଂଗ୍ରେସ ? ରବିବାର ସିଡବ୍ଲୁସି ବୈଠକରେ ସମୀକ୍ଷା ହେବ । ସୂତ୍ର ଅନୁସାର, ଏହି ସମୀକ୍ଷା ବୈଠକରେ ଦଳର ଅଧ୍ୟକ୍ଷା ସୋନିଆ ଗାନ୍ଧୀଙ୍କ ସହ ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଓ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ନିଜ ପଦରୁ ଇସ୍ତଫା ଦେଇପାରନ୍ତି । ଏମିତିରେ ସିଡବ୍ଲୁସିର ଅଧିକାଂଶ ସଦସ୍ୟ ଗାନ୍ଧୀ ପରିବାରର ଅନୁଗତ । ଦେଖିବାର କଥା ବୈଠକରେ ସୋନିଆ, ରାହୁଲ ଓ ପ୍ରିୟଙ୍କା ଇସ୍ତଫା ଦେଲେ ସିଡବ୍ଲୁସି କଣ ନିଷ୍ପତ୍ତି ନେଉଛି ।
ୟୁପି ନିର୍ବାଚନ ପ୍ରଚାର ଦାୟିତ୍ୱ ନିଜ ହାତରେ ରଖିଥିଲେ ପ୍ରିୟଙ୍କା । ଦଳର ଶୋଚନୀୟ ପରାଜୟ ପାଇଁ ନିଜକୁ ଦାୟୀ କରି ପ୍ରିୟଙ୍କା ମହାସଚିବ ପଦରୁ ଇସ୍ତଫା ଦେଇ ପାରନ୍ତି । କଂଗ୍ରେସର ଶୀର୍ଷ ନୀତି ନିର୍ଦ୍ଧାରଣ ସଂସ୍ଥା ହେଉଛି ସିଡବ୍ଲୁସି । ଏହା ପୂର୍ବରୁ ମଧ୍ୟ ନିର୍ବାଚନରେ ହାରିବା ପରେ ଗାନ୍ଧୀ ପରିବାରର ସଦସ୍ଯ ଇସ୍ତଫା ପତ୍ର ଦେଇଛନ୍ତି । କିନ୍ତୁ ପ୍ରତିଥର ଅଧିକାଂଶ ସଦସ୍ୟ ଗାନ୍ଧୀ ପରିବାରକୁ ସମର୍ଥନ ଜଣାଇଛନ୍ତି । ସୂତ୍ର ଅନୁସାରେ, ଚଳିତ ବୈଠକକୁ ପ୍ରାୟ ୫୬ ଜଣ ସଦ୍ୟସଙ୍କୁ ସ୍ଥାୟୀ ଓ ବିଶେଷ ଆମନ୍ତ୍ରିତ ସଦସ୍ୟ ଭାବେ ଡକା ଯାଇଛି ।
ବୈଠକରେ କିଛି ସଦସ୍ୟ ଶୀର୍ଷ ଦଳୀୟ ନେତୃତ୍ୱ ପରିବର୍ତ୍ତନ ପାଇଁ ଦାବି କରି ପାରନ୍ତି । ଅନ୍ୟପଟେ ସ୍ଥିତି ପୂର୍ବ ଭଳି ନଥିବା ଗାନ୍ଧୀ ପରିବାର ମଧ୍ୟ ଜାଣି ସାରିଲାଣି । ଅସନ୍ତୁଷ୍ଟ ବରିଷ୍ଠ ନେତାଙ୍କ କହିବା କଥା ଗାନ୍ଧୀ ପରିବା ଇସ୍ତଫା ଦେଲେ କଂଗ୍ରେସ ବଡ଼ ବୋଝରୁ ମୁକ୍ତି ପାଇବ ।
ରବିବାର ଶ୍ରୀଜୀଉଙ୍କ ଦର୍ଶନ ପାଇବେ ଶ୍ରଦ୍ଧାଳୁ
ପୁରୀ: ଶ୍ରୀମନ୍ଦିର ଛତିଶା ନିଯୋଗ ବୈଠକରେ ଦୋଳପୂର୍ଣ୍ଣିମା ନୀତି ନିର୍ଘଣ୍ଟ ନେଇ ହେଲା ଆଲୋଚନା । ଆଜି ପୁରୀ ନୀଳାଦ୍ରି ଭକ୍ତ ନିବାସରେ ଅନୁଷ୍ଠିତ ବୈଠକରେ ମୁଖ୍ୟତଃ ଦୋଳ ପୂର୍ଣ୍ଣମୀ ନୀତି, ମହାପ୍ରଭୁଙ୍କ ଦୈନଦିନ ନୀତି ସୁପରିଚାଳନା ନେଇ ହେଲା ଆଲୋଚନା । ଏଣିକି ରବିବାର ଦିନ ମଧ୍ୟ ଖୋଲାରହିବ ଶ୍ରୀମନ୍ଦିର । ରବିବାରରେ ଜଗା ଦର୍ଶନ କରିପାରିବେ ଶ୍ରଦ୍ଧାଳୁ । ଆସନ୍ତା ୨୧ ତାରିଖରୁ ରବିବାରରେ ମଧ୍ୟ ଶ୍ରୀମନ୍ଦିରରେ ଦର୍ଶନ ଅନୁମତି ମିଳିବ । ପୁରୀ ଜିଲ୍ଲାପାଳ ତଥା ଶ୍ରୀମନ୍ଦିର ଉପମୁଖ୍ୟ ପ୍ରଶାସକ ସମର୍ଥ ବର୍ମାଙ୍କ ଅଧ୍ୟକ୍ଷତାରେ ବସିଥିଲା ଏହି ବୈଠକ l ବୈଠକରେ ଏସପି ଓ ଛତିଶା ନିଯୋଗର ସେବାୟତ ପ୍ରତିନିଧି ମାନେ ଯୋଗ ଦେଇଥିଲେ ।
ଶ୍ରୀମନ୍ଦିର ନୀତି କାନ୍ତି ଓ ଶୃଙ୍ଖଳିତ ଦର୍ଶନ ପ୍ରସଙ୍ଗ ଉପରେ ଏଥିରେ ଆଲୋଚନା କରାଯାଇଥିଲା । ଆସନ୍ତା ୧୮ ତାରିଖରେ ଦୋଳ ପୂର୍ଣ୍ଣିମା ନୀତିକାନ୍ତି ଅନୁଷ୍ଠିତ ହେବ । ରାତ୍ର ୩ଟାରୁ ଦ୍ବାରଫିଟା ନୀତି ସହ ଭିତର ସୌଧ କରାଯାଇ ମହାପ୍ରଭୁଙ୍କ ଦୈନନ୍ଦିନ ନୀତିକାନ୍ତି କରାଯିବ । ଦିବା ୧୨ ଟା ୩୦ରେ ଦୋଳବେଦିକୁ ବିଜେ କରିବେ ବିମାନ । ୧୨ଟା ୫୦ରେ ଦୋଳକୁ ଦିଅଁ ବିଜେ କରିବେ । ସଂଧ୍ୟା ୮ଟା ୩୦ରେ ଶ୍ରୀମନ୍ଦିରକୁ ବାହୁଡା ବିଜେ କରିବେ ଠାକୁର ।
କିଏ ଗଢିଲା ପଞ୍ଚାୟତ ସମିତି, କିଏ ହେଲେ ଅଧ୍ୟକ୍ଷ ?
ନନ୍ଦିଘୋଷ ବ୍ୟୁରୋ: ରାଜ୍ୟରେ ପଞ୍ଚାୟତ ସମିତି ବ୍ଲକ ଅଧ୍ୟକ୍ଷ ନେଇ ହୋଇଛି ନିର୍ବାଚନ । ପଞ୍ଚାୟତରେ ବିଜୟ ହାସଲ କରିଥିବା ସମିତିସଭ୍ୟ ଦେଇଛନ୍ତି ଭୋଟ । ୩୧୪ ବ୍ଲକରେ କିଏ କେଉଁ ଦଳ କେଉଁଠି ଗଢିଛି ବ୍ଲକ ଅଧ୍ୟକ୍ଷ, ଜାଣନ୍ତୁ..
୧. ଅନୁଗୁଳ ଜିଲ୍ଲାର ୮ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୮ଟି ଯାକ ବ୍ଲକ ଅକ୍ତିଆାର କରିଛନ୍ତି । ୨. ବାଲେଶ୍ବର ଜିଲ୍ଲାର ୧୨ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୯ଟି, ବିଜେପି ସମର୍ଥୀତ ପ୍ରାର୍ଥୀମାନେ ୨ ଓ କଂଗ୍ରେସ ସମର୍ଥୀତ ପ୍ରାର୍ଥୀ ଗୋଟିଏ ବ୍ଲକ ଦଖଲ କରିଛନ୍ତି । ୩. ବଲାଙ୍ଗୀର ଜିଲ୍ଲାର ୧୪ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୦ଟି, ବିଜେପି ସମର୍ଥୀତ ପ୍ରାର୍ଥୀ ଗୋଟିଏ ଓ କଂଗ୍ରେସ ସମର୍ଥୀତ ପ୍ରାର୍ଥୀ ୩ଟି ବ୍ଲକ ଦଖଲ କରିଛନ୍ତି । ୪. ବରଗଡ଼ ଜିଲ୍ଲାର ୧୨ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୨ଟି ଯାକ ବ୍ଲକ ଅକ୍ତିଆାର କରିଛନ୍ତି । ୫. ଭଦ୍ରକ ଜିଲ୍ଲାର ୭ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୭ଟି ଯାକ ବ୍ଲକ ଅକ୍ତିଆାର କରିଛନ୍ତି । ୬. ବୌଦ୍ଧ ଜିଲ୍ଲାର ୩ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀ ଗୋଟିଏ ଏବଂ ୨ଟି ବ୍ଲକ ବିଜେପି ଦଖଲକୁ ଯାଇଛି ।
୭. କଟକ ଜିଲ୍ଲାର ୧୪ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୩ଟି ବ୍ଲକ ଅକ୍ତିଆର କରିଥିବା ବେଳେ ବିଜେପି ଗୋଟିଏ ବ୍ଲକ ଦଖଲ କରିଛି । ୮. ଦେବଗଡ଼ ଜିଲ୍ଲାର ୩ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୨ଟି ଏବଂ ଗୋଟିଏ ବିଜେପି ସମର୍ଥୀତ ପ୍ରାର୍ଥୀ ଅକ୍ତିଆାର କରିଛନ୍ତି । ୯. ଢେଙ୍କାନାଳ ଜିଲ୍ଲାର ୮ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୬ଟି ଏବଂ ୨ଟି ବିଜେପି ସମର୍ଥୀତ ପ୍ରାର୍ଥୀ ଅକ୍ତିଆର କରିଛନ୍ତି । ୧୦. ଗଜପତି ଜିଲ୍ଲାର ୭ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୭ଟି ଯାକ ବ୍ଲକ ଅକ୍ତିଆାର କରିଛନ୍ତି । ୧୧. ଗଞ୍ଜାମ ଜିଲ୍ଲାର ୨୨ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୨୧ଟି ବ୍ଲକ ଅକ୍ତିଆର କରିଥିବା ବେଳେ ବିଜେପି ଗୋଟିଏ ବ୍ଲକ ଦଖଲ କରିଛି ।
ସେହିପରି ୧୨. ଜଗତସିଂହପୁର ଜିଲ୍ଲାର ୮ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୮ଟି ଯାକ ବ୍ଲକ ଅକ୍ତିଆାର କରିଛନ୍ତି । ୧୩. ଯାଜପୁର ଜିଲ୍ଲାର ୧୦ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୦ଟି ଯାକ ବ୍ଲକ ଅକ୍ତିଆାର କରିଛନ୍ତି । ୧୪. ଝାରୁସୁଗୁଡ଼ା ଜିଲ୍ଲାର ୭ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୭ଟି ଯାକ ବ୍ଲକ ଅକ୍ତିଆାର କରିଛନ୍ତି । ୧୫. କଳାହାଣ୍ଡି ଜିଲ୍ଲାର ୧୩ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୧ଟି ବ୍ଲକ ଅକ୍ତିଆର କରିଥିବା ବେଳେ ବିଜେପି ୨ଟି ବ୍ଲକ ଦଖଲ କରିଛି । ୧୬. କନ୍ଧମାଳ ଜିଲ୍ଲାର ୧୨ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୧ଟି ବ୍ଲକ ଅକ୍ତିଆର କରିଥିବା ବେଳେ ଗୋଟିଏ ବ୍ଲକରେ କଂଗ୍ରେସ ସମର୍ଥୀତ ପ୍ରାର୍ଥୀ ବିଜୟୀ ହୋଇଛନ୍ତି ।
୧୭. କେନ୍ଦ୍ରାପଡ଼ା ଜିଲ୍ଲାର ୯ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୯ଟି ଯାକ ବ୍ଲକ ଅକ୍ତିଆାର କରିଛନ୍ତି । ୧୮. କେନ୍ଦୁଝର ଜିଲ୍ଲାର ୧୩ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୩ଟି ଯାକ ବ୍ଲକ ଅକ୍ତିଆାର କରିଛନ୍ତି । ୧୯. ଖୋର୍ଦ୍ଧା ଜିଲ୍ଲାର ୧୦ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୮ଟି ବ୍ଲକ ଅକ୍ତିଆର କରିଥିବା ବେଳେ ୨ଟି ବ୍ଳକରେ ବିଜେପି ସମର୍ଥୀତ ପ୍ରାର୍ଥୀ ବିଜୟୀ ହୋଇଛନ୍ତି । ୨୦. କୋରାପୁଟ ଜିଲ୍ଲାର ୧୪ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୨ଟି ବ୍ଲକ ଅକ୍ତିଆର କରିଥିବା ବେଳେ ୨ଟି ବ୍ଳକରେ କଂଗ୍ରେସ ସମର୍ଥୀତ ପ୍ରାର୍ଥୀ ବିଜୟୀ ହୋଇଛନ୍ତି । ୨୧. ମାଲକାନାଗିରି ଜିଲ୍ଲାର ୭ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୭ଟି ଯାକ ବ୍ଲକ ଅକ୍ତିଆର କରିଛନ୍ତି ।
୨୨. ମୟୂରଭଞ୍ଜ ଜିଲ୍ଲାର ୨୬ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୨୫ଟି ବ୍ଲକ ଅକ୍ତିଆର କରିଥିବା ବେଳେ ଗୋଟିଏ ବ୍ଳକରେ ବିଜେପି ସମର୍ଥୀତ ପ୍ରାର୍ଥୀ ବିଜୟୀ ହୋଇଛନ୍ତି । ୨୩. ନବରଙ୍ଗପୁର ଜିଲ୍ଲାର ୧୦ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୦ଟି ଯାକ ବ୍ଲକ ଅକ୍ତିଆର କରିଛନ୍ତି ।
୨୪. ନୟାଗଡ଼ ଜିଲ୍ଲାର ୮ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୭ଟି ବ୍ଲକ ଅକ୍ତିଆର କରିଥିବା ବେଳେ ଗୋଟିଏ ବ୍ଳକରେ ବିଜେପି ସମର୍ଥୀତ ପ୍ରାର୍ଥୀ ବିଜୟୀ ହୋଇଛନ୍ତି । ୨୫. ନୂଆପଡ଼ା ଜିଲ୍ଲାର ୫ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୨ଟି ବ୍ଲକ ଅକ୍ତିଆର କରିଥିବା ବେଳେ ୩ଟି ବ୍ଳକରେ କଂଗ୍ରେସ ସମର୍ଥୀତ ପ୍ରାର୍ଥୀ ବିଜୟୀ ହୋଇଛନ୍ତି । ୨୬. ପୁରୀ ଜିଲ୍ଲାର ୧୧ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୮ଟି ବ୍ଲକ ଅକ୍ତିଆର କରିଥିବା ବେଳେ ୨ଟି ବ୍ଳକରେ କଂଗ୍ରେସ ସମର୍ଥୀତ ପ୍ରାର୍ଥୀ ବିଜୟୀ ହୋଇଛନ୍ତି ଏବଂ ଗୋଟିଏ ବ୍ଲକରେ ବିଜେପି ହାସଲ କରିଛି ଅଧ୍ୟକ୍ଷ ପଦ ।
୨୭. ରାୟଗଡ଼ା ଜିଲ୍ଲାର ୧୧ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୦ଟି ବ୍ଲକ ଅକ୍ତିଆର କରିଥିବା ବେଳେ ଗୋଟିଏ ବ୍ଳକରେ କଂଗ୍ରେସ ସମର୍ଥୀତ ପ୍ରାର୍ଥୀ ବିଜୟୀ ହୋଇଛନ୍ତି । ୨୮. ସମ୍ବଲପୁର ଜିଲ୍ଲାର ୯ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୭ଟି ବ୍ଲକ ଅକ୍ତିଆର କରିଥିବା ବେଳେ ୨ଟି ବ୍ଳକରେ ବିଜେପି ସମର୍ଥୀତ ପ୍ରାର୍ଥୀ ବିଜୟୀ ହୋଇଛନ୍ତି । ୨୯. ସୁବର୍ଣ୍ଣପୁର ଜିଲ୍ଲାର ୬ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୬ଟି ଯାକ ବ୍ଲକ ଅକ୍ତିଆର କରିଛନ୍ତି ।
୩୦. ସୁନ୍ଦରଗଡ଼ ଜିଲ୍ଲାର ୧୭ଟି ବ୍ଲକରୁ ବିଜେଡ଼ି ସମର୍ଥୀତ ପ୍ରାର୍ଥୀମାନେ ୧୧ଟି ବ୍ଲକ ଅକ୍ତିଆର କରିଥିବା ବେଳେ ୨ଟି ବ୍ଳକରେ ବିଜେପି ସମର୍ଥୀତ ପ୍ରାର୍ଥୀ, ସିପିଆଇ(ଏମ୍) ସମର୍ଥୀତ ପ୍ରାର୍ଥୀ ୩ଟି ବ୍ଲକରେ ବିଜୟୀ ହୋଇଛନ୍ତି ।
ବାଣପୁରରେ ପୋଲିସ ଛାଉଣୀ, ଲାଗିଲା ୧୪୪
ଭୁବନେଶ୍ୱର: ବାଣପୁରରେ ୧୪୪ ଧାରା ଜାରି । କୌଣସି ଅପ୍ରିତୀକର ପରିସ୍ଥିତି ଘଟିବା ପୂର୍ବରୁ ପୋଲିସ ପକ୍ଷରୁ ଜାରି କରାଯାଇଛି ଦାରା ୧୪୪ । ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ ଉପସ୍ଥିତ ଲୋକଙ୍କ ଉପରକୁ ଗାଡି ମଡାଇବା ପରେ ସେଠାରେ ଚାପା ଉତ୍ତେଜନା ସୃଷ୍ଟି ହୋଇଛି । କେନ୍ଦ୍ରାଞ୍ଚଳ ଆଇଜି ନରସିଂହ ଭୋଳ ମଧ୍ୟ ବାଣପୁରରେ ପହଁଚି ଆଇନ ଶୃଙ୍ଖଳା ପରିସ୍ଥିତି ଉପରେ ନଜର ରଖିଛନ୍ତି । ସେହିପରି ୪ ପ୍ଲାଟନରୁ ଅଧିକ ପୋଲିସ ଫୋର୍ସ ନିୟୋଜିତ ରହିଛନ୍ତି ।
ସେପଟେ ଗିରଫ ହେବେ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ । ସୁସ୍ଥ ହେବା ପରେ ତାଙ୍କୁ ଗିରଫ କରାଯିବା ନେଇ ସୂଚନା ଦେଇଛନ୍ତି କେନ୍ଦ୍ରାଞ୍ଚଳ ଆଇଜି ନରସିଂହ ଭୋଳ । ଏହା ସହ ଡିଏସପି ରାଙ୍କର ଜଣେ ଅଧିକାରୀ ଏହି ଘଟଣାର ତଦନ୍ତ କରିବେ ବୋଲି ସେ ସୂଚନା ଦେଇଛନ୍ତି । ଘଟଣା ଘଟିବାବେଳେ ବାଣପୁର ଆଇଆଇସି ଗାଡି ଆଗରେ ଠିଆ ହୋଇ ମନା କରୁଥିବା ସତ୍ତ୍ବେ ବିଧାୟକ ପୋଲିସ ଓ ଲୋକଙ୍କ ଉପରେ ଗାଡି ଚଢାଇଦେଇଥିଲେ ବୋଲି କହିଛନ୍ତି ଆଇଜି । ଏହି ଘଟଣା ପରେ ବାଣପୁରରେ ଆଇନ ଶୃଙ୍ଖଳା ବ୍ୟବସ୍ଥାକୁ ସୂଚାରୁ ରୂପେ ପରିଚାଳନା ପାଇଁ ୧୪୪ ଧାରା ଜାରି କରାଯାଇଛି ।
IPL 2022: ଘୋଷଣା ହେଲା ସବୁ ଦଳର ଅଧିନାୟକଙ୍କ ନାଁ, ୨ ବିଦେଶୀ ଖେଳାଳିଙ୍କୁ ଦାୟିତ୍ୱ
ନୂଆଦିଲ୍ଲୀ: ମାର୍ଚ୍ଚ ୨୬ରୁ ଆରମ୍ଭ ହେବ ଫଟାଫଟ୍ କ୍ରିକେଟ୍ । ଉଦଘାଟନୀ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ ଓ କୋଲକାତା ନାଇଟ୍ ରାଇଡର୍ସ ମଧ୍ୟରେ ମୁକାବିଲା ହେବ । ଆଇପିଏଲ୍ ୨୦୨୨ ସଂସ୍କରଣ ଆରମ୍ଭ ହେବାକୁ ଅଳ୍ପ କିଛିଦିନ ବାକି ଥିବାବେଳେ ୧୦ଟି ଦଳର ଅଧିନାୟକଙ୍କ ନାଁ ପ୍ରକାଶ ପାଇଛି ।
ଶନିବାର ରୟାଲ ଚ୍ୟାଲେଞ୍ଜର୍ସ ବେଙ୍ଗଳୁରୁ ଦଳର ଅଧିନାୟକଙ୍କ ନାଁ ଘୋଷଣା କରିଛି । ଦକ୍ଷିଣ ଆଫ୍ରିକୀୟ ବ୍ୟାଟ୍ସମ୍ୟାନ ଫାଫ ଡୁଙ୍କୁ ଦଳ ଅଧିନାୟକ ଦାୟିତ୍ୱ ଦେଇଛି । ବିରାଟ କୋହଲିଙ୍କ ସ୍ଥାନରେ ବେଙ୍ଗଳୁରୁ ଟିମର ନେତୃତ୍ୱ ନେବେ ଫାଫ । ଚଳିତଥର ୪ଟି ଦଳର ଅଧିନାୟକ ଦାୟିତ୍ୱରେ ଅଛନ୍ତି ୱିକେଟ୍ କିପର । ଯେତେବେଳେ କି ୨ଟି ଦଳର ନେତୃତ୍ୱ ବିଦେଶୀ ଖେଳାଳି ନେଉଥିବା ବେଳେ ୮ଟି ଟିମର ନେତୃତ୍ୱ ଭାରତୀୟଙ୍କ କାନ୍ଧରେ ରହିଛି ।
କିଏ ? କେଉଁ ଦଳର ଅଧିନାୟକ ?
ମୁମ୍ବାଇ ଇଣ୍ଡିଆନ୍ସ- ରୋହିତ ଶର୍ମା
ଚେନ୍ନାଇ ସୁପର କିଙ୍ଗ୍ସ- ମହେନ୍ଦ୍ର ସିଂ ଧୋନି (ୱିକେଟ୍ କିପର)
କୋଲକାତା ନାଇଟ୍ ରାଇଡର୍ସ- ଶ୍ରେୟସ ଆୟର
ସନରାଇଜର୍ସ ହାଇଦ୍ରାବାଦ- କେନ ୱିଲିୟମସନ୍ (ନ୍ୟୁଜିଲାଣ୍ଡ)
ଦିଲ୍ଲୀ କ୍ୟାପିଟାଲ୍ସ- ଋଷଭ ପନ୍ତ (ୱିକେଟ୍ କିପର)
ରାଜସ୍ଥାନ ରୟାଲ୍ସ- ସଞ୍ଜୁ ସାମସନ୍ (ୱିକେଟ୍ କିପର)
ଗୁଜରାଟ ଟାଇଟନ୍ସ- ହାର୍ଦ୍ଦିକ ପାଣ୍ଡ୍ୟା
ଲକ୍ଷ୍ନୌ ସୁପର ଜାଏଣ୍ଟ୍ସ- ମୟଙ୍କ ଅଗ୍ରୱାଲ
ରୟାଲ ଚ୍ଯାଲେଞ୍ଜର୍ସ ବେଙ୍ଗଳୁରୁ- (ଦକ୍ଷିଣ ଆଫ୍ରିକା)
ଚଳିତ ଆଇପିଏଲ୍ ସଂସ୍କରଣର ସମସ୍ତ ମ୍ୟାଚ୍ ଭାରତରେ ଖେଳାଯିବ । ମହାରାଷ୍ଟ୍ରର ୪ଟି ଷ୍ଟାଡିୟମରେ ମ୍ୟାଚ୍ ହେବ । ମୁମ୍ବାଇ ୩ଟି ଷ୍ଟାଡିୟମ୍ ଓ ପୁନେର ଗୋଟିଏ ଷ୍ଟାଡିୟମରେ ମ୍ୟାଚ ହେବ । ୨୬ ମାର୍ଚ୍ଚରୁ ଟୁର୍ଣ୍ଣାମେଣ୍ଟ ଆରମ୍ଭ ହୋଇ ମେ ୨୨ ଯାଏ ଚାଲିବ । ୧୦ଟି ଟିମକୁ ୨ଟି ଗ୍ରୁପରେ ବିଭକ୍ତ କରାଯାଇଛି ।