ସୁନ୍ଦରଗଡ଼: ଭିଜିଲାନ୍ସ ଜାଲରେ ଲାମ୍ପସ ଏମଡି । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସର ଚଢ଼ାଉ । ଭିଜିଲାନ୍ସ ଜାଲରେ ସୁନ୍ଦରଗଡ଼ ଜିଲ୍ଲା କୁକୁଡା ଲାମ୍ପସ ଏମଡି ପରୀକ୍ଷିତ ସାହୁ । ବାସଭବନ ଓ ଅଫିସରେ ଚଢାଉ ଜାରି ରଖିଛି ଭିଜିଲାନ୍ସ । ଭିଜିଲାନ୍ସ ବିଭାଗର ଦୁଇଟି ଟିମ୍ କୁକୁଡାଠାରେ ଥିବା ଅଫିସ ଓ ରାଜଗାଙ୍ଗପୁର ବଗାନପଡାରେ ଥିବା ବାସଭବନରେ ଚଢ଼ାଉ ଜାରି ରଖିଛନ୍ତି । ଭିଜିଲାନ୍ସ ଚଢ଼ାଉ ସମୟରେ ଗୋଟିଏ ୩ ମହଲା କୋଠାଘର ଓ ଗୋଟିଏ କାର ଠାବ କରାଯାଇଥିବାବେଳେ ଭିଜିଲାନ୍ସ ବିଭାଗ ପକ୍ଷରୁ ବର୍ତ୍ତମାନ ମଧ୍ୟ ଚଢାଉ ଜାରି ରହିଛି । ଯାଞ୍ଚ ପରେ ସବିଶେଷ ତଥ୍ୟ ଜଣାପଡିବ ବୋଲି ଭିଜିଲାନ୍ସ ବିଭାଗ ପକ୍ଷରୁ ସୂଚନା ଦିଆଯାଇଛି ।
ଦେଶରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟାରେ ୨ ଲକ୍ଷ ୫୧ ହଜାର ୨୦୯ ଆକ୍ରାନ୍ତ ଚିହ୍ନଟ
ନୂଆଦିଲ୍ଲୀ: ଦେଶରେ ଖସୁଛି କରୋନା ଗ୍ରାଫ୍ । ଦେଶରେ ୨୪ ଘଣ୍ଟାରେ ଦେଶରେ ୨ ଲକ୍ଷ ୫୧ ହଜାର ୨୦୯ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ୨୪ ଘଣ୍ଟାରେ ଦେଶରେ ୬୨୭ ଜଣଙ୍କର କରୋନାରେ ମୃତ୍ୟୁ ହୋଇଛି । ଦେଶରେ ବର୍ତ୍ତମାନ ଦୈନିକ ପଜିଟିଭ ହାର ୧୫.୮୮ ପ୍ରତିଶତ ରହିଛି । ସେହିପରି ଭାବରେ ୨୪ ଘଣ୍ଟାରେ ଦେଶରେ ୩ ଲକ୍ଷ ୪୭ ହଜାର ୪୪୩ ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଛନ୍ତି ।
India reports 2,51,209 new #COVID19 cases, 627 deaths and 3,47,443 recoveries in the last 24 hours
Active case: 21,05,611 (5.18%)
Daily positivity rate: 15.88%Total Vaccination : 1,64,44,73,216 pic.twitter.com/vz7DhaPdvz
— ANI (@ANI) January 28, 2022
ଦେଶରେ ଗୁରୁବାର ୨ ଲକ୍ଷ ୮୬ ହଜାର ୩୮୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ । କିନ୍ତୁ ଆଜି ଏହି ସଂଖ୍ୟାରେ ହ୍ରାସ ପାଇଛି । ଆଜି ଦେଶରେ ୨ ଲକ୍ଷ ୫୧ ହଜାର ୨୦୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆକ୍ଟିଭ୍ କେସ୍ କଥା ଯଦି କହିବା ତାହାଲେ ବର୍ତ୍ତମାନ ଆକ୍ଟିଭ୍ କେସ୍ ସଂଖ୍ୟା ୨୧ ଲକ୍ଷ ୦୫ ହଜାର ୬୧୧ ରହିଛି । ୨୪ ଘଣ୍ଟାରେ ଦେଶରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ କେରଳରେ ସର୍ବାଧିକ କେସ୍ ଚିହ୍ନଟ ହୋଇଛି । କେରଳରେ ୫୧ ହଜାର ୭୩୯ କେସ୍ ଚିହ୍ନଟ ହୋଇଛି । ସେହିପରି କର୍ଣ୍ଣାଟକରେ ୩୮ ହଜାର ୦୮୩, ତାମିଲନାଡୁରେ ୨୮ ହଜାର ୫୧୫, ମହାରାଷ୍ଟ୍ରରେ ୨୫ ହଜାର ୪୨୫, ଗୁଜୁରାଟରେ ୧୨ ହଜାର ୯୧୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ନିଜ ଟଙ୍କା ପାଇଁ ସୁପ୍ରିମକୋର୍ଟ ଯିବେ ବ୍ୟାଙ୍କ ଗ୍ରାହକ
ନୂଆଦିଲ୍ଲୀ: ଚିନ୍ତାରେ ପଞ୍ଜାବ ଆଣ୍ଡ ମହାରାଷ୍ଟ୍ର କୋଅପରେଟିଭ ବ୍ୟାଙ୍କର ୧୦ ଲକ୍ଷ ଗ୍ରାହକ । ସରକାରଙ୍କ ନିଷ୍ପତ୍ତିରେ ଅସୁଖି । ନିଜ ଟଙ୍କା ପାଇବାକୁ ସୁପ୍ରିମକୋର୍ଟଙ୍କ ଶରଣକୁ ଯିବାକୁ ହେଉଛନ୍ତି ପ୍ରସ୍ତୁତ । ସରକାର ପିଏମସି ବ୍ୟାଙ୍କକୁ ୟୁନିଟ ସ୍ମଲ ଫାଇନାନ୍ସ ବ୍ୟାଙ୍କ ସହ ମିଶାଇବାକୁ ମଞ୍ଜୁରୀ ଦେଇଚନ୍ତି । ହେଲେ ଏହାକୁ ନେଇ ପିଏମସି ବ୍ୟାଙ୍କ ଗ୍ରାହକ ଖୁସି ନାହାନ୍ତି । ସରକାରଙ୍କ ଏହି ନିଷ୍ପତ୍ତି ବିରୋଧରେ ସୁପ୍ରିମକୋର୍ଟ ଯିବାକୁ ଗ୍ରାହକ ହେଉଛନ୍ତି ପ୍ରସ୍ତୁତ ।
କୋଅପରେଟିଭ ସୋସାଇଟର ସଂଗଠନ ସହକାର ଭାରତୀ ନେତୃତ୍ବରେ ପିଏମସି ବ୍ୟାଙ୍କ ଗ୍ରାହକ ସୁପ୍ରିମକୋର୍ଟରେ ଆବେଦନ କରିବେ । ସରକାର ନିଷ୍ପତ୍ତିକୁ ଏକ ତରଫା ବୋଲି କହିଛନ୍ତି ସହକାରୀ ଭାରତୀ ଓ ବ୍ୟାଙ୍କ ଗ୍ରାହକ । ପିଏମସି ବ୍ୟାଙ୍କ ମାମଲା କୌଣସି ନେଣଦେଣ ବିଫଳତା ନୁହେଁ ବରଂ ଠକେଇ ବୋଲି ସହକାରୀ ଭାରତୀ ଅଭିଯୋଗ କରିଛି ।
ସଂଗଠନ ପକ୍ଷରୁ କୁହାଯାଇଛି, ପିଏମସି ବ୍ୟାଙ୍କ ଗ୍ରାହକଙ୍କ ନିବେଶ ଉପରେ ୧୦ ବର୍ଷ ଲକ୍-ଇନ୍-ପିରିୟଡ ଲଗାଯାଇଛି । ଏହାସହ ଜମାରାଶି ଉପରେ ସର୍ବାଧିକ ସୁଧ ୨.୭୫ ପ୍ରତିଶତ ରଖାଯାଇଛି । ଏହାଦ୍ବାରା ପିଏମସି ବ୍ୟାଙ୍କ ଗ୍ରାହକ ଆର୍ଥିକ ସଙ୍କଟର ସମ୍ମୁଖୀନ ହେବେ । ଏହାକୁ ନଜରରେ ରଖି ସରକାର ଏବଂ ରିଜର୍ଭ ବ୍ୟାଙ୍କ ନିଷ୍ପତ୍ତିର ପୁନଃବିଚାର କରିବାର ଆବଶ୍ୟକତା ରହିଛି ।
ଅନ୍ୟପକ୍ଷରେ ପିଏମସି ବ୍ୟାଙ୍କ ଆକାଉଣ୍ଟ ହୋଲ୍ଡର ଫୋରମ ସରକାରଙ୍କ ନିଷ୍ପତ୍ତି ପ୍ରତିବାଦରେ ଅଲଗା ହାଇକୋର୍ଟ ଯିବାକୁ ନିଷ୍ପତ୍ତି ନେଇଛି । ଫୋରମ ପକ୍ଷରୁ କୁହାଯାଇଛି, ଏହି ସ୍କିମରେ କେବଳ ଏସଏଫବିକୁ ଲାଭ ମିଳିବ । ବ୍ୟାଙ୍କର ଗ୍ରାହକଙ୍କ ସ୍ଥିତି ଆହୁରି ଖରାପ ହୋଇଯିବ । ଏହାଦ୍ବାରା ଏସଏଫବିକୁ ବସି ବସି ଲାଇସେନ୍ସ ପାଇଯିବ । ଏପରିକି ପିଏମସି ବ୍ୟାଙ୍କର ସମ୍ପତ୍ତି ବି ମିଳିଯିବ । ଅନ୍ୟପକ୍ଷରେ ଗ୍ରାହକଙ୍କୁ ନିଜ ଟଙ୍କା ପାଇବାକୁ ବହୁତ ସମସ୍ୟାର ସମ୍ମୁଖୀନ ହେବାକୁ ପଡିବ ।
ସରକାରଙ୍କ ସ୍କିମ ଅନୁସାରେ ପ୍ରଥମ ପର୍ଯ୍ୟାୟ ପ୍ରେମେଣ୍ଟରେ ଗ୍ରାହକଙ୍କୁ ଡିଆଇସିଜିଏସ ଅନୁସାରେ ସର୍ବାଧିକ ୫ ଲକ୍ଷ ଟଙ୍କା ମିଳିପାରିବ । ଯେଉଁମାନଙ୍କ ଖାତାରେ ଏହାଠାରୁ ଅଧିକ ଟଙ୍କା ଜମା ଥିବା ପରେ ଏହାକୁ ଉଠାଇବାକୁ ସମସ୍ୟାରେ ପଡିବେ । ଏମିତି ଗ୍ରାହକଙ୍କୁ ନିଜ ଟଙ୍କା ଉଠାଇବାକୁ ୧୦ ବର୍ଷ ଅପେକ୍ଷା କରିବାକୁ ପଡିବ । ପ୍ରଥମ ୫ ବର୍ଷରେ ଗ୍ରାହକଙ୍କୁ ବାର୍ଷିକ ୫୦ ହଜାରରୁ ୫.୫ ଲକ୍ଷ ଟଙ୍କା ପର୍ଯ୍ୟନ୍ତ ମିଳିପାରିବ । ଏହାପରେ ବଳକା ଯଙ୍କା ୧୦ ବର୍ଷ ପରେ ମିଳିବ । ଏହି ସମୟରେ ପ୍ରଥମ ୫ ବର୍ଷରେ ବାର୍ଷିକ ୨.୭୫ ପ୍ରତିଶତ ହିସାବରେ ସୁଧ ମିଳିବ ।
ରାଜ୍ୟରେ ଖସିଲା କରୋନା ସଂକ୍ରମଣ, ୨୪ ଘଣ୍ଟାରେ ୫ ହଜାର ୦୫୭ ଆକ୍ରାନ୍ତ ଚିହ୍ନଟ
ଭୁବନେଶ୍ୱର: ରାଜ୍ୟରେ ପୁଣି କମିଲା କରୋନା ସଂକ୍ରମଣ । ଲଗାତର ଭାବରେ ହ୍ରାସ ପାଉଛି କରୋନା ସଂକ୍ରମଣ । ଗତକାଲି ୫ ହଜାର ୯୦୧ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ଆଜି ରାଜ୍ୟରେ ୫ ହଜାର ୦୫୭ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ୨୪ ଘଣ୍ଟାରେ ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ କ୍ୱାରେଣ୍ଟାଇନରୁ ୨ ହଜାର ୯୩୨ ଜଣ ଚିହ୍ନଟ ହୋଇଥିବାବେଳେ ୨ ହଜାର ୧୨୫ ଜଣ ଲୋକାଲ କେସ୍ ଚିହ୍ନଟ ହୋଇଛନ୍ତି । ୦ରୁ ୧୮ ବର୍ଷ ମଧ୍ୟରେ ରାଜ୍ୟରେ ୬୬୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଭାବରେ ରାଜ୍ୟରେ ୨୪ ଘଣ୍ଟାରେ ୧୧ ହଜାର ୧୫୭ ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଛନ୍ତି ।
7. Cuttack: 495
8. Deogarh: 51
9. Dhenkanal: 69
10. Gajapati: 68
11. Ganjam: 60
12. Jagatsinghpur: 125
13. Jajpur: 128
14. Jharsuguda: 50
15. Kalahandi: 140
16. Kandhamal: 84
17. Kendrapada: 34
18. Keonjhar: 49
19. Khurda: 1111
20. Koraput: 76
21. Malkangiri: 58— I & PR Department, Odisha (@IPR_Odisha) January 28, 2022
୨୪ ଘଣ୍ଟାରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ୧ ହଜାର ୧୧୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଅନୁଗୁଳରୁ ୧୧୦, ବାଲେଶ୍ୱରରୁ ୨୦୨, ବରଗଡ଼ରୁ ୮୫, ଭଦ୍ରକରୁ ୯୧, ବଲାଙ୍ଗୀରରୁ ୧୩୩, ବୌଦ୍ଧରୁ ୪୪, କଟକରୁ ୪୯୫, ଦେଓଗଡ଼ରୁ ୫୧, ଢେଙ୍କାନାଳରୁ ୬୯, ଗଜପତିରୁ ୬୮, ଗଞ୍ଜାମରୁ ୬୦, ଜଗତସିଂହପୁରରୁ ୧୨୫, ଯାଜପୁରରୁ ୧୨୮, ଝାରସୁଗୁଡ଼ାରୁ ୫୦, କଳାହାଣ୍ଡିରୁ ୧୪୦, କନ୍ଧମାଳରୁ ୮୪, କେନ୍ଦ୍ରାପଡ଼ାରୁ ୩୪, କେନ୍ଦୁଝରରୁ ୪୯, କୋରାପୁଟରୁ ୭୬, ମାଲକାନଗିରିରୁ ୫୮, ମୟୁରଭଞ୍ଜରୁ ୧୩୫, ନବରଙ୍ଗପୁରରୁ ୧୩୬, ନୟାଗଡ଼ରୁ ୨୧୭, ନୂଆପଡ଼ାରୁ ୧୯୦, ପୁରୀରୁ ୯୪, ରାୟଗଡ଼ାରୁ ୮୫, ସମ୍ବଲପୁରରୁ ୧୭୯, ସୋନପୁରରୁ ୧୦୪, ସୁନ୍ଦରଗଡ଼ରୁ ୪୨୯ ଓ ଷ୍ଟେଟ ପୁଲରୁ ୨୨୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଆଜି ବସିବ ଛତିଶା ନିଯୋଗ ବୈଠକ, ନିଆଯାଇପାରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
ପୁରୀ: ଖୋଲିବ କି ଶ୍ରୀମନ୍ଦିର । ମିଳିବ କି ଜଗା ଦର୍ଶନ । କୋହଳ ହେବ କି କୋଭିଡ କଟକଣା । ଆଜି ଛତିଶା ନିଯୋଗ ବୈଠକରେ ଏବେଇ ଆଲୋଚନା ହେବ । ଆଜି ଅପରାହ୍ନ ସାଢେ ୪ଟାରେ ଶ୍ରୀମନ୍ଦିର ଛତିଶା ନିଯୋଗ ବୈଠକ ବସିବ । ଭିଡିଓ କନଫେରେନସିଂ ମାଧ୍ୟମରେ ଏହି ବୈଠକ ହେବ । ମୁଖ୍ୟ ପ୍ରଶାସକ କ୍ରିଶନ କୁମାରଙ୍କ ଅଧ୍ୟକ୍ଷତାରେ ବସିବ ଏହି ବୈଠକ । ଉପମୁଖ୍ୟ ପ୍ରଶାସକ ତଥା ଜିଲ୍ଲାପାଳ, ଏସପି, ଶ୍ରୀମନ୍ଦିର ପ୍ରଶାସନିକ ଅଧିକାରୀ, ସମସ୍ତ ସେବାୟତ ନିଯୋଗର କର୍ମକର୍ତ୍ତା ଓ ପରିଚାଳନା କମିଟିର ସମସ୍ତ ସଦସ୍ୟ ଏହି ବୈଠକରେ ଉପସ୍ଥିତ ରହିବେ । ବିଶେଷକରି କୋଭିଡ୍ ସଂକ୍ରମଣ ସମୟରେ ଶ୍ରୀମନ୍ଦିର ଖୋଲିବା କିମ୍ବା ଆଗକୁ ବନ୍ଦର ସମୟ ସୀମା ବୃଦ୍ଧି ନେଇ ମଧ୍ୟ ନିଆଯାଇପାରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ।
କରୋନା ସଂକ୍ରମଣ ବୃଦ୍ଧି ଯୋଗୁଁ ଗତ ୭ତାରିଖ ଦିନ ସ୍ୱର୍ଗଦ୍ୱାରରେ ଲାଗିଥିଲା କଟକଣା । ସେହିଦିନ ଛତିଷା ନିଯୋଗ ବୈଠକରେ ଜାନୁଆରୀ ୧୦ତାରିଖରୁ ଜାନୁଆରୀ ୩୧ପର୍ଯ୍ୟନ୍ତ ଶ୍ରୀମନ୍ଦିରରେ ସର୍ବସାଧାରଣ ଦର୍ଶନ ବନ୍ଦ କରିବାକୁ ନିଆଯାଇଥିଲା ନିଷ୍ପତି । ତେବେ ଧିରେ ଧିରେ କରୋନା ସଂକ୍ରମଣ ଦୁର୍ବଳ ହେବାରୁ ସ୍ୱର୍ଗଦ୍ୱାର ଉପରୁ କଟକଣା କୋହଳ କରିଛି ପ୍ରଶାସନ । ଏଣୁ ଆଜି ଛତିଶା ନିଯୋଗ ବୈଠକରେ ଶ୍ରୀମନ୍ଦିର ଦର୍ଶନ ବ୍ୟବସ୍ଥା ଉପରେ ଲାଗିଥିବା କଟକଣା ହଟିଯିବ ବୋଲି ଆଶା କରାଯାଉଛି । ତଥାପି ସେବାୟତ ନିଯୋଗ ଓ ପରିଚାଳନା କମିଟିର ସଦସ୍ୟ, ଜିଲ୍ଲା ପ୍ରଶାସନ, ଏସ୍ପି ଆଦି ସମସ୍ତଙ୍କ ସହ ଆଲୋଚନା କରି ନିଆଯିବ ନିଷ୍ପତ୍ତି ।
କରୋନା ପାଇଁ ବଦଳିଲା ପରମ୍ପରା, ହାଲଓ୍ୱା ପରିବର୍ତ୍ତେ ମିଠା ଦେଇ ଆରମ୍ଭ ହେଲା ବଜେଟ ପ୍ରସ୍ତୁତି
ନୂଆଦିଲ୍ଲୀ: ପ୍ରଥମ ଥର ଲାଗି ବନ୍ଦ ହେଲା ହାଲଓ୍ୱା ସେରିମନି । ସବୁ ବର୍ଷ ପରି ବଜେଟ ଆଗରୁ ଯେପରି ଏହି ଉତ୍ସବ ହେବା କଥା ତାହା ଚଳିତ ବର୍ଷ ହୋଇନାହିଁ । କରୋନାକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଛି । ଗତବର୍ଷ ପରି ଏହି ବଜେଟ ପେପରଲେସ୍ ହେବ ଏବଂ ଆସନ୍ତା ଫେବ୍ରୁଆରୀ ୧ ତାରିଖରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଆଗତ କରିବେ । ସରକାରଙ୍କ ପକ୍ଷରୁ କୁହାଯାଇଛି, ଚଳିତ ବର୍ଷ ହାଲଓ୍ୱା ଉତ୍ସବ ବନ୍ଦ ହୋଇଥିବା ବେଳେ ବଜେଟ ପ୍ରସ୍ତୁତିରେ ନିଯୁକ୍ତ କର୍ମଚାରୀମାନେ ଲକ୍-ଇନ ଅବସ୍ଥାରେ ରହିବେ । ହାଲଓ୍ୱା ବଦଳରେ ମିଠାରେ କାମ ଚଳାଯାଇଛି । କୋଭିଡ ଗାଇଡଲାଇନ ସହ କର୍ମଚାରୀଙ୍କ ସ୍ବାସ୍ଥ୍ୟ ନିରାପତ୍ତା ଦୃଷ୍ଟିରୁ ଏହି ପଦକ୍ଷେପ ନିଆଯାଇଛି ।
ପ୍ରତିବର୍ଷ ବଜେଟ ଅଧିବେଶନ ପୂର୍ବରୁ ବଜେଟ ପ୍ରସ୍ତୁତ କରିବା ଲାଗି ନର୍ଥ ବ୍ଲକରେ ଅର୍ଥମନ୍ତ୍ରୀଙ୍କ ଦ୍ୱାରା ହାଲଓ୍ୱା ସେରିମନି ଆୟୋଜିତ ହୋଇଥାଏ । ପାରମ୍ପରିକ ଭାବେ ପ୍ରସ୍ତୁତ କରାଯାଇଥିବା ହାଲଓ୍ୱାକୁ ଖୋଦ୍ ଅର୍ଥମନ୍ତ୍ରୀ କର୍ମଚାରୀଙ୍କୁ ବଣ୍ଟନ କରିଥାନ୍ତି । ବଜେଟ ପ୍ରସ୍ତୁତି ପ୍ରକ୍ରିୟାରେ ନିୟୋଜିତ ସମସ୍ତ କର୍ମଚାରୀ ଏହା ପାଇବା ପରେ ସେମାନେ ଲକ-ଇନରେ ରହିଥାନ୍ତି । ବଜେଟକୁ ଅତି ଗୋପନୀୟ ଭାବେ ପ୍ରସ୍ତୁତ କରିବା ତଥା ଲିକ୍ ନ ହେବା ଲାଗି ଏହି ପ୍ରକ୍ରିୟା ଦୀର୍ଘ ବର୍ଷ ଧରି ଚାଲିଆସିଛି । ଲୋକସଭାରେ ବଜେଟ ଆଗତ ହେବା ପରେ ହିଁ ସେମାନେ ପଦାକୁ ଆସିଥାନ୍ତି ।
କରୋନା ତୃତୀୟ ଲହର ସହ ଚିନ୍ତା ବଢ଼ାଇଲା ବ୍ଲାକ୍ ଫଙ୍ଗସ୍
ମୁମ୍ବାଇ: କରୋନା ତୃତୀୟ ଲହର ଦେଶରେ ଚିନ୍ତାର କାରଣ ପାଲଟି ଥିବା ବେଳେ ବ୍ଲାକ ଫଙ୍ଗସ୍ ଏହାକୁ ଆହୁରି ବଢାଇ ଦେଇଛି । ତୃତୀୟ ଲହର ମଧ୍ୟରେ ଦେଶରେ ଚିହ୍ନଟ ହୋଇଛନ୍ତି ପ୍ରଥମ ବ୍ଲାକ ଫଙ୍ଗସ୍ ରୋଗୀ । ଦ୍ବିତୀୟ ଲହରରେ ଅନେକ ଆକ୍ରାନ୍ତଙ୍କ ଜୀବନ ନେଇଥିବା ଏହି ଫଙ୍ଗସକୁ ସତର୍କ ରହିବାକୁ ପରାମର୍ଶ ଦେଇଛନ୍ତି ବିଶେଷଜ୍ଞ ।
ଗତକାଲି ମୁମ୍ବାଇରୁ ପ୍ରଥମ ବ୍ଲାକ ଫଙ୍ଗସ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆକ୍ରାନ୍ତଙ୍କ ବୟସ୍କ ୭୦ ବର୍ଷ । ୫ ଜାନୁଆରୀରେ ସମ୍ପୃକ୍ତ ବ୍ୟକ୍ତି କରୋନା ପଜିଟିଭ୍ ହୋଇଥିଲେ । ୧୨ ଜାନୁଆରୀରୁ ତାଙ୍କଠାରେ ବ୍ଲାକ ଫଙ୍ଗସ ଲକ୍ଷଣ ଦେଖାଯାଇଥିଲ । ଏହାପରେ ଆକ୍ରାନ୍ତଙ୍କୁ ସେଣ୍ଟ୍ରାଲ ମୁମ୍ବାଇର ଓ୍ବାର୍କ ହାର୍ଟ ହସ୍ପିଟାଲରେ ଭର୍ତ୍ତି କରାଯାଇଛି । ତୃତୀୟ ଲହରରେ ଅଧିକ ଆକ୍ରାନ୍ତ ଗୁରୁତର ହେଉ ନଥିବାରୁ ଷ୍ଟେରଏଡ୍ ବା ହାଇ ଫ୍ଲୋ ଅକ୍ସିଜେନ ଫ୍ଲୋର ଆବଶ୍ୟକତା ପଡୁନି । ତେଣୁ ଅଧିକ ଲୋକ ବ୍ଲାକ ଫଙ୍ଗସ ଆକ୍ରାନ୍ତ ହେବା ଆଶଙ୍କା କମ୍ ବୋଲି ଫରିଦାବାଦର ଇନଫେକ୍ସନ ଡିଜିଜ୍ ସ୍ପେଶାଲିଷ୍ଟ ଡାକ୍ତର ଚାରୁ ଦତ୍ତ କହିଛନ୍ତି ।
ରେଳବାଇ ନିଯୁକ୍ତି ପ୍ରସଙ୍ଗରେ ଆଜି ବିହାର ବନ୍ଦ, ୟୁପିରେ ହାଇ ଆଲର୍ଟ
ପାଟନା: ରେଳବାଇ ନିଯୁକ୍ତି ପ୍ରସଙ୍ଗରେ ଆଜି ବିହାର ବନ୍ଦ । ବିଭିନ୍ନ ଛାତ୍ର ସଂଗଠନ ପକ୍ଷରୁ ଦିଆଯାଇଥିବା ବିହାର ବନ୍ଦର ପ୍ରଭାବ ରାଜ୍ୟରେ ପଡିବା ଆଶଙ୍କା କରାଯାଉଛି । ରେଳବାଇ ନିଯୁକ୍ତି ବୋର୍ଡର ପରୀକ୍ଷା ପ୍ରକ୍ରିୟାରେ ତ୍ରୁଟିକୁ ବିରୋଧ କରି ଏହି ବନ୍ଦ ଆହ୍ୱାନ ଦିଆଯାଇଛି । ୟୁଟ୍ୟୁବର ଖାଁ ସାର୍, ବିଭିନ୍ନ ଘରୋଇ କୋଚିଂ ସେଣ୍ଟରର ୬ ଅଧ୍ୟାପକଙ୍କ ସମେତ ୨୨ ଜଣଙ୍କ ନାଁରେ ମାମଲା ରୁଜୁ ହୋଇଛି । ସେପଟେ ବିହାର ବନ୍ଦକୁ ଦୃଷ୍ଟିରେ ରଖି ଉତ୍ତରପ୍ରଦେଶ ପୋଲିସ ପକ୍ଷରୁ ହାଇଆଲର୍ଟ ଜାରି କରାଯାଇଛି । ୟୁପି ପୋଲିସ ଡିଜି ମୁକୁଲ ଗୋଏଲ ରାଜ୍ୟର ସମସ୍ତ ଏସି, ଆଇଜିପି ଓ ଅନ୍ୟାନ୍ୟ ବରିଷ୍ଠ ପୋଲିସ ଅଧିକାରୀଙ୍କୁ ସତର୍କ ରହିବା ଲାଗି ନିର୍ଦ୍ଦେଶ ଦେଇଛନ୍ତି ।
Bihar | RJD MLA from Mahua Dr Mukesh Raushan, along with his supporters protest at Ramashish Chowk as part of 'Bihar Bandh' over alleged discrepancies in RRB NTPC results pic.twitter.com/T0l69Wi5d5
— ANI (@ANI) January 28, 2022
ବାରାଣସୀ, ପ୍ରୟାଗରାଜ ଓ ଗୋରଖପୁରରେ ହିଂସା ଆଶଙ୍କା ଥିବାରୁ, ସେଠାରେ ପୋଲିସକୁ ସତର୍କ ରହିବା ଲାଗି ପରାମର୍ଶ ଦିଆଯାଇଛି । ଆଇନ ଉଲ୍ଲଂଘନକାରୀଙ୍କ ବିରୋଧରେ କଡ଼ା ପଦକ୍ଷେପ ନେବାକୁ ପୋଲିସ ସମସ୍ତ ସଂଗଠନକୁ ଚେତାବନୀ ଦେଇଛି । ବିଭିନ୍ନ ଜିଲ୍ଲାରେ ଆଇନ କାର୍ଯ୍ୟକାରୀ ଗୁଇନ୍ଦା ୟୁନିଟ୍ ବା ଏଲଇଆଇୟୁ ଗୁଡିକୁ ସତର୍କ ରଖାଯାଇଛି । ଏହି ବନ୍ଦ ଅଲ୍ ଇଣ୍ଡିଆ ଷ୍ଟୁଡେଣ୍ଟସ ଆସୋସିଏସନ ବା ଆଇସା ପକ୍ଷରୁ କରାଯାଉଥିବାବେଳେ, ଏହାକୁ ସମର୍ଥନ କରୁଛନ୍ତି ବିଭିନ୍ନ ସଂଗଠନ ।
ଗତ ବୁଧବାର ଉତ୍ତ୍ୟକ୍ତ ଛାତ୍ରମାନେ ରେଳବାଇର ଦ୍ୱିତୀୟ ପର୍ଯ୍ୟାୟ ପରୀକ୍ଷାକୁ ବିରୋଧ କରି ବିହାର ଗୟାରେ ଏକ ଟ୍ରେନ ପୋଡି ଦେଇଥିଲେ । ଛାତ୍ରମାନେ ଅଭିଯୋଗ କରିଥିଲେ ଯେ, ନନଟେକ୍ନିକାଲ ପପୁଲାର କାଟେଗୋରିସ ବା ଏନଟିପିସି ପଦବୀ ପାଇଁ ପ୍ରଥମେ ଗୋଟିଏ ପରୀକ୍ଷା ଲାଗି ଦର୍ଶାଯାଇଥିବା ବେଳେ, ପରେ ଦୁଇଟି ପରୀକ୍ଷା କରିବା ଲାଗି ଦର୍ଶାଯାଇଥିଲା । ପ୍ରଥମେ ଜାନୁଆରୀ ୧୪ରେ ପରୀକ୍ଷା ଫଳ ବାହାରିଥିବାବେଳେ ଆଉ ଏକ ପରୀକ୍ଷା ଦେବା ଲାଗି ରେଳବାଇ ପ୍ରକାଶ କରିବା ପରେ ଉତ୍ତେଜନା ବୃଦ୍ଧି ପାଇଥିଲା । ସେପେଟ ବିହାରର ୟୁଟ୍ୟୁବର ଖାଁ ସାରଙ୍କ ବିରୋଧରେ ଦାୟର ମାମଲା ପ୍ରତ୍ୟାହାର ଲାଗି ଦାବି କରିଛନ୍ତି ଜେଡିୟୁରୁ ରାଷ୍ଟ୍ରୀୟ ଅଧ୍ୟକ୍ଷ ରାଜୀବ ରଞ୍ଜନ ସିଂ ।
ଗଣତନ୍ତ୍ର ଦିବସ ସମାରୋହ ପରେ ୬ ଝିଅ ନିଖୋଜ
ଥିରୁଅନନ୍ତପୁରମ୍: ସାଧାରଣତନ୍ତ୍ର ଦିବସ ସମାରୋହ ପରେ ସରକାରୀ ବାଳ ସୁଧାର ଗୃହରୁ ନାବାଳିକାଙ୍କ ସମେତ ୬ ଝିଅ ନିଖୋଜ । ଗୁରୁବାର ଜଣେ ନାବାଳିକାଙ୍କୁ ମାଦିଓ୍ବାଲାର ଏକ ହୋଟେଲରୁ ଉଦ୍ଧାର କରାଯାଇଥିବା ବେଳେ ଅନ୍ୟମାନଙ୍କୁ ଖୋଜା ଚାଲିଛି । ସୁଧାର ଗୃହ ଅଧିକାରୀଙ୍କ ତରଫରୁ ଥାନାରେ ଏତଲା ଦିଆଯିବା ପରେ ପୋଲିସ ତଲାସୀ ଅଭିଯାନକୁ ଜୋରଦାର କରିଛି । ସୁଧାର ଗୃହରୁ ଦୁଇ ଭଉଣୀଙ୍କ ସହ କିଛି ନାବାଳିକା ନିଖୋଜ ହୋଇଥିବା ନେଇ ଏତଲା ଦିଆଯାଇଥିଲା । ପୋଲିସ ରାଜ୍ୟ ଭିତରେ ନିଖୋଜଙ୍କୁ ଖୋଜୁଥିବା ବେଳେ ରାଜ୍ୟ ବହାରରେ ମଧ୍ୟ ତଦନ୍ତକୁ ଜୋରଦାର କରିଛି ।
ପୋଲିସ ସୂତ୍ରରୁ ଜଣାପଡ଼ିଛି, ଗଣତନ୍ତ୍ର ଦିବସ ସମାରୋହ ପରେ ପିଲାମାନେ ଅଡିଟୋରିୟମକୁ ଯାଉଥିବା ବେଳେ ଝିଅମାନେ ନିଖୋଜ ହୋଇ ଯାଇଥିଲେ । ନିଖୋଜ ପିଲାମାନଙ୍କ ବୟସ ୧୪ରୁ ୨୬ ବର୍ଷ ମଧ୍ୟରେ ।
ଅନ୍ୟପକ୍ଷରେ ପିଲାମାନେ ନିଖୋଜ ହେବାର ୩ ଘଣ୍ଟା ପରେ ଥାନାରେ ଏତଲା ଦିଆଯାଇଥିଲା । ଯାହାକୁ ନେଇ ରାଜ୍ୟ ଶିଶୁ ଅଧିକାର ଆୟୋଗ ରିପୋର୍ଟ ମାଗିଛି ।
ଆତଙ୍କବାଦୀଙ୍କ ଗୁଳିରେ ୧୦ ପାକିସ୍ତାନୀ ଯବାନଙ୍କ ମୃତ୍ୟୁ
ବେଲୁଚିସ୍ଥାନ: ଆତଙ୍କୀଙ୍କ ଆକ୍କା ପାକିସ୍ତାନୀ ଆର୍ମୀ ଉପରେ ବଡ ଧରଣର ଆତଙ୍କବାଦୀ ଆକ୍ରମଣ । ୧୦ ପାକିସ୍ତାନୀ ଯବାନଙ୍କ ମୃତ୍ୟୁ । ଏକାଧିକ ମୃତ୍ୟୁ ସହ କରୁଛନ୍ତି ସଂଘର୍ଷ । ଦକ୍ଷିଣ-ପଶ୍ଚିମ ବେଲୁଚିସ୍ଥାନ ପ୍ରାନ୍ତର କେଚ୍ ଜିଲ୍ଲାରେ ପାକିସ୍ତାନ ପୋଷ୍ଟ ଉପରେ ହୋଇଛି ଏହି ଆକ୍ରମଣ । ୨୫ ତାରିଖ ରାତିରେ ଆତଙ୍କବାଦୀ ଏହି ନରସଂହାର କରିଛନ୍ତି ।
ପାକିସ୍ତାନ ସେନାର ମିଡିଆ ଉଇଙ୍ଗ ଆଇଏସପିଆର ଅନୁସାରେ ରାତିରେ ଆତଙ୍କବାଦୀମାନେ ହଠାତ ଆକ୍ରମଣ କରିଥିଲେ । ଆତଙ୍କୀଙ୍କ ତରଫରୁ ପ୍ରବଳ ଗୁଳିମାଡ କରାଯାଇଥିଲା । ଯେଉଁଥିରେ ୧୦ ଜଣ ପାକିସ୍ତାନୀ ଯବାନଙ୍କ ମୃତ୍ୟୁ ଘଟିଛି । ଯବାନଙ୍କ ପାଲଟା ଆକ୍ରମଣରେ ଜଣେ ଆତଙ୍କବାଦୀର ମୃତ୍ୟୁ ଘଟିଛି । କୌଣସି ସଂଗଠନ ଆକ୍ରମଣ ପାଇଁ ନିଜକୁ ଦାୟୀ କରିନାହାନ୍ତି ।
ଆକ୍ରମଣ ପରେ ସେନା ପକ୍ଷରୁ ଅପରେସନ୍ ଫଲୋପ୍ କ୍ଲିୟରାନ୍ସ ଆରମ୍ଭ କରାଯାଇଥିଲା । ଏହି ସମୟରେ ୩ ଜଣ ଆତଙ୍କବାଦୀଙ୍କୁ ଧରାଯାଇଛି ।
ସୂଚନାଯୋଗ୍ୟ, ଇରାନ ଓ ଆଫଗାନିସ୍ତାନ ସୀମାକୁ ଲାଗିଛି ବେଲୁଚିସ୍ଥାନ । ପାକିସ୍ତାନ କବଳରୁ ମୁକ୍ତି ପାଇଁ ସ୍ଥାନୀୟ ଲୋକେ ଓ ବିଦ୍ରୋହୀ ସଂଗଠନ ଦୀର୍ଘ ବର୍ଷ ହେଲା ସଂଘର୍ଷ କରୁଛନ୍ତି । ବିଶେଷ କରି ବିଦ୍ରୋହି ସଂଗଠନ ଏହି ଅଞ୍ଚଳରେ ସକ୍ରିୟ ଅଛନ୍ତି । ବେଲୁଚ ବିଦ୍ରୋହୀ ପୂର୍ବରୁ ମଧ୍ୟ ବଡ଼ ଧରଣର ଆକ୍ରମଣ କରିଚନ୍ତି । ପୂର୍ବରୁ ଏହି ଅଞ୍ଚଳରେ ଚୀନ-ପାକିସ୍ତାନ ଆର୍ଥିକ ଗଲିୟାର ପ୍ରକଳ୍ପକୁ ବିଦ୍ରୋହୀ ସଂଗଠନ ଟାର୍ଗେଟ କରି ଆକ୍ରମଣ କରିଥିଲେ ।