ସମ୍ବଲପୁର: ବୁର୍ଲା ଭିମସାରରୁ ଆସିଲା ଖୁସି ଖବର । ଜଣେ ମହିଳା ଏକାଥରକେ ଜନ୍ମ କରିଛନ୍ତି ୪ଟି ସନ୍ତାନ। ଆଜି ସୋନପୁରର ଜଣେ ମହିଳା ବୁର୍ଲାସ୍ଥିତି ବୀର ସୁରେନ୍ଦ୍ର ସାଏ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନସ ଆଣ୍ଡ ରିସର୍ଚ୍ଚ ବା ଭିମସାରରେ ୪ଟି ଛୁଆ ଜନ୍ମ କରିଛନ୍ତି । ନବଜାତକଙ୍କ ମଧ୍ୟରୁ ୩ଜଣ କନ୍ୟା ଶିଶୁ ଥିବାବେଳେ ଜଣେ ପୁଅ ରହିଛି । ସମସ୍ତ ସନ୍ତାନ ଓ ମା’ଙ୍କ ସ୍ୱାସ୍ଥ୍ୟାବସ୍ଥା ଭଲ ଥିବା ସୂଚନା ମିଳିଛି ।
ସୋନପୁର ବାନିଜିପାଲି ଗ୍ରାମର କୁନି ସୁନା ନାମ୍ନୀ ଜଣେ ଗର୍ଭବତୀ ଗତ ସୋମବାର ହସ୍ପିଟାଲରେ ଭର୍ତ୍ତି ହୋଇଥିଲେ। ଆଜି ଅପରାହ୍ଣ ୨ଟାରେ ସେ ଗୋଟିଏ ପରେ ଗୋଟିଏ ୪ଟି ସନ୍ତାନ ପ୍ରସବ କରିଥିଲେ। ତେବେ ସେମାନଙ୍କ ଓଜନ ସାଧାରଣ ଓଜନଠାରୁ କମ୍ ଥିବା ସୂଚନା ମିଳିଛି । ସାଧାରଣତଃ ପ୍ରତି ୫ କୋଟି ପ୍ରସବରେ ଗୋଟିଏ କ୍ଷେତ୍ରରେ ଏକାଥରକେ ୪ଟି ସନ୍ତାନ ପ୍ରସବ ଘଟଣା ଘଟିଥାଏ ।
