ନନ୍ଦିଘୋଷ ବ୍ୟୁରୋ: ବିଶ୍ୱରେ ଭାରତୀୟଙ୍କ ଦବଦବା  । ଭାରତୀୟ ବଂଶୋଦ୍ଭବଙ୍କ ହାତରେ ବିଶ୍ୱ ନେତୃତ୍ୱ  ।  ଋଷି ସୁନକ,କମଲା ହରିଷ ଙ୍କ  ଭଳି ଅନେକ ରାଜନେତା ବିଭିନ୍ନ ଦେଶର ଗୁରୁତ୍ୱପୂର୍ଣ୍ଣ ପଦବୀରେ  । ବିଶ୍ୱରେ ଶାସନ କରୁଛନ୍ତି ଭାରତୀୟ  । ୨୦୦ରୁ ଅଧିକ ରାଜନେତା ଅନେକ ଦେଶରେ ନେତତ୍ୱ ନେଉଛନ୍ତି   ।  ୧୫ ଦେଶର ପ୍ରମୁଖ ଦାୟିତ୍ୱରେ ରହିଛନ୍ତି ଭାରତୀୟ ବଂଶୋଦ୍ଭବ  । ୬୦ ରୁ ଅଧିକ  ଭାରତୀୟ ବଂଶୋଦ୍ଭବ  ବିଭିନ୍ନ ଦେଶର କ୍ୟାବିନେଟରେ ରହିଛନ୍ତି  ।  ଆସନ୍ତୁ ଜାଣିବା କେଉଁ ଦେଶର ଭାଗ୍ୟ ଭାରତୀୟଙ୍କ ହାତରେ…

ନିକି ହେଲୀ

ରିପବ୍ଲିକାନ ପାର୍ଟି ନେତ୍ରୀ ନିକି ହାଲି  । ଆମେରିକା ରାଷ୍ଟ୍ରପତି ନିର୍ବାଚନରେ ଡେନାଲ୍ଡ ଟ୍ରମ୍ପଙ୍କ ବିରୋଧରେ ପ୍ରାର୍ଥୀ ହୋଇଥିଲେ  । ଆମେରିକା ରାଜନୀତିରେ ଜଣେ ଚର୍ଚ୍ଚିତ ରାଜନେତା  । ଭାରତୀୟ ବଂଶୋଦ୍ଭବ ନିକି ଦୀର୍ଘ ଦିନ ଧରି ବିଶ୍ୱ ରାଜନିତୀରେ ନିଜର ନେତ୍ୃତ୍ୱ ଜାହିର କରିପାରିଛନ୍ତି  ।

କମଲା ହରିଷ

ଆମେରିକାରେ ପ୍ରଥମ ଭାରତୀୟ ବଂଶୋଦ୍ଭବ ମହିଳା ଉପରାଷ୍ଟ୍ରପତି  । ଗୋରା ଦେଶରେ କଳା ମହିଳାଙ୍କ  ହାତରେ ଦେଶର ନେତୃତ୍ୱ  । କମଳା ଭାରତୀୟ ହୋଇଥିବା ବେଳେ ପିତିମାତା ଏବେ ମଧ୍ୟ ଭାରତରେ ରହୁଛନ୍ତି  ।

ଋଷି ସୁନକ୍

ବ୍ରିଟେନରେ ଭାରତୀୟଙ୍କ ରାଜ୍ । ଭାରତକୁ ୟୁକେରୁ ଦିଓ୍ୱାଲୀ ଭେଟି ।  ବ୍ରିଟେନର ନୂଆ ପ୍ରଧାନମନ୍ତ୍ରୀ ଋଷି ସୁନକ୍ ଭାରତୀୟ ବଂଶୋଦ୍ଭବ ।  ପଞ୍ଜାବର ମୂଳ ବାସିନ୍ଦା ସୁନକ୍ ପରିବାର, ବିଗତ ତିନି ପିଢ଼ି ଧରି ବ୍ରିଟେନରେ ରହି ଆସୁଛନ୍ତି ।  ସାଉଥମ୍ପଟନରେ ରିଷିଙ୍କ ଜନ୍ମ। ଓ୍ୱିଞ୍ଚେଷ୍ଟର କଲେଜରୁ ରାଜନୀତି ବିଜ୍ଞାନ, ଅକ୍ସଫୋର୍ଡ ୟୁନିଭର୍ସିଟିରୁ ଦର୍ଶନ ଓ ଅର୍ଥନୀତି ଶିକ୍ଷା ଏବଂ ଷ୍ଟାଣ୍ଡଫର୍ଡ଼  ୟୁନିଭର୍ସିଟିରୁ ଏମ୍ବିଏ ଶିକ୍ଷା ଅଧ୍ୟୟନ କରିଛନ୍ତି ସେ। ଇନ୍‌ଫୋସିସି ପ୍ରତିଷ୍ଠାତା ଏନ୍. ଆର୍. ନାରାୟଣ ମୂର୍ତ୍ତିଙ୍କ ଝିଅ ଅକ୍ଷତା ମୂର୍ତ୍ତିଙ୍କୁ ବିବାହ କରିଛନ୍ତି ସୁନକ।  ସୁନକଙ୍କୁ ଫେବୃଆରୀ ୨୦୨୦ରେ ଚାନ୍ସେଲର ଅଫ୍ ଦି ଏକ୍ସଚେକର୍ ଭାବେ ନିଯୁକ୍ତ କରିଥିଲେ ତତ୍କାଳୀନ ପ୍ରଧାନମନ୍ତ୍ରୀ ବୋରିସ୍ ଜନସନ୍।   ଏହା ତାଙ୍କର ପ୍ରଥମ ପୂର୍ଣ୍ଣ କ୍ୟାବିନେଟ୍ ପଦ ଥିଲା । ପରେ ସୁନକଙ୍କ ଲୋକପ୍ରିୟତା ଆଶାତୀତ ବୃଦ୍ଧି ପାଇଥିଲା । କରୋନା ଲକଡାଉନ ସମୟରେ ବିଚକ୍ଷଣ ଦୂରଦୃଷ୍ଟିସଂପନ୍ନ ଆର୍ଥିକ ପ୍ୟାକେଜ୍ ଘୋଷଣା କରି ସେ ସବୁ ବର୍ଗର ଆଦୃତି ସାଉଁଟି ପାରିଥିଲେ।\

ସୁଏଲା ବ୍ରାଭେରମାନ

ଗୋଆର ଝିଅ ସୁଏଲା ଆମେରିକାର ଉଚ୍ଚ ପଦରେ  । ସୁଏଲା ବ୍ରାବେରମାନ ବ୍ରିଟେନ ପ୍ରଧାନମନ୍ତ୍ରୀଙ୍କ ଗୃହ ସଚିବ  । ଅର୍ଥାତ ଭାରତୀୟ ବଂଶୋଦ୍ଭବ ଋଷି ସୁନକଙ୍କ ବ୍ୟକ୍ତିଗତ ସଚିବ ରହିଛନ୍ତି ଭାରତୀୟ ବଂଶୋଦ୍ଭବ ସୁଏଲା ବ୍ରାଭେରମାନ୍  ।

ଲିଓ ଏରିକ୍ ଭରାଦକାର

ପୁଣି ଏକ ଦେଶର ମୁଖ୍ୟ ଭାରତୀୟ ବଂଶୋଦ୍ଭବ  । ଆୟରଲ୍ୟାଣ୍ଡର ପ୍ରଧାନମନ୍ତ୍ରୀ ଲିଓ ଏରିକ୍ ଭରାଦକାଦକାର ମଧ୍ୟ ବାରତୀୟ ବଂଶୋଦ୍ଭବ ଅଟନ୍ତି  । ତାଙ୍କ ପିତା ମୁମ୍ବାଇରେ ଜ୍ନମ ଗ୍ରହଣ କରିଥିବାବେଳେ ୧୯୬୦ ମସିହାରେ ସଂଯୁକ୍ତ ରାଷ୍ଟ୍ରକୁ ପଲାଇଥିଲେ  ।

ଆଣ୍ଟୋନିଓ କୋଷ୍ଟା

ପର୍ତ୍ତୁଗାଲର ପୂର୍ବତନ ପ୍ରଧାନମନ୍ତ୍ରୀ  ଆଣ୍ଟୋନିଓ କୋଷ୍ଟା । ୨୦୧୫ ପର୍ଯ୍ୟନ୍ତ ଦାୟିତ୍ୱରେ ରହିଥିଲେ ଆଣ୍ଟୋନିଓ କୋଷ୍ଟା  । ଅଧା ବାରତୀୟ ଓ ଅଧା ପର୍ତ୍ତୁଗୀଜ ବୋଲି ଆଣ୍ଟୋନିଓ କୋଷ୍ଟାଙ୍କୁ କୁହାଯାଏ  । କାରଣ ଜୀବନର ଅର୍ଦ୍ଧାଧିକ ସମୟ ଭାରତରେ ଅତିବାହିତ କରିଛନ୍ତି ଆଣ୍ଟୋନିଓ  ।

ଅନିତା ଆନନ୍ଦ

କାନାଡାର ପ୍ରତିରକ୍ଷା ମନ୍ତ୍ରୀ ଅନିତା ଆନନ୍ଦ  । ଅନିତାଙ୍କ ପିତା ମାତା ଭାରତର ଅଟନ୍ତି  । ପିତା ତାମିଲନାଡୁରେ ଜନ୍ମ ଗ୍ରହଣ କରିଥିବାବେଲେ ମାଆଙ୍କ ରାଜ୍ୟ ପଞ୍ଜାବ  ।

ପ୍ରିୟଙ୍କା ରାଧାକ୍ରିଷ୍ଣନ୍

ପ୍ରିୟଙ୍କା ରାଧାକ୍ରିଷ୍ଣନ୍ ପ୍ରଥମ ଭାରତୀୟ ବଂଶୋଦ୍ଭବ ଯିଏ ନିଉଜଲ୍ୟାଣ୍ଡରେ କ୍ୟାବିନେଟ ମନ୍ତ୍ରୀ ରହିଥିଲେ । ବର୍ତ୍ତମାନ ସାମାଜିକ ଏବଂ ଭଲ୍ୟୁଣ୍ଟାରୀ ବିଭାଗରେ ରହିଛନ୍ତି  । ଚେନ୍ନାଇରେ ଜନ୍ମିତ ପ୍ରିୟଙ୍କାଙ୍କ ପିତାମାତା ମଲାୟାପାଲିରେ ରହି ଆସନ୍ତି