ମୁମ୍ବାଇ: ଲୋକପ୍ରିୟ ବଲିଉଡ୍ କଣ୍ଠଶିଳ୍ପୀ ଅଲକା ୟାଗ୍ନିକ ଆଜିବି ଲୋକଙ୍କ ହୃଦୟରେ ରାଜ୍ କରନ୍ତି । ତାଙ୍କର ସୁମଧୁର ଗୀତ ଆଜିବି ଦର୍ଶକଙ୍କୁ ବାନ୍ଧି ରଖିଛି । ସେ ଅନେକ ସଫଳତା ପାଇଥିବା ବେଳେ ୟୁଟ୍ୟୁବରେ ୨୦୨୨ ବର୍ଷର ସବୁଠୁ ଅଧିକ ଷ୍ଟ୍ରିମ ହୋଇଥିବା ଆର୍ଟିଷ୍ଟ ବନିପାରିଛନ୍ତି । ସାରା ବିଶ୍ୱରେ ପପୁଲାର୍ ଥିବା BTS, ବ୍ଲାକପିଙ୍କ ଓ ଟେଲର ସ୍ୱିଫ୍ଟଙ୍କୁ ପଛରେ ପକାଇ ଗିନିଜ୍ ୱାର୍ଲ୍ଡ ରେକର୍ଡ କରିଛନ୍ତି ।
ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ଏହି ସଫଳତା ମିଳିବା ଯାଏଁ ଅଲକା BTS ଙ୍କୁ ଜାଣିନଥିଲେ। ପରେ ତାଙ୍କ ଝିଅ ସ୍ୟେଶା ଠାରୁ ଜାଣିବାକୁ ପାଇଥିଲେ ଯେ, BTS ହେଉଛି ସାଉଥକୋରିଆର ପପୁଲାର kpop ବ୍ୟାଣ୍ଡ । ଏପରିକି ସେମାନେ ଗ୍ଲୋବାଲ୍ ଆଇକନ୍ ମଧ୍ୟ । ଅଲକା କୁହନ୍ତି, ଏହି ଆଚିଭମେଣ୍ଟ ସମ୍ପର୍କରେ ମୋ ଝିଅ କହିବା ପରେ ମୋର କିଛି ପ୍ରତିକ୍ରିୟା ନଥିଲା। ତା’ପରେ ଯାଇ ସ୍ୟେଶା ମୋତେ BTS ସମ୍ପର୍କରେ କହିଥିଲା । ଯାହା ପରେ ମୋତେ ଖୁବ୍ ଆଶ୍ଚର୍ଯ୍ୟ ଲାଗିଥିଲା ।
ଅଲକାଙ୍କ ଏଭଳି କଥାକୁ ନେଇ ସୋସିଆଲ୍ ମିଡିଆରେ ଖୁବ୍ ଟ୍ରୋଲ୍ କରାଯାଉଛି । କିଛି ୟୁଜର୍ସ କହିଛନ୍ତି, BTS ସାରା ଦୁନିଆରେ ପପୁଲାର ଥିବାବେବଳେ ଆପଣ ସେମାନଙ୍କୁ ଜାଣିନାହାଁନ୍ତି । ଆପଣଙ୍କ ଠାରୁ ଏଭଳି ଆଶା ନଥିଲା । ସେହିପରି ଆଉକିଛି ୟୁଜର୍ସ କହିଛନ୍ତି, ଆପଣଙ୍କ ଟେଷ୍ଟ ଖୁବ୍ ଖରାପ ମ୍ୟାଡାମ, ଆପଣଙ୍କ ମନ୍ତବ୍ୟ BTS ଫ୍ୟାନ୍ସଙ୍କୁ ପସନ୍ଦ ଆସିବନି।
ତେବେ ଅଲକା ଏବେ ରିଆଲିଟି ଶୋ’ରେ ଜଜ୍ ଭାବେ କାମ କରୁଛନ୍ତି । ଟେଲିଭିଜିନ ଇଣ୍ଡଷ୍ଟ୍ରିରେ ତାଙ୍କର ଫ୍ୟାନ ଫଲୋଇଂ ମଧ୍ୟ କିଛି କମ୍ ନୁହେଁ ।
