ମୁମ୍ବାଇ: ନ୍ୟାସନାଲ କ୍ରସ୍ ରଶ୍ମିକା ମନ୍ଦାନଙ୍କ ସହ ଠକେଇ । ରଶ୍ମିକାକୁ ଧୋକ୍କା ଦେଲା ମ୍ୟାନେଜର। ମ୍ୟାନେଜର ଲଗାଇଲେ ୮୦ ଲକ୍ଷ ଟଙ୍କାର ଚୂନ । ଧରାପଡ଼ିବା ପରେ ଚାକିରୀରୁ ବିଦା ହେଲା ମ୍ୟାନେଜର । ସାଉଥ୍ ଆକ୍ଟ୍ରେସ ରଶ୍ମିକା ମନ୍ଦାନଙ୍କୁ ବଡ଼ ଝଟକା । ରଶ୍ମିକାଙ୍କ ସହ ୮୦ ଲକ୍ଷ ଟଙ୍କାର ଠକେଇ ହୋଇଛି । ତାଙ୍କ ମ୍ୟାନେଜର ଏଭଳି କରିଥିବା ଜଣାପଡିଛି । ଦୀର୍ଘ ଦିନ ଧରି ତାଙ୍କ ସହ କାମ କରି ଆସୁଥିଲେ ମ୍ୟାନଜେର । ଧିରେ ଧିରେ କରି ଟଙ୍କା ୮୦ ଲକ୍ଷ ଟଙ୍କାର ଜାଲିଆତି କରିଛନ୍ତି ମ୍ୟାନେଜର । ରଶ୍ମିକା ଏକଥା ଜିଣିବା ପରେ ମ୍ୟାନେଜରକୁ ଚାକିରୀରୁ ବିଦା କରିଛନ୍ତି । ବର୍ତ୍ତମାନ ସୁଦ୍ଧା ରଶ୍ମିକାଙ୍କ ପକ୍ଷରୁ ଏନେଇ କୌଣସି ସୂଚନା ମିଳିପାରିନାହିଁ ।

ହିନ୍ଦୁସ୍ଥାନ ଟାଇମ୍ସର ରିପୋର୍ଟ ଅନୁଯାୟୀ, ମ୍ୟାନେଜର ଦୀର୍ଘ ଦିନ ଧରି ରଶ୍ମିକାଙ୍କ ସହ କାମ କରିଆସୁଥିଲେ । ମଉକା ଦେଖି ଟଙ୍କା ଜାଲିଆତି କରୁଥିଲେ । ରଶ୍ମିକା ଏହି ବିଷୟ କୌଣସି ସୁରକ ପାଇନଥିଲେ । ଯେତେବେଳେ ତାଙ୍କର ସନ୍ଦେହ ହୋଇଥିଲା ସେତେବେଳକୁ ୮୦ ଲକ୍ଷ ଟଙ୍କାର ଚୂନ ମାରିସାରିଥିଲା ମ୍ୟାନେଜର । ଏହି ସମସ୍ତ ଘଟଣାକୁ ରଶ୍ମିକା ସାମ୍ନାକୁ ଆଣିବାକୁ ଚାହୁଁନାହାନ୍ତି । ଏନେଇ ସେ କୌଣସି ଚର୍ଚ୍ଚା କରିବାକୁ ମଧ୍ଯ ଚାହୁଁ ନାହାନ୍ତି । ଏସବୁରୁ ସେ ଦୂରେଇ ରହିବାକୁ ଚାହାନ୍ତି । ତେଣୁ ଏହି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରି ସେ ମ୍ୟାନେଜରକୁ କାମରୁ ବାହାର କରିଦେଇଛନ୍ତି ।

ତେବେ ଆପଣଙ୍କୁ କହି ରଖିବୁ କି, ରଶ୍ମିକାଙ୍କ ଆଗାମୀ ଫିଲ୍ମ ଖୁବ ଶୀଘ୍ର ଆସିବାକୁ ଯାଉଛି । ଏବେ ତାଙ୍କୁ ରଣବୀର କାପୁରଙ୍କ ସହ ଫିଲ୍ମ ‘ଆନିମଲ’ରେ ଦେଖିବାକୁ ମିଳିବ । ନିକଟରେ ମେକର୍ସମାନେ ଫିଲ୍ମର ପ୍ରି-ଟିଜର ରିଲିଜ କରିଛନ୍ତି । ଯାହା ଦର୍ଶକଙ୍କୁ ଖୁବ ପସନ୍ଦ ଆସିଛି । ଏହି ଚଳଚ୍ଚିତ୍ର ଅଗଷ୍ଟ ୧୧ରେ ପ୍ରେକ୍ଷାଳୟରେ ରିଲିଜ୍ ହେବ ।