spot_img
Home Blog Page 3101

ବ୍ୟବସ୍ଥାପକ ହୋଇ ଭାଙ୍ଗିଛନ୍ତି କି ନିୟମ, ଲୋକପ୍ରତିନିଧି ଆଇନର ଉଲ୍ଲଂଘନ କରିଛନ୍ତି ମହମ୍ମଦ ମୋକିମ

ଭୁବନେଶ୍ବର: ଲୋକପ୍ରତିନିଧି ଆଇନ ୧୯୫୧ର ଧାରା ୩୧ ଓ ୩୩ର ନିୟମ ଉଲ୍ଲଂଘନ କରିଛନ୍ତି କି କଟକ ବାରବାଟୀ ବିଧାୟକ ମହମ୍ମଦ ମୋକିମ ? ଯଦି ନିୟମ ଭାଙ୍ଗିଥାନ୍ତି ତେବେ ମୋକିମଙ୍କ ରାଜନୈତିକ ଭବିଷ୍ୟତ ବିପଦରେ  । ପୂର୍ବତନ ବିଧାୟକ ଦେବାଶିଷ ସାମନ୍ତରାୟ ହାଇକୋର୍ଟରେ କରିଥିବା ମାମଲା ହିଁ କହୁଛି । କେବଳ ସେତିକି ନୁହେଁ ସତ୍ୟପାଠରେ ଅପରାଧୀକ ମାମଲା ନେଇ ଦେଇଥିବା ତଥ୍ୟ ମଧ୍ୟ ଭୁଲ ଅଛି  । ସତ୍ୟପାଠରେ ଉଲ୍ଲେଖ ଅପରାଧୀକ ମାମଲା ଏହାଠାରୁ ଅଧିକ ଅଛି ବୋଲି କହିଛନ୍ତି ଦେବାଶିଷଙ୍କ ଓକିଲ  । ତେବେ କଣ ହେବ ଫୈସଲା ଏବେ ସବୁରି ନଜର କୋର୍ଟଙ୍କ ଉପରେ ରହିଛି  ।

ଜାଲିଆତି କରିଛନ୍ତି କି ମହମ୍ମଦ ମୋକିମ ? ନିର୍ବାଚନ ଲଢିବା ପାଇଁ କରିଛନ୍ତି କି ଫନ୍ଦିଫିକର ? ଫର୍ମ-2Bକୁ ବଦଳାଇବାର କ୍ଷମତା କାହାରି ନାହିଁ  । ତଥାକଥିତ ପ୍ରେସକ୍ରାଇବ ଫର୍ମକୁ ବଦଳାଇଛନ୍ତି କି କଟକ ବାରବାଟୀ ବିଧାୟକ ? କେବଳ ଏତିକି ନୁହେଁ ନିଜ ବିରୋଧରେ ଥିବା ୧୫ଟି ମାମଲା ମଧ୍ୟରୁ ୧୩ଟିର ତାଲିକା ସତ୍ୟପାଠରେ ଉଲ୍ଲେଖ କରିଥିଲେ  । ବାକି ଦୁଇଟିକୁ ଗାଏବ କରିଦେଇଥିଲେ ମୋକିମ  । ଏହାସହ ୨ ଏପ୍ରିଲରେ ନାମାଙ୍କନ ଭରିଥିବା ବେଳେ ୩ ଏପ୍ରିଲର ଦେଇଥିଲେ ସତ୍ୟପାଠ ।

ଯେଉଁଥିରେ ସମ୍ପତ୍ତିର ତାଲିକା ସାଙ୍ଗକୁ ଥିଲା 13ଟି ଅପରାଧୀକ ରେକର୍ଡର ବିବରଣୀ  । ଯେଉଁ ସମ୍ପତ୍ତି ସେ ନିଜର ବୋଲି ସତ୍ୟପାଠରେ ଦର୍ଶାଇଛନ୍ତି ସେଥିରୁ ଅନେକ ତାଙ୍କ ନାଁରେ ନଥିବା ତହସିଲ ରେକର୍ଡରୁ ଜଣାପଡିଛି  । ଏସବୁ ଏବେ ତାଙ୍କ ପାଇଁ ଅଡୁଆ ସ୍ଥିତି ଉତ୍ପନ୍ନ କରିବ ବୋଲି କହିଛନ୍ତି ଦେବାଶିଷଙ୍କ ଓକିଲ । ମାମଲାରେ ଦୋଷୀ ସାବ୍ୟସ୍ତ ହେଲେ ମୋକିମଙ୍କ ବିଧାୟକ ପଦ ଯିବ  । ତା ସହିତ ଯଦି 15ଟି କେଶରୁ କେଉଁ ଗୋଟିଏରେ ସେ ଦୋଷୀ ସାବ୍ୟସ୍ତ ହୁଅନ୍ତି, ତେବେ ଆଗାମୀ ନିର୍ବାଚନ ଲଢ଼ିବା ଉପରେ ମଧ୍ୟ ଅଙ୍କୁଶ ଲାଗିବ  ।

ମୋକିମ ନିଜ ଆଡୁ ପ୍ରସ୍ତୁତ କରିଥିବା ନାମାଙ୍କନ ପତ୍ରରେ ବ୍ୟାପକ ହେରଫେର କରିଛନ୍ତି ବୋଲି ଅଭିଯୋଗ ହୋଇଛି । ସେଥିପାଇଁ ପୂର୍ବତନ ବିଧାୟକ ଦେବାଶିଷ ସାମନ୍ତରାୟ ହାଇକୋର୍ଟରେ ମାମଲା ରୁଜୁ କରିଛନ୍ତି  । ପ୍ରେସକ୍ରାଇବ ଫର୍ମରେ ପାର୍ଟ 2, 3, ଓ 3A ଥିବା ବେଳେ ସେ ତାଙ୍କ ଫର୍ମରୁ ପାର୍ଟ 2କୁ ସମ୍ପୂର୍ଣ୍ଣ ଓ ପାର୍ଟ 3, 3Aରେ ଆଂଶିକ ଉଚ୍ଛେଦ କରିଛନ୍ତି  । ମେଟ୍ରୋ ବିଲଡର ନାଁରେ ଆପର୍ଟମେଣ୍ଟ ପାଇଁ ପାୱାର ଅଫ ଆର୍ଟର୍ଣ୍ଣି ବଳରେ ନେଇଥିବା ଜମିକୁ ନିଜର ବୋଲି ଦର୍ଶାଇଛନ୍ତି  । ଯାହା ମିଥ୍ୟା ଓ ବେଆଇନ  । ସେହିପରି ଏକାଧିକ ଅପରାଧୀକ ମାମଲାରେ ଲାଗିଥିବା ଧାରା ଗୁଡିକୁ ମଧ୍ୟ ସତ୍ୟପାଠରେ ବିଧାୟକ ଦର୍ଶାଇ ନାହାନ୍ତି  । ଯଦି ଏସବୁ ଅଭିଯୋଗ ସତ୍ୟ ହୋଇଥାଏ ତେବେ ବିଧାୟକ ମହମ୍ମଦ ମୋକିମଙ୍କ ପାଇଁ ଅଡୁଆ ବଢିବ ଏଥିରେ ସନ୍ଦେହ ନାହିଁ  ।

ମୋକିମ କାହିଁକି କଲେ ଲୋକପ୍ରତିନିଧି ଆଇନର ଉଲ୍ଲଂଘନ ? ଜାଲିଆତି ଜାଣତରେ ହୋଇଛି ନା ଅଜାଣତରେ ? ବ୍ୟବସ୍ଥାପକ ହୋଇ କିଭଳି ସେ ଲୋକଙ୍କ ଭରସା ଜିତିବେ ? ସେ ଯାହା ବି ହେଉ ଗତ ସୋମବାରଠାରୁ ମାମଲାରେ ଜେରା ଆରମ୍ଭ ହୋଇଛି  । ପରବର୍ତ୍ତୀ  ଜେରା ତାରିଖ ସେପ୍ଟେମ୍ବର ୨୧ ତାରିଖ ଧାର୍ଯ୍ୟ ହୋଇଛି  । ସେହିଦିନ ମାମଲାର ଶୁଣାଣି କରି କୋର୍ଟ ସତ୍ୟାସତ୍ୟ ସ୍ପଷ୍ଟ କରିଦେବେ ବୋଲି କହିଛନ୍ତି ।

ନବୀନଙ୍କ ଯୋଜନା ଦେଶର ମଡେଲ, ଅଣସଂଗଠିତ ଶ୍ରମିକ ସାମାଜିକ ସୁରକ୍ଷା କଲ୍ୟାଣ ଢାଞ୍ଚାରେ ବିଶ୍ବକର୍ମା

ଭୁବନେଶ୍ବର: ନବୀନଙ୍କ ଯୋଜନା ଦେଶର ମଡେଲ। ଓଡ଼ିଶା ଅଣସଂଗଠିତ ଶ୍ରମିକ ସାମାଜିକ ସୁରକ୍ଷା କଲ୍ୟାଣ ଢାଞ୍ଚାରେ ଦେଶରେ ଆରମ୍ଭ ହେଉଛି ବିଶ୍ବକର୍ମା ଯୋଜନା। ଅଣସଂଗଠିତ ଶ୍ରମିକଙ୍କ ପାଇଁ ଖୁବଶୀଘ୍ର ଏହି ଯୋଜନା ଲାଗୁ ହେବାକୁ ଯାଉଛି। ନିକଟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡିଶା ଅଣସଂଗଠିତ ଶ୍ରମିକ ସାମାଜିକ ସୁରକ୍ଷା ବୋର୍ଡ କଲ୍ୟାଣ ଯୋଜନାରେ ଡେଲିଭରି ବୟ, କୁମ୍ଭାର, କମାର, ପାଇପମିସ୍ତ୍ରୀଙ୍କ ପରି ୫୦ଟି ବର୍ଗର ଅଣସଂଗଠିତ କର୍ମଚାରୀଙ୍କୁ କଲ୍ୟାଣ ବୋର୍ଡ ଯୋଜନାରେ ସାମିଲ କରିଛନ୍ତି । ଏଥିରେ ଦୁର୍ଘଟଣାଜନିତ ମୃତ୍ୟୁ କ୍ଷେତ୍ରରେ ସହୟତା ୪ଲକ୍ଷ ଟଙ୍କା, ସ୍ବାଭାବିକ ମୃତ୍ୟୁ କ୍ଷେତ୍ରରେ ୨ଲକ୍ଷ ଟଙ୍କା ସହାୟତା ରାଶିକୁ ବୃଦ୍ଧି କରାଯାଇଛି । ଓଡ଼ିଶାର ଅଣସଂଗଠିତ ଶ୍ରମିକ ବୋର୍ଡ ଜରିଆରେ ହିତାଧୀକାରୀଙ୍କୁ ବିଭିନ୍ନ ସହାୟତା ଯୋଗାଇ ଦେଉଛନ୍ତି ରାଜ୍ୟ ସରକାର। ୨୦୧୭ ମସିହାରୁ ଶ୍ରମିକ ବୋର୍ଡ ଜରିଆରେ ୩ଲକ୍ଷ ୬୫ହଜାର ପଞ୍ଜିକୃତ ଶ୍ରମିକଙ୍କୁ ବିଭିନ୍ନ ସୁବିଧା ଯୋଗାଇ ଦେଉଛନ୍ତି ରାଜ୍ୟ ସରକାର। ଦେଶରେ ନବୀନଙ୍କ ଯୋଜନା ଢାଞ୍ଚାରେ ବିଶ୍ବକର୍ମା ଯୋଜନା କାର୍ଯ୍ୟକାରୀ ହେବା ଭଲ ନିଷ୍ପତ୍ତି ବୋଲି ବିଜେଡି କହିଛି ।

ପୂର୍ବରୁ ରାଜ୍ୟ ସରକାରଙ୍କ କାଳିଆ, ମମତା ପରି ଅନେକ ଯୋଜନାକୁ ପୂରା ଦେଶ ଅନୁକରଣ କରି ବିଭିନ୍ନ ଯୋଜନା କରିଛି। ଅନେକ ସମୟରେ କେନ୍ଦ୍ର ଯୋଜନାଠାରୁ ରାଜ୍ୟ ସରକାରଙ୍କ ଯୋଜନାରେ ବହୁତ ଭଲ ବ୍ୟବସ୍ଥା ଥିବା ବି ପ୍ରମାଣିତ ହୋଇଛି। ଜନସେବାରେ ୨୫ବର୍ଷ ଧରି ମୁଖ୍ୟମନ୍ତ୍ରୀ ଲୋକଙ୍କ ପାଇଁ ବିଭିନ୍ନ ଯୋଜନା କରି ସଫଳତା ହାସଲ କରିଥିବାରୁ ଜାତୀୟ ଓ ଅନ୍ତର୍ଜାତୀୟସ୍ତରରେ ରାଜ୍ୟ ସରକାରଙ୍କୁ ପ୍ରଶଂସା ମିଳିଛି। ରାଜ୍ୟ ଢାଞ୍ଚାରେ ଦେଶରେ ବିଭିନ୍ନ ଯୋଜନା ଲାଗୁ ହେବା ଓଡ଼ିଶା ପାଇଁ ଗର୍ବ ବୋଲି ବିଜେଡି ବିଧାୟକ ଶଶିଭୂଷଣ ବେହେରା କହିଛନ୍ତି।

ଅଣସଂଗଠିତ ଶ୍ରମିକଙ୍କ ସାମାଜିକ ସୁରକ୍ଷାକୁ ମୁଖ୍ୟମନ୍ତ୍ରୀ ସବୁବେଳେ ଗୁରୁତ୍ବ ଦେଇ ବିଭିନ୍ନ ପ୍ରକାର ସହାୟତା ଯୋଗାଇ ଦେଉଛନ୍ତି। ନବୀନଙ୍କ ଏପରି ନିଷ୍ପତ୍ତିରେ ଲକ୍ଷ ଲକ୍ଷ ଶ୍ରମିକ ଉପକୃତ ହେଉଛନ୍ତି। ମୁଖ୍ୟମନ୍ତ୍ରୀଙ୍କ ଶ୍ରମିକ କଲ୍ୟାଣ ନୀତି ଏବେ ଦେଶ ଗ୍ରହଣ କରିବାକୁ ଯାଉଛି।

ବର୍ଷା ନହେବାରୁ ଚିନ୍ତାରେ ଚାଷୀ, ମୋଟରରେ ପାଣି ଉଠାଇ ତଳି ବଞ୍ଚାଇବା କଷ୍ଟ

ଗଞ୍ଜାମ : କେଉଁଠି ବର୍ଷା ଲୋକଙ୍କ ପାଇଁ କାଳ ସାଜିଥିଲା । ଏବେ କେଉଁଠି ବର୍ଷା ନହେବାରୁ ଚିନ୍ତାରେ ଦିନ ବିତାଉଛନ୍ତି ଚାଷୀ । ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକର ଅନେକ ଚାଷୀ ଏବେ ବର୍ଷା ଅପେକ୍ଷାରେ । ମୌଳାଭଣଜା ପୋଡାସିଙ୍ଗି ନାଳ ଓ ମହାଦେଇ ସାଗର ଉପରେ ଚାଷୀ ଭରଷା କରୁଥିବା ବେଳେ କ୍ଷୁଦ୍ରଜଳ ସେଚନ ଉପରୁ ଆଶା ଭରସା ତୁଟିବାରେ ଲାଗିଛି । କେନାଳ ସଫା କରିବା ନେଇ ସରକାର ଲକ୍ଷଲକ୍ଷ ଟଙ୍କା ଟେଣ୍ଡର କରୁଥିବା ବେଳେ ଯନ୍ତ୍ରୀ ଓ ଠିକାଦାରଙ୍କ ପାଇଁ କେନାଳ ଶୁଖିଲା ପଡୁଥିବା ଚାଷୀ ଅଭିଯୋଗ କରିଛନ୍ତି । ଧାନତଳି ଶୁଖିଯାଇଥିବା ବେଳେ ମୋଟର ସାହାଯ୍ୟରେ ପାଣି ଉଠାଇ ତଳିକୁ ବଞ୍ଚାଇବାକୁ ଚେଷ୍ଟା କରୁଛନ୍ତି ଚାଷୀ । ସାନଖେମୁଣ୍ଡି ବ୍ଲକ ନୁଆଁମୌଳା ଭଣଜା, ଡେଙ୍ଗାଓସ୍ତା, ପୋଡାମାରି, ପାଟପୁର, ଖଲିଙ୍ଗୀ, ଆଡ଼ପଡା ଆଦି ଅଞ୍ଚଳରେ ବର୍ଷାର ଉଭାନ ପରେ ଚାଷ କାମ ଠପ ହୋଇ ପଡ଼ିଛି ।Only 50% farmers benefited from farm loan waivers, finds study - The Hindu

ଘୋଡ଼ାହାଡ଼ ଡ୍ୟାମରୁ ପାଣି ଛଡାଯାଇଥିଲେ ବି ଉପର ମୁଣ୍ଡରେ ଚାଷ ସରିଯାଇଛି । ହେଲେ ତଳିଆ ଲୋକ ପାଣି ପାଇଁ ଡହଳ ବିକଳ ହେଉଛନ୍ତି । ପାଣି ସମସ୍ୟା ନେଇ ବିଭାଗୀୟ ଅଧିକାରୀଙ୍କୁ ଭେଟିଛନ୍ତି ଚାଷୀ ।  କେନାଳକୁ ସଫା କରିବା ସହ ନଦୀରୁ ପାଣି ଉଠାଇବା ବ୍ୟବସ୍ଥା କରିବାକୁ ଦାବି ରଖିଛନ୍ତି ଚାଷୀ । ସେହିପରି ଗଞ୍ଜାମ ଜିଲ୍ଲାପାଳଙ୍କୁ ମଧ୍ୟ ଭେଟିଛନ୍ତି ସାନଖେମୁଣ୍ଡି ବ୍ଲକ ମୌଳାଭଣଜା ଗାଁର ଲୋକ । କେନାଳକୁ ସଫା କରିବା ସହ ଜଳ ଯୋଗାଣ ବ୍ୟବସ୍ଥା କିମ୍ବା ନଦୀକୁ ବନ୍ଧାଇ କେନାଳରେ ପାଣି ଛାଡିବାକୁ ଚାଷୀ କୁଳ ଦାବି କରିଥିବା ବେଳେ ପ୍ରଶାସନ ଏଥିପ୍ରତି ଦୃଷ୍ଟି ଦେବା ଜରୁରି ହୋଇପଡିଛି ।

ଏହି ମାଟିର ୩୦ରୁ ଅଧିକ ସନ୍ତାନ ଦେଶର ରହିଛନ୍ତି ଯବାନ୍

ଯାଜପୁର : ବୀର ଯବାନ ବା ସୈନିକଙ୍କ ଗାଁ ହେଉଛି ସିଙ୍ଗାପୁର । ଗାଁର ୩୦ରୁ ଅଧିକ ଯବାନ ଏବେବି ସେନାବାହିନୀର ବିଭିନ୍ନ ବିଭାଗରେ ନିୟୋଜିତ ଅଛନ୍ତି । ତିନିଜଣ ଯବାନ୍ ଦେଶମାତୃକା ପାଇଁ ସହିଦ ହୋଇଛନ୍ତି । ସ୍ବାଧିନତା ସଂଗ୍ରାମ ଠାରୁ ଆରମ୍ଭ କରି ଆଜି ପର୍ଯ୍ୟନ୍ତ ଦେଶସେବା ଓ ସୁରକ୍ଷା କ୍ଷେତ୍ରରେ ଏହି ଗାଁର ଅନେକ ମହତ୍ବପୂର୍ଣ୍ଣ ଅବଦାନ ରହିଛି । ଯାଜପୁର ଜିଲ୍ଲା ରସୁଲପୁର ବ୍ଲକରେ ରହିଛି ସିଙ୍ଗାପୁର ପୁର ଗାଁ । ନଦୀକୂଳିଆ ଚାଷବାସର ମାଟି ହେଉଛି ସିଙ୍ଗାପୁର ମାଟି । ହେଲେ ଏହି ଗାଁକୁ ଲୋକେ କହନ୍ତି ସୈନିକଙ୍କ ଗାଁ । କାରଣ ଜଣେ ଦୁଇଜଣ ନୁହଁନ୍ତି ଏହି ଗାଁର ୩୦ରୁ ଅଧିକ ଯବାନ୍ ଆଜି ବି ସେନାବାହିନୀରେ କାର୍ଯ୍ୟରତ ଅଛନ୍ତି । ତିନିଜଣ ଯବାନ ଦେଶମାତୃକା ପାଇଁ ସହିଦ୍ ହୋଇଛନ୍ତି । ମାତ୍ର ୨୩ବର୍ଷ ବୟସରେ ୨୦୦୫ ମସିହା ଅକ୍ଟୋବର ୮ ତାରିଖ ନାଗାଲାଣ୍ଡରେ ସହିଦ ହୋଇଗଲେ ବୀର ଯବାନ ଅନିରୁଦ୍ଧ ବରାଳ ।

ସେହିପରି ୧୭ ଏପ୍ରିଲ ୨୦୧୬ରେ ଦାର୍ଜିଲିଂ ପାହାଡରୁ ସେନା ଗାଡି ହଜାର ଫୁଟ୍ ତଳକୁ ଖସିପଡି ସହିଦ୍ ହୋଇଯାଇଥିଲେ ବୀର ଯବାନ ନାରାୟଣ ଚନ୍ଦ୍ର ପ୍ରଧାନ । ଗାଁର ଦେବେନ୍ଦ୍ର ମଲ୍ଲିକ ନାମକ ଆଉଜଣେ ବୀର ମଧ୍ୟ ସହୀଦ୍ ହୋଇ ଅମର ହୋଇ ରହିଛନ୍ତି । ଆଜି ସେହି ସହିଦଙ୍କୁ ଝୁରୁଛି ସିଂହାପୁର ମାଟି । ଗାଁ ପାଇଁ ଗର୍ବ ଅନୁଭବ କରନ୍ତି ଅଞ୍ଚଳବାସୀ । ପରାଧିନ ଭାରତବର୍ଷର ସଂଗ୍ରାମ ଇତିହାସରେ ଏହି ଗାଁର ସ୍ବାଧିନତା ସଂଗ୍ରାମୀ ଭଗବାନ ରଥଙ୍କ ନେତୃତ୍ବରେ ଶତାଧିକ ଲୋକ ସ୍ବାଧନତା ଆନ୍ଦୋଳନରେ ଝାସ ଦେଇଥିଲେ । ଭଗବାନ୍ ଯିଏ କି ସ୍ବାଧିନତା ସଂଗ୍ରାମୀ ଭତ୍ତାକୁ ଦାନ ବଦଳରେ ପ୍ରତିଦାନ କହି ପ୍ରତ୍ୟାଖାନ କରିଥିଲେ । ଗାଁର କମ୍ ବୟସର ଯୁବକ ମାନେ ମଧ୍ୟ ସେନାବାହିନୀରେ ସାମିଲ୍ ହେବାକୁ ଇଚ୍ଛା ପ୍ରକଟ କରିଥାନ୍ତି । ଯାହାର ପ୍ରମାଣ ହେଉଛନ୍ତି ଏହି ଗାଁର ୩୦ ଯବାନ୍ ଓ ୩ ସହୀଦ୍ ବୀର । ଅନିରୁଦ୍ଧଙ୍କ ସ୍ମୃତିରେ ଗାଁର ଏକ ପ୍ରମୁଖ ରାସ୍ତାକୁ ଗାଁ ଲୋକେ ସହୀଦ୍ ଅନିରୁଦ୍ଧ ମାର୍ଗ ନାମରେ ନାମିତ କରିଛନ୍ତି । ଗାଁ ମୁଣ୍ଡରେ ଗଢିଛନ୍ତି ତାଙ୍କର ଏକ ସହୀଦ୍ ସ୍ମୃତି ସ୍ତମ୍ଭ ।  ସେହିପରି ନାରାୟଣ ପ୍ରଧାନ୍ ଓ ଦେବେନ୍ଦ୍ର ମଲିକ ଙ୍କ ସ୍ମୃତି ଉଦ୍ଦେଶ୍ୟରେ ସେମାନଙ୍କର ପ୍ରତିମୂର୍ତ୍ତୀ ମଧ୍ୟ ରହିଛି ।

ଦାଦାବଟି ମାଗି ମାଡ ଖାଇଲେ ବିଜେପି ସମର୍ଥିତ ସରପଞ୍ଚ

ସମ୍ବଲପୁର : ଦାଦାବଟି ମାଗିବାକୁ ଯାଇ ମାଡ ଖାଇଲେ ବିଜେପି ସମର୍ଥିତ ସରପଞ୍ଚ । ଘଟଣା ଘଟିଛି ସମ୍ବଲପୁର ଜିଲ୍ଲା ଯୁଜୁମରା ବ୍ଲକରେ । କବରାପାଲି ସରପଞ୍ଚ ଅନ୍ତର୍ଯ୍ୟାମୀ ପ୍ରଧାନ ଜୟନ୍ତପୁର ପଞ୍ଚାୟତ ନିକଟରେ ଥିବା ଏକ କେମିକାଲ ପ୍ୟାକ୍ଟ୍ରିର ମ୍ୟାନେଜରକୁ ଧମକ ଦେବା ସହ ବଟି ମାଗିଥିଲେ । ଏ ନେଇ ଜୟନ୍ତପୁର ସରପଞ୍ଚଙ୍କ ସମର୍ଥକ ଅନ୍ତର୍ଯ୍ୟାମୀଙ୍କୁ ଏକ ଢାବାରେ ମାଡ଼ ମାରିଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ତେବେ ଥାନାରେ ଏ ନେଇ ମାମଲା ରୁଜୁ ହୋଇ ନଥିବା ଜଣାପଡ଼ିଛି । ପୂର୍ବରୁ ବଟି ମାଗିବା ନେଇ ସରପଞ୍ଚଙ୍କ ନାଁରେ ବଟି ମାଗିବା ଅଭିଯୋଗ ଥିବା ବେଳେ ପୋଲିସକୁ ଦୁର୍ବ୍ୟବହାର କରି କୋର୍ଟ ଚାଲାଣ ହୋଇଥିଲେ ।

ବର୍ଷକୁ ୧୨୦ ଗୁଣା ବୃଦ୍ଧି କରିବାକୁ କହି ହଜାରେ କୋଟି ଠକେଇ

ଭୁବନେଶ୍ବର : ବର୍ଷକୁ ୧୨୦ ଗୁଣା ଟଙ୍କା ବୃଦ୍ଧି କରିବାକୁ କହି ହଜାରେ କୋଟି ଟଙ୍କାର  ଠକେଇ । MCA ପଢୁଆ ରତ୍ନାକର ପଲେଇକୁ ଗିରଫ କରିଛି EOW । କଂପାନୀର ପ୍ରମୋସନ କରୁଥିଲେ ବଲିଉଡ ଷ୍ଟାର ଗୋବିନ୍ଦା । ୟୁରୋପ ରୁ ଅପରେଟ କରୁଥିଲା ଠକ। ସାରା ଦେଶରେ ଦୁଇ ଲକ୍ଷ ଓ ଓଡିଶାରୁ ୧୦ ହଜାର ଲୋକ ହରାଇଛନ୍ତି ହଜାରେ କୋଟିରୁ ଅଧିକ ଟଙ୍କା । ଅଧିକ ସୁଧର ଲୋଭ ଦେଖାଇ ହଜାରେ କୋଟି ଟଙ୍କା ଗୋଲ୍  । ସେଲିବ୍ରିଟି କରୁଥିଲେ ପ୍ରମୋସନ, ଠକ ପାଉଥିଲେ ମୁନାଫା । ଉଚ୍ଚ ଶିକ୍ଷିତଙ୍କ ଜରିଆରେ ଚାଲିଥିଲା ଚେନ ସିଷ୍ଟମ ବିଜନେସ । କ୍ରିପ୍ଟୋ ଇନଭେଷ୍ଟମେଣ୍ଟ ନାଁରେ ହଜାରେ କୋଟି ଟଙ୍କାର ଠକେଇ ଘଟଣାରେ ରତ୍ନାକର ପଲେଇକୁ ଗିରଫ କରିଛି ଇଓଡବ୍ଲ୍ୟୁ । ରତ୍ନାକର ଜଣେ MCA ପାଠ ପଢିଥିବା ଉଚ୍ଚଶିକ୍ଷିତ । ସୋସିଆଲ ମିଡ଼ିଆର ଈଂଫ୍ଲୁଏନ୍ସର ଭାବେ କାମ କରୁଥିଲା । ନୟାପଲ୍ଲୀରେ ନିଜର ଅଫିସ କରି ଭଦ୍ରକ, ବାଲେଶ୍ଵର, ଭୁବନେଶ୍ବର, ମୟୂରଭଞ୍ଜ, ଯାଜପୁର, କେନ୍ଦ୍ରାପଡା ଓ କେନ୍ଦୁଝରରେ ଥିବା ପ୍ରାୟ ୧୦ ହଜାର ଓଡ଼ିଆ ଲୋକଙ୍କୁ ଜାଲରେ ଫସାଉଥିଲା । ୨୦ ମାସ ପର୍ଯ୍ୟନ୍ତ ନୋ ରିଟର୍ଣ୍ଣ ଓ ପରେ ମାସକୁ ୬ ପ୍ରତିଶତ ସୁଧର ଅଫର ଦିଆଯାଇଥିଲା ।Opinion | Where has all the money gone from the system? | Mint

ଠକ ସଂସ୍ଥାର ଭାରତ ମୁଖ୍ୟ ଗୁରୁତେଜ ସିଂ ଓ ଓଡ଼ିଶା ମୁଖ୍ୟ ନିରଦ ଦାସର ଅତି ନିକଟତର ଥିଲା ରତ୍ନାକର । ଗୋଆରେ ଠକ ସଂସ୍ଥାର କନ୍ଫରେନ୍ସରେ କିଛିଦିନ ତଳେ ଯୋଗ ଦେଇଥିଲା ଏହି ଅଭିଯୁକ୍ତ।  ସଂସ୍ଥାର ଭାରତ ମୁଖ୍ୟ ଗୁରୁତେଜ ସିଂ ଓ ଓଡିଶା ମୁଖ୍ୟ ନିରଦ ଦାସ ପୂର୍ବରୁ ଗିରଫ ହୋଇଥିଲେ  ।  ସେମାନଙ୍କୁ ରିମାଣ୍ଡରେ ଆଣି ଫରେନ ଲିଙ୍କ, ଆକାଉଣ୍ଟ ଟ୍ରାଞ୍ଜକ୍ସନ, ମାଷ୍ଟରମାଇଣ୍ଡ ସମ୍ପର୍କରେ ତଥ୍ୟ ହାସଲ କରାଯାଇଛି । ପୂର୍ବରୁ ଉଭୟଙ୍କୁ ୫ ଦିନିଆ ରିମାଣ୍ଡ ପାଇଁ ଇଓଡ୍ବଲ୍ୟୁ ଓପିଆଇଡି କୋର୍ଟରେ ଆବେଦନ କରିଥିବା ବେଳେ ୩ ଦିନ ମିଳିଛି । ଓଡ଼ିଶା ସମେତ ପଞ୍ଜାବ, ରାଜସ୍ଥାନ, ବିହାର, ଝାଡ଼ଖଣ୍ଡ, ହରିୟାଣା, ଦିଲ୍ଲୀ, ମଧ୍ୟପ୍ରଦେଶ, ମହାରାଷ୍ଟ୍ର ଓ ଆସାମରୁ ୨ ଲକ୍ଷ ଲୋକ ଠକେଇର ଶିକାର ହୋଇଛନ୍ତି । ବଲିଉଡ ଷ୍ଟାର ଗୋବିନ୍ଦା ସଂସ୍ଥାର ପ୍ରମୋସନ ଭିଡିଓ ବନାଉଥିବା ବେଳେ ମାଷ୍ଟରମାଇଣ୍ଡ ହଙ୍ଗେରିଆନ ଡେଭିଡ ଗୀଜ ୟୁରୋପରେ ଲୁଚିଥିବା ସୂଚନା ରହିଛି  । ଜମି ଠକେଇ, ହାୱାଲା କାରବାର, କ୍ୟୁ ଆର କୋଡ଼ ସ୍କାମ, କ୍ଲୋନିଂ ଆପ ଠକେଇ, ଚାଇନା ଆପ, ଅନଲାଇନ ପୁଞ୍ଜି ସ୍କାମ ଭଳି ଠକେଇ ମାମଲାରେ ଗତ ଅଢେ଼ଇ ବର୍ଷରେ ୫୨ ଜଣ ଅଭିଯୁକ୍ତଙ୍କୁ ଧରିଛି EOW ।

ସୁଦାନରେ ସଙ୍କଟ ବିପନ୍ନ ଲୋକଙ୍କୁ ମିଳୁନି ଖାଦ୍ୟ ଓ ମେଡିକାଲ ସୁବିଧା

ନୂଆଦିଲ୍ଲୀ : ଥମୁନି ଧ୍ବସ୍ତବିଧ୍ବସ୍ତ ସୁଦାନ ସଙ୍କଟ । ପ୍ରାୟ 10 ଲକ୍ଷ ଲୋକ ଦେଶ ଛାଡ଼ି ପଳାୟନ କରିଥିବାବେଳେ ହଜାର ହଜାର ଲୋକ ହାହାକାର ମଧ୍ୟରେ କାଳାତିପାତ କରୁଛନ୍ତି । ବିପନ୍ନ ଲୋକଙ୍କୁ ଖାଦ୍ୟ ଓ ମେଡିକାଲ ସୁବିଧା ମିଳୁନି । ଦେଶ ଭୟଙ୍କର ସଙ୍କଟ ମଧ୍ୟରେ ଗତି କରୁଛି ବୋଲି ସୂଚନା ଦେଇଛି ଜାତିସଂଘ । ଦାରଫର ସହରରେ ଜୋରଦାର ଲଢେଇ ଜାରି ରହିଥିବାବେଳେ ରାଜଧାନୀ ଖାର୍ତୋମ ଧ୍ବସ୍ତବିଧ୍ବସ୍ତ ହେବାରେ ଲାଗିଛି । ସୁଦାନ ଆର୍ମି ଓ ପାରାମିଲିଟାରୀ ରାପିଡ ସପୋର୍ଟ ଫୋର୍ସେସ ବା ଆରଏସଏଫ ନିଜ ଜିଦରେ ଅଟଳ ରହିବା ଯୋଗୁ ଶାନ୍ତି ଫେରିବାର ନାଁ ନେଉନାହିଁ । ସୁଦାନର ବହୁ ଅଞ୍ଚଳରେ ମେଡିକାଲ ସୁବିଧା ପହଞ୍ଚି ପାରୁନାହିଁ । ଲୋକଙ୍କ ଦୁର୍ଦ୍ଦଶା ଦିନକୁ ଦିନ ବଢିବାରେ ଲାଗିଛି ।Aid agencies urge immediate action on war-torn Sudan- The New Indian Express

ବର୍ତ୍ତମାନ ସୁଦ୍ଧା 10 ଲକ୍ଷ 17 ହଜାରରୁ ଅଧିକ ଲୋକ ପଡୋଶୀ ଦେଶକୁ ପଳାୟନ କରିସାରିଥିବାବେଳେ 34 ଲକ୍ଷ 33 ହଜାରରୁ ଅଧିକ ଲୋକ ବାସଚ୍ୟୁତ ହେଲେଣି । ବିଦ୍ୟୁତ ଓ ମୋବାଇଲ ସେବା ଗୁରୁତର ବାଧାପ୍ରାପ୍ତ ହୋଇଛି ।  ଦେଶ ଘନ ଆର୍ଥିକ ସଙ୍କଟକୁ ଚାଲିଗଲାଣି ବୋଲି କହିଛି ଜାତିସଂଘ । ଗତ ଏପ୍ରିଲ 15ରୁ ଆରମ୍ଭ ହୋଇଥିବା ଯୁଦ୍ଧରେ ବର୍ତ୍ତମାନ ସୁଦ୍ଧା 4 ହଜାରରୁ ଅଧିକ ଲୋକଙ୍କ ମୃତ୍ଯୁ ଘଟିଲାଣି ବୋଲି କହିଛନ୍ତି ଜାତିସଂଘ ମାନବାଧିକାର ଉଚ୍ଚାୟୁକ୍ତ ମୁଖପାତ୍ର ଏଲିଜାବେଥ ଥ୍ରୋସେଲ । କ୍ଷମତାକୁ କେନ୍ଦ୍ର କରି ଆର୍ମି ଚିଫ ଆବଦେଲ ଫତାହ ଅଲ-ବୁହାନ ଓ ଅର୍ଦ୍ଧସାମରିକ ବାହିନୀ ତଥା ଆରଏସଏଫ ନେତା ଜେନେରାଲ ମହମ୍ମଦ ହାମଦାନ ଡାଗଲୋଙ୍କ ମଧ୍ୟରେ ସଂଘର୍ଷ ଜାରି ରହିଛି ।

ପଥର ବ୍ଳାଷ୍ଟିଂ ବେଳେ ଅଘଟଣ ଚାପି ହୋଇଗଲେ ୬ ଶ୍ରମିକ, ଜଣ ମୃତ

ବାଲେଶ୍ବର : ପାହାଡ଼ରେ ବେଆଇନ ବ୍ଳାଷ୍ଟିଂ ବେଳେ ଅଘଟଣ  । ପଥର ପଡି ଜଣଙ୍କର ମୃତ୍ୟୁ ହୋଇଥିବାବେଳେ 5ଜଣ ଗୁରୁତର ହୋଇଛନ୍ତି  । ବାଲେଶ୍ବ ଜିଲ୍ଲା ମହୁମୁହାଣ ପଞ୍ଚାୟତ ଖଞ୍ଜମାହଲ ବାଗୁଡ଼ି ପଥର ଖଣିରେ ଅଘଟଣ ଘଟିଛି  । ଘଟଣାସ୍ଥଳରେ ସୋର ତହସିଲଦାର, ପୋଲିସ୍ ଓ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ କରୁଛି  । ପଥର ବ୍ଳାଷ୍ଟିଂ ବେଳେ ହଠାତ ୬ ଜଣ ଶ୍ରମିକଙ୍କ ଉପରେ ପଥର ପଡ଼ିଥିଲା । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଛି । ୫ ଗୁରୁତର ଶ୍ରମିକଙ୍କୁ ପ୍ରଥମେ ସୋର ଓ ପରେ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି  । ଆହତ ଶ୍ରମିକ ନୀଳଗିରି ଅଞ୍ଚଳର ଶ୍ୟାମ ସିଂ, ରଙ୍ଗା ସିଂ,  ଶିବୁ ସିଂ, ରୋମା ସିଂ।

ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ପରେ ମିଳିଲା ଶିକ୍ଷୟତ୍ରୀଙ୍କୁ ଦରମା

ବାଲେଶ୍ବର : ମୁଖ୍ୟମନ୍ତ୍ରୀ କାର୍ଯ୍ୟାଳୟର ହସ୍ତକ୍ଷେପ ପରେ ଶିକ୍ଷୟିତ୍ରୀଙ୍କୁ ମିଳିଲା ଦରମା । ବାଲେଶ୍ବର ଜିଲ୍ଲା ଭୋଗରାଇ ବ୍ଲକ କନ୍ୟାନଗରୀ ପ୍ରାଥମିକ ବିଦ୍ୟାଳୟର ସ୍ବର୍ଣ୍ଣଲତା ନାୟକ ପାଇଛନ୍ତି ୫ ମାସର ଦରମା  । ସ୍ବର୍ଣ୍ଣଲତାଙ୍କ ସାଟିଫିକେଟରେ ଜନ୍ମ ତାରିଖ ଭୁଲ ଥିବା ନେଇ ଆରଟିଆଇ ତଥ୍ୟରୁ ଅଭିଯୋଗ ମିଳିଥିଲା  । ପରେ ଜିଲ୍ଲାପାଳଙ୍କ ନିର୍ଦ୍ଦେଶରେ ଗୋଷ୍ଠୀ ଶିକ୍ଷାଧିକାରୀ ୫ ମାସର ଦରମା ବନ୍ଦ କରିଥିଲେ  । ଦରମା ଟଙ୍କା ପ୍ରଦାନ ପାଇଁ ସ୍ବର୍ଣ୍ଣଲତାଙ୍କ ବାରମ୍ବାର ଅନୁରୋଧ ପରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଏଥିରେ ହସ୍ତକ୍ଷେପ କରି ତୁରନ୍ତ ଟଙ୍କା ପ୍ରଦାନ କରିବାକୁ ନିର୍ଦ୍ଦେଶ ଦେଇଥିଲେ । ବକେୟା ଦରମା ପାଇବା ପରେ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ସ୍ବର୍ଣ୍ଣଲତା ।

ଅନୁଗୁଳ, ପାଲଲହଡ଼ାର ବିକାଶ ପାଇଁ କାର୍ଯ୍ୟାଦେଶ ବଣ୍ଟନ

ଅନୁଗୁଳ : ପାଲଲହଡା ଉପଖଣ୍ଡରେ ବିକାଶମୂଳକ କାର୍ଯ୍ୟ ପାଇଁ କାର୍ଯ୍ୟଦେଶ ବଣ୍ଟନ କରାଯାଇଛି  । ଜିଲ୍ଲା ଗସ୍ତରେ ଯାଇ ବିଭିନ୍ନ ଉନ୍ନୟନମୂଳକ ପ୍ରକଳ୍ପ ପାଇଁ ଅନୁଧ୍ୟାନ କରିଥିଲେ ଫାଇଭ-ଟି ସଚିବ  । ପରେ ଜିଲ୍ଲା ପାଇଁ ଅନୁଦାନ ରାଶି ମଞ୍ଜୁର କରିଛନ୍ତି  । ବିଭିନ୍ନ ମଠ, ମନ୍ଦିର, ଚର୍ଚ୍ଚ ଏବଂ ଧାର୍ମିକ ଅନୁଷ୍ଠାନକୁ ପ୍ରାୟ ପାଞ୍ଚ କୋଟି ଟଙ୍କାର କାର୍ଯ୍ୟାଦେଶ ବଣ୍ଟନ କରାଯାଇଛି  । କାର୍ଯ୍ୟକ୍ରମରେ ଉପଜିଲ୍ଲାପାଳ ସୁଶାନ୍ତ କୁମାର ପତି, ବିଡିଓ ଦିଲୀପ କୁମାର ବାରା, ବ୍ଲକ ଅଧକ୍ଷା ରୀନାରାଣୀ ନାଏକ, ଜିଲ୍ଲାପରିଷଦ ସଦସ୍ୟା ସାବିତ୍ରୀ ମାଝୀ, ବୁଦ୍ଧୁରାମ ବୋଇପାଇ ପ୍ରମୁଖ ଉପସ୍ଥିତ ଥିଲେ I