spot_img
Home Blog Page 2984

ପାକିସ୍ତାନ ସହ କ୍ରିକେଟ ଖେଳକୁ ନେଇ ଅସନ୍ତୋଷ ପ୍ରକାଶ କଲେ ଅସଦୁଦ୍ଦୀନ ଓୱେସୀ

ନୂଆଦିଲ୍ଲୀ: ଜମ୍ମୁ କାଶ୍ମୀରର ଅନନ୍ତନାଗରେ ଆତଙ୍କବାଦୀଙ୍କ ସହ ଗୁଳିବିନିମୟରେ ସେନାର ୩ ଯବାନ ଶହୀଦ ହେବାପରେ ସାରା ଦେଶ ସ୍ତବ୍ଧ ହୋଇଯାଇଛି । ତମାମ ବିରୋଧୀ କେନ୍ଦ୍ର ସରକାରଙ୍କ ବିଫଳତା ପାଇଁ ଏପରି ଘଟଣା ଘଟୁଥିବା କହିଛନ୍ତି । ସେହିପରି ପାକିସ୍ତାନକୁ ମୁଁହତୋଡ଼ ଜବାବ ଦେବା ପାଇଁ ଦାବି କରିଛନ୍ତି । ଏମିତି କି କିଛି ନେତା ପାକିସ୍ତାନ ସହ କ୍ରିକେଟ୍ ମ୍ୟାଚ୍ ନଖେଳିବା ପାଇଁ ମଧ୍ୟ କହିଛନ୍ତି । ଏହି କ୍ରମରେ ଏଆଇଏମଆଇଏମ ମୁଖିଆ ଅସଦୁଦ୍ଦୀନ ଓୱେସୀ ପାକିସ୍ତାନ ସହ କ୍ରିକେଟ ଖେଳିବା ଉପରେ ଅସନ୍ତୋଷ ବ୍ୟକ୍ତ କରି ସରକାରଙ୍କୁ ଟାର୍ଗେଟ କରିଛନ୍ତି ।

ସେ କହିଛନ୍ତି ଭାରତର ଯବାନମାନଙ୍କ ସହ ତାଙ୍କ ଜୀବନର ଖେଳ ଖେଳାଯାଉଛି । ପାକିସ୍ତାନ ସହ ଭାରତୀୟ ଦଳ କ୍ରିକେଟ ଖେଳୁଛି । ସେମାନେ ଆମ ଲୋକଙ୍କ ଜୀବନ ନେଉଛନ୍ତି । ଗୁଳିରେ କାଶ୍ମୀର ପଣ୍ଡିତମାନଙ୍କୁ ଟାର୍ଗେଟ କରାଯାଉଛି । ପ୍ରଥମେ ଏହି ଖେଳକୁ ସମାପ୍ତ କରିଦେବାର ଆବଶ୍ୟକତା ରହିଛି । ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶ୍ନ କରିଛନ୍ତି ଯେ, ସେ କାହିଁକି ଚୁପ୍ ବସିଛନ୍ତି । ଓୱେସୀ ସରକାରଙ୍କ କାଶ୍ମୀର ପଲିସିକୁ ବିଫଳ ବୋଲି କହିଛନ୍ତି । ଓୱେସୀ କହିଛନ୍ତି, ପାକିସ୍ତାନ ଭାରତୀୟ ସୈନିକଙ୍କ ଜୀବନ ସହ ଖେଳ ଖେଳୁଛି । ରାଜୌରୀରେ ଗୁଳିର କ୍ରିକେଟ ମ୍ୟାଚ୍ ଚାଲିଛି ।

ଆମ ଲୋକ ମୃତ୍ୟୁବରଣ କରୁଛି । କାଶ୍ମୀର ପଣ୍ଡିତଙ୍କୁ ଟାର୍ଗେଟ କରାଯାଉଛି । କ୍ରିକେଟ ମ୍ୟାଚ୍ ପୂର୍ବରୁ ଏହି ଖେଳକୁ ସମାପ୍ତ କରାଯିବ ଆବଶ୍ୟକ । ଯଦି ବିଜେପି କ୍ଷମତାରେ ନଥାନ୍ତା ତେବେ କଣ କହିଥାନ୍ତା? ଆପଣ କ୍ଷମତାରେ ଅଛନ୍ତି ପ୍ରଥମେ ଏହି ଗୁଳିମାଡ଼ର ଖେଳକୁ ବନ୍ଦ କରନ୍ତୁ । ସେ ଆଗକୁ କହିଛନ୍ତି, ପାକିସ୍ତାନରୁ ଆସି ଆତଙ୍କୀ ଆମ ଯବାନ ମାନଙ୍କୁ ମାରୁଛନ୍ତି । ଏହାଉପରେ ସରକାର ନିରବ କାହିଁକି ରହିଛନ୍ତି । ପ୍ରଧାନମନ୍ତ୍ରୀଙ୍କୁ ତାଙ୍କ ପ୍ରଶ୍ନ ଯେ ପୁଲୱାମା ଯେବେ ହୋଇଥିଲା ସେ କ୍ରୋଧ ଦେଖାଇଥିଲେ । ହେଲେ ଏହାପରେ ଏବେ କର୍ଣ୍ଣଲ, ଡେପୁଟି ଏସପି ଶହୀଦ ହୋଇଛନ୍ତି । ଏବେ ସେ କ୍ରୋଧ କାହିଁକି ଦେଖାଉ ନାହିନ୍ତି । ପ୍ରଧାନମନ୍ତ୍ରୀ ମୋଦି କାହିଁକି ମଉନବ୍ରତ ଧାରଣ କରିଛନ୍ତି ବୋଲି ଓୱେସୀ ପ୍ରଶ୍ନ କରିଛନ୍ତି ।

ସ୍ପେନରୁ ବାହାରିଲା C-295, ପରାକ୍ରମ ଦେଖାଇବ ଭାରତୀୟ ବାୟୂସେନା

ନନ୍ଦିଘୋଷ ବ୍ୟୁରୋ: ପରାକ୍ରମ ଦେଖାଇବା c-295 ବିମାନ । ଶନିବାର ସ୍ପେନରୁ ଭାରତ ଅଭିମୁଖେ ଉଡ଼ାନ ଭରିଛି c-295 । ଏହି ବିମାନକୁ ଗ୍ରୁପ୍ କ୍ୟାପଟେନ୍ ପିଏମ ନେଗି ନେଇ ଆସୁଛନ୍ତି । କିଛିଦିନ ମଧ୍ୟରେ ଏହା ଭାରତରେ ପହଞ୍ଚିବାକୁ ଥିବାବେଳେ ତିନୋଟି ଷ୍ଟପେଜରେ ରହିବ । ମାଲ୍ଟା, ମିଶ୍ର ଏବଂ ବହରିନରେ ଅଟକିବା ପରେ ଭାରତରେ ପହଞ୍ଚିବ ବୋଲି ସୂଚନା ମିଳିଛି ।

ସେପ୍ଟେମ୍ବର ୧୩ ତାରିଖରେ ଏୟାରଚିଫ୍ ମାର୍ଶଲ ବି ଆାର ଚୌଧୁରୀ ରିସିଭ୍ କରିଛନ୍ତି । ଏହି ଏୟାରବସ୍ ବାୟୂସେନାର ଶକ୍ତି ବଢ଼ାଇବ । ଭାରତୀୟ ବାୟୂ ସେନାର ଜଣେ ବରିଷ୍ଠ ଅଧିକାରୀ କହିଛନ୍ତି କି, ଏହା କେବଳ ବାୟୂସେନାର ଶକ୍ତି ବଢ଼ାିବନି ବରଂ ଦେଶର ଟେକ୍ନିକାଲ କ୍ଷମତା ମଧ୍ୟ ବୃଦ୍ଧି ପାଇବ । ଏହା ଆତ୍ମନିର୍ଭର ଭାରତର ପରିଚୟ ଦେବ । ଗତବର୍ଷ ସେପ୍ଟେମ୍ବର ମାସରେ ଭାରତୀୟ ବାୟୂ ସେନାରୁ ପୁରୁଣା ଏବରୋ-୭୪୮ ବିମାନକୁ ବଦଳାଇ ୫୬-ସି- ୨୯୫ କିଣିବା ପାଇଁ ଏୟାରବେସ ଡିଫେନ୍ସ ଏବଂ ସ୍ପେସ ସହ ୨୧,୦୦୦ କୋଟି ଟଙ୍କାର ଚୁକ୍ତି କରିଛି ।

ଏହି ଚକ୍ତିନାମା ଅନୁଯାୟୀ, ଏୟାରବସ ୪ ବର୍ଷ ମଧ୍ୟରେ ସ୍ପେନରୁ ଭାରତକୁ ଫ୍ଲଏାଏ ଓ୍ବେ ପ୍ରଥମ ୧୬ ବିମାନ ବିତରଣ କରିବ । ଯଦି C295 ବିମାନ ସମ୍ପର୍କରେ କହିବା ତାହେଲେ ଏହା ୨୬୦ କିଲୋମିଟର ବେଗରେ ଗତି କରିବା ସହ ୯ ଟନ ପେଲୋଡ ଏବଂ ୭୧ ଜଣ ସୌନିକଙ୍କୁ ନେଇ ଯିବାର ସକ୍ଷମ ରହିଛି । ହେଲିକପ୍ଟର ଏୟାର ଟୁ ଏୟାର ରିଫିଲିଙ୍ଗ ସକ୍ଷମ ରହିଛି । ବାୟୂ ସେନାର ଆବଶ୍ୟକତା ଅନୁଯାୟୀ ସ୍ବଳ୍ପ ରନଓ୍ବେରେ ମଧ୍ୟ ଏହା ଅବତରଣ ଏବଂ ଉଡ଼ାଣ କରିବ ପାରିବ । ଏହି ବିମାନ ବାୟୂସେନାରେ ସାମିଲ ହେଲେ ଶକ୍ତି ବଢ଼ିବ ।

ତେବେ ଯଦି ଏହି ବିମାନର ଗତି ସମ୍ପର୍କରେ କହିବା ତାହେଲେ ଏହା ଘଣ୍ଟା ପ୍ରତି ୪୮୦ କିଲୋମିଟର ବେଗରେ ୧୧ ଘଣ୍ଟା ପ୍ରତି ନିରନ୍ତରରେ ଉଡ଼ିପାରେ । ବିମାନ ଉଡ଼ାଣ ପାଇଁ ୬୭୦ ମିଟର ରନଓ୍ବେ ଏବଂ ଅବତରଣ ପାଇଁ ମାତ୍ର ୩୨୦ ମିଟର ଆବଶ୍ୟକ ।

 

 

କଟକ ବିକାଶରେ ଯୋଡ଼ି ହେଲା ନୂଆ ଅଧ୍ୟାୟ, ୩୪୧ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ

କଟକ: କଟକ ବିକାଶରେ ଯୋଡ଼ି ହେଲା ନୂଆ ଅଧ୍ୟାୟ । ୩୪୧ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶୁଭ ଉଦଘାଟନ କରିବା ସହ ୨ଶହ କୋଟି ଟଙ୍କାର ବିଭିନ୍ନ ଉନ୍ନୟନ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ମୁଖ୍ୟମନ୍ତ୍ରୀ । ଲୋକାର୍ପିତ ହୋଇଛି ରାଜ୍ୟର ପ୍ରଥମ ଅତ୍ୟାଧୁନିକ ବସ ଟର୍ମିନାଲ । ନେତାଜୀ ବସ୍ ଟର୍ମିନାଲକୁ ଲୋକାର୍ପଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବସ ଟର୍ମିନାଲ ସହ ସହରରେ ନିର୍ମିତ ହୋଇଥିବା ଓ ହେବାକୁ ଯାଉଥିବା 14 ଟି ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିଛନ୍ତି ମୁଖ୍ୟମନ୍ତ୍ରୀ ।

15 ଏକର ପରିମିତ ଜମି ଉପରେ ନିର୍ମିତ ବସ ଟର୍ମିନାଲରେ ଖର୍ଚ୍ଚ ହୋଇଛି 90 କୋଟି ଟଙ୍କା । ଏଠାରେ 192 ଟି ବସର ରହଣି ଓ ଯାତାୟାତ ସାଙ୍ଗକୁ ଯାତ୍ରୀଙ୍କ ପାଇଁ ପ୍ରତୀକ୍ଷାଳୟ, ବିଶ୍ରାମ କକ୍ଷ, ଆହାର କେନ୍ଦ୍ର, ହାଇଜେନିକ ଷ୍ଟଲ୍, ପୁରୁଷ ମହିଳାଙ୍କ ପାଇଁ ସ୍ବତନ୍ତ୍ର ଟିକେଟ କାଉଣ୍ଟରର ସୁବିଧା ରହିଛି । ଇଲୋକ୍ଟ୍ରୋନିକ ସୂଚନା ବ୍ୟବସ୍ଥା ମଧ୍ୟ କରାଯାଇଛି । ସିସିଟିଭି ସହ ଟର୍ମିନାଲ ମଧ୍ୟରେ ଏକ ପୋଲିସ ଆଉଟ ପୋଷ୍ଟ ଯାତ୍ରୀଙ୍କ ସୁରକ୍ଷା ପାଇଁ ରହିବ ।

ସେହିପରି ୬୬.୫୬ କୋଟି ଟଙ୍କା ବ୍ୟୟରେ ନିର୍ମିତ ରେଭେନ୍ସା ବିଶ୍ବବିଦ୍ୟାଳୟର ମହାନଦୀ କ୍ୟାମ୍ପସ, ୩୦ କୋଟି ଟଙ୍କା ବ୍ୟୟରେ ନିର୍ମିତ ଜାତୀୟ ଆଇନ ବିଶ୍ବବିଦ୍ୟାଳୟର ଲାଇବ୍ରେରୀ, ୨୩.୮୫ କୋଟି ଟଙ୍କା ବ୍ୟୟରେ ନିର୍ମିତ ଡିଏଭି ଏସସିବି ମେଡିକାଲ ପବ୍ଲିକ ସ୍କୁଲ, ୮୮.୩୧ କୋଟି ଟଙ୍କା ବ୍ୟୟରେ ନରଣପୁରଠାରେ ନିର୍ମିତ ୫୫୦ଟି EWS ଏବଂ ୩୨୦ଟି ଏଲଆଇଜି ବାସଗୃହ, ୯.୭୨ କୋଟି ଟଙ୍କା ବ୍ୟୟରେ ନିର୍ମିତ ସିଲଭର ସିଟି ବୋଟ କ୍ଲବ, ୫.୨୩ କୋଟି ଟଙ୍କା ବ୍ୟୟରେ ତାଳଦଣ୍ଡା କେନାଲ ସମ୍ମୁଖ ବିକାଶ, ଖାଦ୍ୟ କୋର୍ଟ ଏବଂ ଜଳକ୍ରୀଡା କେନ୍ଦ୍ର, ୩.୨୨ କୋଟି ଟଙ୍କାରେ ନିର୍ମିତ ତାଳଦଣ୍ଡା କେନାଲ ନିକଟରେ ଅର୍ବାନ ହାଟ, ୦.୫୪ କୋଟି ଟଙ୍କା ବ୍ୟୟରେ ରାଣୀହାଟଠାରେ ନିର୍ମିତ କ୍ଲକ ଟାଓ୍ବାର, ୨୩.୩୫ କୋଟି ଟଙ୍କା ବ୍ୟୟରେ ନିର୍ମିତ ତାଳଦଣ୍ଡା କେନାଲ ବ୍ରିଜର ଶୁଭ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ।

ସେହିପରି ୨୨୩ କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ଜାତୀୟ ଆଇନ ବିଶ୍ବବିଦ୍ୟାଳୟ ପରିସରରେ ସ୍ବାସ୍ଥ୍ୟକେନ୍ଦ୍ର ଓ ଅନ୍ୟାନ୍ୟ ଭିତ୍ତିଭୂମି, ୨୨.୩୯ କୋଟି ଟଙ୍କା ବ୍ୟୟରେ ନେତାଜୀ ସୁଭାଷ ଚନ୍ଦ୍ର ବୋଷ ସ୍ମାରକୀ, ୪୫.୧୯ କୋଟି ଟଙ୍କା ବ୍ୟୟରେ ତାଳଦଣ୍ଡା କେନାଲ ଠାରେ ଜନ ସୁବିଧା କେନ୍ଦ୍ର, ୮.୯୫ କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ରେଳଷ୍ଟେସନର ପୂର୍ବ ଫାଟକରୁ ୪ ଲେନ ବିଶିଷ୍ଟ ରୋଡର ମୁଖ୍ୟମନ୍ତ୍ରୀ ଭିତ୍ତି ପ୍ରସ୍ତର ସ୍ଥାପନ କରିଛନ୍ତି ।

ଭୋପାଳରେ ହେବାକୁ ଥିବା INDIA ମେଣ୍ଟର ରାଲି ରଦ୍ଦ

ଭୋପାଳ: ମଧ୍ୟପ୍ରଦେଶର ରାଜଧାନୀ ଭୋପାଳରେ ହେବାକୁଥିବା ଇଣ୍ଡିଆ ମେଣ୍ଟର ପ୍ରଥମ ରାଲି ରଦ୍ଦ ହୋଇଯାଇଛି । ଶନିବାର ମଧ୍ୟପ୍ରଦେଶ ପିସିସି ମୁଖିଆ ତଥା ପୂର୍ବତନ ମୁଖ୍ୟନ୍ତ୍ରୀ କମଲନାଥ କହିଛନ୍ତି ଭୋପାଳରେ ହେବାକୁ ଥିବା ବୈଠକ ରଦ୍ଦ ହୋଇଯାଇଛି । ଉଲ୍ଲେଖଯୋଗ୍ୟ, ଏହା ପୂର୍ବରୁ ମଧ୍ୟପ୍ରଦେଶ ନିର୍ବାଚନୀ ପ୍ରଭାରୀ ରଣଦୀପ ସୁରେଜୱାଲା ଗଣମାଧ୍ୟମର ପ୍ରଶ୍ନରେ କହିଥିଲେ ଯେ ଏହା ଉପରେ ଆଲୋଚନା ଚାଲିଛି ।

କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ସହ ବୈଠକ ଅଛି, ଏହାପରେ ରାଲି ହେବା ନେଇ ନିଷ୍ପତ୍ତି ହେବ । ଏବେ ରାଲିକୁ ନେଇ କିଛି ଫାଇନାଲ୍ ହୋଇନାହିଁ ବୋଲି ସେ କହିଥିଲେ। ଇଣ୍ଡିଆ ମେଣ୍ଟର କୋଅର୍ଡିନେସନର ଦିଲ୍ଲୀରେ ହୋଇଥିବା ବୈଠକରେ ଭୋପାଳରେ ପ୍ରଥମ ରାଲି କରିବାକୁ ନେଇ ନିର୍ଦ୍ଧାରିତ ହୋଇଥିଲା । ଏହାର ସୂଚନା କଂଗ୍ରେସ ମହାସଚିବ କେସି ବେଣୁଗୋପାଳଙ୍କ ପକ୍ଷରୁ ଦିଆଯାଇଥିଲା । ଏହି ରାଲି ଅକ୍ଟୋବରର ପ୍ରଥମ ସପ୍ତାହରେ ହେବା ନେଇ କୁହାଯାଉଥିଲା । ହେଲେ ଏବେ ରାଲି ରଦ୍ଦ କରିଦିଆଯାଇଛି ।

କଟକରେ ନେତାଜୀ ବସ୍ ଟର୍ମିନାଲକୁ ଲୋକାର୍ପଣ କଲେ ମୁଖ୍ୟମନ୍ତ୍ରୀ

କଟକ: କଟକ ବିକାଶରେ ଯୋଡ଼ି ହେଲା ନୂଆ ଅଧ୍ୟାୟ । ଲୋକାର୍ପିତ ହେଲା ରାଜ୍ୟର ପ୍ରଥମ ଅତ୍ୟାଧୁନିକ ବସ୍ ଟର୍ମିନାଲ । ନେତାଜୀ ବସ୍ ଟର୍ମିନାଲକୁ ଲୋକାର୍ପଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନୂଆ ବସଷ୍ଟାଣ୍ଡରୁ ପୁରୀକୁ ଗଡ଼ିଲା ପ୍ରଥମ ବସ୍  । ପତାକା ଦେଖାଇ ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ।୧୫ ଏକର ପରିମିତ ଜମି ଉପରେ ନିର୍ମିତ ବସ ଟର୍ମିନାଲରେ ଖର୍ଚ୍ଚ ହୋଇଛି ୯୦.୨ କୋଟି ଟଙ୍କା ।

ଏଠାରେ ୧୯୨ ଟି ବସର ରହଣି ଓ ଯାତାୟାତ ସାଙ୍ଗକୁ ଯାତ୍ରୀଙ୍କ ପାଇଁ ପ୍ରତୀକ୍ଷାଳୟ, ବିଶ୍ରାମ କକ୍ଷ, ଆହାର କେନ୍ଦ୍ର, ହାଇଜେନିକ ଷ୍ଟଲ୍, ପୁରୁଷ ମହିଳାଙ୍କ ପାଇଁ ସ୍ବତନ୍ତ୍ର ଟିକେଟ କାଉଣ୍ଟରର ସୁବିଧା ରହିଛି । ଇଲୋକ୍ଟ୍ରୋନିକ ସୂଚନା ବ୍ୟବସ୍ଥା ମଧ୍ୟ କରାଯାଇଛି । ସିସିଟିଭି ସହ ଟର୍ମିନାଲ ମଧ୍ୟରେ ଏକ ପୋଲିସ ଆଉଟ ପୋଷ୍ଟ ଯାତ୍ରୀଙ୍କ ସୁରକ୍ଷା ପାଇଁ ରହିବ । ଟର୍ମିନାଲରେ ମିଶନ ଶକ୍ତି କାଫେ, ଆହାର କେନ୍ଦ୍ର, ଏଟିଏମ୍ ,ମୋବାଇଲ ଚାର୍ଜିଂ ପଏଣ୍ଟ ଭଳି ସୁବିଧା ରହିଛି ।

 

କଂଗ୍ରେସ କାର୍ଯ୍ୟକାରିଣୀ କମିଟି ବୈଠକରେ ୫ଟି ରାଜ୍ୟକୁ ଫୋକସ

ହାଇଦ୍ରାବାଦ: କଂଗ୍ରେସ କାର୍ଯ୍ୟକାରିଣୀ କମିଟି ବା ସିଡବ୍ଲୁସି ବୈଠକରେ ୫ଟି ରାଜ୍ୟକୁ ଫୋକସ । ହାଇଦ୍ରାବାଦରେ ବସିଥିବା ସିଡବ୍ଲୁସି ବୈଠକରେ ୫ଟି ରାଜ୍ୟରେ ହେବାକୁ ଯାଉଥିବା ବିଧାନସଭା ନିର୍ବାଚନ ଲାଗି ପ୍ଲାନ ପ୍ରସ୍ତୁତ ହୋଇଛି । ଏହା ସହ ତେଲଙ୍ଗାନା ଲାଗି ପ୍ରସ୍ତୁତ ହୋଇଛି ବ୍ଲୁପ୍ରିଣ୍ଟ । ଦେଶରେ ଗଣତନ୍ତ୍ର, ସାମାଜିକ ନ୍ୟାୟ, ସମାନତା ପ୍ରତିଷ୍ଠା ଲାଗି କଂଗ୍ରେସ ଚେଷ୍ଟିତ ହେବ ବୋଲି କହିଛନ୍ତି ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେ । ଏହା ସହ ଦଳର ବିଜୟ ତଥା ଦଳକୁ ସୁଦୃଢ କରିବା ଲାଗି ଯୋଜନା ପ୍ରସ୍ତୁତ ହେଉଛି ବୋଲି ସେ କହିଛନ୍ତି ।

ତେଲଙ୍ଗାନାର ପ୍ରଗତି ଓ ବିକାଶ ଲାଗି କଂଗ୍ରେସ ଦୃଷ୍ଟି ରଖିବା ସହ ତେଲଙ୍ଗାନାବାସୀ ଓ ଦେଶବାସୀଙ୍କ ସ୍ବାଭିମାନ ବଜାୟ ରଖିବା ଲାଗି ଦଳ ଆଭିମୁଖ୍ୟ ରଖିଛି ବୋଲି ସେ କହିଛନ୍ତି । ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼, ତେଲଙ୍ଗାନା ଓ ମିଜୋରାମରେ କଂଗ୍ରେସ ସରକାର ଗଠନ କରିବା ନିଶ୍ଚିତ ବୋଲି ଜୋର ଦେଇ କହିଛନ୍ତି କଂଗ୍ରେସ ସାଧାରଣ ସମ୍ପାଦକ କେ.ସି. ଭେନୁଗୋପାଳ । କଂଗ୍ରେସ ନେତା ଜୟରାମ ରମେଶ କହିଛନ୍ତି ଆସନ୍ତା ନିର୍ବାଚନରେ କଂଗ୍ରେସ ବହୁମତ ଲାଭ କରିବ ।

ଫାଇନାଲରେ ବର୍ଷା ହେଲେ କ’ଣ ହେବ ଫଳାଫଳ?

କଲମ୍ବୋ: ଏସିଆା କପର ଫାଇନାଲରେ ଶ୍ରୀଲଙ୍କାକୁ ଭେଟିବ ଭାରତ । ସୁପର-୪ର ଶେଷ ମ୍ୟାଚରେ ଭାରତ ବାଲାଂଦେଶଠାରୁ ହାରିଥିବାବେଳେ ଶ୍ରୀଲଙ୍କା ପାକିସ୍ତାନଠାରୁ ରୋମାଞ୍ଚକ ବିଜୟ ହାସଲ କରିଛି । ତେବେ ଏସିଆା କପର ଆାରମ୍ଭରୁ ମ୍ୟାଚରେ ବର୍ଷା ବାଧକ ସାଜିଛି । ପାଣିପାଗ ବିଭାଗର ସୂଚନା ମୁତାବକ ବର୍ଷା ହେବାର ସମ୍ଭାବନା ରହିଛି । ସବୁଠାରୁ ବଡ଼ କତଶ ହେଉଛି କି, ଶନିବାର ପ୍ରବଳ ବର୍ଷା ହେବାର ସମ୍ଭାବନା ରହିଛି । ଯାହାକି, ରବିବାର ମ୍ୟାଚରେ ମଧ୍ୟ ପ୍ରଭାବ ପକାଇପାରେ ।

୧୭ ତାରିଖରେ ଏହି ମ୍ୟାଚ ଅନୁଷ୍ଠିତ ହେବାକୁ ଥିବାବେଳେ ବର୍ଷା ହେବାର ସମ୍ଭାବନା ମଧ୍ୟ ରହିଛି । କିନ୍ତୁ ରିଜର୍ଭ ଡେରେ ଖେଳାଯାଇପାରିବ ଫାଇନାଲ ମୁକାବିଲା । ତେବେ ୧୮ ତାରିଖରେ ମ୍ୟାଚ ଅନୁଷ୍ଠିତ ହେବାକୁ ଥିବାବେଳେ ଯଦି ବର୍ଷା ବାଧକ ସାଜେ ତାହେଲେ ୨୦ ଓଭର ବିଶିଷ୍ଟ ମ୍ୟାଚ ଖେଳାଯିବ । ଯଦି ୧୮ ତାରିଖରେ ମଧ୍ୟ ଖେଳ ନହୁଏ ତାହେଲେ ଉଭୟ ଦଳକୁ ଚାମ୍ପିୟନ ଘୋଷଣା କରାଯିବ । ୨୦୦୨ ମସିହାରେ ଚାମ୍ପିୟନ୍ସ ଟ୍ରଫି ସମୟରେ ମଧ୍ୟ ବର୍ଷା ବାଧକ ସାଜିଥିବାରୁ ଶ୍ରୀଲଙ୍କା ଏବଂ ଭାରତ ଟ୍ରଫି ଭାଗ ବାଣ୍ଟିଥିଲେ ।

ସ୍ତ୍ରୀକୁ ୬ ଖଣ୍ଡ କରି ନଦୀରେ ଫିଙ୍ଗିଦେଲା ସ୍ବାମୀ

ସୋରଡ଼ା: ଓଡ଼ିଶାରେ ଶ୍ରଦ୍ଧା ୱାକର କାଣ୍ଡ । ଗଂଜାମ ସୋରଡା ଥାନା ଭଗବାନପୁରରେ ଚାଞ୍ଚଲ୍ୟ । ନବବିବାହିତା ସ୍ତ୍ରୀକୁ ହତ୍ୟା ପରେ ୬ ଖଣ୍ଡ କରି ନଦୀକୁ ଫିଙ୍ଗିଦେଇଛି ଅଭିଯୁକ୍ତ ସ୍ବାମୀ । ଘଟଣାକୁ ନେଇ ସାରା ଅଞ୍ଚଳରେ ଖେଳିଯାଇଛି ଚାଞ୍ଚଲ୍ୟ । ଘରୋଇ କଳିରୁ ନୃଶଂସ ସ୍ୱାମୀ ନାରାୟଣ ମୁଳି ଅତି ନିର୍ମମ ଭାବେ ସ୍ତ୍ରୀ ବୁଲି ମୁଳିକୁ ବେଲ୍ଟ ଯୋଗେ ତଣ୍ଟି ଚିପି ହତ୍ୟା କରିଥିଲା ।

ଏହାପରେ କାନ୍ଧରେ ଋଷିକୁଲ୍ୟା ନଦୀ ପଠା ଯାଏଁ ବୋହିନେଇଥିଲା । ହୁଲୁହୁଲା ଗଣ୍ଡ ନିକଟରେ ମୃତ ସ୍ତ୍ରୀର ଶରୀରକୁ ରଖି କଟୁରିରେ ଛଅ ଖଣ୍ଡ କରି ଗୋଟି ଗୋଟି କରି ନଦୀରେ ଭସାଇ ଦେଇଥିଲା । ଖବର ପାଇ ପୋଲିସ ଛାନବିନ ଜାରି ରଖିଛି । ଏପର୍ଯ୍ୟନ୍ତ ସୁଦ୍ଧା ମୃତକଙ୍କ ଶରୀରର କୌଣସି ଖଣ୍ଡବିଖଣ୍ଡିତ ଅଂଶ ପାଇନାହିଁ ପୋଲିସ । ଏବେ ବି ଅଗ୍ନିଶମ ବାହିନୀ ଓ ପୋଲିସ ମୃତ ବୁଲିଙ୍କର ଶରୀରର ଅଂଶକୁ ଋଷିକୁଲ୍ୟାର ପ୍ରଖର ସ୍ରୋତରୁ ଖୋଜି ବାହାର କରିବାକୁ ଉଦ୍ୟମ ଜାରି ରଖିଛି  । ତିନି ମାସ ତଳେ ନାରାୟଣଙ୍କ ସହ ମୃତ ବୁଲିଙ୍କ ସୋରଡା ଶିବ ମନ୍ଦିରରେ ଉଭୟ ପରିବାରର ଉପସ୍ଥିତିରେ ବିବାହ ହୋଇଥିଲା ।

ପରେ ଉଭୟ ବେଶ ହସ ଖୁସିରେ ଚଳି ଆସୁଥିଲେ । ଗତ କିଛି ଦିନ ହେବ ଉଭୟ ନିଜ ଗାଁ ଭଗବାନପୁରକୁ ଚାଲି ଆସିଥିଲେ । କିଛି ଟଙ୍କା ପାଇଁ ବୁଲି ପିନ୍ଧିଥିବା ଏକ ସୁନା ଚେନକୁ ନାରାୟଣ ବନ୍ଧା ପକାଇବାକୁ ମାଗିଥିଲା । କିନ୍ତୁ ମୁଳି ଏଥିରେ ରାଜି ହୋଇନଥିଲା । ଏଥିରୁ ଉତକ୍ଷିପ୍ତ ହୋଇ ନାରାୟଣ ମୁଳିକୁ ହତ୍ୟା କରିଥିବା ପ୍ରାଥମିକ ତଦନ୍ତରୁ ଜଣାପଡିଛି । ପୋଲିସ ଓ ସାଇଣ୍ଟିଫିକ ଟିମ ବର୍ତ୍ତମାନ  ନାରାୟଣକୁ କ୍ରାଇମ ସ୍ପଟକୁ ନେଇ କ୍ରାଇମ ସିନ ରିକ୍ରିଏଟ କରିଛି । ପୋଲିସ ହତ୍ୟାରେ ବ୍ୟବହାର କରାଯାଇଥିବା କଟୁରୀ ଓ ଅନ୍ୟ କିଛି ଜିନିଷକୁ ଉଦ୍ଧାର କରି ଜବତ କରିଛି । ଘଟଣାର ଅଧିକ ତଦନ୍ତ ଚଳାଇଛି ପୋଲିସ ।

ଦୁର୍ଦ୍ଦାନ୍ତ ନକ୍ସଲ ସଞ୍ଜୟ ଦୀପକକୁ ଗିରଫ କଲା ପୋଲିସ

ମାଲକାନଗିରି: ପୋଲିସ ହାତରେ ଧରାପଡିଲା ମାଓ ସଂଗଠନର କେନ୍ଦ୍ରୀୟ କମିଟି ସଦସ୍ୟ। ମୁଣ୍ଡ ଉପରେ ଥିଲା ୮୦ ଲକ୍ଷ ଟଙ୍କା ପୁରସ୍କାର ରାଶି। ସେଣ୍ଟ୍ରାଲ କମିଟି ମେମ୍ବର ଦୁର୍ଦ୍ଦାନ୍ତ ନକ୍ସଲ ସଞ୍ଜୟ ଦୀପକ ରାଓକୁ ତେଲେଙ୍ଗାନା ପୋଲିସ ଗିରଫ କରିଛି । ତାଙ୍କ ପତ୍ନୀ ମଧ୍ୟ ଗିରଫ ହୋଇଛନ୍ତି । ଦୀର୍ଘ ଦିନରୁ ସଞ୍ଜୟ ଜଣେ କେନ୍ଦ୍ରୀୟ କମିଟି ସଦସ୍ୟ ଥିଲେ। ସେ କେରଳ, କର୍ଣ୍ଣାଟକ ଏବଂ ତାମିଲନାଡୁ ଟ୍ରାଇ ଜଙ୍କସନର ସଚିବ ମଧ୍ୟ ଅଛନ୍ତି। ଦଣ୍ଡକାରଣ୍ୟ ଅଞ୍ଚଳରେ ମଧ୍ୟ ଦୀର୍ଘ ଦିନ ଧରି ଥିଲା ସକ୍ରୀୟତା। ସ୍ବାସ୍ଥ୍ୟାବସ୍ଥା ଗମ୍ଭୀର ଥିବାରୁ ଚିକିତ୍ସା ପାଇଁ ଆସିଥିଲେ ହାଇଦ୍ରାବାଦ। ତେଲେଙ୍ଗାନା ପୋଲିସ ମେଡିକାଲ ଘେରାଉ କରି ହାର୍ଡକୋର ମାଓବାଦୀକୁ ଗିରଫ କରିବାରେ ସଫଳ ହୋଇଛି ।

ଭୁବନେଶ୍ୱର ଗସ୍ତରେ ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ

ଭୁବନେଶ୍ୱର: ଆସନ୍ତା ୨୩ ତାରିଖରେ ଏକ ଦେଶ ଏକ ନିର୍ବାଚନ ନେଇ ଗଠିତ କମିଟିର ପ୍ରଥମ ବୈଠକ ବସିବ। ଏ ନେଇ ସୂଚନା ଦେଇଛନ୍ତି କମିଟିର ମୁଖ୍ୟ ତଥା ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ। ଏକ ଘରୋଇ ଇଞ୍ଜିନିୟରିଂ କଲେଜର କାର୍ଯ୍ୟକ୍ରମରେ ଯୋଗଦେବାକୁ ଭୁବନେଶ୍ବର ଆସିଥିବାବେଳେ ଏ ସଂପର୍କରେ କୋବିନ୍ଦ ଗଣମାଧ୍ୟମକୁ ସୂଚନା ଦେଇଛନ୍ତି।

କିଛି ଦିନ ତଳେ ଗୋଟିଏ ଦେଶ, ଗୋଟିଏ ନିର୍ବାଚନକୁ ନେଇ କମିଟି ଗଠନ କରିଛନ୍ତି କେନ୍ଦ୍ର ସରକାର । ଏଥିରେ ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ କମିଟିର ଅଧ୍ୟକ୍ଷ ନିଯୁକ୍ତି କରିଥିଲେ କେନ୍ଦ୍ର ସରକାର। ଏହି କମିଟି ଗୋଟିଏ ଦେଶ, ଗୋଟିଏ ନିର୍ବାଚନକୁ ନେଇ ରିପୋର୍ଟ ପ୍ରସ୍ତୁତ କରି ସରକାରଙ୍କୁ ଦେବ। ଆସନ୍ତା ୧୮ ତାରିଖରୁ ସଂସଦର ସ୍ବତନ୍ତ୍ର ଅଧିବେଶନ ବସୁଥିବା ବେଳେ ଗୃହରେ କେନ୍ଦ୍ର ସରକାର ଏହି ବିଲ ଆଗତ କରିପାରନ୍ତି ବୋଲି ଚର୍ଚ୍ଚା ହେଉଛି। ଯଦି ଏହା ଗୃହିତ ହୁଏ ତେବେ ଦେଶରେ ଗୋଟିଏ ସମୟରେ ଲୋକସଭା ଓ ସମସ୍ତ ରାଜ୍ୟର ବିଧାନସଭା ନିର୍ବାଚନ ହେବ।