spot_img
Home Blog Page 2983

ଭଉଣୀ ଗୀତା ମେହେଟ୍ଟାଙ୍କ ପରଲୋକ, ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ନବୀନ

ଭୁବନେଶ୍ବର: ପରଲୋକରେ ଅନ୍ତର୍ଜାତୀୟ ସ୍ତରର ଲେଖିକା ତଥା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଝିଅ ଗୀତା ମେହେଟ୍ଟା । ୮୦ ବର୍ଷ ବୟସରେ ଗତକାଲି ନୂଆଦିଲ୍ଲୀସ୍ଥିତ ବାସଭବନରେ ହୋଇଛି ତାଙ୍କର ଦେହାନ୍ତ । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିଲ୍ଲୀ ଯିବେ ବୋଲି ସୂଚନା ମିଳିଛି ।

ଗୀତା ଏକାଧାରରେ ଜଣେ ଲେଖିକା, ବୃତ୍ତଚିତ୍ର ନିର୍ମାତା, ସାମ୍ବାଦିକା ଥିଲେ । ୧୯୪୩ରେ ଜନ୍ମିତ ଗୀତା ଭାରତ ଓ ବ୍ରିଟେନରେ ଶିକ୍ଷା ଲାଭ କରିଥିଲେ । ସେ କେମ୍ବ୍ରିଜ ବିଶ୍ବବିଦ୍ୟାଳୟରେ ଉଚ୍ଚ ଶିକ୍ଷା ଲାଭ କରିଥିଲେ । ତାଙ୍କର କେତେକ ପ୍ରଖ୍ୟାତ ପୁସ୍ତକ ହେଉଛି- କର୍ମା କୋଲା, ସ୍ନେକ ଆଣ୍ଡ ଲ୍ୟାଡର୍ସ, ଏ ରିଭର ସୂତ୍ର, ଦ ଏଟରନାଲ ଗଣେଶ ଇତ୍ୟାଦି । ସାହିତ୍ୟ ଓ ଶିକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଗତ ୨୦୧୯ ମସିହାରେ କେନ୍ଦ୍ର ସରକାର ତାଙ୍କ ପଦ୍ମଶ୍ରୀ ପୁରସ୍କାର ପ୍ରଦାନ କରିବାକୁ ଘୋଷଣା କରିଥିଲେ । କିନ୍ତୁ ତାହାକୁ ପ୍ରତ୍ୟାଖ୍ୟାନ କରି ଗୀତା ଚର୍ଚ୍ଚାକୁ ଆସିଥିଲେ ।

ଗୀତାଙ୍କର ସ୍ବାମୀ ସୋନୀ ମେହେଟ୍ଟାଙ୍କର ଗତ ୨୦୧୯ରେ ପରଲୋକ ହୋଇଥିଲା । ୪୦ ବର୍ଷର ସାହିତ୍ୟ ଜୀବନରେ ଅନେକ ଉଲ୍ଲେଖନୀୟ ପୁସ୍ତକ ରଚନା କରିଥିଲେ । ତାଙ୍କ ବିୟୋଗରେ ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ସମେତ ବହୁ ବିଶିଷ୍ଠ ବ୍ୟକ୍ତି ଶୋକବ୍ୟକ୍ତ କରିଛନ୍ତି ।

ପ୍ରଖ୍ୟାତ ଲେଖିକା ତଥା ବିଜୁ ପଟ୍ଟନାୟକଙ୍କ କନ୍ୟା ଗୀତା ମେହେଟ୍ଟାଙ୍କ ପରଲୋକ

ନନ୍ଦିଘୋଷ ବ୍ୟୁରୋ: ଆଉ ନାହାନ୍ତି ଅନ୍ତର୍ଜାତୀୟ ସ୍ତରର ଲେଖିକା ଗୀତା ମେହେଟ୍ଟା । ୮୦ ବର୍ଷ ବୟସରେ ନୂଆଦିଲ୍ଲୀସ୍ଥିତ ବାସଭବନରେ ଦେହାନ୍ତ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭଉଣୀ ଗୀତାଙ୍କ ବିୟୋଗରେ ବିଭିନ୍ନ ମହଲରେ ଶୋକ । ଅନେକ ପୁସ୍ତକ ରଚନା କରି ଅର୍ଜନ କରିଥିଲେ ପ୍ରସିଦ୍ଧି । ସେ ହେଉଛନ୍ତି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ କନ୍ୟା । ସେ ଏକାଧାରରେ ଜଣେ ଲେଖିକା, ବୃତ୍ତଚିତ୍ର ନିର୍ମାତା, ସାମ୍ବାଦିକ ଥିଲେ ।

ତାଙ୍କର ସ୍ବାମୀ ହେଉଛନ୍ତି ପ୍ରଖ୍ୟାତ ଆମେରିକୀୟ ପ୍ରକାଶକ ସୋନି ମେହେଟ୍ଟା । ୧୯୪୩ରେ ଜନ୍ମିତ ଗୀତା ଭାରତ ଓ ବ୍ରିଟେନରେ ଶିକ୍ଷା ଲାଭ କରିଥିଲେ । ସେ କେମ୍ବ୍ରିଜ ବିଶ୍ବବିଦ୍ୟାଳୟରେ ଉଚ୍ଚ ଶିକ୍ଷା ଲାଭ କରିଥିଲେ । ତାଙ୍କର କେତେକ ପ୍ରଖ୍ୟାତ ପୁସ୍ତକ ହେଉଛି- କର୍ମା କୋଲା, ସ୍ନେକ ଆଣ୍ଡ ଲ୍ୟାଡର୍ସ, ଏ ରିଭର ସୂତ୍ର, ଦ ଏଟରନାଲ ଗଣେଶ ଇତ୍ୟାଦି ।

ସାହିତ୍ୟ ଓ ଶିକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଗତ ୨୦୧୯ ମସିହାରେ କେନ୍ଦ୍ର ସରକାର ତାଙ୍କ ପଦ୍ମଶ୍ରୀ ପୁରସ୍କାର ପ୍ରଦାନ କରିବାକୁ ଘୋଷଣା କରିଥିଲେ । କିନ୍ତୁ ତାହାକୁ ପ୍ରତ୍ୟାଖ୍ୟାନ କରି ସେ ଚର୍ଚ୍ଚାକୁ ଆସିଥିଲେ । ଗୀତାଙ୍କର ସ୍ବାମୀ ସୋନୀ ମେହେଟ୍ଟାଙ୍କର ଗତ ୨୦୧୯ରେ ପରଲୋକ ହୋଇଥିଲା । ୪୦ ବର୍ଷର ସାହିତ୍ୟ ଜୀବନରେ ଅନେକ ଉଲ୍ଲେଖନୀୟ ପୁସ୍ତକ ରଚନା କରିଥିଲେ ।

ରାଜ୍ୟରେ ଗଠନ ହେଲା ବିଜୁ ଶ୍ରମିକ ସାମ୍ମୁଖ୍ୟ, ପ୍ରଣବ ପ୍ରକାଶ ଦାସ ମୁଖ୍ୟ ଉପଦେଷ୍ଟା ଭାବେ ନିଯୁକ୍ତି

ଭୁବନେଶ୍ୱର: ରାଜ୍ୟରେ ଗଠନ ହେଲା ବିଜୁ ଶ୍ରମିକ ସାମ୍ମୁଖ୍ୟ । ପ୍ରଣବ ପ୍ରକାଶ ଦାସଙ୍କୁ ସାମ୍ମୁଖ୍ୟର ମୁଖ୍ୟ ଉପଦେଷ୍ଟା ଭାବେ ନିଯୁକ୍ତି ଦେଲେ ବିଜୁ ଜନତା ଦଳ ସଭାପତି ନବୀନ ପଟ୍ଟନାୟକ । ସେହିଭଳି ଉପଦେଷ୍ଟା ଭାବେ ଦେବାଶିଷ ସାମନ୍ତରାୟ ଏବଂ ପ୍ରଭାସ କୁମାର ସିଂଙ୍କୁ ନିଯୁକ୍ତି ପ୍ରଦାନ କରାଯାଇଛି । ପ୍ରଫୁଲ କୁମାର ମଲ୍ଲିକ ବିଜୁ ଶ୍ରମିକ ସାମୁଖ୍ୟର ରାଜ୍ୟ ସଭାପତି ଭାବେ ନିଯୁକ୍ତ ହୋଇଛନ୍ତି ।

ସେକ୍ରେଟାରୀ ଜେନେରାଲ ଭାବେ ସୁବାସ ସିଂଙ୍କୁ ଦାୟିତ୍ବ ପ୍ରଦାନ କରାଯାଇଛି । କେନ୍ଦ୍ରୀୟ ସଂଯୋଜକ ଭାବେ ୧୦ ଜଣଙ୍କୁ ନିଯୁକ୍ତି ପ୍ରଦାନ କରିଛନ୍ତି ନବୀନ ପଟ୍ଟନାୟକ । ପ୍ରୀତି ରଞ୍ଜନ ଘଡାଇ, ପ୍ରଣବ କୁମାର ବଳବନ୍ତରାୟ, ନିରଞ୍ଜନ ବିଶି, ବିକ୍ରମ କୁମାର ପଣ୍ଡା, ଯୁଗଳ କିଶୋର ନାୟକ, ନବ କିଶୋର ମହାନ୍ତ, ପଞ୍ଚାନନ ସେନାପତି, ବୈଦ୍ୟନାଥ ଦାସ, ରଜୀବ ମହାନ୍ତି, ଜଗଦୀଶ ବିଶ୍ବାଳଙ୍କୁ କେନ୍ଦ୍ରୀୟ ସଂଯୋଜକ ଭାବେ ନିଯୁକ୍ତି ଦିଆଯାଇଛି ।

ସ୍କୁଲ ରୂପାନ୍ତରଣର ସମୀକ୍ଷା କଲେ 5T ସଚିବ

ଭୁବନେଶ୍ବର: ସୁନ୍ଦରଗଡ଼ ଜିଲ୍ଲାରେ 5T ଅଧିନରେ ଉଚ୍ଚ ବିଦ୍ୟାଳୟରେ ଚତୁର୍ଥ ପର୍ଯ୍ୟାୟରେ ହେଉଥିବା ରୂପାନ୍ତରଣ କାର୍ଯ୍ୟକୁ ଭିସି ଜରିଆରେଶନିବାର ସମୀକ୍ଷା କରିଛନ୍ତି 5T ସଚିଵ ଭି.କେ. ପାଣ୍ଡିଆନ । ରାଉରକେଲା ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ସମେତ ସୁନ୍ଦରଗଡ଼ ଜିଲ୍ଲାର ୧୭ ଟି ବ୍ଲକ କାର୍ଯ୍ୟାଳୟ ପରିସରରେ ଉଚ୍ଚ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ, ଛାତ୍ର ଛାତ୍ରୀ, ଅଭିଭାବକ ଓ ବିଦ୍ୟାଳୟ ପରିଚାଳନା କମିଟି କର୍ମକର୍ତ୍ତାଙ୍କ ସହ ଆଲୋଚନା କରି ରୂପାନ୍ତରଣ କାର୍ଯ୍ୟର ସମୀକ୍ଷା କରିଛନ୍ତି ।

ସୁନ୍ଦରଗଡ଼ ଜିଲ୍ଲାରେ ଚତୁର୍ଥ ପର୍ଯ୍ୟାୟରେ ୫୮ ଟି ଉଚ୍ଚ ବିଦ୍ୟାଳୟର ହେବ ରୂପାନ୍ତରଣ । କାର୍ଯ୍ୟର ଭିସି ଜରିଆରେ ସମୀକ୍ଷା କରିଛନ୍ତି 5T ସଚିଵ ଭି.କେ. ପାଣ୍ଡିଆନ । ରାଉରକେଲା ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସର ସହିତ ସୁନ୍ଦରଗଡ଼ ଜିଲ୍ଲାର ୧୭ ଟି ବ୍ଲକ କାର୍ଯ୍ୟାଳୟ ପରିସରରେ ଉଚ୍ଚ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ, ଛାତ୍ର ଛାତ୍ରୀ, ଅଭିଭାବକ ଓ ବିଦ୍ୟାଳୟ ପରିଚାଳନା କମିଟି କର୍ମକର୍ତ୍ତାଙ୍କ ସହ ଆଲୋଚନା କରିଛନ୍ତି । ସଵୁ ବିଦ୍ୟାଳୟର ଜମିପଟ୍ଟା ପ୍ରଦାନ କରାଯିଵା ସହ ସଵୁ ବିଦ୍ୟାଳୟରେ ଇଣ୍ଟରନେଟ ସଂଯୋଗ ଦିଆଯିବ । ନୂଆବର୍ଷରୁ ଜିଲ୍ଲାର ସମସ୍ତ ଛାତ୍ରଛାତ୍ରୀ ନୁଆ କ୍ଲାସ ରୁମରେ ପାଠ ପଢିବେ ବୋଲି କହିଛନ୍ତି 5T ସଚିବ । ପ୍ରତି ବ୍ଲକର ଶ୍ରେଷ୍ଠ ୩ଟି ସ୍କୁଲକୁ ପୁରସ୍କୃତ କରାଯିଵା ସହ ମ୍ୟୁନିସିପାଲିଟି ଓ ମ୍ୟୁନିସିପାଲ କର୍ପୋରେସନରେ ଶ୍ରେଷ୍ଠ ୩ଟି ସ୍କୁଲକୁ ପୁରସ୍କୃତ କରାଯିଵ । ଏହାସହ ସ୍କୁଲର ଉନ୍ନତି ପାଇଁ ଭଲ କାମ କରୁଥିବା ଏସଏମସି, ପୁରାତନ ଛାତ୍ର ଛାତ୍ରୀ ଓ ଲୋକ ପ୍ରତିନିଧିଙ୍କୁ ସମ୍ମାନୀତ କରାଯିବ । ଅକ୍ଟୋବର ମାସ ଶେଷ ସୁଦ୍ଧା ଜିଲ୍ଲାର ସମସ୍ତ ଉଚ୍ଚ ବିଦ୍ୟାଳୟର ରୁପାନ୍ତରଣ କାର୍ଯ୍ୟ ଶେଷ କରିବା ପାଇଁ ଲକ୍ଷ୍ୟ ରଖାଯାଇଛି ।

ଜିଲ୍ଲାରେ ୩ଟି ପର୍ଯ୍ୟାୟରେ ୨୯୬ ଟି ଉଚ୍ଚ ବିଦ୍ୟାଳୟର ରୁପାନ୍ତରଣ କାର୍ଯ୍ୟ ଶେଷ ହେଵା ପରେ ଚତୁର୍ଥ ପର୍ଯ୍ୟାୟରେ ୫୮ ଟି ହାଇସ୍କୁଲର ରୁପାନ୍ତରଣ କାର୍ଯ୍ୟ କରାଯାଉଛି । ଉଚ୍ଚ ବିଦ୍ୟାଳୟର ରୂପାନ୍ତର ପରେ ସରକାରୀ ଉଚ୍ଚ ବିଦ୍ୟାଳୟରେ ପାଠ ପଢିଵା ପାଇଁ ଛାତ୍ରଛାତ୍ରୀଙ୍କ ମଧ୍ୟରେ ଆଗ୍ରହ ବଢିଵାରେ ଲାଗିଛି । ଜିଲ୍ଲାର ସମସ୍ତ ସରକାରୀ ଉଚ୍ଚ ବିଦ୍ୟାଳୟକୁ ରୂପାନ୍ତର କରାଯାଉଥିବାରୁ ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ଓ ଅଭିଭାବକ ମୁଖ୍ୟମନ୍ତ୍ରୀ ଓ 5T ସଚିବଙ୍କୁ ଧନ୍ୟବାଦ ଜଣାଇଛନ୍ତି।

 

ଲୁଟି ଖାଇବାର ନୂଆ ତରିକା ହନିଟ୍ରାପ!

ଭୁବନେଶ୍ବର: ଲୁଟି ଖାଇବାର ନୂଆ ତରିକା ହନିଟ୍ରାପ । ଅର୍ଚ୍ଚନା ପରେ ଏବେ ଚର୍ଚ୍ଚାରେ ଇରାନୀ । ରାତିରେ ହାତିଏ ପାଇବା ନିଶାରେ ଫସିଛନ୍ତି ଅନେକ । କେତେବେଳେ ନ୍ୟୁଡ଼ କଲ ତ ଆଉ କେତବେଳେ ଲାଇଭ ସେକ୍ସ । ଓଡିଶା ପୋଲିସରେ ଗତ ଦେଢ଼ ବର୍ଷରେ ୧୪ ଟି ସେକ୍ସଟ୍ରସନ ଘଟଣା ପୋଲିସ ପାଇଁ ପାଲଟିଛି ମୁଣ୍ଡବିନ୍ଧା ।

ଫୁଙ୍ଗୁଳା ଦେହ ଦେଖିଲୁ ଟଙ୍କା ଦେ, ନହେଲେ ନାମ ନେ । ସେକ୍ସଟ୍ରସନ ର ଇଜି ମନି ପାଇଁ ପାଗଳ ହେଲେଣି ମହିଳା । ଦେଢ଼ ବର୍ଷରେ ଓଡିଶା ପୋଲିସ ପାଖରେ ୧୪ କେସ୍ । ଷ୍ଟାର୍ ହୋଟେଲ ଓ କ୍ଲବରେ ପଡୁଛି ହନିଟ୍ରାପର ବ୍ଲୁ ପ୍ରିଣ୍ଟ । ବହୁରୂପୀ ଲେଡି ବ୍ଲାକମେଲର ଇରାନୀ ପାତ୍ର । କେତେବେଳେ ଲିପ୍ସା ମହାନ୍ତି ତ ଆଉ କେତବେଳେ ଅର୍ଚ୍ଚିତା କର। ଭିନ୍ନ ଭିନ୍ନ ନାଁ ରେ ସୋସିଆଲ ମିଡିଆ ଆକାଉଣ୍ଟ ଖୋଲି ଲୋକଙ୍କୁ ଭକୁଆ ବନାଉଥିଲା ।

ମିଠା ମିଠା ମେସେଜ କରି ଲେଟ ନାଇଟରେ କରୁଥିଲା ନ୍ୟୁଡ କଲ । ଆଉ ଯିଏ ଫୁଙ୍ଗୁଳା ଦେହ ଦେଖିଲା, ସିଏ ଜାଲରେ ଫସିଲା। ପୁରା କ୍ରାଇମ ସିଣ୍ଡିକେଟକୁ କଣ୍ଟ୍ରୋଲ କରୁଥିଲା ସ୍ବାମୀ ବାପି ପାତ୍ର । ପର ପୁରୁଷ ହାତରେ ସ୍ତ୍ରୀକୁ ଟେକି ଦେବା ସହ ଖଟରେ ବିଛାଉଥିଲା ରାଜନିଗନ୍ଧା । ପୋଲିସ ଏହି ଘଟଣାରେ ୪ ଟି ଏତଲା ପାଇବା ସହ ୧୦ ରୁ ଉର୍ଦ୍ଧ ଠକେଇ ନେଇ ଅଭିଯୋଗ ପାଇଛି । ସୌଭାଗ୍ୟ ଜେନାଙ୍କ ଅଭିଯୋଗକ୍ରମେ ଦେବାନନ୍ଦ ଜେନାଙ୍କୁ ଅଟକ ରଖି ପଚରାଉଚରା କରୁଛି ।

ପୂର୍ବରୁ ସହିଦନଗର ଥାନା ପକ୍ଷରୁ ପିହୁ ବିଶ୍ବସଙ୍କୁ ଗିରଫ କରାଯାଇଥିଲା । ବୀମା କରାଇବା ଆଳରେ ୩୦ ଲକ୍ଷ ଟଙ୍କାର ସୁନା ଅଳଙ୍କାର ଠକି ନେଇଥିଲା ପିହୁ । ସେହିପରି ଚାନ୍ଦିପୁର ପ୍ରତିରକ୍ଷା ଘାଟିରେ ସୁନ୍ଦରୀ ଯୁବତୀଙ୍କ ଦ୍ବାରା ଠକେଇ ଓ ନାଇଜେରିଆନ ଠକଙ୍କ ହାନିଟ୍ରପ ଭଳି ଗତ ଦେଢ଼ ବର୍ଷରେ ୧୪ ମାମଲା ରୁଜୁ କରିଛି ଓଡିଶା ପୋଲିସ । ଇଜି ମନୀ ସହ ଦେହ ସୁଖ ପାଇବା ଆଶାରେ ମାୟାବିନୀ ମହିଳା ଠକେଇର ମାୟାଜାଲ ବିଛାଉଥିବା କହିଛନ୍ତି ସମାଜସେବୀ ।

 

ମୁଖ୍ୟମନ୍ତ୍ରୀଙ୍କ ସ୍ବପ୍ନକୁ ସାକାର କରିଛି ଓଡ଼ିଶା ଷ୍ଟାର୍ଟ ଅପ୍ କମ୍ପାନୀ

ଭୁବନେଶ୍ବର: ରାଜ୍ୟର ଯୁବକଙ୍କୁ ଉଦ୍ୟୋଗୀ କରିବାକୁ ସରକାର ନିରନ୍ତର ଉଦ୍ୟମ ଜାରି ରଖିଛନ୍ତି  । ସେଥିପାଇଁ ଆଜିଠାରୁ କାର୍ଯ୍ୟକାରୀ ହୋଇଛି ଓଡ଼ିଶା ଷ୍ଟାର୍ଟ ଅପ୍ ଗ୍ରୋଥ୍ ଫଣ୍ଡ୍ । ରାଜ୍ୟ ସରକାର ଗଠନ କରିଥିବା ୧୦୦ କୋଟିର କର୍ପସ୍ ପାଣ୍ଠିର ସୁପରିଚାଳନା ପାଇଁ ଭାରତୀୟ କ୍ଷୁଦ୍ର ଶିଳ୍ପ ବିକାଶ ବ୍ୟାଙ୍କ- ସିଡ୍ବି ସହିତ ବୁଝାମଣା ପତ୍ର ସ୍ବାକ୍ଷର କରିଛନ୍ତି । ସିଡ୍ବି ପଞ୍ଜିକୃତ ପୁଞ୍ଜି ବିନିଯୋଗକାରୀଙ୍କୁ ଚୟନ କରି ପୁଞ୍ଜି ଯୋଗାଇବ । ଷ୍ଟାର୍ଟ ଅପ୍ ଉଦ୍ୟୋଗୀଙ୍କ ପାଇଁ ପାଣ୍ଠିର ଅଭାବ ରହିବ ନାହିଁ ବୋଲି ସରକାର ଦେଇଛନ୍ତି ପ୍ରତିଶ୍ରୁତି ।

ରିସ୍କ୍ ନିଅ ଉଦ୍ୟୋଗୀ ହୁଅ  । ଅଭାବ ନାହିଁ ପାଣ୍ଠି  । ନିଜେ ମାଲିକ ହୁଅ ନିଯୁକ୍ତି ଦିଅ  । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏହି ସ୍ବପ୍ନକୁ ସାକାର କରିଛି ଓଡ଼ିଶା ଷ୍ଟାର୍ଟ ଅପ୍ କମ୍ପାନୀ । ଆଜି ଆଉ ପାଦେ ଆଗେଇଛି ଷ୍ଟାର୍ଟ୍ ଅପ୍ ଓଡ଼ିଶା । ଫଣ୍ଡ୍ ଫର୍ ଫଣ୍ଡ୍ସ୍ ସ୍ଲୋଗାନ୍ରେ କାର୍ଯ୍ୟକାରୀ ହୋଇଛି ୧୦୦ କୋଟିର ଓଡ଼ିଶା ଷ୍ଟାର୍ଟ୍ ଅପ୍ ଗ୍ରୋଥ୍ ପାଣ୍ଠି । ପାଣ୍ଠିର ସୁପରିଚାଳନା ପାଇଁ ଭାରତୀୟ କ୍ଷୁଦ୍ର ଶିଳ୍ପ ବିକାଶ ବ୍ୟାଙ୍କ ବା ସିଡ୍ବିକୁ ଦାୟିତ୍ବ ଦିଆଯାଇଛି । ଆଜି ଏ ନେଇ ଭୁବନେଶ୍ବରସ୍ଥିତ ଷ୍ଟାର୍ଟ୍ ଅପ୍ ଇନ୍କ୍ୟୁବେସନ୍ ସେଣ୍ଟର ଓ-ହବ୍ଠାରେ ଉନ୍ନୟନ କମିସନରଙ୍କ ଉପସ୍ଥିତିରେ ଷ୍ଟାର୍ଟ୍ ଅପ୍ ଓଡ଼ିଶା ଓ ସିଡ୍ବି ମଧ୍ୟରେ ୫ ବର୍ଷ ପାଇଁ ସ୍ବାକ୍ଷରିତ ହୋଇଛି ଏମ୍ଓୟୁ । ୨୦୧୬ରୁ ନିଜସ୍ବ ଷ୍ଟାର୍ଟ୍ ଅପ୍ ନୀତି ପ୍ରଣୟନ କରି ୧୭୦୦ରୁ ଅଧିକ ଷ୍ଟାର୍ଟ୍ ଅପ୍ ସୃଷ୍ଟି କରିବାରେ ସଫଳ ହୋଇଛି ଷ୍ଟାର୍ଟ୍ ଅପ୍ ଓଡ଼ିଶା । ମାତ୍ର ଦୁଇ ବର୍ଷ ଭିତରେ ଭାରତ ସରକାର ଷ୍ଟାର୍ଟ୍ ଅପ୍ ଓଡ଼ିଶାକୁ ଦୁଇଥର ସର୍ବୋକ୍ତୃଷ୍ଟ ପରଫର୍ମର୍ ରାଜ୍ୟ ଓ ଲିଡର ଷ୍ଟେଟ୍ର ମାନ୍ୟତା ଦେଇଛନ୍ତି । ମୁଖ୍ୟମନ୍ତ୍ରୀଙ୍କ ବଳିଷ୍ଠ ନେତୃତ୍ବରେ ଓଡ଼ିଶାର ଯେପରି ବିକାଶ ହୋଇଛି ତାକୁ ଭୂୟସୀ ପ୍ରଶଂସା କରିଛନ୍ତି ସିଡ୍ବି କର୍ତ୍ତୃପକ୍ଷ  ।

କୌଣସି ଷ୍ଟାର୍ଟ୍ ଅପ୍,  ଷ୍ଟାର୍ଟ୍ ଅପ୍ ଓଡ଼ିଶା କିମ୍ବା ସିଡ୍ବିଠାରୁ ସିଧାସଳଖ ମୂଳପୁଞ୍ଜି ଋଣ ବାବଦରେ ପାଇବେ ନାହିଁ । ୧୦୦ କୋଟିର ପାଣ୍ଠି ରାଜ୍ୟ ସରକାରଙ୍କ ଆକାଉଣ୍ଟରେ ଜମା ରହିବ । ଯୋଗ୍ୟ ଷ୍ଟାର୍ଟ୍ ଅପ୍ଙ୍କ ଉଦ୍ୟୋଗକୁ ଋଣ ଆକାରରେ ପାଣ୍ଠି ଯୋଗାଇବା ପାଇଁ  ପଞ୍ଜୀକୃତ ଟାଇପ୍ ଓ୍ବାନ୍ ଓ ଟାଇପ୍ ଟୁ ବିକଳ୍ପ ପୁଞ୍ଜି ବିନିଯୋଗକାରୀଙ୍କୁ ସିଡ୍ବି ଚୟନ କରିବ । ସିଡ୍ବି ଦ୍ବାରା ଚୟନ ହୋଇଥିବା ପୁଞ୍ଜି ବିନିଯୋଗକାରୀ ସେମାନଙ୍କର ଦୁଇ କିମ୍ବା ତିନି ଗୁଣ ଅର୍ଥ ମିଶାଇ ଷ୍ଟାର୍ଟ୍ ଅପ୍ଙ୍କୁ ଋଣ ପ୍ରଦାନ କରିବେ । ପ୍ରଥମ ୩ ବର୍ଷରେ ଷ୍ଟାର୍ଟ୍ ଅପ୍ ଅଳ୍ପ ପୁଞ୍ଜି ଆବଶ୍ୟକ କରିଥାନ୍ତି । ପରେ ଅଧିକ ପୁଞ୍ଜି ଆବଶ୍ୟକ କରିଥାନ୍ତି । ୫ କିମ୍ବା ୭ ବର୍ଷ ପରେ ଷ୍ଟାର୍ଟ୍ ଅପ୍ ୧୦ରୁ ୧୨ ପ୍ରତିଶତ ସୁଧରେ ଋଣ ପରିଶୋଧ କରିବେ । ୧୦୦ କୋଟିର ପାଣ୍ଠି ସୁପରିଚାଳନା ପାଇଁ ସିଡ୍ବି ରାଜ୍ୟ ସରକାରଙ୍କଠାରୁ ବାର୍ଷିକ ଫି ଆକାରରେ ଦଶମିକ ୫ ପ୍ରତିଶତ ଅର୍ଥ ନେବ ।

 

ବଢ଼ିଲା ଜେଡ଼୍ ଇଷ୍ଟେଟ୍ ମାଲିକଙ୍କ ଅଡୁଆ

ଭୁବନେଶ୍ବର: ବଢ଼ିଲା ରିଏଲ ଇଷ୍ଟେଟ ଡେଭଲପର ଜେଡ଼୍ ଇଷ୍ଟେଟ ମାଲିକଙ୍କ ଅଡୁଆ । ଅର୍ଥନୈତିକ ଅପରାଧ ଶାଖାରେ ହାଜର ତପନ ମହାନ୍ତି ଓ ପୁଅ । ରାଜଧାନୀର ଛାତି ଉପରେ ଜେଡ଼୍ ଇଷ୍ଟେଟ ଲୋକଙ୍କୁ ଦିନ ଦ୍ବିପ୍ରହରରେ ଠକିଚାଲିଛି। ଜେଡ଼୍ ଓ୍ବାନ୍ ହାଉସିଂ ପ୍ରକଳ୍ପରୁ କୋଟି କୋଟି ଟଙ୍କାର ଘର କିଣି ଏବେ ପସ୍ତାଉଛନ୍ତି ଘରମାଲିକ । ରଙ୍ଗ ଡ଼େମୋ ଦେଖାଇ ଘରମାଲିକଙ୍କୁ କରୁଛି ଲୁଟ୍ । ଘର ମାଲିକଙ୍କ ପ୍ରଶ୍ନ, କାହା ବଳରେ ବଳୀୟାନ ଜେଡ଼୍ ଇଷ୍ଟେଟ?

ବଢ଼ିଲା ରିଏଲ ଇଷ୍ଟେଟ ଡେଭଲପର ଜେଡ଼୍ ଇଷ୍ଟେଟର ଅଡ଼ୁଆ । ଠକେଇ ଅଭିଯୋଗରେ ଅର୍ଥନୈତିକ ଅପରାଧ ଶାଖାରେ ହାଜର ହୋଇଛନ୍ତି ମାଲିକ ଓ ପୁଅ । ଜେଡ଼୍ ଓ୍ବାନ ହାଉସିଂ ପ୍ରକଳ୍ପ ମାଲିକ ସଂଘର ଅଭିଯୋଗ ପରେ ଇଓଡ଼ବ୍ଲୁରେ ହାଜର ତପନ ମହାନ୍ତି ଓ ପୁଅ ସତ୍ୟଜ୍ୟୋତି । ତେବେ ହାଜର ସତ୍ତ୍ବେ ଗଣମାଧ୍ୟମ ଆଗରେ ଖୋଲିନଥିଲେ ମୁହଁ । ଦୀର୍ଘ ୬ବର୍ଷ ଧରି ହକ୍ ପାଇଁ ସଂଘର୍ଷ କରୁଛନ୍ତି ଜେଡ଼୍ ଓ୍ବାନ ପ୍ରକଳ୍ପର ୪୪୦ ମାଲିକ । ହେଲେ ଚୁପ୍ ରହିଛନ୍ତି କର୍ତ୍ତୃପକ୍ଷ । ଘର ମାଲିକଙ୍କ ଅଧିକାର ଛଡ଼ାଇନେଇଛି ଜେଡ଼୍ ଇଷ୍ଟେଟ । ଅଧିକାର ମାଗିଲେ ମିଳୁଛି ମାଡ଼ । ଗାଳି ଆଉ ମିଛ କେସରେ ଫସୁଛନ୍ତି ଘର ମାଲିକ । ବାସିନ୍ଦାଙ୍କ ମଧ୍ୟରୁ ଅଧିକାଂଶ ବରିଷ୍ଠ ନାଗରିକ ହୋଇଥିବାବେଳେ କଷ୍ଟଲବ୍ଧ ଧନରେ କିଣିଛନ୍ତି ଘର । ହେଲେ ସ୍ବପ୍ନକୁ ଚୂରମାର୍ କରିବାକୁ ତୟାର ଜେଡ ଇଷ୍ଟେଟ ।

ଚନ୍ଦ୍ରଶେଖର ଭଟ୍ଟାଚାର୍ଯ୍ୟ। ଘର କୋଲକାତା । ସ୍ବାମୀ ଓ ସ୍ତ୍ରୀ ଉଭୟେ ଇନଫୋସିସରେ ସଫ୍ଟଓ୍ବେର ଡ଼େଭଲପର ଭାବେ କାମ କରନ୍ତି । ଭୁବନେଶ୍ବରରେ ଚାକିରି ହେବା ପରେ ମନ୍ଦିରମାଳିନୀ ସହରରେ ରହିବାକୁ ଚାହିଁଲେ । ଜେଡ଼୍ ଓ୍ବାନ ପ୍ରକଳ୍ପରେ ଘର ଖଣ୍ତିଏ କିଣିଲେ । କୋଲକାତାସ୍ଥିତ ଘରବାଡ଼ି ବିକ୍ରି କରି ୭୦ବର୍ଷୀୟା ମାଙ୍କୁ ସାଙ୍ଗରେ ଧରି ଆସି ଭୁବନେଶ୍ବରେ ରହିଲେ । ହେଲେ ଏଠାରେ ରହିବା ପରେ ମାନସିକ ଅଶାନ୍ତି ବଢିଚାଲିଲା । ଅଧିକାର ପାଇଁ କୋର୍ଟ କଚେରୀ ଦୌଡ଼ିଲେ । ପ୍ରତି ମୁହୂର୍ତ୍ତରେ ଚାଲିଲା ସଂଗ୍ରାମ । ଜେଡ଼୍ ଇଷ୍ଟେଟରେ ଘର କିଣି ଏବେ ପସ୍ତାଉଛନ୍ତି ବୋଲି କହିଛନ୍ତି ଚନ୍ଦ୍ରଶେଖର ।

ଠିକା ନିଯୁକ୍ତି ନେଇ ରାଜ୍ୟ ବିଜେପି ଓ କଂଗ୍ରେସକୁ ବିଜେଡିର କଡ଼ା ଜବାବ

ଭୁବନେଶ୍ବର: ଠିକା ନିଯୁକ୍ତି ନେଇ ରାଜ୍ୟ ବିଜେପି ଓ କଂଗ୍ରେସକୁ ବିଜେଡିର କଡ଼ା ଜବାବ । ଉଭୟ ଦଳକୁ ଟାର୍ଗେଟ୍ କଲେ ବିଜେଡି ସାଂସଦ ସସ୍ମିତ ପାତ୍ର । ଠିକା ନିଯୁକ୍ତି ପାଇଁ ଗୁଜରାଟ ସରକାରଙ୍କ ଏକ ବିଜ୍ଞାପନକୁ ଦର୍ଶାଇ କଂଗ୍ରେସ ଓ ବିଜେପି ଉପରେ ବର୍ଷିଛନ୍ତି ସସ୍ମିତ । ବିଜେପି ଓ କଂଗ୍ରେସ ଶାସିତ ରାଜ୍ୟରେ ଚୁକ୍ତିଭିତ୍ତିକ ନିଯୁକ୍ତି ହେଉଥିବା ବେଳେ ଓଡ଼ିଶାରେ ଦୁଇ ଦଳ କାହିଁକି ପ୍ରଶ୍ନ କରୁଛନ୍ତି ବୋଲି ବିଜେଡି ପାଲଟା ପ୍ରଶ୍ନ କରିଛି । କଂଗ୍ରେସ ବିଧାୟକ ସୁରେଶ ରାଉତରାୟ ମଧ୍ୟ ଏ ପ୍ରସଙ୍ଗରେ ବିଜେପିକୁ ସମାଲୋଚନା କରିଛନ୍ତି ।

ଠିକା ନିଯୁକ୍ତି ନେଇ ଧରାପଡ଼ିଲା ବିରୋଧୀଙ୍କ ଦୋମୁହିଁ ନୀତି ।  ଧରା ପଡ଼ିଲା ରାଜନୀତି । ବିଜେପି ଓ କଂଗ୍ରେସ ଶାସିତ ରାଜ୍ୟରେ ଠିକା ନିଯୁକ୍ତି ହେଉଛି । ଓଡ଼ିଶାରେ ଚୁକ୍ତିଭିତ୍ତିକ ଶିକ୍ଷକ ନିଯୁକ୍ତିରେ ରାଜ୍ୟ ବିଜେପି ଓ କଂଗ୍ରେସ କାହିଁକି ପ୍ରଶ୍ନ ଉଠାଉଛନ୍ତି ବୋଲି ବିଜେଡି ପ୍ରଶ୍ନ କରିଛି । ଗୁଜରାଟ ସରକାରଙ୍କ ଠିକା ନିଯୁକ୍ତି ସମ୍ପର୍କିତ ଏକ ବିଜ୍ଞାପନକୁ ଦର୍ଶାଇ କଂଗ୍ରେସ ଓ ବିଜେପି ଉପରେ ବିଜେଡି ସାଂସଦ ସସ୍ମିତ ପାତ୍ର ବର୍ଷିଛନ୍ତି  । ଏ ହେଉଛି ସେହି ବିଜ୍ଞାପନ । ଗୁଜରାଟ ସରକାର ଜ୍ଞାନ ସହାୟକ ଠିକା ନିଯୁକ୍ତି ପାଇଁ ଏହି ବିଜ୍ଞାପନ ପ୍ରକାଶ ପାଇଛି । କେବଳ ଗୁଜରାଟ ନୁହେଁ, ବିଜେପି ଓ କଂଗ୍ରେସ ଶାସିତ ବିଭିନ୍ନ ରାଜ୍ୟରେ ଠିକା ନିଯୁକ୍ତି କରାଯାଉଛି । ସେସବୁ ରାଜ୍ୟରେ ଠିକା ନିଯୁକ୍ତି ନେଇ ବିଜେପି ଓ କଂଗ୍ରେସ ଆପତ୍ତି ଉଠାଉନଥିବା ବେଳେ ଓଡ଼ିଶାରେ ଏହି ଦୁଇ ଦଳର ଆଭିମୁଖ୍ୟ ନେଇ ପ୍ରଶ୍ନ କରିଛି ବିଜେଡି ।

ସେପଟେ ଠିକା ନିଯୁକ୍ତି ନେଇ ରାଜ୍ୟ ବିଜେପିର ହୀନ ରାଜନୀତି ଉପରେ ବର୍ଷିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ । ବିଜେପି ଶାସିତ ରାଜ୍ୟରେ ସରକାର ଠିକା ନିଯୁକ୍ତି ଦେଉଥିବା ବେଳେ ଓଡ଼ିଶାରେ ଏ ପ୍ରସଙ୍ଗକୁ ନେଇ ବିଜେପି ରାଜନୀତି କରିବା ଦଳର ଦୋମୁହାଁ ନୀତିକୁ ପଦାରେ ପକାଇଛି  । ବିଜେପି ନେତା ଏଥିରୁ ବିରତ ରହିବାକୁ ସୁର ପରାମର୍ଶ ଦେଇଛନ୍ତି ।

ବିକାଶର ସ୍ପର୍ଶରେ ଝଲସିଲା ସିଲଭର ସିଟି

କଟକ: ହଜାରେ ବର୍ଷର କଟକ ସହର ମାଟିରେ ଶନିବାର ଲେଖା ହୋଇଛି ନୂଆ ଇତିହାସ । ଉଦଘାଟନ ହୋଇଛି ଅତ୍ୟାଧୁନିକ ନେତାଜୀ ବସ୍ ଟର୍ମିନାଲ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଲୋକାର୍ପଣ କରିଛନ୍ତି । ଏହି ଅବସରରେ ସେ କହିଛନ୍ତି, ନେତାଜୀଙ୍କ ଜନ୍ମଭୂମି ଓ ଉତ୍କଳ ଗୌରବଙ୍କ କର୍ମଭୂମି କଟକ ସହର ପାଇଁ ଆଜି ଉତ୍ସବର ଦିନ । କଟକ ବାଲିଯାତ୍ରା ଓ ବାରବାଟୀ କ୍ରିକେଟ ମ୍ୟାଚ୍‌ ଓଡ଼ିଶାର ବଡ଼ ପରିଚୟ । କଟକ ସବୁବେଳେ ମୋ ପାଇଁ ସ୍ୱତନ୍ତ୍ର ହୋଇରହିଛି, ଆଗକୁ ରହିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ସହରର ବିକାଶ ପାଇଁ ସମସ୍ତଙ୍କ ସହଯୋଗ କାମନା କରିଥିଲେ ମୁଖ୍ୟମନ୍ତ୍ରୀ । ଅତ୍ୟାଧୁନିକ ବସ୍ ଟର୍ମିନାଲ ଶୁଭାରମ୍ଭ ସହ ଓଡ଼ିଶାର ଯାତ୍ରୀସେବାରେ ନୂଆଯୁଗ ଆରମ୍ଭ ହୋଇଛି । ବସ୍ ଟର୍ମିନାଲ ଲୋକାର୍ପଣ ସହ ମୁଖ୍ୟମନ୍ତ୍ରୀ ବିଭିନ୍ନ ପ୍ରକଳ୍ପର ଉଦଘାଟନ ଓ ଶିଳ୍ୟାନ୍ୟାସ କରିଛନ୍ତି ।

ବିକାଶର ସ୍ପର୍ଶରେ ଝଲସିଲା ସିଲଭର ସିଟି । ରୌପ୍ୟ ନଗରୀର ରୂପାନ୍ତରଣରେ ଯୋଡିହେଲା ନୂଆଫର୍ଦ୍ଦ ।  କଟକ ସହରରେ ଅତ୍ୟାଧୁନିକ ନେତାଜୀ ବସ୍ ଟର୍ମିନାଲକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ୧୫ ଏକର ଜମିରେ ନିର୍ମିତ ହୋଇଛି ଏହି ବିଶାଳ ବସ୍‌ ଟର୍ମିନାଲ ।  ଖର୍ଚ୍ଚ ହୋଇଛି ୯୦ କୋଟିରୁ ଅଧିକ ଟଙ୍କା । ଏଠାରେ ଏକାସାଙ୍ଗରେ ୧୯୨ଟି ବସ୍‌ ରହଣି ଓ ଯାତାୟାତ ବ୍ୟବସ୍ଥା ରହିଛି  । ବସ ଟର୍ମିନାଲରେ ଯାତ୍ରୀଙ୍କ ପାଇଁ ରହିଛି ହାଇଟେକ୍ ସୁବିଧା । ହାଇଫାଇ ପ୍ରତୀକ୍ଷାଳୟ, ବିଶ୍ରାମ କକ୍ଷ, ଆହାର କେନ୍ଦ୍ର, ହାଇଜେନିକ ଷ୍ଟଲ୍, ପୁରୁଷ ଓ ମହିଳାଙ୍କ ପାଇଁ ସ୍ବତନ୍ତ୍ର ଟିକେଟ କାଉଣ୍ଟରର ରହିଛି । ରହିଛି ଇଲୋକ୍ଟ୍ରୋନିକ ସୂଚନା ବ୍ୟବସ୍ଥା । ସିସିଟିଭି ସହ ଟର୍ମିନାଲରେ ଏକ ପୋଲିସ ଆଉଟ ପୋଷ୍ଟ ରହିବ ।

ବସ୍‌ ଟର୍ମିନାଲ ସହ ୩୪୧ କୋଟି ଟଙ୍କାର ବିଭିନ୍ନ ପ୍ରକଳ୍ପର ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ୨ ଶହ କୋଟି ଟଙ୍କାର ବିଭିନ୍ନ ପ୍ରକଳ୍ପର ଭିତ୍ତିପ୍ରସ୍ତର ମଧ୍ୟ ସ୍ଥାପନ କରାଯାଇଛି । ରେଭେନ୍ସା ବିଶ୍ବବିଦ୍ୟାଳୟର ମହାନଦୀ କ୍ୟାମ୍ପସ, ଜାତୀୟ ଆଇନ ବିଶ୍ବବିଦ୍ୟାଳୟର ଲାଇବ୍ରେରୀ ଏବଂ ଡିଏଭି ଏସସିବି ମେଡିକାଲ ପବ୍ଲିକ ସ୍କୁଲ ଉଦଘାଟିତ ହୋଇଛି  । ସେହିଭଳି ନରଣପୁରରେ ୫୫୦ଟି ଇଡବ୍ଲଏସ୍‌ ଏବଂ ୩୨୦ଟି ଏଲଆଇଜି ବାସଗୃହ, ସିଲଭର ସିଟି ବୋଟ୍‌ କ୍ଲବ, ତାଳଦଣ୍ଡା କେନାଲ ସମ୍ମୁଖର ବିକାଶ, ଅର୍ବାନ ହାଟ, ଫୁଡକୋର୍ଟ ଏବଂ ଜଳକ୍ରୀଡ଼ା କେନ୍ଦ୍ର, ରାଣୀହାଟଠାରେ କ୍ଲକ ଟାଓ୍ବାର, ତାଳଦଣ୍ଡା କେନାଲ ବ୍ରିଜ୍‌ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ । ସେହିପରି ଜାତୀୟ ଆଇନ ବିଶ୍ବବିଦ୍ୟାଳୟ ପରିସରରେ ସ୍ବାସ୍ଥ୍ୟକେନ୍ଦ୍ର ଓ ଅନ୍ୟାନ୍ୟ ଭିତ୍ତିଭୂମି, ନେତାଜୀ ସୁଭାଷ ଚନ୍ଦ୍ର ବୋଷ ସ୍ମାରକୀ, ତାଳଦଣ୍ଡା କେନାଲରେ ଜନ ସୁବିଧା କେନ୍ଦ୍ର, ରେଳ ଷ୍ଟେସନର ପୂର୍ବ ଫାଟକରୁ ୪ ଲେନ ବିଶିଷ୍ଟ ରୋଡ୍‌ ନିର୍ମାଣ ପାଇଁ ମୁଖ୍ୟମନ୍ତ୍ରୀ ଭିତ୍ତି ପ୍ରସ୍ତର ସ୍ଥାପନ କରିଛନ୍ତି ।

କର୍ମଚାରୀଙ୍କୁ ଶୋଷଣ କରୁଛନ୍ତି ସୌମ୍ୟରଞ୍ଜନ ପଟ୍ଟନାୟକ !

ଭୁବନେଶ୍ବର: ରାଜ୍ୟର ନମ୍ବର ଓ୍ବାନ୍ ଖବରକାଗଜ ବୋଲାଉଥିବା ସମ୍ବାଦ ଖବରକାଗଜରେ କିଭଳି କର୍ମଚାରୀଙ୍କୁ ଶୋଷଣ କରାଯାଇଛି, ତାହା ଏବେ ପଦାକୁ ଆସିଛି । କେବଳ କର୍ମଚାରୀଙ୍କୁ ଶୋଷଣ ନୁହେଁ, ଏହି ଖବରକାଗଜର ମାଲିକ ସୌମ୍ୟରଞ୍ଜନ ପଟ୍ଟନାୟକ କିଭଳି ନିଜ ଇଷ୍ଟର୍ଣ୍ଣ ମିଡିଆ ପ୍ରାଇଭେଟ୍ ଲିମିଟେଡ୍ ସଂସ୍ଥାର ମାନବ ସମ୍ବଳ ବିଭାଗ ଏବଂ ବିତ୍ତ ବିଭାଗ ଜରିଆରେ ବ୍ୟାଙ୍କରେ ମଧ୍ୟ ଘୋଟାଲା କରିଛନ୍ତି, ଏହା ସାମ୍ନାକୁ ଆସିଛି । ବ୍ୟାଙ୍କ ଘୋଟାଲା ସାଙ୍ଗକୁ କର୍ମଚାରୀଙ୍କୁ ଶୋଷଣ ବର୍ଷ ବର୍ଷ ଧରି ଚାଲି ଆସୁଥିଲେ ମଧ୍ୟ ସୌମ୍ୟରଞ୍ଜନ ପଟ୍ଟନାୟକ ଜଣେ ପ୍ରଭାବଶାଳୀ ବ୍ୟକ୍ତି ହୋଇଥିବାରୁ ଏନେଇ କେହି ମୁହଁ ଖୋଲୁନଥିଲେ ।

ସମ୍ବାଦ ତଥା ଇଷ୍ଟର୍ଣ୍ଣ ମିଡିଆର ଜଣେ ପୂର୍ବତନ ଜିଲ୍ଲା ପ୍ରତିନିଧି ଶନିବାର EOWରେ ଅଭିଯୋଗ କରିବା ପରେ ଘଟଣା ସାମ୍ନାକୁ ଆସିଛି । ଅଭିଯୋଗକାରୀଙ୍କ ଅନୁସାରେ, ଇଷ୍ଟର୍ଣ୍ଣ ମିଡିଆର ତତକାଳୀନ ଏମଡି ତଥା ବର୍ତ୍ତମାନର ମୁଖ୍ୟ ସମ୍ପାଦକ ସୌମ୍ୟରଞ୍ଜନ ପଟ୍ଟନାୟକଙ୍କ ନିର୍ଦ୍ଦେଶରେ ବିଭିନ୍ନ କର୍ମଚାରୀ ଏବଂ ସାମ୍ବାଦିକଙ୍କ ଫେକ୍ ସାଲାରି ସାର୍ଟିଫିକେଟ୍ ଜରିଆରେ କର୍ମଚାରୀଙ୍କ ନାଁରେ ବିଭିନ୍ନ ବ୍ୟାଙ୍କରୁ ଋଣ ଉଠାନ୍ତି । ଏହି ଋଣ ଟଙ୍କା ସୌମ୍ୟରଞ୍ଜନ ପଟ୍ଟନାୟକ ହଡ଼ପ କରିନିଅନ୍ତି । କର୍ମଚାରୀମାନେ ଋଣ କରିବାକୁ ମନାକଲେ ସେମାନଙ୍କୁ ଚାକିରିରୁ ବହିଷ୍କାର କରିବା ଲାଗି ମଧ୍ୟ ଧମକ ଦିଆଯାଇଥାଏ ବୋଲି ସଂପୃକ୍ତ ଅଭିଯୋଗକାରୀ EOWକୁ ଜଣାଇଛନ୍ତି ।

ପାଖାପାଖି ୩ଶହରୁ ଅଧିକ କର୍ମଚାରୀଙ୍କ ନାଁରେ ଇଷ୍ଟର୍ଣ୍ଣ ମିଡିଆ ଲିମଟେଡ ୫୦ କୋଟି ଟଙ୍କାରୁ ଅଧିକ ଋଣ କରି ହଡ଼ପ କରିଥିବା ଅଭିଯୋଗ ହୋଇଛି । ଏହି ଘୋଟାଲା ସୌମ୍ୟରଞ୍ଜନ ପଟ୍ଟନାୟକ ଓ ଏହି ବ୍ୟାଙ୍କର ମ୍ୟାନେଜରମାନଙ୍କ ମଧ୍ୟରେ ଅପରାଧିକ ମଧୁଚନ୍ଦ୍ରିକା ଯୋଗୁ ସମ୍ଭବ ହୋଇଛି ବୋଲି କୁହାଯାଉଛି । ଓଡ଼ିଶା ଗ୍ରାମ୍ୟ ବ୍ୟାଙ୍କର ଭୁବନେଶ୍ବରସ୍ଥିତ ଜୟଦେବ ବିହାର ଶାଖା, ଭାରତୀୟ ଷ୍ଟେଟ୍ ବ୍ୟାଙ୍କର କଟକ ମଙ୍ଗଳାବାଗ ଶାଖା, କଟକ ଅରୁଣୋଦୟ ମାର୍କେଟ୍ ଶାଖା, ବ୍ରହ୍ମପୁର ଭାପୁର ଶାଖା, ସମ୍ବଲପୁର ଇଭିନିଂ ଶାଖା, ବାଲେଶ୍ବର ଇଣ୍ଡଷ୍ଟ୍ରିଆଲ ବ୍ରାଞ୍ଚ, ଜୟପୁର ଇଭିନିଂ ବ୍ରାଞ୍ଚ, ଅନୁଗୁଳ, ରାଉରକେଲା ଶିଳ୍ପାଞ୍ଚଳ ଆଦି ବ୍ରାଞ୍ଚରେ ଏହି ଘୋଟାଲା ହୋଇଥିବା ଅଭିଯୋଗ ହୋଇଛି ।

ଏପରିକି କଟକ ଅରୁଣୋଦୟ ମାର୍କେଟ୍ ଶାଖାର ଜଣେ ବ୍ୟାଙ୍କ ମ୍ୟାନେଜର ଏହି ଘୋଟାଲା ଲାଗି ଏକ ମାରୁତି ଏଇଟ୍ ହଣ୍ଡ୍ରେଡ କାର ସୌମ୍ୟରଞ୍ଜନ ପଟ୍ଟନାୟକଙ୍କ ଠାରୁ ନେଇଥିବା ଅଭିଯୋଗ ହୋଇଛି । କର୍ମଚାରୀଙ୍କୁ ଲୋନ୍ ଦେବା ପାଇଁ ଇଷ୍ଟର୍ଣ୍ଣ ମିଡିଆ ମାନବ ସମ୍ବଳ ବିଭାଗର ଅଧିକାରୀ ଶ୍ରୀମତୀ ବୈଜୟନ୍ତୀ କର ବାଧ୍ୟ କରିବା ସହ ଚାକିରି ନେଇଯିବାର ଧମକ ଦେଇଥିବା ଭଳି ସାଂଘାତିକ ଅଭିଯୋଗ ହୋଇଛି । ଏଥିରେ ମାନବ ସମ୍ବଳ ବିଭାଗ ଓ ବିତ୍ତ ବିଭାଗର କିଛି କର୍ମଚାରୀ ସଂପୃକ୍ତ ଥିବା ଅଭିଯୋଗ ପତ୍ରରେ ସ୍ପଷ୍ଟ ଉଲ୍ଲେଖ ରହିଛି । ଏହି ଅଭିଯୋଗକୁ EOW ତଦନ୍ତ ପାଇଁ ଗ୍ରହଣ କରିଥିବା ଜଣାପଡିଛି । EOW ତଦନ୍ତରୁ ତାଙ୍କୁ ନ୍ୟାୟ ମିଳିବ ବୋଲି ଅଭିଯୋଗକାରୀ ଆଶା ରଖିଛନ୍ତି । ଯେଉଁ ପୂର୍ବତନ କର୍ମଚାରୀ ଅଭିଯୋଗ କରିଛନ୍ତି ତାଙ୍କ କହିବା ଅନୁସାରେ ସେ ୨୦୧୫ ମସିହାରେ ସମ୍ବାଦରେ ଜିଲ୍ଲା ପ୍ରତିନିଧି ଭାବେ ଯୋଗ ଦେଇଥିଲେ  ।

ସେତେବେଳେ ତାଙ୍କ ଦରମା ଥିଲା ୧୨ ହଜାର ୬୦୦ଟଙ୍କା । ସମ୍ବାଦରେ ଯୋଗ ଦେବାର ଅଳ୍ପ ଦିନ ଭିତରେ ମାନବ ସମ୍ବଳ ବିଭାଗର ଅଧିକାରୀ ବଜୟନ୍ତୀ କର ତାଙ୍କୁ ଫୋନରେ ଏକ ଲୋନ କରିବା ଲାଗି କହିଲେ । ଏହି ଜିଲ୍ଲା ପ୍ରତିନିଧି ତାଙ୍କର ଲୋନ କରିବା କିଛି ଆବଶ୍ୟକ ନାହିଁ ବୋଲି କହିଥିଲେ । ଫଳରେ ବୈଜୟନ୍ତୀ ତାଙ୍କୁ ଧମକ ଦେଇ କହିଥିଲେ ଯେ, ସୌମ୍ୟ ରଞ୍ଜନ ପଟ୍ଟନାୟକଙ୍କ ନିର୍ଦ୍ଦେଶ ରହିଛି । ସେଥିପାଇଁ ସେ ଲୋନ କରିବାକୁ ବାଧ୍ୟ । ଲୋନ ନକଲେ ଚାକିରିରୁ ବିଦା ହେବ । ଏମିତି ଧମକ ପାଇବାପରେ ଅଭିଯୋଗକାରୀ ସମ୍ବାଦରେ ଥିବା ତାଙ୍କ ସହକର୍ମୀଙ୍କ ସହ କଥା ହୋଇ ଜାଣିଥିଲେ ଯେ, ଅଧିକାଂଶଙ୍କୁ ଏଭଳି ଧମକ ଦିଆଯାଇଛି ଓ ସେମାନେ ସବୁ ଭୟରେ ବ୍ୟାଙ୍କରୁ ଋଣ ମଧ୍ୟ କରିଛନ୍ତି ।

ଏହା ପରେ ପରେ ବୈଜୟନ୍ତୀ କର ତାଙ୍କୁ ଭୁବନେଶ୍ବର ରସୁଲଗଡରେ ଥିବା ସମ୍ବାଦ ମୁଖ୍ୟ କାର୍ଯ୍ୟାଳୟକୁ ଡାକିଥିଲେ । ସମ୍ବାଦରେ ଜଣେ କର୍ମଚାରୀ ତାଙ୍କୁ ଓଡିଶା ଗ୍ରାମ୍ୟ ବ୍ୟାଙ୍କର ଜୟଦେବ ବିହାର ଶାଖାକୁ ନେଇଯାଇଥିଲେ । ସେଠାରେ ତାଙ୍କ ଅନିଚ୍ଛା ସତ୍ତେ ବିଭିନ୍ନ କାଗଜପତ୍ରରେ ଦସ୍ତଖତ କରିବାକୁ କହିଥିଲେ  । ଏପରିକି ଦସ୍ତଖତ ଥିବା ଏସବିଆଇର ୬ଟି ବ୍ଲାଙ୍କ ଚେକ ମଧ୍ୟ ତାଙ୍କଠୁ ସଂପୃକ୍ତ ସମ୍ବାଦ କର୍ମଚାରୀ ନେଇଯାଇଥିଲେ । ଏହାପରେ ଲୋନ ପାସ ହୋଇଥିଲା ଆଉ ତାଙ୍କୁ ଗୋଟେ ଚେକ ବହି ମଧ୍ୟ ମିଳିଥିଲେ । ତେବେ ନୂଆ ମିଳିଥିବା ଚେକ ଗୁଡିକରେ ତାଙ୍କ ଦସ୍ତଖତ କରାଇ ସାଂଗରେ ଯାଇଥିବା ସଂପୃକ୍ତ ସମ୍ବାଦ କର୍ମଚାରୀ ନେଇଯାଇଥିଲେ ।

ତେବେ ତାଙ୍କ ନାଁରେ କେତେ ଟଙ୍କା ଋଣ ହୋଇଛି ଓ ଋଣ ଟଙ୍କା କଣ ହେବ ସେ ସମ୍ପର୍କରେ ଅଭିଯୋଗକାରୀଙ୍କୁ ଅନ୍ଧାରରେ ରଖାଯାଇଥିଲା । ପରବର୍ତ୍ତୀ ସମୟରେ ନିଜ ଉଦ୍ୟମରେ ବ୍ୟାଙ୍କ କର୍ମଚାରୀଙ୍କଠୁ ସେ ଜାଣିବାକୁ ପାଇଥିଲେ ଯେ, ତାଙ୍କ ନାଁ ରେ ୫ଲକ୍ଷ ଟଙ୍କାର ଋଣ ହୋଇଛି । ଏହାପରେ ତାଙ୍କୁ ପୁଣି ସମ୍ବାଦ ଅଫିସକୁ ଡକାଇ ଆକାଉଣ୍ଟସ ବିଭାଗର ମୁଖ୍ୟ ୪୦ ହଜାର ଟଙ୍କା ଦେଇଥିଲେ । ଏ ଟଙ୍କା କାହିଁକି ଦିଆଯାଉଛି ବୋଲି ସେ ଜାଣିବାକୁ ଚାହିଁଥିଲେ । ଆକାଉଣ୍ଟସ ବିଭାଗ କହିଥିଲା ଯେ, ଏ ଟଙ୍କାରେ ସେ ଗୋଟେ ମଟର ସାଇକେଲ କିଣନ୍ତୁ ବୋଲି ସୋମ୍ୟ ରଞ୍ଜନ ପଟ୍ଟନାୟକ କହିଛନ୍ତି ।

ତେବେ ପୂର୍ବରୁ ତାଙ୍କର  ମୋଟର ସାଇକେଲ ଅଛି ଓ ସେ ଏ ଟଙ୍କା ଚାହାନ୍ତି ନାହିଁ ବୋଲି କହିଥିଲେ ମଧ୍ୟ ଆକାଉଣ୍ଟ ବିଭାଗ ଏସବୁ କିଛି ଶୁଣି ନଥିଲେ । କିନ୍ତୁ ତା ପରବର୍ତ୍ତୀ ସମୟରେ ତାଙ୍କ ମାସିକ ଦରମାରୁ ଋଣ କିସ୍ତି କଟିବା ଆରମ୍ଭ କରିଥିଲା । ଏ ସମ୍ପର୍କରେ ସେ ଜାଣିବାକୁ ଚାହିଁଥିଲେ ମଧ୍ୟ କେହି ସନ୍ତୋଷଜନକ ଉତ୍ତର ଦେଇନଥିଲେ । ବରଂ ବାରମ୍ବାର ଚାକିରି ହରେଇବାର ଭୟ ଦେଖାଉଥିଲେ ବୋଲି ସେ ଅଭିଯୋଗ କରିଛନ୍ତି ।

ଏମିତି ଚାଲିଥିବା ବେଳେ ପୁଣି ତାଙ୍କୁ ଆଉ ଏକ ଲୋନ କରିବା ଲାଗି କୁହାଯାଇଥିଲା । ଏଥର ତାଙ୍କୁ ନିଜେ ବୈଜୟନ୍ତୀ କର ସାଂଗରେ ନେଇ ଭାରତୀୟ ଷ୍ଟେଟ ବ୍ୟାଙ୍କର କଟକ ମଙ୍ଗଳାବାଗ ଶାଖାକୁ ଯାଇଥିଲେ । ସେଠାରେ ମଧ୍ୟ ସମାନ ଢଙ୍ଗରେ ଆଉ ଏକ ଋଣ କରାଯାଇଥିଲା । କିନ୍ତୁ ସେ ଜାଣି ପାରିନଥିଲେ ଯେ, ତାଙ୍କ ନାଁରେ କେତେ ଟଙ୍କାର ଋଣ କରି ହଡପ କରାଯାଇଛି । ତେବେ ପରବର୍ତ୍ତୀ ସମୟରେ ବ୍ୟାଙ୍କ କର୍ମଚାରୀଙ୍କ ସୂତ୍ରରୁ ସେ ଜାଣିବାକୁ ପାଇଥିଲେ ଯେ, ଜାଲିଆତି କରି ଲୋନ ଗ୍ରହିତାଙ୍କ ନାଁ ବଦଳାଯାଇ ଇଷ୍ଟର୍ଣ୍ଣ ମିଡିଆ ବୋଲି କରି ଦିଆଯାଇଛି।