ମୁମ୍ବାଇ: ଅଜିତ ପାଓ୍ବାର ଏବଂ ଶରଦ ପାଓ୍ବାରଙ୍କ ବୈଠକ ମହାରାଷ୍ଟ୍ର ରାଜନୀତିରେ ହଟଚମଟ ସୃଷ୍ଟି କରିଛି । କଂଗ୍ରେସ ଏହାକୁ ନେଇ ଏନସିପି ମୁଖ୍ୟ ଶରଦ ପାଓ୍ବାରଙ୍କୁ ଟାର୍ଗେଟ କରିଛି । କଂଗ୍ରେସ କହିଛି କି, ଶରଦଙ୍କୁ ଏବଂ ତାଙ୍କ ଝିଅକୁ କେନ୍ଦ୍ରମନ୍ତ୍ରୀ କରିବା ପାଇଁ ବିଜେପି ଅଫର ଦେଇଛି । ଯେଉଁ ସମ୍ପର୍କରେ ଉଭୟ ଦାଦା ପୁତୁରା ଶରଦ ଏବଂ ଅଜିଦଙ୍କ ମଧ୍ୟ ଆଲୋଚନା ହୋଇଛି । ଅଜିତ ମଧ୍ୟସ୍ଥତା କରିଥିବା କଂଗ୍ରେସ ପକ୍ଷରୁ ଅଭିଯୋଗ କରାଯାଇଥିବାବେଳେ ଶରଦଙ୍କ ଝିଅ ସୁପ୍ରିୟା ଏହାକୁ ସିଧା ସିଧା ବିରୋଧ କରିଛନ୍ତି । ସେ କହିଛନ୍ତି କି, ବିଜେପି ଆମକୁ କୌଣସି ଅଫର ଦେଇନାହିଁ । ଆମେ ଦିଲ୍ଲୀରେ କଂଗ୍ରେସ ସହ କଥା ହୋଇଛୁ । ବିଜେପି ଅଫର ଦେବା କଥା ସମ୍ପୂର୍ଣ୍ଣ ମିଛ । ରାଜ୍ୟ କଂଗ୍ରେସର ପ୍ରଶ୍ନ ଉପରେ ମୁଁ କୌଣସି ମନ୍ତବ୍ୟ ଦେବାକୁ ଚାହେଁନାହିଁ । ଆମେ ରାହୁଲ ଏବଂ ସୋନିଆଙ୍କ ସହ କଥା ହେଇଛୁ ।
୬୦ ବର୍ଷ ବୟସରୁ ଉର୍ଦ୍ଧ୍ବ ବୟସ ପରେ ବି କମିନି କ୍ରେଜ୍, ଶହେ କୋଟି କ୍ଲବରେ ସାମିଲ ହୋଇଥିବା ଅଭିନେତା
ନନ୍ଦିଘୋଷ ବ୍ୟୁରୋ: ବଲିଉଡର ଅେନକ ଷ୍ଟାର ଅଛନ୍ତି ଯେଉଁମାନେ ୬୦ ବର୍ଷରୁ ଅଧିକ ବୟସର ହୋଇଥିଲେ ସୁଦ୍ଧା ଆଜିଯାଏଁ ସ୍କ୍ରିନରେ ହିରୋଭାବେ ନଜର ଆସିଛନ୍ତି । ଏପରିକି ସେମାନଙ୍କ ଫିଲ୍ମ ଶହେ କୋଟି କ୍ଲବରେ ମଧ୍ୟ ସାମିଲ ହୋଇଛି । ଯେଉଁଥିରେ ଅମିତାଭ ବଚ୍ଚନ ଅନିଲ କପୁରଙ୍କ ଭଳି ଅଭିନେତାମାନେ ଅଛନ୍ତି । ତେବେ ଆସନ୍ତୁ ନଜର ପକାଇବା ଏଭଳି କିଛି କଳାକାରଙ୍କ ଉପରେ ଯେଉଁମାନେ ବିଳମ୍ବରେ ଶହେ କୋଟି କ୍ଲବରେ ସାମିଲ ହୋଇଛନ୍ତି । ମେଗାଷ୍ଟାର ଅମିତାଭ ବଚ୍ଚନଙ୍କ ଅଭିନୀତ ଫିଲ୍ମ ’ବ୍ରହ୍ମାସ୍ତ୍ର’ ବକ୍ସ ଅଫିସରେ ହିଟ୍ ହେବା ସହ ଶହେ କୋଟି କ୍ଲବରେ ସାମିଲ ହୋଇଥିଲା ।
ସେହିପରି ଅନୁପମ ଖେରଙ୍କ ’କାଶ୍ମୀର ଫାଇଲ’ ଫିଲ୍ମ ଦର୍ଶକଙ୍କ ମହଲରେ ଆଦୃତ ହେବା ସହ ଭଲ ରୋଜଗାର କରିଛି । ଶହେ କୋଟି କ୍ଲବରେ ଏହି ଫିଲ୍ମ ସାମିଲ ହେବା ସହ ଚର୍ଚ୍ଚାରେ ରହିଥିଲା । ଅନିଲ କପୁର । ବୟସ ଆାଜି ମଧ୍ୟ କମ ଲାଗିଥାଏ । ’ଜଗ୍ ଜଗ୍ ଜିଓ’ ଚଳଚ୍ଚିତ୍ର ହିଟ୍ ସାବ୍ୟସ୍ତ ହେବା ସହ ଶହେ କୋଟି କ୍ଲବରେ ସାମିଲ ହୋଇପାରିଛି ।
ବଲିଉଡର ଜଣାଶୁଣା ଅଭିନେତା ସଞ୍ଜୟ ଦତ୍ତଙ୍କ କ୍ୟାରିୟରରେ ଅେନକ ଉତଥାନ ପତ୍ତନ ଘଟିଥିବାବେଳେ ତାଙ୍କ ଅଭିନୀତ ଫିଲ୍ମ କେଜିଏଫ ୨ ଶହେ କୋଟି କ୍ଲବରେ ସାମିଲ ହୋଇଛି । ଅନ୍ୟପଟେ ସନ୍ନି ଦେଓ୍ବଲଙ୍କ ’ଗଦର ୨’ ଏବେ ବକ୍ସ ଅଫିସରେ ବୋବାଲ ମଚାଇବା ସହ ୨ଶହ କୋଟି କ୍ଲବରେ ସାମିଲ ହୋଇଛି । ସନ୍ନି ଦେଓ୍ବଲଙ୍କ କ୍ୟାରିୟରର ଏହା ସବୁଠାରୁ ବଡ଼ ହିଟ୍ ଫିଲ୍ମ ବୋଲି ମଧ୍ୟ କୁହାଯାଇପାରେ ।
ବରଗଡ ଜିଲ୍ଲାରେ ହେବ ୩ଟି ନୂଆ ବୃହତ୍ ସେତୁ, ୩୯ କୋଟି ଟଙ୍କା ମଞ୍ଜୁର
ବରଗଡ : ବରଗଡ ଜିଲ୍ଲାରେ ହେବ ୩ଟି ବୃହତ ସେତୁର ନିର୍ମାଣ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୩୯ କୋଟି ଟଙ୍କା ମଞ୍ଜୁର କରିଛନ୍ତି। ଏହି ୩ଟି ନୂତନ ସେତୁ ଦ୍ବାରା ଜିଲ୍ଲାର ପ୍ରାୟ ୭.୨୫ ଲକ୍ଷ ଲୋକ ଉପକୃତ ହେବେ। ଏହାଦ୍ବାରା ଜିଲ୍ଲାରେ ଗମନାଗମନର ସୁବିଧା ସହିତ ସାମାଜିକ ସୁବିଧା ସୁଯୋଗ ଓ ଆର୍ଥିକ ଅଭିବୃଦ୍ଧିରେ ସହାୟକ ହେବ ବୋଲି ମୁଖ୍ୟମନ୍ତ୍ରୀ ଆଶାପ୍ରକାଶ କରିଛନ୍ତି। ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ 5T ସଚିବ ଭି.କେ. ପାଣ୍ଡିଆନ ଗତ ଜୁନ୍ ମାସ ୨୬ ଓ ୨୭ ତାରିଖରେ ବରଗଡ ଗସ୍ତ କରି ବିଭିନ୍ନ ଉନ୍ନୟନମୂଳକ ଯୋଜନାର ସମୀକ୍ଷା କରିବା ସହିତ ସାଧାରଣ ଲୋକଙ୍କୁ ଭେଟି ସେମାନଙ୍କ ଅଭିଯୋଗ ଶୁଣିଥିଲେ। ବିଭିନ୍ନ ସ୍ଥାନରେ ଲୋକଙ୍କ ଅନୁରୋଧକୁ 5T ସଚିବ ମୁଖ୍ୟମନ୍ତ୍ରୀଙ୍କୁ ଅବଗତ କରାଇଥିଲେ। ଏହାପରେ ମୁଖ୍ୟମନ୍ତ୍ରୀ ବରଗଡ ଜିଲ୍ଲାରେ ୩ଟି ନୂତନ ବୃହତ ସେତୁର ନିର୍ମାଣ ପାଇଁ ୩୯ କୋଟି ଟଙ୍କା ମଞ୍ଜୁର କରିଛନ୍ତି। 
୩ଟି ସେତୁ ମଧ୍ୟରେ ବରପାଲିରେ ଗୋଟିଏ ବୃହତ ସେତୁ ରହିଛି। ବରପାଲିର ଜିଲୋଟ ନାଳ ଉପରେ ଏକ ସେତୁ ନିର୍ମାଣ କରାଯିବ। ୧୨୦ ମିଟର ଦୀର୍ଘ ଏହି ସେତୁ ପାଇଁ ୧୫ କୋଟି ଟଙ୍କା ଖର୍ଚ୍ଚ ହେବ। ଏହା ବରଗଡ ଓ ବରପାଲି ବ୍ଲକ ମୁଖ୍ୟାଳୟକୁ ସଂଯୋଗ କରିବା ସହିତ ଜିଲ୍ଲା ମୁଖ୍ୟାଳୟକୁ ମଧ୍ୟ ଯୋଗାଯୋଗର ସୁବିଧା ସୃଷ୍ଟି କରିବ । ଏହାଦ୍ୱାରା ପ୍ରାୟ ୨ ଲକ୍ଷ ୨୫ ହଜାର ଲୋକ ଉପକୃତ ହେବେ। ସେହିପରି ବରଗଡ ପୌରାଞ୍ଚଳ ଆଗାଁ ନଳା ଉପରେ ୬୦ ମିଟର ଦୀର୍ଘ ସେତୁ ନିର୍ମାଣ ପାଇଁ ୧୨ କୋଟି ଟଙ୍କା ମଞ୍ଜୁର କରାଯାଇଛି। ଏହା ବରଗଡ ଜିଲ୍ଲା ମୁଖ୍ୟାଳୟ ସହିତ ପରପାଲି ଓ ଭେଡେନ ବ୍ଲକ ମୁଖ୍ୟାଳୟକୁ ଯୋଡିବ । ଏହାଦ୍ୱାର ୨ ଲକ୍ଷ ୫୦ ହଜାର ଲୋକ ଉପକୃତ ହେବେ। ତୃତୀୟ ସେତୁଟି ସରଳା ନାଳ ଉପରେ ନିର୍ମାଣ କରାଯିବ। ୧୫୦ ମିଟର ଦୈର୍ଘ୍ୟ ବିଶିଷ୍ଟ ଏହି ସେତୁ ପାଇଁ ୧୨ କୋଟି ଟଙ୍କା ମଞ୍ଜୁର କରାଯାଇଛି। ଏହା ଭଟଲି ବ୍ଲକ ମୁଖ୍ୟାଳୟକୁ ବରଗଡ ଓ ଅତାବିରା ବ୍ଲକ ମୁଖ୍ୟାଳୟକୁ ଯୋଡିବ। ଏହାଦ୍ୱାରା ୨ ଲକ୍ଷ ୫୦ ହଜାର ଲୋକ ଉପକୃତ ହେବେ ।
ମହାରାଷ୍ଟ୍ର କଂଗ୍ରେସର ଅଭିଯୋଗ ଶରଦଙ୍କୁ ବିଜେପି ଦେଇଛି ମନ୍ତ୍ରୀ ପଦର ଅଫର
ମୁମ୍ବାଇ: ମହାରାଷ୍ଟ୍ର ରାଜନୀତିରେ ଘଡ଼ିକେ ଘୋଡ଼ା ଛୁଟିଥାଏ । ରାଜନୈତିକ ମୋଡ଼ କେତେବେଳେ କେଉଁ ରୂପ ନେଉଛି ତାହା କଳ୍ପନା କରିବା ଅସମ୍ଭବ । ତେବେ ନିକଟରେ ଅଜିତ ପାଓ୍ବାର ଏବଂ ଶରଦ ପାଓ୍ବାରଙ୍କ ରୁଦ୍ଧଦ୍ବାର ବୈଠକକୁ ନେଇ ମହାରାଷ୍ଟ୍ର କଂଗ୍ରେସ ପକ୍ଷରୁ ଶରଦ ପାଓ୍ବାରଙ୍କୁ ଟାର୍ଗେଟ କରିଛନ୍ତି କଂଗ୍ରେସ ନେତା ପ୍ରୀତିରାଜ ଚାଓ୍ବନ । ସେ କହିଛନ୍ତି କି, ବିଜେପି ପକ୍ଷରୁ ଶରଦ ପାଓ୍ବାରଙ୍କୁ କ୍ୟାବିନେଟ୍ ମନ୍ତ୍ରୀ ପଦର ଅଫର ମିଳିଛି । ସ୍ଥାନୀୟ ଗଣମାଧ୍ୟମରେ ଏକ ରିପୋର୍ଟ ପ୍ରକାଶ ପାଇଛି କି, ଶରଦଙ୍କୁ ବିଜେପି ପକ୍ଷରୁ କେନ୍ଦ୍ର କୃଷି ମନ୍ତ୍ରୀ ଏବଂ ନୀତି ଆୟୋଗର ଅଧ୍ୟକ୍ଷ ପଦବୀ ଦିଆଯିବ । ଏହା ସହ ଶରଦଙ୍କ ଝିଅ ସୁପ୍ରିୟାଙ୍କୁ ମଧ୍ୟ ମନ୍ତ୍ରୀ ପଦର ଅଫର ମିଳିଛି । ଯାହାକୁ ନେଇ ଏବେ ରାଜ୍ୟ ରାଜନୀତିରେ ହଟଚମଟ ସୃଷ୍ଟି ହୋଇଥିବାବେଳେ ଆଜି ଅପରାହ୍ନ ୪ଟାରେ ଏକ ସାମ୍ବାଦିକ ସମ୍ମିଳନୀ ଡାକିଛନ୍ତି । ଏହି ବୈଠକରେ ସେ ସମସ୍ତ ଉତ୍ତର ରଖିବେ ବୋଲି କୁହାଯାଉଛି ।
ତେବେ ଏନେଇ ଶରଦଙ୍କ ଝିଅ ସୁପ୍ରିୟା କହିଛନ୍ତି କି, ଶରଦ ଏବଂ ଅଜିତଙ୍କ ମଧ୍ୟରେ କଣ କଥାବାର୍ତ୍ତା ହୋଇଛି ତାଙ୍କୁ ଜଣାନାହିଁ । ଗଣତନ୍ତ୍ରରେ ଅନେକ ସମୟରେ ପାର୍ଥକ୍ୟ ଥାଏ । ପାରିବାରିକ ସମ୍ପର୍କ ଭିନ୍ନ ଏବଂ ରାଜନୈତିକ ଦୃଷ୍ଟିକୋଣ ଅଲଗା ହୋଇଥାଏ । ଏହାସହ ସୁପ୍ରିୟା କହିଛନ୍ତି କି, ମୋତେ କୌଣସି ମନ୍ତ୍ରୀ ପଦର ଅଫର ମିଳିନାହିଁ । ମଜାଳିଆ ଢ଼ଙ୍ଗରେ କହିଛନ୍ତି କି, ମୁଦ୍ରାସ୍ପୀତି ବୃଦ୍ଧି ପାଇଛି । କେବଳ ଅଗଷ୍ଟ ୧୫ରେ ଉପଲବ୍ଧ ଅଫରଗୁଡ଼ିକ ସମ୍ପର୍କରେ ମୁଁ ଅବଗତ ଅଛି । ମୁଁ କଂଗ୍ରେସ ନେତୃତ୍ବ ସହ ନିରନ୍ତର କଥାବାର୍ତ୍ତା କରେ ।
ଆବିଷ୍ମାର ହେଲା ୧୪ ହଜାର ବର୍ଷ ପୁରୁଣା ଜଗତ, ଜାଣନ୍ତୁ ରହସ୍ୟମୟ ବସ୍ତିର କାହାଣୀ
ନନ୍ଦିଘୋଷ ବ୍ୟୁରୋ: ୧୪ ହଜାର ପୁରୁଣା ଏକ ବସ୍ତିର ଆବିଷ୍କାର କଲେ ବୈଜ୍ଞାନିକ । ଯାହାକୁ ଦେଖିବା ପରେ ଆଶ୍ଚର୍ଯ୍ୟ ହୋଇଯାଇଥିଲେ । ଉତ୍ତର ଆମେରିକାରେ ଏହି ରହସ୍ୟମୟ ଜଗତର ଆବିଷ୍କାର କରିଛନ୍ତି ବୈଜ୍ଞାନିକ । ବ୍ରିଟିସ କଲମ୍ବିଆର ସେଣ୍ଟ୍ରାଲ କୋଷ୍ଟରେ ଥିବା ଟ୍ରାଇକେଟ ଦୀପରେ ରହିଛି ଏହି ଜନ ବସତି ବସ୍ତି । ଯାହାକି ଆମେରିକାର ଇତିହାସ ପୃଷ୍ଠାକୁ ଖୋଲିବାକୁ ସକ୍ଷମ ଅଟେ । ତେବେ ଏହି ବସ୍ତିଟି କାନାଡ଼ାର ସମୁଦ୍ର କୂଳରେ ଖୋଳଯାଉଥିବା ସମୟରେ ମିଳିଛି ।
ହାକାଇ ଇନଷ୍ଟିଚ୍ୟୁଟ୍, ଭିକ୍ଟୋରିଆ ୟୁନିଭରସିଟି ଏବଂ ସ୍ଥାନୀୟ ପତ୍ନତତ୍ବ ବିଭାଗ ପକ୍ଷରୁ ଖନନ କରାଯାଉଥିଲା । ଏହି ସମୟରେ କୋଇଲା, ପଶୁଙ୍କୁ ଆକ୍ରମଣା କରାଯାଉଥିବା ଅସ୍ତ୍ର ଶସ୍ତ୍ର ଭଳି ଅନେକ ସାମଗ୍ରୀ ମିଳିଥିଲା । ଅନୁମାନ କରାଯାଉଛି କି, ୧୪ ହଜାର ବର୍ଷ ପୂର୍ବେ ଏଠାରେ ଜନବସତି ଥିଲା । ଏହା ହେଉଛି ଉତ୍ତର ଆମେରିକାର ସର୍ବ ପୁରାତନ ମାନବ ବସତି । ଏକ ଅଧ୍ୟୟନରୁ ଜଣା ପଡ଼ିଛି କି, ଲୋକେ ଏସିଆରୁ ଆସି ଏକ ସେତୁ ପାର ହୋଇ ଆସୁଥିଲେ । ସେମାନେ ପୂର୍ବ ଓ କେନ୍ଦ୍ରୀୟ କାନାଡ଼ାରେ ପହଞ୍ଚିବା ପରେ ଏଠାରେ ବାସ କରୁଥିଲେ । ଡଙ୍ଗା ପାର ହୋଇ ଏମାନେ ଆସି ଏଠାରେ ଜନ ବସତି ସ୍ଥାପନ କରିଥିଲେ ।
ଥମୁନି ସୁଦାନ ସଙ୍କଟ, ୧୦ ଲକ୍ଷ ଲୋକେ ଦେଶ ଛାଡ଼ି ପଳାୟନ କଲେଣି
ଖାରତୁମ: ଥମୁନି ଧ୍ବସ୍ତବିଧ୍ବସ୍ତ ସୁଦାନ ସଙ୍କଟ । ପ୍ରାୟ ୧୦ ଲକ୍ଷ ଲୋକ ଦେଶ ଛାଡ଼ି ପଳାୟନ କରିଥିବାବେଳେ ହଜାର ହଜାର ଲୋକ ହାହାକାର ମଧ୍ୟରେ କାଳାତିପାତ କରୁଛନ୍ତି । ବିପନ୍ନ ଲୋକଙ୍କୁ ଖାଦ୍ୟ ଓ ମେଡିକାଲ ସୁବିଧା ମିଳୁନି । ଦେଶର ଭୟଙ୍କର ସଙ୍କଟ ମଧ୍ୟରେ ଗତି କରୁଛି ବୋଲି ସୂଚନା ଦେଇଛି ଜାତିସଂଘ ।
ଦାରଫର ସହରରେ ଜୋରଦାର ଲଢେଇ ଜାରି ରହିଥିବାବେଳେ ରାଜଧାନୀ ଖାରତୁମ ଧ୍ବସ୍ତବିଧ୍ବସ୍ତ ହେବାରେ ଲାଗିଛି । ସୁଦାନ ଆର୍ମି ଓ ପାରାମିଲିଟାରୀ ରାପିଡ ସପୋର୍ଟ ଫୋର୍ସେସ ବା ଆରଏସଏଫ ନିଜ ଜିଦରେ ଅଟଳ ରହିବା ଯୋଗୁ ଶାନ୍ତି ଫେରିବାର ନାଁ ନେଉନାହିଁ । ସୁଦାନର ବହୁ ଅଞ୍ଚଳରେ ମେଡିକାଲ ସୁବିଧା ପହଞ୍ଚି ପାରୁନାହିଁ । ଲୋକଙ୍କ ଦୁର୍ଦ୍ଦଶା ଦିନକୁ ଦିନ ବଢିବାରେ ଲାଗିଛି ।
ବର୍ତ୍ତମାନ ସୁଦ୍ଧା ୧୦ ଲକ୍ଷ ୧୭ ହଜାରରୁ ଅଧିକ ଲୋକ ପଡୋଶୀ ଦେଶକୁ ପଳାୟନ କରିସାରିଥିବାବେଳେ ୩୪ ଲକ୍ଷ ୩୩ ହଜାରରୁ ଅଧିକ ଲୋକ ବାସଚ୍ୟୁତ ହେଲେଣି । ବିଦ୍ୟୁତ ଓ ମୋବାଇଲ ସେବା ଗୁରୁତର ବାଧାପ୍ରାପ୍ତ ହୋଇଛି । ଦେଶ ଘନ ଆର୍ଥିକ ସଙ୍କଟକୁ ଚାଲିଗଲାଣି ବୋଲି କହିଛି ଜାତିସଂଘ । ଗତ ଏପ୍ରିଲ 15ରୁ ଆରମ୍ଭ ହୋଇଥିବା ଯୁଦ୍ଧରେ ବର୍ତ୍ତମାନ ସୁଦ୍ଧା 4 ହଜାରରୁ ଅଧିକ ଲୋକଙ୍କ ମୃତ୍ୟୁ ଘଟିଲାଣି ବୋଲି କହିଛନ୍ତି ଜାତିସଂଘ ମାନବାଧିକାର ଉଚ୍ଚାୟୁକ୍ତ ମୁଖପାତ୍ର ଏଲିଜାବେଥ ଥ୍ରୋସେଲ ।
କ୍ଷମତାକୁ କେନ୍ଦ୍ର କରି ଆର୍ମି ଚିଫ ଆବଦେଲ ଫତାହ ଅଲ-ବୁହାନ ଓ ଅର୍ଦ୍ଧସାମରିକ ବାହିନୀ ତଥା ଆରଏସଏଫ ନେତା ଜେନେରାଲ ମହମ୍ମଦ ହାମଦାନ ଡାଗଲୋଙ୍କ ମଧ୍ୟରେ ସଂଘର୍ଷ ଜାରି ରହିଛି ।
ସଞ୍ଜୁ ସାମସନ୍ ଏବଂ ଟିମ୍ ଇଣ୍ଡିଆକୁ କପିଲ ଦେବଙ୍କ ପରାମର୍ଶ
ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ଓ୍ବିକେଟ କିପର ବ୍ୟାଟ୍ସମ୍ୟାନ ସଞ୍ଜୁ ସାମସନଙ୍କୁ କପିଲ ଦେବଙ୍କ ପରାମର୍ଶ । ଆାଗକୁ ଏସୀଆ କପ ଏବଂ ବିଶ୍ବକପ ଆସୁଛି । ନିଜର ଉଚ୍ଚ କୋଟିର ଖେଳ ପ୍ରଦର୍ଶନ କରିବାକୁ ପଡ଼ିବ । ଆଇପିଏଲରେ ଦମଦାର ଖେଳୁଥିବା ସଞ୍ଜୁ ଆନ୍ତର୍ଜାତୀୟ କ୍ରିକେଟରେ ସେମିତି ଆଖି ଦୃଷ୍ଟିଆ ଖେଳ ପ୍ରଦର୍ଶନ କରିପାରୁନାହାନ୍ତି । ନିକଟରେ ଓ୍ବେଷ୍ଟଇଣ୍ଡିଜ ବିପକ୍ଷରରେ ଖରାପ ପ୍ରଦର୍ଶନ କରିଥିଲେ ସଞ୍ଜୁ । ଏବେ ଆୟାରଲ୍ୟାଣ୍ଡ ବିପକ୍ଷ ସିରିଜ ପାଇଁ ସଞ୍ଜୁଙ୍କ ନାମ ରହିଛି । ଏଥିରେ ଭଲ ପ୍ରଦର୍ଶନ କରିବାକୁ ପଡ଼ିବ । ଫଳରେ ଦଳ ତାଙ୍କ ଉପରେ ଭରସା ରଖି ଏସିଆ କପରେ ସ୍ଥାନ ଦେବ । ସେପଟେ ଏସିଆ କପ ପ୍ରଦର୍ଶନକୁ ଦେଖି ବିଶ୍ବକପ ଦଳରେ ମଧ୍ୟ ସ୍ଥାନ ମିଳିବ । ଏଣୁ ଏହି ସିରିଜରେ ଦମଦାର ପ୍ରଦର୍ଶନ କରିବାକୁ କପିଲ ପରାମର୍ଶ ଦେଇଛନ୍ତି । ଅଗଷ୍ଟ ୨୦ ତାରିଖରେ ଏସିଆ କପ ପାଇଁ ଅଗଷ୍ଟ ୨୦ରେ ଭାରତୀୟ ଦଳ ଘୋଷଣା ହେବ । ସେହି ଦିନ ଭାରତ ଆୟାରଲ୍ୟାଣ୍ଡ ବିପକ୍ଷ ୩ ମ୍ୟାଚ ବିଶିଷ୍ଟ ଟି-୨୦ ସିରିଜର ଦ୍ବିତୀୟ ମ୍ୟାଚ ଖେଳୁଥିବ । ଏଣୁ ଏହି ମ୍ୟାଚ ଗୁରୁତ୍ବ ବହନ କରିବ ।
ଜେଲରେ ଜୀବନ ସହ ସଂଘର୍ଷ କରୁଛନ୍ତି ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ !
ଇସଲାମାବାଦ: ସତରେ ଜେଲରେ ଜୀବନ ସହ ସଂଘର୍ଷ କରୁଛନ୍ତି କି ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ । ତାଙ୍କ ସମ୍ପର୍କରେ ଜଣେ ସହଯୋଗୀ ସଲମାନ ହାଇଦରଙ୍କ ସୂଚନା ଚିନ୍ତା ସୃଷ୍ଟି କରିଛି । ତୋଷଖାନା ମାମଲାରେ ୩ ବର୍ଷ ଜେଲଦଣ୍ଡ ପାଇଥିବା ପାକିସ୍ତାନ ତେହରିକ-ଇ-ଇନସାଫ ଦଳ ନେତା ଇମ୍ରାନଙ୍କୁ ଆତୋକ ଜେଲରେ ରଖାଯାଇଛି ।
ସେ ରହିଥିବା ସେଲଟି ଏତେ ଛୋଟ ଯେ ତାଙ୍କର ବ୍ଯାଗ ରଖିବାକୁ ବି ଜାଗା ନାହିଁ । ଗାଧୋଇବା ଓ ଶୌଚ ହେବା ଲାଗି ତାଙ୍କୁ ମାତ୍ର ବାଲତିଏ ପାଣି ଯୋଗାଯାଉଛି । ତାଙ୍କ ଆଖପାଖରେ ଥିବା ସେଲରେ ବି ଅନ୍ୟ କାହାରିକୁ ରଖାଯାଇନାହିଁ । ଇସଲାମାବାଦ ହାଇକୋର୍ଟ ନିର୍ଦ୍ଦେଶକୁ ବି ଅମାନ୍ୟ କରି ତାଙ୍କୁ କୌଣସି ସୁବିଧା ଯୋଗାଇ ଦିଆଯାଉନାହିଁ । ତାଙ୍କୁ ଖବରକାଗଜ ବି ପଢିବାକୁ ଦିଆଯାଉନାହିଁ ବୋଲି କହିଛନ୍ତି ସଲମାନ ।
ଇମ୍ରାନଙ୍କ ଜାମିନ ଆବେଦନର ଶୁଣାଣି ଜାଣି ଶୁଣି ବିଳମ୍ବ କରାଯାଉଛି । ସେପଟେ ଏକ ଦୁର୍ନୀତି ମାମଲାରେ ପିଟିଆଇର ସଭାପତି ଚୌଧୁରୀ ପରଭେଜ ଇଲାହିଙ୍କୁ ନ୍ଯାସନାଲ ଆକାଉଣ୍ଟବିଲିଟି ବ୍ୟୁରୋ ହେପାଜତକୁ ଆସନ୍ତା 21 ତାରିଖ ଯାଏ ପଠାଇଛି ପାକିସ୍ତାନର ଏକ କୋର୍ଟ । ଗତ ମେ 9 ତାରିଖରେ ମିଲିଟାରୀ ବାହିନୀ ଉପରେ ଆକ୍ରମଣ ଓ କେତେକ ସରକାରୀ କୋଠା ଉପରେ ଆକ୍ରମଣ ଘଟଣା ସମେତ କେତେକ ଦୁର୍ନୀତି ମାମଲାରେ ସେ ବର୍ତ୍ତମାନ ଜେଲରେ ଅଛନ୍ତି ।
ଜାଣନ୍ତୁ ୫ ଦିନରେ OMG-2ର ରୋଜଗାର କେତେ?
ନୂଆଦିଲ୍ଲୀ: ସ୍ବାଧୀନତା ଦିବସ ପୂର୍ବରୁ ରିଲିଜ୍ ହୋଇଥିବା ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ’OMG-2’ ବକ୍ସ ଅଫିସରେ ଭଲ ରୋଜଗାର କରୁଛି । ସନ୍ନି ଦେଓଲଙ୍କ ’ଗଦର-୨’କୁ ଟକ୍କର ଦେଉଛି ଅକ୍ଷୟଙ୍କ ଫିଲ୍ମ । ରିଲିଜର ୫ଦିନ ମଧ୍ୟରେ ଏହି ଫିଲ୍ମ ୭୦ କୋଟି ପାର କରିଛି । ସ୍ବାଧୀନତା ଦିବସ ଅବସରରେ ଭଲ ବ୍ୟବସାୟ କରିଛି । ସୋମବାର ୧୨ କୋଟିର ଅଧିକ ରୋଜଗାର କରିଥିବାବେଳେ ସ୍ବାଧୀନତା ଦିବସ ଅବସରରେ ୧୫ କୋଟି ରୋଜଗାର କରିଛି । ରିଲିଜ ଦିନ ଅଥବା ଶୁକ୍ରବାର ୧୦ କୋଟି ଆୟ କରିଥିଲା । ମାତ୍ର ଏହାପରେ ଫିଲ୍ମର ଲୋକପ୍ରିୟତା ବଢ଼ିବା ସହ ରୋଜଗାର ମଧ୍ୟ ବଢ଼ିଛି । ତେବେ ଖୁବଶୀଘ୍ର ଏହି ଫିଲ୍ମଟି ଶହେ କୋଟି ପାର କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଆଶା ରଖାଯାଇଛି । OMF ୨୦୧୨ ମସିହାରେ ରିଲିଜ ହୋଇଥିଲା । ଏବେ ଏହାର ଦ୍ବିତୀୟ ଭାଗ ବଡ଼ ପରଦାରେ ରିଲିଜ ହୋଇଛି । ଭଗବାନଙ୍କ ବେଶରେ ନଜର ଆସିଥିବା ଅକ୍ଷୟ କୁମାରଙ୍କ ଅଭିନୟକୁ ଦର୍ଶକେ ବେଶ ପସନ୍ଦ କରିଥିବା ଦେଖିବାକୁ ମିଳିଛି ।
ବିବାହ ପ୍ରସ୍ତାବ ପଡିଲେ ସିକିଲ ସେଲ ପରୀକ୍ଷା ବାଧ୍ୟତାମୂଳକ, ୨୦ ଜିଲ୍ଲାରେ ପ୍ରଥମେ ଆରମ୍ଭ
ଭୁବନେଶ୍ବର: ୨୦୪୭ ସୁଦ୍ଧା ଦେଶ ହେବ ସିକଲ ସେଲ ମୁକ୍ତ । ଏ ନେଇ କେନ୍ଦ୍ର ସରକାର ଓଡ଼ିଶାର ୨୦ ଜିଲ୍ଲାରେ ରାଜ୍ୟ ସହାଭାଗିତାରେ ଆରମ୍ଭ କରିବେ ସିକଲ ସେଲ ପରୀକ୍ଷା । ତେବେ ଅନ୍ୟ ୧୦ ଜିଲ୍ଲାରେ ନିଜସ୍ୱ ଅର୍ଥରୁ ରାଜ୍ୟ ସରକାର ପରୀକ୍ଷା କରିବେ ।
୨୫ ବର୍ଷ ବୟସ୍କ ପିଲାଙ୍କ ହେବ ସିକିଲ ସେଲ ପରୀକ୍ଷା । ଏହି ରୋଗ ଯେପରି ଆଗାମୀ ପିଢ଼ିକୁ ନ ବ୍ୟାପେ, ସେଥିପାଇଁ ମ୍ୟାଚ ମେକିଙ୍ଗ କରାଯିବ । ସିକଲ ସେଲ ଥିବା ଲୋକଙ୍କୁ ଜାରି ହେବ କାର୍ଡ । ଯେବେ ସେମାନଙ୍କ ବିବାହ ପ୍ରସ୍ତାବ ପଡିବ, ଆଗ ଏହି କାର୍ଡକୁ ମ୍ୟାଚ କରାଯିବ । ଯଦି ଉଭୟଙ୍କ ସିକଲ ସେଲ ରୋଗ ଥିବ ତେବେ ବିବାହ ନ କରିବାକୁ ପରାମର୍ଶ ଦିଆଯିବ ।