ମର୍ମନ୍ତୁଦ ସଡ଼କ ଦୁର୍ଘଟଣାରେ ୩ ଛାତ୍ରଙ୍କ ମୃତ୍ୟୁ
ବାଙ୍କୀ: ବାଙ୍କୀ – କଟକ ରାସ୍ତାର ରଣଶଙ୍ଖ ନିକଟରେ ଦୁର୍ଘଟଣା । ବାଇକ ଓ ପିକଅପ୍ ଭ୍ୟାନ ଧକ୍କାରେ ୩ ଜଣ ଛାତ୍ରଙ୍କର ମୃତ୍ୟୁ ହୋଇଛି । ଘଟଣାସ୍ଥଳରେ ୨ ଜଣ ଦଶମ ଶ୍ରେଣୀ ଛାତ୍ରଙ୍କ ମୃତ୍ୟୁ ହୋଇଥିବା ବେଳେ, ମେଡିକାଲରେ ଅନ୍ୟ ଜଣେ ଛାତ୍ରଙ୍କର ମୃତ୍ୟୁ ହୋଇଛି । ଦୁର୍ଘଟଣା ପରେ ପ୍ରକାଶ ପାଇଛି ଉତ୍ତେଜନା । ହରିରାଜପୁର ହାଇସ୍କୁଲର ତିନିଜଣ ଛାତ୍ର ସକାଳୁ ଚକୁଳେଶ୍ବର ଗାଁରୁ ଟ୍ୟୁସନ ସାରି ଘରକୁ ଫେରିବା ବେଳେ ଦୁର୍ଘଟଣା ଘଟିଥିଲା । ମୃତ ୩ ଜଣ ଛାତ୍ର ହେଲେ ହରିରାଜପୁର ଗାଁର ଶୋହନ ନାୟକ, ଗୁଡୁ ପିରୋହୀ ଓ ଅବିନାଶ ଧଳ । ପିକଅପ ଭ୍ୟାନ୍ ଡ୍ରାଇଭର ଫେରାର ହୋଇ ଯାଇଛି । ଘଟଣାସ୍ଥଳରେ ବାଙ୍କୀ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
