spot_img

Latest Posts

ରାଜସ୍ଥାନ ପଞ୍ଚାୟତ ନିର୍ବାଚନରେ କଂଗ୍ରେସର ଦବଦବା, ବିଜେପିକୁ ବଡ଼ ଝଟକା

ନନ୍ଦିଘୋଷ ବ୍ୟୁରୋ : ରାଜସ୍ଥାନ ପଞ୍ଚାୟତ ନିର୍ବାଚନରେ କଂଗ୍ରେସର ଦମ୍‌ଦାର ପ୍ରଦର୍ଶନ। ୨୦୨୮ ବିଧାନସଭା ନିର୍ବାଚନ ପୂର୍ବରୁ ଶାସକ ବିଜେପିକୁ ବଡ଼ ଝଟକା ଲାଗିଛି। ୩୭ଟି ଜିଲ୍ଲା ପରିଷଦ ମଧ୍ୟରୁ କଂଗ୍ରେସ ୨୫ଟିରେ ଆଗୁଆ ଥିବା ବେଳେ ବିଜେପି ମାତ୍ର ୮ଟିରେ ଆଗରେ ରହିଛି। ସେହିପରି ୪୧୯ଟି ପଞ୍ଚାୟତ ସମିତି ମଧ୍ୟରୁ କଂଗ୍ରେସ ୨୧୩ଟିରେ ଅଗ୍ରଣୀ ହାସଲ କରିଛି।

ମେୱାଡ଼, ମାରୱାଡ଼ ସମେତ ଜୟପୁର, ଯୋଧପୁର ଓ ବିକାନେର ଭଳି ଅଞ୍ଚଳରେ କଂଗ୍ରେସ ଭଲ ପ୍ରଦର୍ଶନ କରିଛି। ଏପରିକି ମୁଖ୍ୟମନ୍ତ୍ରୀ ଭଜନଲାଲ ଶର୍ମାଙ୍କ ନିଜ ଜିଲ୍ଲା ଭରତପୁରରେ ମଧ୍ୟ କଂଗ୍ରେସ ସଫଳତା ପାଇଛି। ଅନ୍ୟପକ୍ଷରେ କେନ୍ଦ୍ରମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ ଓ ଅର୍ଜୁନ ରାମ ମେଘୱାଲଙ୍କ ଅଞ୍ଚଳରେ ବିଜେପିକୁ ଝଟକା ଲାଗିଛି।

ଏହି ଫଳାଫଳ କଂଗ୍ରେସକୁ ନୂଆ ଉତ୍ସାହ ଦେଇଥିବା ବେଳେ ବିଜେପି ପାଇଁ ଚିନ୍ତା ବଢ଼ାଇଛି। ଗ୍ରାମାଞ୍ଚଳରେ ଚାଷୀ ଓ ଭୋଟରଙ୍କ ଅସନ୍ତୋଷକୁ ନେଇ କଂଗ୍ରେସ ନିଜର ଦାବିକୁ ଆହୁରି ମଜବୁତ କରିଛି। ଏହି ପ୍ରଦର୍ଶନ ୨୦୨୮ ବିଧାନସଭା ନିର୍ବାଚନରେ ରାଜସ୍ଥାନର ରାଜନୈତିକ ସମୀକରଣକୁ ପ୍ରଭାବିତ କରିପାରେ।

Latest Posts

Don't Miss