ଅହମ୍ମଦାବାଦରେ ମୁହାଁମୁହିଁ ଭାରତ-ପାକିସ୍ତାନ, ଟସ ଜିତି ବୋଲିଂ ନିଷ୍ପତ୍ତି ନେଲା ଟିମ ଇଣ୍ଡିଆ

ଅହମ୍ମଦାବାଦ: ଆଇସିସି କ୍ରିକେଟ ବିଶ୍ବକପରେ ଆଜି ହାଇଭୋଲଟେଜ ଟକ୍କର । ଚାଲିଛି ଭାରତ-ପାକିସ୍ତାନ ମୁକାବିଲା। ଅହମ୍ମଦାବାଦରେ ମୁହାଁମୁହିଁ ହୋଇଛନ୍ତି ଉଭୟ ଟିମ୍ । ଟସ ଜିତି ବୋଲିଂ ନିଷ୍ପତ୍ତି ନେଇଛି ଟିମ ଇଣ୍ଡିଆ । ଟିମ ଇଣ୍ଡିଆର ପ୍ଲେଇଁ ଲଲେଭେନରେ ସ୍ଥାନ ପାଇଛନ୍ତି ଶୁବମନ ଗିଲ। କ୍ୟାପଟେନ ରୋହିତ ଶର୍ମା, ବିରାଟ କୋହଲି, କେଏଲ ରାହୁଲ ସର୍ବଶ୍ରେଷ୍ଠ ପ୍ରଦର୍ଶନ କରିବେ ବୋଲି ଆଶା କରାଯାଉଛି । ଶ୍ରେୟାସ ଆୟ୍ରରଙ୍କ ପ୍ରଦର୍ଶନ ଉପରେ ମଧ୍ୟ ସମସ୍ତଙ୍କ ନଜର ରହିଛି ।

ମିଡିଲ ଅର୍ଡରରେ ହାର୍ଦ୍ଦିକ ପାଣ୍ଡ୍ୟା ଏବଂ ଅଲରାଉଣ୍ଡର ରବୀନ୍ଦ୍ର ଜାଡେଜାଙ୍କ ପ୍ରଦର୍ଶନ ଅନେକ ଗୁରୁତ୍ବ ରଖୁଛି । ବ୍ୟାଟିଂ ସାଙ୍ଗକୁ ନିଜର ଘାତକ ବୋଲିଂରେ ପାକ୍ ଖେଳାଳିଙ୍କୁ ଘାଇଲା କରିବେ ଆମ ଖେଳାଳି । ଭାରତ ପାଖରେ ୪ ସ୍ପେଶାଲିଷ୍ଟ ବୋଲର ରହିଛନ୍ତି । ଶାର୍ଦୁଲ ଠାକୁର, ଯଶପ୍ରୀତ ବୁମରା, କୁଲଦୀପ ଯାଦବ ଏବଂ ମହମ୍ମଦ ସିରାଜଙ୍କ ଉପରେ ଦଳର ଅନେକ ଆଶା ରହିଛି ।