କେତେ ଦରମା ପାଆନ୍ତି ପାକିସ୍ତାନୀ କ୍ରିକେଟର ?

ନନ୍ଦିଘୋଷ ବ୍ୟୁରୋ: ସାରା ବିଶ୍ବରେ ଏବେ କ୍ରିକେଟ କ୍ରେଜ୍ । ପିଲାଙ୍କଠାରୁ ବୟସ୍କ ସମସ୍ତଙ୍କର ପ୍ରିୟ ଖେଳ ହେଉଛି କ୍ରିକେଟ । ଏବେ ଭାରତରେ ବିଶ୍ବକପ ମହାଯୁଦ୍ଧ ଚାଲିଛି । ବିଶ୍ବର ସବୁଠାରୁ ଧନୀ ଟିମ କହିଲେ ଭାରତକୁ ବୁଝାଏ । ଭାରତୀୟ କ୍ରିକେଟରମାନେ ଭଲ ରୋଜଗାର କରୁଛନ୍ତି । ତେବେ ପାକିସ୍ତାନ କ୍ରିକେଟ ବୋର୍ଡ ଖେଳାଳିଙ୍କୁ କେତେ ଟଙ୍କା ଦେଇଥାଏ? କିଛିଦିନ ପୂର୍ବରୁ ପିସିବି ପୁରୁଷ କ୍ରିକେଟ ଟିମ ସହ ଏକ ନୂଆ ଚକ୍ତି କରିବାକୁ ରାଜି ହୋଇଛି । ଖେଳାଳିଙ୍କ ଦରମା ବୃଦ୍ଧି ଏହାର ଏକ ଅଂଶ । ଭାରତ ଭଳି ପାକିସ୍ତାନୀ କ୍ରିକେଟରଙ୍କୁ ତିନୋଟି ଗ୍ରେଡ ବିଭକ୍ତ କରାଯାଇଛି । ଏହି ଗ୍ରେଡ୍ ଅନୁଯାୟୀ ଦରମା ଦିଆଯାଏ ।

ଏ ଗ୍ରେଡର ଖେଳାଳିମାନେ ପ୍ରତି ମାସରେ ୧୩.୧୪ ଲକ୍ଷ ଟଙ୍କା ପାଇଥାନ୍ତି । ପାକିସ୍ତାନ ହିସାବରେ ଏହା ୪.୫ ମିଲିୟନ ଡଲାରା । ବି ଗ୍ରେଡର ଖେଳାଳିମାନେ ୩ ମିଲିୟନ ଦରମା ନେଇଥାନ୍ତି । ଯାହାକି ଭାରତୀୟ ମୁଦ୍ରା ହିସାବରେ ୮.୭୬ ଲକ୍ଷ । ଯେଉଁମାନେ ସି ଏବଂ ଡି ଗ୍ରେଡରେ ଅନ୍ତର୍ଭୁକ୍ତ ଥାଆନ୍ତି ସେମାନେ ୪.୩୮ ଲକ୍ଷ ଦରମା ପାଇଥାନ୍ତି ।