ନନ୍ଦିଘୋଷ ବ୍ୟୁରୋ: ’କାଚା ବାଦାମ ଗାର୍ଲ’ ଭାବେ ପରିଚିତ ଅଞ୍ଜଳି ଅରୋରାଙ୍କ MMS ଭାଇରାଲ ଘଟଣା । ଥାନାରେ ମାମଲା ରୁଜୁ କଲେ ଅଞ୍ଜଳି । ସେ କହିଛନ୍ତି କି, ଏହା ହେଉଛି ଭୁଲ ଭିଡିଓ । AI ସାହାର୍ଯ୍ୟ ଏହା ତିଆରି କରି ଭାଇରାଲ କରାଯାଉଛି । ଏକ ଜାତୀୟ ଗଣମାଧ୍ୟକୁ ପ୍ରତିକ୍ରିୟା ଦେଇ ଏଫଆଇଆର ଦେଇଥିବା ସୂଚନା ଦେଇଛନ୍ତି । ସେ କହିଛନ୍ତି କି, ଏହା ସତ, ମୁଁ ଆପଣଙ୍କୁ ଅନୁରୋଧ କରୁଛି କି, ମୋ ପିଆର ଟିମ ସହ ଆପଣ କଥା ହୁଅନ୍ତୁ । ସେମାନେ ସବୁ ତଥ୍ୟ ଦେଇଦେବେ । ସେପଟେ ପିଆର ଟିମ କହିଛନ୍ତି କି, ,ହା ସତଯେ ଅଞ୍ଜଳି ଥାନାରେ ଏଫଆଇଆର ଦେଇଥିବାବେଳେ ପୋଲିସ ତଦନ୍ତ ଆରମ୍ଭ କରିଛି । ଏହି ଘଟଣାଟି ହେଉଛି ୨୦୨୨ ମସିହାର । ଯେଉଁ ସମୟରେ ଅଞ୍ଜଳି ଏକ ରିଆରିଟି ସୋ’ରେ ଭାଗ ନେବାକୁ ଯାଇଥିଲେ । ଏହି ସମୟରେ ତାଙ୍କ ପରିବାର ଲୋକଙ୍କୁ ଅଞ୍ଜଳିଙ୍କ ଆପତ୍ତିଜନକ ଭିଡିଓ ମିଳିଥିଲା । ଯେଉଁଥିରେ ଅଞ୍ଜଳିଙ୍କ ଚେହେରାକୁ AI ସାହାର୍ଯ୍ୟରେ ଏଡିଟ୍ କରାଯାଇଛି । ତେବେ ଏଫଆଇଆରରେ ଅଞ୍ଜଳି ଲେଖିଛନ୍ତି କି, ଏହି ଭିଡିଓ ପାଇଁ ତାଙ୍କ ପରିବାର ଲୋକେ ବହୁତ ଲଜ୍ଜିତ । ସେହି ସମୟରେ ରିଆଲିଟି ସୋ’ରେ ଭାଗ ନେଇଥିବାରୁ ଏଫଆଇଆର ଦେଇପାରିନଥିଲେ । ମାତ୍ର ଏବେ ପୁଣି ସେହି ପୁରୁଣା ଭିଡିଓକୁ ଭାଇରାଲ କରାଯାଉଛି ।
ଗୁଡ଼ିର ଚାଇନିଜ ମାଞ୍ଜା ସୂତା ଲାଗି ଯବାନଙ୍କ ମୃତ୍ୟୁ
ନନ୍ଦିଘୋଷ ବ୍ୟୁରୋ : ଗୁଡ଼ିର ଚାଇନିଜ ମାଞ୍ଜା ସୂତା ଲାଗି ଯବାନଙ୍କ ମୃତ୍ୟୁ । ହାଇଦ୍ରାବାଦ ଏଭଳି ଅଭାବନୀୟ ଘଟଣା ଘଟିଛି । ମୃତକ ହେଉଛନ୍ତି ନାୟକ କେ କୋଟେଶ୍ବର ରେଡ୍ଡୀ । ୨୯ବର୍ଷୀୟ କୋଟେଶ୍ବର ଗୋଲକୁଣ୍ଡାର ମିଲିଟାରୀ ହସପିଟାଲରେ କାର୍ଯ୍ୟରତ ଥିଲେ । ଅଫିସ କାମରେ ସ୍କୁଟରରେ ଯାଉଥିବା ବେଳେ ହାଇଦ୍ରାବାଦର ଲଙ୍ଗର ହୌଜ ଫ୍ଲାଏଓଭର ନିକଟରେ ତାଙ୍କ ବେକରେ ଚାଇନିଜ ମାଞ୍ଜା ସୂତା ଗୁଡ଼ାଇ ହୋଇ ଯାଇଥିଲା। ଫଳରେ ତାଙ୍କ ବେକ କଟି ପ୍ରବଳ ରକ୍ତ ବାହାରିଥିଲା।
କୋଟେଶ୍ବରଙ୍କୁ ଗୁରୁତର ଅବସ୍ଥାରେ ମିଲିଟାରୀ ହସପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି। ଅଟୋପ୍ସି ପରେ ବିଶାଖାପାଟଣାରେ କୋଟେଶ୍ବରଙ୍କ ଶେଷକୃତ୍ୟ କରାଯାଇଛି । ଉଭୟ ଆନ୍ଧ୍ରପ୍ରଦେଶ ଓ ତେଲଙ୍ଗାନାରେ ଚାଇନିଜ ମାଞ୍ଜା ବ୍ୟବହାର ବ୍ୟାନ ହୋଇଥିବା ସତ୍ତ୍ବେ କିଛି ଲୋକ ଏହାକୁ ବେଖାତିର କରୁଛନ୍ତି। କୋଟେଶ୍ବରଙ୍କ ପତ୍ନୀ ପ୍ରତ୍ୟୁଷା ଚାଇନିଜ ମାଞ୍ଜା ବିକ୍ରି କରୁଥିବା ଲୋକଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଘଟଣା ନେଇ ପୋଲିସ ତଦନ୍ତ ଜାରି ରଖିଛି ।
ରାତିପାହିଲେ ବଲାଙ୍ଗୀରର ପ୍ରସିଦ୍ଧ ଶୁଲିଆ ଯାତ୍ରା ; ରକ୍ତରଞ୍ଜିତ ହେବ ପୀଠ
ବଲାଙ୍ଗୀର : ଆସନ୍ତାକାଲି ପ୍ରସିଦ୍ଧ ଶୁଲିଆ ଯାତ୍ରା । ବଲାଙ୍ଗୀର ଦେଓଗାଁ ବ୍ଲକ ଖଇରଗୁଡ଼ାରେ ଶୁଲିଆ ଯାତ୍ରା ଅନୁଷ୍ଠିତ ହେବ । ଏନେଇ ଆଞ୍ଚଳିକ ଶୁଲିଆ ଯାତ୍ରା କମିଟି ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଛି। ଚଳିତ ବର୍ଷ ତିନି ଦିନ ଧରି ଶୁଲିଆ ମହୋତ୍ସବ ଅନୁଷ୍ଠିତ ହେଉଛି । ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଶୁଲିଆ ପୀଠ ଖଇରଗୁଡ଼ାରେ ଆଦିବାସୀମାନେ ପାରମ୍ପରିକ ପର୍ବ ପାଳନ କରିବେ ।
ଆଦିବାସୀ ପରମ୍ପରା ଅନୁସାରେ ଯାତ୍ରା ସମୟରେ ବଳି ପଡିବ। ବଳିପ୍ରଥା ବନ୍ଦ କରିବା ପାଇଁ ଜିଲ୍ଲା ପ୍ରଶାସନ ବୈଠକରେ ଅନୁରୋଧ କରିଥିଲେ। ହେଲେ ବଳି ନେଇ ଜିଦରେ ଅଟଳ ରହିଛି ଶୁଲିଆ ଯାତ୍ରା କମିଟି । ଆଦିବାସୀ ପରମ୍ପରା ଓ ରୀତିନୀତି ଅନୁସାରେ ବଳି ପଡିବ। ପ୍ରତିବର୍ଷ ପୌଷ ମାସ ଶୁକ୍ଳପକ୍ଷ ପ୍ରଥମ ମଙ୍ଗଳବାର ଦିନ ଶୁଲିଆ ଯାତ୍ରା ଅନୁଷ୍ଠିତ ହୋଇଥାଏ । ଭୋରରୁ ମୁଖ୍ୟ ପୂଜକ ଓ ଦେହୁରୀମାନେ ପାରମ୍ପରିକ ଅସ୍ତ୍ରଶସ୍ତ୍ର ଧରି ପୀଠରେ ପହଞ୍ଚିଥାନ୍ତି । ପୀଠରେ ନିଶିପୂଜା ପରେ ପୂଜାର୍ଚ୍ଚନା କରାଯାଇଥାଏ । ତାପରେ ପ୍ରଥମେ କୁକୁଡ଼ା ବଳି ଦେଇ ଶୁଳିଆ ବୁଢାକୁ ଭୋଗ ଅର୍ପଣ କରାଯାଇଥାଏ । ମାନସିକଧାରୀ ମାନେ ଆଣିଥିବା ପୋଢ଼, ବେତା, ମେଣ୍ଢା, କୁକୁଡ଼ା, ବତକ ଶହ ଶହ ସଂଖ୍ୟରେ ବଳି ଦିଆଯାଇଥାଏ । ପଶୁପକ୍ଷୀଙ୍କ ରକ୍ତରେ ଖଇରଗୁଡ଼ାର ବଡ଼ଖଳା ଓ କୁମୁରିଆର ସାନଖଳା ରକ୍ତରଞ୍ଜିତ ହୁଏ ।
ବଳିପ୍ରଥା ବନ୍ଦ କରିବା ପାଇଁ ପୂର୍ବରୁ କିଛି ସ୍ବେଚ୍ଛାସେବୀ ସଂଗଠନ ଓ ଜିଲ୍ଲା ପ୍ରଶାସନ ତରଫରୁ ଲୋକଙ୍କୁ ସଚେତନ କରାଯାଇଥିଲା । କିଛି ବର୍ଷ ଧରି ଜିଲ୍ଲା ପ୍ରଶାସନ ପକ୍ଷରୁ ବଳିପ୍ରଥା ବନ୍ଦ କରିବାକୁ ଯାତ୍ରା ସ୍ଥଳରେ ୧୪୪ଧାରା ଜାରି କରାଯାଇଥିଲା । ତେବେ ୨୦୧୫ ଡିସେମ୍ବର ୨୯ତାରିଖରେ ସୁପ୍ରିମକୋର୍ଟ ରାୟରେ ଆଦିବାସୀଙ୍କ ପରମ୍ପରାରେ କେହି ହସ୍ତକ୍ଷେପ ପରିପାରିବେ ନାହିଁ ବୋଲି ନିର୍ଦ୍ଦେଶ ଦେଇଥିଲେ । ତାପରଠାରୁ ପ୍ରତିବର୍ଷ ଶୁଲିଆ ପୀଠରେ ପଶୁ ବଳି ପଡ଼ିଆସୁଛି । ପୋଲିସ ପ୍ରଶାସନ ପକ୍ଷରୁ ଯାତ୍ରାସ୍ଥଳରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଜଣେ ମାଜିଷ୍ଟ୍ରେଟ ଓ ବରିଷ୍ଠ ପୋଲିସ ଅଧିକାରୀଙ୍କ ସମେତ ଦୁଇ ପ୍ଲାଟୁନ ପୋଲିସ ଫୋର୍ସ ବ୍ୟବସ୍ଥା କରାଯାଇଛି ।
କାନପୁର ଉପରେ ୪୦ ବିମାନ କ୍ରାସ୍ କରିବାକୁ ହମାସ ଧମକର ସତ କ’ଣ ?
ନନ୍ଦିଘୋଷ ଡିଜିଟାଲ : ଇଣ୍ଡିଗୋ ଏୟାରଲାଇନକୁ କ୍ରାସ୍ ଧମକ । ହସାସର ଟାର୍ଗେଟରେ ଏବେ ଉତ୍ତରପ୍ରଦେଶର କାନପୁର ସହର । କାନପୁରରେ ହମାସ ୪୦ଟି ବିମାନ କ୍ରାସ୍ କରାଇବା ନେଇ ଆସିଥିଲା ଧମକ । ଇଣ୍ଡିଗୋ ଏୟାରଲାଇନର କଷ୍ଟମର କେୟାରକୁ ଏପରି ସୂଚନା ମିଳିବା ପରେ ଭୟର ବାତାବରଣ ଖେଳିଯାଇଥିଲା । ଏହା ପରେ ୟୁପି ପୋଲିସ ଏହି ମାମଲାକୁ ନେଇ ଖୋଳତାଳ କରିଥିଲେ । କିନ୍ତୁ ଜଣାପଡିଲା କି ଏହି ଫୋନ୍ କଲ୍ ଏକ ୧୫ ବର୍ଷୀୟ ପିଲା କରିଥିଲା । ଟିଭିରେ ଦେଖାଉଥିବା ଇସ୍ରାଏଲ ଏବଂ ହମାସକୁ ନେଇ ଚାଲିଥିବା ଯୁଦ୍ଧକୁ ଦେଖି ଏପରି ଫ୍ରାଙ୍କ୍ କଲ୍ କରିବା ବୁଦ୍ଧି ତା ମୁଣ୍ଡକୁ ଆସିଥିଲା ବୋଲି ସେ କହିଥିଲା ।
ପିଲାଟି ନିଜ ବାପାଙ୍କ ଫୋନରୁ କଷ୍ଟମର କେୟାକୁ ଫୋନ ଲାଗାଇ ଏପରି କରିଥିବା କହିଛି । ଫେନରେ ସେ ଇଣ୍ଡିଗୋ ଏୟାରଲାଇନର ୪୦ଟା ବିମାନ କାନପୁରରେ କ୍ରାସ୍ ହେବା ନେଇ ଖବର ମିଳିଛି ବୋଲି ସୂଚନା ଦେଇଥିଲା । ଯାହା ପରେ ଉତ୍ତେଜନା ସୃଷ୍ଟି ହୋଇଯାଇଥିଲା । ଏହି ଫୋନ୍ କଲ୍ ଉତ୍ତରପ୍ରଦେଶର କାନପୁରରୁ କରାଯାଇଥିବା ଜଣାପଡିଥିଲା । ଏୟାରଲାଇନ ଏହି ମାମଲାର ଯାଞ୍ଚ କରିବା ପରେ ଏହାର ପ୍ରକୃତ ସତ ସାମ୍ନାକୁ ଆସିଛି ।

