ଭୁବନେଶ୍ବର:  ଆଗାମୀ ବର୍ଷକ ମଧ୍ୟରେ ନନ୍ଦନକାନନ ହେବ ବିଶ୍ବସ୍ତରୀୟ । ପୂରା କଳେବର ବଦଳିବ  । ଗତ ୮-୧୦ ମାସ ମଧ୍ୟରେ ଅନେକ ରୂପରେଖ ବଦଳିଛି । ପ୍ରାଣୀ ଅଦଳବଦଳ ପ୍ରକ୍ରିୟା ଜରିଆରେ ବହୁ ନୂଆ ଜୀବଜନ୍ତୁ ଆସିଛନ୍ତି । ରୋପ ୱେ, ବୋଟିଂ ବ୍ୟବସ୍ଥା ହୋଇଛି । ଦୁବାଇରୁ ଖୁବଶୀଘ୍ର ଚିତା ବାଘ ଓ ଧଳା ସିଂହ ଶାବକ ଆସିବେ । କାଞ୍ଜିଆ ହ୍ରଦ ବିକାଶ ଲାଗି SRC ପାଣ୍ଠିରୁ ୧୭ କୋଟି ଟଙ୍କା ଦିଆଯାଇଛି । ନନ୍ଦନକାନନ ଚିଡ଼ିଆଖାନା ଚୁଡ଼ଙ୍ଗ ଯାଏଁ ବଢିବା ସହ ଖୁବଶୀଘ୍ର ନାଇଟ ସଫାରୀ ବ୍ୟବସ୍ଥା ମଧ୍ୟ ହେବ । ସେପଟେ ଆଜି ନନ୍ଦନକାନନ ପ୍ରାଣୀ ଉଦ୍ୟାନର 64ତମ ପ୍ରତିଷ୍ଠା ଉତ୍ସବ । ଏହି ଅବସରରେ ଉଦଘାଟିତ ହୋଇଯାଇଛି ବଟନିକାଲ ଗାର୍ଡେନରେ ନବନିର୍ମିତ ବାଉଁଶ ଉଦ୍ୟାନ, ମୋଗଲ ଗାର୍ଡେନ । ଏହାସହ ନନ୍ଦନକାନନର ଓ୍ବାଲିଭ ଖୁଆଡ଼ ଓ ଅଷ୍ଟ୍ରିଚ ଖୁଆଡ ମଧ୍ୟ ଉଦଘାଟନ ହୋଇଯାଇଛି  ।

କାସୁଆରୀ ପକ୍ଷୀ ପାଇଁ ସ୍ବତନ୍ତ୍ର ଏନକ୍ଲୋଜର ମଧ୍ୟ ଲୋକାର୍ପିତ କରିଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ ପ୍ରଦୀପ ଅମାତ  । ଏହାସହ ଗୋଟିଏ ସିଂହ ଶାବକ ଓ ୨ଟି ବାଘ ଶାବକର ନାମକରଣ କରାଯାଇଛି । ବାଘୁଣୀ ଅଙ୍କିତାର ଶାବକ ନାମ ଶ୍ରୀ, ତୃପ୍ତି, ଜୟଶ୍ରୀ, ଅମିତ୍ ରଖାଯାଇଥିବା ବେଳେ ବାଘୁଣୀ ରୂପାର ଶାବକ ନାମ ଅମୃତା, ଶିବ ରଖାଯାଇଛି । ବିଜୁଳି ସିଂହୀର ଶାବକ ନାମ ଶ୍ରଦ୍ଧା, ରିମା, ଅନାମିକା, ଯୁବରାଜ ରଖାଯାଇଥିବା ବେଳେ ରେୱା ସିଂହୀର ଶାବକ ନାମ ମାୟା, ଶିବମ ରଖାଯାଇଛି । ସେହିପରି ହାତୀ ଶାବକ ନାମ ଅଭି, ଆଶା ରଖାଯାଇଛି । ଆଗାମୀ ଦିନରେ ଜଳଜ ଉଦ୍ଭିଦର ବିଭିନ୍ନ ପ୍ରଜାତିର ଜଳଜ ଘାସ, ଜଳମଗ୍ନ, ଭାସମାନ ଗାସ ଦେଖିପାରିବେ  ।

ସେହିପରି ୪୪ପ୍ରକାର କଇଁ, ପଦ୍ମ ଆଦି ୨୨୫ପ୍ରଜାତିର ଜଲଜ ଉଦ୍ଭିଦ ମୋଗଲ ଗାର୍ଡେନରେ ଦେଖିପାରିବେ ପର୍ଯ୍ୟଟକ । ଏହାସହ ୪.୪ ଏକର ଜାଗାରେ ବାଉଁଶ ଉଦ୍ୟାନ ନିର୍ମିତ କରାଯାଇଛି । ୭୦ ପ୍ରକାରର ବାଉଁଶ ଏହି ଉଦ୍ୟାନରେ ଦେଖିବାକୁ ମିଳିବ । ଏହାସହ ହାଇଦ୍ରାବାଦର ଏକ ଘରୋଇ ଫାର୍ମରୁ ଚିଡ଼ିଆଖାନାକୁ ଆସିଥିବା ବିରଳ ପ୍ରଜାତିର ଏକହଳ ଓ୍ବାଲିବ ଓ ଏକହଳ ଲିଭିଙ୍ଗଷ୍ଟୋନ ଟୁରକେକୁ ସ୍ବତନ୍ତ୍ର ଖୁଆଡ଼ରେ ଛଡାଯିବ ।

ଭୁବନେଶ୍ବର: ଗ୍ରାହକଙ୍କ ପାଇଁ ଖୁସି ଖବର। କମିଲା ସୁନା ଓ ରୂପାର ଦର। ବାହାଘର ଋତୁ ଚାଲିଥିବା ବେଳେ ସୁନାଦରରରେ ହ୍ରାସ ଗ୍ରାହକଙ୍କ ପାଇଁ ଖୁସି ଆଣିଦେଇଛି। ଆଜି ୨୪ କ୍ୟାରେଟ ୧୦ ଗ୍ରାମ ପ୍ରତି ସୁନାର ମୂଲ୍ୟ ୬୩ହଜାର ୩୩୨ ଟଙ୍କା ରହିଛି । ପୂର୍ବରୁ ଏହା ୧୦ଗ୍ରାମ ପ୍ରତି ୨୪ କ୍ୟାରେଟ୍ ସୁନାର ମୂଲ୍ୟ ୬୩ହଜାର ୪୫୨ ଟଙ୍କା ଥିଲା । ୦.୧୩ ପ୍ରତିଶତ ହ୍ରାସ ସାମାନ୍ୟ ଆସ୍ବଶ୍ତି ଆଣିଛି । ଆଜି ୨୨ କ୍ୟାରେଟ ସୁନାର ଦାମ୍ ୧୦ ଗ୍ରାମ ପ୍ରତି ୬୩,୦୭୮ ଟଙ୍କା ରହିଛି ।

ସେହିଭଳି ୯୧୬ ପ୍ରତିଶତ ଶୁଦ୍ଧତା ଥିବା ୨୨ କ୍ୟାରେଟ ସୁନାର ଦାମ୍ ରହିଛି ୫୮,୦୧୨ ଟଙ୍କା । ସେହିପରି ୧୮ କ୍ୟାରେଟ ସୁନାର ଦାମ୍ ରହିଛି ୪୭,୪୯୯ ଟଙ୍କା । ସୁନାଭଳି ରୂପା ଦରରେ ମଧ୍ୟ ହ୍ରାସ ଦେଖିବାକୁ ମିଳିଛି । ପୂର୍ବରୁ ଏହା କିଲୋ ପ୍ରତି ୭୪ ହଜାର ଟଙ୍କା ଥିବା ବେଳେ ଏବେ ଏହା ୭୪ ହଜାର ଟଙ୍କା ତଳକୁ ଖସି ୭୩,୪୦୦ ଟଙ୍କାରେ ପହଞ୍ଚିଛି ।

ରୂପାରେ କିଲୋପ୍ରତି ୬୬୦ ଟଙ୍କା ହ୍ରାସ ପାଇଛି । ୟେଲୋ ମେଟାଲରେ ନିବେଶ ଅଧିକ ବଢୁଥିବାରୁ ଲଗାତର ଦର ଉଚ୍ଚା ରହିଥିଲା । ଏବେ ସାମାନ୍ୟ ହ୍ରାସ ହେବା ପରେ ନିବେଶକମାନେ ଏଥିରେ ପୁଣି ନିବେଶ କରିବେ ବୋଲି ଆଶା କରାଯାଉଛି । ଅନ୍ତର୍ଜାତୀୟ ବଜାରରେ ତୈଳଦର ହ୍ରାସ କାରଣରୁ ସୁନା ଦରରେ ମଧ୍ୟ ହ୍ରାସ ପରିଲକ୍ଷିତ ହୋଇଛି । ତେବେ କିଛି ଯୁଦ୍ଧ କାରଣରୁ ଗତ ଅକ୍ଟୋବରରୁ ସୁନା ଦରରେ ୩ରୁ ୪ ହଜାର ଟଙ୍କାର ବୃଦ୍ଧି ପରିଲକ୍ଷିତ ହୋଇଛି ।

ଭୁବନେଶ୍ବର: ମ୍ୟୁଜିଅମ କେବଳ ଆମ ଗୌରବମୟ ଇତିହାସର ମୂକସାକ୍ଷୀ ଆମ ଅସ୍ମିତାର ପରିଚୟ  । ଗୋଟିଏ ସଭ୍ୟତା, ଗୋଟିଏ ଜାତି ଓ ଗୋଟିଏ ସଂସ୍କୃତି ସହ ଅତୀତକୁ ଯୋଡିଥାଏ  । ସଂଗ୍ରହାଳୟ ଇତିହାସ ଓ ପରମ୍ପରା ସହ ଯୋଡିଥାଏ  । ଏହା ଗବେଷଣା ପାଇଁ ଏକ ଅମୂଲ୍ୟ ସଂପଦ  । ରାଜ୍ୟ ସଂଗ୍ରହାଳୟର ୯୦ ବର୍ଷ ପୂର୍ତ୍ତି ସମାରୋହକୁ ଉଦଘାଟନ କରି ଏହା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । କାର୍ଯ୍ୟକ୍ରମରେ ସଭାପତିତ୍ବ କରି ଓଡ଼ିଆ ଭାଷା,ସାହିତ୍ୟ, ସଂସ୍କୃତି ବିଭାଗର ଶାସନ ସଚିବ ସୁଜାତା ରାଉତ କାର୍ତ୍ତିକେୟନ କହିଛନ୍ତ, ଆମ ସଂସ୍କୃତିକୁ ଆହୁରି ସୁଦୃଢ କରିବା ହେଉଛି ଓଡ଼ିଶା ରୂପାନ୍ତରୀକରଣର ଲକ୍ଷ୍ୟ  ।

ଏବେର ଯୁବପିଢୀ ଡିଜିଟାଲ ଦୁନିଆ ସହ ଜଡିତ  । ସେମାନଙ୍କୁ ଆମ ଐତିହ୍ୟ ପରମ୍ପରା ସହ ଯୋଡିବା ହେଉଛି ରୂପାନ୍ତରୀକରଣର ଲକ୍ଷ୍ୟ । ମ୍ୟୁଜିଅମକୁ ଦେଶର ବେଷ୍ଟ ମ୍ୟୁଜିଅମ କରିବାକୁ ଯୋଜନା କରାଯାଉଛି ବୋଲି କହିଛନ୍ତି ଶାସନ ସଚିବ  । ଫେବ୍ରୁଆରୀରେ ବିଶ୍ବ ଓଡିଆ ଭାଷା ସମ୍ମିଳନୀ ହେବ  । ଏଥିରେ ସମସ୍ତଙ୍କ ସହଯୋଗ ଲୋଡିଛନ୍ତି ଶାସନ ସଚିବ । ମ୍ୟୁଜିଅମକୁ ଫାଇଭ-ଟି ଉପକ୍ରମରେ ସାମିଲ କରାଯିବ ବୋଲି ମଧ୍ୟ କହିଛନ୍ତି ଶାସନ ସଚିବ ସୁଜାତା ରାଉତ କାର୍ତ୍ତିକେୟନ  ।