ମୁମ୍ବାଇ: ଋଷି କପୁର, ୭୦ ଦଶକରେ ସେ ‘ଚକୋଲେଟ୍-ବଏ’ ଭାବେ ମଧ୍ୟ ପରିଚିତ ଥିଲେ । ସେତେବେଳେ ତାଙ୍କ ଚେହେରାକୁ ନେଇ ଫିଲ୍ମରେ ତାଙ୍କ ଭୂମିକାର ନିଷ୍ପତ୍ତି ନିଆଯାଉଥିଲା । ସେ ଜଣେ ହିଟ୍ ‘ରୋମାଣ୍ଟିକ୍’ ହିରୋ ଥିଲେ । ତାଙ୍କ କ୍ୟାରିଅରର ପ୍ରଥମ ଦୁଇଟି ଫିଲ୍ମରେ ସେ ରାଜ କପୁରଙ୍କ ପୁଅ ଭାବେ ଜଣାଯାଉଥିଲେ । ହେଲେ ପରଦାରେ ପାଦ ଦେବାର କିଛି ଦିନ ମଧ୍ୟରେ ସେ ନିଜ ପ୍ରତିଭା ପାଇଁ ଖୁବ ଲୋକପ୍ରିୟତା ହାସଲ କରିଥିଲେ ।

‘ମେରା ନାମ ଜୋକର’ ପାଇଁ ଶ୍ରେଷ୍ଠ ଶିଶୁ ଅଭିନେତା ପାଇଁ ଜାତୀୟ ପୁରସ୍କାର ହାସଲ କରିଥିଲେ ଋଷି । ଏହା ସହ ବବି ଫିଲ୍ମରେ ଅଭିନୟ ପାଇଁ ଫିଲ୍ମଫେୟାର ଶ୍ରେଷ୍ଠ ଅଭିନେତା ଟ୍ରଫି ଜିତିଥିଲେ । ବଲିଉଡରେ ସେ ନିଜର ଏକ ନିଆରା ସ୍ଥାନ ସୃଷ୍ଟି କରିଥିଲେ ଯାହା ଚିର ଦିନ ପାଇଁ ସ୍ମରଣୀୟ ହୋଇ ରହିବ ।  ଭାରତୀୟ ସିନେମାରେ ସେ ଏମିତି ଏକ ପରିବାରରେ ଜନ୍ମ ହୋଇଥିଲେ ଯେଉଁ ପରିବାରର ଅଧିକାଂଶ ସଦସ୍ୟ କଳାକାର ଥିଲେ । ଋଷିଙ୍କ  ପିତା ରାଜ କପୁର,  କାକା ଶମି କପୁର ଏବଂ ଶଶି କପୁର, ଏବଂ ଜେଜେବାପା ପ୍ରୀଥ୍ୱିରାଜ କପୁର ତଥା ବଡ଼ ଭାଇ ରଣଧିର କପୁର ବଲିଉଡ ଜଗତର ଜଣାଶୁଣା ଚରିତ୍ର । ହେଲେ ସେ ନିଜ ପରିଚୟ ସୃଷ୍ଟି କରିବାକୁ କେବେ ବି କାହା ନାଁର ସାହାଯ୍ୟ ନେଇନଥିଲେ । ନିଜ ବଳ, କଳା, ପ୍ରତିଭା ଯୋଗୁଁ ସେ ପ୍ରତିଷ୍ଠା ହାସଲ କରିବାରେ ସଫଳ ହୋଇଥିଲେ ।

ଋଷିଙ୍କୁ ନିଜ ପ୍ରତିଭା ଉପରେ ପୂର୍ଣ୍ଣ ବିଶ୍ୱାସ ଥିଲା । ମ୍ୟାଚୋ ମ୍ୟାନ୍ ଏବଂ ଆକ୍ସନ୍ ହିରୋଙ୍କ ଭିଡ ଭିତରେ ଋଷି ନିଜ ପାଇଁ ଅଲଗା ପରିଚୟ ସୃଷ୍ଟି କରିଥିଲେ । ଋଷି ନିଜ ପିଲାଳିୟା ଚେହେରା ନେଇ ଦର୍ଶକଙ୍କୁ ଏଣ୍ଟରଟେନ୍ କରିବାରେ ସଫଳ ହୋଇଥିଲେ । ତାଙ୍କ ସମୟର ପ୍ରାୟ ସମସ୍ତ ଅଭିନେତା ତଥା ଅନେକ ଭେଟେରାନଙ୍କ ସହ ସ୍କ୍ରିନ୍ ସେୟାର କରିଥିଲେ ଋଷି । ସେ ମୁଖ୍ୟ ଭୂମିକାରେ ହିରୋ ହୁଅନ୍ତୁ ବା ଚରିତ୍ର ଅଭିନେତା ହୁଅନ୍ତୁ, ସର୍ବଦା ନିଜ ଭୂମିକାରେ ତାଙ୍କର ବିଶେଷ ଛାପ ଛାଡିଛନ୍ତି । ଆଜି ସେ ତାଙ୍କ ପୁଅ ରଣବୀର କପୁରଙ୍କଠାରୁ ମଧ୍ୟ ଅଧିକ ଲୋକପ୍ରିୟ |

ତେବେ ଅଭିନେତ୍ରୀଙ୍କ ମଧ୍ୟରେ, ବିଭିନ୍ନ ବୟସ ବର୍ଗର ପ୍ରାୟ ସମସ୍ତ ହିରୋଇନଙ୍କ ବିପକ୍ଷରେ ଋଷି ଅଭିନୟ କରିଛନ୍ତି । ଶବାନା, ହେମା, ରାଖୀ ଏବଂ ରେଖାଙ୍କ ଠାରୁ ଆରମ୍ଭ କରି ମାଧୁରୀ, ଶ୍ରୀଦେବୀ, ଟିନା ମୁନିମ, ରବିନା ଏବଂ ଦିବ୍ୟ ଭାରତୀଙ୍କ ପର୍ଯ୍ୟନ୍ତ ସେ ସମସ୍ତଙ୍କ ସହ ରୋମାନ୍ସ କରିଛନ୍ତି। ସେ ଡିମ୍ପଲ୍ କାପାଡିଆ, ରଞ୍ଜିତା, ପଦ୍ମିନୀ କୋହ୍ଲାପୁରେ ଏବଂ ଶୋମା ଆନନ୍ଦଙ୍କ ପରି  ଅଭିନେତ୍ରୀଙ୍କ ବିପକ୍ଷରେ  ମଧ୍ୟ ସେ ଅନେକ ଚଳଚ୍ଚିତ୍ରରେ ଅଭିନୟ କରିଛନ୍ତି। ତାଙ୍କ ପରେ କୌଣସି ଅଭିନେତା ଏତେ ସଂଖ୍ୟକ ହିରୋଇନଙ୍କ ସହ ପରଦା ଉପରେ ରୋମାନ୍ସ କରି ନାହାନ୍ତି । ତେଣିକି ତାହା ଫିଲ୍ମୀ ହେଉ କିନ୍ତୁ ସତ ହେଲା ସେ ଭାରତକୁ ପ୍ରେମ କରିବା ଶିଖାଇଥିଲେ ।

ପାଖା ପାଖି ୪୫ଜଣ ଅଭିନେତ୍ରୀଙ୍କ ସହ ଋଷି ପରଦାରେ ରୋମାନ୍ସ କରିଛନ୍ତି । ତାଙ୍କର ରୋମାଣ୍ଟିକ୍ ଗୀତ ଚିର ସବୁଜ । ବାସ୍ତବରେ ଏଭଳି ରେକର୍ଡ ବଲିଉଡରେ କୌଣସି ଅଭିନେତା କରିନଥିବେ । କୌଣସି ଅଭିନେତା ଋଷିଙ୍କଠାରୁ ଅଧିକ ରୋମାନ୍ସ କରିନଥିବେ ।

ମୁମ୍ବାଇ: ଆଉ ଶୁଣିବାକୁ ମିଳିବନି ଡଫଲିର ସେଇ ଶବ୍ଦ ଯାହାକୁ ବଜାଇ ହିଟ୍ କରିଥିଲେ ତାଙ୍କ ଅଭିନିତ ଫିଲ୍ମ ସଂଗ୍ରାମକୁ । ଆଜି ସେ ତାଙ୍କ ଇହଲୀଳା ସମାପ୍ତ କରିଛନ୍ତି ଆଉ ଚାଲି ଯାଇଛନ୍ତି ଆରପାରିକୁ । ତାଙ୍କ ନିଧନରେ ପୂରା ବଲିଉଡ଼ ଏବେ ଭାଙ୍ଗି ପଡ଼ିଛି । ଏନେଇ ଲତା ମଙ୍ଗେଶକର ମଧ୍ୟ ଦୁଃଖ ପ୍ରକାଶ କରିଛନ୍ତି। ଲତା ଋଷିଙ୍କ ସହିତ ତାଙ୍କର ପିଲାଦିନର ସ୍ମୃତି ବିଷୟରେ ବର୍ଣ୍ଣନା କରିଛନ୍ତି ।

ସେ କହିଥିଲେ- ‘ମୁଁ ପ୍ରକୃତରେ ବହୁତ ଦୁଃଖିତ । ମୋତେ କିଛି ପଚାର ନାହିଁ । ଯେତେବେଳେ ତାଙ୍କୁ ୨ କି ୩ ମାସ ହୋଇଥିଲା, ସେତେବେଳେ ତାଙ୍କୁ ମୁଁ ମୋ ହାତରେ ଧରିଥିଲି । ମୁଁ ବହୁତ ଦୁଃଖିତ ମୋ ପାଇଁ କିଛି କହିବା ଅସମ୍ଭବ ’। ଲତାଙ୍କ ଭଉଣୀ ଆଶା ଭୋସଲେ ମଧ୍ୟ ଋଷି କପୁରଙ୍କ ମୃତ୍ୟୁକୁ ନେଇ ଦୁଃଖ ପ୍ରକାଶ କରିଛନ୍ତି। ସେ  ଗଣମାଧ୍ୟମକୁ କହିଛନ୍ତି ଯେ, ପିଲାଦିନରୁ କପୁର ପରିବାର ସହିତ ତାଙ୍କର ଅନେକ ସ୍ମୃତି ରହିଛି । ମୁଁ ତାଙ୍କ ଘରକୁ ଏକାକୀ ଖାଇବାକୁ ଯାଇଥିଲି । ଋଷି କପୁରଙ୍କ ସହ ତାଙ୍କର ଗଭୀର ସମ୍ପର୍କ ଥିଲା, ଏବଂ ଋଷି ଆଶାଙ୍କ ହାତ ତିଆରି ଜିନିଷ ଖାଇବାକୁ ଭଲ ପାଉଥିଲେ । ସେ ସବୁବେଳେ ଫୋନରେ କହୁଥିଲେ, ମୁଁ କେବେ ଖାଇବାକୁ ଆସିବି । ମୁଁ ବହୁତ ଦୁଃଖିତ ଋଷି ବହୁତ ମିଶାଣିଆ ମଧ୍ୟ ଥିଲେ। ଯେବେ ବି ମୁଁ ଫୋନ କରେ ଋଷି ଆସନ୍ତି ।’

‘କେବେ ସେ ଗର୍ବ କରନ୍ତି ନାହିଁ । ସେ ବହୁତ ହସଖୁସିକୁ ଭଲ ପାଆନ୍ତି । ସେ ଯେକୌଣସି ପରିସ୍ଥିତି ହେଉ ତାଙ୍କ ମୁହଁରେ ସବୁ ବେଳେ ହସ ଥାଏ । ବର୍ତ୍ତମାନ ରୋଷେଇ କରିବା ସମୟରେ, ମୁଁ ବହୁତ ଦୁଃଖିତ ଯେ ମୁଁ ତାଙ୍କୁ ଖାଇବାକୁ ଡାକିପାରିବି ନାହିଁ । ସେ ମୋ ହାତ ବିରିୟାନି ଏବଂ ଡାଲିକୁ ବହୁତ ପସନ୍ଦ କରୁଥିଲେ । କଥାବାର୍ତ୍ତା ବେଳେ ଆଶା ଭାବପ୍ରବଣ ହୋଇଯାଇଥିଲେ ।

नमस्ते लता जी। आपके आशीर्वाद से देखिए मुझे अपनी दो या तीन महीने वाली अपनी पिक्चर मिल गई। सदा आपका आशीर्वाद रहा है मुझ पर। बहुत बहुत धानियवाद। क्या मैं दुनिया को बता सकता हूँ ये तस्वीर ट्विटर पे डाल के?ये एक बेशक़ीमती पिक्चर है मेरे लिए! pic.twitter.com/qbrCZYBBeR

— Rishi Kapoor (@chintskap) January 28, 2020

କିଛି ଦିନ ପୂର୍ବରୁ ଋଷି କପୁର ମଧ୍ୟ ଲତାଙ୍କ ସହ ତାଙ୍କର ଏକ ଫଟୋ ସେୟାର କରିଥିଲେ । ଏହି ଫଟୋରେ, ଋଷିଙ୍କୁ କିଛି ମାସ ହୋଇଥିଲା ଯେତେବେଳେ ଲତା ତାଙ୍କୁ କୋଳରେ ଉଠାଇ ନେଇଥିଲେ | ସେ ଏହି ଫଟୋକୁ ଟୁଇଟ୍ କରି ଲେଖିଥିଲେ- ‘ନମସ୍ତେ ଲତା ଜୀ। ତୁମର ଆଶୀର୍ବାଦ ସହିତ ଦେଖନ୍ତୁ, ମୁଁ ମୋର ଦୁଇ ତିନି ମାସର ଫଟୋ ପାଇଛି । ତୁମର ଆଶୀର୍ବାଦ ସବୁବେଳେ ମୋ ଉପରେ ଅଛି । ବହୁତ ବହୁତ ଧନ୍ୟବାଦ । କଣ ମୁଁ ଦୁନିଆକୁ କହିପାରିବି ଏହି ଫଟୋ ଟ୍ୱିଟରରେ ସେୟାର କରି ? ଏହା ମୋ ପାଇଁ ଏକ ଅତ୍ୟନ୍ତ ମୁଲ୍ୟବାନ ଫଟୋ…

ଗୁରୁବାର ସକାଳେ ମୁମ୍ବାଇର ଏକ ଡାକ୍ତରଖାନାରେ ଋଷି କପୁରଙ୍କ ନିଧନ ହୋଇଛି । ହଠାତ୍ ସେ ଅସୁସ୍ଥ ହେବାରୁ ତାଙ୍କୁ ବୁଧବାର ଆଇସିୟୁରେ ଭର୍ତ୍ତି କରାଯାଇଥିଲା ଏବଂ ଗୁରୁବାର ଦିନ ତାଙ୍କର ପରଲୋକ ହୋଇଛି ।

ମୁମ୍ବାଇ : ଋଷି କପୁରଙ୍କ ନିଧନରେ ବଲିଉଡ଼କୁ ଲାଗିଛି ବଡ଼ ଝଟକା । ଏନେଇ ମହାନାୟକ ଅମିତାଭ ବଚ୍ଚନ ନିଜ ଟ୍ୱିଟର ଆକାଉଣ୍ଟରେ ସର୍ବପ୍ରଥମେ ଖବର ଦେଇଥିଲେ ।  ଆଜି ସମସ୍ତେ ଏହି ବଡ଼ ଅଭିନେତାଙ୍କୁ ହରାଇ ଭାଙ୍ଗି ପଡ଼ିଛନ୍ତି । ସେ ତାଙ୍କ ଅଭିନୟ ଜରିଆରେ ସମସ୍ତ ହୃଦୟରେ ରାଜ କରି ଆସୁଥିଲେ ।   ଫିଲ୍ମ ମେରା ନାମ୍ ଜୋକର ହେଉ କି ତାଙ୍କ ଡେବ୍ୟୁ ଫିଲ୍ମ ବବି ହେଉ ସବୁଥିରେ ସେ ତାଙ୍କର ଛାପ ଛାଡ଼ିଛନ୍ତି ।

କେବେ ତାଙ୍କ ହସର ଦିୱାନା ଥିବା ବଲିଉଡ଼ ଆଜି ନିସ୍ତବ୍ଦ ।  ୪ ସେପ୍ଟେମ୍ବର ୧୯୫୨ ମସିହାରେ ଜନ୍ମ ଗ୍ରହଣ କରିଥିବା ଏହି ନାୟକ ଯେମିତି କେବଳ ଅଭିନୟ ପାଇଁ ଜନ୍ମ ନେଇଥିଲେ । ଯଦିଓ ତାଙ୍କୁ ବଲିଉଡ଼ ଆସିବାକୁ ଏତେଟା ଷ୍ଟ୍ରଗଲ କରିବାକୁ ପଡ଼ି ନଥିଲା କିନ୍ତୁ ପ୍ରଥମ ଫିଲ୍ମରେ ନେସନାଲ ଆୱାର୍ଡ ପାଇବା କିଛି କମ୍ କଥା ନଥିଲା ।

ତେବେ ଆପଣମାନେ ଭାବୁଥିବେ ମେରା ନାମ ଜୋକର ତାଙ୍କ ପ୍ରଥମ ଚଳଚିତ୍ର ଥିବ  । ଏବଂ ନାୟକ ଭାବେ ପ୍ରଥମ ଡେବ୍ୟୁ ଫଲ୍ମ ବବି କିନ୍ତୁ ତା ପୂର୍ବରୁ ସେ ବଡ଼ ପରଦାରେ ନଜର ଆସି ସାରିଥିଲେ । ସେ ତାଙ୍କ ବାପାଙ୍କ ଫିଲ୍ମ ‘ଶ୍ରୀ ୪୨୦’ର ଏକ ଗୀତରେ ନଜର ଆସି ସାରିଥିଲେ । ଆଜ୍ଞା ହଁ ଋଷି ପ୍ରଥମ ଥର ପାଇଁ କ୍ୟାମେରା ଫେସ୍ କରିଥିଲେ ତାଙ୍କ ବାପାଙ୍କ ଫିଲ୍ମର ଏକ ଗୀତ ‘ପ୍ୟାର ହୁଆ ଏକ ରାର ହୁଆ’  । ଏହି ଗୀତ ସୁଟିଂ ସେଟରେ ଋଷି ଆସି ପହଞ୍ଚି ଥିଲେ ଏବଂ ସେଠାରେ ସେ ଏତେ କାନ୍ଦି ଥିଲେ ଯେ, ଫିଲ୍ମରେ ହିରୋଇନ ଥିବା ନର୍ଗୀସ ଯେତେ ଚକଲେଟ ଦେଇ ବୁଝାଇବାକୁ ଚେଷ୍ଟା କରିଥିଲେ ବି ବୁଝି ନଥିଲେ ଋଷି । ଏବଂ ତାଙ୍କୁ ବୁଝାଇବାକୁ ଯାଇ ସେହି ଗୀତର ଏକ ଛୋଟ ସିନରେ ନିଆଯାଇଥିଲା ।

ଆପଣମାନେ ଦେଖିଥିବେ ବର୍ଷାର ସେହି ଗୀତରେ ୨ଜଣ ଛୋଟ ଛୁଆଙ୍କ ସହ ସେ ଚାଲି ଚାଲି ଆସୁଛନ୍ତି ଋଷି । ତାପରେ ୧୯୭୧ରେ ମେରା ନାମ ଜୋକର ଏବଂ ତାପରେ ବବି ଜରିଆରେ ତାଙ୍କ ଫିଲ୍ମ କ୍ୟାରିୟର ଆରମ୍ଭ କରିଥିଲେ ଋଷି । ଋଷିଙ୍କ ନିଧନରେ ବଲିଉଡ଼ର ଏକ ଅପୂରଣୀୟ କ୍ଷତି ।

ମୁମ୍ବାଇ: ଲଗାତାର ଦୁଇ ଦିନ ହେବ ସକାଳେ ବଲିଉଡ ଜଗତରୁ ଦୁଃଖଦ ଖବର ଶୁଣିବାକୁ ମିଳିଛି । ଗତ କାଲି ଇରଫାନ ଖାନଙ୍କ ପରଲୋକ ପରେ ଆଜି ଋଷି କପୁର ଦୁନିଆ ଛାଡି ଚାଲିଯାଇଛନ୍ତି । ଏହି ଖବର ଉଭୟ ବଲିଉଡ ଓ ପ୍ରଶଂସକମାନଙ୍କ ପାଇଁ  ବଡ ଝଟକା ଥିଲା । ଆଜି ବଲିଉଡର ଜଣାଶୁଣା ସେଲିବ୍ରିଟି ତଥା ଡଫଲିବାଲା ଆମ ସମସ୍ତଙ୍କୁ ଅଲବିଦା କହି ବିଦାୟ ନେଇଛନ୍ତି । ଗତ କାଲି ବଲିଉଡର ଅତୁଳନୀୟ ଅଭିନେତା ଇରଫାନଙ୍କର ନିଧନ ହୋଇଥିଲା । କ୍ୟାନସର ରୋଗ ସହିତ ଦୀର୍ଘ ଦିନ ଯୁଦ୍ଧ କରୁଥିବାବେଳେ ଉଭୟ କଳାକାର ଜୀବନର ଯୁଦ୍ଧରେ ହାରି ଯାଇଥିଲେ । ଦୁଇ ଦିନ ମଧ୍ୟରେ ବଲିଉଡର ଦୁଇ ଜଣ ପ୍ରତିଷ୍ଠିତ କଳାକାରଙ୍କୁ ହରାଇଛି । ତେବେ ବଲିଉଡ ପାଇଁ ଏହା ଯେ ଏକ ବଡ କ୍ଷତି ତାହା କହିଲେ କିଛି ଭୁଲ ହେବ ନାହିଁ ।

ଋଷି କପୁର ଜଣେ ଏମିତି ଅଭିନେତା ଥିଲେ ଯିଏ ସବୁବେଳେ ଖୁସିରେ ରହିବା ବିଶ୍ୱାସ ରଖିଥିଲେ । ଋଷି କପୁର ୧୯୫୨ ମସିହା ସେପ୍‌ଟେମ୍ବର ୪ ତାରିଖରେ ଜନ୍ମ ହୋଇଥିଲେ । ମାତ୍ର ୩ ବର୍ଷ ବୟସରେ ସେ ଅଭିନୟ ଜଗତରେ ପାଦ ଦେଇଥିଲେ । ୩ ବର୍ଷ ବୟସରେ ତାଙ୍କ ଅଭିନୟ ଜୀବନ ଆରମ୍ଭ ହୋଇଥିଲା । ୧୯୫୫ ମସିହାରେ ଶିଶୁ କଳାକାର ଭାବେ ସେ ତାଙ୍କ ବାପା ରାଜ କପୁରଙ୍କ ଫଲ୍ମ ଶ୍ରୀ-୪୨୦ରେ ଅଭିନୟ ଆରମ୍ଭ କରିଥିଲେ । ଶିଶୁ କଳାକାର ଭାବେ ସେ ‘ମେରା ନାମ୍‌ ଜୋକର’ରେ ୧୯୭୦ ମସିହାରେ ଅଭିନୟ କରିଥିଲେ । ଏହି ଫିଲ୍ମ ପାଇଁ ତାଙ୍କୁ ଜାତୀୟ ଚଳଚ୍ଚିତ୍ର ପୁରସ୍କାର ମଧ୍ୟ ମିଳିଥିଲା । ୧୯୭୩ ମସିହାରେ ଋଷି କପୁର ମୁଖ୍ୟ ଭୂମିକାରେ ଫିଲ୍ମ ‘ବବି’ରେ ଅଭିନୟ କରିଥିଲେ। ଏହି ଫିଲ୍ମ ପାଇଁ ସେ ଫିଲ୍ମ ଫେୟାର ବେଷ୍ଟ ଆକ୍ଟର ପୁରସ୍କାର ପାଇଥିଲେ । ଏହାପରଠୁ ସେ କେବେ ଆଉ ପଛକୁ ଫେରି ଦେଖିନଥିଲେ ।  ଜାରି ରହିଥିଲା ତାଙ୍କ ଅଭିନୟର ଯାତ୍ରା ।  ତାଙ୍କ ଅଭିନୀତ ଶେଷ ଫିଲ୍ମ ହେଉଛି ‘ଶର୍ମାଜୀ ନମକିନ’ । ଯାହାକି  ଏବେ ନିର୍ମାଣାଧୀନ ଅଛି । ଅନେକ ଲୋକପ୍ରିୟ ଫିଲ୍ମରେ ଅଭିନୟ କରିବା ସହିତ ସେ ଅନେକ ପୁରସ୍କାର ଓ ସମ୍ମାନର ଅଧିକାରୀ ଥିଲେ । ୬୭ ବର୍ଷ ବୟସରେ ସେ ଆଖି ବୁଜିଛନ୍ତି । ଯେଉଁଥିପାଇଁ ସମଗ୍ର ଦେଶ ଏବେ ଶୋକ ପାଳୁଛି ।

ଠିକ ସେହିଭଳି ଗତ କାଲି ଲିଜେଣ୍ଡାରି ଆକ୍ଟର ଇରଫାନ ଖାନଙ୍କ ଦେହାନ୍ତ ହୋଇଥିଲା । ୧୯୬୭ ମସିହା ଜାନୁଆରୀ ମାସ ୭ ତାରିଖ ରାଜସ୍ଥାନରେ ଜନ୍ମ ହୋଇଥିଲେ ଇର୍‌ଫାନ୍‌ । ଦିଲ୍ଲୀ ସ୍କୁଲ ଅଫ୍‌ ଡ୍ରାମାରୁ ଶିକ୍ଷାଗ୍ରହଣ ପରେ ୮୦ ଦଶକରେ ସେ ମୁମ୍ବାଇ ଆସିଥିଲେ । ‘ଚାଣକ୍ୟ’, ‘ବନେଗୀ ଆପ୍‌କୀ ବାତ୍‌’, ‘ଭାରତ ଏକ୍‌ ଖୋଜ୍‌’, ‘ଚନ୍ଦ୍ରକାନ୍ତା’ ଭଳି ‘ ଟିଭି ଧାରାବାହିକରୁ ଇର୍‌ଫାନ୍‌ ଖାନ୍‌ଙ୍କ ଅଭିନୟ ଜୀବନ ଆରମ୍ଭ ହୋଇଥିଲା । ତେବେ ୧୯୮୮ ମସିହାରେ ସେ ମୀରା ନାୟାରଙ୍କ ସଲାମ୍ ବମ୍ବେ ରେ ଅଭିନୟ କରି ତାଙ୍କ କ୍ୟାରିୟର ଆରମ୍ଭ କରିଥିଲେ । ତା’ପରେ ଦର୍ଶକଙ୍କୁ ସେ ଗୋଟେ ପରେ ଗୋଟେ ଗୋଟିଏ ପରେ ଗୋଟିଏ ଐତିହାସିକ ଫିଲ୍ମ ଭେଟି ଦେଇଥିଲେ । “ହାସିଲ”, ‘ମକ୍‌ବୁଲ’, ‘ପିକୁ’ରେ ଅଭିନୟ ପାଇଁ ପ୍ରଶଂସା ସାଉଁଟିଥିବା ଇରଫାନ୍‌ ‘ପାନ୍‌ ସିଂ ତୋମର’ ପାଇଁ ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲେ । ଏହାଛଡ଼ା ‘ସ୍ଲମ୍‌ ଡଗ ମିଲୋନେୟାର’, ‘ଲାଇଫ୍‌ ଅଫ୍‌ ପାଇ’ରେ ତାଙ୍କ ଅଭିନୟକୁ ବେଶ୍‌ ପ୍ରଶଂସା ମିଳିଥିଲା। ୫୪ ବର୍ଷ ବୟସରେ ସେ ଦୁନିଆକୁ ଅଲବିଦା କହିଥିଲେ ।