ପରୀକ୍ଷା ପାଇଁ ପ୍ରସ୍ତୁତ ରହିବାକୁ ଛାତ୍ରଛାତ୍ରୀଙ୍କୁ ପରାମର୍ଶ ଦେଲେ ଉଚ୍ଚଶିକ୍ଷା ମନ୍ତ୍ରୀ
ଭୁବନେଶ୍ୱର: ୟୁଜିସି ଗାଇଡ୍ଲାଇନ୍ ନେଇ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ୟୁଜିସି ଗାଇଡ୍ଲାଇନକୁ ଉଚ୍ଚଶିକ୍ଷା ବିଭାଗ ତର୍ଜମା କରିବ । ଓଡ଼ିଶା ପାଇଁ ଯାହା ଯୁକ୍ତିଯୁକ୍ତ ହେବ ତାକୁ ଗ୍ରହଣ କରିବୁ । ଏନେଇ ଉଚ୍ଚସ୍ତରୀୟ ବୈଠକ ବସି ନିଷ୍ପତ୍ତି ନିଆଯିବ । ଛାତ୍ରଛାତ୍ରୀଙ୍କୁ ଉଚ୍ଚଶିକ୍ଷା ମନ୍ତ୍ରୀ ଏନେଇ ପରାମର୍ଶ ଦେଇଛନ୍ତି । ଲକ୍ଡାଉନ୍କୁ ସୁଯୋଗ ଭାବେ ନେଇ ପାଠରେ ମନୋନିବେଶ କରିବା ଉଚିତ ବୋଲି ମନ୍ତ୍ରୀ କହିଛନ୍ତି ।
ଜୁନ ୧୭ ଶିକ୍ଷାନୁଷ୍ଠାନ ଖୋଲିବା ପରେ ଯେକୌଣସି ସମୟରେ ପରୀକ୍ଷା ହେବ ବୋଲି ସୂଚନା ରହିଛି । ପରୀକ୍ଷା ପାଇଁ ପ୍ରସ୍ତୁତ ରହିବାକୁ ଛାତ୍ରଛାତ୍ରୀଙ୍କୁ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ପରାମର୍ଶ ଦେଇଛନ୍ତି । ଛାତ୍ରଛାତ୍ରୀଙ୍କ ପାଠପଢ଼ା, ପରୀକ୍ଷା, ମୁଲ୍ୟାୟନ, ଶିକ୍ଷାବର୍ଷ ନେଇ ୟୁଜିସି ନେଇ ଜାରି ହୋଇଥିବା ଗାଇଡଲାଇନ୍ ସଂକ୍ରାନ୍ତରେ ପ୍ରତିକ୍ରୀୟ ରଖିଛନ୍ତି ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ।
