ରାଜ୍ୟରେ ଆଉ ୨୦ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ୩ ଜଣ ମୟୂରଭଞ୍ଜ ଜିଲ୍ଲାର ହୋଇଥିବାବେଳେ ଅନ୍ୟ ୧୭ ଜଣ ଗଞ୍ଜାମ୍ ଜିଲ୍ଲାର ବୋଲି ରିପୋର୍ଟ ଆସିଛି । ସମସ୍ତ କରୋନା ସଂକ୍ରମିତ ସୁରତ ଫେରନ୍ତା ବୋଲି ସୂଚନା ମିଳିଛି ।
ରାଜ୍ୟରେ ଆଉ ୨୦ କରୋନା ପଜିଟିଭ ଚିହ୍ନଟ, ମୋଟ ସଂକ୍ରମିତଙ୍କ ସଂଖ୍ୟା ୨୦୫କୁ ବୃଦ୍ଧି
ଭୁବନେଶ୍ୱର: ରାଜ୍ୟରେ ଆଉ ୨୦ କରୋନା ଆକ୍ରାନ୍ତ ଚିହ୍ନଟ । ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୨୦୫କୁ ବୃଦ୍ଧି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ପକ୍ଷରୁ ଏହି ସୂଚନା ଦିଆଯାଇଛି । କେବଳ ଗଞ୍ଜାମ ଜିଲ୍ଲାରେ ଅଧିକ ୧୭ ଜଣ ଚିହ୍ନଟ ହୋଇଛନ୍ତି । ଫଳରେ ଗଞ୍ଜାମରେ ଆକ୍ରାନ୍ତଙ୍କ ସଂଖ୍ୟା ୨୧କୁ ବୃଦ୍ଧି ପାଇଛି । ଅପର ପକ୍ଷରେ ପ୍ରଥମ କରି ମୟୂରଭଞ୍ଜ ଜିଲ୍ଲାକୁ କରୋନା ଡେଇଁଛି । ମୟୂରଭଞ୍ଜ ଜିଲ୍ଲାରୁ ୩ ଜଣ ପଜିଟିଭ ଚିହ୍ନଟ ହୋଇଛନ୍ତି । ଆଜି ପଜିଟିଭ ଆସିଥିବା ସମସ୍ତ ସଂକ୍ରମିତ ସୁରତ ଫେରନ୍ତା ।
ବର୍ତ୍ତମାନ ସୁଦ୍ଧା ତାଜା ସୂଚନା ଅନୁସାରେ ଯାଜପୁରରେ ସର୍ବାଧିକ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିସହ ୧୮ ଜିଲ୍ଲାକୁ ଡେଇଁଲା କରୋନା ।ଏଥିସହ ରାଜ୍ୟରେ ମୋଟ ୧୪୨ଟି ଆକ୍ଟିଭ କେସ ରହିଛି । ୬୧ ଜଣ ସୁସ୍ଥ ହୋଇଥିବା ବେଳେ ୨ ଜଣଙ୍କ ମୃତ୍ୟୁ ହୋଇଛିଯ
ରାଜନୀତିରେ ଅନେକ ଲାଭ ପାଇବେ, ଲୋକସଂପର୍କ ମଧ୍ୟ ବୃଦ୍ଧି ହେବ
ଆଜିର ପଞ୍ଚାଙ୍ଗ
ମେ ୭, ୨୦୨୦ ମସିହା, ମେଷ ୨୫ ଦିନ
୧୯୪୨ ଶକାଦ୍ଦ,୧୪୨୭ ସାଲ୍,୨୦୭୭ ସମ୍ବତ୍
ବୁଦ୍ଧ ଜୟନ୍ତୀ, ବୈଶାଖ ୧୭ ଦିନ
ସ୍ୱାତୀ ତୁଳାରେ ଚନ୍ଦ୍ର ରହିବେ
ଘାତବାର- ତୁଳା ଓ କୁମ୍ଭ ରାଶିର
ଯୋଗିନୀ ରହିବେ ବାୟବ୍ୟ କୋଣରେ ଅପରାହ୍ନ ୪ଟା ୨୮ମିନିଟ୍ ପର୍ଯ୍ୟନ୍ତ
ଶୁଭ ସମୟ- ଯୋଗିନୀ ରହିବେ ବାୟବ୍ୟ କୋଣରେ ଅପରାହ୍ନ ୪ଟା ୨୮ ମିନିଟ୍ ପର୍ଯ୍ୟନ୍ତ
ଅଶୁଭ ସମୟ- ଯୋଗିନୀ ରହିବେ ବାୟବ୍ୟ କୋଣରେ ଅପରାହ୍ନ ୪ଟା ୨୮ମିନିଟ୍ ପର୍ଯ୍ୟନ୍ତ
ଆଜି ଆମିଷ, ପାଣି କଖାରୁ , ଖାଇବା ମନା
ମେଷ ରାଶି
ଅଶ୍ବିନୀ ମେଷ- ଅନ୍ୟମାନଙ୍କ ଠାରୁ ସାହାଯ୍ୟ, ସହଯୋଗ ମିଳିବାର ଯୋଗ
ଦ୍ବିଜା ମେଷ- ଦୁର ସ୍ଥାନରୁ କୈାଣସି ଶୁଭ ଖବର ପାଇବେ
କୃତ୍ତିକା ମେଷ- ବ୍ୟବସାୟରେ ଅଧିକ ଖର୍ଚ୍ଚ ଯୋଗୁଁ ଚିନ୍ତାରେ ରହିବେ
ମା’ଲକ୍ଷ୍ମୀଙ୍କୁ ଘିଅ ଦୀପ ଗୋଟିଏ ଅର୍ପଣ କରନ୍ତୁ
ବୃଷ ରାଶି
କୃତ୍ତିକା- ପରିଶ୍ରମ କରିଲେ ମଧ୍ୟ କୈାଣସି ଲାଭ ମିଳିବ ନାହିଁ
ରୋହିଣୀ- ଅଯଥା ଚିନ୍ତା କରନ୍ତୁ ନାହିଁ, ଶରୀର ଖରାପ ହୋଇଯିବ
ମୃଗଶିରା-ଶରୀରରେ ଯନ୍ତ୍ରଣା ଯୋଗୁଁ ମନ ଅଶାନ୍ତି ରହିବ
କୈାଣସି ପଶୁଙ୍କୁ ଖାଇବାକୁ ଦିଅନ୍ତୁ
ମିଥୁନ ରାଶି
ମୃଗଶିରା- ଆଜି ନୂତନ କାର୍ଯ୍ୟ ଆରମ୍ଭ କରିବାର ଉପଯୁକ୍ତ ସମୟ ରହିବ
ଆର୍ଦ୍ରା ମିଥୁନ- ରାଜନୀତିରେ ଅନେକ ଲାଭ ପାଇବେ, ଲୋକସଂପର୍କ ମଧ୍ୟ ବୃଦ୍ଧି ହେବ
ପୁର୍ନବସୁ- ଶିକ୍ଷା କ୍ଷେତ୍ରରେ ବନ୍ଧୁଙ୍କର ସାହାଯ୍ୟ ପାଇବେ
ଶିବ ଲିଙ୍ଗରେ କ୍ଷୀର ଅର୍ପଣ କରନ୍ତୁ
କର୍କଟ ରାଶି
ପୁର୍ନବସୁ- ପ୍ରଶାସନିକ କାର୍ଯ୍ୟ କରୁଥିବା ବ୍ୟକ୍ତିଙ୍କ ପାଇଁ ଶୁଭ ଦିନ
ପୁଷ୍ୟ। କର୍କଟ- ସ୍ଥାନ ପରିବର୍ତ୍ତନ ପାଇଁ କିଛି ଖବର ପାଇବେ
ଅଶ୍ଲେଷା- ପରିବାର ବୟସ୍କ ବ୍ୟକ୍ତିଙ୍କ ସ୍ୱାସ୍ଥ୍ୟ ପ୍ରତି ଧ୍ୟାନ ଦିଅନ୍ତୁ
ନିଜ ବାପାଙ୍କୁ ସମ୍ମାନ ଦିଅନ୍ତୁ
ସିଂହ ରାଶି
ମଘା- ଆପଣଙ୍କର ସଜନତାକୁ ଅନ୍ୟମାନେ ପ୍ରଶଂସା କରିବେ
ପୂର୍ବାଫାଲଗୁନି- କୈାଣସି ଗୁପ୍ତ କଥା ପଡୋଶୀଙ୍କୁ କୁହନ୍ତୁ ନାହିଁ
ଉତ୍ତରାଫାଲ୍ଗୁନି- ପରିବାରର ସହଯୋଗ ପାଇବେ
ହନୁମାନ ଚାଳିଶା ପାଠ କରନ୍ତୁ
କନ୍ୟା ରାଶି
ଉତ୍ତରାଫାଲଗୁନି- କଳା କ୍ଷେତ୍ରରେ ଅଧିକ ଉନ୍ନତି ହେବ,ପରିଶ୍ରମ କରିଚାଲନ୍ତୁ
ହସ୍ତା କନ୍ୟା- କୈାଣସି ଜଳାଶୟ ନିକଟକୁ ଯାଆନ୍ତୁ ନାହିଁ, ବିପଦ ରହିଛି
ଚିତ୍ରା କନ୍ୟା- ସଙ୍ଗୀତ କ୍ଷେତ୍ରରେ ରହିଥିଲେ ଅନେକ ପ୍ରଶଂସା ପାଇବେ
ଅଶ୍ବତ୍ଥ ବୃକ୍ଷକୁ ପୂଜା କରନ୍ତୁ ଗ୍ରହ ଶାନ୍ତି ମିଳିବ
ତୁଳା ରାଶି
ଚିତ୍ରା- ମନ ଖୁସି ରହିବା ଯୋଗୁଁ ସବୁ କାମ ଆରାମରେ ହୋଇଯିବ
ସ୍ବାତୀ ନକ୍ଷତ୍ର- ବରିଷ୍ଠମାନଙ୍କର ସହଯୋଗ ଆପଣଙ୍କୁ ଆଗକୁ ବଢିବାରେ ସାହାଯ୍ୟ କରିବ
ବିଶାଖା ନକ୍ଷତ୍ର- ଯାହା ବି ଦାୟିତ୍ବ ମିଳିବ ତାହାକୁ ସାଦରେ ଗ୍ରହଣ କରନ୍ତୁ
ସ୍ନ।ନ ସମୟରେ ଗଙ୍ଗାଦେବୀଙ୍କୁ ସ୍ମରଣ କରନ୍ତୁ
ବିଛା ରାଶି
ବିଶାଖା- କୈାଣସି ଖାସ୍ ବ୍ୟକ୍ତିଙ୍କ ଦ୍ଵାରା ପରିଚାଳିତ ହୋଇପାରନ୍ତି
ଅନୁରାଧା- ନିଜର ସକରାତ୍ମକ ଚିନ୍ତାଧାରା ଯୋଗୁଁ ଅନ୍ୟମାନେ ଆକୃଷ୍ଟ ହେବେ
ଜ୍ୟେଷ୍ଠା- କୈାଣସି ଗୋଟିଏ କାମ କରିବା ପାଇଁ ନିଷ୍ପତ୍ତି ନିଅନ୍ତୁ
ନଦୀ ଜଳରେ କିଛି ରାଶି ବିସର୍ଜନ କରି ଦିଅନ୍ତୁ
ଧନୁ ରାଶି
ମୂଳା ନକ୍ଷତ୍ର- ସବୁ କାମ ବିଳମ୍ବରେ ହୋଇଯିବ, ଧୈର୍ଯ୍ୟ ରଖନ୍ତୁ
ପୂର୍ବାଷାଢା- ପ୍ରତି କାମରେ କଠିନ ସମସ୍ୟାର ସମ୍ମୁଖୀନ ହେବେ
ଉତ୍ତରାଷାଢା-ଶାରିରୀକ ପରିଶ୍ରମ ପ୍ରତି ଧ୍ୟାନ ଦିଅନ୍ତୁ
ଦୁର୍ଗାଙ୍କର ସ୍ତୋତ୍ର ପାଠ କରନ୍ତୁ
ମକର ରାଶି
ଉତ୍ତରାଷାଢା- ଅଯଥା ବାଦ ବିବାଦରେ ରହିବେ , ଚୁପ ରହିବା ଭଲ ହେବ
ଶ୍ରବଣା- ଶରୀର ଖରାପ ରହିପାରେ, ଖାଦ୍ୟ ପ୍ରତି ଧ୍ୟାନ ଦିଅନ୍ତୁ
ଧନିଷ୍ଠା- ଅନ୍ୟ କାହାର କଥାରେ ପରିଚାଳିତ ହୁଅନ୍ତୁ ନାହିଁ
ମହାଦେବଙ୍କୁ କଦଳୀ ଭୋଗ ଅର୍ପଣ କରନ୍ତୁ
କୁମ୍ଭ ରାଶି
ଧନିଷ୍ଠା- ନିଜ ବିଚାରକୁ ନେଇ ଝଗଡା ହୋଇପାରେ
ଶତଭିଷା- ଅଚାନକ ଧନଲାଭ ହୋଇପାରେ, ଧର୍ମ କାର୍ଯ୍ୟରେ ମନ ଦେବେ
ପୂର୍ବଭାଦ୍ରପଦ- କୈାଣସି ଗୁପ୍ତ ବିଦ୍ୟା ପ୍ରତି ଆଗ୍ରହ ବଢିବ
ମା’ଦୁର୍ଗାଙ୍କୁ ସିନ୍ଦୁର ଅର୍ପଣ କରନ୍ତୁ
ମୀନ ରାଶି
ପୂର୍ବଭାଦ୍ରପଦ- କିଛି ନୂଆ ଯୋଜନା କରିପାରନ୍ତି
ଉତ୍ତରଭାଦ୍ରପଦ- ଦାମ୍ପତ୍ୟ ଜୀବନ ସୁଖମୟ ରହିବ
ରେବତୀ- ହିଂସା ଆଚରଣ କରୁଥିବା ଲୋକଙ୍କ ଠାରୁ ଦୁରେଇ ରୁହନ୍ତୁ
କୈାଣସି ଅସହାୟ ମୃହିଳାଙ୍କୁ ଭୋଜନ ଦାନ କରନ୍ତୁ
ଜ୍ୟୋତିର୍ବିଦ୍ ପ୍ରଜ୍ଞା ତ୍ରିପାଠୀ
ଯୋଗାଯୋଗ-7008954311
ଆଜି ପବିତ୍ର ବୁଦ୍ଧ ପୂର୍ଣ୍ଣିମା: କରୋନା ମୁକାବିଲା ପାଇଁ ହେଉଛି ପ୍ରାର୍ଥନା
ନୂଆଦିଲ୍ଲୀ: ଆଜି ପବିତ୍ର ବୁଦ୍ଧ ପୂର୍ଣ୍ଣିମା । ଏହି ଅବସରରେ କରୋନା ମୁକାବିଲା ପାଇଁ ଦେଶର ବିଭିନ୍ନ ବୌଦ୍ଧ ମନ୍ଦିରରେ ଆୟୋଜିତ ହୋଇଛି ବୁଦ୍ଧ ପ୍ରାର୍ଥନା କାର୍ଯ୍ୟକ୍ରମ । କେନ୍ଦ୍ରୀୟ ବୌଦ୍ଧ ସଂସ୍କୃତି ମନ୍ତ୍ର।ଳୟ ଏବଂ ଅନ୍ତରାଷ୍ଟ୍ରୀୟ ବୌଦ୍ଧ ପରିଷଦ ପକ୍ଷରୁ ଏହି ପ୍ରାର୍ଥନା କାର୍ଯ୍ୟକ୍ରମ ଆୟୋଜନ କରାଯାଇଛି ।
ନେପାଳର ବିଭିନ୍ନ ବୌଦ୍ଧ ମନ୍ଦିରରେ ମଧ୍ୟ ପ୍ରାର୍ଥନା ସଭାର ଆୟୋଜନ କରାଯାଇଛି । ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗଦେବାର କାର୍ଯ୍ୟକ୍ରମ ରହିଛି । କୋଭିଡ୍ ଆକ୍ରାନ୍ତ ଏବଂ ସ୍ୱାସ୍ଥ୍ୟକର୍ମୀଙ୍କ ପାଇଁ ଶୁଭ ମନାସିବେ ମୋଦି । ସେପଟେ ବୁଦ୍ଧ ପୂର୍ଣ୍ଣିମା ପାଇଁ ଦେଶବାସୀଙ୍କୁ ଶୁଭକାମନା ଜଣାଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ , ଉପରାଷ୍ଟ୍ରପତି ଏମ୍ ଭେଙ୍କେୟା ନାଇଡୁ ।
ଆଜିଠୁ ଖୋଲିବ ରାଜ୍ୟରେ ଥିବା ସମସ୍ତ ବିଶ୍ୱବିଦ୍ୟାଳୟ ଓ ଡିଗ୍ରୀ କଲେଜ
ଭୁବନେଶ୍ୱର: ଆଜିଠୁ ଖୋଲିବ ସାରା ରାଜ୍ୟରେ ଥିବା ବିଶ୍ୱବିଦ୍ୟାଳୟ ଓ ଡିଗ୍ରୀ କଲେଜ । କରୋନା ସଂକଟରେ ୩୦ ପ୍ରତିଶତ କର୍ମଚାରୀଙ୍କୁ ନେଇ ଖୋଲିବ କ୍ୟାମ୍ପସ । ଜୁଲାଇ ୨୪ରେ ସରିବ ଯୁକ୍ତ ୩ ଶେଷବର୍ଷ ପରୀକ୍ଷା । ଅଗଷ୍ଟ ୨୦ରେ ସରିବ ପିଜି ସେମିଷ୍ଟାର ପରୀକ୍ଷା ।
ସେପ୍ଟେମ୍ବରରୁ ଅକ୍ଟୋବର ମଧ୍ୟରେ ଆରମ୍ଭ ହେବ ପିଜି ଆଡମିଶନ୍ । ସେହିପରି ଛାତ୍ରଛାତ୍ରୀ ମାନଙ୍କୁ ଅନଲାଇନ ଶିକ୍ଷାଦାନ ଓ ପାଠ୍ୟପୁସ୍ତକ ଯୋଗାଇଦେବାକୁ ଏକ କମିଟି ଗଠନ କରାଯାଇଛି । ଅନ୍ୟପଟେ ନଭେମ୍ବରରୁ ପିଜି କ୍ଲାସ ଆରମ୍ଭ କରିବାକୁ ମଧ୍ୟ ନିଷ୍ପତ୍ତି ହୋଇଛି ।
ପ୍ରତି ପନ୍ଦର ଦିନରେ ଥରେ ଭିଡିଓ କନଫରେସିଂ ଜରିଆରେ କୁଳପତିଙ୍କ ସହ ସ୍ଥିତି ସଂପର୍କରେ ଆଲୋଚନା କରାଯିବ ବୋଲି ଉଚ୍ଚଶିକ୍ଷା ମନ୍ତ୍ରୀ କହିଛନ୍ତି ।
ସିପିଙ୍କୁ ସୋସିଆଲ୍ ମିଡିଆ ଟ୍ୱିଟରରେ ଜବରଦସ୍ତ ଟ୍ରୋଲ୍
ଭୁବନେଶ୍ୱର: କମିଶନରେଟ୍ ପୋଲିସର ଭୂତ ଟ୍ୱିଟକୁ ସୋସିଆଲ୍ ମିଡିଆରେ ଟ୍ରୋଲ୍ । ୧୨ ଘଣ୍ଟିଆ କର୍ଫ୍ୟୁରେ ଲୋକଙ୍କୁ ନୁହେଁ କେବଳ ଭୂତଙ୍କୁ ରାସ୍ତାରେ ବୁଲିବାକୁ ଅନୁମତି ଅଛି । କମିଶନରେଟ ପୋଲିସ ଟ୍ୱିଟର ହ୍ୟାଣ୍ଡେଲରୁ ହୋଇଥିବା ଟ୍ୱିଟ୍ ସୋସିଆଲ ମିଡିଆରେ ଟ୍ରୋଲର ଶିକାର ହୋଇଛି ।
ବିଶ୍ୱଜିତ୍ ମହାନ୍ତି ନାମକ ୟୁଜର ଲେଖିଛନ୍ତି- ଲକଡାଉନ୍ ଆଉ ୨ ମାସ ପାଇଁ ବୃଦ୍ଧି ହେଲେ ଆମେ ସମସ୍ତେ ଭୂତ ପାଲଟିଯିବୁ ।
ପୁଷ୍ପାଞ୍ଜଳି କର- ଆପଣ ସନ୍ଧ୍ୟା ୭ଟା ପରେ ଏବଂ ସକାଳ ୭ଟା ପୂର୍ବରୁ ଭୂତ ଦେଖିଛନ୍ତି ବୋଲି ପ୍ରଶ୍ନ କରିଛନ୍ତି ।
ରବିନାରାୟଣ ନାୟକ- ପୋଲିସର ଆଇନ୍ରେ ଭୂତ, ପ୍ରେତ ଯୋଡ଼ି ହେଲା କି ବୋଲି ଲେଖିଛନ୍ତି ?
ତନ୍ମୟ ଦାସ ଲେଖିଛନ୍ତି- ଏହା ଚାଇନାର ପ୍ରଭାବ । ଭୁବନେଶ୍ୱର ମନ୍ଦିରମାଳିନୀ ସହର ଭାବେ ଜଣାଶୁଣା । ଆପଣ ଏହାକୁ ଚୀନର ଓରଡାସ୍ କାଙ୍ଗବାସୀ ସହର ଭାବେ ନାମିତ କରିବାକୁ ଚାହୁଁଛନ୍ତି କି ? ବୋଲି ପ୍ରଶ୍ନ କରିଛନ୍ତି ।
ଟ୍ୱିଟ୍ କରି କର୍ଫ୍ୟୁ, କଟକଣା ନାଁରେ କମିଶନରରେଟ ପୋଲିସର ହିଟଲରି ଶାସନ !
ଏଭଳି ବିଭିନ୍ନ ୟୁଜର କମିଶନରେଟ୍ ପୋଲିସର ଭୂତ ଥିଓରିକୁ ସମାଲୋଚନା କରିବା ସହ ପୋଲିସ ଅନ୍ଧବିଶ୍ୱାସକୁ ଆପଣାଇଥିବା କହିଛନ୍ତି ।
ଟ୍ୱିଟ୍ କରି କର୍ଫ୍ୟୁ, କଟକଣା ନାଁରେ କମିଶନରରେଟ ପୋଲିସର ହିଟଲରି ଶାସନ !
କରୋନା ଭାଇରସ୍ ସମ୍ପର୍କିତ ମହତ୍ୱପୂର୍ଣ୍ଣ ଆବିଷ୍କାର କରିବାକୁ ଯାଉଥିବା ବୈଜ୍ଞାନିକଙ୍କୁ ଗୁଳିକରି ହତ୍ୟା
ପିଟରସବର୍ଗ ୟୁନିଭର୍ସିଟି ମେଡିସିନ ବିଭାଗର ଗବେଷକ ବିଙ୍ଗ୍ ଲିୟୁଙ୍କ ମୃତ୍ୟୁ ହୋଇଛି । ଶନିବାର ଏହି ୩୭ ବର୍ଷୀୟ ଗବେଷକଙ୍କ ମୃତଦେହ ରୋଜ୍ ଟାଉନ୍ସିପ୍ସ୍ଥିତ ତାଙ୍କ ଘର ଭିତରୁ ଉଦ୍ଧାର କରାଯାଇଛି । ମିଳିଥିବା ସୂଚନା ଅନୁଯାୟୀ ତାଙ୍କ ମୁଣ୍ଡ ଏବଂ ବେକକୁ ଗୁଳି ମରାଯାଇଛି । ଲିୟୁଙ୍କ ମୃତଦେହ ଉଦ୍ଧାର ହେବାର ଘଣ୍ଟାଏ ପରେ ତାଙ୍କ ଘରଠାରୁ ୧ମାଇଲ୍ ଦୂରରେ ଅନ୍ୟ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଥିଲା । ମୃତଦେହ ଉଦ୍ଧାର ହୋଇଥିବା ବ୍ୟକ୍ତିଙ୍କ ନାମ ହାଓ ଗୁ । ରୋଜ୍ ଟାଉନ୍ସିପ୍ର ଜଣେ ପୋଲିସ ଅଧିକାରୀଙ୍କ କହିବାନୁଯାୟୀ ଉଭୟ ଦୁହେଁ ଦୁହିଁଙ୍କୁ ଜାଣିଛନ୍ତି । ଗୁ ଲିୟୁଙ୍କୁ ଗୁଳି କରିବା ପରେ ନିଜ କାର୍ରେ ପହଞ୍ଚିଥିଲେ । ପରେ ନିଜେ ଆତ୍ମହତ୍ୟା କରିଥିବା ତଦନ୍ତକାରୀ ଅଧିକାରୀ ଅନୁମାନ କରୁଛନ୍ତି । ତେବେ ପୋଲିସ ସେମାନଙ୍କ ସମ୍ପର୍କ ନେଇ ତଦନ୍ତ ଜାରି ରଖିବା ସହ ହତ୍ୟାର କାରଣ ନେଇ ତନାଘନା ଚଳାଇଛି । ତେବେ କରୋନା ମହାମାରୀର ଭ୍ୟାକ୍ସିନ୍ ଉପରେ ଗବେଷଣା କରୁଥିଲେ ଏବଂ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ହାସଲ କରିଥିଲେ ପ୍ରଫେସର ବିଙ୍ଗ୍ ଲିୟୁ ।
ସିପିଙ୍କ ଆଖିରେ ଭୂତ କିଏ ? ବୁଝାଇବ କି କମିଶନରେଟ୍ ପୋଲିସ
ଭୁବନେଶ୍ୱର: ରାଜ୍ୟରେ ତୃତୀୟ ପର୍ଯ୍ୟାୟ ଲକଡାଉନ୍, ରାଜଧାନୀରେ ୧୨ ଘଣ୍ଟିଆ କର୍ଫ୍ୟୁ । ଆଉ ଏହି କର୍ଫ୍ୟୁ ପରିଚାଳନାକୁ ନେଇ କମିଶନରେଟ୍ ପୋଲିସକୁ ବିଭିନ୍ନ ମହଲରେ ସମାଲୋଚନା କରାଯାଉଛି । ଗତ ୪ ତାରିଖରୁ ରାଜଧାନୀରେ ଲାଗୁ ହୋଇଛି ୧୨ ଘଣ୍ଟିଆ କର୍ଫ୍ୟୁ । ମାନେ ସନ୍ଧ୍ୟା ୭ରୁ ସକାଳ ୭ କେହି ବି ଘରୁ ବାହାରି ପାରିବେ ନାହିଁ । ଯାହା ଟ୍ୱିଟ୍ କରି ସୂଚନା ଦେଇଥିଲେ ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ ।
As per lockdown condition effective from today, in all zones & across India, movement out of house is not permitted from 7 PM to 7 AM except for essential purposes.
All are requested to stay home during this time.
All emergency workers & goods are exempt from this restriction.— Dr Sudhanshu Sarangi (@SarangiSudhansu) May 4, 2020
ଆଉ ମେ ୬ ତାରିଖରେ କମିଶନରେଟ ପୋଲିସ ଟ୍ୱିଟରରେ ହ୍ୟାଣ୍ଡେଲରୁ ହୋଇଛି ଆଉ ଏକ ଟ୍ୱିଟ୍ । କାର୍ଟୁନ୍ ଚିତ୍ରରେ ୨ ପୋଲିସ ଅଫିସର ଥିବାବେଳେ ଭୂତ ମଧ୍ୟ ରହିଛି । ଲେଖାଯାଇଛି ଓନଲି ଘୋଷ୍ଟସ୍ କମ୍ ଆଉଟ୍ ଅନଭାଇଟେଡ୍ ଅର୍ଥାତ୍ ଭୂତମାନେ ବିନା ନିମନ୍ତ୍ରଣରେ ଆସନ୍ତି ।
Only Ghosts are allowed to roam around between 7 PM to 7 AM. And you are not one!#StayHome #StaySafe #OdishaFightsCorona #SocialDistancing #7PMTO7AM@SarangiSudhansu @dcpbbsr @DCP_CUTTACK @sagarika_nath @odisha_police pic.twitter.com/k45bUTjAhJ
— COMMISSIONERATE POLICE (@cpbbsrctc) May 6, 2020
କମିଶରେନଟ୍ ପୋଲିସ୍ ଉଲ୍ଲେଖ କରିଛି- ସନ୍ଧ୍ୟା ୭ଟାରୁ ସକାଳ ୭ଟା ପର୍ଯ୍ୟନ୍ତ ରାସ୍ତା ବା ବାହାରେ ବୁଲିବାକୁ କେବଳ ଭୂତଙ୍କୁ ଅନୁମତି ଅଛି । ଏବଂ ଆପଣ ସେଥିରୁ ଜଣେ ନୁହଁନ୍ତି ।
ଟ୍ୱିଟ୍ କରି କର୍ଫ୍ୟୁ, କଟକଣା ନାଁରେ କମିଶନରରେଟ ପୋଲିସର ହିଟଲରି ଶାସନ !
ଟ୍ୱିଟ୍ କରି କର୍ଫ୍ୟୁ, କଟକଣା ନାଁରେ କମିଶନରରେଟ ପୋଲିସର ହିଟଲରି ଶାସନ !
ଭୁବନେଶ୍ୱର: କେନ୍ଦ୍ର ନିୟମ ପାଳନ ଆଳରେ ଘଡ଼ିକୁ ଘୋଡ଼ା ଛୁଟୁଛି କମିଶନରେଟ ପୋଲିସରେ । କୌଣସି ନିୟମ ଲାଗୁ କରିବା ପୂର୍ବରୁ ଲୋକଙ୍କୁ ଅବଗତ ନ କରାଇ ଟ୍ୱିଟ୍ ମାଧ୍ୟମରେ ସୂଚନା ଦେବା କମିଶନରେଟ୍ ପୋଲିସର ନିତିଦିନିଆ ଘଟଣା ହୋଇଯାଇଛି । ଯାହା ସାଧାରଣରେ ଦ୍ୱନ୍ଦ୍ୱ ସୃଷ୍ଟ କରୁଛି । କରୋନା ଯୋଦ୍ଧାର ଆଖ୍ୟା ପାଇଥିବା ପୋଲିସ ହୁଏତ ଭୁଲି ଯାଇଛି ଯେ ଗଣମାଧ୍ୟମ ଓ ଜରୁରୀକାଳୀନ ସେବା ପ୍ରଦାନକାରୀ ବି କୌଣସି ଯୋଦ୍ଧା ଠାରୁ କମ୍ ନୁହନ୍ତି ।
ଲକଡାଉନ 1.0ରେ ରାସ୍ତାରେ ବିନା କାମରେ ଯେଉଁ ଲୋକ ବୁଲୁଥିଲେ, ସେମାନଙ୍କୁ ଲାଠି ମାଡ଼ କଲେ ଡିସିପି ନିର୍ମଳ ଶତପଥି ।
ଲକଡାଉନ 2.0: ଲାଠିମାଡ଼ ସହ ହାତରେ ପ୍ଲାକାର୍ଡ ଧରାଇଲା ପୋଲିସ । ପ୍ଲାକାର୍ଡରେ ଲେଖାଥିଲା, ମୁଁ ଦେଶର ଶତ୍ରୁ ।
ଲକଡାଉନ 3.0: ମେ ୪ ତାରିଖ । ହଠାତ୍ କର୍ଫ୍ୟୁ ଜାରି । ଜୁରୁରୀକାଳୀନ ସେବା ପ୍ରଦାନକାରୀ ବି ପୋଲିସ ଆକ୍ରୋଶରୁ ପଡ଼ିଲେନି ବାଦ୍ ।
ତେବେ, କର୍ଫ୍ୟୁ କେବେ ହେଲା ? ସେ କଥା ରାଜଧାନୀବାସୀ ଜାଣିପାରିଲେନି । କାରଣ ବିଜ୍ଞପ୍ତି ବଦଳରେ ଟ୍ୱିଟ୍ କଲେ ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ । ରାତି ୭ରୁ ସକାଳ ୭ଟା ଯାଏଁ ଲୋକେ ପଦାକୁ ନବାହାରିବାକୁ ଜଣାଇଲେ । ସଂଧ୍ୟା ୬ଟା ବାଜି ୪୧ ମିନିଟ୍ରେ ଟ୍ୱିଟ୍ କଲେ । ଆଉ କଟକଣା ତତ୍କ୍ଷଣାତ୍ ଲାଗୁ ହେଲା । ଲୋକ ପ୍ରତିନିଧି ବି କର୍ଫ୍ୟୁ ସଂପର୍କରେ ଅବଗତ ନଥିଲେ । ଯେତେବେଳେ ପୋଲିସ୍ ଅଟକାଇଲେ, କର୍ଫ୍ୟୁ କଥା ଜାଣିପାରିଲେ ବିଧାୟକ ।
ଏବେ, କର୍ଫ୍ୟୁକୁ ଭଲ ଭାବେ ଜଣାଗଲାଣି । ହେଲେ ରାଜଧାନୀ ରାସ୍ତାରେ ଯାହାକୁ ବି ଦେଖିଲେ, ତାକୁ ଅଟକାଇଲେ ପୋଲିସ । ଜରୁରୀକାଳୀନ ସେବା ପ୍ରଦାନକାରୀ, ପାସ୍ ଥିବା ଲୋକ ସମସ୍ତେ ପୋଲିସ ଦୁର୍ବ୍ୟବହାରର ଶିକାର ହେଲେ । ଏବେ ରାଜଧାନୀବାସିନ୍ଦା ପୋଲିସ୍ କମିଶନରଙ୍କୁ ପଚାରିଛନ୍ତି ୭ଟି ପ୍ରଶ୍ନ ।
୧) କରୋନା ଯୋଦ୍ଧା କଣ କେବଳ ପୋଲିସ ?
୨) ଜରୁରୀକାଳୀନ ସେବା ପ୍ରଦାନକାରୀ କଣ କରୋନା ଯୋଦ୍ଧା ନୁହଁନ୍ତି ?
୩) ପୋଲିସ ଦେଇଥିବା ପାସଧାରୀଙ୍କୁ ବି କଣ ଅଟକାଯିବ ?
୪) ରୁଟିନ୍ ଚେକ୍ ନାଁରେ ପୋଲିସର ଦୁର୍ବ୍ୟବହାର କଣ ଗ୍ରହଣୀୟ ?
୫) ପୋଲିସ କମିସନରଙ୍କ ବ୍ୟକ୍ତିଗତ ଟ୍ୱିଟ୍ କଣ ସରକାରୀ ବିଜ୍ଞପ୍ତି ?
୬) ରାଜଧାନୀରେ କର୍ଫ୍ୟୁ ଲାଗୁ ହେବାର ୨ ଦିନ ପରେ କାହିଁକି ବିଜ୍ଞପ୍ତି ପ୍ରକାଶ କଲେ କମିଶନର ?
୭) ଆଇନ୍ ନାଁରେ ପବ୍ଲିସିଟି ଷ୍ଟଣ୍ଟ କରିବାକୁ ଚେଷ୍ଟା କରୁଛନ୍ତି କି ପୋଲିସ କମିଶନର ?
କଣ୍ଟେନମେଣ୍ଟ ଏରିଆରେ ସିଲିଂ ପରେ ଟିଭି ନ୍ୟୁଜ୍ ଚ୍ୟାନେଲରେ ଘନ ଘନ ସାକ୍ଷାତକାର ଦେବାକୁ ଲାଗିଲେ ପୋଲିସ କମିଶନର ଓ ତାଙ୍କ ଟିମ୍ । ପ୍ରାମାଣିକ ଚଳଚ୍ଚିତ୍ରରେ ଡିସିପି ନିର୍ମଳ ଶତପଥି ଲୋକଙ୍କୁ ସଚେତନ କରିବା ନାଁରେ ପବ୍ଲିସିଟି ଷ୍ଟଣ୍ଟ ବି କଲେ । ହେଲେ ଯେବେ ରାଜଧାନୀବାସୀଙ୍କ ଦ୍ୱନ୍ଦ୍ୱ ଦୂର କରିବା ସମୟ ଆସିଲା, ପଛଘୁଞ୍ଚା ଦେଲେ । ଯେଉଁଠି ଜରୁରୀକାଳୀନ ସେବାପ୍ରଦାନକାରୀଙ୍କୁ ଛାଡ଼ିବାକୁ ଉଭୟ କେନ୍ଦ୍ର ଓ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି, ସେଠାରେ ଚେକିଂକୁ ଆଳ କରି ହଇରାଣ କରିବାର ଅଧିକାର କମଶନରେଟ ପୋଲିସକୁ ଦେଲା କିଏ ?
ତରୁଣ ବଜାଜ ହେଲେ ଭାରତୀୟ ରିଜର୍ଭ ବ୍ୟାଙ୍କ ସେଣ୍ଟ୍ରାଲ ବୋର୍ଡର ନୂଆ ନିର୍ଦ୍ଦେଶକ
ନୂଆଦିଲ୍ଲୀ: ତରୁଣ ବଜାଜ ହେଲେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ସେଣ୍ଟ୍ରାଲ ବୋର୍ଡର ନୂଆ ନିର୍ଦ୍ଦେଶକ । କେନ୍ଦ୍ର ସରକାରଙ୍କ ପକ୍ଷରୁ ତାଙ୍କୁ ନିଯୁକ୍ତି ଦିଆଯାଇଛି । ତରୁଣ ପୂର୍ବରୁ କେନ୍ଦ୍ରୀୟ ବୋର୍ଡର ଅର୍ଥନୈତିକ ବ୍ୟାପାର ସଚିବ ଭାବେ ଦାୟିତ୍ୱ ତୁଲାଉଥିଲେ । ଏପ୍ରିଲ ୩୦ରେ ପୂର୍ବତନ ନିର୍ଦ୍ଦେଶକ ଅତନୁ ଚକ୍ରବର୍ତ୍ତୀ ଅବସର ନେବା ପରେ ତାଙ୍କ ସ୍ଥାନରେ ତରୁଣଙ୍କୁ ନିଯୁକ୍ତ କରାଯାଇଛି । ଏନେଇ ଆରବିଆଇ ପକ୍ଷରୁ ଏକ ପ୍ରେସ୍ ବିବୃତ୍ତି ଜାରି କରଯାଇଛି । ବଜାଜଙ୍କ ନାମାଙ୍କନ ମେ ୫ ତାରିଖରୁ କାର୍ଯ୍ୟକାରୀ ହେବ ବୋଲି ବିବୃତ୍ତିରେ ଦର୍ଶାଯାଇଛି ।
ତରୁଣ ହେଉଛନ୍ତି ୧୯୮୮-ବ୍ୟାଚ୍ ହରିୟାଣା କ୍ୟାଡର ଆଇଏଏସ୍ ଅଧିକାରୀ । ପୂର୍ବରୁ ଅନେକ ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ୱ ସେ ନେଇସାରିଛନ୍ତି । ଅର୍ଥନୈତିକ ବ୍ୟାପାର ସଚିବ ଭାବରେ ଦାୟିତ୍ୱ ଗ୍ରହଣ କରିବା ସହ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଅତିରିକ୍ତ ସଚିବ ଭାବେ ମଧ୍ୟ ସେ ଦାୟିତ୍ୱ ତୁଲାଇଛନ୍ତି ।
ସେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଗତ ୨୦୧୫ ରେ ଯୋଗଦେବା ପୂର୍ବରୁ ଅର୍ଥନୈତିକ ବ୍ୟାପାର ବିଭାଗର ଯୁଗ୍ମ ସଚିବ ଥିଲେ ଏବଂ ବହୁପକ୍ଷୀୟ ପାଣ୍ଠି ଏଜେନ୍ସି ବିଭାଗର ତଦାରଖ କରୁଥିଲେ । ସେ ଆର୍ଥିକ ବିଭାଗର ଯୁଗ୍ମ ସଚିବ ଏବଂ ନିର୍ଦ୍ଦେଶକ ଭାବରେ ଚାରି ବର୍ଷ ଧରି ବୀମା ବିଭାଗର ଦାୟିତ୍ୱ ମଧ୍ୟ ତୁଲାଇସାରିଛନ୍ତି ।