ଭୁବନେଶ୍ୱର : ରାଜଧାନୀ ଭୁବନେଶ୍ୱରରେ ଶେଷ ୨୪ ଘଣ୍ଟାରେ ୩୭୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୧୬୬ ଜଣ ସ୍ଥାନୀୟ ସଂକ୍ରମିତ ହୋଇଥିବା ବେଳେ କ୍ୱାରେଣ୍ଟାଇନରୁ ୨୦୪ ଜଣ ବ୍ୟକ୍ତି ସଂକ୍ରମଣର ଶୀକାର ହୋଇଛନ୍ତି । ସମସ୍ତ ସଂକ୍ରମିତଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଛି । ଉଲ୍ଲେଖଯୋଗ୍ୟ ଯେ ଚିହ୍ନଟ ହୋଇଥିବା ସଂକ୍ରମିତମାନଙ୍କ ମଧ୍ୟରୁ ୧୯୭ ଜଣ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ । ଅନ୍ୟପକ୍ଷରେ ରାଜଧାନୀରେ ଆଜି ୧୫୦ ଜଣ ସଂକ୍ରମିତ ସୁସ୍ଥ ହୋଇ ଫେରିଛନ୍ତି । ଆଜିର ଦିନର ସୁସ୍ଥ ବ୍ୟକ୍ତିଙ୍କ ସଂଖ୍ୟାକୁ ମିଶାଇ ଭୁବନେଶ୍ୱରରେ ସମୁଦାୟ ୩୮୪୦ ଜଣ ସୁସ୍ଥ ହୋଇଛନ୍ତି ।
Update on newly detected & cured #COVID19 cases in the last 24 hrs under the BMC area on 19th Aug 2020(till 9am).
Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/Uml2BqEEmo— BMC (@bmcbbsr) August 19, 2020
ସେହିଭଳି କରୋନା ସଂକ୍ରମଣ ଶୀକାର ହୋଇ ଭୁବନେଶ୍ୱରରେ ୩୦ ଜଣଙ୍କର ମୃତ୍ୟୁ ଘଟିଥିବା ବେଳେ ୨୨୦୧ ଜଣ ସକ୍ରିୟ ସଂକ୍ରମିତ ରହିଛନ୍ତି । ଉଲ୍ଲେଖଯୋଗ୍ୟ ଯେ ଗତ ଦୁଇ ସପ୍ତାହ ହେବ ଖୋର୍ଦ୍ଧା ଜିଲ୍ଲା ସଂକ୍ରମିତ ସଂଖ୍ୟା ତାଲିକାରେ ଆଗକୁ ଆସିଛି । ଏପରିକି ଦିନେ ଦିନେ ଗଞ୍ଜାମର ସଂକ୍ରମିତଙ୍କ ସଂଖ୍ୟାକୁ ମଧ୍ୟ ଟପୁଛି । ତେବେ ପ୍ରାୟତଃ ଖୋର୍ଦ୍ଧାର କରୋନା ସଂକ୍ରମଣ ପାଇଁ ଭୁବନେଶ୍ୱରକୁ ଦାୟୀ କରାଯାଇପାରିବ । ଖୋର୍ଦ୍ଧା ଗ୍ରାମାଞ୍ଚଳରେ ସଂକ୍ରମଣର ମାତ୍ରା ଯଥେଷ୍ଟ କମ୍ ରହିଛି । ସୂଚନା ଥାଉ କି, ରାଜଧାନୀରେ ଏଯାବତ୍ ୬୦୭୭ ଜଣ ବ୍ୟକ୍ତି କୋଭିଡ୍ ପଜିଟିଭ୍ ଚିହ୍ନଟ ହେଲେଣି।
ରିପୋର୍ଟ ଅନୁସାରେ ଯାତ୍ରୀ ମାନଙ୍କୁ ଝାନସୀ ପାଇଁ ଅନ୍ୟ ଏକ ବସରେ ବସାଇବା ପରେ ଫାଇନାନ୍ସ କମ୍ପାନୀର କର୍ମଚାରୀ ଇଟାଓ୍ୱା ପାଇଁ ବାହାରିଗଲେ । ତେବେ ବସ ମାଲିକ ଅଶୋକ ଅରୋରା ଗ୍ୱାଲିଅରରେ ରୁହନ୍ତି । ସେ ୨୫୦ଟି ବସର ମାଲିକ । କଳ୍ପନା ଟ୍ରାଭେଲ ନାମରେ ତାଙ୍କର ବସ ସର୍ଭିସ ଅଛି । ସେ ଏହି ଟ୍ରାଭେଲ୍ସର ନାମ ତାଙ୍କ ଝିଅ ନାମ ଅନୁସାରେ ରଖିଛନ୍ତି । ଅଶୋକଙ୍କ ଝିଅ କଳ୍ପନା ବିବାହ ପରେ ଇଟାଓ୍ୱାରେ ରହୁଛନ୍ତି । ଗତ ମଙ୍ଗଳବାର ଦିନ ଅଶୋକ ଅରୋରାଙ୍କର ମୃତ୍ୟୁ ହୋଇଥିବା କୁହାଯାଉଛି । ତାଙ୍କ ମୃତ୍ୟୁ ପରେ ଫାଇନାନ୍ସ କମ୍ପାନୀ ତାଙ୍କ ବସକୁ ନେବାରେ ଲାଗିଛନ୍ତି ।