Bhubaneswar Corona Updates : ବଢୁଛି ସଂକ୍ରମଣ, ସୁସ୍ଥ ହେଲେ ୧୫୦

ଭୁବନେଶ୍ୱର : ରାଜଧାନୀ ଭୁବନେଶ୍ୱରରେ ଶେଷ ୨୪ ଘଣ୍ଟାରେ ୩୭୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୧୬୬ ଜଣ ସ୍ଥାନୀୟ ସଂକ୍ରମିତ ହୋଇଥିବା ବେଳେ କ୍ୱାରେଣ୍ଟାଇନରୁ ୨୦୪ ଜଣ ବ୍ୟକ୍ତି ସଂକ୍ରମଣର ଶୀକାର ହୋଇଛନ୍ତି । ସମସ୍ତ ସଂକ୍ରମିତଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଛି । ଉଲ୍ଲେଖଯୋଗ୍ୟ ଯେ ଚିହ୍ନଟ ହୋଇଥିବା ସଂକ୍ରମିତମାନଙ୍କ ମଧ୍ୟରୁ ୧୯୭ ଜଣ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ । ଅନ୍ୟପକ୍ଷରେ ରାଜଧାନୀରେ ଆଜି ୧୫୦ ଜଣ ସଂକ୍ରମିତ ସୁସ୍ଥ ହୋଇ ଫେରିଛନ୍ତି । ଆଜିର ଦିନର ସୁସ୍ଥ ବ୍ୟକ୍ତିଙ୍କ ସଂଖ୍ୟାକୁ ମିଶାଇ ଭୁବନେଶ୍ୱରରେ ସମୁଦାୟ ୩୮୪୦ ଜଣ ସୁସ୍ଥ ହୋଇଛନ୍ତି ।

ସେହିଭଳି କରୋନା ସଂକ୍ରମଣ ଶୀକାର ହୋଇ ଭୁବନେଶ୍ୱରରେ ୩୦ ଜଣଙ୍କର ମୃତ୍ୟୁ ଘଟିଥିବା ବେଳେ ୨୨୦୧ ଜଣ ସକ୍ରିୟ ସଂକ୍ରମିତ ରହିଛନ୍ତି । ଉଲ୍ଲେଖଯୋଗ୍ୟ ଯେ ଗତ ଦୁଇ ସପ୍ତାହ ହେବ ଖୋର୍ଦ୍ଧା ଜିଲ୍ଲା ସଂକ୍ରମିତ ସଂଖ୍ୟା ତାଲିକାରେ ଆଗକୁ ଆସିଛି । ଏପରିକି ଦିନେ ଦିନେ ଗଞ୍ଜାମର ସଂକ୍ରମିତଙ୍କ ସଂଖ୍ୟାକୁ ମଧ୍ୟ ଟପୁଛି । ତେବେ ପ୍ରାୟତଃ ଖୋର୍ଦ୍ଧାର କରୋନା ସଂକ୍ରମଣ ପାଇଁ ଭୁବନେଶ୍ୱରକୁ ଦାୟୀ କରାଯାଇପାରିବ । ଖୋର୍ଦ୍ଧା ଗ୍ରାମାଞ୍ଚଳରେ ସଂକ୍ରମଣର ମାତ୍ରା ଯଥେଷ୍ଟ କମ୍ ରହିଛି । ସୂଚନା ଥାଉ କି, ରାଜଧାନୀରେ ଏଯାବତ୍ ୬୦୭୭ ଜଣ ବ୍ୟକ୍ତି କୋଭିଡ୍ ପଜିଟିଭ୍ ଚିହ୍ନଟ ହେଲେଣି।

Leave a Reply

Your email address will not be published.