ପ୍ରଣବ ମୁଖାର୍ଜୀଙ୍କ ସ୍ୱାସ୍ଥ୍ୟାବସ୍ଥାରେ ଅବନତି, ଫୁସଫୁସରେ ସଂକ୍ରମଣ

ନୂଆଦିଲ୍ଲୀ: ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସ୍ୱାସ୍ଥ୍ୟାବସ୍ଥାରେ ଏପର୍ଯ୍ୟନ୍ତ କୌଣସି ଉନ୍ନତି ପରିଲକ୍ଷିତ ହୋଇନାହିଁ । ସ୍ୱାସ୍ଥ୍ୟାବସ୍ଥାରେ ଉନ୍ନତି ଦେଖାଯିବା ପରିବର୍ତ୍ତେ ପ୍ରଣବ କୋମାକୁ ଚାଲି ଯାଇଛନ୍ତି । ତାଜା ଖବର ଅନୁସାରେ ହସ୍ପିଟାଲ ପକ୍ଷରୁ ବୁଧବାର ଦିନ ଏକ ରିପୋର୍ଟ ଜାରି କରାଯାଇଛି । ଯେଉଁଥିରେ ପ୍ରଣବଙ୍କ ଫୁସଫୁସରେ ସଂକ୍ରମଣ ହୋଇଥିବା ଅନୁମାନ କରାଯାଉଛି ବୋଲି କୁହାଯାଇଛି ।  ପୂର୍ବତନ ରାଷ୍ଟ୍ରପତି ବର୍ତ୍ତମାନ ଭେଣ୍ଟିଲେଟରରେ ଅଛନ୍ତି ଏବଂ ଏକ ବିଶେଷ ଡାକ୍ତର ଟିମ୍ ତାଙ୍କ ଚିକିତ୍ସାରେ ନିୟୋଜିତ  ଅଛନ୍ତି ।

There has been a decline in the medical condition of Former President Pranab Mukherjee as he has developed features of lung infection. He continues to be on ventilatory support & is currently being managed by a team of specialists: Army Research&Referral Hospital,Delhi
(file pic) pic.twitter.com/ZVYVj3kLF6

— ANI (@ANI) August 19, 2020

କହିରଖୁଛୁ ୮୪ ବର୍ଷୀୟ ଏହି ରାଷ୍ଟ୍ରପତିଙ୍କର ପ୍ରଥମେ ବ୍ରେନ ସର୍ଜରୀ ହୋଇଥିଲା ।  ଚିକିତ୍ସା ପାଇଁ ହସ୍ପିଟାଲକୁ ଯାଇଥିବା ସମୟରେ ତାଙ୍କର କରୋନା ପରୀକ୍ଷଣ କରାଯାଇଥିଲା । ଯାହାପରେ ରିପୋର୍ଟ ପଜିଟିଭ ଆସିବାରୁ ତାଙ୍କୁ ଗତ ଅଗଷ୍ଟ ୧୦ରେ ଦିଲ୍ଲୀର ଛାବନୀର ସୈନ୍ୟ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ତା ପରଠାରୁ କୋମାକୁ ଚାଲି ଯାଇଛନ୍ତି ପ୍ରଣବ ।

On a visit to the hospital for a separate procedure, I have tested positive for COVID19 today.
I request the people who came in contact with me in the last week, to please self isolate and get tested for COVID-19. #CitizenMukherjee

— Pranab Mukherjee (@CitiznMukherjee) August 10, 2020

ଗତ ଅଗଷ୍ଟ ୧୦ରେ ଏକ ଟ୍ୱିଟ ମାଧ୍ୟମରେ ନିଜ ସ୍ୱାସ୍ଥ୍ୟବସ୍ଥା ସଂପର୍କରେ ସୂଚନା ଦେଇଥିଲେ  ପ୍ରଣବ । ଅନ୍ୟ କାରଣ ପାଇଁ ହସ୍ପିଟାଲକୁ ଆସିଥିବା ବେଲେ କରୋନ ପରୀକ୍ଷଣରେ ତାଙ୍କ ରିପୋର୍ଟ ପଜିଟିଭ୍ ଆସିଛି ବୋଲି ସେତେବେଳେ ସୂଚନା ଦେଇଥିଲେ ପ୍ରଣବ ।  କହିରଖୁଛୁ ୨୦୧୨-୧୭ ପର୍ଯ୍ୟନ୍ତ ଦେଶର ୧୩ତମ ରାଷ୍ଟ୍ରପତି ଥିଲେ ପ୍ରଣବ ।