ଭିଜିଲାନ୍ସ ଚଢ଼ଉ ପରେ ଗିରଫ ହେଲେ ପୂର୍ବତନ ରେଞ୍ଜର

ଭୁବନେଶ୍ୱର : ବାଲୁଗାଁର ଅବସରପ୍ରାପ୍ତ ରେଞ୍ଜର ଅଭୟ ଜେନା ଗିରଫ ହୋଇଛନ୍ତି । ଆୟ ବହିର୍ଭୁତ ସମ୍ପତି ଠୁଳ ଅଭିଯୋଗରେ ଅଭୟ ଜେନାଙ୍କୁ ଗିରଫ କରାଯାଇଛି । ଗିରଫ କଲା ଭୁବନେଶ୍ୱର ଭିଜିଲାନ୍ସ ଡିଭିଜନ । ରେଞ୍ଜର ଅଭୟ ଜେନାଙ୍କ ଘରୁ ୪ କୋଟି ୩୭ ଲକ୍ଷ ଟଙ୍କା ସମ୍ପତ୍ତି ଠାବ କରିଛି ଭିଜିଲାନ୍ସ । ଭୁବନେଶ୍ୱରର ଗୋଟିଏ ୩ ମହଲା କୋଠା ଓ ବାରଙ୍ଗ ଓ ଜଟଣୀରେ ୯ଟି ପ୍ଳଟ, ବ୍ୟାଙ୍କ ଡେପୋଜିଟ୍, ସୁନା ଗହଣା ଓ ୨ଟି ଚାରି ଚକିଆ ଠାବ କରାଯାଇଛି ।

ଆୟ ବର୍ହିଭୂତ ସମ୍ପତ୍ତି ଠୂଳ ଅଭିଯୋଗରେ ଗତକାଲି  ଅଭୟଙ୍କ ସରକାରୀ ବାସଭବନ ସହ ୫ଟି ସ୍ଥାନରେ ଚଢ଼ାଉ କରିଥିଲା ଭିଜିଲାନ୍ସ । କଟକସ୍ଥିତ ମହୁମାଛିଗଳି, ହିନ୍ଦୋଳକୋଠି, ତୁଳସିପୁର ବାସଭବନରେ ରେଡ୍ ହୋଇଥିଲା । ପୂର୍ବରୁ ମଧ୍ୟ ୧୯୯୯ ମସିହାରେ ତାଙ୍କ ଘରେ  ଭିଜିଲାନ୍ସ ରେଡ୍ କରିଥିଲା ।  ଗତ ୫ମାସ ତଳେ ଅଭୟ କୁମାର ଜେନା ଅବସର ନେଇଥିଲେ।

Leave a Reply