ନୂଆଦିଲ୍ଲୀ: କରୋନା ଭାଇରସ୍ ଭ୍ୟାକ୍ସିନ୍ ଉତ୍ପାଦନ ଓ ଏହା ସହ ଜଡ଼ିତ ଅନ୍ୟ ପ୍ରସଙ୍ଗ ଉପରେ ସୋମବାର ଏକ୍ସପର୍ଟ ଗ୍ରୁପର ବୈଠକ ହୋଇଛି । ଏହି ବୈଠକରେ ଲୋକଙ୍କୁ କେତେ ଶୀଘ୍ର ଭ୍ୟାକ୍ସିନ୍ ଦିଆଯାଇ ପାରିବ ଓ ଡୋଜ୍ କେମିତି ରହିବ ସେନେଇ ଆଲୋଚନା କରାଯାଇଛି ।
ଯେଉଁମାନେ ପୂର୍ବରୁ କରୋନା ସଂକ୍ରମିତ ହୋଇନାହାଁନ୍ତି । ସେମାନଙ୍କୁ ଅଗ୍ରାଧିକାର ଦିଆଯିବ । ପୂର୍ବରୁ ସଂକ୍ରମିତ ହୋଇଥିବା ଲୋକଙ୍କ ଶରୀରରେ ଆଣ୍ଟିବଡ଼ି ତିଆରି ହୋଇ ସାରିଛି । ତେଣୁ, ଏହି ଦୃଷ୍ଟିରୁ ପ୍ରାଥମିକ ପର୍ଯ୍ୟାୟରେ ସେମାନଙ୍କୁ ଭ୍ୟାକ୍ସିନ୍ ଦିଆଯିବ ନାହିଁ । ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହି ସାରିଛନ୍ତି ହେଲଥ କେୟାର ଓ ଫ୍ରଣ୍ଟଲାଇନ୍ ୱାକର୍ସଙ୍କୁ ପ୍ରାଥମିକତା ଦିଆଯାଇ ପ୍ରଥମେ ଭ୍ୟାକ୍ସିନ୍ ଦିଆଯିବ ।
ବୟସ୍କ ଲୋକଙ୍କୁ ରିସ୍କ ଗ୍ରୁପରେ ରଖାଯାଇଛି । ବୈଠକରେ ନୀତି ଆୟୋଗ ସଦସ୍ୟ ଡାକ୍ଟର ବିକେ ପାଲ ଭ୍ୟାକ୍ସିନ୍ ବିଷୟରେ ସୂଚନା ଦେଇଥିଲେ । ଭ୍ୟାକ୍ସିନ୍ ଅଲଗା ଅଲଗା ଷ୍ଟେଜରେ ରହିଛି । ସେଥିରୁ ଗୋଟିଏ ଭ୍ୟାକ୍ସିନର ତୃତୀୟ ପର୍ଯ୍ୟାୟ ଟ୍ରାଏଲ ଆସନ୍ତା ସପ୍ତାହରୁ ଆରମ୍ଭ ହେବ । ସୋମବାର କିମ୍ବା ମଙ୍ଗଳବାର ତୃତୀୟ ପର୍ଯ୍ୟାୟ ଟ୍ରାଏଲ୍ ଆରମ୍ଭ ହେବ । ଏହାକୁ ନେଇ କାମ ଆରମ୍ଭ ହୋଇଛି । ଭ୍ୟାକ୍ସିନ୍ ଫଳପ୍ରଦ ହେଲେ ଏହା ସପ୍ଲାଏକୁ ତୁରନ୍ତ କାମ ହେବ । କିଛି ଭ୍ୟାକ୍ସିନ୍କୁ କୋଲ୍ଡଚେନ୍ ପ୍ରକ୍ୟୁରମେଣ୍ଟ ଆବଶ୍ୟକତା ପଡ଼ିପାରେ । କିଛି ଭ୍ୟାକ୍ସିନ୍ ପ୍ରତି ବ୍ୟକ୍ତିକୁ ୨ଟି ଡୋଜ୍ ଦେବାକୁ ପଡ଼ିପାରେ ।
ଡାକ୍ତର ପାଲଙ୍କ ମୁତାବିକ ଭାରତରେ ତିନୋଟି ଭ୍ୟାକ୍ସିନ୍ ଉପରେ କାମ ଚାଲିଛି । ଗୋଟିଏ ଭ୍ୟାକ୍ସିନ୍ ଦିନେ ଦୁଇଦିନ ଭିତରେ ତୃତୀୟ ପର୍ଯ୍ୟାୟକୁ ଯିବ । ଯେତେବେଳେ କି ଅନ୍ୟ ୨ଟି ଭ୍ୟାକ୍ସିନ୍ ପ୍ରଥମ ଓ ଦ୍ୱିତୀୟ ପର୍ଯ୍ୟାୟରେ ରହିଛି ।
