spot_img
Home Blog Page 6008

ରାଜ୍ୟସଭାରେ ସସ୍ମିତ ଉଠାଇଲେ ବଳକା ଚାଉଳ ପ୍ରସଙ୍ଗ; କହିଲେ ତୁରନ୍ତ ଉଠାଯାଉ ବକେୟା ଚାଉଳ

ଭୁବନେଶ୍ବର: ରାଜ୍ୟସଭାରେ ବଳକା ଚାଉଳ ପ୍ରସଙ୍ଗ ଉଠାଇଲେ ସାଂସଦ ସସ୍ମିତ ପାତ୍ର । ଖାଦ୍ୟ ଶସ୍ୟ ଉତ୍ପାଦନରେ ଓଡିଶା ଦେଶର ଚତୁର୍ଥ ବୃହତମ ରାଜ୍ୟ । କିନ୍ତୁ ଏବେ ମଧ୍ୟ ରାଜ୍ୟରେ ଚାଉଳ ଉଠାଯାଇନାହିଁ । ତେଣୁ ବଳକା ଚାଉଳ ତୁରନ୍ତ ଉଠାଇବାକୁ ଦାବି କରିଛନ୍ତି ସାଂସଦ । ରାଜ୍ୟରେ ପ୍ରାୟ ୩୦ଲକ୍ଷ ମେଟ୍ରିକ ଟନ ଚାଉଳ ଏବେ ବଳକା ରହିଥିବା ଦାବି ଉଠାଇଲେ ସାଂସଦ ସସ୍ମିତ ପାତ୍ର ।

ସେହିପରି ସାଂସଦ କହିଛନ୍ତି ଧାନକିଣା ସବ୍‌ସିଡି ବାବଦକୁ ୫ ହଜାର ୬୧୬ କୋଟି ଟଙ୍କା କେନ୍ଦ୍ର ସରକାରଙ୍କ ଉପରେ ବାକି ପଡ଼ିଛି । ଏବେ ପର୍ଯୟନ୍ତ ଏ ପ୍ରାପ୍ୟ ମିଳିପାରିନାହିଁ । କେନ୍ଦ୍ର ସରକାରଙ୍କ ତୁରନ୍ତ ବଳକା ଚାଉଳ ଉଠାଇବା ସହ ବାକି ପଡ଼ିଥିବା ସବ୍‌ସିଡି ଟଙ୍କା ତୁରନ୍ତ ପ୍ରଦାନ ପାଇଁ ଦାବି କରିଛନ୍ତି ସସ୍ମିତ ପାତ୍ର ।

ସେହିପରି ଖରିଫ ଋତୁରେ କେନ୍ଦ୍ର ଉଠାଇବାକୁ ଥିବା ୩୦ ଲକ୍ଷ ମେଟ୍ରିକ ଟ୍ରନ ଚାଉଳ ତୁରନ୍ତ ଉଠାନ୍ତୁ । ଏବଂ କେନ୍ଦ୍ର ଉପରେ ରହିଥିବା ବକେୟା ପ୍ରାପ୍ୟ ମଧ୍ୟ ତୁରନ୍ତ ପ୍ରଦାନ କରାଯାଉ ବୋଲି ରାଜ୍ୟସଭା ଅଧ୍ୟକ୍ଷଙ୍କୁ ଦାବି ଜଣାଇଛନ୍ତି ବିଜେଡ଼ି ସାଂସଦ ସସ୍ମିତ ପାତ୍ର ।

ଏକ କିଲୋ ମାଂସ ପ୍ରସ୍ତୁତ ପାଇଁ ଯେତିକି ପାଣି ଖର୍ଚ୍ଚ ହୁଏ, ସେତିକିରେ ଜଣେ ବର୍ଷେ ଗାଧୋଇ ପାରିବେ !

ନୂଆଦିଲ୍ଲୀ: ଆଜି ବିଶ୍ୱ ଜଳ ଦିବସ । ଜଳ ସଂରକ୍ଷଣ ପାଇଁ ଜାତିସଂଘ ଉଦ୍ୟମରେ ଏହା ୧୯୯୩ ମସିହାରୁ ପାଳିତ ହୋଇ ଆସୁଛି । ଚଳିତ ବର୍ଷର ଥିମ୍ ହେଉଛି ‘ପାଣିର ମହତ୍ୱ’ । ପାଣିର ମହତ୍ୱ ଆମ ଜୀବନରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କିନ୍ତୁ ଦୁଃଖର କଥା ହେଉଛି ଆମେ ଏହାକୁ ଅଧିକ ଗୁରୁତ୍ୱ ଦେଇ ନଥାଉ । ଜୀବନର ଆରମ୍ଭ ହିଁ ପାଣିରୁ ହୋଇଥାଏ । ମା’ଗର୍ଭରେ ୯ ମାସ ରହିବାଠାରୁ ଚିତାଭଷ୍ମ ନଦୀ ଜଳରେ ପ୍ରବାହିତ କରିବା ପର୍ଯ୍ୟନ୍ତ, ଜଳ ଜୀବନରେ ମହତ୍ୱପୂର୍ଣ୍ଣ ଭୂମିକା ନିର୍ବାହ କରିଥାଏ ।
ଆମେ ଦୈନନ୍ଦିନ ଜୀବନରେ ଯେଉଁ ସବୁ ବସ୍ତୁର ଉପଯୋଗ କରିଥାଉ ସେସବୁର ଉତ୍ପାଦନରେ କେତେ ପାଣି ଖର୍ଚ୍ଚ ହୋଇଥାଏ ଓ ସେହି ସବୁ ବସ୍ତୁ ବ୍ୟବହାରକୁ ଯଦି ନିୟନ୍ତ୍ରଣ କରାଯିବ ତେବେ କେତେ ଜଳ ସଂରକ୍ଷଣ ହେବ ତାହା ଜାଣିଲେ ଆପଣ ଚକିତ ହେବେ ।

ପୁଡୁଚେରିର ପୂର୍ବତନ ଉପ ରାଜ୍ୟପାଳ କିରନ ବେଦୀ ଏକ ଟ୍ୱିଟ୍ କରି ଏମିତି ସୂଚନା ଦେଇଛନ୍ତି ଯାହା ଆପଣଙ୍କୁ ଚକିତ କରିବ । ଏକ ଦୈନିକ ଖବରକାଗଜର କ୍ଲିପିଂ ସେୟାର କରି କିରନ ବେଦି ଲେଖିଛନ୍ତି ଯେ, ଏକ କିଲୋ ମାଂସ ପ୍ରସ୍ତୁତ କରିବାକୁ ସେତିକି ପାଣି ଆବଶ୍ୟକ ଯେତିକିରେ ଜଣେ ବ୍ୟକ୍ତି ଗୋଟିଏ ବର୍ଷ ସ୍ନାନ କରିପାରିବେ । ସେହିଭଳି ଏକ କିଲୋ ଚିକେନ୍ ଉତ୍ପାଦନ ପାଇଁ ଆବଶ୍ୟକ ପାଣିରେ ଜଣେ ବ୍ୟକ୍ତି ୪ ମାସ ଗାଧୋଇ ପାରିବେ । ଯଦି ଏକ କିଲୋ ଗହମ ଉତ୍ପାଦନ ପାଇଁ ଆବଶ୍ୟକ ପାଣିକୁ ଏକ କିଲୋ ମାଂସ ଉତ୍ପାଦନ ପାଇଁ ଆବଶ୍ୟକ ପାଣି ସହିତ ତୁଳନା କରାଯାଏ ତେବେ କିଲେ ମାଂସ ଉତ୍ପାଦନ ପାଇଁ ଆବଶ୍ୟକ ପାଣିର ଏକ ପ୍ରତିଶତରେ ଏକ କିଲୋ ଗହମ ଉତ୍ପାଦନ ହୋଇପାରିବ ।

ଏହି ତୁଳନାତ୍ମକ ଅଧ୍ୟୟନରୁ ଏବେ ସ୍ପଷ୍ଟ ଯେ, ମାଂସ ପ୍ରସ୍ତୁତି ପାଇଁ ଅଧିକ ପାଣି ଆବଶ୍ୟକ ହୋଇଥାଏ । ଅନ୍ୟପକ୍ଷରେ ଗହମ ପ୍ରସ୍ତୁତି ପାଇଁ କମ ଜଳ ଆବଶ୍ୟକ । ତେଣୁ ଜଳ ସଂରକ୍ଷଣ ପାଇଁ କେବଳ ପାଣି ଟ୍ୟାବ୍ ଉପରେ ନଜର ରଖିଲେ ହେବ ନାହିଁ । ଏହା ସହିତ ଆପଣଙ୍କୁ ଆପଣ କ’ଣ ଖାଉଛନ୍ତି ତା ଉପରେ ମଧ୍ୟ ନଜର ରଖିବାକୁ ପଡିବ । ଆପଣଙ୍କ ଖାଦ୍ୟ ଜଳ ନଷ୍ଟକୁ ରୋକିପାରିବ ।

‘କ୍ୟାପସୁଲ୍ ଭ୍ୟାକ୍ସିନ’ ତିଆାରି କଲା ଭାରତୀୟ କମ୍ପାନୀ, ତିନିଗୁଣା ଅଧିକ ଶକ୍ତିଶାଳୀ !

ନୂଆଦିଲ୍ଲୀ: ଆଗାମୀ ଭବିଷ୍ୟତରେ ଜନସାଧାରଣଙ୍କୁ ଇଞ୍ଜେକସନ୍ ଜରିଆରେ ଆଉ କରୋନା ଟିକା ନେବାକୁ ପଡିବନି ।  କାରଣ ଭାରତରେ ନିର୍ମାଣ ହେବାକୁ ଯାଉଛି ‘କ୍ୟାପସୁଲ୍ ଭ୍ୟାକ୍ସିନ୍’ । ଯାହାକୁ ବିକଶିତ କରିବେ  ଭାରତୀୟ ଓ ଆମେରିକୀୟ କମ୍ପାନୀ । ଏହାକୁ ତିଆରି କରୁଥିବା ଭାରତୀୟ କମ୍ପାନୀର ‘ପ୍ରେମାସ ବାୟୋଟେକ୍’।

ଆସନ୍ତୁ ଜାଣିବା ଏହି କ୍ୟାପସୁଲ ଟିକା ଆସିବା ଲାଗି କେତେ ସମୟ ଲାଗିବ…

ଆମେରିକୀୟ ଔଷଧ ନିର୍ମାଣ କମ୍ପାନୀ ଓରୋମେଡ ଫାର୍ମାସ୍ୟୁଟିକଲ୍ସ ସହ ଭାରତୀୟ ଫାର୍ମା କମ୍ପାନୀ ପ୍ରେମାସ ବାୟୋଟେକ୍ ମିଶି ଏହି ଭ୍ୟାକ୍ସିନ୍ ତିଆରି କରୁଛନ୍ତି । ଏହି ଦୁଇ କମ୍ପାନୀ ଗତ ମାର୍ଚ୍ଚ ୧୯ ତାରିଖରେ କରୋନାଭାଇରସର ଓରାଲ୍ ଭ୍ୟାକ୍ସିନ ତିଆରି କରିବାକୁ ଘୋଷଣା କରିଛନ୍ତି । ଏହାର ଗୋଟିଏ ଡୋଜ୍ କରୋନାକୁ ମାତ୍ ଦେବାକୁ ସକ୍ଷମ ହେବ ବୋଲି କମ୍ପାନୀ ପକ୍ଷରୁ ଦାବି କରାଯାଇଛି । ଏହା ଅଧିକ ଫଳପ୍ରଦ ମଧ୍ୟ ।

‘କ୍ୟାପସୁଲ୍ ଭ୍ୟାକ୍ସିନ୍’ର ନାମ ଓରୋଭେକ୍ସ କୋଭିଡ-୧୯ କ୍ୟାପସୁଲ୍ । ଜୀବଜନ୍ତୁଙ୍କ ଉପରେ କରାଯାଇଥିବା ପରୀକ୍ଷଣରୁ ଏହା ଅଧିକ ଫଳପ୍ରଦ ହୋଇଥିବା ନେଇ କମ୍ପାନୀ ଦାବି କରିଛି । ଏହା ଯୋଗୁଁ ନ୍ୟୁଟ୍ରିଲାଇଜିଂ ଏଣ୍ଟିବଡିଜ୍ (IgG) ଓ ଇମ୍ୟୁନ ରେସପୋନ୍ସ (IgA) କାମ କରୁଛି । ଯାହା ଫଳରେ ରେସ୍ପିରେଟରୀ ଓ ଗେଷ୍ଟ୍ରୋଇଣ୍ଟେଷ୍ଟାଇନଲ୍ ଟେକ୍ଟ କରୋନା ସଂକ୍ରମଣରୁ ସୁରକ୍ଷିତ ରହିଥାଏ ।

https://twitter.com/PremasBiotech/status/1372935623334576128?s=20

ପ୍ରେମାସ୍ ବାୟୋଟେକର ସହ-ପ୍ରତିଷ୍ଠାତା ତଥା ପ୍ରବନ୍ଧ ମ୍ୟାନେଜର ଡକ୍ଟର ପ୍ରବୁଧ କୁଣ୍ଡୁ କହିଛନ୍ତି ଯେ ଓରୋଭାକ୍ସ କୋଭିଡ-୧୯ କ୍ୟାପସୁଲ୍ ବିଏଲପି (Virus Like Particle- VLP) ନିୟମ ଉପରେ ଆଧାରିତ। ଏହା କରୋନାଭାଇରସରୁ ତିନିଗୁଣା ସୁରକ୍ଷିତ । ଅର୍ଥାତ୍ କରୋନା ଭାଇରସର ସ୍ପାଇକ୍ ପ୍ରାେଟିନ୍, ମେମ୍ବ୍ରନ୍ ଏମ୍ ଓ ଏନଭଲପ୍-ଇ ଟାର୍ଗେଟସରୁ ସୁରକ୍ଷା ଦେବ। ତେବେ ଏହା ନ୍ୟୁକ୍ଲିଓକାପସିଡ୍ ଏନ ଆଣ୍ଟିଜେନ୍ସ ବିରୁଦ୍ଧରେ କାମ କରିପାରିବ ନାହିଁ ।

ଦୁର୍ନୀତି ଗ୍ରସ୍ତ ଓ ଅପାରଗଙ୍କ ବିରୋଧରେ ମୁଖ୍ୟମନ୍ତ୍ରୀଙ୍କ କଡ଼ା ଆଭିମୁଖ୍ୟ: ଆଉ ୪ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ

ଭୁବନେଶ୍ୱର: ଦୁର୍ନୀତି ଗ୍ରସ୍ତ ଓ ଅପାରଗ ଅଧିକାରୀଙ୍କ ବିରୁଦ୍ଧରେ ରାଜ୍ୟ ସରକାରଙ୍କର କଠୋର ଆଭିମୁଖ୍ୟ ଜାରି ରହିଛି । ଅପାରଗ ତଥା ଦୁର୍ନୀତିଗ୍ରସ୍ତ ଅଧିକାରୀଙ୍କ ବିରୁଦ୍ଧରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସବୁବେଳେ ଜିରୋ ଟଲେରାନ୍ସ ଉପରେ ଜୋର ଦେଇଆସିଛନ୍ତି । ସାଧାରଣ ଜୀବନରେ ସାଧୁତା ଓ ନୈତିକତା ବଜାୟ ରଖିବା ସହ ଜନସାଧାରଣଙ୍କୁ ସ୍ବଚ୍ଛ, ଦକ୍ଷ ଏବଂ ଉତ୍ତରଦାୟୀ ପ୍ରଶାସନ ମାଧ୍ୟମରେ ସେବା ଯୋଗାଇ ଦେବା ପାଇଁ ନିରନ୍ତର ପ୍ରଚେଷ୍ଟା ଜାରି ରଖିଛନ୍ତି । ଏହି ପରିପ୍ରେକ୍ଷୀରେ ରାଜ୍ୟ ସରକାର ଆଜି ୪ ଜଣ ଅଧିକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଦୁଇ ଜଣଙ୍କୁ ଚାକିରିରୁ ବରଖାସ୍ତ କରାଯାଇଥିବା ବେଳେ, ଆଉ ଦୁଇ ଜଣଙ୍କର ପେନସନ୍‌ ସଂକ୍ରାନ୍ତୀୟ ସୁବିଧାକୁ ସ୍ଥାୟୀ ଭାବରେ ବନ୍ଦ କରିଦିଆଯାଇଛି। ବର୍ତ୍ତମାନ ମୟୂରଭଞ୍ଜ ଜିଲ୍ଲାର ଖୁଣ୍ଟା ଜିଲ୍ଲାରେ କାର୍ଯ୍ୟରତ ତଥା ବଲାଙ୍ଗୀରର ଟିଟିଲାଗଡ ବ୍ଳକ୍ ପୂର୍ବତନ ଏସ୍ଇଓ  ବଳରାମ ସୁନା ଏବଂ ମହିଳା ଓ ଶିଶୁବିକାଶ ବିଭାଗର ଅନୁଗୁଳ ଜିଲ୍ଲା ଆଠମଲ୍ଲିକରେ କାର୍ଯ୍ୟରତ Statistical Assistant ବସନ୍ତ କୁମାର ସାହୁଙ୍କୁ ଦୁର୍ନୀତି ଅଭିଯୋଗରେ ଚାକିିରିରୁ ବରଖାସ୍ତ କରାଯାଇଛି । ସେହିପରି ଭୁବନେଶ୍ବର BEDର ex-DGM (Electrical) ଦାମୋଦର ଦାସ ଏବଂ ଅବସରପ୍ରାପ୍ତ ପୋଲିସ ଏ.ଏସ୍‌.ଆଇ ଏମ୍‌. ଜଗନ୍ନାଥ ରାଓଙ୍କର ପେନ୍‌ସନ ଏବଂ ପେନ୍‌ସନଜନିତ ସୁବିଧାକୁ ସ୍ଥାୟୀ ଭାବରେ ବନ୍ଦ କରିଦିଆଯାଇଛି । ଦୁର୍ନୀତି ଅଭିଯୋଗରେ ଏହି ଦୁଇ ଅଧିକାରୀ ଅଦାଲତ ଦ୍ବାରା ଅଭିଯୁକ୍ତ ହୋଇଥିଲେ । ଏହି ଚାରି ଜଣ ଅଭିଯୁକ୍ତଙ୍କୁ ମିଶାଇ ଗତ ଏକ ବର୍ଷ ମଧ୍ୟରେ ଏପର୍ଯ୍ୟନ୍ତ ୧୧୭ଜଣ ଦୁର୍ନୀତିଗ୍ରସ୍ତ ଓ ଅପାରଗ ଅଧିକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇସାରିଛି ।

ଏଥିସହିତ ପଢ଼ନ୍ତୁ: ପୁଣି ଜଣେ ଅଧିକାରୀଙ୍କ ବିରୋଧରେ ‘ମୋ-ସରକାର’ ଅଧିନରେ କାର୍ଯ୍ୟାନୁଷ୍ଠାନ

୪୯୯ ବର୍ଷ ପରେ ହୋଲିରେ ଅଦ୍ଭୁତ ସଂଯୋଗ

ନୂଆଦିଲ୍ଲୀ:   ପ୍ରତିବର୍ଷ ଦୋଳ ପୂର୍ଣ୍ଣିମାର ପର ଦିନ ଖୁବ ଧୁମଧାମରେ ପାଳନ ହୁଏ ରଙ୍ଗର ପର୍ବ ହୋଲି । ଚଳିତ ବର୍ଷ ୨୮ ତାରିଖରେ ଦୋଳ ପୂର୍ଣ୍ଣିମା ପାଳନ ହେବାପରେ ୨୯ ମାର୍ଚ୍ଚରେ ହୋଲି ପର୍ବ ପାଳନ ହେବ । କିନ୍ତୁ ଚଳିତ ବର୍ଷ ହୋଲିର ରହିଛି ଏକ ଖାସ୍ ମାହାତ୍ମ୍ୟ । ଜ୍ୟୋତିର୍ବିଦଙ୍କ କହିବା ଅନୁସାରେ ଚଳିତ ବର୍ଷ ହୋଲିରେ ୪୯୯ ବର୍ଷ ପରେ ଅଦ୍ଭୁତ ସଂଯୋଗ ହେବାକୁ ଯାଉଛି ।

ଜ୍ୟାତିର୍ବିଜ୍ଞାନୀ ଏହା ମଧ୍ୟ କହିଛନ୍ତିଯେ, ହୋଲି ଦିନ ଚନ୍ଦ୍ରମା କନ୍ୟା ରାଶିରେ ଅବସ୍ଥାନ କରିବେ । ବୃହସ୍ପତି ଏବଂ ଶନି ସ୍ୱୟଂ ରାଶିରେ ବିରାଜମାନ କରିବେ । ଗ୍ରହଙ୍କ ଏଭଳି ମହାସଂଯୋଗ ୧୫୨୧ ମସିହାରେ ମଧ୍ୟ ହୋଇଥିଲା । ଏହି ମହାସଂଯୋଗ ୪୯୯ ବର୍ଷ ପରେ ପୁଣି ହେବାକୁ ଯାଉଛି ।

ତେବେ ରଙ୍ଗ ଏବଂ ଖୁସିର ଉତ୍ସବ ହୋଲି ଏଥର ଦୁଇ ଦୁଇଟି ସଂଯୋଗ ଆଣୁଛି । ଜ୍ୟାତିର୍ବିଦଙ୍କ କହିବା ଅନୁସାରେ ଚଳିତ ବର୍ଷ ହୋଲିରେ ସର୍ବାର୍ଥ ସିଦ୍ଧି ଯୋଗ ଏବଂ ଅମୃତ ସିଦ୍ଧି ଯୋଗ ରହିଛି । ଏହି ଦୁଇଟି ଯୋଗ ଖୁବ୍ ଶୁଭ । ଗୁରୁତ୍ୱପୂର୍ଣ୍ଣ କଥା ହେଉଛି, ହୋଲିର ଆଠଦିନ ପୂର୍ବରୁ ଦେଶର ବିଭିନ୍ନ ରାଜ୍ୟରେ ସମସ୍ତ ଶୁଭ କାର୍ଯ୍ୟ ଉପରେ ରୋକ ଲଗାଯାଏ । ତେଣୁ ଚଳିତ ବର୍ଷ ୨୨ ମାର୍ଚ୍ଚରୁ ୨୮ ର୍ଚ୍ଚ ପର୍ଯ୍ୟନ୍ତ ସମସ୍ତ ଶୁଭକାର୍ଯ୍ୟ ବର୍ଜନ କରାଯିବ ।

ହିନ୍ଦୁଧର୍ମ ମାନ୍ୟତା ଅନୁସାରେ ହିରଣ୍ୟକଶ୍ୟପ ଆଠଦିନ ପର୍ଯ୍ୟନ୍ତ ତାଙ୍କ ପୁଅ ପ୍ରହ୍ଲାଦଙ୍କୁ ଖୁବ୍ ନିର୍ଯାତନା ଦେଇଥିଲେ । ଭଗବାନ ବିଷ୍ଣୁଙ୍କର ଭକ୍ତ ପ୍ରହ୍ଲାଦଙ୍କ ଉପରେ ଖୁବ୍ କୃପାଦୃଷ୍ଟି ଥିଲା । ଏଥିପାଇଁ ସେ ତାଙ୍କ ଭକ୍ତ ପ୍ରହ୍ଲାଦକୁ ସବୁବେଳେ ରକ୍ଷା କରୁଥିଲେ । ସେହିଦିନଠାରୁ ଦେଶର ବିଭିନ୍ନ ସ୍ଥାନରେ ପ୍ରତିବର୍ଷ ହୋଲି ପର୍ବର ଆଠ ଦିନ ପୂର୍ବରୁ କୌଣସି ଶୁଭକାର୍ଯ୍ୟ କରାଯାଏନାହିଁ ।

ଓଡ଼ିଶାରେ ହୋଲି ପୂର୍ବ ଦିନ ଦୋଳ ପୂର୍ଣ୍ଣିମା ପାଳନ ହେଉଥିବା ବେଳେ ଦେଶର କେତେକ ରାଜ୍ୟରେ ହୋଲିକା ଦହନ ପାଳନ ହୁଏ । ଚଳିତ ବର୍ଷ ସଂନ୍ଧ୍ୟା ୬ଟା ୩୬ ମିନିଟରୁ ଆରମ୍ଭ ହୋଇ ୮ଟା ୫୬ ମିନିଟ୍ ପର୍ଯ୍ୟନ୍ତ ଏହି ଦିନ ଶୁଭ ମୁହୂର୍ତ୍ତ ରହିଛି ।

କେମିତି ଜାଣିବେ କିଏ ଚେକ୍‌ କଲା ଆପଣଙ୍କ ହ୍ୱାଟ୍ସଆପ୍ ‌ପ୍ରୋଫାଇଲ?

ନୂଆଦିଲ୍ଲୀ: ସୋସିଅଲ ମିଡିଆ ଆପ୍‌ହ୍ୱାଟ୍ସଆପର ଚାହିଦା ଯଥେଷ୍ଟ ଅଧିକ । ବ୍ୟକ୍ତିଗତ କାମଠାରୁ ଆରମ୍ଭ କରି ଅଫିସିଆଲ କାମ ପର୍ଯ୍ୟନ୍ତ ପ୍ରତ୍ୟେକଟି କାମପାଇଁ ହ୍ୱାଟ୍ସାଆପ ସାଜିଛି ଏକ ସରଳ ମାଧ୍ୟମ । ହ୍ୱାଟ୍ସାଆପ୍‌ବ୍ୟବହାର କରିବା ଲୋକଙ୍କର ଏକ ନିଶା ହୋଇଗଲାଣି । ଗୁଡମର୍ଣ୍ଣିଂ ମେସେଜ୍‌ଠାରୁ ଆରମ୍ଭ କରି ଗୁଡନାଇଟ୍‌ପର୍ଯ୍ୟନ୍ତ ସବୁକିଛି ଚାଲେ ହ୍ୱାଟ୍ସାଆପରେ । ଏହାର ଏକାଧିକ ଫିଚର ମଧ୍ୟରେ ଅଧିକ ଜରୁରୀ ହୋଇପଡ଼ିଛି ହ୍ୱାଟ୍ସାଆପ୍‌ଷ୍ଟାଟସ୍‌ଆଉ ଡିପି । ଏଭଳି ସ୍ଥିତିରେ ଆପଣଙ୍କ ହ୍ୱଟ୍ସାଆପ୍‌ଷ୍ଟାଟସ୍‌କିଏ ଚେକ୍‌କଲା ତା’ର ଖବର ତ ଆପଣଙ୍କ ପାଖରେ ଅଛି, କିନ୍ତୁ ଆପଣଙ୍କ ଡିପି କିଏ ଚେକ୍‌କଲା ତାହାର ସୂଚନା ଆପଣଙ୍କ ନିକଟରେ ନଥାଏ । ତେବେ କେମିତି ଜାଣିବେ କିଏ ଚେକ୍‌କଲା ଆପଣଙ୍କ ହ୍ୱାଟ୍ସାଆପ୍‌ଡିପି?

ଆପଣଙ୍କ ହ୍ୱାଟ୍ସାଆପ୍‌ଡିପି କିଏ କିଏ ଚେକ୍‌କରୁଛନ୍ତି ଜାଣିବା ପାଇଁ ଆପଣଙ୍କୁ ଏକ ଗୁଗଲ ପ୍ଲେ ଷ୍ଟୋରରୁ ହ୍ୱାଟ୍ସାଆପ୍‌Who Viewed Me ବା ହ୍ୱାଟ୍ସ ଟ୍ରାକର ନାମକ ଏକ ଆପ୍‌ଡାଉନଲୋଡ୍‌କରିବାକୁ ପଡ଼ିବ । ଏହି ଆପକୁ ଡାଉନଲୋଡ କରିବା ପାଇଁ ଆପଣଙ୍କୁ ଓ୍ୱନ୍‌ମୋବାଇଲ ମାର୍କେଟକୁ ମଧ୍ୟ ଡାଉନଲୋଡ କରିବାକୁ ପଡ଼ିବ । ଏହି ଆପ୍‌ବିନା WhatsApp Who Viewed Me ଡାଉନଲୋଡ କରିବା ଅସମ୍ଭବ । ଅବଶ୍ୟ ଓ୍ୱନ୍‌ମୋବାଇଲ ମାର୍କେଟ୍‌ଆପ୍‌ଆପେଆପେ ଡାଉନଲୋଡ୍‌ହୋଇଯାଏ । ତେବେ WhatsApp Who Viewed Me ଡାଉନଲୋଡ କରିବା ପରେ ଆପଣଙ୍କୁ କିଛି କ୍ଷଣ ଅପେକ୍ଷା କରିବାକୁ ପଡ଼ିବ । କିଛି ସମୟ ପରେ ଆପଣଙ୍କ ଡିପି ଚେକ୍‌କରିଥିବା ବ୍ୟକ୍ତିଙ୍କ ତାଲିକା ନଜର ଆସିବ ।

 


ସୂଚନାଯୋଗ୍ୟ, ଏହି ଆପ୍‌କେବଳ ୨୪ ଘଣ୍ଟା ମଧ୍ୟରେ ଆପଣଙ୍କ ଡିପି ଚେକ୍‌ କରିଥିବା ବ୍ୟକ୍ତିଙ୍କ ତାଲିକା ଦେଖାଇଥାଏ । କିନ୍ତୁ ଏହି ଆପ୍‌ଆପଣଙ୍କ ମୋବାଇଲ ପାଇଁ କେତେ ସୁରକ୍ଷିତ ଏହାକୁ ନେଇ କୌଣସି ସୂଚନା ଆସିନାହିଁ ।

ମିଆଁମାରରେ ସାମରିକ ବିଦ୍ରୋହ; ମହଙ୍ଗା ହେଲା ଇଡ଼ଲି, ଦୋସା

ନୂଆଦିଲ୍ଲୀ: ମିଆଁମାରରେ ସାମରିକ ବିଦ୍ରୋହକୁ ପାଖାପାଖି ମାସେ ହୋଇଗଲାଣି । ସେଠାକାର ଗଣତାନ୍ତ୍ରିକ ସରକାରକୁ କ୍ଷମତାରୁ ତଡି ମିଲିଟାରି ଜୁନ୍ତା ନିଜ ଅକ୍ତିଆରରେ ଶାସନ କଳକୁ ରଖିଛି । ମିଆଁମାର ଭଳି ଗୋଟିଏ ଛୋଟ ଦେଶ ଯାହାର ବିଶ୍ୱ ପାୱାର କରିଡରରେ ସେମିତି କିଛି ବଡ ପ୍ରଭାବ ନାହିଁ ସେଠାକାର ଘରୋଇ ମାମଲା ପାଇଁ ଆପଣଙ୍କ ଉପରେ କ’ଣ ପ୍ରଭାବ ପଡିପାରେ ବୋଲି ଭାବୁଥିବେ । ଯଦି ଆପଣ ଏମିତି ଭାବୁଛନ୍ତି ତେବେ ଆପଣ ଭୁଲ । ମିଆଁମାର ସାମରିକ ବିଦ୍ରୋହ କାରଣରୁ ଆପଣଙ୍କ ପର୍ସ ଉପରେ ପ୍ରଭାବ ପଡିବ । ଏହାକୁ ଟିକିଏ ଭଲକି ବୁଝାଇ କହିଲେ ଏମିତେ ଯେ, ଯଦି ଆପଣ ଇଡ଼ଲି,ଦୋସା ଭଳି ଦକ୍ଷିଣ ଭାରତୀୟ ଖାଦ୍ୟର ଭକ୍ତ ତେବେ ମିଆଁମାରରେ ଶୀଘ୍ର ଶାନ୍ତି ଫେରିବା ଆପଣଙ୍କ ସ୍ୱାର୍ଥ ପାଇଁ ଭଲ ହେବ ।

ମିଆଁମାରର ଇଡ଼ଲି କନେକ୍ସନ
ବିରି ବିନା ଇଡ଼ଲିର କଳ୍ପନା କରାଯାଇ ପାରିବନି । ମିଆଁମାର ହେଉଛି ବିଶ୍ୱର ଦୁଇ ନମ୍ବର ବିରି ଉତ୍ପାଦକ ରାଷ୍ଟ୍ର । ଭାରତକୁ ମିଆଁମାରରୁ ଅଧିକ ବିରି ଆସିଥାଏ । ୧୫ ଫେବ୍ରୁଆରୀରୁ ୧୫ ମାର୍ଚ୍ଚ ମଧ୍ୟରେ ମିଆଁମାରରେ ସାମରିକ ବିଦ୍ରୋହର ପ୍ରଭାବ ଅଧିକ ଥିଲା । ଆଉ ଏହି ସମୟରେ ଭାରତରେ ବିରି ଦାମ ଅଧିକ ବଢିଥିଲା ।
ମୁମ୍ବାଇର ହୋଲସେଲ ବଜାରରେ ବିରି କିଲୋ ପ୍ରତି ୯୭ରୁ ୧୧୦ ଟଙ୍କା । ରିଟେଲ ବଜାରରେ ଏହା କିଲୋ ପ୍ରତି ୧୧୭ ଟଙ୍କା ବଦଳରେ ୧୩୦ ଟଙ୍କାରେ ବିକ୍ରି ହେଉଛି । ଅନ୍ୟପକ୍ଷରେ ଦିଲ୍ଲୀରେ ଆଗରୁ ୧୦୦ ଟଙ୍କାରେ ବିକ୍ରି ହେଉଥିବା ବିରି ଏବେ କିଲୋ ପ୍ରତି୧୨୩ ଓ ଲକ୍ଷ୍ନୌରେ ୧୧୩ ବଦଳରେ ୧୪୫ ଟଙ୍କାରେ ବିକ୍ରି ହେଉଛି ।

ଆଗକୁ ଆହୁରି ଦାମ ବଢିବ କି ?
ବିରି ପୁରା ଭାରତରେ ବ୍ୟାପକ ଭାବେ ଖାଦ୍ୟରେ ବ୍ୟବହୃତ ହୋଇଥାଏ । ଦକ୍ଷିଣ ଭାରତର ପ୍ରମ୍ମୁଖ ବ୍ୟଞ୍ଜନ ଇଡ଼ଲି ହେଉ କି ଓଡ଼ିଶାର ଚକୁଳି । ବିରି ବିନା ଏହି ସବୁ ଖାଦ୍ୟ ସାମଗ୍ରୀ ତିଆରି ହୋଇ ପାରିବ ନାହିଁ । ଆର୍ଥିକ ବିଶେଷଜ୍ଞଙ୍କ କହିବା ହେଉଛି ଯେ, ମିଆଁମାରରେ ଯଦି ସ୍ଥିତି ଶୀଘ୍ର ନସୁଧୁରେ ତେବେ ଦରଦାମ ଆଗକୁ ମଧ୍ୟ ବଢିବ ।

ହୋଲି ଓ ଦୋଳ ଯାତ୍ରା ପାଳନ ନେଇ ବିଏମ୍‌ସି ପକ୍ଷରୁ କଟକଣା ଜାରି, ଜାଣନ୍ତୁ କେମିତି ପାଳିବେ ହୋଲି

ଭୁବନେଶ୍ୱର: ହୋଲି ଓ ଦୋଳ ପୂର୍ଣ୍ଣିମା ପାଳନ ନେଇ ରାଜ୍ୟ ରାଜଧାନୀରେ କଟକଣା କଟକଣା । ବଢ଼ୁଥିବା ସଂକ୍ରମଣ ସଂଖ୍ୟାକୁ ଆଖି ଆଗରେ ରଖି କଟକଣା ଜାରି କରିଛି ଭୁବନେଶ୍ୱର ମ୍ୟୁନସିପାଲଟି କର୍ପୋରେସନ୍ । ଦୋଳ ଯାତ୍ରା ସମୟରେ ଠାକୁରଙ୍କୁ ନେଇ ପରିକ୍ରମା ବେଳେ ମାତ୍ର ୬ ଜଣଙ୍କୁ ନେଇ ଯାଇପାରିବେ । କିନ୍ତୁ କୌଣସି ପ୍ରକାର ବାଜା ବଜାଇବେ ନାହିଁ ଯାହ ଦ୍ୱାରା ଲୋକଙ୍କ ଧ୍ୟାନ ଆକର୍ଷଣ ହେବ ଏବଂ ଲୋକେ ଏଥିରେ ସାମିଲ ହେବେ ।

ଅପରପକ୍ଷରେ ମେଲଣ ପଡ଼ିଆରେ ସର୍ବାଧିକ ୫୦ରୁ ୬୦ ଜଣ ରହିପାରିବେ । ପଡ଼ିଆରେ ଉପସ୍ଥିତ ଥିବା ଲୋକଙ୍କ ମଧ୍ୟରେ ୬ଫୁଟ୍ ଦୂରତା ରହିବା ସହ ସମସ୍ତେ ମାସ୍କ ପିନ୍ଧିଥିବେ । ମେଲଣ ପଡ଼ିଆରେ କୌଣସି ପ୍ରକାର ଯାତ୍ରା, ଅରକେଷ୍ଟ୍ରା ଏବଂ ମୀନା ବଜାରର ଆୟୋଜନ ହେବ ନାହିଁ । ଅଧିକ ସଂଖ୍ୟକ ଲୋକଙ୍କୁ ନେଇ ମେଲଣ ଆୟୋଜନ କରିବା ନେଇ ବିଏମ୍‌ସି ପକ୍ଷରୁ ଅନୁମତି ନେବା ଆବଶ୍ୟକ ।

ଏଥିସହିତ ପଢ଼ନ୍ତୁ: ରାଜ୍ୟରେ ବଢ଼ୁଛି ସଂକ୍ରମିତଙ୍କ ସଂଖ୍ୟା: ଫେରିବ ଲକ୍‌ଡାଉନ୍ !

ରାଜ୍ୟରେ ବଢ଼ୁଛି ସଂକ୍ରମିତଙ୍କ ସଂଖ୍ୟା: ଫେରିବ ଲକ୍‌ଡାଉନ୍ !

ଭୁବନେଶ୍ୱର: କରୋନା ପ୍ରସଂଗରେ DMET ନିର୍ଦ୍ଦେଶକ ଡ. ସିବିକେ ମହାନ୍ତିଙ୍କ ପ୍ରତିକ୍ରିୟା । ବିଗତ ଏକ ବର୍ଷରେ ଯାହା ଅନୁଭବ ପାଇଛୁ, ତାକୁ ପାଥେୟ କରି ପଦକ୍ଷେପ ନେବୁ । ଆମ ରାଜ୍ୟରେ ପ୍ରସ୍ତୁତି ସବୁ ଦିନ ପାଇଁ ରହିଛି । ଏହାକୁ ଅଧାର କରି ଆଗାମୀ ସମୟରେ ପଦକ୍ଷେପ ନିଆଯିବ । ରାଜ୍ୟର ଅଳ୍ପ କେତୋଟି ସ୍କୁଲ, କଲେଜରେ ସଂକ୍ରମିତ ବାହାରିଛି । ଯଦି ଆବଶ୍ୟକ ହୁଏ ଅନ୍ୟ ରାଜ୍ୟ ଭଳି ଏଠି ବି ଲକ ଡାଉନ କରାଯିବ । ହସପିଟାଲର ମୂଳ ଲକ୍ଷ ଚିକିତ୍ସା ଯୋଗାଇବା, ଦରକାର ପଡିଲେ ନିଶ୍ଚୟ ବେଡ ସଂଖ୍ୟା ବଢାଯିବ । ଏଥିରେ ଦ୍ବିମତ ନାହିଁ । ରାଜ୍ୟରେ ଲକ୍ ଡାଉନ ଭଳି ପରିସ୍ଥିତିକୁ ଏଡ଼ାଇବାକୁ ହେଲେ ସମସ୍ତେ ନିୟମ ମାନିବା ଦରକାର, ସରକାର ପଦକ୍ଷେପ ନେଉଛନ୍ତି, ହେଲେ ଲୋକମାନେ ଏହାକୁ ମାନିବା କଥା । ଲୋକ ନିଜେ ସମୀକ୍ଷା କରିବା କଥା, ଯେ ସେମାନେ କେତେ ପାଳୁଛନ୍ତି । କୋଭିଡ ସଂପର୍କରେ ସମୀକ୍ଷା ଏକ ନିୟମିତ ପ୍ରକିୟା, ଦରକାର ପଡିଲେ ଉଚ୍ଚ ସ୍ତରୀୟ ବୈଠକ ହେବ । ଅନ୍ୟ ରାଜ୍ୟ ଭଳି କଟକଣା ଜାରି ହୋଇପାରେ ।

ଏଥିସହିତ ପଢ଼ନ୍ତୁ: ରାଜ୍ୟରେ ପୁଣି ଶହେ ଟପିଲା ସଂକ୍ରମିତଙ୍କ ସଂଖ୍ୟା

ରାଜ୍ୟରେ ପୁଣି ଶହେ ଟପିଲା ସଂକ୍ରମିତଙ୍କ ସଂଖ୍ୟା

ଭୁବନେଶ୍ୱର: ରାଜ୍ୟରେ ପୁଣି ଶହେ ଟପିଲା କରୋନା ସଂକ୍ରମଣ । ଗତ ୨୪ ଘଣ୍ଟାରେ ୧୪୬ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । କ୍ବାରେନଣ୍ଟାଇନ୍ ସେଣ୍ଟରରୁ ୮୭ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୫୯ଟି ଲୋକାଲ କେସ୍ ରହିଛି  ।  ଖୋର୍ଦ୍ଧାରୁ ସର୍ବାଧିକ ୩୫ଜଣ କରୋନା ସଂକ୍ରମିତ ହୋଇଛନ୍ତି। କଟକରୁ ୨୫, ମୟୂରଭଞ୍ଜରୁ ୧୩, ନୂଆପଡାରୁ ୧୨ଜଣ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି ।

ଅପରପକ୍ଷରେ କଟକ ପରେ ଭୁବନେଶ୍ୱରର ଶିକ୍ଷାନୁଷ୍ଠାନରୁ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଜାଭିୟର୍ ଇନ୍‌ଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ(
XIMB)ରୁ ୨୩ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଶିକ୍ଷାନୁଷ୍ଠାନରୁ ୨୩ ପଜିଟିଭ୍ ଚିହ୍ନଟ ପରେ XIMBକୁ ସିଲ୍ କରିଛି ଭୁବନେଶ୍ବର ମହାନଗର ନିଗମ-ଜବିଏମସି । XIMBକୁ ପ୍ରବେଶ ଓ ପ୍ରସ୍ଥାନ ଉପରେ କଟକଣା ଲଗାଯାଇଛି । ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ XIMBର ଗେଟ୍‌ ବନ୍ଦ ରଖାଯିବ । ସେହିପରି XIMBକୁ ଲାଗି ରହିଥିବା ଅନ୍ୟ ସମସ୍ତ ଅନୁଷ୍ଠାନର କ୍ୟାମ୍ପସ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି । XIMB ଭିତରେ ସମସ୍ତ ଛାତ୍ରଛାତ୍ରୀ ଓ କର୍ମଚାରୀଙ୍କର ହେବ କୋଭିଡ ଟେଷ୍ଟ । ଗେଟ୍‌ ବନ୍ଦ ଥିବାରୁ ସମସ୍ତ ଅନ୍ତେବାସୀଙ୍କୁ ଖାଦ୍ୟ ଯୋଗାଇ ଦିଆଯିବ ।