spot_img
Home Blog Page 5954

ବଢ଼ୁଛି ସଂକ୍ରମଣ, ରାଜ୍ୟରେ ଦିନ ବେଳା ଲାଗୁ ହୋଇପାରେ କର୍ଫ୍ୟୁ: ବାଚସ୍ପତି

ଭୁବନେଶ୍ୱର: ରାଜ୍ୟରେ ବଢ଼ୁଥିବା କରୋନା ସଂକ୍ରମଣକୁ ଚେକ୍ ଦେବାକୁ ଲାଗୁ ହୋଇପାରେ କର୍ଫ୍ୟୁ । ୩ରୁ ୪ ଦିନ ମଧ୍ୟରେ ଏନେଇ ସରକାର ନିଷ୍ପତ୍ତି ନେଇପାରନ୍ତି । ରାଜ୍ୟରେ ଦିନ ବେଳା କର୍ଫ୍ୟୁ ଲାଗୁ ହୋଇପାରେ ବୋଲି କହିଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର । ରାଜ୍ୟର ବିଭିନ୍ନ ଜିଲ୍ଲାରେ କରୋନା ସଂକ୍ରମଣ ମାମଲା ବୃଦ୍ଧି ପାଉଥିବା ବେଳେ ସରକାର ୧୦ଟି ଜିଲ୍ଲାରେ ରାତ୍ରୀକାଳୀନ କର୍ଫ୍ୟୁ ଲାଗୁ କରିଛନ୍ତି ।

Day Curfew May Impose In Odisha Says Assembly Speaker

ତେବେ ଦିନ ବେଳା କର୍ଫ୍ୟୁ ଲାଗୁ କରିବା ନେଇ ମୁଖ୍ୟମନ୍ତ୍ରୀ ଓ ସ୍ୱାସ୍ଥ୍ୟମନ୍ତ୍ରୀ ଆଲୋଚନା କରି ନିଷ୍ପତ୍ତି ନେବେ । ଲୋକ କରୋନା କଟକଣା ସହ ନିୟମ ପାଳନ କରିବାକୁ ବାଚସ୍ପତି ସମସ୍ତଙ୍କୁ ଅନୁରୋଧ କରିଛନ୍ତି । ଦିନ ବେଳା କର୍ଫ୍ୟୁ ଲାଗୁ ନେଇ ସରକାରଙ୍କ ପକ୍ଷରୁ କୌଣସି ବିଧିବଦ୍ଧ ନିଷ୍ପତ୍ତି ନିଆ ଯାଇନାହି । ବର୍ତ୍ତମାନ କୋଭିଡ୍ ସଂକ୍ରମଣ ସ୍ଥିତିକୁ ଦେଖି ବାଚସ୍ପତି ଦିନ ବେଳା କର୍ଫ୍ୟୁ ଲାଗୁ ହୋଇପାରେ ବୋଲି କହିଛନ୍ତି ।

Day Curfew May Impose In Odisha Says Assembly Speaker

ରାଜ୍ୟରେ ଗତ ୨୪ ଘଣ୍ଟାରେ ୪୭୧ଟି କରୋନା ସଂକ୍ରମଣ ମାମଲା ଚିହ୍ନଟ ହୋଇଛି । ଯାହାକି ୨୦୨୧ ବର୍ଷର ସର୍ବାଧିକ ସଂକ୍ରମଣ ମାମଲା । ଏହା ବାଦ୍ ଗତ ୩ ଦିନ ଧରି ରାଜ୍ୟରେ ଲଗାତାର ଦୈନିକ ସଂକ୍ରମଣ ୪୦୦ ଉପରେ ରହୁଛି । ଏଯାବତ୍ ରାଜ୍ୟରେ ୩ ଲକ୍ଷ ୪୨ ହଜାର ୬୯୫ ଜଣ କୋଭିଡ୍ ସଂକ୍ରମିତ ହୋଇଥିବା ବେଳେ ସେଥିରୁ ୩ ଲକ୍ଷ ୩୭ ହଜାର ୬୩୫ ଜଣ ସୁସ୍ଥ ହୋଇ ସାରିଛନ୍ତି । ଏବେ ୩୦୮୫ଟି ସକ୍ରିୟ ସଂକ୍ରମଣ ମାମଲା ଥିବାବେଳେ ୧୯୨୨ ଜଣଙ୍କ ମୃତ୍ୟୁ ହୋଇଛି ।

ସିଲ୍ ହେବ ଭୁବନେଶ୍ୱର ସ୍ଥିତ ଏସ୍‌ବିଆଇ ମୁଖ୍ୟାଳୟ

ଭୁବନେଶ୍ୱର: ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆର ଭୁବନେଶ୍ୱର ସ୍ଥିତ ମୁଖ୍ୟାଳୟ ହେବ ସିଲ୍ । ଏସ୍‌ବିଆଇ ଶାଖାରୁ ୭ ଜଣ କରୋନା ସଂକ୍ରମିତ ଚିହ୍ନଟ ହେବା ପରେ ଏଭଳି ନିଷ୍ପତ୍ତି ନେଇଛି ବିଏମ୍‌ସି । ଦୁଇ ଦିନ ପାଇଁ ମୁଖ୍ୟାଳୟକୁ ସିଲ୍ କରାଯିବ ବୋଲି ବିଏମ୍‌ସି ପକ୍ଷରୁ କୁହାଯାଇଛି । ଅପରପକ୍ଷରେ ଭୁବନେଶ୍ୱର ରେଳଷ୍ଟେସନରୁ ପ୍ରଥମ ଥର ପାଇଁ ୨ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଉଭୟ ସଂକ୍ରମିତଙ୍କୁ କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଉଭୟଙ୍କ କଣ୍ଟାକ୍ଟ ଟ୍ରେସିଂ ଓ ଟ୍ରାଭେଲ ହିଷ୍ଟ୍ରୀ ଉପରେ ଚାଲିଛି ତନାଘନା ।

ସୂଚନା ଯୋଗ୍ୟ ଯେ, ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ଆଉ ୪୭୧ କୋଭିଡ ପଜିଟିଭ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୨୭୮, ଲୋକାଲ କେସ୍ ୧୯୩ । ୨୭ ଜିଲ୍ଲା ଓ ଷ୍ଟେଟପୁଲରୁ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସୁନ୍ଦରଗଡ଼ରୁ ସର୍ବାଧିକ ୮୫, କଳାହାଣ୍ଡିରୁ ୫୦ ପଜିଟିଭ ଚିହ୍ନଟ ହୋଇଛନ୍ତି । ନୂଆପଡାରୁ ୪୨, ଖୋର୍ଦ୍ଧାରୁ ୪୦, ବଲାଙ୍ଗୀରରୁ ୩୬, ସମ୍ବଲପୁରୁ ୨୭, ଝାରସୁଗୁଡ଼ାରୁ ୨୩, କଟକରୁ ୨୨, ନବରଙ୍ଗପୁରରୁ ୧୭, ମୟୂରଭଞ୍ଜରୁ ୧୬, ବାଲେଶ୍ବରରୁ ୧୫, ପୁରୀରୁ ୧୪, ଗଞ୍ଜାମରୁ ୧୨, ଯାଜପୁରରୁ ୧୧, ଅନୁଗୁଳରୁ ୧୦, ଷ୍ଟେଟପୁଲରୁ ୯, ରାୟଗଡ଼ାରୁ ୮, କୋରାପୁଟରୁ ୭, ଭଦ୍ରକରୁ ୬, ବରଗଡ଼ରୁ ୫, ନୟାଗଡ଼ରୁ ୪, କନ୍ଧମାଳରୁ ୩, ସୋନପୁର, ଗଜପତି, କେନ୍ଦ୍ରାପଡ଼ରୁ ୨ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଢେଙ୍କାନାଳ, ଜଗତସିଂହପୁର ଓ କେନ୍ଦୁଝରରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୩ଲକ୍ଷ ୪୨ହଜାର ୬୯୫ ଥିବା ବେଳେ ଆକ୍ଟିଭ କେସ୍ ରହିଛି ୩ହଜାର ୮୫ ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୪୭୧ କରୋନା ସଂକ୍ରମିତ ଚିହ୍ନଟ

‘ସର୍ବଦଳୀୟ ବୈଠକରେ ସହମତି ପ୍ରକାଶ କରୁଛନ୍ତି, କିନ୍ତୁ ବିଧାନସଭାରେ ଗଣ୍ଡଗୋଳ ପରିସ୍ଥିତି ସୃଷ୍ଟି କରୁଛନ୍ତି’

ଭୁବନେଶ୍ୱର: ବାଚସ୍ପତି ସମ୍ପୂର୍ଣ୍ଣ ନିରପେକ୍ଷ ଭାବେ କାର୍ଯ୍ୟ କରୁଛନ୍ତି । ବିଜେପି ସଦସ୍ୟଙ୍କ ଚପଲ ଫୋପଡ଼ା ଅଭଦ୍ରାମୀ ପରେ କଂଗ୍ରେସ ବିଧାୟକ ଦଳ ନେତା ଓ ବିରୋଧୀ ଦଳ ନେତାଙ୍କୁ ଡାକି ବାଚସ୍ପତି ଭିଡିଓ କ୍ଳିପ୍ ଦେଖାଇଥିଲେ । ଏବଂ ଉଭୟ ନେତା ବାଚସ୍ପତିଙ୍କ କାର୍ଯ୍ୟାନୁଷ୍ଠାନ ନିଷ୍ପତ୍ତିରେ ସହମତି ପ୍ରକାଶ କରିଥିଲେ । କିନ୍ତୁ ୩ ଜଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ନ କରି ଜଣେ କିମ୍ୱା ୨ ଜଣଙ୍କ ବିରୋଧରେ କାର୍ଯ୍ୟାନୁଷ୍ଠାନ କରିବାକୁ କହିଥିଲେ । ଦୋଷୀମାନଙ୍କ ବିରୋଧରେ ଆଇନତଃ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । କିନ୍ତୁ ପରେ କାର୍ଯ୍ୟାନୁଷ୍ଠାନ ବିରୋଧ କରୁଛନ୍ତି ଏବଂ ମାହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ତଳେ ଧାରଣାରେ ବସୁଛନ୍ତି । ମାହାତ୍ମା ଗାନ୍ଧୀ ହେଉଛନ୍ତି ଅହିଂସାର ପ୍ରତୀକ । ତାଙ୍କ ପ୍ରତିମୂର୍ତ୍ତି ତଳେ ଧାରଣାରେ ବସିବା ପରେ ଆମେ ଭାବିଥିଲୁ ସେମାନେ ଅହିଂସାର ବାଟ ଆପଣାଇବେ କିନ୍ତୁ ସେମାନେ ଅଧିକ ହିଂସ୍ର ହେବାରେ ଲାଗିଛନ୍ତି ।

ବିଧାନସଭାକୁ ୧୪୭ ନିର୍ବାଚନ ମଣ୍ଡଳୀରୁ ବିଧାୟକ ବିଧାୟିକା ନିର୍ବାଚତ ହୋଇଆସିଛନ୍ତି । ସମସ୍ତ ସଦସ୍ୟ ନିଜ ନିଜ ନିର୍ବାଚନ ମଣ୍ଡଳୀର ସମସ୍ୟା ଉପସ୍ଥାପନ କରିବେ । କିନ୍ତୁ ବିଜେପି ସଦସ୍ୟମାନେ ସବୁବେଳେ ସେମାନେ କହିବା ନେଇ ଦାବି କରିଆସୁଛନ୍ତି । କିନ୍ତୁ ବିଧାନସଭା ନିୟମ ଅନୁଯାୟୀ ତାହ ସମ୍ଭବ ନୁହେଁ । ଏଣୁ କହିବାକୁ ସୁଯୋଗ ମିଳିଲାନି କହି ଚପଲ ଫୋପାଡ଼ିବା ନିହାତି ଅଭଦ୍ରାମୀ । ସେମାନଙ୍କ ଓଡ଼ିଶାବାସୀଙ୍କୁ ଓ ବାଚସ୍ପତିଙ୍କୁ କ୍ଷମା ପ୍ରାର୍ଥନା କରନ୍ତୁ ବୋଲି ସାମ୍ୱାଦିକ ସମ୍ମିଳନୀରେ ବିଜେଡି ମୁଖ୍ୟ ସଚେତକ ପ୍ରମିଳା ମଲ୍ଲିକ ଦାବି କରିଛନ୍ତି ।

ଏଥିସହିତ ପଢ଼ନ୍ତୁ: ଧାରଣାରତ ବିଜେପି ବିଧାୟକଙ୍କୁ ବୁଝାଇଲେ ବାଚସ୍ପତି

ପୁଣି ଡରାଇଲାଣି କରୋନା,ପ୍ରଧାନମନ୍ତ୍ରୀ କଲେ ସମୀକ୍ଷା ବୈଠକ

ନୂଆଦିଲ୍ଲୀ: କରୋନାର ଦ୍ୱିତୀୟ ଲହରି ଦେଶକୁ ଡରାଇବାରେ ଲାଗିଛି । ଗୋଟିଏ ଦିନରେ ୯୩ ହଜାର ପାର କରିଛି ସଂକ୍ରମିତଙ୍କ ସଂଖ୍ୟା । ଗତ ଛ’ ମାସ ମଧ୍ୟରେ ଏହା ହେଉଛି ସର୍ବାଧିକ ସଂକ୍ରମଣ । ଦେଶର ଯେତିକି ସଂକ୍ରମିତ ଚିହ୍ନଟ ହେଉଛନ୍ତି ସେମାନଙ୍କ ମଧ୍ୟରୁ ଅର୍ଦ୍ଧାଧିକ ୫ଟି ରାଜ୍ୟରୁ ଆସୁଛନ୍ତି । ଅନ୍ୟପକ୍ଷରେ ଏହି ୫ ରାଜ୍ୟ ମଧ୍ୟରୁ ମହାରାଷ୍ଟ୍ରରୁ ସର୍ବାଧିକ ସଂକ୍ରମିତ ଚିହ୍ନଟ ହେଉଛନ୍ତି । ଦ୍ୱିତୀୟ ପର୍ଯ୍ୟାୟ କରୋନା ଆକ୍ରମଣକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ରବିବାର ଦିନ ଉଚ୍ଚସ୍ତରୀୟ ସମୀକ୍ଷା ବୈଠକ କରିଛନ୍ତି। ଏହି ବୈଠକରେ ପ୍ରଧାନମନ୍ତ୍ରୀଙ୍କ ମୁଖ୍ୟ ସଚିବ,କ୍ୟାବିନେଟ୍ ସଚିବ ଓ ଡ. ବିନୋଦ ପାଲ ସାମିଲ ହୋଇଥିଲେ ।

ମିଳୁଥିବା ସୂଚନା ଅନୁସାରେ ପ୍ରଧାନମନ୍ତ୍ରୀ ବରିଷ୍ଠ ଅଧିକାରୀଙ୍କ କରୋନା ସଂକ୍ରମଣ ପ୍ରସଙ୍ଗ ଉପରେ ଚର୍ଚ୍ଚା କରୁଛନ୍ତି । ବେକାବୁ ହେଉଥିବା ସଂକ୍ରମଣକୁ ଦୃଷ୍ଟିରେ ରଖି ଏହି ବୈଠକରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯିବାର ସମ୍ଭାବନା ରହିଛି।

ସୂଚନାଯୋଗ୍ୟ ଯେ, ଭାରତରେ ରବିବାର ଦିନ କରୋନା ସଂକ୍ରମଣର ୯୩ ହଜାର ୨୪୯ ମାମଲା ସାମ୍ନାକୁ ଆସିଛି । ୨୦୨୧ରେ ଏହା ହେଉଛି କୋଭିଡ-୧୯ ସଂକ୍ରମଣର ସବୁଠୁ ବଡ ସଂଖ୍ୟା । ଏହାସହିତ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୧କୋଟି ୨୪ ଲକ୍ଷ ୮୫ ହଜାର ୫୦୯ ହୋଇଛି ।

ଛତିଶଗଡ଼ରେ ନକ୍ସଲ ଆକ୍ରମଣ : ସହିଦ ଯବାନଙ୍କ ସଂଖ୍ୟା ୨୨,ଏପର୍ଯ୍ୟନ୍ତ ପହଞ୍ଚି ପାରିନି ରେସକ୍ୟୁ ଟିମ୍

ବିଜାପୁର: ଛତିଶଗଡ଼ର ସୁକମା ଓ ବିଜାପୁର ସୀମାସ୍ଥିତ ଟେକଲଗୁଡା ଗାଁ ନିକଟରେ ନକ୍ସଲଙ୍କ ସହିତ ଶନିବାର ଦିନ ହୋଇଥିବା ସଂଘର୍ଷରେ ୨୨ ଜଣ ଯବାନ ସହିଦ ହୋଇଥିବା ଖବର ମିଳୁଛି। ଏହି ଖବରକୁ ନେଇ ସିଆରପିଏଫ୍ ପକ୍ଷରୁ ଆଧିକାରିକ ଭାବେ କିଛି କୁହାଯାଇ ନାହିଁ । ତେବେ କିଛି ମିଡିଆ ରିପୋର୍ଟରେ ଏଭଳି ଦାବି କରାଯାଉଛି। ସମ୍ବାଦ ସରବରାହ ସଂସ୍ଥା ଏଏନଆଇ ଅନୁସାରେ ସଂଘର୍ଷରେ ୧୬ ଜଣ ଯବାନ ସହିଦ ହୋଇଥିବା ସିଆରପିଏଫ୍ ପକ୍ଷରୁ କୁହାଯାଉଛି । କିନ୍ତୁ ଏକ ଜାତୀୟ ନ୍ୟୁଜ୍ ଚ୍ୟାନେଲ ଅନୁସାରେ ଟେକଲଗୁଡା ଗାଁରେ ୧୦ ଜଣ ଯବାନଙ୍କ ମରଶରିର ପଡ଼ି ରହିଛି।

ଏହି ଚ୍ୟାନେଲ ଅନୁସାରେ ଆକ୍ରମଣକୁ ୨୪ ଘଣ୍ଟା ବିତିଯାଇଥିଲେ ମଧ୍ୟ ଏପର୍ଯ୍ୟନ୍ତ ଘଟଣାସ୍ଥଳରେ ପୋଲିସ ପହଞ୍ଚି ପାରିନାହିଁ । ଖବର ଅନୁସାରେ ଗାଁରେ ଏବେ ମଧ୍ୟ ନକ୍ସଲ ଉପସ୍ଥିତ ଅଛନ୍ତି। ଗାଁ ମୁଣ୍ଡରେ ଥିବା ଏକ ମହୁଲ ଗଛ ମୁଳରେ ୬ ଜଣ ଯବାନଙ୍କ ମୃତଦେହ ପଡ଼ି ରହିଥିବା ବେଳେ ସେଠାରୁ କିଛି ଦୁରରେ ଆଉ ତିନି ଜଣ ଯବାନ ଓ ପାଖରେ ଥିବା ଗୋଟିଏ ଘର ନିକଟରେ ଗୋଟିଏ ମୃତଦେହ ପଡ଼ି ରହିଛି।
ଗାଁ ଲୋକଙ୍କ ଅନୁସାରେ ଗାଁଠାରୁ କିଛି ଦୁରରେ ଜଙ୍ଗଲ ପାଖେ ଅନ୍ୟ ୧୦ ଜଣ ଯବାନଙ୍କ ମୃତ ଦେହ ପଡ଼ି ରହିଛି। ଶନିବାର ଦିନ ଟେକଲଗୁଡ଼ା ଗାଁରେ ଦୁଇଥର ନକ୍ସଲଙ୍କ ସହିତ ଯବାନଙ୍କ ସଂଘର୍ଷ ହୋଇଥିଲା। ପ୍ରଥମ ଆକ୍ରମଣ ଗାଁ ନିକଟରେ ଥିବା ପାହାଡ଼ ପାଖରେ ହୋଇଥିଲା। ଆହତ ସାଥୀଙ୍କୁ ନେଇ ଯବାନ ଫେରୁଥିବା ବେଳେ ଦ୍ୱିତୀୟ ଆକ୍ରମଣ ହୋଇଥିଲା ।

ଦେଶରେ ଗମ୍ଭୀର ହେବାରେ ଲାଗିଛି କରୋନା ସ୍ଥିତି: ମେ’ ବେଳକୁ ୧.୪ କୋଟି ଟପିପାରେ ସଂକ୍ରମିତଙ୍କ ସଂଖ୍ୟା

ନୂଆଦିଲ୍ଲୀ: ଦେଶରେ କରୋନାର ଦ୍ୱିତୀୟ ପ୍ରବାହ ଅଧିକ ଶକ୍ତିଶାଳୀ ହେବାରେ ଲାଗିଛି । ଗତ ୨୪ ଘଣ୍ଟା ମଧ୍ୟରେ ୫୧୩ ଜଣଙ୍କ ମୃତ୍ୟୁ ହୋଇଥିବା ବେଳେ ରାଜ୍ୟଗୁଡ଼ିକରେ କରୋନା ସମ୍ପ୍ରକିତ ମାମଲା ଦ୍ରୁତଗତିରେ ବଢ଼ିବାରେ ଲାଗିଛି । ଗତକାଲି ମହାରାଷ୍ଟ୍ରରେ ୪୯ ହଜାରରୁ ଅଧିକ ସଂକ୍ରମିତ ଚିହ୍ନଟ ହୋଇଥିବା ବେଳେ ଛତିଶଗଡ଼ରୁ ୫ ହଜାର ୮ଶହ ଏବଂ ଦିଲ୍ଲୀରୁ ୩ ହଜାର ୫ଶହରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି । ଏଭଳି ସ୍ଥିତିରେ କରୋନାର ମୁକାବିଲା ନେଇ ଉଚ୍ଚସ୍ତରୀୟ ବୈଠକ ଡକାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ବର୍ତ୍ତମାନ କରୋନା ସଂକ୍ରମିତଙ୍କ ସଂଖ୍ୟା ନୂଆ ରେକର୍ଡ ଛୁଇଁଛି । କରୋନା ଯେଉଁଭଳି ଭାବେ ବଢ଼ିବାରେ ଲାଗିଛି ତାକୁ ନଜରରେ ରଖି ବେଙ୍ଗାଲୁରୁ ସ୍ଥିତ ଇଣ୍ଡିଆନ୍ ଇନ୍‌ଷ୍ଟିଚ୍ୟୁଟ୍ ଅଫ୍ ସାଇନ୍ସ ଅନୁମାନ କରିଛି ଯେ, ମଇ ବେଳକୁ ସଂକ୍ରମିତଙ୍କ ସଂଖ୍ୟା ୧.୪ କୋଟିରେ ପହଞ୍ଚିବ ।

କରୋନା ଗବେଷକଙ୍କ କହିବାନୁଯାୟୀ ଏପ୍ରିଲ ମଧ୍ୟ ବେଳକୁ କରୋନା ନିଜର ପିକ୍ ଛୁଇଁ ସାରିଥିବ । ଏବଂ ସକ୍ରିୟ ସଂକ୍ରମିତଙ୍କ ସଂଖ୍ୟା ୭.୩ ଲକ୍ଷରେ ପହଞ୍ଚିସାରିଥିବ । ଏବଂ ମଇ ଶେଷ ଆଡ଼କୁ ଏହି ସଂଖ୍ୟା ୨୦ ଲକ୍ଷ ଅତିକ୍ରମ କରିସାରିଥିବ ।

ଗବେଷକଙ୍କ ମୁତାବକ ଯଦି ଏବେ ଠାରୁ ଲୋକେ କରୋନା ନିୟମ ପାଳନ କରିବେ ଏବଂ ମାସ୍କ ଲଗାଇବେ, ସାମାଜିକ ଦୂରତା ରକ୍ଷା କରିବେ ଏବଂ ଅଧିକରୁ ଅଧିକ ସଂଖ୍ୟାରେ ଭ୍ୟାକ୍ସିନ୍ ଲଗାଇବେ ତେବେ ଯାଇଁ ଦ୍ରୁତଗତି ବଢ଼ୁଥବା ସଂକ୍ରମିତଙ୍କ ସଂଖ୍ୟା ଉପରେ ଅଙ୍କୁଶ ଲାଗିପାରିବ । ଦେଶରେ ବର୍ତ୍ତମାନ ଦୈନିକ ୯୦ ହଜାର ସଂକ୍ରମିତ ଚିହ୍ନଟ ହେଉଥିବା ବେଳେ ଏଥିରୁ ବର୍ତ୍ତମାନ ଦେଶର କରୋନାର ସ୍ଥିତି କେତେ ଗମ୍ଭୀର ତାହା ସ୍ପଷ୍ଟ କରୁଛି । ସ୍ୱାସ୍ଥ୍ୟ ମନ୍ତ୍ରାଳୟ ତଥ୍ୟ ଅନୁଯାୟୀ ଶନିବାର ସାରା ଦେଶରେ ୯୨ ହଜାର ୯୪୩ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।

ଏଥିସହିତ ପଢ଼ନ୍ତୁ: ବଲିଉଡ୍ ଅଭିନେତା ଅକ୍ଷୟ କୁମାର କରୋନା ସଂକ୍ରମିତ

ରାଜ୍ୟରେ ଆଉ ୪୭୧ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଆଉ ୪୭୧ କୋଭିଡ ପଜିଟିଭ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୨୭୮, ଲୋକାଲ କେସ୍ ୧୯୩ । ୨୭ ଜିଲ୍ଲା ଓ ଷ୍ଟେଟପୁଲରୁ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସୁନ୍ଦରଗଡ଼ରୁ ସର୍ବାଧିକ ୮୫, କଳାହାଣ୍ଡିରୁ ୫୦ ପଜିଟିଭ ଚିହ୍ନଟ ହୋଇଛନ୍ତି । ନୂଆପଡାରୁ ୪୨, ଖୋର୍ଦ୍ଧାରୁ ୪୦, ବଲାଙ୍ଗୀରରୁ ୩୬, ସମ୍ବଲପୁରୁ ୨୭, ଝାରସୁଗୁଡ଼ାରୁ ୨୩, କଟକରୁ ୨୨, ନବରଙ୍ଗପୁରରୁ ୧୭, ମୟୂରଭଞ୍ଜରୁ ୧୬, ବାଲେଶ୍ବରରୁ ୧୫, ପୁରୀରୁ ୧୪, ଗଞ୍ଜାମରୁ ୧୨, ଯାଜପୁରରୁ ୧୧, ଅନୁଗୁଳରୁ ୧୦, ଷ୍ଟେଟପୁଲରୁ ୯, ରାୟଗଡ଼ାରୁ ୮, କୋରାପୁଟରୁ ୭, ଭଦ୍ରକରୁ ୬, ବରଗଡ଼ରୁ ୫, ନୟାଗଡ଼ରୁ ୪, କନ୍ଧମାଳରୁ ୩, ସୋନପୁର, ଗଜପତି, କେନ୍ଦ୍ରାପଡ଼ରୁ ୨ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଢେଙ୍କାନାଳ, ଜଗତସିଂହପୁର ଓ କେନ୍ଦୁଝରରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୩ଲକ୍ଷ ୪୨ହଜାର ୬୯୫ ଥିବା ବେଳେ ଆକ୍ଟିଭ କେସ୍ ରହିଛି ୩ହଜାର ୮୫ ।

ସୂଚନାଯୋଗ୍ୟ ଯେ, ଦେଶରେ କରୋନାର ଦ୍ୱିତୀୟ ପ୍ରବାହ ଅଧିକ ଶକ୍ତିଶାଳୀ ହେବାରେ ଲାଗିଛି । ଗତ ୨୪ ଘଣ୍ଟା ମଧ୍ୟରେ ୫୧୩ ଜଣଙ୍କ ମୃତ୍ୟୁ ହୋଇଥିବା ବେଳେ ରାଜ୍ୟଗୁଡ଼ିକରେ କରୋନା ସମ୍ପ୍ରକିତ ମାମଲା ଦ୍ରୁତଗତିରେ ବଢ଼ିବାରେ ଲାଗିଛି । ଗତକାଲି ମହାରାଷ୍ଟ୍ରରେ ୪୯ ହଜାରରୁ ଅଧିକ ସଂକ୍ରମିତ ଚିହ୍ନଟ ହୋଇଥିବା ବେଳେ ଛତିଶଗଡ଼ରୁ ୫ ହଜାର ୮ଶହ ଏବଂ ଦିଲ୍ଲୀରୁ ୩ ହଜାର ୫ଶହରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି । ଏଭଳି ସ୍ଥିତିରେ କରୋନାର ମୁକାବିଲା ନେଇ ଉଚ୍ଚସ୍ତରୀୟ ବୈଠକ ଡକାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ଏଥିସହିତ ପଢ଼ନ୍ତୁ:ବଲିଉଡ୍ ଅଭିନେତା ଅକ୍ଷୟ କୁମାର କରୋନା ସଂକ୍ରମିତ

 

 

ବିଜେପି ସଦସ୍ୟଙ୍କୁ ସସ୍‌ପେଣ୍ଡ ଘଟଣା: ଧାରଣାରୁ ଓହରିଲେ ବିଜେପି ବିଧାୟକ

ଭୁବନେଶ୍ୱର: ଧାରଣାରୁ ଓହରିଲେ ବିଜେପି ବିଧାୟକ । ବିଧାନସଭା ପରିସରରେ ଗତକାଲି ରାତି ତମାମ ବିଜେପି ବିଧାୟକମାନେ ଧାରଣାରେ ବସିଥିଲେ । ଗତକାଲି ବିଧାନସଭାରେ ବାଚସ୍ପତିଙ୍କ ଉପରକୁ ଚପଲ ଫିଙ୍ଗିବା ଘଟଣାରେ ବିଜେପିର ୩ ବିଧାୟକ ଜୟନାରାୟଣ ମିଶ୍ର, ବିଷ୍ଣୁ ସେଠୀ ଓ ମୋହନ ମାଝୀଙ୍କୁ ନିଲମ୍ବନ କରାଯାଇଥିଲା । ଏହା ପରେ ନାଟକବାଜି ଆରମ୍ଭ କରି ଦେଇଥିଲେ ବିଜେପି ବିଧାୟକ । ସେମାନେ ବିଧାନସଭା ପରିସରରେ ଥିବା ଗାନ୍ଧିମୂର୍ତ୍ତି ପାଖରେ ଧାରଣା ଦେଇଥିଲେ । ନିଜେ ବାଚସ୍ପତି ଆସି ଧାରଣରୁ ହଟିଯିବାକୁ ଅନୁରୋଧ କରିଥିଲେ । ପ୍ରଥମେ ବିଜେପି ସଦସ୍ୟମାନେ ଧାରଣା ପ୍ରତ୍ୟାହାର ପାଇଁ ପ୍ରତିଶ୍ରୁତି ଦେଇଥିଲେ ମଧ୍ୟ ପରେ ରାତି ତମାମ ଧାରଣାରେ ବସିଥିଲେ । ଆଜି ସେମାନଙ୍କୁ ଭେଟିଥିଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ବିଜେପି ରାଜ୍ୟ ସହ ପ୍ରଭାରୀ ଧାରଣାରେ ବସିଥିବା ବିଧାୟକଙ୍କୁ ଫଳ ରସ ପିଆଇବା ପରେ ସେମାନ ଧାରଣାରୁ ଉଠିଛନ୍ତି । ଆଜି ବିଜେପି ରାଜ୍ୟ କାର୍ଯ୍ୟାଳୟରେ ସାମ୍ବାଦିକ ସମ୍ମିଳନୀ କରିବେ ବିଜେପି ବିଧାୟକ । ରାଜ୍ୟପାଳଙ୍କୁ ଭେଟି ବିଲ୍‌ ପାରିତ ହେବା ସମୟରେ ବିରୋଧୀ ଦଳର ନେତାଙ୍କୁ କହିବାକୁ ସୁଯୋଗ ନ ଦିଆଯିବା ନେଇ ରାଜ୍ୟପାଳଙ୍କ ପାଖରେ ଅଭିଯୋଗ କରିବେ ବୋଲି କହିଛନ୍ତି । ପରିତାପର କଥା, ବିଧାନସଭା ପରି ଗଣତନ୍ତ୍ରର ପବିତ୍ର ମନ୍ଦିରରେ ନିଜ ଅଶୋଭନୀୟ ଆଚରଣକୁ ନେଇ ତିଳେ ହେଲେ ପଶ୍ଚାତାପ ବି କରିନାହାନ୍ତି ବିଜେପି ବିଧାୟକ । ସେମାନଙ୍କ ଏଭଳି ଆଚରଣକୁ ସାରା ରାଜ୍ୟ ନିନ୍ଦା କରିଛି । ସେପଟେ ୫ଦିନ ପୂର୍ବରୁ ବିଧାନସଭା ଅଧିବେଶନ ଶେଷ ହୋଇଥିବାରୁ ଆଜି ଓ ଆସନ୍ତାକାଲି ସମସ୍ତ ବିଧାୟକଙ୍କର କରୋନା ଟେଷ୍ଟ କରାଯିବ ।