spot_img
Home Blog Page 5955

ରାୟପୁରରେ ମାଓବାଦୀ-ସୁରକ୍ଷାକର୍ମୀ ଗୁଳିବିନିମୟ: ୨୧ଜଣ ଯବାନ ନିଖୋଜ

ରାୟପୁର: ଛତିଶଗଡ଼ ବିଜାପୁରରେ ଗୁଳିବିନିମୟ ପରେ ୬ ଜଣ ଯବାନଙ୍କ ମୃତଦେହ ପଡ଼ିଥିବା ଦେଖିବାକୁ ମିଳିଛି ।  ଏବେବି ୨୧ ଜଣ ଯବାନ ନିଖୋଜ ଥିବା ସୂଚନା ମିଳିଛି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । ନିଖୋଜ ୨୧ଜଣଙ୍କ ମଧ୍ୟରୁ ୭ଜଣ ହେଉଛନ୍ତି CRPF ଯବାନ । ଘଟଣାସ୍ଥଳରେ ପହଞ୍ଚିଛନ୍ତି ସିଆରପିଏଫ ଡିଜି କୁଲଦୀପ ସିଂହ । ଅନ୍ୟପଟେ ୩୦ ଜଣ ଗୁରୁତରଙ୍କ ମଧ୍ୟରୁ ୨୩ ଜଣଙ୍କୁ ବିଜାପୁର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ୭ ଜଣ ଯବାନଙ୍କୁ ବାୟୁ ସେନାର ହେଲିକପ୍ଟର ଯୋଗେ ରାଇପୁର ସ୍ଥାନାନ୍ତର କରାଯାଇଛି। ଏନେଇ ରାୟପୁର ଡିଆଇଜି ଓମ୍ ପ୍ରକାଶ ପାଲ୍ ସୂଚନା ଦେଇଛନ୍ତି । ଗତକାଲି ଛତିଶଗଡ଼ ନାରାୟଣପୁର ଜିଲ୍ଲାରେ ମାଓବାଦୀ ଏବଂ ଯବାନଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ସୂଚନା ଅନୁସାରେ ଡି ଆର୍ ଜି ଏଵଂ ଆଇ ଟି ବି ପି ଯବାନର ଏକ ଟିମ୍ ଅବୁଝମଡର କାକୁର୍ ଅଞ୍ଚଳରେ କୁମ୍ବିଂ ପାଇଁ ଯାଇଥିଲେ । ସେଠାରେ ଯବାନଙ୍କ ଉପରେ ଅତର୍କିତ ଗୁଳିଚାଳନା କରିଥିଲେ ମାଓବାଦୀ ।

ଏଥିସହିତ ପଢ଼ନ୍ତୁ: ବିଜାପୁରରେ ଯବାନ-ନକ୍ସଲ ମୁହାଁମୁହିଁଁ; ୫ ସୁରକ୍ଷାକର୍ମୀ ସହିଦ, ୨ ନକ୍ସଲ ନିହତ

ବଲିଉଡ୍ ଅଭିନେତା ଅକ୍ଷୟ କୁମାର କରୋନା ସଂକ୍ରମିତ

ମୁମ୍ୱାଇ: ବଲିଉଡ୍ ଅଭିନେତା ଅକ୍ଷୟ କୁମାରଙ୍କୁ କରୋନା  । ଏନେଇ ନିଜେ ଅକ୍ଷୟ ସୋସିଆଲ ମିଡିଆରେ ଜରିଆରେ ସମସ୍ତଙ୍କୁ ଅବଗତ କରାଇଛନ୍ତି । ସେ ଆଜି ସକାଳେ କରୋନା ସଂକ୍ରମିତ ଚିହ୍ନଟ ହୋଇଥିବା କହିଛନ୍ତି । ଏହା ପରେ ସେ ସମସ୍ତ ପୋର୍ଟକଲ ମାନି ନିଜକୁ ଆଇସୋଲେସନ୍‌ରେ ରଖିଛନ୍ତି । ଏଥିସହିତ ଆବଶ୍ୟକ ମେଡିସିନ ମଧ୍ୟ ସେବନ କରିଛନ୍ତି । ଯେଉଁ ମାନେ ଗତ କିଛି ଦିନ ମଧ୍ୟ ତାଙ୍କ ସଂସ୍ପର୍ଶରେ ଆସିଥିଲେ ସେମାନେ ନିଜ ନିଜ କରୋନା ଟେଷ୍ଟ କରାଇନେବାକୁ ସେ ନିବେଦନ କରିଛନ୍ତି । ଏଥିସହିତ ସେ ଖୁବ୍‌ଶୀଘ୍ର ସୁସ୍ଥ ହୋଇ ଫେରିବେ ବୋଲି କହିଛନ୍ତି ।

ଏଥିସହିତ ପଢ଼ନ୍ତୁ: ବଲିଉଡ ଅଭିନେତ୍ରୀ ଆଲିଆ ଭଟ୍ଟ କରୋନା ପଜିଟିଭ ଚିହ୍ନଟ

ଝାରସୁଗୁଡ଼ାରେ ୧୭ କରୋନା ସଂକ୍ରମିତ ଚିହ୍ନଟ: ୧୨ଟି ସ୍ଥାନରେ ଲାଗୁହେଲା କଣ୍ଟେନମେଣ୍ଟ କଟକଣା

ଝାରସୁଗୁଡ଼ା: ପୁଣି ଝାରସୁଗୁଡାରୁ କରୋନା ସଂକ୍ରମିତ ଚିହ୍ନଟ । ଗୋଟିଏ ଦିନରେ ୧୭ଜଣ ପଜିଟିଭ ଚିହ୍ନଟ ହୋଇଛନ୍ତି l କିଛି ମାସର ବ୍ୟବଧାନ ପରେ ପୁଣି ଫେରିଲା କଣ୍ଟନମେଣ୍ଟ ଜୋନ l ଝାରସୁଗୁଡାକୁ  କରୋନା ର ଦ୍ୱିତୀୟ ଲହର ଲେଉଟିବା ପରେ ୧୭ଜଣ ପଜିଟିଭ ଚିହ୍ନଟ ହୋଇଥିବା ୧୨ଟି ସ୍ଥାନକୁ ଜ଼ିଲ୍ଲାପାଳ କଣ୍ଟନମେଣ୍ଟ ଜୋନ ଘୋଷଣା କରିଛନ୍ତି l ଯାହା ଝାରସୁଗୁଡା ପୌରପରିଷଦର ରେଳବାଇ କଲୋନୀର ଦୁଇଟି ସ୍ଥାନ, କବରସ୍ଥାନ ପଡ଼ା, ସରବାହାଲ, ବମ୍ବେ ଛକ, ବେହେରାମାଲ ଏବଂ ବେଲପାହାଡ଼ ଥାନା  ଅଧିନ ପିପିଲିମାଲ ସମେତ କିରମିରା ବ୍ଲକର ମାଲୁଆପଡା, ନକ୍ସlପାଲି, କୁଟୁରାଛୁଆଁ ଆଦିକୁ କଣ୍ଟନମେଣ୍ଟ ଜୋନ ଘୋଷଣା  କରାଯାଇଛି l ସମସ୍ତେ ଘରେ ରହିବା ସହ ସମସ୍ତ କଟକଣା ମାନିବାକୁ ଜ଼ିଲ୍ଲାପ୍ରଶାସନ ସଜାଗ କରିଛି l ସମସ୍ତଙ୍କ କଣ୍ଟାକଟ୍ରେସିଂ କରାଯିବା ସହ ଆକ୍ଟିଭ ସର୍ଭଲାନ୍ସ ଲାଗି ପଦକ୍ଷେପ ଆରମ୍ଭ କରାଯାଇଛି l

ଏଥିସହିତ ପଢ଼ନ୍ତୁ: ବଢୁଛି ସଂକ୍ରମଣ; ପ୍ରତି ରବିବାର ବନ୍ଦ ରହିବ ଜଗା ଦର୍ଶନ

ସନ୍ଧ୍ୟା ୬ଟା ୩୦ରୁ ୭ ଯାଏଁ ବିଦ୍ୟୁତ ଉପକରଣ ବନ୍ଦ କରିବାକୁ କଂଗ୍ରେସର ଆହ୍ୱାନ

ଭୁବନେଶ୍ୱର: ବିଦ୍ୟୁତ ଦର ବୃଦ୍ଧି ପ୍ରତିବାଦରେ ଆଜି ଅଭିନବ ଉପାୟରେ ପ୍ରତିବାଦ କରିବ କଂଗ୍ରେସ  । ସନ୍ଧ୍ୟା ୬ଟା ୩୦ରୁ ୭ଟା ପର୍ଯ୍ୟନ୍ତ ସମସ୍ତ ବିଦ୍ୟୁତ ଉପକରଣ ବନ୍ଦ କରି ପ୍ରତିବାଦ କରିବ କଂଗ୍ରେସ । ଅଧଘଣ୍ଟାଏ ପର୍ଯ୍ୟନ୍ତ ବିଦ୍ୟୁତ ଉପକରଣ ବନ୍ଦ କରି ପ୍ରତିବାଦ କରିବାକୁ ଜନସାଧାରଣଙ୍କୁ ଆହ୍ବାନ ଦେଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।  କରୋନା ସମୟରେ ଲୋକଙ୍କ ଆର୍ଥିକ ଅବସ୍ଥା ଖରାପ ଥିବା ବେଳେ, ବିଦ୍ୟୁତ ଦର ବୃଦ୍ଧି ସାଧାରଣ ଲୋକଙ୍କ ପାଇଁ ବୋଝ ଉପରେ ନଳୀତା ବିଡା ସଦୃଶ ହୋଇଛି । ରାଜ୍ୟରେ ପ୍ରତି ୟୁନିଟ ବିଦ୍ୟୁତ ଉତ୍ପାଦନ ଖର୍ଚ୍ଚ ୩ ଟଙ୍କା ଥିବା ବେଳେ, ବିଦ୍ୟୁତ କମ୍ପାନୀ ୬ଟଙ୍କା ଦରରେ ଗ୍ରାହକଙ୍କଠାରୁ ଆଦାୟ କରୁଛନ୍ତି । ବର୍ତ୍ତମାନ ସମୟରେ ବିଦ୍ୟୁତ ଦର ବୃଦ୍ଧିକୁ କଂଗ୍ରେସ ବିରୋଧ କରୁଛି । ସେଥିପାଇଁ ରାଜ୍ୟର ସମସ୍ତ ବ୍ଲକ ଓ ସଦର ମହକୁମାରେ ଧାରଣା, ବିକ୍ଷୋଭ କରି ସ୍ମାରକ ପତ୍ର ପ୍ରଦାନ କରାଯାଉଛି ବୋଲି ନିରଞ୍ଜନ କହିଛନ୍ତି ।

ଏଥିସହିତ ପଢ଼ନ୍ତୁ: ବାଚସ୍ପତିଙ୍କୁ ଚପଲ ଫିଙ୍ଗା ପ୍ରସଙ୍ଗକୁ ନେଇ ଗୃହରେ ଉଦବେଗ

ତାତିରୁ ମିଳିବ ସାମାନ୍ୟ ଆଶ୍ୱସ୍ତି, ୯ ଜିଲ୍ଲାରେ କାଳବୈଶାଖୀ ଆଶଙ୍କା

ଭୁବନେଶ୍ୱର: ତାତିରୁ ମିଳିବ ସାମାନ୍ୟ ଆଶ୍ୱସ୍ତି । ରାଜ୍ୟରେ ଲଘୁଚାପ ସହିତ କାଳବୈଶାଖୀ ବର୍ଷା କମାଇଛି ଦିନର ତାପମାତ୍ରା । ଉତ୍ତର ଆଣ୍ଡାମାନ ସାଗରରେ ସୃଷ୍ଟି ହୋଇଥିବା ଲଘୁ ଚାପ ଓ୍ବେଲମାର୍କ ଲୋ ପ୍ରେସରରେ ପରିଣତ ହୋଇ କ୍ରମଶଃ ଦୁର୍ବଳ ହୋଇଛି  । ଛତିଶଗଡ ଓ ଏହାର ଆଖପାଖ ଅଞ୍ଚଳରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି  । ଏହା ସହିତ ଝାଡଖଣ୍ଡ ଅଞ୍ଚଳରେ ମଧ୍ୟ ଆଉ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି । ରାଜ୍ୟରେ ଅନେକ ସ୍ଥାନରେ କାଳବୈଶାଖି ମଧ୍ୟ ଜାରି ରହିଛି । ଏହା ପ୍ରଭାବରେ ଗତକାଲି ରାଜ୍ୟର କେତେକ ସ୍ଥାନରେ କୁଆପଥର ସହିତ ବର୍ଷା ହୋଇଛି  । ଆଜି ମୟୂରଭଞ୍ଜ, ଗଜପତି, ଗଞ୍ଜାମ, କୋରାପୁଟ, କନ୍ଧମାଳ ,ନୟାଗଡ଼, ଖୋର୍ଦ୍ଧା, ଯାଜପୁର ଓ ଭଦ୍ରକରେ କାଳବୈଶାଖୀ ହେବା ନେଇ ସତର୍କ ସୂଚନା ଜାରି କରାଯାଇଛି । ଆସନ୍ତାକାଲି ପାଇଁ ଏସବୁ ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର  ।

ଏଥିସହିତ ପଢ଼ନ୍ତୁ: ‘ଜମି ପ୍ରଦାନରେ କିଛି ଶିଳ୍ପସଂସ୍ଥାକୁ ଅନୁକମ୍ପା ପ୍ରଦର୍ଶନ କରିଛନ୍ତି ଅନୁଗୁଳ ଜିଲ୍ଲାପାଳ’

IPL 2021: ଏପ୍ରିଲ ୯ରୁ ଆଇପିଏଲ୍, ପୁରୁଣା ରେକର୍ଡକୁ ଫେରିବ KKR

ଭୁବନେଶ୍ୱର: ଏପ୍ରିଲ ୯ରୁ ଆରମ୍ଭ ଆଇପିଏଲ୍‌ । କମ୍ପିବ ମୈଦାନ, ଜମିବ ମ୍ୟାଚ । ଗତବର୍ଷ କୋଭିଡ ଟୁର୍ଣ୍ଣାମେଣ୍ଟରେ ବାଧକ ସାଜିଥିଲା । ଗତବର୍ଷ ବିଦେଶରେ ମ୍ୟାଚ ଖେଳାଯାଇଥିବା ବେଳେ ଚଳିତ ବର୍ଷ ଦେଶରେ ହିଁ ଖେଳାଯିବା ନେଇ ହୋଇଛି ନିଷ୍ପତି। ଅହମ୍ମଦାବାଦ, ଚେନ୍ନାଇ, ବେଙ୍ଗାଲୁରୁ, ନୂଆଦିଲ୍ଲୀ, କୋଲକାତା ଏବଂ ମୁମ୍ବାଇରେ ଚଳିତବର୍ଷର ଟୁର୍ଣ୍ଣାମେଣ୍ଟ ଖେଳାଯିବ। ସମୁଦାୟ ୫୧ ଦିନ ଧରି ଜାରି ରହିବ ଏହି କ୍ରିଡା ମହାକୁମ୍ଭ । ମ୍ୟାଚକୁ ନେଇ ହାତରେ କମ ଦିନ ଥିବାବେଳେ KKR ଚଳାଇଛି କସରତ।

ଆଇପିଏଲରେ ଦୁଇ ଦୁଇ ଥର ଟ୍ରଫି ହାସଲ କରିଥିବା କୋଲକାତା ନାଇଟ୍ ରାଇଡର୍ସ ଟିକେ ଥମି ଯାଇଛି । କିନ୍ତୁ ପୁଣି ପୁରୁଣା ରେକର୍ଡ କରିବାକୁ ଦଳ ଆରମ୍ଭ କରିଛି ଚେଷ୍ଟା । ଅଧିନାୟକ ଥିବା ଗୌତମ ଗମ୍ଭୀରଙ୍କ ବିଦାୟ ପରେ ଦଳରେ ହୋଇଛି ବ୍ୟାପକ ପରିବର୍ତ୍ତନ । କିନ୍ତୁ ଦଳ ସେହି ପୂର୍ବ ଦିନର ପ୍ରଦର୍ଶନକୁ ଫେରିବାକୁ ପୁନର୍ବାର ପ୍ରୟାସ ଆରମ୍ଭ କରିଛି । ସେପଟେ ଚଳିତ ଟୁର୍ଣ୍ଣାମେଣ୍ଟରେ RCB ସହ ପ୍ରଥମ ମ୍ୟାଚ ମଧ୍ୟ ଖେଳିବାକୁ ଯାଉଛି KKR ।

କେକେଆରର ଶକ୍ତି ଭାବେ ଥିବା ସ୍ପିନ୍ ବିଭାଗ ଏବେ ଦଳ ପାଇଁ ଦୁର୍ବଳତା ପାଲଟିଯାଇଛି। କୁଲଦୀପ ଯାଦବ ୫ ମ୍ୟାଚ୍‌ରୁ ମାତ୍ର ଗୋଟିଏ ୱିକେଟ୍ ନେଇଥିଲେ। ୨୦୧୨ ଓ ୨୦୧୪ରେ ଦଳକୁ ବିଜେତା କରିଥିବା ଗମ୍ଭୀରଙ୍କ ଦଳର ମୁଖ୍ୟ ବୋଲିଂ ଅସ୍ତ୍ର ସୁନିଲ ନାରାୟଣ ମଧ୍ୟ ବିଫଳ ହେଉଛନ୍ତି। ବୋଲିଂ ଶୈଳୀ ପାଇଁ ବିବାଦରେ ପଡ଼ିବାରୁ ସେ ମଧ୍ୟ ଥମି ଯାଇଛନ୍ତି । ସେପଟେ ନାରାୟଣଙ୍କ ବଦଳରେ ବରୁଣ ଚକ୍ରବର୍ତୀ ଦାୟିତ୍ବ ସମ୍ଭାଳି ଦଳ ପାଇଁ ସର୍ବାଧିକ ୧୭ ୱିକେଟ୍ ନେଇଥିଲେ। ସେହିପରି ନାରାୟଣ ଆହତ ହୋଇଥିବାବେଳେ ଖେଲରୁ ବାଦ ପଡିଥିଲେ । ଏବେ ସେ କେତେ ଫିଟନେସ୍‌ ରହିଛନ୍ତି ତାହା ସ୍ପଷ୍ଟ ହୋଇନାହିଁ । କିନ୍ତୁ ଫ୍ୟାନ୍ସ ଏବଂ ଫଲୋୟର୍ସ ନାରାୟଣଙ୍କ ବୋଲିଂକୁ ପୁଣି ଥରେ ଦେଖିବାକୁ ଆଶାବନ୍ଧି ବସିଛନ୍ତି ।

IPL2021: କ୍ୟାମେରାରେ କଏଦ ହରକତ, ଜାଣି ପାରିଲେନି ରାଜସ୍ଥାନ ରୟାଲ୍ସର ଅଲରାଉଣ୍ଡର

ନୂଆଦିଲ୍ଲୀ: ଆଇପିଏଲର ପ୍ରାଞ୍ଚାଇଜ ରାଜସ୍ଥାନ ରୟାଲ୍ସ ଟିମର ଅଲରାଉଣ୍ଡର ରାହୁଲ ତେବତିଆଙ୍କ ଏକ ଭିଡିଓ ଏବେ ବେସ ଭାଇରାଲ ହେବାରେ ଲାଗିଛି । ହୋଟେଲ ରୁମରେ କ୍ୟାମେରା ଅନ କରିଥିବା ଅଲରାଉଣ୍ଡର ତେବତିଆ କ୍ୟାମେରା ଅଫ କରିବାକୁ ଭୁଲି ଯାଇଛନ୍ତି । ଫଳରେ ରୁମର ସମସ୍ତ କାର୍ଯ୍ୟକଳାପ କ୍ୟାମେରାରେ କଏଦ ହୋଇଛି ।

ଟିମ ସହ ସବୁବେଳେ ଜଡିତ ଥିବା ରାଜସ୍ଥାନ ରୟାଲ୍ସର ଏହି ଅଲରାଉଣ୍ଡର ଏବେ ପୃଥକବାସରେ ରହିଛନ୍ତି । ଫଳରେ ରୁମରେ ପ୍ରାକ୍ଟିସ ଜାରି ରଖିଛନ୍ତି ତେବତିଆ । ଦଳ ପକ୍ଷରୁ ଟ୍ବିଟରେ ସେୟାର କରାଯାଇଥିବା ଏହି ଭିଡିଓ ଏବେ ଭାଇରାଲ ହୋଇଛି । ଯେଉଁଥିରେ ରାହୁଲ କରୁଥିବା ସମସ୍ତ କାର୍ଯ୍ୟ କଏଦ ହୋଇଛି ।

ଭିଡିଓରେ ଦେଖିବାକୁ ମିଳିଛି ରାହୁଲ ବେଡରୁ ଉଠିବା ପରେ ପ୍ରଥମେ ଫୋନରେ କଥା ହେଉଛନ୍ତି । ପରେ ଫୋନ କଥା ହେବା ସହ ବ୍ୟାଟିଂ ପ୍ରାକ୍ଟିସ କରୁଛନ୍ତି । ଏହାପରହେ ପୁଣି ବ୍ୟାୟାମ କରୁଛନ୍ତି । ସବୁ କାର୍ଯ୍ୟ କରୁଛନ୍ତି କିନ୍ତୁ ଫୋନ ଛାଡୁ ନଥିବା ଭିଡିଓରେ ଦେଖାଯାଇଛି । ସେପଟେ ଖୋଦ ରାଜସ୍ଥାନ ରୟାଲ୍ସ ଏହି ଭି଼ଡିଓକୁ ଟ୍ବିଟରରେ ସେୟାର କରାଯାଇଛି । ଏବଂ କ୍ୟାପସନରେ ଲେଖାଯାଇଛି ‘ ରାହୁଲଙ୍କୁ ଲାଗୁଛି କି ତାଙ୍କୁ କେହି ଦେଖୁ ନାହାଁନ୍ତି ’ ।

ବାଚସ୍ପତିଙ୍କୁ ଚପଲ ଫିଙ୍ଗା ପ୍ରସଙ୍ଗକୁ ନେଇ ଗୃହରେ ଉଦବେଗ

ଭୁବନେଶ୍ୱର: ବିଧାନସଭାରେ ବାଚସ୍ପତିଙ୍କୁ ଚପଲ ଫିଙ୍ଗା ପ୍ରସଙ୍ଗକୁ ନେଇ ଗୃହରେ ଉଦବେଗ ପ୍ରକାଶ ପାଇଛି । ବିଜେଡି ଓ କଂଗ୍ରେସ ସଦସ୍ୟ ଗୃହରେ ଉଦବେଗ ପ୍ରକାଶ କରିଛନ୍ତି । ଶାସକ ଦଳ ସଦସ୍ୟ ଭୁପିନ୍ଦର ସିଂ କହିଛନ୍ତି ଘଟଣା ଅତ୍ୟନ୍ତ ଦୁଃଖଦାୟକ । ଓଡ଼ିଶା ଏକ ଶାନ୍ତିପ୍ରିୟ ରାଜ୍ୟ ଭାବରେ ଦେଶରେ ସବୁ ଦୃଷ୍ଟିରୁ ସମ୍ମାନ ରହିଛି । ଆପଣଙ୍କ ସମ୍ମାନ ଏ ଗୃହର ସମ୍ମାନ ଓ ଓଡ଼ିଶାର ସମ୍ମାନ । ବିଧାନସଭା କାର୍ଯ୍ୟବିଧି ଓ କାର୍ଯ୍ୟ ପରିଚାଳନା ନିୟମ ଅନୁଯାୟୀ ବାଚସ୍ପତି ରୁଲିଂ ଦିଅନ୍ତୁ ବୋଲି ଭୁପିନ୍ଦର ଦାବି କରିଛନ୍ତି ।

କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ଅସନ୍ତୋଷ ପ୍ରକାଶ କରିବା ସହ ଗୃହରେ ଯାହା ଘଟଣା ଘଟିଲା ତାହା ଅସାମ୍ବିଧାନିକ ବୋଲି କହିଛନ୍ତି । ସେହିଭଳି ବିଜେପି ସଦସ୍ୟଙ୍କ କାର୍ଯ୍ୟକଳାପ ଦ୍ୱାରା ଯେଉଁଭଳି ଭାବେ ପଦମର୍ଯ୍ୟାଦା କ୍ଷୂର୍ଣ୍ଣ କରିଛନ୍ତି ତାକୁ କଡ଼ା ଭାଷାରେ ନିନ୍ଦା କରିଛନ୍ତି ପ୍ରତାପ ଦେବ । ଘଟଣାରେ ସମ୍ପୃକ୍ତ ସମସ୍ତ ସଦସ୍ୟଙ୍କୁ ନିଲମ୍ବିତ କରିବାକୁ ଦାବି କରିଛନ୍ତି ପ୍ରତାପ ଦେବ ।

ସେଭଳି ବିଜେଡି ସଦସ୍ୟ ଶଶିଭୂଷଣ ବେହେରା କହିଛନ୍ତି- ଗୃହ ଭିତରେ ଏଭଳି ଅଶୋଭନୀୟ ଘଟଣା ଗୃହର ମର୍ଯ୍ୟାଦା ଓ ଚୌକିର ମର୍ଯ୍ୟାଦାକୁ ନଷ୍ଟ କରିଛନ୍ତି । ବିଧାନସଭାର ନିୟମ ଓ କାର୍ଯ୍ୟବିଧି ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ଦାବି କରିଛନ୍ତି । ସେହିଭଳି ବିଜେଡି ବିଧାୟକ କିଶୋର ମହାନ୍ତି କହିଛନ୍ତି- ଏହା ଇତିହାସର ଏକ କଳଙ୍କିତ ଅଧ୍ୟାୟ । ପୂର୍ବରୁ ମଇକ୍ରୋଫୋନ ଭାଙ୍ଗିଥିବାରୁ ୨୫ ହଜାର ଟଙ୍କା ଫାଇନ୍ ଆଦାୟ ହୋଇଥିଲା । ଏଭଳି ବ୍ୟବହାର କେବେ ହୋଇ ନ ଥିଲା । କୌଣସି ସଦସ୍ୟ ଏ କଥାକୁ ଗ୍ରହଣ କରିପାରିବେ ନାହିଁ । ନୀତି ନିୟମ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ଦାବି କରିଛନ୍ତି ।

ଆଲୋଚନାରେ ଅଂଶଗ୍ରହଣ କରି କଂଗ୍ରେସ ସଦସ୍ୟ ସନ୍ତୋଷ ସିଂ ସାଲୁଜା କହିଛନ୍ତି ବାଚସ୍ପତି ନିର୍ଦଳୀୟ । ସେ ଉଭୟ ଶାସକ ଓ ବିରୋଧୀ ଦଳକୁ ସୁରକ୍ଷା ଦେଇଥାନ୍ତି । ତେଣୁ ଛୋଟ ଛୋଟ କଥାକୁ ନ ଧରି ବାଚସ୍ପତି ବିଶାଳ ହୃଦୟର ପରିଚୟ ଦିଅନ୍ତୁ ବୋଲି କହିଛନ୍ତି ସାଲୁଜା । ବିଜେଡି ବିଧାୟକ ଅମର ଶତପଥୀ କହିଛନ୍ତି ଗୃହର ମର୍ଯ୍ୟାଦା କ୍ଷୂର୍ଣ୍ଣ ହୋଇଛି । ଓଡ଼ିଶାର ବହୁତ ଭଲ ଗୃହ ପରିଚାଳନା ହୁଏ । ଅନ୍ୟ ରାଜ୍ୟରେ ଓଡ଼ିଶା ବିଧାନସଭାର ଡିବେଟ ଓ ପରିଚଳନାକୁ ନେଇ ଚର୍ଚ୍ଚା ହୁଏ । ଗୃହର ଗାରିମା କ୍ଷୂର୍ଣ୍ଣ ହୋଇଛି । ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ନିଆ ନଗଲେ ଖରାପ ପରମ୍ପରା ସୃଷ୍ଟି ହେବ । ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁକ୍ଷ ବିବୃତିରେ କହିଛନ୍ତି ଏହି ଘଟଣା ଦୁଃଖ ଦେଇଛି । ୨୬ ବର୍ଷ ବିଧାନସଭା ଆସିଛି କିନ୍ତୁ ଏମିତି ନିନ୍ଦନୀୟ ଘଟଣା ଦେଖିନି । ଆପଣ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ନିଅନ୍ତୁ ।

ବାଚସ୍ପତି ରୁଲିଂ ଦେଇ କହିଛନ୍ତି ଭିଡିଓ କ୍ଲିପିଂ ଦେଖିବା ପରେ ନିଷ୍ପତ୍ତି ନେବି । କେଉଁ ବିଧାୟକ କଣ କରିଛନ୍ତି ସ୍ପଷ୍ଟ ହେବା ପରେ ଯାହା ପଦକ୍ଷେପ ନିଆଯିବ । ଭିଡିଓ କ୍ଲିପିଂକୁ ଅନୁଧ୍ୟାନ କରିବାକୁ ସରକାରୀ ଦଳ ମୁଖ୍ୟ ସଚେତକ ଏବଂ ସଂସଦୀୟ ବ୍ୟାପାର ମନ୍ତ୍ରୀଙ୍କୁ ବାଚସ୍ପତି ତାଙ୍କ ପ୍ରକୋଷ୍ଠକୁ ଡାକିବା ସହ ଗୃହକୁ ୧୫ ମିନିଟ୍ ପାଇଁ ମୁଲତବି ରଖିଛନ୍ତି ।

କିନ୍ନରଙ୍କ ଧଳା ଜହର ବେପାର, ୭୨ ଗ୍ରାମ୍ ବ୍ରାଉନ୍ ସୁଗର ଜବତ

ବାଲେଶ୍ୱର: ବ୍ରାଉନ୍ ସୁଗର ବ୍ୟବସାୟରେ ଏବେ ମୋହରା ସାଜିଛନ୍ତି କିନ୍ନର । ପୋଲିସ, ସ୍ବତନ୍ତ୍ର ସ୍କ୍ୱାର୍ଡ ଚଢାଉ ପରେ ବ୍ୟବସାୟୀ ମାନେ ନୂଆ ତରିକାରେ ଚଳାଇଛନ୍ତି ଧଳା ଜହର ବ୍ୟବସାୟ । ବାଲେଶ୍ବର ଜିଲ୍ଲା ଶିଳ୍ପାଞ୍ଚଳ ଥାନା ପୋଲିସ ତେନ୍ତୁଳିଆ ଠାକୁରାଣୀ ଛକରୁ ଜଣେ କିନ୍ନରଙ୍କୁ ଗିରଫ କରିବା ସହିତ ତାଙ୍କ ନିକଟରୁ ୭୨ ଗ୍ରାମ୍ ବ୍ରାଉନ୍ ସୁଗର ଜବତ କରାଯାଇଛି ।

 72 Gram Brown Sugar Seized, Transgender Arrested From Balasore

ଗିରଫ ଅଭିଯୁକ୍ତ ହେଲେ ଖୋର୍ଦ୍ଧା ଜିଲ୍ଲା ବାଲୁଗାଁ ନିକଟ ପାଟଣାସାହିର ରାକ୍ଷୀ କିନ୍ନର । ରାକ୍ଷୀଙ୍କ ଠାରୁ ଜବତ ହୋଇଥିବା ବ୍ରାଉନ୍ ସୁଗରର ଆନୁମାନିକ ବଜାର ମୂଲ୍ଯ ୭୦ ହଜାରରୁ ଅଧିକ ଟଙ୍କା ବୋଲି କୁହାଯାଉଛି। ରାକ୍ଷୀ କିନ୍ନର ଏହି ବ୍ରାଉନ୍ ସୁଗର ଖୋର୍ଦ୍ଧାକୁ ନେଇ ଯାଉଥିବାବେଳେ ପୋଲିସ ଚଢାଉ କରିଥିଲା । ଅଭିଯୁକ୍ତଙ୍କ ନିକଟରୁ ୩ ଶହ ଟଙ୍କା, ମୋବାଇଲ୍ ମଧ୍ଯ ଜବତ କରିଛି ପୋଲିସ ।