spot_img
Home Blog Page 5929

ଇନ୍‌ଷ୍ଟାଗ୍ରାମରେ ଫଟୋ ସେୟାର କଲେ ଅଭିନେତ୍ରୀ ସୋନମ କପୁର, କହିଲେ ମୋ ଦେଶ ଭାରତ ବହୁତ ମନେପଡ଼ୁଛି

ନୂଆଦିଲ୍ଲୀ: ବଲିଉଡର ଏଭର ଗ୍ରୀନ ହିରୋ ଅନିଲ କପୁରଙ୍କ ଝିଅ ସୋନମ କପୁର ବଲିଉଡକୁ ଅନେକ ସଫଳ ଚଳଚ୍ଚିତ୍ର ଦେଇଛନ୍ତି। ସୋନମ କେବଳ ତାଙ୍କ ଅଭିନୟ ପାଇଁ ନୁହେଁ ବରଂ ତାଙ୍କର ସୁପର ଡ୍ରେସିଂ ସେନ୍ସ ପାଇଁ ମଧ୍ୟ ବହୁତ ଚର୍ଚ୍ଚାରେ ରୁହନ୍ତି। ବଲିଉଡ ଅଭିନେତ୍ରୀ ସୋନମ ଆଜିକାଲି ଲଣ୍ଡନରେ ରହୁଛନ୍ତି। ସୋନମ ଯେତେବେଳେ ତାଙ୍କ ସ୍ୱାମୀଙ୍କ ସହ ଲଣ୍ଡନର ରାସ୍ତାରେ ବୁଲୁଥିଲେ ସେତେପେଳେ ସେ ଭାରତକୁ ବହୁତ ମନେକାଉଥିଲେ। ସୋନମ ତାଙ୍କ ପରିବାରକୁ ବହୁତ ମିସ୍‌ କରୁଛନ୍ତି ବୋଲି ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ।

ସ୍ୱାମୀ ଆନନ୍ଦ ଆହୁଜାଙ୍କ ସହ ସୋନମ କପୁର ତାଙ୍କ ଅଫିସିଆଲ ଇନଷ୍ଟାଗ୍ରାମରେ ଏକ ସୁନ୍ଦର ଫଟୋ ପୋଷ୍ଟ କରିଛନ୍ତି। ଏହି ଫଟୋରେ ଉଭୟ ଲଣ୍ଡନର ଏକ ରାସ୍ତାରେ ନଜର ଆସିଛନ୍ତି। ସୋନମ ପଛକୁ ଚାହିଁ ହସୁଥିବାବେଳେ ଆନନ୍ଦ ପଛକୁ ଚାହିଁ ହସୁଥିବାର ନଜର ଆସିଛନ୍ତି। ଉଭୟଙ୍କ ଉପରେ ଏକ କଳା ରଙ୍ଗର ଛତା ଅଛି। ରାସ୍ତାଗୁଡ଼ିକ ମଧ୍ୟ ଓଦା ଦେଖାଯାଉଛି, ଅର୍ଥାତ୍ ବର୍ଷା ଋତୁରେ ଏହି ଫଟୋ ଉଠାଯାଇଛି।

ଏହି ଫଟୋ ସେୟାର କରିବାବେଳେ ସୋନମ ଏକ ଅତ୍ୟନ୍ତ ହୃଦୟକୁ ଛୁଇଁଲାଭଳି କଥା ଲେଖିଛନ୍ତି। ସୋନମ ଲେଖିଛନ୍ତି, ‘ମୁଁ ଭାରତକୁ ବହୁତ ମିସକରୁଛି । ମୁଁ ମୋ ପରିବାର ଏବଂ ବନ୍ଧୁମାନଙ୍କୁ ଭେଟିବାକୁ ମୋ ଘରକୁ ମାନେ ଭାରତ ଆସିବାକୁ ଚାହୁଁଛି, କିନ୍ତୁ ସେ ତାଙ୍କ ନୂଆ ଘରକୁ ଛାଡ଼ି ଆସିବାକୁ ଚାହୁଁ ନାହାଁନ୍ତି ବୋଲି ସେ ଲେଖିଛନ୍ତି । ଲଣ୍ଡନରେ ଏକ ଖରାପ ଦିନ ଅନ୍ୟ ସ୍ଥାନରେ ଭଲ ଦିନ ଅପେକ୍ଷା ଭଲ। ଏହା ସହିତ ସୋନମ ଉନବିଂଶ ଶତାବ୍ଦୀର ଆମେରିକୀୟ କବି ତଥା ଦାର୍ଶନିକ ରାଲ୍ଫ ୱାଲଡୋ ଏମର୍ସନଙ୍କ କୋଟ୍ ଅଂଶୀଦାର କରିଛନ୍ତି। ଆହୁରି ମଧ୍ୟ ସୋନମ ଲଣ୍ଡନ, ମୁମ୍ବାଇ ଏବଂ ଦିଲ୍ଲୀର ହ୍ୟାସଟ୍ୟାଗ ଦେଇଛନ୍ତି।

ପଶ୍ଚିମବଙ୍ଗ ଗୁଳିକାଣ୍ଡ ନେଇ ଦିଦିଙ୍କ ବିସ୍ଫୋରକ ବୟାନ୍: ଶାହଙ୍କ ନିର୍ଦ୍ଦେଶ କ୍ରମେ ରାଜ୍ୟରେ ହିଂସା ସୃଷ୍ଟି କରୁଛି CISF

କୋଲକାତା: ପଶ୍ଚିମବଙ୍ଗରେ ପୂର୍ବ ଥର ଭଳି ଚତୁର୍ଥ ପର୍ଯ୍ୟାୟ ନିର୍ବାଚନରେ ମଧ୍ୟ ଦେଖିବାକୁ ମିଳିଛି ହିଂସା। କୁଚ ବିହାରରେ ଟିଏମସି ଓ ବିଜେପି କର୍ମୀଙ୍କ ମଧ୍ୟରେ ସଂଘର୍ଷ ହେତୁ ୪ ଜଣକ ମୃତ୍ୟୁ ହୋଇଛି। ଟିଏମସି ଓ ବିଜେପି କର୍ମୀଙ୍କ ମଧ୍ୟରେ ସଂଘର୍ଷରେ ଉଭୟ ପକ୍ଷରୁ ଗୁଳି ଓ ବୋମା ମାଡ଼ ଆରମ୍ଭ ହୋଇଯାଇଥିଲା । ଯାହାକୁ ଅଟକାଇବା ପାଇଁ  ସିଆଇଏସଫ ଯବାନଙ୍କ ଗୁଳିରେ ୪ ସାଧାରଣ ଲୋକଙ୍କ ମୃତ୍ୟୁ ହୋଇଛି।  ଘଟଣାରେ ସ୍ଥାନୀୟ ପୋଲିସ ଓ ନିର୍ବାଚନ ଅଧିକାରୀଙ୍କୁ ରିପୋର୍ଟ ତଲବ କରିଛନ୍ତି ପଶ୍ଚିମବଙ୍ଗ ନିର୍ବାଚନ ଅଧିକାରୀ। ତେବେ ଏ ନେଇ ଟିଏମସି ମୁଖ୍ୟ ମମତା ବାନାର୍ଜୀ ଦେଇଛନ୍ତି ବିସ୍ଫୋରକ ବୟାନ ।

ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଗୃହମନ୍ତ୍ରୀ ଅମିତ ଶାହଙ୍କ ନିର୍ଦ୍ଦେଶକ୍ରମେ କେନ୍ଦ୍ରୀୟ ସୁରକ୍ଷାବଳ ରାଜ୍ୟରେ ହିଂସା ସୃଷ୍ଟି କରୁଛନ୍ତି  । ଯେଉଁ ଭୟ ଥିଲା ତାହା ଏବେ ସତ ହେଉଛି । ବିଜେପି ପଶ୍ଚିମବଙ୍ଗରେ ହିଂସା ସୃଷ୍ଟି କରୁଛି। ଏଣୁ ଭୋଟ୍ ମାଧ୍ୟମରେ ବିଜେପିକୁ ହଟାଇବାକୁ ପଶ୍ଚିମବଙ୍ଗବାସୀଙ୍କୁ ଅପିଲ କରିଛନ୍ତି ମମତା ବାନାର୍ଜୀ । ଏଥିସହିତ ରାଜ୍ୟରେ ଶାନ୍ତି ବଜାୟ ରଖିବା ପାଇଁ ଅପିଲ କରିଛନ୍ତି ଦିଦି।

ଅନ୍ୟପଟେ  ବିଜେପି ପ୍ରାର୍ଥୀ ତଥା ସାଂସଦ ଲକେଟ୍ ଚାଟାର୍ଜୀଙ୍କ ଗାଡ଼ି ଉପରକୁ ଆକ୍ରମଣ ହୋଇଥିବା ଅଭିଯୋଗ ହୋଇଛି। ଟିଏମସି କର୍ମୀମାନେ ଏଭଳି କାଣ୍ଡ ଭିଆଇଛନ୍ତି ଏବଂ ପୋଲିସ ଉପସ୍ଥିତିରେ ଏଭଳି ହୋଇଥିବା ନିର୍ବାଚନ ଅଧିକାରୀଙ୍କୁ କହିଛନ୍ତି ଲକେଟ୍ ଚାଟାର୍ଜୀ।

ଭୋପାଳରେ ଅଭାବନୀୟ ଘଟଣା, ସିଙ୍ଗଡ଼ାର ଲୋଭ ଦେଖାଇ ନାବାଳିକାକୁ ଗଣଦୁଷ୍କର୍ମ

ଭୋପାଳ:   ଆମ ଦେଶରେ ପ୍ରତି ୧୬ ମିନିଟରେ ଗୋଟିଏ ଦୁଷ୍କର୍ମ ଭଳି କଳଙ୍କିତ ଅଧ୍ୟାୟ ଯୋଡ଼ି ହୁଏ। କେତେବେଳେ ବସ୍‌ରେ ତ ପୁଣି କେତେବେଳେ ଅଟୋ ବା ଟ୍ୟାକ୍ସିରେ ହୁଏ ଦୁଷ୍କର୍ମ। ଏହି ନରରୂପୀ ରାକ୍ଷସ ମାନଙ୍କ ପାଇଁ ଦୁଷ୍କର୍ମ ହେଉଛି ଏକ ସାମାନ୍ୟ ଖେଳ ପରି । ଏମାନେ ନରକୀୟ କାଣ୍ଡ ଘଟାଇବା ପୂର୍ବରୁ ତିଳେମାତ୍ର ବି ଭାବନ୍ତି ନାହିଁ। ନାବାଳିକାର ଯନ୍ତ୍ରଣା ଏମାନଙ୍କ କାନ ନିକଟରେ ପହଞ୍ଚେନାହିଁ । ଆମ ଦେଶରେ ଏମାନଙ୍କ ପାଇଁ ଦଣ୍ଡ ବିଧାନ ତ ରହିଛି ତଥାପି ନର ରାକ୍ଷସ ଲେଖୁଛନ୍ତି ଦୁଷ୍କର୍ମର କଳା କାହାଣୀ ।

ରାଜଧାନୀ ଭୋପାଳରେ ଯୋଡ଼ି ହୋଇଛି ଆଉ ଏକ କଳଙ୍କିତ ଅଧ୍ୟାୟ। ୬ ବର୍ଷୀୟ ନାବାଳିକାକୁ ସିଙ୍ଗଡ଼ା ଲୋଭ ଦେଖାଇ ଦୁଷ୍ମର୍ମ କରିଥିବା ଘଟଣା ସାମ୍ନାକୁ ଆସିଛି । ପ୍ରାୟ ୮ ଦିନ ପୂର୍ବରୁ ଘଟିଥିବା ଘଟଣା ଘର ଲୋକଙ୍କ ସାମ୍ନାକୁ ଆସିବା ପରେ ଥାନାରେ ଅଭିଯୋଗ କରିଛନ୍ତି ନାବାଳିକାର ପରିବାର ଲୋକ ।

ମଧ୍ୟପ୍ରଦେଶର ରାଜଧାନୀ ଭୋପାଳରେ ୬ ବର୍ଷର କୁନି ଝିଅ ସହିତ ଦୁଷ୍କର୍ମ ମାମଲା ଭୋପାଳରେ ଚର୍ଚ୍ଚାର ବିଷୟ ସାଜିଛି । ଦୁଷ୍କର୍ମ କରିଥିବା ବ୍ୟକ୍ତି ଅନ୍ୟ କେହି ନୁହଁନ୍ତି ବରଂ ଖୋଦ୍ ନାବାଳିକାର ଜେଜେ ଏବଂ ଜଣେ ଦୂର ସମ୍ପର୍କୀୟ । ଘଟଣା ୮ ଦିନ ପୂର୍ବରୁ ଘଟିଥିଲେ ମଧ୍ୟ ଭୟରେ କାହାକୁ କହିନଥିଲେ ନାବାଳିକା । କିନ୍ତୁ ନାବାଳିକାର ଶରୀର ଅସୁସ୍ଥ ହେବାରୁ ଘଟଣା ବାବଦରେ ତା ମା ଜାଣିବାକୁ ପାଇଥିଲେ ।

ପୋଲିସକୁ ନାବାଳିକା ଦେଇଥିବା ବୟାନ ଅନୁସାରେ, ପ୍ରାୟ ୮ ଦିନ ପୂର୍ବେ ନାବାଳିକା ଓ ତାଙ୍କ ଭାଇଙ୍କୁ ସିଙ୍ଗଡ଼ା ଦେବାର ପ୍ରଲୋଭନ ଦେଖାଇ ଜଣେ ବ୍ୟକ୍ତି ଏକ ଘର ମଧ୍ୟକୁ ନେଇଗଲେ । ସେହି ଘରେ ପୂର୍ବରୁ ଉପସ୍ଥିତ ଥିଲା ନାବାଳିକାର ଜେଜେ । ଏହାପରେ ଉଭୟ ମିଶି ଏଭଳି ନିନ୍ଦନୀୟ କାଣ୍ଡ ଘଟାଇଥିଲେ । ସିଙ୍ଗଡ଼ା କିଣିବାକୁ ୨୦ ଟଙ୍କା ଦେଇ ଏହି ବାବଦରେ କାହାକୁ କିଛି ନଜଣାଇବା ପାଇଁ କହିଥିଲେ ।

ପୋଲିସର କହିବା ଅନୁସାରେ ଦୁଇଜଣ ନିଶାସକ୍ତ ଦିନ ମଜୁରିଆ । ନାବାଳିକାର ଜେଜେର ବୟସ ୫୦ ବର୍ଷ ହୋଇଥିବା ବେଳେ ଦୂର ସମ୍ପର୍କୀୟର ବୟସ ପ୍ରାୟ ୩୮ ବର୍ଷ । ନାବାଳିକାର ପରିବାର ଦିନ ମଜୁରିଆ ହୋଇଥିବାରୁ କାମ କରିବାକୁ ବାହାରକୁ ଯାଇଥିବା ସମୟରେ ଏଭଳି ଅଭାବନୀୟ ଘଟଣା ଘଟିଛି । ତେବେ ଗତ ଗୁରୁବାର ୭ ଅପ୍ରେଲରେ ଥାନାରେ ଅଭିଯୋଗ କରିଛନ୍ତି ନାବଳିକାର ପରିବାର ଲୋକ ।

ପୁଣି ଏମାର ମଠ ପଛରୁ ବାହାରିଲା ରୂପା ଇଟା, ୪୫ ଖଣ୍ଡ ଇଟା ଜବତ କଲା ଦେବୋତ୍ତର ବିଭାଗ

ପୁରୀ: ରୂପା ଇଟା ନେଇ ଚର୍ଚ୍ଚାରେ ଥିବା ପୁରୀ ଏମାରମଠରେ ପୁଣି ରୂପା ଇଟା । ଦେବୋତ୍ତର ବିଭାଗ ୪୫ ଖଣ୍ଡ ରୂପାଇଟା ଜବତ କରିଛି । ଏହି ରୂପାଇଟା ଗୁଡିକ ମଠ ପରିସରରେ ଥିବା ଏକ ବନ୍ଦ କୋଠରୀର ମାଟିତଳୁ ଉଦ୍ଧାର କରାଯାଇଛି। ଦେବୋତ୍ତର ନୀରିକ୍ଷକ, ନୂଆ ଟ୍ରଷ୍ଟବୋର୍ଡ ଓ ପୁଲିସ ଉପସ୍ଥିତିରେ ଚଟାଣ ଖୋଳାଯାଇ ଜରି ଅଖା ଭିତରେ ଥିବା ରୂପାଇଟାକୁ ଉଦ୍ଧାର କରାଯାଇଥିବା ଜଣାପଡିଛି ।

2010 ମସିହାରେ ଏମାରମଠକୁ ଦେବୋତ୍ତର ବିଭାଗ ଦ୍ବାରା ଇନଭେଣ୍ଟରି କରାଯାଇ ମଠର ସମସ୍ତ ଆସବାବପତ୍ରର ତାଲିକାଭୁକ୍ତ କରାଯାଇ ମଠରେ ରଖାଯାଇଥିଲା। ଏହି ତାଲିକାରେ 45 ଖଣ୍ଡ ରୂପା ଇଟା ମଧ୍ୟ ରହିଥିଲା। ମଠ ଅସୁରକ୍ଷିତ ଥିବାରୁ ମଠ ମହନ୍ତ ରାଜଗୋପାଲ୍ ରାମାନୁଜ ଦାସ୍ ଏହାକୁ ଏକ ଚଟାଣ ତଳେ ପୋତି ରଖିଥିଲେ। ଦେବୋତ୍ତର ବିଭାଗର ତନାଘନା ପରେ ଏହାକୁ ଖୋଳାଯାଇ ଉଦ୍ଧାର କରାଯାଇଛି।

ସୂଚନା ଆନୁଯାୟୀ ପ୍ରତି ଇଟାର ଓଜନ 30 କିଲୋରୁ ଅଧିକ ବୋଲି ଜଣାପଡିଛି। ଏସମସ୍ତ ଇଟା ଗୁଡିକର ମାପ ଓ ଓଜନ କରାଯାଇ ଏହାକୁ ନୂତନ ଟ୍ରଷ୍ଟବୋର୍ଡକୁ ହସ୍ତାନ୍ତର କରାଯିବ। 2011 ମସିହାରେ ଏହି ତାଲିକା ବାହାରେ 522 ଖଣ୍ଡ ରୂପାଇଟା ମଠ ପରିସରରୁ ଜବତ ହୋଇଥିଲା। ଏହି ଇଟା ଉଦ୍ଧାର ସମ୍ପର୍କରେ ଶନିବାର ରାଧାବଲ୍ଲଭ ମଠ ମହନ୍ତ ରାମକୃଷ୍ଣ ଦାସ୍ ମହାରାଜା ସୂଚନା ଦେଇଛନ୍ତି। ତେବେ ମଠର ଏହି ଦାୟିତ୍ୱ ହସ୍ତାନ୍ତର ପ୍ରକ୍ରିୟା ସମ୍ପୂର୍ଣ୍ଣ ବେଆଇନ୍ ବୋଲି ମତ ଦେଇଛନ୍ତି ଏମାର ମଠର ଓକିଲ।

ଗଞ୍ଜାମରେ ଶକ୍ତ କଟକଣା, ପ୍ରବାସୀ ପଞ୍ଜିକରଣ ନକଲେ କାର୍ଯ୍ୟାନୁଷ୍ଠାନ

ଗଞ୍ଜାମ: ପ୍ରବାସୀ ମାନଙ୍କର ପ୍ରତ୍ୟାବର୍ତନ କାରଣରୁ ଗୋଟିଏ ସପ୍ତାହରେ ତିନିଗୁଣା ସଂକ୍ରମିତ ସଂଖ୍ୟା ବୃଦ୍ଧି ପାଇଛି । ପ୍ରଥମ ପର୍ଯ୍ୟାୟରେ କରୋନା ସଂକ୍ରମଣ ସଂଖ୍ୟାକୁ ରୋକିବା ପାଇଁ ଗଞ୍ଜାମ ଜ଼ିଲ୍ଲାକୁ ଫୋକସ କରି ଅନ୍ୟାନ୍ୟ ଆନୁସଙ୍ଗିକ ସୁବିଧା ସକାଶେ ସରକାରଙ୍କ ପକ୍ଷରୁ ବରିଷ୍ଠ ଅଧିକାରୀ ଓ ଡାକ୍ତର ଯୋଗାଇ ଦିଆଯାଇଥିଲା, କିନ୍ତୁ ବର୍ତମାନ ସମୟରେ ସେହି ସବୁ ସୁବିଧା ଉପଲବ୍ଧ ହେବା କାଠିକର ବ୍ୟାପାର ଏଣୁ ଜ଼ିଲ୍ଲାଵାସି ନିଜଆଡୁ ସତର୍କତା ଅଵଲମ୍ବନ କରିବା ଆବଶ୍ୟକ, ନଚେତ ପରିସ୍ଥିତି ସାଙ୍ଘାତିକ ଆଡକୁ ଗତିକରିପାରେ । ଏନେଇ ସତର୍କ କରିଛନ୍ତି ଗଞ୍ଜାମ ଜ଼ିଲ୍ଲାପାଳ ବିଜୟ ଅମୃତା କୁଲାଙ୍ଗେ ।

ଜିଲ୍ଲାପଳ କହିଛନ୍ତି ଫେରୁଥିଵା ପ୍ରବାସୀ ମାନଙ୍କର ପଞ୍ଜିକରଣ ନିହାତି ଆବଶ୍ୟକ । ଯେଉଁ ପ୍ରବାସୀ ମାନେ ପଞ୍ଜିକରଣ କରୁନାହାନ୍ତି ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ସମସ୍ତ ଚିକିତ୍ସାଳୟରେ RRT କୀଟ ମହଜୁଦ କରି ରଖାଯିବ ଏବଂ ସଂକ୍ରମିତ ବ୍ୟକ୍ତିଙ୍କୁ ଏକୁଟିଆ ଵା ଆଇସୋଲେସନରେ ରଖିବା ସକାଶେ ସମସ୍ତ ସୁବିଧା ଥାଇ ବେଡ଼ ପ୍ରସ୍ତୁତ କରିବାକୁ ଜ଼ିଲ୍ଲାପାଳ ନିର୍ଦେଶ ଦେଇଥିଲେ । ଚି଼ହ୍ନଟ ହେଉଥିବା ସଂକ୍ରମିତ ବ୍ୟକ୍ତିଙ୍କୁ ନିଜ ଘରେ ସାତଦିନ ପର୍ଯ୍ୟନ୍ତ ଆଇସୋଲେସନରେ ରଖି ତାଙ୍କ ଘର ସମ୍ମୁଖରେ ପୋଷ୍ଟର ଲଗାଯିବ । ଜ଼ିଲ୍ଲାବାସୀଙ୍କୁ ମାସ୍କ ପରିଧାନ ଏବଂ ସାନିଟାଇଜେସନର ବ୍ୟବହାରକୁ ଗୁରୁତ୍ୱ ଦିଆଯାଉଛି । ଯେଉଁ ଦୋକାନ ଵା ମଲ ଗୁଡିକରେ ଗ୍ରାହକ ମାସ୍କ ପରିଧାନ ନକରି ସାମଗ୍ରୀ କିଣୁଥିଵା ନଜର ଆସିଲେ ଏଣିକି ଦୋକାନୀ ମାନଙ୍କ ଠାରୁ ଜୋରିମାନା ଆଦାୟ କରାଯିବ ବୋଲି କହିଛନ୍ତି ଜିଲ୍ଲାପାଳ ।

ସେହିପରି ଜିଲ୍ଲାପାଳ କହିଛନ୍ତି ଯେଉଁ ଅଞ୍ଚଳରେ ସଂକ୍ରମିତ ଚି଼ହ୍ନଟ ହେବେ ସେହି ଅଞ୍ଚଳକୁ କ୍ବାରେଣ୍ଟାଇନ ଅଞ୍ଚଳ ଘୋଷଣା କରି ଖାଦ୍ୟ ଓ ଅନାନ୍ୟ ସାମଗ୍ରୀ ଯୋଗାଇବାର ବ୍ୟବସ୍ଥା କରାଯିବ । ଅସ୍ଥାୟୀ ପରିଚାଳନା ସେଣ୍ଟର ଗୁଡିକରେ ଚିକିତ୍ସକ ମୁତୟନ କରାଯିବ । ଅକ୍ସିଜେନ ରହିତ ଆମ୍ବୁଲାନ୍ସ ପ୍ରସ୍ତୁତକରି ରଖାଯିବ । ପ୍ରତି ବ୍ଲକରେ ଗୋଟିଏ ଲେଖାଏଁ ଏଭଳି ତିରିଶି ଗୋଟି ଆମ୍ବୁଲାନ୍ସ ରଖାଯିବ । ସମସ୍ତ ଆମ୍ବୁଲାନ୍ସ ଡ୍ରାଇଭର ମାନଙ୍କୁ ଟିକା ପ୍ରଦାନ କରାଯିବ । ସେହିପରି ତଗସିଲଦାର ଚଢ଼ାଉ କାର୍ଯ୍ୟ ବ୍ୟାପକ କରି ଦୋକାନୀ ଓ ମାସ୍କ ପରିଧାନ କରିନଥିଵା ବ୍ୟକ୍ତିଙ୍କ ଠାରୁ ଜୋରିମାନା ଆଦାୟ କରିବେ ବୋଲି ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ । ପାଞ୍ଚସୂତ୍ରୀ କାର୍ଯ୍ୟକ୍ରମରେ ମାସ୍କ ପରିଧାନ ଓ ସାନିଟାଇଜେସନକୁ ଗୁରୁତ୍ୱ ଦିଆଯିବ । ସମସ୍ତ ବସ ଡ୍ରାଇଭର ମାନଙ୍କୁ ଟିକା ଦିଆଯିବ । ପ୍ରତ୍ୟେକ ବ୍ଲକ ଓ ବିଜ୍ଞାପିତ ଅଞ୍ଚଳରେ କୋଭିଡି କେଏର ସେଣ୍ଟର ପ୍ରସ୍ତୁତ କରାଯିବ । କୌଣସି ଅଧିକାରୀ ଓ ଶିକ୍ଷକଗଣ ନିଜ ହେଡ଼କ୍ୱାଟର ଛାଡ଼ିବେ ନାହିଁ । କୋଭିଡ କେୟାର ସେଣ୍ଟର ଆବଶ୍ୟକ ରହିଛି ଏଣୁ ଦଶମ ଶ୍ରେଣୀ ଛାତ୍ର ପଢୁଥିବା ସ୍କୁଲ ଛାଡି ଅନ୍ୟ ସମସ୍ତ ସ୍କୁଲ ପ୍ରସ୍ତୁତ କରି ରଖିବାକୁ କହିଛନ୍ତି କୁଲାଙ୍ଗେ ।

ଚାରିଥର ଭାରତ ଆସିଥିଲେ ପ୍ରିନ୍ସ ଫିଲିପ୍, ଆଉ ସବୁଥର ବିବାଦୀୟ ବୟାନ ପାଇଁ ହୋଇଥିଲେ ହଟହଟା

ଭୁବନେଶ୍ୱର: ଆଉ ଦୁଇମାସ ପରେ ଶହେ ବର୍ଷ ଛୁଇଁଥାଆନ୍ତେ ବ୍ରିଟେନ୍ର ପ୍ରିନ୍ସ ଫିଲିପ। ହେଲେ ଦୀର୍ଘଦିନର ଶାରୀରିକ ଅସୁସ୍ଥତା ତାଙ୍କୁ ପୃଥିବୀରୁ ବିଦାୟ ଦେଇଛି। ପିଲାବେଳୁ ସଂଗ୍ରାମ ଓ ଦୁର୍ଦିନରେ ଜୀବନ ବିତାଇଥିବା ପ୍ରିନ୍ସ ଫିଲିପ୍ ଜଣେ ଖୁସ୍ ମିଜାଜର ବ୍ୟକ୍ତିତ୍ୱ ଥିଲେ ଏବଂ ନିଜ କର୍ତ୍ତବ୍ୟ ନିର୍ବାହ କରିବାରେ ଯଥେଷ୍ଟ ଯତ୍ନବାନ ଥିଲେ। ଦ୍ୱତୀୟ ବିଶ୍ୱଯୁଦ୍ଧ ସମୟରେ ଭାରତ ମହାସାଗରର ଛାତି ଉପରେ ଶତ୍ରୁ ପକ୍ଷକୁ ଚକ୍ମା ଦେବାରେ ବି ସିଦ୍ଧହସ୍ତ ଥିଲେ ଫିଲିପ୍। ସେତେବେଳେ ବ୍ରିଟେନର ରାଜପରିବାର ସହ ତାଙ୍କର କୌଣସି ସମ୍ପର୍କ ନଥିଲା କିନ୍ତୁ ବ୍ରିଟେନ୍ ପାଇଁ ସେ ଯୁଦ୍ଧ ଲଢ଼ି ଅନେକ ପ୍ରଶଂସା ଗୋଟାଇଥିଲେ। ବ୍ରିଟେନ୍ ରାଜପରିବାରର ପ୍ରମୁଖ ସଦସ୍ୟ ଭାବେ ପ୍ରିନ୍ସ ଫିଲିପଙ୍କର ଭାରତ ସହ ଥିଲା ଯଥେଷ୍ଟ ଭଲ ସମ୍ପର୍କ । ସେ ତିନିଥର ଭାରତ ଆସିଥିଲେ। ଆଉ ପ୍ରତିଥର ନିଜର ବୟାନ ପାଇଁ ବିବାଦ ଘେରକୁ ବି ଆସିଥିଲେ। ଜାଣିବାକୁ ଚାହୁଁଛନ୍ତି କି ସେ ଘଟଣାବଳୀକୁ ତେବେ ଦେଖନ୍ତୁ ସମ୍ପୂଣ୍ଣ ରିପୋର୍ଟ।

ସବୁଠାରୁ ଲମ୍ବା ସମୟ ଧରି ବ୍ରିଟେନ୍ ରାଣୀଙ୍କ ସହଯୋଗୀ ତଥା ପ୍ରିନ୍ସ ଭାବେ କାର୍ଯ୍ୟ କରିଥିବା ପ୍ରିନ୍ସ ଫିଲିପ୍ ରାଣୀ ଦ୍ୱିତୀୟ ଏଲିଜାବେଥଙ୍କ ସହ ଚାରିଥର ଭାରତ ଆସିଛନ୍ତି। ପ୍ରଥମଥର ସେ ୧୯୫୯ରେ ଭାରତ ଆସିଥିଲେ। ଭାରତରେ ତାଙ୍କ ରହଣୀ ଓ ରାଜା ମହାରାଜାଙ୍କ ଆତିଥ୍ୟ ଗ୍ରହଣ ବେଶ୍ ଚର୍ଚ୍ଚାର ବିଷୟ ହୋଇଥିଲା। ସେହିପରି ୧୯୬୧, ୧୯୮୩ ଏବଂ ୧୯୯୭ରେ ମଧ୍ୟ ସେ ଭାରତ ଆସିଥିଲେ। ନିଜର ବିନମ୍ର ଭାବ ତଥା ହସ-ଖୁସିଆ ସ୍ୱାଭାବ ଲାଗି ପରିଚିତ ଥିବା ପ୍ରିନ୍ସ ଫିଲିପ୍ କିନ୍ତୁ ଏଠାରେ ନିଜର ହାଲୁକା ବୟାନ ପାଇଁ ଗଣମାଧ୍ୟମରେ ଚର୍ଚିତ ହୋଇଥିଲେ।

ପ୍ରଥମ ଭାରତ ଗସ୍ତ ବେଳେ ପ୍ରିନ୍ସ ଫିଲିପଙ୍କର ଗୋଟିଏ ଫଟୋ ଜନମାନସ ଉପରେ ପ୍ରଭାବ ପକାଇଥିଲା। ଏହି ଫଟୋ  ସେ ଜୟପୁରର ମାହାରାଜା ଏବଂ ମହାରାଣୀଙ୍କ ସହ ଉଠାଇଥିଲେ । କିନ୍ତୁ ପାଖରେ ଥିଲା ଏକ ମହାବଳ ବାଘର ମୃତ ଦେହ। ଏହି ବାଘକୁ ସେ ଶିକାର କରିଥିବା ପ୍ରଚାର ହୋଇଥିଲା। ଏହି ଫଟୋଟି ତାଙ୍କୁ ପ୍ରାଣୀ ବିରୋଧୀ ବୋଲି ପ୍ରକାଶ କରାଇଥିଲା। ଏହି ଘଟଣା ପ୍ରିନ୍ସଙ୍କ ଉପରେ ବି ପ୍ରଭାବ ପାକାଇଥିଲା। ପରବର୍ତ୍ତୀ ସମୟରେ ସେ  ଜଣେ ପ୍ରାଣୀପ୍ରେମୀ ପାଲଟିଥିଲେ। ପରିବେଶ ସୁରକ୍ଷା ପାଇଁ ଅଭିଯାନ ଆରମ୍ଭ କରିଥିଲେ। ବ୍ରିଟେନ୍ରେ ଥିବା ବିଶ୍ୱ ବନ୍ୟପ୍ରାଣୀ ପାଣ୍ଠିର ସେ ଅଧ୍ୟକ୍ଷ ବି ପାଲଟିଥିଲେ।

ସେହିପରି ଆଉ ଏକ ବିବାଦୀୟ ଗସ୍ତ ତାଙ୍କର ଶେଷ ଭାରତଗସ୍ତ ଥିଲା। ୧୯୯୭ରେ ସେ ଭାରତ ଆସିଥିଲେ। ଭାରତର ୫୦ତମ ସ୍ବାଧୀନତା ଦିବସରେ ଅତିଥିହୋଇ ଆସିଥିବା ଫିଲିପ୍ ପଞ୍ଜାବରର ଜାଲିୱାନାୱାଲା ବାଗ୍ ଠାରେ ସ୍ମୃତିଫଳକ ସ୍ଥାପନ କରଥିଲେ। ୧୯୧୯ ରେ ଯେତେବେଳେ  ଏଠାରେ ବ୍ରିଟିଶ୍ ଶାସନ ଥିଲା ସେତେବେଳେ ଇରେଜ ସେନାର ଜେନେରାଲ୍ ଡାୟାରଙ୍କ ନେତୃତ୍ବରେ ଗୁଳି ଚଳାଯିବାରୁ ଏଠାରେ ସମାଗମ ହୋଇଥିବା ପ୍ରାୟ ୨ହଜାର ଲୋକଙ୍କ ଜୀବନ ଯାଇଥିଲା। ଏହା ରକ୍ତର କୂଅ ପରି ଦେଖାଯାଉଥିଲା। ଏହି କଥାକୁ ଶୁଣି ହତବାକ ହୋଇଥିଲେ। ଏପରିକି ନିଜ ପ୍ରତିକ୍ରିୟାରେ ଏତେ  ସଂଖ୍ୟଙ୍କ ଲୋକଙ୍କ ମୃତ୍ୟୁ ହୋଇ ନଥାଇପାରେ ବୋଲି କହି ଆଶ୍ଚର୍ଯ୍ୟ ପ୍ରକଟ କରିଥିଲେ। ଏପରିକି ସେ କହିଥିଲେ ଯେ ଏହି କଥା ଭୁଲ୍। କାରଣ ସେ ଜେନେରାଲ୍ ଡାୟରଙ୍କ ପୁଅଙ୍କ ସହ ନେଭିରେ କାମ କରିଛନ୍ତି। ଏହା ସେ କେବେ ଶୁଣି ନାହାନ୍ତି।

ଭାରତୀୟଙ୍କ ପ୍ରତି ତାଙ୍କର ହାଲୁକା ମନ୍ତବ୍ୟ ଅନେକ ସମୟରେ ଚର୍ଚା ସୃଷ୍ଟି କରିଥିଲା। ଏଡେନବର୍ଗରେ ଏକ ଫ୍ୟାକ୍ଟ୍ରି ପରିଦର୍ଶନରେ ଆସିଥିବାବେଳେ ଫିଲିପ୍ ଏକ ପୁରୁଣା ଫ୍ୟୁଜ୍ ବକ୍ସ ଦେଖିଥିଲେ ଆଉ ଏହାକୁ ଦେଖି କହିଥିଲେ: ଏହିପରି ଫ୍ୟୁଜ୍ ବକ୍ସ ଦେଖି ଲାଗୁଛି କେହି ଜଣେ  ଭାରତୀୟ ଏହାକୁ ଏଠାରେ ଲଗାଇଛନ୍ତି।

ଏଲିଜାବେଥ୍‌ ଏବଂ ପ୍ରିନ୍ସ ଫିଲିପ୍‌ଙ୍କ ପ୍ରେମରେ ଆସିଥିଲା ଅନେକ ବାଧାବିଘ୍ନ, ଶେଷରେ ବନିଥିଲେ ଏଡିନ୍‌ବର୍ଗର ରାଜା

ଗ୍ରୀସ୍ ରାଜପୁତ୍ର ହୋଇ ମଧ୍ୟ ସେଠାରୁ ବିତାଡ଼ିତ ହୋଇଥିଲେ। ଆଉ ନିଜର ଯୁବା ବୟସରେ ସାଜିଥିଲେ ବ୍ରିଟେନ୍ର ଡ୍ୟୁକ୍। ବ୍ରିଟେନ୍ ରାଣୀଙ୍କୁ ବିବାହ କହି ସାଜିଥିଲେ ପ୍ରିନ୍ସ ଫିଲିପ୍। ସର୍ବାଧିକ କାଳ ସରକାରୀ ଭାବେ ରାଣୀଙ୍କ ସହଯୋଗୀ ଭାବେ ଦାୟିତ୍ୱ ନିର୍ବାହ କରିଥିବା ପ୍ରିନ୍ସ ଫିଲିପ୍‌ଙ୍କ ଶୁକ୍ରବାର ନିଧନ ହୋଇଛି। ହେଲେ  ତାଙ୍କ ଜୀବନୀ ଓ ସଂଗ୍ରାମର କାହାଣୀ ଆଜି ଚାରିଆଡ଼େ ଚର୍ଚାର ବିଷୟ ହୋଇ ରହିଛି। ବ୍ରିଟେନ୍ ରାଜପରିବାରର ଏହି ଦ୍ୱିତୀୟ ଶକ୍ତିଶାଳୀ ବ୍ୟକ୍ତିଙ୍କୁ ଦିନେ ରାଜା ଷଷ୍ଠ ଜର୍ଜ  ନିଜ ଝିଅଙ୍କୁ ପ୍ରେମ ଅଭିଯୋଗରେ ଦଣ୍ଡିତ କରିଥିଲେ। କିନ୍ତୁ ସେ ପ୍ରେମ ଏତେ ବଳୀୟାନ ଥିଲା ଯେ ଶେଷରେ ତାଙ୍କୁ ଝିଅ ଏଲିଜାବେଥ୍‌ଙ୍କ ଜୀବନସାଥି ଭାବେ ମାନିବାକୁ ରାଜା ଓ ରାଜ୍ୟବାସୀଙ୍କୁ ବାଧ୍ୟ କରିଥିଲା। ଜାଣିବାକୁ ଚାହୁଁଛନ୍ତି, ଦେଖନ୍ତୁ ଏହି ରିପୋର୍ଟ।

ଜୁନ୍୧୦, ୧୯୨୧ ମସିହା । ଗ୍ରୀକ୍ର ଏକ ଦ୍ୱୀପ ଦେଶ କୋର୍ଫୁଠାରେ ଫିଲିପଙ୍କ ଜନ୍ମ ହୁଏ। ବାପା ହେଉଛନ୍ତି ଗ୍ରୀସ୍‌ର ରାଜପୁତ୍ର ଆଣ୍ଡ୍ର୍ୟୁ ମାକ୍ଷ ହେଉଛନ୍ତି ବ୍ୟାଟେନ୍‌ବର୍ଗର ରାଜକନ୍ୟା ଆଲିସ୍। ତାଙ୍କ ପରିବାର ଓ ପରମ୍ପରା ପରବର୍ତ୍ତୀ ସମୟରେ ଆଣ୍ଡ୍ର୍ୟୁଙ୍କୁ ଗ୍ରୀସ୍ ଓ ଡେନ୍ମାର୍କର ପ୍ରିନ୍ସ ଭାବେ ପରିଚିତ କରାଇଥିଲା। କିନ୍ତୁ କିଛିବର୍ଷ ପରେ ଗ୍ରୀସ୍‌ ସେନାର ଅତ୍ୟାଚାର ସହିବାକୁ ପଡ଼ିଲା। ଏପରିକି ସେନା ତାଙ୍କୁ ଦେଶାନ୍ତର ଆଦେଶ ଦେଲା। ଏହି ସମୟରେ ବ୍ରିଟେନ୍‌ର ଯୁଦ୍ଧଯାହାଜରେ ତାଙ୍କୁ ଇଟାଲିର ଏକ ନିରାପଦ ସ୍ଥାନକୁ ନେଇ ଆସିଥିଲେ ବ୍ରିଟେନ୍ ସେନା। ସେତେବେଳେ ଫିଲିପ୍ ଜଣେ ଶିଶୁପୁତ୍ର ଥିଲେ।

ଦିନପରେ ଦିନ ବିତିଲା। ଶିଶୁ ପୁତ୍ରକୁ ଧରି ଅନେକ ମାନସିକ ଅଶାନ୍ତି ଭିତରେ ଜୀବନ ବିତାଉଥିଲେ ପ୍ରିନ୍ସେସ୍ ଆଲିସ୍। କିନ୍ତୁ ତାଙ୍କର ସ୍ନାୟୁଗୁଡ଼ିକ ଦୁର୍ବଳ ହୋଇଯିବାରୁ ସେ ପାଗଳ ପ୍ରାୟ ହୋଇଗଲେ। ଆଉ ଶେଷରେ ତାଙ୍କୁ ପାଗଳଖାନାରେ ଚିକିତ୍ସା ପାଇଁ ଭର୍ତ୍ତି କରାଗଲା। ଏହିସମୟାରେ ଫିଲିପ୍‌ଙ୍କୁ ୮ ବର୍ଷ ବୟସ ହୋଇଥାଏ। ମା’ ଛେଉଣ୍ଡ ରାଜପୁତ୍ର ପୁଣି ଦେଶାନ୍ତର କଷ୍ଟ। ଏ ଭିତରେ ଅନେକ ଦିନ ବିତିଲା। ସ୍କଟ୍ ଲ୍ୟାଣ୍ଡର ଏକ ସ୍କୁଲ୍‌ରେ ପଢ଼ା ଶେଷ କରି ବ୍ରିଟେନ୍‌ର ରୟାଲ୍ ନେଭି କଲେଜରେ ଯୋଗ ଦେଲେ ଫିଲିପ୍। ଏହି ସମୟରେ ବ୍ରିଟେନ୍ ଯୁଦ୍ଧରେ ଯୋଗ ଦେଇଥାଏ। ଦ୍ୱିତୀୟ ବିଶ୍ୱଯୁଦ୍ଧ ଚାଲିଥାଏ। ଆଉ ସାରା ବିଶ୍ୱ ଏଥିରେ ଥର ହର ହେଉଥାଏ। ଫିଲିପ୍‌ଙ୍କ ପ୍ରଥମ ଥର ପାଇଁ ଭାରତ ମହାସାଗରର ଛାତି ଉପରେ ଶତ୍ରୁ ପକ୍ଷକୁ ଦମନ କରିବା ପାଇଁ ସୁଯୋଗ ମିଳିଥିଲା। ଏ କାର୍ଯ୍ୟକୁ ସେ ସୁଚାରୁ ରୂପେ ତୁଲାଇପାରିବା ହେତୁ ତାଙ୍କୁ ପ୍ରଶଂସା  ବି ମିଳିଥିଲା।

ହେଲେ ଯୁବକ ଫିଲିପ୍‌ଙ୍କ ଅମାନିଆ ମନ ଆଉ ନିଜ ନିୟନ୍ତ୍ରଣରେ ନରହି ପଡ଼ିଲା ରାଜକନ୍ୟା ଏଲିଜାବେଥଙ୍କ ପ୍ରେମରେ। ଦୁହେଁ ପରସ୍ପରକୁ ଏତେ ଭଲ ପାଉଥିଲେ ଯେ, ତାକୁ ନେଇ  ନାଭାଲ୍ ଏକାଡେମୀରେ ଚର୍ଚା ହେଉଥାଏ। ସେତେବେଳେ ଏଲିଜାବେଥଙ୍କୁ ମାତ୍ର ୧୩ ବର୍ଷ ବୟସ। ଉଭୟଙ୍କ  ପାଇଁ ଚିଠିପତ୍ର ଆଦାନ ପ୍ରଦାନ ଓ ସାକ୍ଷାତ ମହତ୍ତ୍ୱ ରକ୍ଷା କରୁଥାଏ। ଏହି ସମୟରେ ରାଜା ଷଷ୍ଠ ଜର୍ଜ ଆସିଲେ ନାଭାଲ୍ ଏକାଡେମୀ ପରିଦର୍ଶନରେ। ଆଉ ତାଙ୍କ ନଜରରେ ଆସିଲା ଫିଲିଫ୍ ଓ ରାଜକନ୍ୟାଙ୍କ ଏହି କାହାଣୀ। ବିଷୟକୁ ଜାଣିଲା ପରେ ରାଜା ଦଣ୍ଡ ବିଧାନ କରିଥିଲେ ବି ବେଶ୍ ଖୁସି ହୋଇଥିଲେ। ପରମ୍ପରା ଅନୁସାରେ ତାଙ୍କ ଅନ୍ତେ ଏଲିଜାବେଥ୍ ରାଣୀ ହେବେ। ଏଣୁ ଏଲିଜାବେଥଙ୍କୁ ଯିଏ ବାହା ହେବେ ସେ ରହିବେ ବଙ୍କିଙ୍ଗମ୍ ରାଜପ୍ରାସାଦରେ। ରାଜା ଏଲିଜାବେଥଙ୍କ ପାଇଁ ଭଲ ପାତ୍ର ଖୋଜୁ ଥାଆନ୍ତି। ଆଉ ସେ ଭିତରେ ବଢ଼ୁଥାଏ ଫିଲିପ୍-ଏଲିଜାବେଥଙ୍କ ପ୍ରେମ କାହାଣୀ।

ଧୀରେ ଧୀରେ ବ୍ରିଟିଶ୍ ସାମ୍ରାଜ୍ୟର ଅନ୍ତ ହେଉଥାଏ। ଆଉ ସୀମିତ ରାଜକୀୟ ପରିବେଶରେ ରାଜା ଷଷ୍ଠ ଜର୍ଜ ଏଲିଜାବେଥଙ୍କ ପ୍ରେମିକ ତଥା ରାଜକୁମାର ଫିଲିଫ୍‌ଙ୍କୁ ନିଜର ଜ୍ୱାଇଁ ଭାବେ ସ୍ୱୀକାର କରିଲେ। ନଭେମ୍ବର ୨୦ ତାରିଖ ୧୯୪୭ ମସିହାରେ ତାଙ୍କର ବିବାହ ହେଲା। ସେହିଦିନ ତାଙ୍କୁ ଏଡିନ୍‌ବର୍ଗର ରାଜା ଭାବେ ମଧ୍ୟ ଘୋଷଣା କରାଗଲା।

‘ବିଦେଶକୁ ରପ୍ତାନୀ ଲାଗି ଦେଶରେ ଭ୍ୟାକ୍ସିନ୍ ନିଅଣ୍ଟ’, କେନ୍ଦ୍ର ସରକାରଙ୍କୁ ସୋନିଆଙ୍କ ସମାଲୋଚନା

ନୂଆଦିଲ୍ଲୀ: ଭ୍ୟାକ୍ସିନ୍ ଅଭାବ ନେଇ କେତେକ ରାଜ୍ୟ କେନ୍ଦ୍ରକୁ ଦାୟୀ କରୁଛନ୍ତି । ଏଭଳି ସ୍ଥଳେ କେନ୍ଦ୍ର ସରକାରଙ୍କୁ ସମାଲୋଚନା କରିଛନ୍ତି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ । ଅଭିଯୋଗ କରିଛନ୍ତି ମୋଦି ସରକାର କରୋନାରେ ପରିଚାଳନାଗତ ତ୍ରୁଟି କରିଛନ୍ତି । ଏଥିସହ ବିଦେଶକୁ ଟିକା ରପ୍ତାନୀ ଯୋଗୁଁ ଦେଶରେ ଭ୍ୟାକ୍ସିନ୍ ଅଭାବ ଦେଖା ଦେଇଛି । କଂଗ୍ରେସ ଶାସିତ ରାଜ୍ୟର ମୁଖ୍ୟମନ୍ତ୍ରୀ ମାନଙ୍କ ସହ ଆଲୋଚନା ବେଳେ କରୋନା ସଂକ୍ରମଣକୁ ରୋକିବାକୁ ଲାଗି କଡ଼ା ପଦକ୍ଷେପ ନେବାକୁ କହିଛନ୍ତି ସୋନିଆ ଗାନ୍ଧୀ ।

Sonia Gandhi Targets PM Narendra Modi On Vaccine Shortage

ଭିଡିଓ କନଫରେନ୍ସିଂ ଜରିଆରେ ହୋଇଥିବା ଏହି ବୈଠକରେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଉପସ୍ଥିତ ଥିଲେ । ସୋନିଆ କହିଥିଲେ- କରୋନା ସଂକ୍ରମଣ ବଢ଼ିବାରେ ଲାଗିଛି । ମୁଖ୍ୟ ବିରୋଧୀ ଦଳ ଭାବେ ଆମ କାମ ହେଉଛି ଆମେ ପ୍ରସଙ୍ଗ ଉଠାଇବା ଏବଂ ସରକାରଙ୍କ ଉପରେ ଚାପ ପକାଇବା । ସରକାର ଜନସମ୍ପର୍କ କରିବା ପରିବର୍ତ୍ତେ ଜନହିତରେ କାମ କରନ୍ତୁ ବୋଲି କହିଛନ୍ତି ସୋନିଆ ।

ସଂକ୍ରମଣ ଓ ମୃତ୍ୟୁ ମାମଲାର ବାସ୍ତବିତ ତଥ୍ୟ ସବୁ ରାଜ୍ୟ ଦେବା ଉପରେ ସୋନିଆ ଗୁରୁତ୍ୱାରୋପ କରିଥିଲେ । କେନ୍ଦ୍ର ସରକାରଙ୍କୁ ସମାଲୋଚନା କରି ସୋନିଆ କହିଥିଲେ- ଆମକୁ ସର୍ବପ୍ରଥମେ ଭାରତରେ ଟିକାକରଣ ଉପରେ ଧ୍ୟାନ କେନ୍ଦ୍ରିତ କରିବାର ଥିଲା । ତା’ପରେ ଯାଇ ଅନ୍ୟ ଦେଶକୁ ଉପହାର ଦେବା କଥା ।

କାହାର କେତେ ଦମ୍: ୨୦୨୧ ଆଇପିଏଲ୍‌ ୮ଟି ଦଳର ସମ୍ପୂର୍ଣ୍ଣ ଆକଳନ

ଆରମ୍ଭ ହୋଇଛି ଫଟାଫଟ ମ୍ୟାଚ୍‌ ଆଇପିଏଲ। ଦମ ଦେଖାଇଲେ ଖେଳାଳି ଝୁମିଲେ ଦର୍ଶକ। ପ୍ରଥମ ମ୍ୟାଚରୁ ହିଁ ହେଲା ଥ୍ରୀଲର। କଡ଼ା ଟକ୍କର ମୁକାବିଲାରେ ସରହିଲା ଉଦଘାଟନି ମ୍ୟାଚ୍‌। ବିନା ଦର୍ଶକରେ ହେଲା ଆଇପିଏଲ କିନ୍ତୁ ପରଦାରେ ଦେଖିଲେ କୋଟି କୋଟି ଖେଳ ପ୍ରେମୀ। ପ୍ରଥମ ମ୍ୟାଚରେ ଡିପେଣ୍ଡିଂ ଚାମ୍ପିୟନ ଏମଆଇକୁ ହରାଇଲା ଭିରାଟ ବାହିନୀ ଆରସିବି। ଏଥର ପ୍ରଥମ ମ୍ୟାଚରୁ ହିଁ ଜଣା ପଡ଼ିଯାଇଛି ଆଗକୁ ସବୁ ମ୍ୟାଚ କେଉଁଭଳି ହେବ। ଦମଦାର ମ୍ୟାଚ ତ ନିଶ୍ଚିତ ହେବ । ଚଳିତ ବର୍ଷ ୨୦୨୧ ଆଇପିଏଲ୍‌ର କିଙ୍ଗ୍‌ ହେବା ପାଇଁ ସବୁ ଦଳ ଚେଷ୍ଟା କରିବେ । ତେବେ ଆସନ୍ତୁ ନଜର ପକାଇବା ୮ ଦଳର ପ୍ରଡିକସନ ଉପରେ।

ପ୍ରଥମେ ଆରମ୍ଭ କରିବା ଡିଫେଣ୍ଡିଂ ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସ ଠାରୁ…. 

ଆଇପିଏଲରେ ସର୍ବାଧିକ ଟ୍ରଫି ନିଜ ପଟକୁ ନେବାର ରେକର୍ଡ ରଖିଥିବା ଦଳ। ଗତବର୍ଷ ମଧ୍ୟ ଟିମ ନିଜର ଦମଦାର ପଦର୍ଶନ ସହ ଟ୍ରଫି ହାସଲ କରିଛି। ଦଳ ଏଥର ଟୁର୍ଣ୍ଣାମେଣ୍ଟକୁ ଯିତିବା ସହ ଟ୍ୟାଟ୍ରିକ ଲକ୍ଷରେ ରହିବ। ଯଦି ରୋହିତ ବ୍ୟାଟିଂ କରିବାରେ ବିଫଳ ହୁଅନ୍ତି, ତେବେ କ୍ୱିଣ୍ଟନ୍ ଡି କକ୍ ସଫଳ ହେବାକୁ ପ୍ରସ୍ତୁତ ରହିବେ। ଯଦି ଉଭୟ ବିଫଳ ହୁଅନ୍ତି, ତେବେ ଇଶାନ କିଶନ ଏବଂ ସୂର୍ଯ୍ୟ କୁମାର ଯାଦବଙ୍କ ଭଳି ବ୍ୟାଟ୍ସମ୍ୟାନ୍ ଦାୟୀତ୍ୱ ନେବା ପାଇଁ ପୁରା ପ୍ରସ୍ତୁତ ରହିଛନ୍ତି । ଯଦି ମୁମ୍ବାଇର ଟପ୍ ଅର୍ଡର ସଂପୂର୍ଣ୍ଣ ବିଫଳ ହୁଏ, ତେବେ ପାଣ୍ଡ୍ୟା ବ୍ରଦର୍ସ ପ୍ରତିଦ୍ୱନ୍ଦ୍ୱୀଙ୍କୁ ପରାସ୍ତ କରିବାକୁ ବାହାରିବେ। ଏଥିସହ ଦଳର ପୋଲାର୍ଡଙ୍କ ଭଳି ବ୍ୟାଟ୍ସମ୍ୟାନ୍ ଏବଂ ଭଲ ଫିଲଡର ମଧ୍ୟ । ତାଙ୍କର ଦଳରେ ବହୁ ଗୁରୁତ୍ୱପୂର୍ଣ୍ଣ ଭୁମିକା ରହିଛି । ଟ୍ରେଣ୍ଟ ବୋଲ୍ଟ ଏବଂ ରାହୁଲ ଚହର ଭଳି ବୋଲରଙ୍କ ଉପରେ ବୋଲିଂ ନିର୍ଭର କରିବ।

ଚେନ୍ନାଇ ସୁପର କିଙ୍ଗସ

ଏସବୁ ମଧ୍ୟରେ ଧୋନିଙ୍କ ଆଖି ୱାନକେଡେ ଷ୍ଟାଡିୟମର ଫ୍ଲାଟ ପିଚରେ ରହିବ କାରଣ ଚେନ୍ନାଇ ସୁପର କିଙ୍ଗ୍ସକୁ ଚେପକର ମନ୍ଥର ପିଚ୍ ବଦଳରେ ସେଠାରେ ଖେଳିବାକୁ ପଡିବ। CSK ବର୍ତ୍ତମାନ ନିଗିଡିଙ୍କ ସ୍ଥାନରେ ମୋଏନ୍ ଅଲିଙ୍କୁ ଆଣିବାର ଯୋଜନା ରଖିଛି। ସେପଟେ ଗାଏକୱାଡ କିମ୍ବା ଉଥାପ୍ପାଙ୍କ ମଧ୍ୟରୁ କେହି ମଧ୍ୟ ଡୁ-ପ୍ଲେସିସଙ୍କ ସହ ଓପନିଙ୍ଗ ବ୍ୟାଟିଂ କରିପାରନ୍ତି ବୋଲି ଆଶା କରାଯାଉଛି। ଆଇପିଏଲ୍ ୨୦୨୧ ପାଇଁ ରବିନ୍ଦ୍ର ଜାଡେଜା ଏକଦମ ଫିଟ ଆଣ୍ଡ ଫାଇନ ଥିବା ବେଳେ ଗାଏକୱାଡଙ୍କୁ ଓପନର ଭାବେ ପଠାଇପାରେ ଦଳ। ସୁରେଶ ରାଇନା ଟିମ୍‌କୁ ଆସିବା ପରେ ଏବେ ଅଧିକାଂସ ମ୍ୟାଚ ଇମରାନ ତାହିର ଅଧିକ ମ୍ୟାଚ୍‌ ଖେଳି ପାରିବେ । ତେବେ ଯଦି ଦେଖିବା ଅଲରାଉଣ୍ଡର ମୋଏନ୍‌ ଅଲ୍ଲି ଏବଂ ସାମ କରନଙ୍କର ପୂର୍ବ ରେକର୍ଡକୁ ଦେଖି ବ୍ୟାଟିଂର ପ୍ଲେସ୍‌ ଠିକ୍‌ କରାଯିବ ।

ଆରସିବି

ଭାରତୀୟ ଦଳର ଅଧିନାୟକ ବିରାଟ କୋହଲି ପ୍ରଥମ ଥର ପାଇଁ ଆଇପିଏଲ୍ ଟାଇଟଲ୍ ହାତେଇବାକୁ ପିଚ୍‌କୁ ଓହ୍ଲାଇବେ। ଯଦି ଦେଖିବା ଆରସିବିରେ ଭିରାଟଙ୍କର ନେତୃତ୍ୱ ମୁମ୍ବାଇ ଭଳି ପ୍ରଭାବଶାଳୀ ଦେଖାଯାଏ ନାହିଁ। ଗ୍ଲେନ୍ ମ୍ୟାକ୍ସୱେଲଙ୍କ ପାଇଁ ଦଳ ବିପୁଳ ପରିମାଣର ଖର୍ଚ୍ଚ କରିଛି। ଦେବଦତ୍ତ ପାଦିକଲ ତାଙ୍କର ଦ୍ୱିତୀୟ ସିଜିନ ଖେଳିବେ। ଯଦି ଏବି ଡି ଭିଲିୟର୍ସ ଏଥର ଫର୍ମରେ ରୁହନ୍ତି ତେବେ ତାଙ୍କ ସାମ୍ନାରେ ବଡ଼ ସ୍କୋର ଭଳି କିଛି ନାହିଁ। ବାଙ୍ଗାଲୋର ଭଲ ବ୍ୟାଟ୍ସମ୍ୟାନ୍‌ ଥିଲେ ମଧ୍ୟ ବୋଲିଂରେ ସେତେଟା ଭଲ ପ୍ରଦର୍ଶନ କରିବେ ବୋଲି ମନେ ହେଉନାହିଁ।  ସେପଟେ କାଇଲ ଅଧିକ ଟଙ୍କାରେ କିଣାଯାଇଥିଲେ ମଧ୍ୟ ଭାରତୀୟ ୱିକେଟ୍ ଉପରେ ବୋଲିଂ ଏପର୍ଯ୍ୟନ୍ତ ପରୀକ୍ଷା କରାଯାଇ ନାହିଁ। ସ୍ପିନର ୟୁଜବେନ୍ଦ୍ର ଚହଲ ଏବେ ତାଙ୍କର ବୋଲିଂରେ ଫର୍ମ ହରାଉଥିବା ଦେଖାଯାଉଛି। ମହମ୍ମଦ ସିରାଜ ଏବଂ ନବଦୀପ ସାଇନି ଏପର୍ଯ୍ୟନ୍ତ ସୀମିତ ଓଭର କ୍ରିକେଟରେ ଅତ୍ୟନ୍ତ ପ୍ରଭାବଶାଳୀ ବୋଲିଂର ପ୍ରଦର୍ଶନ କରିପାରି ନାହାଁନ୍ତି।

ଦିଲ୍ଲୀ କ୍ୟାପିଟାଲ୍ସ

ଅନ୍ୟପକ୍ଷରେ ଋଷଭ ପନ୍ତ ପ୍ରଥମ ଥର ପାଇଁ ଦିଲ୍ଲୀ କ୍ୟାପିଟାଲର ଅଧିନାୟକତ୍ୱ କରିବେ। ପନ୍ଥ ତାଙ୍କ ଅଧିନାୟକତ୍ୱରେ ଏଥର କିଛି ବିରଳ କରିବାକୁ ଚେଷ୍ଟା କରିବେ।  ସେ ତାଙ୍କ ସିନିୟର ପ୍ଲେୟାର ତଥା ଉଚ୍ଚ ଅଭିଜ୍ଞତା ଥିବା ଧୋନିଙ୍କଠାରୁ ପ୍ରେରଣା ନେବାକୁ ଚେଷ୍ଟା କରିବେ। ଗତ ବର୍ଷ ଗାବାରେ ଏକ ଦମଦାର ଇନିଂସ ଖେଳିବା ପରଠାରୁ ପନ୍ତ ବହୁତ ଭଲ ଫର୍ମରେ ଅଛନ୍ତି। ଦିଲ୍ଲୀ ଦଳରେ ପୃଥ୍ୱି ସ, ମାର୍କସ୍ ଷ୍ଟୋଇନିସ୍, ଶିମ୍ରନ୍ ହେଟମାୟର ଏବଂ ଷ୍ଟିଭ୍ ସ୍ମିଥ୍ ଏବଂ ଅଜିଙ୍କ୍ୟ ରାହାଣେଙ୍କ ପରି ଅଭିଜ୍ଞ ବ୍ୟାଟ୍ସମ୍ୟାନ୍ ଅଛନ୍ତି। ବୋଲରଙ୍କ ମଧ୍ୟରେ କାଗିସୋ ରାବାଡା, ଏନଚିର ନର୍ଟେଜେ, ରବିଚନ୍ଦ୍ରନ୍ ଅଶ୍ୱିନ୍, ଅମିତ ମିଶ୍ର ଏବଂ ଅକ୍ଷର ପଟେଲ ସହଯୋଗ କରିବେ । କାରଣ ଗତ ବର୍ଷ ରନର୍ସଅପ୍ ଦଳ ଏଥର ଗୋଟିଏ ପାଦ ଆଗକୁ ଯିବାକୁ ଚେଷ୍ଟା କରିବ।

ସନରାଇଜର୍ସ ହାଇଦ୍ରାବାଦର

ସନରାଇଜର୍ସ ହାଇଦ୍ରାବାଦ ଦଳ ଅନ୍ୟତମ କ୍ରମାଗତ ପ୍ରଦର୍ଶନକାରୀ ଦଳ । ଏହି ଦଳର ବୋଧହୁଏ ଡେଭିଡ ୱାର୍ନର, ବିଶ୍ୱର ଶ୍ରେଷ୍ଠ ଟି -୨୦ ବୋଲର ରସିଦ ଖାନ, କେନ ୱିଲିୟମସନ, ଜେସନ ହୋଲ୍ଡର, ଜେସନ ରଏ ଏବଂ ଜନି ବେୟାରଷ୍ଟୋଙ୍କ ରୂପରେ ବିଶ୍ୱର ସର୍ବୋତ୍ତମ ବିଦେଶୀ ଟି -୨୦ ଖେଳାଳି ଅଛନ୍ତି। ତେବେ ଏହି ଦଳ ଏଥର ୨୦୨୧ IPL ଟି ୨୦ ଟାଇଟଲ ଉପରେ ହକ୍‌ ଜମାଇବାକୁ ଚେଷ୍ଟା କରିବ ।

କୋଲକାତା ନାଇଟ୍‌ ରାଇଡର୍ସ

କୋଲକାତା ନାଇଟ୍ ରାଇଡର୍ସ ଆକ୍ରମଣାତ୍ମକ ଅଲରାଉଣ୍ଡର ଆଣ୍ଡ୍ରେ ରସେଲଙ୍କ ଫର୍ମକୁ ଫେରିବାକୁ ଆଶା କରୁଥିବାବେଳେ ଦଳ ପୁଣିଥରେ ଭଲ ପ୍ରଦର୍ଶନ କରିବାକୁ ଚାହୁଁଛି। ଅନ୍ତର୍ଜାତୀୟ କ୍ରିକେଟ୍ ରେ ସୀମିତ ଓଭରର ମୁହୂର୍ତ୍ତରେ ଶ୍ରେଷ୍ଠ ଅଧିନାୟକ ଇୟନ୍ ମୋର୍ଗାନ୍ ବ୍ୟାଟିଂ ଅର୍ଡରରେ ସ୍ଥିରତା ଆଣିବାକୁ ଚେଷ୍ଟା କରିବେ। ତେବେ ପୂର୍ବ ଥର ଭଳି  ସୁନୀଲ ନାରାୟଣଙ୍କ ବୋଲିଂ ଆମକ୍ସନ ପୁଣି ଥରେ ଟିମ୍‌କୁ ବିପଦକୁ ନେବାର ସମ୍ଭାବନା ରହିଛି ।

ପଞ୍ଜାବ କିଙ୍ଗ୍ସ

ଏଥର ନାମ ପରିବର୍ତ୍ତନ କରି ମୈଦାନକୁ ଓହ୍ଲାଇବ ପଞ୍ଜାବ କିଙ୍ଗ୍ସ। ନାମ ପରିବର୍ତ୍ତନ ହେବା ପରେ ଟିମ୍‌ ଭାଗ୍ୟରେ ପରିବର୍ତ୍ତନ ହେବ ବୋଳଇ ଆଶ ବାନ୍ଧିଛନ୍ତି ଟିମ୍‌ର ମାଲିକ। କିନ୍ତୁ ଅଧିନାୟକ ଲୋକେଶ ରାହୁଲଙ୍କ ପ୍ରଦର୍ଶନ ଉପରେ ଅନେକ କିଛି ନିର୍ଭର କରିବ। ମହମ୍ମଦ ଶାମି ପୁଣିଥରେ ନିଜର ଫର୍ମ ଫେରି ପାଇବାକୁ ଚେଷ୍ଟା କରିବେ। ଦର୍ଶକମାନେ ପୁଣି ଥରେ କ୍ରିସ୍ ଗେଲଙ୍କ ଭୟଙ୍କର ବ୍ୟାଟିଂକୁ ଅପେକ୍ଷା କରିଛନ୍ତି । ଏଥର ଦଳ କିଛି ନୂଆ ରେକର୍ଡ କରିବାକୁ ଚେଷ୍ଟା କରିବ ।

ରାଜସ୍ଥାନ ରୟାଲ୍ସ

ରାଜସ୍ଥାନ ରୟାଲ୍ସ ଆରମ୍ଭରେ ଜୋଫ୍ରା ଆର୍ଚରଙ୍କ ଅନୁପସ୍ଥିତିରେ ଖେଳିବ। ସଞ୍ଜୁ ସାମସନଙ୍କ କ୍ୟାପ୍ଟେନସିପ୍‌ରେ ଦଳର ପ୍ରଦର୍ଶନ ଗତ କିଛି ସିଜିନ ହେଲା ଭଲ ପ୍ରଦର୍ଶନ କରିପାରୁନାହିଁ । ଭଲ ପ୍ରଦର୍ଶନ ପାଇଁ ଦଳ ବେନ୍ ଷ୍ଟୋକ୍ସ, ଜୋସ୍ ବଟଲର ଏବଂ କ୍ରିସ୍ ମୋରିସଙ୍କ ଉପରେ ନିର୍ଭର କରିବ।

କରୋନାରେ କଂଗ୍ରେସ ବିଧାୟକଙ୍କ ମୃତ୍ୟୁ

ମୁମ୍ବାଇ: ମହାରାଷ୍ଟ୍ରରେ ଦିନକୁ ଦିନ କରୋନା ସ୍ଥିତି ଜଟିଳ ହେବାରେ ଲାଗିଛି । ତେବେ ଏହାରି ଭିତରେ ମହାରାଷ୍ଟ୍ରର କଂଗ୍ରେସ ବିଧାୟକ ରାଓସାହେବ ଅନ୍ତପୁରକରଙ୍କର ମୃତ୍ୟୁ ହୋଇଛି। କରୋନାରେ ସଂକ୍ରମିତ ହୋଇ ସେ ଡାକ୍ତରଖାନାରେ ଭର୍ତ୍ତି ଥିଲେ । ତେବେ ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିବାରୁ ୬୪ ବର୍ଷ ବୟସରେ ତାଙ୍କର ମୃତ୍ୟୁ ହୋଇଛି।

ତେବେ ପାର୍ଟି ସୁତ୍ରରୁ ଜଣାପଡ଼ିଛି ଯେ ମାର୍ଚ୍ଚ ୧୯ରେ ସେ କୋଭିଡ ସଂକ୍ରମିତ ହୋଇଥିଲେ। ଯାହାପରେ ତାଙ୍କୁ ନାନ୍ଦେଡ଼ର ଏକ ଡାକ୍ରଖାନାରେ ଭର୍ତ୍ତି କରାଯାଇଥିଲା । ଏହାପରେ ୨୨ ମାର୍ଚ୍ଚରେ ତାଙ୍କୁ ମୁମ୍ବାଇର ଏକ ଡାକ୍ରଖାନାରେ ଭର୍ତ୍ତି କରାଯାଇଥିଲା । ତାଙ୍କର ଶରୀରର ଅର୍ଗାନ ସବୁ କାମ କରିବା ବନ୍ଦ କରିଦେଇଥିଲା। ସେ ଏପ୍ରିଲ ୧ରୁ ଭେଣ୍ଟିଲେଟରରେ ଥିଲେ। ତେବେ ଶୁକ୍ରବାର ବିଳମ୍ବିତ ରାତିରେ ତାଙ୍କର ମୃତ୍ୟୁ ହୋଇଛି।

ଏହି ଦିବଂଗତ ବିଧାୟକ ନାନ୍ଦେଡ଼ ଜିଲ୍ଲାର ଦେଗଲୁର ବିଧାନସଭା ଆସନରୁ ବିଧାୟକ ଥିଲେ। ରାଓ୍ୱସାହେବ ଅନ୍ତପୁରକର ହେଉଛନ୍ତି ମହାରାଷ୍ଟ୍ରର ଦ୍ୱିତୀୟ ବିଧାୟକ ଯିଏକି କରୋନାରେ ମୃତ୍ୟୁ ବରଣ କରିଛନ୍ତି। ଏହାପୂର୍ବରୁ ପାଣ୍ଢରପୁରର ଏନସିପି ବିଧାୟକ ଭାରତ ବାଲ୍କେଙ୍କର ମୃତ୍ୟୁ କରୋନାରେ ହୋଇଥିଲା। ଏପ୍ରିଲ ୧୭ରେ ପାଣ୍ଢରପୁର ଆସନ ପାଇଁ ଉପନିର୍ବାଚନ ହେବାକୁ ଯାଉଛି।