ନବରଙ୍ଗପୁର: ନବରଙ୍ଗପୁର ଉମରକୋଟ ବ୍ଲକ ତୋହରା ଗ୍ରାମରେ ବିବାହ ଭୋଜି ଖାଇ ୩୮ ଜଣ ଅସୁସ୍ଥ । ଭୋଜି ଖାଇବା ପରେ ୩୮ ଜଣ ଝାଡାବାନ୍ତି ହେବାରୁ ସମସ୍ତଙ୍କୁ ଆମ୍ବୁଲାନ୍ସ ସହାୟତାରେ ଡାକ୍ତରଖାନାରେ ଭର୍ତ୍ତି କରାଯାଇଛି । ପୂଜାରୀଗୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଜଣେ ଶିଶୁ, ପାଞ୍ଚ ଜଣ ମହିଳା, ୬ ଜଣ ପୁରୁଷଙ୍କୁ ଚିକିତ୍ସା କରାଯାଉଛି ।
ସେହିପରି ଉମରକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ୯ ଜଣ ଶିଶୁ, ୧୦ ଜଣ ମହିଳା, ୭ ଜଣ ପୁରୁଷଙ୍କୁ ଚିକିତ୍ସା କରାଯାଉଛି । ଏମାନଙ୍କ ମଧ୍ୟରୁ କୌଣସି ଆକ୍ରାନ୍ତ ଗୁରୁତର ନଥିବା ଜଣାପଡିଛି । ଚିକିତ୍ସା ପରେ ସମସ୍ତେ ସୁସ୍ଥ ଥିବା କହିଛନ୍ତି ଉମରକୋଟ ମେଡିକାଲ୍ ଅଫିସର ।
ସମ୍ବଲପୁର: ୨୧ ଦିନରେ ପହଞ୍ଚିଲା ଭୀମସାର ନର୍ସିଂ କଲେଜ ଛାତ୍ରଛାତ୍ରୀଙ୍କ ଆନ୍ଦୋଳନ । କଲେଜ ଅଧ୍ୟକ୍ଷା ଲୀଳାରାଣୀ ସ୍ବାଇଁ ବେଆଇନ ଭାବେ ଅର୍ଥ ଆଦାୟ କରିଥିବା ଅଭିଯୋଗରେ ଆନ୍ଦୋଳନରେ ବସିଛନ୍ତି ଛାତ୍ରଛାତ୍ରୀ । ରାଜ୍ୟ ସରକାରଙ୍କ ପକ୍ଷରୁ କଲେଜର ଉନ୍ନତି ପାଇଁ ଆସିଥିବା ଅର୍ଥକୁ ଅଧ୍ୟକ୍ଷା ଲୁଟିଥିବା ଅଭିଯୋଗ ହୋଇଛି । ଅନ୍ୟପଟେ ଅଭିଯୋଗ କଲେ ଛାତ୍ରଛାତ୍ରୀଙ୍କୁ ଫେଲ କରିବାକୁ ଅଧ୍ୟକ୍ଷା ଧମକ ଦେଉଥିବା ମଧ୍ୟ ଅଭିଯୋଗ ହୋଇଛି ।
ନ୍ୟାୟ ପାଇଁ ଛାତ୍ରଛାତ୍ରୀ ଆନ୍ଦୋଳନରେ ବସିଛନ୍ତି । ଅଭିଯୋଗ ପରେ ତଦନ୍ତ ପାଇଁ ଗଠନ ହୋଇଥିବା ପାଞ୍ଚ ଜଣିଆ ତଦନ୍ତ କମିଟି ୧୫ ଦିନରେ ରିପୋର୍ଟ ଦେବା କଥା । ମାତ୍ର ୨୨ ଦିନ ବିତିଯାଇଥିଲେ ମଧ୍ୟ ରିପୋର୍ଟ ଦାଖଲ ହୋଇନାହିଁ । ଫଳରେ ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ବଢ଼ିବାରେ ଲାଗିଛି । ଦୁଇଦିନ ପୂର୍ବରୁ ଛାତ୍ରଛାତ୍ରୀମାନେ ସମ୍ବଲପୁର ସର୍କିଟ ହାଉସରେ ସ୍ବାସ୍ଥ୍ୟମନ୍ତ୍ରୀ ନବକିଶୋର ଦାସଙ୍କୁ ଭେଟି ସମସ୍ୟା ବିଷୟରେ ଜଣାଇଥିଲେ । ଦୋଷୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ମନ୍ତ୍ରୀ ଛାତ୍ରଛାତ୍ରୀଙ୍କୁ ପ୍ରତିଶ୍ରୁତି ଦେଇଛନ୍ତି ।
ଦାରିଙ୍ଗବାଡ଼ି: ରାଜ୍ୟରେ ବଢ଼ିବାରେ ଲାଗିଛି ଗଞ୍ଜେଇ ଚାଲାଣ। ପ୍ରତି ଦିନ ପୁଳା ପୁଳା ଗଞ୍ଜେଇ ଜବତ ହେଉଛି। ଦାରିଙ୍ଗବାଡ଼ି ଥାନା ଡବେରୀ ନିକଟରେ ବିପୁଳ ପରିମାଣର ଗଞ୍ଜେଇ ଜବତ। ୨୪କେଜି ୪୦୦ଗ୍ରାମ୍ ଗଞ୍ଜେଇ ସହିତ ଏକ କାରକୁ ଜବତ କଲା ପୋଲିସ୍। ଗଞ୍ଜେଇ ଚୋରା ଚାଲାଣ କରୁଥିବା ଜଣେ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରୁଛଇ ପୋଲିସ୍। ଘଟଣାରେ ଆଉ ୨ ଜଣ ଫେରାର ହୋଇଯାଇଛନ୍ତି। ଗିରଫ ଅଭିଯୁକ୍ତ ଜଣକ ହେଲେ ହରିପୁର ଗ୍ରାମର ଟୁନା ସ୍ବାଇଁ । ଜବତ ଗଞ୍ଜେଇର ଆନୁମାନିକ ମୂଲ୍ୟ ୧ଲକ୍ଷ ୨୦ଜଜାର ଟଙ୍କାରୁ ଉର୍ଦ୍ଧ୍ବ ହେବ ବୋଲି ପୋଲିସ ସୂଚନା ଦେଇଛି। ଗଞ୍ଜେଇ ଗୁଡିକ କ.ନୂଆଗାଁ ଅଞ୍ଚଳରୁ ଦାରିଙ୍ଗବାଡ଼ି ଦେଇ ବ୍ରହ୍ମପୁର ଅଞ୍ଚଳକୁ ଚାଲାଣ ହେଉଥିଲା ।
ଯାଜପୁର: ନାଗ ଓ ବୋଡା ସାପ ଲଢ଼େଇ। ବିଷ ଧର ନାଗକୁ ପାଣି ପିଆଇଲା ବିଷ ହୀନ ସ୍ୟାଣ୍ଡ ବୋଡା ସାପ । ୪ ଫୁଟ ବିଷଧର ନାଗ ସହ ଏକ ଘଣ୍ଟା ଲଢିଲା ଏକ ଫୁଟର ବାଲି ବୋଡା । ଯାଜପୁର ଜିଲ୍ଲା ବଡ଼ଚଣା ଥାନା ଅନ୍ତର୍ଗତ କୁଳହରିପୁର ଗାଁରେ ଦେଖିବାକୁ ମିଳିଛି ଏପରି ଏକ ନିଆରା ଦୃଶ୍ୟ । ରାସ୍ତା କଡରେ ୨ଟି ସାପ ପରସ୍ପରକୁ ଆକ୍ରମଣ କରିଥିଲେ । ୪ ଫୁଟ ଲମ୍ବର ନାଗ ସାପ ଏକ ବୋଆ ସାପକୁ କାମୁଡି ଧରିଥିଲା । କିନ୍ତୁ ଜୀବନ ବଞ୍ଚାଇବାକୁ ଯାଇ ବୋଡା ସାପଟି ନିଜ ଲାଞ୍ଜରେ ନାଗ ସାପର ବେକକୁ ଗୁଡ଼ାଇ ଦେଇଥିଲା । ସ୍ଥାନୀୟ ଲୋକେ ଏହି ଘଟଣା ଦେଖିବା ପରେ ସ୍ନେକ୍ ହେଲପ ଲାଇନକୁ ସୂଚନା ଦେଇଥିଲେ । ଖବର ପାଇ ସ୍ନେକ ହେଲପ ଲାଇନ୍ ସଦସ୍ୟ ଘଟଣାସ୍ଥଳରେ ପହଞ୍ଚି ସାପ ଦୁଇଟିକୁ ଉଦ୍ଧାର କରି ଜଙ୍ଗଲରେ ଛାଡିଥିଲେ ।
ଭୁବନେଶ୍ୱର: ଓଡ଼ିଶାର ବନ୍ଦରର ବ୍ୟବହାର ପାଇଁ ବିହାର ଅଧିକାରୀ ଆଲୋଚନା କରିଛନ୍ତି । ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ଉଚ୍ଚସ୍ତରୀୟ ବୈଠକ ବସିଥିଲା । ଏହି ବୈଠକରେ ବ୍ୟବସାୟିକ ଭାବେ ବନ୍ଦର ବ୍ୟବହାର ନେଇ ଓଡ଼ିଶା ଓ ବିହାର ମଧ୍ୟରେ ଆଲୋଚନା ହୋଇଛି । ବିହାର ACSଙ୍କୁ ଉନ୍ନୟନ କମିଶନର ପ୍ରଦୀପ ଜେନା ବନ୍ଦର ବ୍ୟବହାର ନେଇ ଯୋଜନା କରିବାକୁ ପରାମର୍ଶ ଦେଇଛନ୍ତି ।
ସମସ୍ତ ପ୍ରକାର ସହାୟତା ଯୋଗାଇ ଦେବାକୁ ମଧ୍ୟ ପ୍ରତିଶ୍ରୁତି ଦେଇଛି ଓଡ଼ିଶା । ବୈଠକରେ ବନ୍ଦରର ସମ୍ଭାବ୍ୟ ବିକାଶ ନେଇ ଆଲୋଚନା ହୋଇଥିଲା । ଆଲୋଚନା ପରେ ବୈଠକ ସଫଳ ହୋଇଥିବା କହିଛନ୍ତି ବିହାର ଅଧିକାରୀ । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବିହାର ଅତିରିକ୍ତ ସଚିବ ଓ ତାଙ୍କ ଟିମ୍ ଧନ୍ୟବାଦ ଦେଇଛନ୍ତି ।
ନୂଆଦିଲ୍ଲୀ: ପେଟ୍ରୋଲ, ଡିଜେଲ, ରୋଷେଇ ଗ୍ୟାସ୍ ସିଲିଣ୍ଡର ପରେ ଏବେ CNG ପାଳି । ଲଗାତାର ତୈଳ ଦର ବୃଦ୍ଧି ଘଟୁଥିବା ବେଳେ PNG ଓ CNG ଦରରେ ବୃଦ୍ଧି ଘଟିଛି । CNG ୭୦ ପଇସା ବଢ଼ିଥିବା ବେଳେ PNG ଦର ୯୨ ପଇସା ବଢ଼ିଛି । ଦିଲ୍ଲୀ ଏନ୍ସିଆର୍ରେ CNG ଦର କିଲୋଗ୍ରାମ୍ ପିଲା ୪୩ଟଙ୍କା ୪୦ ପଇସା ହୋଇଛି । ସେପଟେ ଗାଜିଆବାଦ୍, ନୋଏଡ଼ା ଓ ଗ୍ରେଟର ନୋଏଡ଼ାରେ CNG କିଲୋଗ୍ରାମ୍ ପିଛା ୪୯ ଟଙ୍କା ୮ ପଇସା ହୋଇଛି । ସେପଟେ ବିମାନ ଇନ୍ଧନ ଏଟିଏଫ୍ ଦରରେ ବି ୬ଦଶମିକ ୫ ପ୍ରତିଶତ ବୃଦ୍ଧି ଘଟିଛି । ଅନ୍ତରାଷ୍ଟ୍ରୀୟ ବଜାରରେ ତୈଳ ଦର ବଢୁଥିବାରୁ ବିମାନ ଇନ୍ଧନ ମହଙ୍ଗା ହୋଇଥିବା କୁହାଯାଉଛି । ବିମାନ ଇନ୍ଧନ ଏଟିଏଫ୍ ଦର କିଲୋଲିଟର ପିଛା ୩ହଜାର ୬୬୩ ଟଙ୍କାର ବୃଦ୍ଧି ହୋଇଛି । ବିମାନ ଇନ୍ଧନ ଦର ବଢ଼ିବା ପରେ ଏବେ ବିମାନ ଯାତ୍ରା ବି ମହଙ୍ଗା ହେବା ଆଶଙ୍କା କରାଯାଉଛି । ଇନ୍ଧନ ଦର ବୃଦ୍ଧି ଯୋଗୂ ଟିକେଟ୍ ଦର ବୃଦ୍ଧି ଘଟିପାରେ ବୋଲି ଅନୁମାନ କରାଯାଉଛି । ସେପଟେ ଦରବୃଦ୍ଧି ନେଇ ଗ୍ରାହକଙ୍କ ମନରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି ।
କୋଲକାତା: ନିର୍ବାଚନ ବର୍ଷରେ ପଶ୍ଚିମବଙ୍ଗ ଦଖଲ ପାଇଁ ବିଜେପି ଓ ଟିଏମସି ମଧ୍ୟରେ ଚାଲିଛି ଜୋରଦାର ଲଢେଇ । ବିଜେପି ପାଇଁ ଆଜି ପ୍ରଚାରର ମଙ୍ଗ ଧରି ହିନ୍ଦୁତ୍ୱ କାର୍ଡ ଖେଳିବା ସହ ମମତା ବାନାର୍ଜୀଙ୍କୁ ଟାର୍ଗେଟ୍ କରିଥିଲେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ପଶ୍ଚିମବଙ୍ଗରେ ଗୁଣ୍ଡାରାଜ ବଢିଚାଲିଛି । ବୟସ୍କମାନେ ନିଜକୁ ସୁରକ୍ଷିତ ମଣୁନାହାଁନ୍ତି । ଟିଏମସି ସରକାର ରାଜ୍ୟବାସୀଙ୍କୁ ସୁରକ୍ଷା ଯୋଗାଇ ଦେବାରେ ଫେଲ୍ ମାରିଛନ୍ତି ବୋଲି କହିଛନ୍ତି ଯୋଗୀ । ଜୟ ଶ୍ରୀରାମ ନାରା ଦେଲେ ଦିଦି କାହିଁକି ରାଗି ଯାଉଛନ୍ତି ବୋଲି ସେ ପ୍ରଶ୍ନ କରିଛନ୍ତି । ସେହିଭଳି CAA ଓ ଲଭ୍ ଜିହାଦି ପ୍ରସଙ୍ଗରେ ମମତା ସରକାରଙ୍କୁ ଟାର୍ଗେଟ୍ କରିଥିଲେ ଯୋଗୀ ଆଦିତ୍ୟନାଥ ।
ଆସନ୍ତା ମାସରେ ୫ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଥିବା ବେଳେ ବିଜେପି ପାଇଁ ଅଡ଼ୁଆ ବଢ଼ିଛି । ବିଜେପି ଏହି ରାଜ୍ୟରେ ଜୋରସୋରେ ନିର୍ବାଚନ ନେଇ ପ୍ରସ୍ତୁତି ଆରମ୍ଭ କରିଦେଇଛି । କେରଳ, ପୁଡୁଚେରୀରେ ବିଜେପି ନିଜର ପତିଆରା ବିସ୍ତାର କରିବାକୁ ଚେଷ୍ଟା କରୁଥିବା ବେଳେ ଆସାମ ଓ ପଶ୍ଚିମବଙ୍ଗରେ ଦଳର ସ୍ଥିତି ବିରୋଧୀଙ୍କ ପାଇଁ ମୁଣ୍ଡ ବ୍ୟାଥରା କାରଣ ପାଲଟିଛି । ଏହାରି ମଧ୍ୟରେ ମିଳିତ କୃଷକ ମୋର୍ଚ୍ଚା ପକ୍ଷରୁ ଘୋଷଣା ହୋଇଛି ଯେ, ପାଞ୍ଚ ରାଜ୍ୟର ନିର୍ବାଚନରେ ବିଜେପିକୁ ଭୋଟ ନ ଦେବାକୁ ଅପିଲ କରିବ ।
ବ୍ରହ୍ମପୁର: ବ୍ରହ୍ମପୁର ବୈଦ୍ୟନାଥପୁର ଥାନା ଅନ୍ତର୍ଗତ ନୂଆ ବସ୍ଷ୍ଟାଣ୍ଡ ନିକଟ ଗୁରୁଦେବ କ୍ଲିନିକ୍ରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ମୃତକ ହେଲେ ଗୋଳନ୍ଥରା ଥାନା ଗୋବିନ୍ଦନଗରର ନବୀନ ସାହୁଙ୍କ ପତ୍ନୀ ସଙ୍ଗୀତା ସାହୁ। ନବୀନ ଏ ନେଇ ବୈଦ୍ୟନାଥପୁର ଥାନାରେ ଅଭିଯୋଗ କରିଛନ୍ତି । କ୍ଲିନିକ୍ କର୍ମଚାରୀମାନେ ସଙ୍ଗୀତାଙ୍କୁ ଠିକ୍ ଭାବେ ଦେଖାଶୁଣା ନ କରିବା ଯୋଗୁଁ ତାଙ୍କ ମୃତ୍ୟୁ ହୋଇଥିବା ଏତଲାରେ ଦର୍ଶାଇଛନ୍ତି ।
ସମ୍ପୃକ୍ତ ଡାକ୍ତର , କ୍ଲିନିକ୍ ମାଲିକ ଏବଂ କର୍ମଚାରୀଙ୍କ ନାମରେ ଏତଲା ଦିଆଯାଇଛି । ସଙ୍ଗୀତା ନିଜର ଶାରୀରିକ ସମସ୍ୟା ନେଇ ବ୍ରହ୍ମପୁର ସହରର ଜଣେ ଜଣାଶୁଣା ମହିଳା ଡାକ୍ତରଙ୍କ ନିକଟକୁ ଯାଇଥିଲେ । ସେଠାରେ ଡାକ୍ତର ଜଣକ ମହିଳାଙ୍କ ପେଟରେ ଟ୍ୟୁମର ଥିବା ଦର୍ଶାଇ ଅସ୍ତ୍ରୋପଚାର କରିବା ପାଇଁ କହିଥିଲେ । ଅସ୍ତ୍ରୋପଚାର ପାଇଁ ଘରୋଇ ହସ୍ପିଟାଲରେ ଭର୍ତ୍ତି ହେବାକୁ କହିଥିଲେ।
୨୬ ତାରିଖରେ ସଙ୍ଗୀତା ସମୃକ୍ତ ମହିଳା ଡାକ୍ତରଙ୍କ ନିକଟକୁ ଯାଇ ରୋଗ ବିଷୟରେ କହିଥିବା ବେଳେ ୨୮ ତାରିଖରେ ତାଙ୍କୁ ଗୁରୁଦେବ କ୍ଲିନିକ୍ରେ ଭର୍ତ୍ତି ହେବାକୁ କୁହାଯାଇଥିଲା । ଡାକ୍ତର ଆସିବା ପୂର୍ବରୁ କର୍ମଚାରୀମାନେ ତାଙ୍କୁ ଅସ୍ତ୍ରୋପଚାର ପ୍ରକୋଷ୍ଠକୁ ନେଇଥିଲେ। କିଛି ସମୟ ପରେ ସଙ୍ଗୀତାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ତୁରନ୍ତ କ୍ଲିନିକର ଆମ୍ବୁଲାନ୍ସ ଯୋଗେ ଏମକେସିଜି ନିଆଯାଇଥିଲା ।
ମେଡିକାଲରେ ସଂଗୀତାଙ୍କୁ ଛାଡ଼ିଦେଇ ସେଠାରୁ ପଳାଇ ଯାଇଥିଲେ ଘରୋଇ ମେଡିକାଲ କର୍ମଚାରୀ। ପରେ ଡାକ୍ତର ତାଙ୍କୁ ସେଠାରେ ମୃତ ଘୋଷିତ କରିଥିଲେ। ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ଥିବା ବେଳେ ଏକ ମାମଲା ରୁଜୁ କରି ତଦନ୍ତ କରୁଛି। ବର୍ଷକ ପୂର୍ବେ ଗୁରୁଦେବ କ୍ଲିନିକରେ ଜଣେ ନବ ବିବାହିତାଙ୍କର ମଧ୍ୟ ମୃତ୍ୟୁ ହୋଇଥିଲା । ଏହାକୁ ନେଇ ଥାନାରେ ଡାକ୍ତର ଏବଂ କ୍ଲିନିକ ବିରୋଧରେ ଏକ ମାମଲା ରୁଜୁ ହୋଇଥିଲା । ଆଜି ଗୁରୁଦେବ ହସ୍ପିଟାଲରେ ଚିକିତ୍ସା ଅବହେଳାରୁ ମୃତ୍ୟୁ ଯୋଗୁ ବିଜେପି ଦଳର କର୍ମୀଙ୍କ ସହ ରୋଗୀଙ୍କ ସମ୍ପର୍କୀୟ ହସ୍ପିଟାଲ୍ ସାମ୍ନାରେ ମୃତ ଦେହ ରଖି ରାସ୍ତା ରୋକ କରିଥିଲେ।
ଅପରପକ୍ଷେ ମୃତକଙ୍କ ପରିବାରକୁ ୨୦ ଲକ୍ଷ ଟଙ୍କା କ୍ଷତିପୂରଣ ସହ ଗୁରୁଦେବ ହସ୍ପିଟାଲର ମାଲିକଙ୍କୁ ଗିରଫ ଓ ମେଡିକାଲକୁ ବନ୍ଦ କରିବା ସହ ଡାକ୍ତରଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବିରେ ବିକ୍ଷୋଭ ପ୍ରଦର୍ଶନ କରାଯାଇଛି। ଘଟଣା ସ୍ଥଳରେ ଉତେଜନା ପୂର୍ଣ୍ଣ ସ୍ଥିତି ଦେଖି ବିଏନପୁର ଥାନା ଆଇଆଇସି ସାରଦା ଦାସଙ୍କ ସମେତ ଟାଉନ୍ ଏସଡିପିଓ ବିଷ୍ଣୁ ପତି ପ୍ରମୁଖ ଉପସ୍ଥିତ ରହିଥିଲେ।
ନୂଆଦିଲ୍ଲୀ: ଆସନ୍ତା ମାସରେ ୫ ରାଜ୍ୟରେ ବିଧାନସଭା ନିର୍ବାଚନ ଆରମ୍ଭ ହେବ । ବିଜେପି ଏହି ରାଜ୍ୟରେ ଜୋରସୋରେ ନିର୍ବାଚନ ନେଇ ପ୍ରସ୍ତୁତି ଆରମ୍ଭ କରିଦେଇଛି । କେରଳ, ପୁଡୁଚେରୀରେ ବିଜେପି ନିଜର ପତିଆରା ବିସ୍ତାର କରିବାକୁ ଚେଷ୍ଟା କରୁଥିବା ବେଳେ ଆସାମ ଓ ପଶ୍ଚିମବଙ୍ଗରେ ଦଳର ସ୍ଥିତି ବିରୋଧୀଙ୍କ ପାଇଁ ମୁଣ୍ଡ ବ୍ୟାଥରା କାରଣ ପାଲଟିଛି । ଏହାରି ମଧ୍ୟରେ ମିଳିତ କୃଷକ ମୋର୍ଚ୍ଚା ପକ୍ଷରୁ ଘୋଷଣା ହୋଇଛି ଯେ, ପାଞ୍ଚ ରାଜ୍ୟର ନିର୍ବାଚନରେ ବିଜେପିକୁ ଭୋଟ ନ ଦେବାକୁ ଅପିଲ କରିବ ।
ସ୍ୱରାଜ ଇଣ୍ଡିଆର ସଂସ୍ଥାପକ ଯୋଗେନ୍ଦ୍ର ଯାଦବ କହିଛନ୍ତି ଯେ, ୧୦ ଟ୍ରେଡ୍ ସଂଗଠନ ସହିତ ଆଲୋଚନା ହୋଇଛି । ସରକାର ସାର୍ବଜନିକ କ୍ଷେତ୍ରର ଯେଉଁ ଘରୋଇକରଣ ହେଉଛି ତାହା ବିରୋଧରେ ୧୫ ମାର୍ଚ୍ଚକୁ ପୂରା ଦେଶର ଶ୍ରମିକ ଏବଂ କର୍ମଚାରୀ ରାଜରାସ୍ତାକୁ ଓହ୍ଲାଇବେ ଏବଂ ରେଳ ଷ୍ଟେସନ ବାହାରକୁ ଯାଇ ଧାରଣା ଦେବେ । ସେ କହିଛନ୍ତି ଯେ, ସରକାରଙ୍କ ପକ୍ଷରୁ ଆନ୍ଦୋଳନକୁ ଭଣ୍ଡୁର କରିବାକୁ ଚେଷ୍ଟା କରାଯାଇଛି । କେନ୍ଦ୍ର ସରକାରରେ ହରିୟାଣାର ଯେଉଁ ୩ ଜଣ କେନ୍ଦ୍ରମନ୍ତ୍ରୀ ଅଛନ୍ତି, ସେମାନଙ୍କୁ ସେମାନଙ୍କ ଗ୍ରାମକୁ ପ୍ରବେଶ ଉପରେ ରୋକ ଲଗାଯିବ ।
୧୧ଟାରୁ ୪ ଯାଏଁ ଏକ୍ସପ୍ରେସ୍ ଓ୍ୱେ ରୋକାଯିବ
ଯୋଗେନ୍ଦ୍ର ଯାଦବ କହିଛନ୍ତି ଯେ, ମିଳିତ କୃଷକ ମୋର୍ଚ୍ଚାର ଆଜିର ବୈଠକରେ ଆଗାମୀ ୧୫ ମାର୍ଚ୍ଚ ଯାଏଁ ଦଳର କାର୍ଯ୍ୟକ୍ରମ ନିର୍ଦ୍ଦାରଣ ହୋଇସାରିଛି । ୬ ମାର୍ଚ୍ଚକୁ ଯେତେବେଳେ ବିରୋଧ ପ୍ରଦର୍ଶନର ୧୦୦ ଦିନ ପୂରଣ ହେବ, ସେତେବେଳେ ସକାଳ ୧୧ଟାରୁ ସନ୍ଧ୍ୟା ୪ଟା ଯାଏଁ କୁଣ୍ଡଳି-ମାନେସର-ପଲବଲ ଏକ୍ସପ୍ରେସ ଓ୍ୱେ’ର ଅଲଗା ଅଲଗା ସ୍ଥାନରେ ଅଟକାଯିବ ।
ନୂଆଦିଲ୍ଲୀ: ପୁଣି ଥରେ ବିଶ୍ୱ ଦରବାରରେ ପାକିସ୍ତାନର ଅସଲ ମୁଖା ଖୋଲିଛି ଭାରତ । ଜାତିସଂଘର ମାନବାଧିକାର ପରିଷଦରେ ପାକିସ୍ତାନକୁ ସମାଲୋଚନା କରିଛି ଭାରତ । ପାକିସ୍ତାନ ଆତଙ୍କବାଦୀକୁ ପାଳିପୋସି ସେମାନଙ୍କୁ ପ୍ରୋତ୍ସାହିତ କରୁଛି । ପାକିସ୍ତାନରେ ଦିନକୁ ଦିନ ମାନବାଧିକାରର ଉଂଲ୍ଲଘନ ହେଉଛି । ଏଥି ପ୍ରତି ଦୃଷ୍ଟି ହଟାଇବା ପାଇଁ ପାକିସ୍ତାନ ସବୁବେଳେ ଭାରତ ଉପରେ ଦୋଷ ଲଦୁଛି ବୋଲି ଅଭିଯୋଗ କରିଛ ଭାରତ ।
ପାକିସ୍ତାନ ଜାତିସଂଘ ମଞ୍ଚରେ ସାରା ଦୁନିଆକୁ ମିଛ କହୁଥିବା କହିଛନ୍ତି ଜାତିସଂଘରେ ଭାରତର ସ୍ଥାୟୀ ସଦସ୍ୟ ପବନକୁମାର ବାଧେ । ପାକିସ୍ତାନ ଆତଙ୍କବାଦର ଭୁତ୍ସଗ ପାଲଟିଛି । ଏ ନେଇ ବାରମ୍ବାର ପ୍ରମାଣ ମିଳିଚାଲିଛି । ସାରା ବିଶ୍ୱ ଆତଙ୍କବାଦ ବିରୋଧରେ ଲଢେଇ ଜାରି ରଖିଛି । ଏଭଳି ସମୟରେ ଆତଙ୍କବାଦ ପ୍ରତି ପାକିସ୍ତାନର ଆଭିମୁଖ୍ୟ ବିଶ୍ୱବାସୀଙ୍କୁ ଚିନ୍ତାରେ ପକାଇଛି ବୋଲି ଭାରତ କହିଛି ।
