ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ୧୪ ଦିନିଆ ମାସ୍କ ଅଭିଯାନକୁ ବିଶ୍ବ ସ୍ବାସ୍ଥ୍ୟ ସଂଗଠନ-WHOର ପ୍ରଶଂସା । ମାସ୍କ ଆମକୁ କରୋନାରୁ ରକ୍ଷା କରିପାରିବ । ମୁଖ୍ୟମନ୍ତ୍ରୀଙ୍କ ଅପିଲ ଅନେକ ଗୁରୁତ୍ୱ ବହନ କରୁଛି ବୋଲି ବିଶ୍ବ ସ୍ବାସ୍ଥ୍ୟ ସଂଗଠନର ଓଡ଼ିଶା ଟିମ୍ ଲିଡର ଡକ୍ଟର ନିହାର ରାୟ କହିଛନ୍ତି । କରୋନାର ଦ୍ବିତୀୟ ପ୍ରବାହକୁ ବିନା ଲକଡାଉନରେ ହରାଇବାକୁ ମୁଖ୍ୟମନ୍ତ୍ରୀ ଗତକାଲି ଆହ୍ବାନ ଦେଇଥିଲେ । କରୋନାକୁ ଚେକ ଦେବାକୁ ୧୪ ଦିନିଆ ମାସ୍କ ଡ୍ରାଇଭ ସହ ପୂରା ପରିବାରକୁ ମାସ୍କ ପିନ୍ଧାଇବାକୁ ମାଆମାନଙ୍କୁ ଗୁରୁଦାୟିତ୍ବ ଦେଇଛନ୍ତି ନବୀନ । ଝୁଲାଇକି ନୁହେଁ, ପୂରା ନାକ ଓ ମୁହଁ କରିବା କଭର କରିବା ଭଳି ମାସ୍କ ପିନ୍ଧିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପରାମର୍ଶ ଦେଇଥିଲେ । ମୁଖ୍ୟମନ୍ତ୍ରୀଙ୍କ ପରାମର୍ଶ ପରେ ରାଜ୍ୟରେ ୧୪ଦିନିଆ ମାସ୍କ ଅଭିଯାନ ଆରମ୍ଭ ହୋଇଛି । କରୋନା ମୁକାବିଲାରେ ମାସ୍କ ମୁଖ୍ୟ କବଚ ସାଜିଥିବାରୁ ରାଜ୍ୟବାସୀଙ୍କୁ ଆଜିଠାରୁ ମାସ୍କ ପିନ୍ଧିବା ପାଇଁ ମୁଖ୍ୟମନ୍ତ୍ରୀ ଅପିଲ୍ କରିଥିଲେ । କରୋନାର ଦ୍ବିତୀୟ ଲହରୀରେ ଦ୍ରୁତଗତିରେ ସଂକ୍ରମଣ ହେଉଥିବାରୁ ମାସ୍କ ପିନ୍ଧିବା ଜରୁରୀ । ମାସ୍କ ଅଭିଯାନର ମୁଖ୍ୟ ସୂତ୍ରଧର ସାଜିବେ ମାଆ । ଏଥିଲାଗି ମୁଖ୍ୟମନ୍ତ୍ରୀ ସେମାନଙ୍କୁ ଗୁରୁଦାୟିତ୍ବ ଦେଇଛନ୍ତି । ରାଜ୍ୟ ସରକାର ବାହାରେ ଜଗୁଛନ୍ତି, ମାଆମାନେ ଘରେ ଜଗନ୍ତୁ । ମାଆମାନେ ସତର୍କ ହେଲେ କରୋନା କେବେବି ଆମ ଘର ଭିତରକୁ ଆସିପାରିବ ନାହିଁ ବୋଲି ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏହି ମାସ୍କ ଅଭିଯାନକୁ ବିଶ୍ବ ସ୍ବାସ୍ଥ୍ୟ ସଂଗଠନ ପ୍ରଶଂସା କରିଛି ।
ମମତା ବାନାର୍ଜୀଙ୍କ ପରାମର୍ଶଦାତା ପି.କେଙ୍କ ଅଡିଓ ଭାଇରାଲ୍: ‘ମୋଦିଙ୍କ ଲୋକପ୍ରିୟତା ବଢ଼ିବାରେ ଲାଗିଛି’
କୋଲକାତା: ପଶ୍ଚିମବଙ୍ଗରେ ନିର୍ବାଚନ ଚାଲିଥିବା ସମୟରେ ରାଜନୈତିକ କୂଟନୀତଜ୍ଞ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ରାଜନୈତିକ ପରାମର୍ଶଦାତା ପ୍ରଶାନ୍ତ କିଶୋରଙ୍କ ଏକ ଅଡିଓ ଭାଇରାଲ୍ ହେବାରେ ଲାଗିଛି। କ୍ଲବ ହାଉସ ନାମକ ଅଡିଓ କନଫେରନସିଂ ଆପରେ ପ୍ରଶାନ୍ତ କିଶୋର କିଛି ସାମ୍ବାଦିକଙ୍କ ସହ ପଶ୍ଚିମବଙ୍ଗ ନିର୍ବାଚନ ସମ୍ପର୍କରେ ଆଲୋଚନା କରୁଛନ୍ତି। ଯାହାକୁ ବିଜେପି ସାର୍ବଜନୀନ କରିଛି।
Is it open?
That moment when Mamata Banerjee’s strategiest realised that the Club House room was open and his admissions were being heard by the public at large and not just a handful of Lutyens journalist.
Deafening silence followed…
TMC’s election was just thrown away! pic.twitter.com/2XJ4RWbv3K
— Amit Malviya (@amitmalviya) April 10, 2021
ବିଜେପି ଜାରି କରିଥିବା ଅଡ଼ିଓରେ ପ୍ରଶାନ୍ତ କିଶୋର କହୁଛନ୍ତି ଯେ ପଶ୍ଚିମବଙ୍ଗରେ ବିଜେପି ଭଲ ପ୍ରଦର୍ଶନ କରୁଛି। ଦଳକୁ ୪୦ ପ୍ରତିଶତ ଭୋଟ୍ ମିଳିପାରେ। ବଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକପ୍ରିୟତା ବଢିବାରେ ଲାଗିଛି । ବେଙ୍ଗଲରେ ଭୋଟ୍ ମୋଦି ଓ ହିନ୍ଦୁଙ୍କ ନାଁରେ ରହିଛି। ଧୃବୀକରଣ, ହିନ୍ଦୀ ଭାଷା ଏବଂ ସୁପ୍ରିମକୋର୍ଟ ନିର୍ବାଚନର ପ୍ରମୁଖ ଅଂଶ ପାଲଟିଛି। ମତୁଆ ସମୁଦାୟ ବିଜେପି ପାଇଁ ଭୋଟ୍ ଦେଉଛନ୍ତି। ରାଜ୍ୟରେ ମୋଦିଙ୍କ ସପକ୍ଷରେ ମାହୋଲ ଥିବା ବେଳେ ଶାସକ ଦଳ ଟିଏମସି ବିରୋଧରେ ମାହୋଲ ରହିଛି।
I am glad BJP is taking my chat more seriously than words of their own leaders!😊
They should show courage & share the full chat instead of getting excited with selective use of parts of it.
I have said this before & repeating again – BJP will not to CROSS 100 in WB. Period.
— Prashant Kishor (@PrashantKishor) April 10, 2021
ଏହି ଅଡିଓକୁ ବିଜେପି IT ସେଲ୍ ମୁଖ୍ୟ ଅମିତ୍ ମାଲବି ଟ୍ୱିଟ୍ କରିବା ପରେ ଏହାକୁ ନେଇ ଆରମ୍ଭ ହୋଇଛି ବୟାନବାଜି। ଖୋଦ୍ ପ୍ରଶାନ୍ତ କିଶୋର କହିଛନ୍ତି, ବିଜେପି ଅଡିଓର ମାତ୍ର କିଛି ଅଂଶ ଦେଖାଉଛି। ସମ୍ପୂର୍ଣ୍ଣ ଅଡିଓ ସାମ୍ନାକୁ ଆସିବା ଦରକାର।
ସେପଟେ ବିଜେପି କହିଛି ଯେ ଅଡିଓରେ ଯାହା ଆଲୋଚନା ହେଉଛି ତାହା ସତ। ଏଥର ପଶ୍ଚିମବଙ୍ଗରେ ବିଜେପି ସରକାର ଆସିବାକୁ ଯାଉଛି।
ସ୍କୁଲ୍ ଖୋଲିବା ଯାଏ ଘରୋଇ ଶିକ୍ଷକଙ୍କୁ ପ୍ରତି ମାସ ୨ ହଜାର ଟଙ୍କା ଭତ୍ତା ଓ ୨୫ କେଜି ଚାଉଳ ଦେବେ ସରକାର
ହାଇଦ୍ରାବାଦ: ମହାମାରୀ କରୋନା ସଂକ୍ରମଣ ପାଇଁ ବନ୍ଦ ରହିଛି ସ୍କୁଲ୍, ହେଉନି ପାଠପଢ଼ା । ଫଳରେ ଅଧିକାଂଶ ଘରୋଇ ସ୍କୁଲରେ ଶିକ୍ଷକତା କରୁଥିବା ଶିକ୍ଷକ ଓ କର୍ମଚାରୀ ଚଳିବା ମୁସ୍କିଲ୍ ହୋଇ ପଡ଼ିଛି । ଏସବୁକୁ ଦେଖି ବଡ଼ ନିଷ୍ପତ୍ତି ନେଇଛନ୍ତି ତେଲଙ୍ଗାନା ସରକାର । ରାଜ୍ୟ ସରକାରଙ୍କ ଦ୍ୱାରା ମାନ୍ୟତା ପ୍ରାପ୍ତ ଘରୋଇ ଶିକ୍ଷା ଅନୁଷ୍ଠାନର ଶିକ୍ଷକ ଓ ଅନ୍ୟ କର୍ମଚାରୀଙ୍କୁ ମାସିକ ୨ ହଜାର ଟଙ୍କା ସହ ୨୫ କେଜି ଚାଉଳ ମାଗଣା ମଳିବ । ରାଜ୍ୟରେ ଶିକ୍ଷାନୁଷ୍ଠାନ ଖୋଲିବା ଯାଏ ଏହି ସହାୟତା ଯୋଗାଇ ଦେବେ ତେଲଙ୍ଗାନା ସରକାର । ଚଳିତ ମାସରୁ ସହାୟତା ଯୋଗାଇ ଦିଆଯିବ ।
CM Sri KCR has decided to provide Rs.2000 financial assistance and 25 Kg rice per month to teachers and other staff of recognized private educational institutions effective from April. This assistance to continue till educational institutions are reopened. pic.twitter.com/KzffyglcnV
— Telangana CMO (@TelanganaCMO) April 9, 2021
ଏନେଇ ତେଲଙ୍ଗାନା ମୁଖ୍ୟମନ୍ତ୍ରୀ ଚନ୍ଦ୍ରଶେଖର ରାଓ ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି- କରୋନା ପାଇଁ ଶିକ୍ଷାନୁଷ୍ଠାନ ବନ୍ଦ କରିବାକୁ ପଡ଼ିଛି । ଏଥିଯୋଗୁଁ ଶିକ୍ଷକଙ୍କୁ ଅସୁବିଧାର ସମ୍ମୁଖିନ ହେବାକୁ ପଡ଼ୁଛି । ସ୍କୁଲ୍ ଯେ ପର୍ଯ୍ୟନ୍ତ ନ ଖୋଲିଛି, ସେତେବେଳେ ଯାଏ ଶିକ୍ଷକଙ୍କୁ ୨ ହଜାର ଟଙ୍କା ଆର୍ଥିକ ସହାୟତା ଓ ୨୫ କେଜି ଚାଉଳ ପ୍ରତିମାସ ଯୋଗାଇ ଦିଆଯିବ ।
ଏହି ନିଷ୍ପତ୍ତି ମାନବିକତା ଦୃଷ୍ଟିକୋଣରୁ ନିଆଯାଇଥିବା ମୁଖ୍ୟମନ୍ତ୍ରୀ କହିଛନ୍ତି । ଏହାଦ୍ୱାରା ରାଜ୍ୟ ମାନ୍ୟତାପ୍ରାପ୍ତ ଘରୋଇ ଶିକ୍ଷାନୁଷ୍ଠାନରେ କାର୍ଯ୍ୟରତ ୫୦ ଲକ୍ଷ ଶିକ୍ଷକ ଓ କର୍ମଚାରୀ ଉପକୃତ ହେବେ । ସହାୟତା ପାଇବା ଲାଗି ଶିକ୍ଷକ ଓ ଅନ୍ୟ କର୍ମଚାରୀଙ୍କୁ ନିଜ ବ୍ୟାଙ୍କ ଆକାଉଣ୍ଟ ତଥ୍ୟ ସହ ଅନ୍ୟ ଦସ୍ତାବିଜ୍ ସହ ଜିଲ୍ଲାପାଳଙ୍କ ନିକଟରେ ଆବେଦନ କରିବାକୁ ପଡ଼ିବ ।
ପଶ୍ଚିମବଙ୍ଗ ନିର୍ବାଚନରେ ଥମୁନି ହିଂସା: ସିଆଇଏସଏଫ୍ ଗୁଳିରେ ୪ ମୃତ
କୋଲକାତା: ପଶ୍ଚିମବଙ୍ଗ ନିର୍ବାଚନରେ ଥମୁନି ରାଜନୈତିକ ହିଂସା । ପୂର୍ବ ଥର ଭଳି ଚତୁର୍ଥ ପର୍ଯ୍ୟାୟ ନିର୍ବାଚନରେ ମଧ୍ୟ ଦେଖିବାକୁ ମିଳିଛି ହିଂସା । କୁଚ ବିହାରରେ ଟିଏମସି ଓ ବିଜେପି କର୍ମୀଙ୍କ ମଧ୍ୟରେ ସଂଘର୍ଷ ଦେଖିବାକୁ ମିଳିଛି । ଉଭୟ ପକ୍ଷରୁ ଗୁଳି ଓ ବୋମା ମାଡ଼ ଆରମ୍ଭ ହୋଇଯାଇଥିଲା । ଯାହାକୁ ଅଟକାଇବା ପାଇଁ ସିଆଇଏସଏଫ୍ ସିଆଇଏସଫ ଯବାନଙ୍କ ଗୁଳିରେ ୪ ସାଧାରଣ ଲୋକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ଘଟଣାରେ ସ୍ଥାନୀୟ ପୋଲିସ ଓ ନିର୍ବାଚନ ଅଧିକାରୀଙ୍କୁ ରିପୋର୍ଟ ତଲବ କରିଛନ୍ତି ପଶ୍ଚିମବଙ୍ଗ ନିର୍ବାଚନ ଅଧିକାରୀ।
4 dead as CISF allegedly opens fire after coming under attack in Sitalkuchi in Bengal's Cooch Behar district: Police sources
— Press Trust of India (@PTI_News) April 10, 2021
ତେବେ ଘଟଣାରେ ୫ ଜଣଙ୍କ ମୃତ୍ୟୁ ହୋଇଛି ଓ ସେମାନେ ଟିଏମସି କର୍ମୀ ବୋଲି ଦଳ ଦାବି କରିଛି । ଘଟଣାରେ ତୁରନ୍ତ ପୋଲିସ ଓ ନିର୍ବାଚନ ଅଧିକାରୀ ହସ୍ତକ୍ଷେପ କରି କାର୍ଯ୍ୟାନୁଷ୍ଠାନ ନେବା ପାଇଁ ସାମ୍ବାଦିକ ସମ୍ମିଳନୀରେ ଦାବି କରିଛି ଟିଏମସି । ଅନ୍ୟପଟେ ବିଜେପି ପ୍ରାର୍ଥୀ ତଥା ସାଂସଦ ଲକେଟ୍ ଚାଟାର୍ଜୀଙ୍କ ଗାଡ଼ି ଉପରକୁ ଆକ୍ରମଣ ହୋଇଥିବା ଅଭିଯୋଗ ହୋଇଛି। ଟିଏମସି କର୍ମୀମାନେ ଏଭଳି କାଣ୍ଡ ଭିଆଇଛନ୍ତି ବୋଲି ଲକେଟ୍ ଚାଟାର୍ଜୀ କହିଛନ୍ତି । ଏଥିସହ ପୋଲିସ ଉପସ୍ଥିତିରେ ଏଭଳି ଘଟଣା ଘଟିଥିବା ନିର୍ବାଚନ ଅଧିକାରୀଙ୍କୁ କହିଛନ୍ତି ଲକେଟ୍ ଚାଟାର୍ଜୀ । ଆକ୍ରମଣ ସମୟରେ ମିଡିଆ ଗାଡି ମଧ୍ୟ ଭାଙ୍ଗିଛି।
West Bengal Assembly Election: ଚାଲିଛି ଚତୁର୍ଥ ପର୍ଯ୍ୟାୟ ମତଦାନ, ନିର୍ଣ୍ଣାୟକ ଭୂମିକା ନେଉଛନ୍ତି ମହିଳା ଭୋଟର
କୋଲକତା: ଆଜି ପଶ୍ଚିମବଙ୍ଗରେ ଚତୁର୍ଥ ପର୍ଯ୍ୟାୟ ମତଦାନ। ଚତୁର୍ଥ ପର୍ଯ୍ୟାୟରେ ମୋଟ ୪୪ଟି ଆସନ ପାଇଁ ହେଉଛି ଭୋଟିଂ। ମଇଦାନରେ ଅଛନ୍ତି ୩୭୩ ଜଣ ପ୍ରାର୍ଥୀ । ପ୍ରାୟ ୧ କୋଟି ୧୫ ଲକ୍ଷ ୮୧ ହଜାର ଭୋଟର ଏମାନଙ୍କ ଭାଗ୍ୟ ପରୀକ୍ଷା କରୁଛନ୍ତି । ଏହି ପର୍ଯ୍ୟାୟରେ ବିଜେପିର ହେଭିୱେଟ ବାବୁଲ ସୁପ୍ରିୟୋ ଓ ଲକେଟ୍ ଚାଟାର୍ଜୀଙ୍କର ହେଉଛି ଭାଗ୍ୟ ପରୀକ୍ଷା ।
ମତଦାନ ପାଇଁ ୧୫ ହଜାର ୯୪୦ଟି ପୋଲିଂ ବୁଥ୍ ହୋଇଥିବା ବେଳେ ସୁରକ୍ଷା ପାଇଁ ନିୟୋଜିତ ହୋଇଛନ୍ତି ୭୮୯ଟି କମ୍ପାନୀ ସେଣ୍ଟାଲ ଆର୍ମଡ ଫୋର୍ସ ଯବାନ। ହାୱଡ଼ା ଜିଲାର ୯ ସିଟ୍, ଦକ୍ଷିଣ ଚବିଶ ପ୍ରଗଣା ଜିଲ୍ଲାର ୧୧ ସିଟ୍, ହୁଗୁଳିର ୧୦ ସିଟ୍, ଅଲିପୁରଦ୍ୱାର ଜିଲ୍ଲାର ୫ ସିଟରେ ଭୋଟ ଗ୍ରହଣ ହେଉଛି ।
ସେପଟେ ଚବିଶପ୍ରଗଣା ଜିଲାରେ ପୁରୁଷଙ୍କ ତୁଳନାରେ ମହିଳା ଭୋଟର ସଂଖ୍ୟା ଅଧିକ । ଫଳରେ ଏଠାରେ ନିର୍ଣ୍ଣାୟକ ଭୂମିକା ନେଉଛନ୍ତି ମହିଳା ଭୋଟର। ପଶ୍ଚିମବଙ୍ଗରେ ମୋଟ୍ ୮ଟି ପର୍ଯ୍ୟାୟରେ ନିର୍ବାଚନ ହେବାକୁ ଥିବା ବେଳେ, ଆଜି ୪ର୍ଥ ପର୍ଯ୍ୟାୟ ପାଇଁ ନିର୍ବାଚନ ହେଉଛି। ମେ ୨ ତାରିଖରେ ନିର୍ବାଚନୀ ଫଳାଫଳ ଆସିବ।
IPL 2021: ଆଜି ମଇଦାନରେ ଗୁରୁ ଓ ଶିଷ୍ୟ ଲଢ଼େଇ
ଚେନ୍ନାଇ: ଆର୍ମଭ ହୋଇଯାଇଛି କ୍ରିରେଟ ମହାକୁମ୍ଭ IPL 2021 । ୧୪ ତମ ସଂସ୍କରଣର ଉଦଘାଟନୀ ମ୍ୟାଚରେ ରୋମାଞ୍ଚକର ବିଜୟ ହାସଲ କରିଛି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୋର। ମୁମ୍ବାଇକୁ ୨ ୱିକେଟ୍ରେ ପରାସ୍ତ କରିଛି ବିରାଟ ବାହିନୀ। ପ୍ରଥମେ ବ୍ୟାଟିଂ କରି ମୁମ୍ବାଇ ନିର୍ଦ୍ଧାରିତ ଓଭରରେ ୯ ୱିକେଟ୍ ହରାଇ ୧୫୯ ରନ୍ କରିଥିଲା। ଜବାବରେ ବେଙ୍ଗାଲୋର ୮ ୱିକେଟ୍ ହରାଇ ମ୍ୟାଚକୁ ଜିତି ନେଇଥିଲା।
ସେପଟେ ଆଜି ହେଉଛି ଆଇପିଏଲର ଦ୍ୱିତୀୟ ମ୍ୟାଚ୍। ଏହି ମ୍ୟାଚ୍ରେ ଗୁରୁ ଓ ଶିଷ୍ୟଙ୍କ ମଧ୍ୟରେ ଲଢ଼େଇ ଦେଖିବାକୁ ମିଳିବ। ୱାଙ୍ଖଡ଼େ ଷ୍ଟାଡିୟମରେ ପରସ୍ପରକୁ ଭେଟିବେ ଚେନ୍ନାଇ ସୁପର କିଙ୍ଗସ୍ ଓ ଦିଲ୍ଲୀ କ୍ୟାପିଟାଲ । ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗ ଓ ରିଷଭ ପନ୍ତଙ୍କ ଦିଲ୍ଲୀ କ୍ୟାପିଟାଲ ମଧ୍ୟରେ ଲଢ଼େଇ ହେବ। ତେବେ ନୂଆ କରି କୟାପ୍ଟେନ ଦାୱିତ୍ୱ ନେଇଥିବା ଋଷଭ ପନ୍ତଙ୍କ ପାଇଁ ଅଭିଜ୍ଞ କ୍ୟାପ୍ଟେନ୍ ଧୋନିଙ୍କ ସହ ମୁକାବିଲା କରିବା ବଡ଼ ଚ୍ୟାଲିଞ୍ଜିଂ ହୋଇପାରେ। ଅନ୍ୟପଟେ ମହାରାଷ୍ଟ୍ରରେ କରୋନା ସଂକ୍ରମଣ ଉଗ୍ର ରୂପ ନେଇଥିବାରୁ ଖେଳାଳୀଙ୍କ ସ୍ୱାସ୍ଥ୍ୟ ସୁରକ୍ଷାକୁ ନେଇ ଚିନ୍ତାରେ ଅଛି ବିସିସିଆଇ।
ବେକାବୁ ହେଉଛି କରୋନା: ଦିନକରେ ୧ ଲକ୍ଷ ୪୫ ହଜାର ସଂକ୍ରମିତ ଚିହ୍ନଟ
ନୂଆଦିଲ୍ଲୀ : ଦେଶରେ ବେକାବୁ ହେଲାଣି କରୋନା ସଂକ୍ରମଣ । କୋରନାର ଦ୍ୱିତୀୟ ଲହର ଦେଶ ପାଇଁ ଘାତକ ପ୍ରମାଣିତ ହେଉଛି । ଗତ ୨୪ ଘଣ୍ଟାରେ ଦେଶରେ ଏକ ଲକ୍ଷ ୪୫ହଜାର ୩୮୪ ସଂକ୍ରମିତ ଚିହ୍ନଟ ହୋଇଛନ୍ତି । ଅନ୍ୟପଟେ କରୋନାରେ ଦିନକରେ ଦେଶରେ ୭୯୪ଜଣଙ୍କ ମୃତ୍ୟୁ ହୋଇଛି । ସେପଟେ ୨୪ଘଣ୍ଟାରେ ୭୭ହଜାର ୫୬୭ ସଂକ୍ରମିତ ସୁସ୍ଥ ହୋଇ ଘରକୁ ଫେରିଛନ୍ତି । ତେବେ ଦେଶରେ ମୋଟ୍ ଆକ୍ଟିଭ କେସ୍ ୧୦ଲକ୍ଷ ୪୬ହଜାର ୬୩୧ଥିବା ବେଳେ ମୃତ୍ୟୁସଂଖ୍ୟା ଲକ୍ଷେ ୬୮ହଜାର ୪୩୬ରେ ପହଞ୍ଚିଛି ବୋଲି ସ୍ୱାସ୍ଥ୍ୟ ମନ୍ତ୍ରାଳୟ ଟ୍ୱିଟ୍ ଯୋଗେ ସୂଚନା ଦେଇଛି।
ଲଗାତାର ୪ ଦିନ ହେବ କରୋନା ସଂକ୍ରମଣ ୧ ଲକ୍ଷ ଉପରେ ରହୁଛି । ତେଣୁ ଏହାକୁ ନେଇ ଦେଶରେ ଚିନ୍ତା ବଢ଼ିଛି। କରୋନାର ପ୍ରଥମ ଲହର ଆମେରିକା ପାଇଁ ସବୁଠୁ ଅଧିକ ଘାତକ ଥିଲା । ହେଲେ ଏହାର ଦ୍ୱିତୀୟ ଲହର ଭାରତ ପାଇଁ ସବୁଠୁ ଅଧିକ ଘାତକ ହେଉଥିବା ଦେଖିବାକୁ ମିଳିଛି। କରୋନାର ଏହି ଦ୍ୱିତୀୟ ଲହରରେ, ସକ୍ରିୟ ରୋଗୀଙ୍କ ସଂଖ୍ୟା ମାତ୍ର ୫୭ ଦିନରେ୧୦ ଲକ୍ଷ ଅତିକ୍ରମ କରିସାରିଲାଣି। ଯାହାକି ପ୍ରଥମ ଲହରରେ ଅତିକ୍ରମ କରିବାକୁ ୯୮ ଦିନ ସମୟ ଲାଗିଥିଲା।
ଏଥି ସହିତ, ଦେଶରେ ଟିକାକରଣ ଅଭିଯାନ ମଧ୍ୟ ଜୋରସୋର୍ ରେ ଚାଲିଛି। ଗତ ୨୪ ଘଣ୍ଟା ମଧ୍ୟରେ ଦେଶରେ ୩୪ ଲକ୍ଷ ୧୫ ହଜାର ୫୫ ଜଣଙ୍କୁ ଟିକା ଦିଆଯାଇଛି। ତେବେ ଏଥିସହିତ ଏପର୍ଯ୍ୟନ୍ତ ଦେଶରେ ସମୁଦାୟ ୯୮ ଲକ୍ଷ ୭୫ ହଜାର ୧୬୦ ଜଣ ଲୋକ ଟିକା ନେଇସାରିଲେଣି।




