spot_img
Home Blog Page 5875

ଡିଲ୍ ବେଳେ ରେଡ୍; ବାଘଛାଲ ସହ ହାତୀ ଦାନ୍ତ ଜବତ, ୨ ବେପାରୀ ଗିରଫ

ଭୁବନେଶ୍ୱର: ନୟାଗଡ଼ ଗଣିଆ-ଚାମୁଣ୍ଡିଆ ରୋଡର ମାଆ କଳାପାଟ ମନ୍ଦିର ନିକଟରେ ବାଘଛାଲ ଡିଲ୍ ବେଳେ କ୍ରାଇମବ୍ରାଞ୍ଚ STF ରେଡ୍ କରିଛି । ଗୋଟିଏ ହାତୀଦାନ୍ତ ସହ ଚିତା ବାଘଛାଲ ଜବତ କରିଛି ଏସଟିଏଫ୍ । ଲକ୍ଷାଧିକ ଟଙ୍କାର ଡିଲ୍ ବେଳେ ୨ ବାଘଛାଲ ବେପାରୀଙ୍କୁ ଗିରଫ କରିଛି କ୍ରାଇମବ୍ରାଞ୍ଚ ଏସଟିଏଫ୍ ।

STF Seized Leopard Skin And Elephant Tusk From Nayagarh

ଗିରଫ ୨ଜଣ ହେଲେ ଚକ୍ରଗଡ଼ର ରମେଶ ପ୍ରତିହାରୀ ଓ ବେଠିଆସାହିର ବିମ୍ବାଧର ତରାଇ । ଉଭୟଙ୍କୁ ଗିରଫ କରାଯାଇ ଏସିଟିଏଫ୍ ମାମଲା ରୁଜୁ କରିଛି । ଜବତ ବାଘଛାଲ ଓ ହାତୀ ଦାନ୍ତକୁ କେମିକାଲ୍ ଏକଜାମିନେସନ୍ ପାଇଁ ଡେରାଡୁନ୍ ସ୍ଥିତ ୱାଇଲ୍ଡ ଲାଇଫ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆକୁ ପଠାଯିବ । ଏବେ ମାମଲାର ତଦନ୍ତ ଜାରି ରହିଛି ।

STF Seized Leopard Skin And Elephant Tusk From Nayagarh

ବର୍ଷକ ମଧ୍ୟରେ ଏସଟିଏଫ୍ ୧୩ଟି ବାଘଛାଲ ଜବତ କରିଥିବା ବେଳେ ୯ଟି ହାତୀଦାନ୍ତ, ୨ଟି ହରିଣ ଛାଲ, ୩ଟି ଜୀବନ୍ତ ବଜ୍ରକାପ୍ତା ଏବଂ ୫ଟି ବଜ୍ରକାପ୍ତା କାତି ଜବତ କରିଛି । ୨୭ ବନ୍ୟପ୍ରାଣୀ ଅପରାଧୀ ଗିରଫ ହୋଇଥିବା ବେଳେ ମୋଟ୍ ୧୫ଟି କେସ୍ ରୁଜୁ କରାଯାଇଛି ।

କୁମ୍ଭମେଳାରୁ ଫେରିବା ପରେ ଅବସରପ୍ରାପ୍ତ ଶିକ୍ଷକଙ୍କ ମୃତ୍ୟୁ, ରାତିରୁ ସେମିତି ପଡ଼ିଛି ମୃତଦେହ

ବୌଦ୍ଧ: ସଂକ୍ରମଣ ଭୟ, ଶବକୁ ଛୁଉଁ ନାହାଁନ୍ତି ସମ୍ପର୍କୀୟ । ଘରେ ଭିତରେ ଶନିବାର ରାତିରୁ ସେମିତି ପଡ଼ି ରହିଛି ମୃତଦେହ । ୯ ଘଣ୍ଟାରୁ ଅଧିକ ସମୟ ହେଲା ମୃତଦେହ ଘର ଭିତରେ ପଡ଼ି ରହିଥିଲେ ବି କେହି ଛୁଉଁ ନାହାଁନ୍ତି । ଏଭଳି ଦୃଶ୍ୟ ଦେଖିବାକୁ ମିଳିଛି ବୌଦ୍ଧ ଜିଲ୍ଲା ହରଭଙ୍ଗା ଥାନା ଧଳପୁର ଗାଁରେ ।

Kumbha Returnee Deadbody In Home Since Last Night In Boudh

ଗାଁର ଜଣେ ଅବସରପ୍ରାପ୍ତ ଶିକ୍ଷକ ଉତ୍ତରାଖଣ୍ଡ କୁମ୍ଭ ମେଳାରୁ ଗତ ୨୦ ତାରିଖରେ ବ୍ରହ୍ମପୁର ଦେଇ ଫେରିଥିଲେ । ତା’ପରେ ୨୨ ତାରିଖରେ ତାଙ୍କର ସ୍ୱାବ୍ ଟେଷ୍ଟ ପାଇଁ ନିଆଯାଇଥିଲା । ସେବେଠୁ ତାଙ୍କୁ ଜର ଲାଗି ରହିବା ସହ ଅନ୍ୟ ଲକ୍ଷଣ ଥିଲା । ଆଜି ଯାଏ ସ୍ୱାବ୍ ରିପୋର୍ଟ ଆସିନଥିବା ବେଳେ ଗତ ରାତିରେ ତାଙ୍କର ମୃତ୍ୟୁ ହୋଇଛି ।

ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି । କୋଭିଡ୍ ରିପୋର୍ଟ ପଜିଟିଭ୍ ନା ନେଗେଟିଭ୍ କିଛି ଜଣା ପଡ଼ିନଥିବାରୁ ମୃତଦେହକୁ ଚାରି କାନ୍ଧ ତ ଦୂରର କଥା କେହି ସ୍ପର୍ଶ ବି କରୁନାହାଁନ୍ତି । ଖବର ପାଇଁ ଘଟଣା ସ୍ଥଳରେ ପହଞ୍ଚିଛନ୍ତି ହରଭଙ୍ଗା ବିଡିଓ ଓ ତହସିଲଦାର । ଏଯାଏଁ ଶବ ପଡ଼ି ରହିଛି ।

ମାନିଲେନି ସଟଡାଉନ୍; ଲୁଚାଛପାରେ ବିକିଲେ ମାଛ, ପୋଲିସ ଗୋଡ଼ାଇବାରୁ ଦୌଡ଼ି ପଳାଇଲେ

ରାଉରକେଲା: ସଂକ୍ରମଣ ରୋକିବାକୁ ରାଜ୍ୟର ସମସ୍ତ ସହରାଞ୍ଚଳରେ ସଟଡାଉନ୍ ଲାଗୁ ହୋଇଛି । ସପ୍ତାହନ୍ତ ସଟଡାଉନ୍ ପାଇଁ ଅତ୍ୟାବଶ୍ୟକୀୟ ସେବାକୁ ବାଦ୍ ଦେଲେ ସବୁକିଛି ବନ୍ଦ ରହିଛି । ରାଉରକେଲା ମହାନଗର ନିଗମ ଅଞ୍ଚଳରେ ବି ଲାଗୁ ହୋଇଛି ୱିକେଣ୍ଡ ସଟଡାଉନ୍ । ଶନିବାର ଭଳି ରବିବାର ମଧ୍ୟ ସହରର ବିଭିନ୍ନ ସ୍ଥାନରେ ଯାଞ୍ଚ କରୁଛି ପ୍ରଶାସନ ।

Fish Sellers Defy Covid Shutdown In Rourkela

ସଟଡାଉନ୍ ପାଇଁ ଔଷଧ ଦୋକାନକୁ ବାଦ୍ ଦେଲେ ସମସ୍ତ ବ୍ୟବସାୟ ବନ୍ଦ ନିର୍ଦ୍ଦେଶ ରହିଛି । ତଥାପି ସଂକ୍ରମଣକୁ ଖାତିର୍ ନକରି ଡେଲି ମାର୍କେଟ ଭିତରେ ଲୁଚାଛପାରେ କିଛି ବ୍ୟବସାୟୀ ମାଛ ବିକ୍ରି କରିଛନ୍ତି । ଏନେଇ ସୂଚନା ମିଳିବା ପରେ ପୋଲିସ ଓ ଆରଏମସି ମିଳିତି ଭାବେ ରେଡ୍ କରିଛନ୍ତି ।

Fish Sellers Defy Covid Shutdown In Rourkela

ରେଡ୍ ପରେ ମାଛ ବିକ୍ରି ବନ୍ଦ ହୋଇଛି । ଆଜି ରବିବାର ଥିବାରୁ ସଂକ୍ରମଣକୁ ଖାତିର୍ ନକରି କିଛି ମାଛ ବ୍ୟବସାୟୀ ଅଧିକ ଲାଭ ଆଶାରେ ଦୋକାନ ଖୋଲିଥିଲେ । ରେଡ୍ ପରେ ସେମାନେ ମାଛ ଛାଡ଼ି ଦୌଡ଼ି ପଳାଇଛନ୍ତି । ସୁନ୍ଦରଗଡ଼ ଜିଲ୍ଲା ଏବେ କୋଭିଡ୍ ରେଡ୍ ଜୋନରେ ଥିବାବେଳେ ଜିଲ୍ଲାରେ ୫ ହଜାର ୯୮୧ଟି ସକ୍ରିୟ ସଂକ୍ରମଣ ମାମଲା ରହିଛି । ତଥାପି କିଛି ଲୋକ କରୋନା କଟକଣାକୁ ମାନୁ ନାହାଁନ୍ତି ।

ଦେଶରେ ଲଗାତାର ଚତୁର୍ଥ ଦିନରେ ତିନି ଲକ୍ଷରୁ ଅଧିକ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ ସଂକ୍ରମଣ ସହ ପ୍ରତିଦିନ କରୋନା ଜନିତ ମୃତ୍ୟୁସଂଖ୍ୟା ବଢ଼ିବାରେ ଲାଗିଛି । ଏବେ ପ୍ରତିଦିନ ୩ ଲକ୍ଷରୁ ଅଧିକ ସଂକ୍ରମଣ ମାମଲା ଦେଶରେ ଚିହ୍ନଟ ହେଉଛି । ସ୍ୱାସ୍ଥ୍ୟ ମନ୍ତ୍ରଣାଳୟର ତାଜା ତଥ୍ୟ ଅନୁସାରେ, ଗତ ୨୪ ଘଣ୍ଟାରେ ଦେଶରେ ୩ ଲକ୍ଷ ୪୯ ହଜାର ୬୯୧ କରୋନା ସଂକ୍ରମଣ ମାମଲା ଚିହ୍ନଟ ହୋଇଛି । ସେହିଭଳି ଗୋଟିଏ ଦିନରେ ୨ ହଜାର ୭୬୭ ଜଣଙ୍କ ମୃତ୍ୟୁ ହୋଇଛି । ୨ ଲକ୍ଷ ୧୭ ହଜାର ୧୧୩ ଜଣ କରୋନାରୁ ସୁସ୍ଥ ହୋଇଛନ୍ତି । ଏହା ପୂର୍ବରୁ ଶୁକ୍ରବାର ଦେଶରେ ୩ ଲକ୍ଷ ୪୬ ହଜାର ୭୮୬ ଜଣ ସଂକ୍ରମିତ ଚିହ୍ନଟ ହୋଇଥିଲେ ।

ବିଗତ ୪ ଦିନରେ ଦେଶରେ ୧.୩ ମିଲିୟନରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି । ୨୧ ଏପ୍ରିଲରୁ ନେଇ ୨୪ ଏପ୍ରିଲ୍ ଯାଏ ଯଥାକ୍ରମେ ୩.୧୪ ଲକ୍ଷ, ୩.୩୨ ଲକ୍ଷ, ୩.୪୬ ଲକ୍ଷ, ୩.୪୯ ଲକ୍ଷ ସଂକ୍ରମଣ ମାମଲା ଆସିଛି । ଏହି ସଂକ୍ରମଣ ସଂଖ୍ୟା ଦୁନିଆର ଅନ୍ୟ କୌଣସି ଦେଶ ତୁଳନାରେ ସବୁଠୁ ଅଧିକ ବୋଲି ଜଣାପଡ଼ିଛି ।

ଦେଶରେ କରୋନାର ସ୍ଥିତି ?

ମୋଟ କରୋନା ସଂକ୍ରମଣ ମାମଲା- ୧ କୋଟି ୬୯ ଲକ୍ଷ ୬୦ ହଜାର ୧୭୨

ମୋଟ ସୁସ୍ଥ- ୧ କୋଟି ୪୦ ଲକ୍ଷ ୮୫ ହଜାର ୧୧୦

ମୋଟ ସକ୍ରିୟ ମାମଲା- ୨୬ ଲକ୍ଷ ୮୨ ହଜାର ୭୫୧

ମୋଟ ମୃତ୍ୟୁ- ୧ ଲକ୍ଷ ୯୨ ହଜାର ୩୧୧

ମୋଟ ଟିକାକରଣ- ୧୪ କୋଟି ୯ ଲକ୍ଷ ୧୬ ହଜାର ୪୧୭ ଡୋଜ୍

ଦିଲ୍ଲୀ ଓ ମହାରାଷ୍ଟ୍ରରେ ସଂକ୍ରମଣ ଭଳି ମୃତ୍ୟୁସଂଖ୍ୟା ଅଧିକ ରହିଛି । ଦିଲ୍ଲୀରେ ଗତ ୨୪ ଘଣ୍ଟାରେ ୩୫୭ ଜଣଙ୍କ ମୃତ୍ୟୁ ହୋଇଥିବା ବେଳେ ମହାରାଷ୍ଟ୍ରରେ ୬୭୬ ଜଣଙ୍କ ଜୀବନ ନେଇଛି ମହାମାରୀ ।

ରାଜ୍ୟର ୬ ଜିଲ୍ଲାରୁ ଆଉ ୭ ମୁଣ୍ଡ ନେଲା ମହାମାରୀ କରୋନା

ଭୁବନେଶ୍ୱର: ରାଜ୍ୟରେ ଦୈନିକ କରୋନା ସଂକ୍ରମିତଙ୍କ ସଂଖ୍ୟା ବଢ଼ି ଚାଲିଥିବା ବେଳେ ଥମୁନି ମୃତ୍ୟୁ । ଗତ ୨୪ ଘଣ୍ଟାରେ ରାଜ୍ୟର ୬ ଜିଲ୍ଲାରୁ ୭ ଜଣ କରୋନା ଆକ୍ରାନ୍ତ ଆଖି ବୁଜିଛନ୍ତି । ଗଞ୍ଜାମରୁ ଜଣେ, କଳାହାଣ୍ଡିରୁ ଜଣେ, ଖୋର୍ଦ୍ଧାରୁ ଜଣେ, ପୁରୀରୁ ଜଣେ, ରାୟଗଡ଼ାରୁ ୨ ଜଣ, ସୁନ୍ଦରଗଡ଼ରୁ ଜଣ କରୋନା ଆକ୍ରାନ୍ତଙ୍କର ମୃତ୍ୟୁ ହୋଇଛି । ଏଥିସହ ରାଜ୍ୟରେ ମୋଟ କରୋନା ମୃତ୍ୟୁସଂଖ୍ୟା ୧୯୮୮କୁ ବୃଦ୍ଧି ପାଇଛି ।

ଏଥିସହ ପଢ଼ନ୍ତୁ- ଆଜି ବି ୬ ହଜାର ଉପରେ ସଂକ୍ରମିତ ଚିହ୍ନଟ, ଖୋର୍ଦ୍ଧାରୁ ସର୍ବାଧିକ

ଗଞ୍ଜାମ ଜିଲ୍ଲାରେ ଗତ ୨୪ ଘଣ୍ଟାରେ ୧୩୪ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଛି । ଏଥିସହ ଜିଲ୍ଲାରେ ୨୫୬ ଜଣଙ୍କ ମୃତ୍ୟୁ କରୋନାରେ ହୋଇଥିବା ବେଳେ ଏବେ ୭୮୪ଟି ସକ୍ରିୟ ସଂକ୍ରମଣ ମାମଲା ରହିଛି । ଗୋଟିଏ ମୃତ୍ୟୁକୁ ମିଶାଇ କଳାହାଣ୍ଡି ଜିଲ୍ଲାରେ ମୋଟ ମୃତ୍ୟୁସଂଖ୍ୟା ୩୯କୁ ବୃଦ୍ଧି ପାଇଛି । ଖୋର୍ଦ୍ଧା ଜିଲ୍ଲାରେ ଗୋଟିଏ କୋଭିଡ୍ ମୃତ୍ୟୁ ସହ ମୋଟ ମୃତ୍ୟୁ ୩୪୪କୁ ବୃଦ୍ଧି ପାଇଛି ଜିଲ୍ଲାରେ ଏବେ ୭ ହଜାର ୯୬୯ ଜଣ ସକ୍ରିୟ ଆକ୍ରାନ୍ତ ରହିଛନ୍ତି ।

ଗୋଟିଏ କରୋନା ମୃତ୍ୟୁକୁ ମିଶାଇ ପୁରୀ ଜିଲ୍ଲାରେ କୋଭିଡ୍ ମୃତ୍ୟୁସଂଖ୍ୟା ୧୨୦କୁ ବୃଦ୍ଧି ପାଇଛି । ଜିଲ୍ଲାରେ ଏବେ ୨୦୭୬ ଜଣ ସକ୍ରିୟ ସଂକ୍ରମିତ ଅଛନ୍ତି । ରାୟଗଡ଼ାରେ ଗତ ୨୪ ଘଣ୍ଟାରେ କରୋନାରେ ୨ ଜଣ ମୃତ୍ୟୁ ବରଣ କରିଛନ୍ତି । ଜିଲ୍ଲାରେ କୋଭିଡ୍ ମୃତ୍ୟୁସଂଖ୍ୟା ୫୦କୁ ବୃଦ୍ଧି ପାଇଥିବା ବେଳେ ଏବେ ୬୭୪ ଜଣ ସକ୍ରିୟ ଆକ୍ରାନ୍ତ ରହିଛନ୍ତି । ସୁନ୍ଦରଗଡ଼ ଜିଲ୍ଲାରେ ଗୋଟିଏ ମୃତ୍ୟୁକୁ ମିଶାଇ ମୋଟ ମୃତ୍ୟୁସଂଖ୍ୟା ୧୮୧କୁ ବୃଦ୍ଧି ପାଇଛି । ଏବେ ଜିଲ୍ଲାରେ ୫ ହଜାର ୯୮୧ଟି ସକ୍ରିୟ ସଂକ୍ରମଣ ମାମଲା ରହିଛି ।

ଆଜି ବି ୬ ହଜାର ଉପରେ ସଂକ୍ରମିତ ଚିହ୍ନଟ, ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର: କ୍ରମାଗତ ଚତୁର୍ଥ ଦିନରେ ରାଜ୍ୟରେ ୬ ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟାରେ ୬ ହଜାର ୧୧୬ ଜଣ ସଂକ୍ରମଣ ମାମଲା ଆସିଛି । କ୍ୱାରେଣ୍ଟାଇନରୁ ୩ ହଜାର ୫୪୬ଟି ମାମଲା ଆସିଥିବା ବେଳେ ୨୫୭୦ଟି ସ୍ଥାନୀୟ ସଂକ୍ରମଣ ମାମଲା । ସବୁଦିନ ଭଳି ଆଜି ବି ଖୋର୍ଦ୍ଧା ଓ ସୁନ୍ଦରଗଡ଼ ଜିଲ୍ଲାରେ ଦୈନିକ ସଂକ୍ରମଣ ସବୁଠୁ ଉପରେ ରହିଛି ।

ଅନୁଗୁଳରୁ ୧୫୧ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୧୦୨, ବରଗଡ଼ରୁ ୨୬୨, ଭଦ୍ରକରୁ ୮୭, ବରଗଡ଼ରୁ ୧୮୯, ବୌଦ୍ଧରୁ ୩୨, କଟକରୁ ୩୪୩, ଦେବଗଡ଼ରୁ ୩୯, ଢେଙ୍କାନାଳରୁ ୮, ଗଜପତିରୁ ୭୮, ଗଞ୍ଜାମରୁ ୧୩୪, ଜଗତସିଂହପୁରରୁ ୭୩, ଯାଜପୁରରୁ ୩୨୪, ଝାରସୁଗୁଡ଼ାରୁ ୨୫୪, କଳାହାଣ୍ଡିରୁ ୩୨୧ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ସେହିଭଳି କନ୍ଧମାଳରୁ ୩୬, କେନ୍ଦ୍ରାପଡ଼ାରୁ ୪୬, କେନ୍ଦୁଝରରୁ ୧୧୮, ଖୋର୍ଦ୍ଧାରୁ ୮୭୫, କୋରାପୁଟରୁ ୭୧, ମାଲକାନଗିରିରୁ ୩୨, ମୟୂରଭଞ୍ଜରୁ ୧୫୮, ନବରଙ୍ଗପୁରରୁ ୩୧୮, ନୟାଗଡ଼ରୁ ୯୯, ନୂଆପଡ଼ାରୁ ୪୩୦, ପୁରୀରୁ ୧୮୦, ରାୟଗଡ଼ାରୁ ୧୦୪, ସମ୍ବଲପୁରରୁ ୨୮୦, ସୋନପୁରରୁ ୮, ସୁନ୍ଦରଗଡ଼ରୁ ୭୮୫ ଏବଂ ଷ୍ଟେଟ୍ ପୁଲରୁ ୧୭୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୪ ଲକ୍ଷ ୭ ହଜାର ୪୫୭କୁ ବୃଦ୍ଧି ପାଇଛି । ରାଜ୍ୟରେ ଏବେ ୪୫ ହଜାର ୯୪୯ଟି ସକ୍ରିୟ ସଂକ୍ରମଣ ମାମଲା ରହିଛି । ୩ ଲକ୍ଷ ୫୯ ହଜାର ୪୬୭ ଜଣ କରୋନାକୁ ମାତ୍ ଦେଇଛନ୍ତି ।

ଚା’ ତିଆରି ବେଳେ ଗ୍ୟାସ୍ ଲିକ୍, ଜୀଅନ୍ତା ଜଳିଗଲା ନାବାଳକ

ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ସାଙ୍କରା ଗାଁରେ ସକାଳୁ ଦୁଃଖଦ ଘଟଣା ଘଟିଛି । ଚା’ ତିଆରି କରୁଥିବା ଥିବାବେଳେ ଅଚାନକ ଗ୍ୟାସ୍ ଲିକ୍ ହୋଇଥିଲା । ଫଳରେ ଘର ପୋଡ଼ି ଯିବା ସହ ଜଣେ ୧୦ ବର୍ଷର ବାଳକ ଜୀବନ୍ତଦଗ୍ଧ ହୋଇଯାଇଛନ୍ତି ।

Minor Boy Died In Fire At Sonepur

ନାବାଳକ ବାବୁଶାନ୍ ଗୁଡ଼ୁରିଆଙ୍କ ମୃତ୍ୟୁ ହୋଇଛି । ନିଆଁରୁ ଉଦ୍ଧାର କରି ଗ୍ରାମବାସୀ ନାବାଳକକୁ ବିନିକା ଡାକ୍ତରଖାନାକୁ ନେଇଥିଲେ । ସେଠାରେ ଡାକ୍ତର ବାବୁଶାନକୁ ମୃତ ଘୋଷଣା କରିଛନ୍ତି । ଅନ୍ୟପଟେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।

ଦିଲ୍ଲୀରେ ସପ୍ତାହେ ଯାଏ ବଢ଼ିପାରେ ଲକଡାଉନ୍, ବିଚାର କରୁଛନ୍ତି କେଜ୍ରିୱାଲ ସରକାର

ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ ଲାଗିଥିବା ଗୋଟିଏ ସପ୍ତାହର ସମ୍ପୂର୍ଣ୍ଣ ଲକଡାଉନ୍ ସତ୍ତ୍ୱେ କରୋନା ସଂକ୍ରମଣ ଥମୁନି । ସ୍ଥିତି ଏବେବି ବେଶ୍ ଚିନ୍ତାଜନକ ରହିଛି । ଏସବୁକୁ ଦେଖି ଆଉ କିଛିଦିନ ଲାଗି ଲକଡାଉନ୍ ଅବଧି ବଢ଼ାଇବା ଲାଗି ବିଚାର କରୁଛନ୍ତି ଦିଲ୍ଲୀ ସରକାର । ଅନ୍ୟପଟେ ଏପ୍ରିଲ୍ ୨୬ ପରେ ଲକଡାଉନ୍ ଅବଧି ବୃଦ୍ଧି ସପକ୍ଷରେ ଅଛନ୍ତି ଦିଲ୍ଲୀର ୭୦ ପ୍ରତିଶତ ବ୍ୟବସାୟୀ ।

Covid Lockdown In Delhi May Be Extended By A Week

ମୁଖ୍ୟମନ୍ତ୍ରୀ ଅରବିନ୍ଦ କେଜ୍ୱିୱାଲ୍ ୧୯ ଏପ୍ରିଲରେ ୬ ଦିନିଆ ଲକଡାଉନ୍ ଘୋଷଣା କରିଥିଲେ । ଯାହାକି ସୋମବାର ସକାଳ ୫ଟା ଯାଏ ଲାଗୁ ହେବ । ସଂକ୍ରମଣର ଚେନ୍ ଭାଙ୍ଗିବା ପାଇଁ ଏବଂ ସ୍ୱାସ୍ଥ୍ୟ ବ୍ୟବସ୍ଥାକୁ ମଜଭୁତ୍ କରିବା ଲାଗି ଏହି ଲକଡାଉନ୍ ଲାଗୁ କରାଯାଇଥିଲା । ତଥାପି ସ୍ଥିତି ଖରାପରୁ ଆହୁରି ଖରାପ ହେବାରେ ଲାଗିଛି । ଫଳରେ ଲକଡାଉନକୁ ଆଉ ଗୋଟିଏ ସପ୍ତାହ ଲାଗି ବୃଦ୍ଧି ନେଇ ସରକାର ଚିନ୍ତା କରୁଛନ୍ତି ।

ଦିଲ୍ଲୀରେ କରୋନା ସଂକ୍ରମିତଙ୍କ ମୃତ୍ୟୁସଂଖ୍ୟା ପ୍ରତିଦିନ ବଢ଼ି ଚାଲିଛି । ବିଗତ ୨୪ ଘଣ୍ଟାରେ ଦିଲ୍ଲୀରେ ୩୫୭ ଜଣଙ୍କ କରୋନାରେ ମୃତ୍ୟୁ ହୋଇଛି । ଏବେ ଯାଏ ଦିଲ୍ଲୀରେ କରୋନାରେ ୧୩ ହଜାର ୮୯୮ ଜଣଙ୍କ ମୃତ୍ୟୁ ହେଲାଣି । ଏବେ ଦିଲ୍ଲୀରେ ୯୩, ହଜାର ୮୦ଟି ସକ୍ରିୟ ସଂକ୍ରମଣ ମାମଲା ରହିଛି । ୫୦ ହଜାର ୨୮୫ ଜଣ ଆକ୍ରାନ୍ତ ହୋମ୍ ଆଇସୋଲେସନରେ ଅଛନ୍ତି ।

କୋଭିଡ୍ କେୟାର ଭାବେ ବ୍ୟବହାର ପାଇଁ ୩,୮୧୬ ରେଲୱେ କୋଚ୍ ଉପଲବ୍ଧ

ନୂଆଦିଲ୍ଲୀ: ଦେଶ ସହ କୋଭିଡ୍ ସହ ଲଢ଼ୁଛି । ବିଭିନ୍ନ ରାଜ୍ୟରେ କୋଭିଡ୍ ଆକ୍ରାନ୍ତଙ୍କ ଲାଗି ଅକ୍ସିଜେନ୍ ଅଭାବ ରହିଥିବା ବେଳେ ନୂଆ ସଂକଟ ସୃଷ୍ଟି କରିଛି ଶଯ୍ୟାଭାବ । ଏଭଳି ପରିସ୍ଥିତିରେ ଆଶାର କିରଣ ସାଜିଛି ଭାରତୀୟ ରେଳବାଇ । ଏବେ ୩ ହଜାର ୮୧୬ କୋଚ କୋଭିଡ୍-୧୯ କୋଚ ଭାବେ ବ୍ୟବହାର ପାଇଁ ଉପଲବ୍ଧ ରହିଛି । ରାଜ୍ୟ ସରକାରଙ୍କ ଆବଶ୍ୟକତା ଅନୁସାରେ ଏହି କୋଚକୁ ମୁତୟନ କରାଯିବ ବୋଲି ରେଲୱେ ପକ୍ଷରୁ କୁହାଯାଇଛି ।

3816 rail coaches available for use at present for COVID care Railways

ରେଲୱେ ଅନୁସାରେ, ୨୧ଟି କୋଭିଡ୍ କୋଚକୁ ମହାରାଷ୍ଟ୍ରର ନନ୍ଦୁରବର ଜିଲ୍ଲାରେ ମୁତୟନ କରାଯାଇଛି । ଯେଉଁଠି ଏବେ ୪୭ ଜଣ ଆକ୍ରାନ୍ତି ଚିକିତ୍ସିତ ହେଉଛନ୍ତି । ସେହିଭଳି ଶକୁର ବସ୍ତିରେ ୫୦ଟି କୋଚ୍, ଆନନ୍ଦବିହାରରେ ୨୫ଟି କୋଚ୍, ବାରଣାସୀରେ ୧୦ଟି, ବଦୋହୀରେ ୧୦ଟି ଏବୂଂ ଫୈଇଜାବାଦରେ ୧୦ଟି କୋଚ୍ ରଖାଯାଇଥିବା ସୂଚନା ଦେଇଛି ଭାରତୀୟ ରେଳବାଇ ।

ଭାରତ ସରକାରଙ୍କ ସ୍ୱାସ୍ଥ୍ୟସେବାକୁ ସୁଦୃଢ଼ କରିବା ଲାଗି ରେଲୱେ ମୋଟ ୫ ହଜାର ୬୦୧ ଟ୍ରେନ୍ କୋଚକୁ କୋଭିଡ୍ କେୟାର ସେଣ୍ଟରରେ ରୂପାନ୍ତରିତ କରିଛି । ଏବେ ୩ ହଜାର ୮୧୬ଟି କୋଚ୍ କୋଭିଡ୍ କୋଚ୍ ଭାବେ ବ୍ୟବହାର ପାଇଁ ଉପଲବ୍ଧ ରହିଛି । ଏହି କୋଚ୍ ଗୁଡ଼ିକରେ କରୋନାର ସ୍ୱଳ୍ପ ଲକ୍ଷଣ ଥିବା ଆକ୍ରାନ୍ତଙ୍କ ଚିକିତ୍ସା କରାଯାଇ ପାରିବ ।

3816 rail coaches available for use at present for COVID care Railways

ଆଜିଠୁ ମଧ୍ୟପ୍ରଦେଶ ରାଜଧାନୀ ଭୋପାଳରେ ୨୦ଟି କୋଚ୍ ଏଭଂ ପଶ୍ଚିମ କେନ୍ଦ୍ରୀୟ ରେଲୱେର ହବିବାଗଞ୍ଜ ରେଲୱେ ଷ୍ଟେସନରେ ୨୦ଟି କୋଭିଡ୍ କୋଚ୍ ମୁତୟନ କରାଯିବ । ଏହି କୋଭିଡ୍ କୋଚକୁ କାର୍ଯ୍ୟକ୍ଷମ କରାଯାଇ ରଲୱେ ରାଜ୍ୟ ସରକାରଙ୍କୁ ହସ୍ତାନ୍ତର କରିବ ।

କେକେଆର ବିପକ୍ଷ ମ୍ୟାଚ୍‌ରେ ରାଜସ୍ଥାନ ରୟାଲ୍ସ ୬ ଓ୍ୱିକେଟ୍‌ରେ ବିଜୟୀ

ମୁମ୍ୱାଇ: କୋଲକାତା ନାଇଟ ରାଇଡର୍ସ ବିପକ୍ଷ ମ୍ୟାଚ୍‌ରେ ୬ ଓ୍ୱିକେଟ୍‌ରେ ବିଜୟୀ ହୋଇଛି ରାଜସ୍ଥାନ ରାୟଲ୍ସ । ପ୍ରଥମେ ବ୍ୟାଟିଂ କରି କୋଲକାତା ନାଇଟ୍ ରାଇଡର୍ସ ମାତ୍ର ୧୩୩ ରନ୍ ସଂଗ୍ରହ କରିପାରିଥିଲା । ଜବାବରେ ୧୮.୫ ଓଭରରେ ଏହି ୧୩୪ ରନର ବିଜୟ ଲକ୍ଷ୍ୟ ହାସଲ କରିପାରିଛି ରାଜସ୍ଥାନ । ଦଳ ପକ୍ଷରୁ ସଞ୍ଜୁ ସାମସନ୍ ଅପରାଜିତ ୪୨ ରନ୍ କରିଥିବା ବେଳେ ଡେଭିଡ୍ ମିଲର ଅପରାଜିତ ୨୪ ରନ୍ କରିଥିଲେ । ୧୩୪ ରନ୍‌ର ବିଜୟ ଲକ୍ଷ୍ୟ ନେଇ ମଇଦାନକୁ ଓହ୍ଲାଇଥିବା ରାଜସ୍ଥାନର ଆରମ୍ଭ ଭଲ ହୋଇନଥିଲେ ମଧ୍ୟ ସଞ୍ଜୁ ସାମସନଙ୍କ ଧୈର୍ଯ୍ୟ ପୂର୍ଣ୍ଣ ବ୍ୟାଟିଂ ଫଳରେ ଦଳ ଏହି ଲକ୍ଷକୁ ହାସଲ କରିବାରେ ସଫଳ ହୋଇଛି । ୟଶସ୍ୱୀ ଯୟଶଓ୍ୱାଲ ଓ ଶୁଭମ୍ ଦୁବେ ଉଭୟେ ୨୨ ଲେଖାଏଁ ରନ୍ ମଧ୍ୟ ଦଳର ବିଜୟ ପାଇଁ ସହାୟକ ହୋଇଛି । ତେବେ ଆଜିର ମ୍ୟାଚିରେ ଦଳ ପାଇଁ ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଲାଇଥିଲେ କ୍ରିସ୍ ମୋରିସ୍ । ସେ ୪ ଓଭରରେ ମାତ୍ର ୧୮ ରନ୍ ଦେଇ ୪ ଓ୍ୱିକେଟ୍ ହାସଲ କରିଥିଲେ । ଯାହା ଫଳରେ ବିପକ୍ଷ ଦଳର ବ୍ୟାଟିଂ ବିପର୍ଯ୍ୟୟ ଘଟିଥିଲା । ଏବଂ ଦଳ ଭଲ ଟାର୍ଗେଟ ଦେବାରେ ବିଫଳ ହୋଇଥିଲା ।

ୱାଙ୍ଖଡେ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚରେ ରୟାଲ୍ସ କ୍ୟାପଟେନ୍ ସଞ୍ଜୁ ସାମସନ୍ ଟସ୍ ଜିତି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲେ। ଆମନ୍ତ୍ରଣ ପାଇ ବ୍ୟାଟିଂ କରିଥିବା କେକେଆର ଦୁଇ ଓପ୍ନର ନୀତୀଶ ରାଣା ଓ ଶୁବମନ୍ ଗିଲ୍ ଧିମା ଆରମ୍ଭ କରିଥିଲେ। ଗିଲ୍ ପୁଣିଥରେ ନିରାଶ କରିଥିଲେ ଏବଂ ୧୧ ରନ୍ କରି ରନଆଉଟ୍ ହୋଇଥିଲେ। ନୀତୀଶ ବଡ଼ ସ୍କୋର କରିବାରେ ବିଫଳ ହୋଇଥିଲେ। ତୃତୀୟ ସ୍ଥାନରେ ଆସିଥିବା ରାହୁଲ୍ ତ୍ରିପାଠୀ ଭଲ ବ୍ୟାଟିଂ କରିଥିବା ବେଳେ ସୁନୀଲ୍ ନରିନ୍ ଓ କ୍ୟାପଟେନ୍ ଇଆନ୍ ମୋର୍ଗାନ୍ ନିରାଶ କରିଥିଲେ। ନରିନ୍ ୬ ରନ୍ କରି କମବ୍ୟାକ୍ ମ୍ୟାନ୍ ଜୟଦେବ ଉନାଦକଟଙ୍କ ଶିକାର ହୋଇଥିଲେ। ମୋର୍ଗାନ୍ କ୍ରିଜକୁ ଆସୁ ଆସୁ ରନଆଉଟ୍ ହୋଇ ପ୍ୟାଭିଲିୟନ୍ ଫେରିଥିଲେ। ତ୍ରିପାଠୀ ଓ ଦିନେଶ କାର୍ତ୍ତିକ ଟିମକୁ ଭଲ ସ୍ଥିତିକୁ ଆଣିଥିଲେ। କିନ୍ତୁ ତ୍ରିପାଠୀଙ୍କ ୱିକେଟ୍ ପତନ ପରେ ଦଳ ପୁଣିଥରେ ବ୍ୟାକଫୁଟକୁ ଚାଲିଆସିଥିଲା।

ତ୍ରିପାଠୀଙ୍କୁ ମୁସ୍ତାଫିଜୁର ରେହମାନ୍ ଆଉଟ୍ କରିଥିଲେ। ରାଜସ୍ଥାନ ରୟାଲ୍ସର ମୋରିସ୍ ଗୋଟିଏ ଓଭରରେ ଆନ୍ଦ୍ରେ ରସେଲ୍ (୯) ଓ କାର୍ତ୍ତିକଙ୍କ ୱିକେଟ୍ ନେଇ କେକେଆର୍ ସମ୍ମାନଜନକ ସ୍କୋର ଆଶା କ୍ଷୀଣ କରିଦେଇଥିଲେ। ଲୋୟର ଅର୍ଡରରେ ପ୍ୟାଟ୍ କମିନ୍ସ ୧୦, ଶିବମ୍ ମାଭି ୫ ରନ୍ କରି ଆଉଟ୍ ହୋଇଥିଲେ। ରାଜସ୍ଥାନ ପକ୍ଷରୁ ଉନାଦକଟ୍, ଚେତନ ସାକାରିୟା ଓ ମୁସ୍ତାଫିଜୁର ଗୋଟିଏ ଲେଖାଏ ୱିକେଟ୍ ନେଇଛନ୍ତି।