spot_img
Home Blog Page 5874

ସୁପ୍ରିମକୋର୍ଟ ବିଚାରପତି ଜଷ୍ଟିସ ମୋହନ ଏମ. ଶାନ୍ତନାଗଉଦରଙ୍କ ପରଲୋକ

ନୁଆଦିଲ୍ଲୀ: ସୁପ୍ରିମକୋର୍ଟ ବିଚାରପତି ଜଷ୍ଟିସ ମୋହନ ଏମ. ଶାନ୍ତନାଗଉଦରଙ୍କୁ ରବିବାର ୬୨ ବର୍ଷ ବୟସରେ ଏକ ପ୍ରାଇଭେଟ ହସ୍ପିଟାଲରେ ମୃତ୍ୟୁ ହୋଇଛି । ଫୁସଫୁସ ଜଟିଳତା ହେତୁ ତାଙ୍କୁ ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା ଏବଂ ତାଙ୍କୁ ଇଣ୍ଟେନସିଭ କେୟାର ୟୁନିଟକୁ ସ୍ଥାନାନ୍ତର କରାଯାଇଥିଲା । ତେବେ କୋଭିଡ ଯୋଗୁଁ ତାଙ୍କ ମୃତ୍ୟୁ ହୋଇଛି ନା ନାହିଁ ସେନେଇ କୌଣସି ସ୍ପଷ୍ଟିକରଣ ମିଳିପାରି ନାହିଁ । ସେ ସୁପ୍ରିମକୋର୍ଟର ନବମ ବରିଷ୍ଠ ବିଚାରପତି ଥିଲେ।

୧୯୫୮ ମସିହାରେ ଜଷ୍ଟିସ ଶାନ୍ତନାଗଉଦର ଜନ୍ମ ଗ୍ରହଣ କରିଥିଲେ । ଏବଂ ୧୯୮୦ ମସିହାରେ ସେ ଜଣେ ଓକିଲ ଭାବରେ ନାମଲେଖାଇଥିଲେ । ଧରୱାଡରେ ଅଭ୍ୟାସ କରିବାର କିଛି ସମୟ ପରେ ସେ ଆଡଭୋକେଟ ଶିବରାଜ ଭି ପାଟିଲ ଚାମ୍ବରରେ ଯୋଗ ଦେଇଥିଲେ  ଯିଏ ସେ ସମସୟରେ ସୁପ୍ରିମକୋର୍ଟର ବିଚାରପତି ଥିଲେ।

 

ସିଭିଲ୍, ଅପରାଧିକ ଏବଂ ସାମ୍ବିଧାନିକ ପ୍ରସଙ୍ଗରେ ଜଷ୍ଟିସ୍ ଶାନ୍ତନାଗଉଦର ବିଶେଷଜ୍ଞ ଥିଲେ । ଅନ୍ୟ କାର୍ଯ୍ୟାଳୟଗୁଡ଼ିକ ମଧ୍ୟରେ ଜଷ୍ଟିସ ଶାନ୍ତନାଗଉଦର୧୯୯୯ ରୁ ୨୦୦୨ ପର୍ଯ୍ୟନ୍ତ କର୍ଣ୍ଣାଟକର ରାଜ୍ୟ ପବ୍ଲିକ ପ୍ରସିକ୍ୟୁଟର ଭାବରେ କାର୍ଯ୍ୟ କରିଥିଲେ। ସେପ୍ଟେମ୍ବର ୨୦୦୪ ମସିହାରେ ସେ କର୍ଣ୍ଣାଟକ ହାଇକୋର୍ଟର ସ୍ଥାୟୀ ବିଚାରପତି ଭାବରେ ନିଯୁକ୍ତ ହୋଇଥିଲେ । ତାଙ୍କୁ ୨୦୧୬ ମସିହାରେ କେରଳ ହାଇକୋର୍ଟର ପ୍ରଧାନ ବିଚାରପତି ଭାବରେ ନିଯୁକ୍ତ କରାଯାଇଥିଲା ଏବଂ ଫେବୃଆରୀ ୧୭, ୨୦୧୭ରେ ସୁପ୍ରିମୋକୋର୍ଟକୁ ଉନ୍ନୀତ କରାଯାଇଥିଲା ଏବଂ ମେ’ ୪, ୨୦୦୩ ମସିହାରେ ଅବସର ନେବାକୁ ସ୍ଥିର କରିଥିଲେ ।

ମୋଦିଙ୍କ ‘ମନ୍‌ କି ବାତ୍‌’କୁ ରାହୁଲ ଗାନ୍ଧୀଙ୍କ ଟାର୍ଗେଟ, କହିଲେ… ଦେଶରେ ଫେଲ୍ ମାରିଛି ସିଷ୍ଟମ

ନୂଆଦିଲ୍ଲୀ: ମୋଦିଙ୍କ ମନ କି ବାତ କୁ ଟାର୍ଗେଟ କରିଛନ୍ତି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧି । ସେ ହକିଛନ୍ତି ଦେଶରେ ସିଷ୍ଟମ ଫେଲ । ଏହି ସମୟରେ ଜଣେ ଦାୟିତ୍ୱବାନ ନାଗରିକର ଆବଶ୍ୟକ ରହିଛି । ଏଥିପାଇଁ ଏବେ ମନକି ବାତ ନୁହଁ ଜନକି ବାତ କରିବା ଆବଶ୍ୟକ । କରୋନା ସଙ୍କଟରୁ ମୁକୁଳିବା ପାଇଁ ପ୍ରତିଟି ଗରୁତ୍ୱପୂର୍ଣ୍ଣ ନିଷ୍ପତ୍ତି ନେବା ଆବଶ୍ୟକ ବୋଲି କହିଛନ୍ତି ରାହୁଲ । ସେପଟେ ଲୋକଙ୍କ ପ୍ରତିଟି ସୁଖ ଦୁଃଖରେ ସାଥି ହୋଇ ଛିଡା ହେବାକୁ କଂଗ୍ରେସ କର୍ମୀଙ୍କୁ ମଧ୍ୟ ଅପିଲ କରିଛନ୍ତି ରାହୁଲ । ନିଜ ସକ୍ଷମ ଅନୁଯାଇ ଲୋକଙ୍କୁ ସାହାର୍ଯ୍ୟ କରିବାକୁ ପରାମର୍ଶ ଦେଇଛନ୍ତି ରାହୁଲ ।

କରୋନାର ଦ୍ୱିତୀୟ ଲହର ସହ ଚାଲିଛି ଯୁଦ୍ଧ । ଏହି ଯୁଦ୍ଧରେ ପ୍ରତିଟି ଦେଶବାସୀ ଜଣେ ଜଣେ ଯୋଦ୍ଧା । ସମସ୍ତେ ନିଜ ଉପରେ ବିଶ୍ୱାସ ରଖିବା ସହ ସେଚତନ ରହିବା ନିତ୍ୟାନ୍ତ ଜରୁରୀ । ଆମ ଜୀବନ ବଞ୍ଚାଇବାକୁ ଚେଷ୍ଟା ଜାରି ରଖିଥିବା ଆଗଧାଡିର ଯୋଦ୍ଧାଙ୍କୁ ଆମ ସହାୟତା ନିତ୍ୟାନ୍ତ ଆବଶ୍ୟକ ବୋଲି ନିଜ ୭୬ ତମ ମନକି ବାତରେ ଦେଶବାସୀଙ୍କୁ ଉଦବୋଧନ ଦେଇଥିଲେ ପ୍ରଧାନମନ୍ତ୍ରୀ ମୋଦି । ଏହି କାର୍ଯ୍ୟକ୍ରମରେ ମୋଦି ଡାକ୍ତର, ଆମ୍ବୁଲାନ୍ସ ଡ୍ରାଇଭର, ନର୍ସ ଓ ଜଣେ କରୋନାରୁ ସୁସ୍ଥ ହୋଇଥିବା ମହିଳାଙ୍କ ସହ କଥା ହୋଇଥିଲେ । ସମସ୍ତଙ୍କୁ ସେ ଭୁରି ପ୍ରଶଂସା କରିଛନ୍ତି ।

କାର୍ଯ୍ୟକ୍ରମ ମଧ୍ୟରେ ମୁମ୍ବାଇର ଜଣେ ଡାକ୍ତର ଶଶାଙ୍କ ଓ ଆମ୍ବୁଲାନ୍ସ ଡ୍ରାଇଭର ପ୍ରେମ ବର୍ମାଙ୍କ ସହ କଥା ହୋଇଥିଲେ । କରୋନା ଲଢେଇ ବେଳର ପ୍ରତିଟି ମୁହୁର୍ତ୍ତକୁ ନେଇ ଆଲୋଚନା କରିଥିଲେ । ତେବେ ଭ୍ୟାକସିନକୁ ନେଇ ଗୁଜବକୁ ବିଶ୍ୱାସ ନକରିବାକୁ ପରାମର୍ଶ ଦେଇଛନ୍ତି ମୋଦି । ପ୍ରତିଟି ଲୋକ ଭ୍ୟାକସିନ୍ ନେଇ ନିଜ ସହ ନିଜ ପରିବାରକୁ ମଜବୁତ ରଖିବାକୁ କହିଛନ୍ତି । ନିଜ ନିଜ କର୍ମଚାରୀଙ୍କୁ ଟିକା ଦେଇ ଏହି ଅଭିଯାନ ଆଗକୁ ବଢାଇବା ପାଇଁ କର୍ପୋରେଟ୍ ସେକ୍ଟରକୁ ମଧ୍ୟ ଅପିଲ କରିଛନ୍ତି ମୋଦି । ତେବେ କାର୍ଯ୍ୟକ୍ରମ ଶେଷରେ ସେ ଦେଶବାସୀଙ୍କୁ ମହାବୀର ଜୟନ୍ତିର ଶୁଭକାମନା ଜଣାଇଛନ୍ତି ।

୨୪ ଘଣ୍ଟାରେ ଡକାଡକି ହୋଇ କରୋନାରେ ଆରପାରିକୁ ଚାଲିଗଲେ ବାପା-ପୁଅ

ଗୁଣୁପୁର: ମହାମାରୀ କରୋନା କାହାକୁ କେତେ ଦୁଃଖ ଦେଉଛି । କେଉଁଠି ବୃଦ୍ଧ ବାପଠୁ ଛଡ଼େଇ ନେଉଛି ପରିବାର ପୋଷୁଥିବା ପୁଅକୁ । ତ ଆଉ କେଉଁଠୁ ସ୍ୱାମୀ ମଥାରୁ ପୋଛି ଦେଉଛି ସିନ୍ଦୂର । ଏଠି ୨୪ ଘଣ୍ଟା ମଧ୍ୟରେ ଭୂତାଣୁ ନେଇଛି ୨ ଜଣଙ୍କ ଜୀବନ । କରୋନାରେ ପୀଡ଼ିତ ବାପ-ପୁଅ ୨୪ ଘଣ୍ଟା ମଧ୍ୟରେ ଡକାଡକି ହୋଇ ଆରପାରିକୁ ଚାଲି ଯାଇଛନ୍ତି । ଏଭଳି ଘଟଣା ଘଟିଛି ଗୁଣୁପୁର ପୌରପରିଷଦ ପୁରୁଣା ପୋଷ୍ଟ ଅଫିସ୍ ସାହିରେ ।

Father And Son Died In Corona With In 24 hour At Gunupur

ପୋଷ୍ଟ ଅଫିସ୍ ସାହର ଚନ୍ଦ୍ରଶେଖର ସାହୁ, ପୁଅ ବାପି ସାହୁ କରୋନାରେ ସଂକ୍ରମିତ ହୋଇ ରାୟଗଡ଼ା ଜେକେ କୋଭିଡ୍ ହସ୍ପିଟାଲରେ ଭର୍ତ୍ତି ହୋଇଥିଲେ । ୨୪ ଘଣ୍ଟା ମଧ୍ୟରେ କରୋନାରେ ପ୍ରାଣ ହରାଇଛନ୍ତି ବାପାପୁଅ । ସ୍ଥାନୀୟ ଅଞ୍ଚଳରେ ଇଲୋକ୍ଟ୍ରନିକ୍ସ କହିଲେ ବାପପୁଅଙ୍କୁ ସମସ୍ତେ ଚିହ୍ନୁଥିଲେ । କରୋନାର ଏଭଳି କରୁଣ ବେଦନା ପରେ ଭାଙ୍ଗି ପଡ଼ିଥିବା ପରିବାର ସଂଗରୋଧରେ ଅଛନ୍ତି ।

କରୋନା ସଙ୍କଟରେ ଗୌତମ ଗମ୍ଭୀର ଫାଉଣ୍ଡେସନକୁ ୧ କୋଟି ଦାନ କଲେ ଅକ୍ଷୟ କୁମାର

ନୂଆଦିଲ୍ଲୀ: କରୋନା ମହାମାରୀ ମଧ୍ୟରେ ଗୌତମ ଗମ୍ଭୀରଙ୍କ ସଂସ୍ଥା ଅସହାୟଙ୍କୁ ସାହାଯ୍ୟ କରିବାକୁ ଲଗାତାର ପ୍ରୟାସ କରିଚାଲିଛି । କରୋନା ସହ ଏହି ଲଢ଼େଇରେ ଗୌତମ ଗମ୍ଭୀର ଫାଉଣ୍ଡେସନକୁ ଫିଲ୍ମ ଅଭିନେତା ଅକ୍ଷୟ କୁମାରଙ୍କ ସାଥ ମିଳିଛି । ସେ ସଂସ୍ଥାକୁ ଏକ କୋଟି ଟଙ୍କା ଦାନ କରିଛନ୍ତି । ପୂର୍ବ କ୍ରିକେଟର ଏବଂ ସାଂସଦ ଗୌତମ ଗମ୍ଭୀର ଟ୍ୱିଟ କରି ଅକ୍ଷୟ କୁମାରଙ୍କୁ ଧନ୍ୟବାଦ ଜଣାଇଛନ୍ତି ।

ଗୌତମ ଗମ୍ଭୀର ଟ୍ୱିଟ କରି କହିଛନ୍ତି ଯେ, ‘ଏଭଳି ସ୍ଥିତିରେ ପ୍ରତିଟି ସାହାଯ୍ୟ ଆଶାର ଏକ କିରଣ ନେଇ ଆସିଥାଏ । ଗୌତମ ଗମ୍ଭୀର ଫାଉଣ୍ଡେସନ ପାଇଁ ଏକ କୋଟି ଟଙ୍କା ସହାୟତା ରାଶି ଦେବା ପାଇଁ ଆପଣଙ୍କୁ ଅନେକ ଅନେକ ଧନ୍ୟବାଦ । ଏହା ସାହାଯ୍ୟରେ ଅସହାୟଙ୍କ ପାଇଁ ଖାଦ୍ୟ, ଅମ୍ଲଜାନ ଏବଂ ଔଷଧର ବ୍ୟବସ୍ଥା କରାଯିବ ।’ ଗୌତମ ଗମ୍ଭୀରଙ୍କ ଟ୍ୱିଟରେ ଅକ୍ଷୟ କୁମାର ଉତ୍ତର ଦେଇଛନ୍ତି ଯେ, ମୁଁ ଆଶା କରୁଛି ଯେ, ଏହି ସଙ୍କଟ ଖୁବ ଶୀଘ୍ର ଶେଷ ହୋଇଯିବ । ସେ କହିଛନ୍ତି ଯେ, ବାସ୍ତବରେ ଏହା ଏକ କଠିନ ସମୟ ଅଟେ । ମୁଁ ନିଜକୁ ଧନ୍ୟ ମନେ କରୁଛି ଯେ, ଏହି ସଙ୍କଟ ସମୟରେ ମୁଁ ସହାୟତା କରିପାରୁଛି । ଖୁବ ଶୀଘ୍ର ଏହି ସଙ୍କଟ ଶେଷ ହେବ, ନିଜକୁ ସୁରକ୍ଷିତ ରଖନ୍ତୁ ।’

ସୂଚନା ଅନୁଯାୟୀ, ଅକ୍ଷୟ କୁମାର ସେହି ବ୍ୟକ୍ତି ମାନଙ୍କ ମଧ୍ୟରେ ଶାମିଲ, ଯେଉଁମାନେ ସଙ୍କଟ ସମୟରେ ସହାୟତା କରିବା ପାଇଁ ଆଗେଇ ଆସନ୍ତି । ପୂର୍ବ ବର୍ଷ ଅକ୍ଷୟ ପିଏମ କେୟାର୍ସ ଫଣ୍ଡରେ ୨୫ କୋଟି ଟଙ୍କା ଜମା କରିଥିଲେ ।

ଜାଣନ୍ତୁ ରାଜ୍ୟରେ କଣ ରହିଛି କୋଭିଡ୍ ବେଡ୍ ଓ ଔଷଧର ସ୍ଥିତି

ଭୁବନେଶ୍ୱର: ରାଜ୍ୟରେ କରୋନା ଆକ୍ରାନ୍ତଙ୍କ ଲାଗି ଯଥେଷ୍ଟ ପରିମାଣର ଶଯ୍ଯା ଉପଲବ୍ଧ ରହିଛି । ସଂକ୍ରମଣ ବଢ଼ୁଥିଲେ ମଧ୍ୟ ରାଜ୍ୟରେ ବେଡ୍ ଅଭାବ ନାହିଁ । ସ୍ୱାସ୍ଥ୍ୟ ବିଭାଗ ପକ୍ଷରୁ ମିଳଥିବା ତଥ୍ୟ ଅନୁସାରେ, ୨୪ ତାରିଖ ସୁଦ୍ଧା ରାଜ୍ୟରେ ମୋଟ ୯ ହଜାର ୯୧୨ଟି ସାଧାରଣ ଶଯ୍ୟା ରହିଛି । ସେଥିରୁ ମାତ୍ର ୨ ହଜାର ୧୯୮ଟିରେ କରୋନା ଆକ୍ରାନ୍ତ ଅଛନ୍ତି ଅର୍ଥାତ୍ ଉପଲବ୍ଧ ଶଯ୍ୟାରୁ ମାତ୍ର ୨୨.୧୮ ପ୍ରତିଶତ ଶଯ୍ୟା ବ୍ୟବହାର ହେଉଛି ।

No Shortage Of Bed And Covid Medicine In Odisha

ସେହିଭଳି ରାଜ୍ୟର ଘରୋଇ ହସ୍ପିଟାଲରେ ୧ ହଜାର ୭୬୯ଟି ଆଇସିୟୁ ଥିବାବେଳେ ୬୬୭ଟି ସରକାରୀ ଆଇସିୟୁ ରହିଛି । ମୋଟ ୨ ହଜାର ୪୩୬ଟି ଆଇସିୟୁ ମଧ୍ୟରୁ ଏବେ ୮୬୭ଟିରେ କରୋନା ଆକ୍ରାନ୍ତ ଅଛନ୍ତି । ଅର୍ଥାତ୍ ଉପଲବ୍ଧ ଆଇସିୟୁର ୩୫.୫୯ ପ୍ରତିଶତ ବ୍ୟବହାର ହେଉଛି ।

ସେହିଭଳି ଘରୋଇ ହସ୍ପିଟାଲରେ ୬୨୫ଟି ଭେଣ୍ଟିଲେଟର ଥିବାବେଳେ ସରକାରୀ ହସ୍ପିଟାଲରେ ୧୭୯ଟି ରହିଛି । ମୋଟ ୮୦୪ଟି ଭେଣ୍ଟିଲେଟର ମଧ୍ୟରୁ ୧୪୫ଟିରେ କରୋନା ଆକ୍ରାନ୍ତ ରହିଛନ୍ତି । ଅର୍ଥାତ୍ ଉପଲବ୍ଧ ଭେଣ୍ଟିଲେଟର ମଧ୍ୟରୁ ୧୮.୦୩ ପ୍ରତିଶତ ବେଡରେ କରୋନା ଆକ୍ରାନ୍ତ ଚିକିତ୍ସିତ ହେଉଛନ୍ତି । ତା’ଛଡ଼ା ରାଜ୍ୟର କୋଭିଡ୍ କେୟାର୍ ସେଣ୍ଟରରେ ଅକ୍ସିଜେନ୍ ସଂଯୁକ୍ତ ୨୦ ହଜାର ୪୦୭ ବେଡ୍ ରହିଥିବା ବେଳେ ମାତ୍ର ୬୯୭ଟି ଅର୍ଥାତ୍ ୩ ପ୍ରତିଶତ ବେଡ୍ ବ୍ୟବହାର ହେଉଛି ।

ସେହିଭଳି ରେମଡେସିବିର ଓ ଫାଭିପିରାଭିର ନେଇ ସ୍ୱାସ୍ଥ୍ୟ ବିଭାଗ ତଥ୍ୟ ଦେଇଛି । ୨୩ ତାରିଖ ସୁଦ୍ଧା ରାଜ୍ୟରେ ରାଜ୍ୟରେ ରେମଡେସିବିରି ଇଞ୍ଜିକ୍ସନ୍ (୧୦୦ ମିଲିଗ୍ରାମ) ୪୯ ହଜାର ୭୩୭ ଭାଏଲ୍ ଉପଲବ୍ଧ ରହିଛି । ଦୈନିକ ପ୍ରାୟ ଏକ ହଜାର ଭାଏଲ୍ ରେମଡେସିବିର ବ୍ୟବହାର ହେଉଥିବା ବେଳେ ଅଧିକ ୩ ଲକ୍ଷ ଭାଏଲ୍ ପାଇଁ ଟେଣ୍ଡର ଆହ୍ୱାନ୍ କରାଯାଇଛି ।

No Shortage Of Bed And Covid Medicine In Odisha

ସେହିଭଳି ଫାଭିପିରାଭିର (୨୦୦ ମିଲିଗ୍ରାମ୍) ୬ ଲକ୍ଷ ୬୯ ହଜାର ୬୦୩ଟି ମହଜୁଦ୍ ଅଛି । ଦୈନିକ ୪୫୦୦ରୁ ୫୦୦୦ ଟାବଲେଟ୍ ବ୍ୟବହାର ହେଉଛି । ଅଧିକ ୨୦ ଲକ୍ଷ ଫାଭିପିରାଭିର ଟାବଲେଟ୍ ପାଇଁ ଟେଣ୍ଡର ମଗାଯାଇଛି ।

Oxygen Crisis In Agra: ସ୍ୱାମୀଙ୍କୁ ମୁହଁରେ ଦେଉଥିଲେ ଅକ୍ସିଜେନ, ତଥାପି ବଞ୍ଚାଇ ପାରିଲେନି ଜୀବନ

ଆଗ୍ରା:  କରୋନା ଭାଇରଲର ଦ୍ୱିତୀୟ ଲହରୀ ବ୍ୟାପିବା ପରେ ଅମ୍ଲଜାନର ସଙ୍କଟ ଏବେ ବଡ଼ ସମସ୍ୟା ନେଇ ମୁଣ୍ଡ ଟେକିଛି । ଇତି ମଧ୍ୟରେ ଆଗ୍ରାରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି । ନିଶ୍ୱାସ ନେବାରେ ଅସୁବିଧା ସମ୍ମୁଖୀନ କରୁଥିବା ସ୍ୱାମୀଙ୍କୁ ନେଇ ରେଣୁ ସିଙ୍ଘଲ ନାମକ ଜଣେ ମହିଳା ଅନେକ ଡାକ୍ତରଖାନା ବୁଲି ବୁଲି ହତାଶ ହୋଇଥିଲେ । କିନ୍ତୁ କେଉଁଠି ବି ତାଙ୍କ ସ୍ୱାମୀଙ୍କୁ ଅକ୍ସିଜେନ ମିଳିନଥିଲା । ଶେଷରେ ଏକ ସରକାରୀ ଡାକ୍ତରଖାନାରେ ପହଞ୍ଚି ସ୍ୱାମୀଙ୍କୁ ନିଜ ପାଟି ଯୋଗେ ନିଶ୍ୱାସ ଦେବାକୁ ଚେଷ୍ଟା କରିଥିଲେ କିନ୍ତୁ ଦୁର୍ଭାଗ୍ୟର କଥା ହେଲା କିଛି ସମୟ ପରେ ତାଙ୍କ ସ୍ୱାମୀଙ୍କୁ ମୃତ୍ୟୁ ହୋଇଥିଲା ।

ଏହି ଘଟଣା ଶୁକ୍ରବାର ଘଟିଥିବା ସୂଚନା ମିଳିଛି । ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ଆଗ୍ରାର ଆବାସ ବିକାଶ ସେକ୍ଟରେ ବାସ କରୁଥିବା ରେଣୁ ସିଙ୍ଘଲ ନିଜ ସ୍ୱାମୀ ରବି ସିଙ୍ଘଲ (୪୭) ଙ୍କୁ ସରୋଜିନୀ ନାୟଡୁ ମେଡିକାଲ କଲେଜ ଏବଂ ହସ୍ପିଟାଲକୁ ଆଣିଥିଲେ । ରବିଙ୍କୁ ନିଶ୍ୱାସ ନେବାରେ ସମସ୍ୟା ହେଉଥିଲା,  ସେଥିପାଇଁ ଅନ୍ୟ କୌଣସି ବିକଳ୍ପ ନପାଇ ରେଣୁ ମିଜ ମୁହଁ ଯୋଗେ ସ୍ୱାମୀଙ୍କୁ ନିଶ୍ୱାସ ଦେଇଥିବା ଘଟଣା କହିଛନ୍ତି ପ୍ରତ୍ୟକ୍ଷଦର୍ଶୀ । ଏମିତିକି ରେଣୁ ଆମ୍ବୁଲାନ୍ସ ଟିଏ ମଧ୍ୟ ମିଳିଲା ନେହିଁ । ଶେଷରେ ଏସଏନଏମସିର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ହାତ ଟେକିଦେଲେ ଘରୋଇ ହସ୍ପିଟାଲ

ଏହାପୂର୍ବରୁ ତିନି-ଚାରିଟି ଘରୋଇ ଡାକ୍ତରଖାନା ରେନୁଙ୍କ ସ୍ୱାମୀଙ୍କୁ ଆଡମିଟ କରିବାକୁ ମନା କରିଦେଇଥିଲେ। ଡାକ୍ତରଖାନାରେ ଭର୍ତ୍ତି ନକରାଇବା ଘଟଣଆ ବର୍ତ୍ତମାନସହରରେ ସାଧାରଣ କଥା ହୋଇଗଲାଣି । ଆଗ୍ରା ମୁଖ୍ୟ ଚିକିତ୍ସା ଅଧିକାରୀ ଆରସି ପାଣ୍ଡେ କହିଛନ୍ତି ଯେ, ଜିଲ୍ଲାରେ ମେଡିକାଲ ଗୁଡ଼ିକରେ ଅମ୍ଳଜାନର ଅଭାବ ରହିଛି । ସେ କହିଛନ୍ତି ଯେ ଉପଲବ୍ଧତା ଅନୁଯାୟୀ ଆମେ ବ୍ୟବସ୍ଥା କରୁଛୁ । ଗୋଟେ ପଟେ ଆଗ୍ରା ଡାକ୍ତରଖାନାରେ ଗୁରୁତର ଅସୁସ୍ଥ ରୋଗୀଙ୍କ ପାଇଁ ଶଯ୍ୟା ଉପଲବ୍ଧ ଅଛି ବୋଲି ସେ ଦାବି କରୁଥିବାବେଳେ ଅନେକ ଲୋକ ଅଭିଯୋଗ କରିଛନ୍ତି ଯେ ରୋଗୀଙ୍କୁ ବେଡ ଯୋଗାଇଦେବା ପାଇଁ ଗୋଟିଏ ଡାକ୍ତରଖାନାରୁ ଆଉ ଏକ ଡାକ୍ତରଖାନା ଦୌଡ଼ିବାକୁ ବାଧ୍ୟ ହେଉଛନ୍ତି ।

ଆଗ୍ରାରେ ରହିଛି ୩୪ କୋଭିଡ ହହ୍ସିଟାଲ

ସିଏମଓଙ୍କ କହିବା ଅନୁଯାୟୀ ଆଗ୍ରାରେ କୋଭିଡ ୧୯ ରୋଗାଙ୍କ ପାଇଁ ୩୪ଟି ଡାକ୍ତରଖାନା ଏବଂ ସରକାରୀ ଏସଏନଏମସି କୋଭିଡ ୱାର୍ଡରେ ୨୯୦ଟି ଶଯ୍ୟା ଉପଲବ୍ଧ ରହିଛି । ଆଗ୍ରାରେ ଶନିବାର କରୋନା ଭାଇରସର ୫୩୦ଟି ମାମଲା ସାମ୍ନାକୁ ଆସିଛି । ଏଥିସହ ସମକ୍ରମଣର ମାମଲା ବଢ଼ି ୧୬,୭୨୬ରେ ପହଞ୍ଚିଛି ।

ନବୀନ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶା ସୃଷ୍ଟି କରିଛି ଉଦାହରଣ: ପ୍ରଣବ ପ୍ରକାଶ ଦାସ

ଭୁବନେଶ୍ୱର: ସଂକଟରେ ଓଡ଼ିଶା ସାଜିଛି ପଥ ପ୍ରଦର୍ଶକ । ନବୀନ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶା ଉଦାହରଣ ସୃଷ୍ଟି କରିଛି । ଅକ୍ସିଜେନ ଯୋଗାଣ ନେଇ ବିଜେଡି ସଂଗଠନ ସଂପାଦକ ପ୍ରଣବ ପ୍ରକାଶ ଦାସ ଟୁଇଟ୍ କରି ଏଭଳି ପ୍ରତିକ୍ରିୟା ରଖିଛନ୍ତି । ବିଭିନ୍ନ ରାଜ୍ୟକୁ ଅକ୍ସିଜେନ ପଠାଇ ସଂକଟ ଦୂର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନବୀନଙ୍କ ତୁରନ୍ତ ପଦକ୍ଷେପ ଅନେକ ଜୀବନ ବଞ୍ଚାଇପାରିଛି ବୋଲି କହିଛନ୍ତି ପ୍ରଣବ । ସଂକଟ ବେଳେ ଓଡ଼ିଶା ଆଗକୁ ରାସ୍ତା ଦେଖାଇଛି ବୋଲି ପ୍ରଣବ କହିଛନ୍ତି ।

ଅନ୍ୟପଟେ ମେ’ ପହିଲାରୁ ୧୮ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କ ଲାଗି ଟିକାକରଣ ଆରମ୍ଭ ହେବ । ଇତି ମଧ୍ୟରେ ଦେଶରେ ଟିକା ଯୋଗାଉଥିବା ୨ କମ୍ପାନୀ ଭ୍ୟାକ୍ସିନର ଦର ଘୋଷଣା କରିଛନ୍ତି । କେନ୍ଦ୍ର ସରକାର ଟିକାକରଣ ନେଇ ନୂଆ ଗାଇଡଲାଇନ୍ ଆଣିବା ପରେ ରାଜ୍ୟ ସରକାର ନୂଆ ରଣନୀତି ପ୍ରସ୍ତୁତି କରିବେ ବୋଲି କହିଛନ୍ତି ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ । ଆସନ୍ତାକାଲି ଟିକା ଦରକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବଡ଼ ଘୋଷଣା କରିପାରନ୍ତି ବୋଲି ସେ ସୂଚନା ଦେଇଛନ୍ତି । ସରକାରୀ, ବେସରକାରୀ ଡାକ୍ତରଖାନାରେ ଟିକା ଦର ନେଇ କାଲି ନିଷ୍ପତ୍ତି ନିଆଯିବ ।

୧୮ ବର୍ଷରୁ ଅଧିକ ବୟସ୍କ କେବଳ ଅନଲାଇନରେ ପଞ୍ଜିକରଣ କରିଲେ ଟିକା ନେଇ ପାରିବେ । ସେମାନଙ୍କ ପାଇଁ ଅଫଲାଇନ୍ ବ୍ୟବସ୍ଥା ହୋଇନି । ଟିକା ମାଗଣା ଦିଆଯିବ କି ନାହିଁ, ତାହା ରାଜ୍ୟ ସରକାର ଖୁବଶୀଘ୍ର ନିଷ୍ପତ୍ତି ନେବେ ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ । ସେରମ ଇନଷ୍ଟିଚ୍ୟୁଟ୍ କୋଭିସିଲ୍ଡର ଦର ଘୋଷଣା କରିଥିବା ବେଳେ କୋଭାକ୍ସିନର ଦର ଘୋଷଣା କରିଛି ଭାରତ ବାୟୋଟେକ୍ । କୋଭିସିଲ୍ଡ ଓ କୋଭାକ୍ସିନ୍ ଉତ୍ପାଦନର ୫୦ ପ୍ରତିଶତ ଭ୍ୟାକ୍ସିନ୍ କେନ୍ଦ୍ର ସରକାର ଡୋଜ୍ ପିଛା ୧୫୦ ଟଙ୍କାରି କିଣିବେ । ସେହିଭଳି ରାଜ୍ୟ କୋଭିସିଲ୍ଡ ଡୋଜ୍ ପିଛା ୪୦୦ ଓ କୋଭାକ୍ସିନ୍ ଡୋଜ୍ ପିଛା ୬୦୦ ଟଙ୍କାରେ କିଣିବ । ଘରୋଇ ହସ୍ପିଟାଲ୍ କୋଭିସିଲ୍ଡ ଡୋଜ୍ ପିଛା ୬୦୦ ଓ କୋଭାକ୍ସିନ୍ ଡୋଜ୍ ପିଛା ୭୦୦ ଟଙ୍କାରେ କିଣିବାକୁ ପଡ଼ିବ ।

ଟିକା ଦରକୁ ନେଇ ରାଜ୍ୟରେ ବଢ଼ିଲା ବିରୋଧ

ଭୁବନେଶ୍ୱର: କୋଭାକ୍ସିନ୍ ଓ କୋଭିସିଲ୍ଡ ଦର ଘୋଷଣା ପରେ ବିରୋଧ ଆରମ୍ଭ ହୋଇଛି । ଏନେଇ ପ୍ରତିକ୍ରିୟା ରଖିଛନ୍ତି ବିଜେଡି ରାଜ୍ୟସଭା ସାଂସଦ ଅମର ପଟ୍ଟନାୟକ । ଟିକା ଦରକୁ ଚିନ୍ତାଜନକ କହିଛନ୍ତି ଅମର । ଆମେ ଭାବିଥିଲୁ କୋଭିସିଲ୍ଡ ପରି ICMR ସହଯୋଗରେ ପ୍ରସ୍ତୁତ କୋଭାକ୍ସିନ୍ ଦର କମ୍ ରହିବ । ହେଲେ ଦର ବହୁତ ବଢିଛି । ରାଜ୍ୟମାନଙ୍କ ସମ୍ବଳ ଉପରେ ଅଧିକ ଚାପ ପଡ଼ିବ । ରାଜ୍ୟମାନେ ନିଜ ସ୍ତରରେ କୋଭିଡ୍ ମୁକାବିଲା କରୁଛନ୍ତି ।

ଯେତେ ସ୍ୱାସ୍ଥ୍ୟ ଭିତ୍ତିଭୂମି ଅଛି, ସେଥିରେ ଯେତେ ଖର୍ଚ୍ଚ ହେଲେ ତୁରନ୍ତ ସୁଧାର ଆସିବା ସମ୍ଭବ ନୁହେଁ । ତେଣୁ କୋଭିଡ୍ ଟିକା କିଣିବାରେ ଏତେ ଖର୍ଚ୍ଚ ହେଲେ, ସ୍ୱାସ୍ଥ୍ୟ ଭିତ୍ତିଭୂମି ବିକାଶ ହେବ କେମିତି ? ଯାହା ପାଖରେ ଟଙ୍କା ଅଛି, ସେ କିଣି ପାରିବେ । କେନ୍ଦ୍ର ସରକାର ଗୋଟିଏ ଦରରେ କିଣି ସମସ୍ତ ଖର୍ଚ୍ଚ ବହନ କଲେ, ରାଜ୍ୟ ସରକାର ସ୍ୱାସ୍ଥ୍ୟ ଭିତ୍ତିଭୂମି ବିକାଶ କରିପାରିବେ । ରାଜ୍ୟ ସରକାରଙ୍କ ଉପରେ କେନ୍ଦ୍ର ଆର୍ଥିକ ବୋଝ ନ ପକାଉ ବୋଲି କହିଛନ୍ତି ଅମର ପଟ୍ଟନାୟକ ।

Covid Vaccine Price, BJD And Congress Demands Centre To Bear Vaccine Price

ଅନ୍ୟପଟେ ଟିକା ଦରକୁ ନେଇ କଂଗ୍ରେସ ବିଧାୟକ ସୁର ରାଉତରାୟ ମୋଦି ସରକାରଙ୍କୁ ସମାଲୋଚନା କରିଛନ୍ତି । ଲୋକଙ୍କ ଜୀବନ ସହ ଖେଳା ହେଉଛି । କୋଭାକ୍ସିନର ୨ଟି ଡୋଜ୍ ୩ ହଜାରରେ କିଣିବାକୁ ପଡ଼ିବ । ଛାତ୍ରଛାତ୍ରୀ, ଗରିବ ମଧ୍ୟବିତ୍ତ ଲୋକ କେଉଁଠୁ ଟଙ୍କା ଆଣିବେ ? ସେମାନେ ମରିଯିବେ । ତୁରନ୍ତ ଏହା ପ୍ରତ୍ୟାହାର କରାଯାଉ । ଓଡ଼ିଶା ସରକାର ବି କେନ୍ଦ୍ରର ଦୃଷ୍ଟି ଆକର୍ଷଣ କରନ୍ତୁ । ମାଗଣାରେ ଟିକା ଦିଆଯାଉ ବୋଲି ସୁର କହିଛନ୍ତି ।

ମେ’ ୩ ଯାଏ ଲକଡାଉନ୍ ଅବଧିକୁ ବଢ଼ାଇଲେ ଦିଲ୍ଲୀ ସରକାର

ନୂଆଦିଲ୍ଲୀ: ଦିଲ୍ଲୀରେ ବୃଦ୍ଧି ହେଲା ଲକଡାଉନ୍ ଅବଧି । ଦିଲ୍ଲୀରେ ଲାଗିଥିବା ଆସନ୍ତାକାଲି ସକାଳେ ସରୁଥିବା ବେଳେ ସରକାର ପୁଣି ଲକଡାଉନକୁ ସପ୍ତାହେ ବଢ଼ାଇଛନ୍ତି । ମେ’ ୩ ସକାଳ ୫ଟା ଯାଏ ଜାତୀୟ ରାଜଧାନୀ ଦିଲ୍ଲୀରେ ଲକଡାଉନ୍ କଟକଣା ବଳବତ୍ତର ରହିବ । ଏନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ ଘୋଷଣା କରିଛନ୍ତି । ଏଥିସହ ଦିଲ୍ଲୀରେ ଏବେବି ଅକ୍ସିଜେନ୍ ଅଭାବ ଲାଗି ରହିଥିବା କହିଛନ୍ତି କେଜ୍ରିୱାଲ୍ ।

କରୋନା ସଂକ୍ରମଣରୁ ମୁକୁଳିବା ଲାଗି ଲକଡାଉନ୍ ହିଁ ଏକମାତ୍ର ଶେଷ ବିକଳ୍ପ ବୋଲି କହିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ । ସଂକ୍ରମଣ ବଢ଼ୁଥିବା ବେଳେ ଲକଡାଉନ୍ ଛଡ଼ା ଅନ୍ୟ କିଛି ବିକଳ୍ପ ନାହିଁ ବୋଲି କେଜ୍ରିୱାଲ୍ କହିଛନ୍ତି । ଲକଡାଉନ୍ ସମୟରେ ଦିଲ୍ଲୀରେ ସଂକ୍ରମଣ ହାର ୩୬ରୁ ୩୭ ପର୍ଯ୍ୟନ୍ତ ବୃଦ୍ଧି ପାଇଛି । ଗତ ଦୁଇ ତିନିଦିନରେ ସଂକ୍ରମଣ ଅଳ୍ପ ଖସିଥିବା ବେଳେ ଆଜି ଦୈନିକ ସଂକ୍ରମଣ ମାମଲା ୩୦ ପ୍ରତିଶତ ତଳକୁ ଖସିଛି ।

କେଜ୍ରିୱାଲ୍ କହିଛନ୍ତି, ଦିଲ୍ଲୀକୁ ୭୦୦ ଟନ୍ ଅକ୍ସିଜେନ୍ ଆବଶ୍ୟକ । ଆମକୁ କେନ୍ଦ୍ର ସରକାର କେବଳ ୪୮୦ ଟନ୍ ଅକ୍ସିଜେନ୍ ଦେଉଛନ୍ତି । କାଲି କେନ୍ଦ୍ର ୧୦ ଟନ୍ ଦେଇଥିବା ବେଳେ ଏବେ ଯାଏଁ ଦିଲ୍ଲୀକୁ ୪୯୦ ଟନ୍ ଅକ୍ସିଜେନ୍ ମିଳିଛି । ତେବେ ସମସ୍ତ ଆବଣ୍ଟନ ଦିଲ୍ଲୀକୁ ଆସୁନାହିଁ । ଗତକାଲି ୩୩୦ରୁ ୩୩୫ ଟନ୍ ଅକ୍ସିଜେନ୍ ଦିଲ୍ଲୀ ଆସିଛି । ଅକ୍ସିଜେନର ଉତ୍ତମ ଯୋଗାଣ ପାଇଁ ସରକାର ପୋର୍ଟାଲ ପ୍ରସ୍ତୁତ କରିଛନ୍ତି । ଉତ୍ପାଦକଙ୍କ ଠାରୁ ନେଇ ହସ୍ପିଟାଲ୍ ସମସ୍ତେ ପ୍ରତି ୨ ଘଣ୍ଟାରେ ଅକ୍ସିଜେନ୍ ସ୍ଥିତି ନେଇ ସୂଚନା ଦେବେ । କେନ୍ଦ୍ର ସରକାରଙ୍କ ସହ ମିଶି ରାଜ୍ୟ କାମ କରୁଥିବା କହିଛନ୍ତି କେଜ୍ରିୱାଲ୍ ।

କରୋନା ଟିକାକୁ ନେଇ କାଲି ବଡ଼ ଘୋଷଣା କରିପାରନ୍ତି ମୁଖ୍ୟମନ୍ତ୍ରୀ

ଭୁବନେଶ୍ୱର: ମେ’ ପହିଲାରୁ ୧୮ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କ ଲାଗି ଟିକାକରଣ ଆରମ୍ଭ ହେବ । ଇତି ମଧ୍ୟରେ ଦେଶରେ ଟିକା ଯୋଗାଉଥିବା ୨ କମ୍ପାନୀ ଭ୍ୟାକ୍ସିନର ଦର ଘୋଷଣା କରିଛନ୍ତି । କେନ୍ଦ୍ର ସରକାର ଟିକାକରଣ ନେଇ ନୂଆ ଗାଇଡଲାଇନ୍ ଆଣିବା ପରେ ରାଜ୍ୟ ସରକାର ନୂଆ ରଣନୀତି ପ୍ରସ୍ତୁତି କରିବେ ବୋଲି କହିଛନ୍ତି ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ । ଆସନ୍ତାକାଲି ଟିକା ଦରକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବଡ଼ ଘୋଷଣା କରିପାରନ୍ତି ବୋଲି ସେ ସୂଚନା ଦେଇଛନ୍ତି । ସରକାରୀ, ବେସରକାରୀ ଡାକ୍ତରଖାନାରେ ଟିକା ଦର ନେଇ କାଲି ନିଷ୍ପତ୍ତି ନିଆଯିବ ।

 Likely CM Naveen Patnaik Make Big Announce Over Covid Vaccine Tomorrow

ଅନ୍ୟପଟେ ୧୮ ବର୍ଷରୁ ଅଧିକ ବୟସ୍କ କେବଳ ଅନଲାଇନରେ ପଞ୍ଜିକରଣ କରିଲେ ଟିକା ନେଇ ପାରିବେ । ସେମାନଙ୍କ ପାଇଁ ଅଫଲାଇନ୍ ବ୍ୟବସ୍ଥା ହୋଇନି । ଟିକା ମାଗଣା ଦିଆଯିବ କି ନାହିଁ, ତାହା ରାଜ୍ୟ ସରକାର ଖୁବଶୀଘ୍ର ନିଷ୍ପତ୍ତି ନେବେ ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ ।

ସେରମ ଇନଷ୍ଟିଚ୍ୟୁଟ୍ କୋଭିସିଲ୍ଡର ଦର ଘୋଷଣା କରିଥିବା ବେଳେ କୋଭାକ୍ସିନର ଦର ଘୋଷଣା କରିଛି ଭାରତ ବାୟୋଟେକ୍ । କୋଭିସିଲ୍ଡ ଓ କୋଭାକ୍ସିନ୍ ଉତ୍ପାଦନର ୫୦ ପ୍ରତିଶତ ଭ୍ୟାକ୍ସିନ୍ କେନ୍ଦ୍ର ସରକାର ଡୋଜ୍ ପିଛା ୧୫୦ ଟଙ୍କାରି କିଣିବେ । ସେହିଭଳି ରାଜ୍ୟ କୋଭିସିଲ୍ଡ ଡୋଜ୍ ପିଛା ୪୦୦ ଓ କୋଭାକ୍ସିନ୍ ଡୋଜ୍ ପିଛା ୬୦୦ ଟଙ୍କାରେ କିଣିବ । ଘରୋଇ ହସ୍ପିଟାଲ୍ କୋଭିସିଲ୍ଡ ଡୋଜ୍ ପିଛା ୬୦୦ ଓ କୋଭାକ୍ସିନ୍ ଡୋଜ୍ ପିଛା ୭୦୦ ଟଙ୍କାରେ କିଣିବାକୁ ପଡ଼ିବ ।

ଇତିମଧ୍ୟରେ ୟୁପି, ତେଲଙ୍ଗାନା ଭଳି ଅଧିକାଂଶ ରାଜ୍ୟ ସମସ୍ତଙ୍କୁ ମାଗଣା ଟିକାକରଣ କରିବେ ବୋଲି ଘୋଷଣା କରିଛନ୍ତି । ଏଭଳି ପରିସ୍ଥିତିରେ ଓଡ଼ିଶା ସରକାର ମଧ୍ୟ ସମସ୍ତଙ୍କ ଲାଗି କୋଭିଡ୍ ଟିକା ମାଗଣା ବୋଲି ଘୋଷଣା କରିବାର ସମ୍ଭାବନା ରହିଛି ।