spot_img
Home Blog Page 5852

ବରିଷ୍ଠ ନେତା ଗିରିଧାରୀ ଗମାଙ୍ଗଙ୍କ ଆଶୁ ଆରୋଗ୍ୟ କାମନା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ ରାଜନେତା ଗିରିଧାରୀ ଗମାଙ୍ଗ କୋଭିଡ ସଂକ୍ରମିତ ହୋଇଛନ୍ତି । ଏକଥା ଜାଣିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କର ଆଶୁ ଆରୋଗ୍ୟ ଓ ଉତ୍ତମ ସ୍ୱାସ୍ଥ୍ୟ କାମନା କରିଛନ୍ତି ।

୭୮ ବର୍ଷିଅ ଗିରିଧାରୀ ଗମାଙ୍ଗ କରୋନା ସଂକ୍ରମିତ ହୋଇ ଚିକିତ୍ସିତ ହେଉଛନ୍ତି । ୧୯୭୨ରେ ପଞ୍ଚମ ଲୋକସଭାକୁ ସେ ନିର୍ବାଚନ ହୋଇଥିଲେ । ଦ୍ୱିତୀୟ ଥର ପାଇଁ ୧୯୭୭ରେ ଲୋକସଭାକୁ ନିର୍ବାଚନ ହୋଇଥିଲେ ଗିରିଧାରୀ ଗମାଙ୍ଗ । କେନ୍ଦ୍ରରେ ବିଭିନ୍ନ ବିଭାଗର ମନ୍ତ୍ରୀ ଦାୟିତ୍ୱ ମଧ୍ୟ ସେ ତୁଲାଇଛନ୍ତି । ୧୯୯୯ ଫେବ୍ରୁଆରୀରୁ ସେହିବର୍ଷ ଡିସେମ୍ବର ଯାଏ ସେ ଓଡ଼ିଶାର ମୁଖ୍ୟମନ୍ତ୍ରୀ ଥିଲେ ।

ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ସାଢ଼େ ୪ ଲକ୍ଷ ପାର୍, ମୃତ୍ୟୁସଂଖ୍ୟା ୨୦୫୪କୁ ବୃଦ୍ଧି

ଭୁବନେଶ୍ୱର: ଓଡ଼ିଶାରେ କୋଭିଡ୍ ସଂକ୍ରମଣର ଦୈନିକ ମାମଲା ୧୦ ହଜାର ଟପିଛି । ଏଥିସହ ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ସାଢ଼େ ୪ ଲକ୍ଷ ପାର୍ କରିଛି । ବିଗତ ୨୪ ଘଣ୍ଟାରେ ଚିହ୍ନଟ ୧୦ ହଜାର ୪୧୩ ମାମଲାକୁ ମିଶାଇ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୪ ଲକ୍ଷ ୫୪ ହଜାର ୬୦୭କୁ ବୃଦ୍ଧି ପାଇଛି । ଅନ୍ୟପଟେ ଗତ ୨୪ ଘଣ୍ଟାରେ କରୋନାରେ ଆଖି ବୁଜିଛନ୍ତି ଆଉ ୧୧ ଜଣ । ଏଥିସହ ରାଜ୍ୟରେ ମୋଟ କୋଭିଡ୍ ମୃତ୍ୟୁ ୨ ହଜାର ୫୪କୁ ବୃଦ୍ଧି ପାଇଛି ।

ଏଥିସହ ପଢ଼ନ୍ତୁ- ସଂକ୍ରମଣରେ ରେକର୍ଡ; ଦିନକରେ ରାଜ୍ୟରୁ ଚିହ୍ନଟ ହେଲେ ୧୦ ହଜାର ୪୧୩ ସଂକ୍ରମିତ, ଖୋର୍ଦ୍ଧାରୁ ସର୍ବାଧିକ

ବୌଦ୍ଧରୁ ଜଣେ, କଳାହାଣ୍ଡିରୁ ଜଣେ, ଖୋର୍ଦ୍ଧାରୁ ୪ ଜଣ, କୋରାପୁଟରୁ ଜଣେ, ପୁରୀରୁ ଜଣେ, ରାୟଗଡ଼ାରୁ ଜଣେ, ସୁନ୍ଦରଗଡ଼ରୁ ୨ ଜଣଙ୍କର ମୃତ୍ୟୁ ହୋଇଛି । ସଂକ୍ରମଣ ଭଳି ମୃତ୍ୟୁରେ ଖୋର୍ଦ୍ଧା ଓ ସୁନ୍ଦରଗଡ଼ ଜିଲ୍ଲା ଆଗରେ ରହିଛି । ୪ ମୃତ୍ୟୁକୁ ମିଶାଇ ଖୋର୍ଦ୍ଧା ଜିଲ୍ଲାରେ ମୋଟ କୋଭିଡ୍ ମୃତ୍ୟୁ ୩୬୨କୁ ବୃଦ୍ଧି ପାଇଥିବା ବେଳେ ଜିଲ୍ଲାରେ ଏବେ ୧୨ ହଜାର ୧୧୨ ଜଣ ସକ୍ରିୟ ସଂକ୍ରମିତ ରହିଛନ୍ତି ।

ସୁନ୍ଦରଗଡ଼ ଜିଲ୍ଲାରେ ୨ ମୃତ୍ୟୁକୁ ମିଶାଇ ମୋଟ ମୃତ୍ୟୁସଂଖ୍ୟା ୧୯୨ରେ ପହଞ୍ଚିଛି । ଏବେ ଜିଲ୍ଲାରେ ୬ ହଜାର ୭୩୭ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ପୁରୀରେ ମୋଟ କୋଭିଡ୍ ମୃତ୍ୟୁ ୧୨୬କୁ ବୃଦ୍ଧି ପାଇଥିବା ବେଳେ ରାୟଗଡ଼ାରେ କରୋନା ଏଯାବତ୍ ୬୦ ଜଣଙ୍କ ଜୀବନ ନେଇଛି । କୋରାପୁଟରେ ମହାମାରୀରେ ୨୦ ଜଣ ମଲେଣି ।

ସେହିଭଳି କଳାହାଣ୍ଡି ଜିଲ୍ଲାରେ ଗୋଟିଏ ମୃତ୍ୟୁକୁ ମିଶାଇ ମୋଟ କୋଭିଡ୍ ମୃତ୍ୟୁସଂଖ୍ୟା ୪୧କୁ ବୃଦ୍ଧି ପାଇଥିବା ବେଳେ ଜିଲ୍ଲାରେ ଏବେ ୩ ହଜାର ୬୦୨ ଜଣ ସକ୍ରିୟ ସଂକ୍ରମିତ ଅଛନ୍ତି । ବୌଦ୍ଧରେ ମୋଟ କୋଭିଡ୍ ମୃତ୍ୟୁ ୧୪ରେ ପହଞ୍ଚିଥିବା ବେଳେ ଜିଲ୍ଲାରେ ଏବେ ୬୦୪ ଜଣ ସକ୍ରିୟ କରୋନା ଆକ୍ରାନ୍ତ ଅଛନ୍ତି ।

ସଂକ୍ରମଣରେ ରେକର୍ଡ; ଦିନକରେ ରାଜ୍ୟରୁ ଚିହ୍ନଟ ହେଲେ ୧୦ ହଜାର ୪୧୩ ସଂକ୍ରମିତ, ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ମାମଲା ପୂର୍ବ ସବୁ ରେକର୍ଡକୁ ଅତିକ୍ରମ କରିଛି । ପ୍ରଥମ ଥର ଲାଗି ରାଜ୍ୟରେ ୧୦ ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୫ ହଜାର ୮୮୭ଟି ମାମଲା ଚିହ୍ନଟ ହୋଇଥିବା ବେଳେ  ସ୍ଥାନୀୟ ଅଞ୍ଚଳରୁ ୪ ହଜାର ୫୨୬ ଜଣ ଚିହ୍ନଟ ହୋଇଛନ୍ତି । ରାଜ୍ୟର ୨ ଗୋଟି ଜିଲ୍ଲାରୁ ହଜାରେରୁ ଅଧିକ ଦୈନିକ ସଂକ୍ରମଣ ମାମଲା ରହିଛି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧ ହଜାର ୭୯୬ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ସୁନ୍ଦରଗଡ଼ରୁ ୧୧୦୦ ପଜିଟିଭ୍ କେସ୍ ଆସିଛି ।

ଅନୁଗୁଳରୁ ୩୯୨ ଜଣ, ବାଲେଶ୍ୱରରୁ ୧୨୪ ଜଣ, ବରଗଡ଼ରୁ ୫୧୧ ଜଣ, ଭଦ୍ରକରୁ ୨୦୧ ଜଣ, ବଲାଙ୍ଗିରରୁ ୧୬୦ ଜଣ, ବୌଦ୍ଧରୁ ୮୭ ଜଣ, କଟକରୁ ୮୨୮ ଜଣ, ଦେବଗଡ଼ରୁ ୧୦୩ ଜଣ, ଢେଙ୍କାନାଳରୁ ୪୨ ଜଣ, ଗଜପତିରୁ ୧୫୬ ଜଣ, ଗଞ୍ଜାମରୁ ୨୩୨ ଜଣ, ଜଗତସିଂହପୁରରୁୁ ୨୪୧ ଜଣ, ଯାଜପୁରରୁ ୩୩୨ ଜଣ, ଝାରସୁଗୁଡ଼ାରୁ ୪୪୨ ଜଣ, କଳାହାଣ୍ଡିରୁ ୩୭୬ ଜଣ, କନ୍ଧମାଳରୁ ୫୫ ଜଣ, କେନ୍ଦ୍ରାପଡ଼ାରୁ ୭୭ ଜଣ, କେନ୍ଦୁଝରରୁ ୧୨୬ ଜଣ, ଖୋର୍ଦ୍ଧାରୁ ୧ ହଜାର ୭୯୬ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି କୋରାପୁଟରୁ ୬୮ ଜଣ, ମାଲକାନଗିରିରୁ ୫୪ ଜଣ, ମୟୂରଭଞ୍ଜରୁ ୨୪୭, ନବରଙ୍ଗପୁରରୁ ୩୭୮, ନୟାଗଡ଼ରୁ ୨୧୮, ନୂଆପଡ଼ାରୁ ୪୧୮, ପୁରୀରୁ ୫୩୩, ରାୟଗଡ଼ାରୁ ୨୦୦, ସମ୍ବଲପୁରରୁ ୪୨୬, ସୋନପୁରରୁ ୧୩୦, ସୁନ୍ଦରଗଡ଼ରୁ ୧୧ ଶହ ଏବଂ ଷ୍ଟେଟ ପୁଲରୁ ୩୬୦ଟି ମାମଲା ଆସିଛି ।

ଗତ ୨୪ ଘଣ୍ଟାରେ ଚିହ୍ନଟ ୧୦ ହଜାର ୪୧୩ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ କୋଭିଡ୍ ସଂକ୍ରମିତଙ୍କ ସଂଖ୍ୟା ୪ ଲକ୍ଷ ୫୪ ହଜାର ୬୦୭କୁ ବୃଦ୍ଧି ପାଇଛି । ୧୧ ଜଣଙ୍କ ମୃତ୍ୟୁସହ ମୋଟ କୋଭିଡ୍ ମୃତ୍ୟୁ ୨ ହଜାର ୫୪ରେ ପହଞ୍ଚି ଥିବାବେଳେ ଏବେ ରାଜ୍ୟରେ ୬୭ ହଜାର ୮୬ ଜଣ ସକ୍ରିୟ ଆକ୍ରାନ୍ତ ରହିଛନ୍ତି ।

ହସ୍ପିଟାଲର କୋଭିଡ୍ ୱାର୍ଡରେ ଭୀଷଣ ନିଆଁ, ୧୪ ରୋଗୀଙ୍କ ସହ ୨ ନର୍ସ ମୃତ

ଅହମଦାବାଦ: ଗୁଜରାଟର ଭରୁଚରେ ଥିବା ପଟେଲ ୱେଲଫେୟାର୍ ହସ୍ପିଟାଲରେ ନିଆଁ ଲାଗିଛି । ହସ୍ପିଟାଲର କରୋନା ୱାର୍ଡରେ ଲାଗଥିବା ନିଆଁ ଦେଖୁ ଦେଖୁ ଆଇସିୟୁକୁ ବ୍ୟାପି ଯାଇଥିଲା । ଏଥିରେ ୧୬ ଜଣ ଜଣଙ୍କ ମୃତ୍ୟୁ ହୋଇଛି । ୧୪ ରୋଗୀଙ୍କ ସହ ୨ ଜଣ ନର୍ସଙ୍କ ମୃତ୍ୟୁ ହୋଇଛି । ଶୁକ୍ରବାର ରାତି ପ୍ରାୟ ୧୨ଟା ୩୦ରେ ନିଆଁ ଲାଗିଥିବା ଜଣାପଡ଼ିଛି ।

ସୂଚନା ଅନୁସାରେ ନିଆଁ ଲାଗିଥିବା ସ୍ଥାନ ନିକଟରେ ହିଁ ଆଇସିୟୁ ୱାର୍ଡ ଥିଲା । ନିଆଁ ଏତେ ଜୋରରେ ବ୍ୟାପି ଯାଇଥିଲା ଯେ ରୋଗୀଙ୍କୁ ବାହାରକୁ ବାହର କରିବାକୁ ସମୟ ହିଁ ନଥିଲା । ରୋଗୀଙ୍କୁ ବାହାର କରିବା ବେଳକୁ ଅନେକ ନିଆଁ ଭିତରେ ଫସି ଯାଇଥିଲେ । ନିଆଁ ଲାଗିବା ଖବର ପାଇ ଅଗ୍ନିଶମ ବାହିନୀ ଓ ପୋଲିସ ପ୍ରଶାସନ ପହଞ୍ଚି ଉଦ୍ଧାର କାର୍ଯ୍ୟ ସହ ନିଆଁ ଲିଭାଇବାକୁ ଉଦ୍ୟମ କରିଥିଲେ ।

16 Killed In Fire Breaks Out At A Covid19 Care Centre In Bharuch Gujarat

ଖବର ଅନୁସାରେ, କରୋନା ୱାର୍ଡରେ ୪୯ ଜଣ ଆକ୍ରାନ୍ତ ଥିଲେ । ଯେଉଁଥିରୁ ପ୍ରାୟ ୨୪ ଜଣ ଆକ୍ରାନ୍ତ ଆଇସିୟୁରେ ଭର୍ତ୍ତି ହୋଇଥିଲେ । ସ୍ଥାନୀୟ ଜିଲ୍ଲାପାଳଙ୍କ ଅନୁସାରେ ନିଆଁ ଲାଗି ୧୬ ଜଣଙ୍କ ମୃତ୍ୟୁ ହୋଇଛି । ଅନ୍ୟ ଆକ୍ରାନ୍ତଙ୍କୁ ଅନ୍ୟ ମେଡିକାଲକୁ ସ୍ଥାନାନ୍ତର କରାଯାଇଛି । ତେବେ ନିଆଁ କେମିତି ଲାଗିଲା ଏଯାଏଁ ଜଣାପଡ଼ିନାହିଁ । ମାମଲାର ତଦନ୍ତ ଚାଲିଛି ।

ରାଜ୍ୟର ସମସ୍ତ ସହରାଞ୍ଚଳରେ ସପ୍ତାହନ୍ତ ସଟଡାଉନ୍ ଆରମ୍ଭ

ଭୁବନେଶ୍ୱର: ସଂକ୍ରମିତଙ୍କ ସଂଖ୍ୟା ରାଜ୍ୟରେ ହୁ ହୁ ହୋଇ ବଢ଼ିଚାଲିଛି । ରାଜଧାନୀ ଭୁବନେଶ୍ୱରେ ଦୈନିକ ସଂକ୍ରମଣ ୧  ହଜାର ଟପିଥିବା ବେଳେ ରାଜ୍ୟରେ ୮ ହଜାର ଉପରେ ରହିଛି । ସଂକ୍ରମଣକୁ ଚେକ୍ ଦେବାକୁ ସରକାର ଲାଗୁ କରିଛନ୍ତି ରାତ୍ରୀକାଳୀନ କର୍ଫ୍ୟୁ ସହ ସପ୍ତାହନ୍ତ ସଟଡାଉନ୍ । ରାଜ୍ୟର ସମସ୍ତ ସହରାଞ୍ଚଳରେ ସପ୍ତାହନ୍ତ ସଟଡାଉନ୍ ଲାଗୁ ହୋଇଛି । ଶନିବାର ଓ ରବିବାର ୱିକେଣ୍ଡ ସଟଡାଉନ୍ ରହୁଥିବା ବେଳେ ସକାଳ ୫ଟାରୁ ୬ଟା ମର୍ଣ୍ଣିଂ ୱାକ୍ ପାଇଁ ରିହାତି ଦିଆଯାଇଛି ।

Weekend Shutdown Across City Of Odisha

ୱିକେଣ୍ଡ ସଟଡାଉନ୍ ସମୟରେ ଟିକାକରଣ ବନ୍ଦ କରାଯାଇଛି । ଏହି ଦୁଇଦିନ ଭ୍ୟାକିନେସନ ସେଣ୍ଟରକୁ ସାନିଟାଇଜ୍ କରାଯିବ । ଏହି ସମୟରେ କେବଳ ଅତ୍ୟାବଶ୍ୟକୀୟ ସେବାରେ ନିୟୋଜିତ ବ୍ୟକ୍ତିବିଶେଷଙ୍କୁ ଅନୁମତି ମିଳିବ । ଏଥିପାଇଁ ପାସର କୌଣସି ବ୍ୟବସ୍ଥା ନାହିଁ । ଯାଞ୍ଚ ବେଳେ କାର୍ଯ୍ୟ କରୁଥିବା ବିଭାଗ କିମ୍ବା ଅନୁଷ୍ଠାନର ପରିଚୟପତ୍ର ଦେଖାଇବାକୁ ପଡ଼ିବ ।

Weekend Shutdown Across City Of Odisha

କାହାକୁ ଅନୁମତି ?

ସପ୍ତାହନ୍ତ ସଟଡାଉନ୍ ସମୟରେ ସମସ୍ତ ମେଡିକାଲ, କ୍ଲିନିକ୍, ନର୍ସିଂ, ହୋମ୍, ମେଡିସିନ୍ ଷ୍ଟୋର ଖୋଲା ରହିବ । ଏହା ସହ ଜଡ଼ିତ ସମସ୍ତ କର୍ମଚାରୀ ପରିଚୟ ପତ୍ର ଦେଖାଇ ଯାତାୟତ କରିପାରିବେ ।

ଜିଲ୍ଲା, ମହାନଗର ନିଗମ, ପୋଲିସ ଓ ଅଗ୍ନିଶମ ବାହିନୀରେ କାର୍ଯ୍ୟରତ ବ୍ୟକ୍ତି ଯାତାୟତ କରିପାରିବେ ।

ଜରୁରୀ ସେବାରେ ନିୟୋଜିତ କେନ୍ଦ୍ର ଓ ରାଜ୍ୟ ସରକାରଙ୍କ କର୍ମଚାରୀ ।

ଟେଲିକମ୍ ସର୍ଭିସ୍, ପେଟ୍ରୋଲ ପମ୍ପ୍ପ, ଏଲପିଜି ବିତରଣ ଉପରେ କଟକଣା ରହିବ ନାହିଁ ।

ଖବରକାଗଜ ଓ ବୈଦ୍ୟୁତିକ ଗଣମାଧ୍ୟମରେ କାର୍ଯ୍ୟରତ ସାମ୍ବାଦିକ ଯାତାୟତ କରିପାରିବେ ।

ପାନୀୟ ଜଳ ଯୋଗାଣ, ସାନିଟାଇଜେସନ୍ ଓ ସ୍ୱେରେଜ୍ ୱାର୍କରଙ୍କୁ ଅନୁମତି ।

ବିଦ୍ୟୁତ୍ ବିତରଣ, ମାଲପରିବହନ ଉପରେ କଟକଣା ରହିବ ନାହିଁ ।

ଶିଳ୍ପ ଉଦ୍ୟୋଗ, ନିର୍ମାଣ କାର୍ଯ୍ୟ ଜାରି ରହିବ ।

କୃଷି, ପଶୁପାଳନ, ମଣ୍ଡିରେ ଫସଲ କ୍ରୟ ଜାରି ରହିବ ।

ରେଳ ଓ ବିମାନ ସେବା ଜାରି ରହିବ । ଯାତ୍ରୀଙ୍କୁ ଷ୍ଟେସନ୍ ଓ ବସ ଷ୍ଟାଣ୍ଡରୁ ଟିକେଟ୍ ଦେଖାଇ ନେବା ଆଣିବା କରି ହେବ ।

ସ୍ଥାନୀୟ ପ୍ରଶାସନ ଅନୁମତିରେ ବିବାହ ଓ ଅନ୍ତ୍ୟେଷ୍ଟି କାର୍ଯ୍ୟ କରାଯାଇ ପାରିବ ।

ଆରବିଆଇ ଓ ଅନ୍ୟ ଆର୍ଥିକ ସଂସ୍ଥା କାର୍ଯ୍ୟ ଜାରି ରହିବ ।

ଅନଲାଇନ୍ ଖାଦ୍ୟ ଯୋଗାଣ ଉପରେ କଟକଣା ରହିବ ନାହିଁ ।

ରାଜପଥ କଡ଼ରେ ଥିବା ହୋଟେଲ ଓ ଢାବା କେବଳ ପାର୍ସଲ ଦେଇପାରିବେ ।

କ୍ଷୀର ଦୋକାନ ଖୋଲା ରହିବ । ଫୁଡ୍ ଓ ଗ୍ରସରୀ ସାମଗ୍ରୀର ହୋମ୍ ଡେଲିଭରି ଦେଇ ହେବ ।

ସକାଳ ୫ଟାରୁ ୮ଟା ମଧ୍ୟରେ ଖବରକାଗଜ ବଣ୍ଟନ ଲାଗି ଅନୁମତି ।

କରୋନାରେ ଚାଲିଗଲେ ଆଉ ଜଣେ ସାମ୍ୱାଦିକ: ଶୋକବ୍ୟକ୍ତ କଲେ ମାନସ ମଙ୍ଗରାଜ

ସମ୍ୱଲପୁର: ସାମ୍ୱାଦିକଙ୍କ ପାଇଁ ଦୁଃଖଦ ଖବର । ପୁଣି କରୋନାରେ ଚାଲିଗଲା ଆଉ ଜଣେ କରୋନା ସଂକ୍ରମିତ ସାମ୍ୱାଦିକଙ୍କ ଜୀବନ । ପଶ୍ଚିମଓଡ଼ିଶା ଆଉ ଜଣେ ପ୍ରତିଷ୍ଠିତ ସାମ୍ୱାଦିକ ଦେବେନ୍ଦ୍ର ସାମନ୍ତରାୟଙ୍କ ଶୁକ୍ରବାର କରୋନାରେ ପରଲୋକ ଘଟିଛି । ସେ ଗତ କିିଛି ଦିନ ତଳେ କରୋନାରେ ସଂକ୍ରମିତ ହୋଇ ଚିକିତ୍ସିତ ହେଉଥିଲେ । ମୃତ୍ୟୁ ବେଳକୁ ତାଙ୍କୁ ୫୨ ବର୍ଷ ବୟସ ହୋଇଥିଲା ।  ପଶ୍ଚିମ ଓଡ଼ିଶାରେ ଦୀର୍ଘବର୍ଷ ଧରି ସାମ୍ବାଦିକତା କରିଆସୁଥିଲେ । ଦେବେନ୍ଦ୍ରଙ୍କ ବିୟୋଗରେ ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ରଞ୍ଜନ ମଙ୍ଗରାଜ ଶୋକବ୍ୟକ୍ତ କରିଛନ୍ତି ।

ଅମରଆତ୍ମାର ସଦଗତି ପ୍ରାଥନା କରିବା ସହ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି । କରୋନାର ଦ୍ବିତୀୟ ଲହର ବେଳେ ଅଧିକ ସାମ୍ବାଦିକ ମୃତ୍ୟୁ ହେଉଥିବା ଯୋଗୁଁ ସେ ଚିନ୍ତା ପ୍ରକଟ କରିବା ସହ କାମ କରିବା ବେଳେ ସବୁପ୍ରକାର ସତର୍କତା ଅବଲମ୍ବନ କରିବାକୁ ପରାମର୍ଶ ଦେଇଛନ୍ତି ।

ଏଥିସହିତ ପଢ଼ନ୍ତୁ: କୋଭିଡ ପଜିଟିଭ୍ ପରେ ହୃଦଘାତରେ ବରିଷ୍ଠ ସାମ୍ବାଦିକ ରୋହିତ ସରଦାନାଙ୍କ ଦେହାନ୍ତ

ଭୁବନେଶ୍ୱରେ ପହଞ୍ଚିଲା ରାଜ୍ୟ ସରକାର କିଣିଥିବା ଟିକା: ମେ’ ୩ରୁ ଆରମ୍ଭ ହେବ ୧୮-୪୪ ବର୍ଷ ବୟସ୍କଙ୍କ ଟିକାକରଣ

ଭୁବନେଶ୍ୱର: ଟିକାକରଣ ନେଇ ଖୁସି ଖବର । ଭୁବନେଶ୍ୱରରେ ପହଞ୍ଚିଲା ଦେଢ଼ ଲକ୍ଷ କରୋନା ଟିକା । ରାଜ୍ୟ ସରକାର ଟିକା ଉତ୍ପାଦନକାରୀ କମ୍ପାନୀକୁ ଦେଇଥିବା ଅର୍ଡରର ପ୍ରଥମ କନ୍‌ଷ୍ଟାଇଣ୍ଟମେଣ୍ଟ ଭୁବନେଶ୍ୱରରେ ପହଞ୍ଚିଛି । ଟିକା ଉତ୍ପାଦନକାରୀ କମ୍ପାନୀ ଭାରତ ବାୟୋଟେକର କୋଭାକ୍ସିନ୍ ଟିକା ପହଞ୍ଚିଛି । ମଇ ୧ ତାରିଖରୁ ୧୮-୪୪ ବର୍ଷ ବୟସ୍କଙ୍କ ଟିକାକରଣ ଆରମ୍ଭ ହେବାକୁ ଥିଲା । କିନ୍ତୁ ରାଜ୍ୟରେ ଏଥିଲାଗି ଆବଶ୍ୟକ ପରିମାଣର ଟିକା ନଥିବାରୁ ଟିକାକରଣ ନେଇ ଅନିଶ୍ଚିତତା ଦେଖାଦେଇଥିଲ । ଏଭଳି କି ମଇ ୧ରୁ ୧୮-୪୪ ବର୍ଷ ବୟସ୍କଙ୍କ ଟିକାକରଣ ହାେଇପାରିବ ନାହିଁ ବୋଲି ଶୁକ୍ରବାର ସାମ୍ୱାଦିକ ସମ୍ମିଳନୀରେ ସ୍ୱାସ୍ଥ୍ୟ ବିଭାଗ ଅତିରିକ୍ତ ଶାସନ ସଚିବ କହିଥିଲେ । ଆବଶ୍ୟ  ଶନିବାର ଓ ରବିବାର ସଟ୍‌ଡାଉନ୍ ମଧ୍ୟ ଏହାର ଅନ୍ୟ ଏକ କାରଣ ଥିଲା । କିନ୍ତୁ ଆଜି ଟିକା ପହଞ୍ଚିବା ପରେ ରାଜଧାନୀ ଭୁବନେଶ୍ୱରେ ୧୮-୪୪ ବର୍ଷ ବୟସ୍କଙ୍କ ଟିକାକରଣ ମଇ ୩ରୁ ହେବା ନିଶ୍ଚିତ ହୋଇଛି । ତେବେ ଏବେ ମଧ୍ୟ ରାଜ୍ୟର ଅନ୍ୟ ସ୍ଥାନରେ ୧୮-୪୪ ବର୍ଷ ବୟସ୍କଙ୍କ ଟିକାକରଣ ଆରମ୍ଭ ହେବା ନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ । ତେବେ ରାଜ୍ୟ ସରକାରଙ୍କ ଅର୍ଡର ପ୍ରଥମ ଆସାଇମେଣ୍ଟ ରାଜ୍ୟରେ ପହଞ୍ଚିିଥିବା ବେଳେ ପର୍ଯ୍ୟାୟ କ୍ରମେ ଆଗକୁ ମଧ୍ୟ ଟିକା ମିଳିପାରିବ ବୋଲି ଆଶା କରାଯାଉଛି ।

ଏଥିସହିତ ପଢ଼ନ୍ତୁ: ‘ରାଜ୍ୟରେ ରେମଡିସିଭିର ଓ ଫାବିଫିରାବିର ପର୍ଯ୍ୟାପ୍ତ ପରିମାଣରେ ମହଜୁଦ୍ ଅଛି’

ମେ’ ଓ ଜୁନ୍ ମାସ ପାଇଁ ୫ କେଜି ଲେଖାଏଁ ଅତିରିକ୍ତ ଚାଉଳ ମିଳିବ

ଭୁବନେଶ୍ୱର: କୋଭିଡ୍‌ ମହାମାରୀରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା । ରାଜ୍ୟ ଖାଦ୍ୟ ସୁରକ୍ଷା ହିତାଧିକାରୀ ଅତିରିକ୍ତ ୫ କେଜି ଚାଉଳ ପାଇବେ । ମେ ଓ ଜୁନ୍ ଦୁଇ ମାସ ପାଇଁ  ହିତାଧିକାରୀମାନେ ମାଗଣାରେ ଅତିରିକ୍ତ ପାଞ୍ଚ କେଜି ଲେଖାଏଁ ଚାଉଳ ପାଇବେ । ଚାଉଳ ଯୋଗାଇ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି । ଏହାଦ୍ବାରା ୧୨ ଲକ୍ଷ ହିତାଧିକାରୀ ଉପକୃତ ହେବେ । ରାଜ୍ୟ ସରକାର ଏ ବାବଦ ସମ୍ପୂର୍ଣ୍ଣ ଖର୍ଚ୍ଚ ବହନ କରିବେ ।

ଅପରପକ୍ଷରେ ରାଜଧାନୀ ଭୁବନେଶ୍ୱର କରୋନା ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି । ଏଭଳି ସମୟରେ କରୋନା ମୁକାବିଲା ନେଇ ଭୁବନେଶ୍ୱର ମହାନଗର ନିଗମକୁ ୧୦ କୋଟି ଟଙ୍କା ଯୋଗାଇଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ରିଲିଫ୍ ଫଣ୍ଡକୁ ଆସିଥିବା ପାଣ୍ଠିରୁ ବିଏମ୍‌ସିକୁ କୋଭିଡ ପରିଚାଳନା ପାଇଁ ଏହି ଅର୍ଥ ଯୋଗାଇ ଦିଆଯାଇଛି ।

ଏଥିସହିତ ପଢ଼ନ୍ତୁ: ‘ରାଜ୍ୟରେ ରେମଡିସିଭିର ଓ ଫାବିଫିରାବିର ପର୍ଯ୍ୟାପ୍ତ ପରିମାଣରେ ମହଜୁଦ୍ ଅଛି’

ପରକୀୟା ପ୍ରୀତିରେ ଏସ୍‌ଡିପିଓ ଅନ୍ଧ: ସ୍ତ୍ରୀଙ୍କ ଷ୍ଟିଂ ଅପରେସନରେ ଜଣାପଡ଼ିଲା ସତ

ଅନୁଗୁଳ/ଭୁବନେଶ୍ୱର: ଅନୁଗୁଳ ସବ୍‌-ଡିଭିଜନାଲ ପୋଲିସ ଅଫିସର- ଏସ୍‌ଡିପିଓ ଅଶ୍ବିନୀ ସାହୁଙ୍କ ନାଁରେ ସାଂଘାତିକ ଅଭିଯୋଗ । ସ୍ୱାମୀଙ୍କ ପରକୀୟା ପ୍ରୀତି ନେଇ ଅଭିଯୋଗ ଆଣିଛନ୍ତି ପତ୍ନୀ । ଜଣେ ମହିଳା ଥାନାଧିକାରୀଙ୍କ ପ୍ରେମରେ ଏସ୍‌ଡିପିଓ ଉବୁଟୁବୁ । ନ୍ୟାୟ ପାଇଁ ପୋଲିସ ଅଧିକାରୀ ଓ ମହିଳା କମିଶନଙ୍କ ଦ୍ଵାରସ୍ଥ ହୋଇଥିଲେ ମଧ୍ୟ ନ୍ୟାୟ ମିଳିନୁ । ସେପଟେ ଅଭିଯୋଗକୁ ଖଣ୍ଡନ ସହ ପାଲଟା ଅଭିଯୋଗ କରିଛନ୍ତି ଏସ୍‌ଡିପିଓ ।

ପରକୀୟା ପ୍ରୀତିରେ ଏସ୍‌ଡିପିଓ ଅନ୍ଧ । ସ୍ତ୍ରୀଙ୍କ ଷ୍ଟିଂ ଅପରେସନ । ଅନୁଗୁଳ ଏସଡିପିଓ ଅଶ୍ବିନୀ ସାହୁଙ୍କ ନାଁରେ ପତ୍ନୀ ମମତା ସାହୁ ଆଣିଛନ୍ତି ସାଂଘାତିକ ଅଭିଯୋଗ । ପତ୍ନୀଙ୍କ ମଥାରେ ସିନ୍ଦୂର ପୋଛି ପ୍ରେମିକା ମଥାରେ ସିନ୍ଦୂର ଦେବାକୁ ସ୍ୱାମୀ ଜିଦ୍ କରୁଥିବା ପତ୍ନୀ ଅଭିଯୋଗ କରିଛନ୍ତି । ପତ୍ନୀ ଓ ପିଲାଙ୍କୁ ଛାଡ଼ି ଜଣେ ମହିଳା ଥାନାଧିକାରୀଙ୍କ ପ୍ରେମରେ ଉବୁଟୁବୁ ପାୱାର ଫୁଲ ଏସ୍‌ଡିପିଓ। ଏଭଳି ଅଭିଯୋଗ ଆଣିଛନ୍ତି ତାଙ୍କ ପତ୍ନୀ। ୧୦ ବର୍ଷର ଶାରୀରିକ ଓ ମାନସିକ ନିର୍ଯାତନା ପରେ ମୁହଁ ଖୋଲିଛନ୍ତି ପତ୍ନୀ ମମତା ।  ୨୦୦୪ରେ ବୈଦିକ୍ ରୀତିରେ ବାହାଘର ହୋଇଥିଲା। ୨୦୧୧ରେ ପରକୀୟା ପ୍ରୀତିରେ ପୋଡ଼ିଯାଇଥିଲା ସୁନା ସଂସାର । ଅଶ୍ବିନୀ ଯାଜପୁର ରୋଡ୍‌ରେ ଆଇଆଇସି ଥିବା ବେଳେ ସେହି ଥାନାର ଜଣେ ମହିଳା ଏସଆଇଙ୍କ ପ୍ରେମରେ ପଡ଼ିଥିଲେ। ପ୍ରମୋସନ ପରେ ଆଗକୁ ବଢ଼ିଥିଲା ପ୍ରେମ । ବେଡ୍‌ରୁ୍ମ୍‌ରେ ସ୍ଵାମୀ କରୁଥିଲେ ରାସଲୀଳା। ମହିଳା ଆଇଆଇସି ସାଜି ଥିଲେ ବେଡ୍ ପାର୍ଟନର। ଏଭଳି କିଛି ଫୋଟୋ ଓ ଭିଡିଓ ଲାଗିଛି ପତ୍ନୀ ମମତାଙ୍କ ହାତରେ। । ତେବେ ଅଭିଯୋଗକୁ ଏସଡିପିଓ ଖଣ୍ଡନ କରିବା ସହ ପାଲଟା ଅଭିଯୋଗ ଆଣିଛନ୍ତି । ସ୍ଵାମୀଙ୍କ ନିର୍ଯାତନା ନେଇ ଉଚ୍ଚପଦସ୍ଥ ପୋଲିସ ଅଧିକାରୀ ଓ ମହିଳା କମିଶନଙ୍କ ନିକଟରେ ପତ୍ନୀ ଅଭିଯୋଗ କରିଛନ୍ତି ।

ଆପଣଙ୍କ ବୟସ ଯଦି ୧୮ରୁ ୪୪ ଭିତରେ ତେବେ ବାଛି ପାରିବେ ନିଜ ପସନ୍ଦର ଟିକା

ନୂଆଦିଲ୍ଲୀ: ଦେଶରେ ଜାନୁଆରୀ ୬ ତାରିଖରୁ କରୋନା ଟିକାକରଣ ଆରମ୍ଭ ହୋଇଛି । ଭାରତରେ ଏବେ ଦୁଇଟି ଟିକା ଦିଆଯାଉଛି । ତେବେ କିଏ କେଉଁ ଟିକା ନେବେ ତାହା ବାଛିବାର ବିକଳ୍ପ ଉପଲବ୍ଧ ନଥିଲା । ସେଣ୍ଟରରେ ଉପଲବ୍ଧ ଥିବା ଟିକା ନେବାକୁ ସମସ୍ତେ ବାଧ୍ୟ ହେଉଥିଲେ । କିନ୍ତୁ ଏବେ ୧୮ରୁ ୪୪ ବର୍ଷ ବୟସ୍କ ବ୍ୟକ୍ତି ବିକଳ୍ପ ବାଛି ପାରିବେ । ଯଦି ଆପଣଙ୍କ ବୟସ ୧୮ରୁ ୪୪ ମଧ୍ୟରେ ତେବେ ଆପଣ ନିଜ ଇଛା ମୁତାବକ କୋଭାକ୍ସିନ୍ କିମ୍ବା କୋଭିସିଲ୍ଡ୍ ନେଇ ପାରିବେ । ତେବେ ଏହି ସୁବିଧା କେବଳ ବେସରକାରୀ ଟିକା କେନ୍ଦ୍ରରେ ମିଳିବ । ଏକ ଘରୋଇ ଚ୍ୟାନେଲ ସହିତ ଆଲୋଚନା କାଳରେ ଏବାବଦରେ ସୂଚନା ଦେଇଛନ୍ତି କୋୱିନ୍ ଆପ୍ ମୁଖ୍ୟ ଆର ଏସ ଶର୍ମା ।
ଶର୍ମା ସ୍ପଷ୍ଟ ଭାବେ କହିଛନ୍ତି ଯେ, ଭ୍ୟାକ୍ସିନ ବାଛିବାର ବିକଳ୍ପ କେବଳ ପ୍ରାଇଭେଟ୍ ସେଣ୍ଟରରେ ଉପଲବ୍ଧ ହେବ । ସରକାରୀ କେନ୍ଦ୍ରରେ ଯେଉଁ ଟିକା ଉପଲବ୍ଧ ଥିବ ସେହି ଟିକା ହିଁ ଦିଆଯିବ । ସରକାରୀ କେନ୍ଦ୍ରରେ କୌଣସି ବିକଳ୍ପ ବାଛିବାର ସୁବିଧା ମିଳିବ ନାହିଁ । ଘରୋଇ ଟିକା କେନ୍ଦ୍ର ସେମାନଙ୍କ ପାଖରେ ଉପଲବ୍ଧ ଥିବା ଟିକା ଓ ତାର ଦାମ ବାବଦରେ ସୂଚନା ଦେବେ । କୋୱିନ୍ ଆପରେ ଘରୋଇ ଟିକା କେନ୍ଦ୍ରରେ ଉପଲବ୍ଧ ଟିକା ଓ ତାର ମୂଲ୍ୟ ବାବଦରେ ସୂଚନା ରହିବ । .
ସୂଚନାଯୋଗ୍ୟ ଯେ, ମେ ୧ ତାରିଖରୁ ଟିକା ଉତ୍ପାଦକ ୫୦ ପ୍ରତିଶତ ଟିକା ସିଧା ରାଜ୍ୟ ଓ ଖୋଲା ବଜାରରେ ବିକ୍ରି କରିପାରିବେ । ବାକି ୫୦ ପ୍ରତିଶତ ଟିକା କେନ୍ଦ୍ର ସରକାରଙ୍କ ପାଖକୁ ଯିବ । ଏହି ୫୦ ପ୍ରତିଶତ ଟିକାକୁ କେନ୍ଦ୍ର ୪୫ ବର୍ଷରୁ ଅଧିକ ନାଗରିକ ,ସ୍ୱାସ୍ଥ୍ୟ କର୍ମୀ ଓ ଫ୍ରଣ୍ଟ ଲାଇନ୍ ଯୋଦ୍ଧାଙ୍କ ଟିକାକରଣରେ ବ୍ୟବହାର କରିବ ।
ବର୍ତ୍ତମାନ ସରକାରୀ ସେଣ୍ଟରରେ ଟିକା ମାଗଣା ମିଳୁଥିବା ବେଳେ ଘରୋଇ କେନ୍ଦ୍ରରେ ଟିକା ପ୍ରତି ଡୋଜ୍ ୨୫୦ ଟଙ୍କାରେ ମିଳୁଛି । ୧୮ରୁ ୪୪ ବର୍ଷୀୟ ନାଗରିକଙ୍କୁ ଟିକା ନିଜେ କିଣିବାକୁ ହେବ । ତେବେ ଅନେକ ରାଜ୍ୟ ସମସ୍ତଙ୍କୁ ମାଗଣା ଟିକା ଦେବାକୁ ଘୋଷଣା କରି ସାରିଛନ୍ତି ।